سلفتى كانت عزمانا على الغدا عندها على الرغم أننا فى بيت العيله وبعد الغدا لقيت جوزى طلب منى قصاد كل اللى قاعدين انى ادخل انضفلها المطبخ بحجه انها تعبت فى الغدا
بعد ما الكل خلص الأكل، وساد صمت هدوء ما قبل العاصفة، يامن اتسند بضهره لورا وبص ل سمية بنظرة خالية من أي تقدير، وقال بصوت عالي سمّع الصالة كلها
يامن يا سمية.. قومي يا حبيبتي شطبي المطبخ لسلفتك، الست كفت ووفت، مش معقول بعد التعب ده كله تقف تغسل مواعين كمان.. ردي لها الجميل وقومي كملي أنتِ الحتة الباقية.
سمية بصدمة وهي بتبص للكل بس يا يامن إحنا في بيت عيلة، وكلنا بنشيل مع بعض، وبعدين أنا لسه مخلصتش شربي..
يامن مقاطعاً بحدة مافيش بس! شوفي الأكل اللي أكلناه ده، شوفي الطعم والنفس.. ده الواحد بقاله سنين مكلش لقمة تفتح النفس كدة.
وفجأة،
وبحركة خلت الكل يسكت تماماً، يامن مال على سلفتها هدى اللي كانت قاعدة جنبه، ومسك إيدهاا قدام سمية وقدام أهله كلهم، وطبطب عليها بحنية مبالغ فيها وهو بيقول
يامن تسلم إيدك يا أم ليلى، بجد والله رفعتي راسي.. الواحد بياكل لقمة من إيدك يحس إنه بياكل أكل بيوت بجد، مش زي نواشف البيت عندي اللي قطعت خلفي.. اتعلمي منها يا سمية، اتعلمي إزاي الست تخلي جوزها ميطقش ياكل بره بيتها.. قومي بقى يالّا على المطبخ، وخلي البركة تحل عليكي من ريحة طبيخها!
السكوت كان سيد الموقف، وعيون سلفتها كانت بتلمع بانتصار وهي بتبص ل سمية اللي كانت حاسة إن الأرض بتلف بيها من كتر الإحراج والقهر.
دخلت سمية المطبخ وهي بتجر رجليها بالعافية، الدموع محبوسة في عينيها وصوت يامن وهو بيمدح في سلفتها وبيرخص فيها قدام الكل لسه بيرن في ودنها.
كانت عايزة تخلص المواعين بسرعة عشان تهرب من نظرات الشماتة اللي شافتها في عيون هدى.
بدأت تلم الأطباق، وبصت ناحية الزبالة عشان تفضي بقايا الأكل، لكن عينها وقعت على حاجة غريبة.. شنط بلاستيك كتير مركونة ورا باب المطبخ الموارب، وعليها لوجو مطعم المشويات والحلويات الشهير اللي في المنطقة.
قلبها دق بسرعة، مدت إيدها وسحبت الشنط، لقت علب بلاستيك فارغة لسه فيها آثار المحشي والبط اللي يامن كان بيتحاكى بطعمه. غلي الدم في عروقها وهي بتنبش في الشنط، لحد ما لقت اللي مكنتش تتخيله.. الفاتورة.
مسكت الورقة بإنفعال وبدأت تقرأ بطة مشوية، 3 كيلو محشي مشكل، ممبار.. وعينها نزلت تحت خالص عند خانة الاسم والمبلغ..
الاسم الأستاذ يامن
طريقة الدفع كاش.
وقفت سمية مكانها والذهول ملجم لسانها. يامن مش بس كان عارف إن الأكل
جاهز، ده هو اللي شاري الأكل بنفسه ودافعه تمنه، وعامل التمثيلية دي كلها مع سلفتها عشان يكسر بختها ويقلل منها قدام أهله!
وبصت على المطبخ اللى بقاله شهر ماتنضفش والبوتاجاز مليان دهون والنمليه مش عليها مكان فاضى وكل الاطباق بتاعت المطبقيه فى ابحوض والحلل كلها مركونه تحت الحوض مش نضيفه
المفروض إن جوزها جايبها تخدم سلفتها وتنضفلها مطبخ بقاله شهر محدش مد ايده فيه
في اللحظة دي، دخلت هدى المطبخ ببرود وهي بتعدل غوايشها وقالت بصوت واطي ومستفز
هدى ها يا سمية، خلصتي ولا لسه؟ يامن مستني بره عشان ياخدك ونقعد كلنا سوا، أصل القعدة من غيره ملهاش طعم.
سمية لفت ليها ببطء، وهي ضاغطة على الفاتورة في إيدها لحد ما الورقة اتكرمشت، وبصت لها بنظرة خالية من أي خوف وقالت بصوت هادي ومرعب
سمية لا يا هدى، القعدة لسه هتحلوّ
دلوقتي..
بس قولي لي، هو يامن دفع الفاتورة دي دليفري ولا راح جاب الأكل بنفسه عشان يلحق سخن ويقول عليه نفسك في الأكل
قربت هدى من سمية بخطوات بطيئة ومستفزة، وعينها بتلمع بنظرة حية كانت مدارياها طول السنين اللي فاتت. وقفت قصادها بالظبط، لدرجة إن سمية كانت سامعة صوت نفسها المكتوم، وهمست بصوت واطي زي الفحيح
هدى انتي فاكرة الورقة دي هتهزني؟ ولا فاكرة إن يامن عمل كدة عشان سواد عيوني في الطبيخ؟
ضحكت ضحكة صفراء قصيرة كملت بعدها بقسوة
هدى انتي متعرفيش إن أنا ويامن كنا بنحب بعض قبل ما أنا أتجوز أخوه المرحوم؟ يامن كان ليا قبل ما يكون ليكي.. ولما أخوه غار في داهية ومات، يامن رجع يحن للأصل.. رجع ليا أنا يا سمية.
سمية كانت واقفة مذهولة، الورقة بتترعش في إيدها والواقع بيتهد فوق كامله على صفحتى قصص وروايات
أمانى سيد دماغها، وهدى كملت وهي بتغيظها أكترهدى يامن بيعمل المستحيل عشان يراضيني، الأكل ده هو اللي نزلت جابه بنفسه ونقاه صنف صنف عشان سفرتي تشرفني.. وأزيدك من الشعر بيت؟ هو اللي طلب مني يخليكي تدخلي تنظفي لي المطبخ النهاردة، قالي بالحرف لازم تعرف مقامها، ولازم تخدمك في بيتك زي ما أنتي ست الكل. يامن بيحبني يا سمية، وجايبك النهاردة خدامة عندي عشان يثبت لي غلاوتي عنده.. شفتي بقى مين فينا اللي النفس عندها أحلى؟خبطت هدى بإيدها على كتف سمية ب منتهى الاستحقار وسابتها وخرجت للصالة وهي بتنادي بصوت عالي وناعمخرجت هدى من المطبخ وهي بتكتم شهقة بكاء مزيفة، ومغطية وشها بإيدها كأنها بتداري دموعها، وجريت ناحية الصالة والكل قاعد بيشرب الشاي. يامن أول ما شافها كدة، قام من مكانه مفزوع وسحبها من إيدهايامنبقلق في إيه يا هدى؟ مالك يا أم ليلى؟ حد ضايقك جوه؟هدى بصوت متقطع ومبحوح من العياط لا يا يامن.. محصلش حاجة، معلش أنا اللي حساسة شوية.. أنا كنت داخلة أساعدها، لقيتها بترميني بالكلام وبتقولي إني ست مهملة ومبفهمش في الطبيخ، ورمت الأطباق في الحوض وقالتلي أنا مش خدامة عندك ولا عند اللي جابوكي!يامن عروق وشه برزت والدم غلي في عروقه، وبص ناحية باب المطبخ وهو بيجز على سنانه. وهدى كملت الوصلة بذكاءهدى وشتمتني يا يامن.. شتمتني وقالت كلام ميتسكتش عليه في حق أخوك الله يرحمه وحقي.. وقالتلي إنك بتعمل كدة عشان تجاملني بس، وإنك في البيت بتقول عليا كلام وحش.. أنا مصدومة فيها يا يامن، ده أنا فاتحالها بيتي وبقول دي أختي!يامن بصوت هز البيت كله سميةااااااااااا! اطلعيلي هنا حالاً!في اللحظة دي، خرجت سميةمن المطبخ وهي ماسكة الفاتورة ومخبياها ورا ضهرها، وشايفة يامن وهو وشه أحمر زي النار، وماسك إيد هدى بيطبطب عليها قدام أبوه وأمه اللي بدأت نظراتهم لسمية تتحول لغضب ولوم.يامن بصراخ وهو بيقرب من سمية بقى بتمدي لسانك على ست الكل؟ الست اللي أكرمتنا وشرفتنا قدام أهلي؟ قوليلي فوراً إيه اللي قولتهولها جوه، وإلا والله ما هعديلك الليلة دي على خير!بس يا يامن، أنا مقولتش حاجة وحشة، هي اللي..يامن مقاطعاً بحدة وصراخ مسمعش صوتك! أنتي فاكرة نفسك مين؟ دي هدى، دي أم ليلى، دي الغالية بنت الغاليين.. أنتي متجيش ضافر في إيدها! شفتي الكرم؟ شفتي النفس في الأكل؟ شفتي النضافة؟ اتعلمي منها بدل قلة الأدب!وفجأة، وبحركة مسرحية خلت الكل يسكت تماماً، يامن لف ل هدى اللي كانت قاعدة بتعيط بدموع تماسيح ومخبية وشها.مسكيامن إيدها الاتنين، قدام سمية وقدام أهله كلهم، وطبطب على كفها بحنية مبالغ فيها وهو بيبص لسمية بنظرة احتقار وقال بصوت عالي
يامن معلش يا أم ليلى، حقك عليا أنا.. سمية مكنش قصدها، هي بس لسانها طويل شوية ومحتاجة تتربى من جديد.. أنتي ست الكل، وأنتي البركة في البيت ده كله، ومحدش يقدر يزعلك طول وأنا عايش.
لف يامن لسمية وكمل وهو بيجز على سنانه
يامن سمية! قومي فوراً بوسي راس هدى واعتذري لها قدام الكل، وإلا والله ما هتدخلي بيتي الليلة دي!
الحما والحماة واقفين مذهولين، وسيف سلف سمية ملامحه مبقاش فيها أي تعاطف، وهدى بصت لسمية من تحت إيد يامن بابتسامة نصر صفراء وقالت بنبرة مسكنة
هدى لا يا يامن، متزعقش فيها عشاني.. أنا مسامحاها، أصل أنا عارفة إنها غيورة شوية..
وقفت سمية في نص الصالة، ونظرات الاحتقار
من يامن لسه بتجلدها، وإيد هدى اللي في إيده كانت القشة اللي قطمت ضهر صبرها. يامن كان مستنيها توطي وتبوس راس هدى، لكن سمية رفعت راسها ببرود غريب، وضحكة سخرية مريرة طلعت منها خلت الكل يتنفض في مكانه.سمية بصوت ثابت ومزلزل أبوس راسها؟ وأعتذر لها؟ على إيه يا يامن؟ على كدبها ولا على خيبتك أنت اللي جايبني هنا تذلني قدام أهلك عشان ترضي حبك القديم؟يامن وشه جاب ألوان، ولسه هيفتح بوقه يزعق، سمية قطعت عليه الطريق ورمت الفاتورة في وشه بقوةسمية خد.. اقرأ يا سيد الرجالة.. اقرأ الفاتورة اللي باسمك والتاريخ بتاع النهاردة! دي ست الكل اللي بتبوس إيدها عشان نفسها في الأكل؟ دي اللي كامله على جروبه الكاتبه المميزه أمانى سيد كفت ووفت بفلوسك ومن المطعم اللي على ناصية الشارع؟يامن مسك الورقة وهو بيترعش، والحماوالحماة قربوا بذهول يقرأوا معاه. الصمت كان مرعب، وهدى ملامحها اتخطفت وبقت بيضة زي الورق، لسانها اتلجم وهي شايفة كدبتها بتتكشف قدام حماها وحماتها.سمية وهي بتبص لهدى بقرف والله برافو يا هدى.. لعبتيها صح، كدبتي ولبستي وش المسكنة، وخليتي جوزي يشتري الأكل عشان تظهري أنتي الست الشاطرة وأنا المهملة. بس نسيتي إن حبل الكدب قصير، والشنط والفاتورة فضحوكي في مطبخك!هدى حاولت تلم الدور بسرعة، وقربت من يامن وهي بتعيط بجد المرة دي من الخوفهدى يامن.. متصدقهاش.. دي أكيد هي اللي طبعت الورقة دي عشان توقع بيننا.. أنا.. أنا والله تعبت في الأكل..سمية مقاطعة بصرامة تعبتي في إيه؟ في رص العلب؟ ولا في الهمس اللي قولتيهولي في المطبخ عن حبك ليامن قبل ما تتجوزي أخوه؟ قولي لهم يا هدى.. قولي لعمي وحماتي إنك قولتليإن يامن ليكي قبل ما يكون ليا، وإنك جايباني هنا عشان أبقى خدامة عندك بمزاجه!يامن وقف مكانه زي الصنم، الفاتورة في إيد، ونظرات أبوه القاسية بتحاصره من ناحية تانية. الحما بص ليامن وقال بصوت زي الرعدالكلام ده صح يا يامن؟ أنت شاري الأكل ده ودافع تمنه عشان تذل مراتك قدامنا وتعمل لهدى قيمة كدابة؟وقف الحما وسط الصالة، وبص ليامن اللي كان واقف مرتبك، ومد إيده سحب الفاتورة من الأرض وقرأها بتركيز، وبعدين بص لهدى اللي كانت بتبلغ ريقها بصعوبة.الحما بصوت رزين ومرعب الفاتورة صحيحة يا يامن.. والمطعم ده أنا عارفه.. أنت فعلت فعلة لا تليق براجل، تكسر بخاطر مراتك وتصغرها قدامنا عشان تمثيلية رخيصة؟يامن لسه هيتكلم، أبوه شاور له بإيده يسكتالحما سمية مش هتمشي من البيت ده.. سمية بنتي، وده بيتها قبل ما يكونبيتك.. اللي عملالعملة دي هو اللي يخرج.. اتفضل يا يامن، خد هدومك واطلع من البيت ده، مشوفش وشك هنا لحد ما تعرف قيمة الست الأصيلة اللي صانتك وصانت عرضك.
يامن بصدمة يا حاج بتطردني عشان خاطرها؟
الحما بطردك عشان خاطر الحق.. والهانم وهو بيبص لهدى بقرف تطلع شقتها ومشوفش رجلها تخطي عتبة الصالة دي تاني.. سمية، يا بنتي، حقك عليا أنا، والبيت بيتك.
بعد مرور شهرين نقطة التحول
الأمور مهدتش، سمية مكنتش قادرة تنسى نظرة يامن وهو بيبوس إيد هدى، ولا إهانته ليها. صممت على موقفها ورفعت قضية خلع، ورفضت كل محاولات الصلح رغم ضغط يامن اللي كان بيحاول يرجع عشان خايف من غضب أبوه مش حباً فيها.
في المحكمة
وقفت سمية بكل قوة، وحصلت على حكم الخلع. خرجت وهي حاسة إن جبل انزاح من على صدرها.
المفاجأة الصادمة
بعد العدة بأسبوع
واحد بس، انتشر الخبر في بيت العيلة زي النار في الهشيم.. يامن أعلن جوازه من هدى أرملة أخوه.الحما لما عرف الخبر، قفل بابه على نفسه ورفض يبارك لهم، واعتبر إن يامن مات بالنسبة له بعد ما أكد شقوق سمية وكشف إن القصة كانت متدبرة من زمان بينه وبين هدىسمية كانت بتلم باقي حاجتها من الشقة عشان تنقل لبيت جديد، قابلت يامن وهدى على السلم، هدى كانت لابسة فستان جديد وماسكة في إيد يامن بتباهي.هدى بابتسامة سم شوفتي يا سمية؟ في الآخر رجع لحضني.. اللي يخرج من القلب ميرجعلوش تاني، ويامن مكانه هنا.سمية بكل برود وهدوء مبروك عليكي يا هدى.. مبروك عليكي راجل بيشتري الحب دليفري بالفواتير، وراجل رخص بمراته قدام أهله عشان واحدة كدابة.. أنتوا الاتنين شبه بعض، والطيور على أشكالها تقع.. أنا خرجت من السجنده، وأنتي دخلتي فيه برجليكي.. بكرة تشوفي نفس يامن لما يمل من تمثيلك ويقرف من أكلك الجاهز.سابتهم سمية ونزلت السلم وهي بتضحك، ويامن واقف مكانه حاسس بتقل في قلبه، ونظرة هدى بدأت تتحول لقلق وهي شايفة إن النصر اللي حققته ملوش طعم قدام قوة سمية وشموخها.بعد مرور 6 شهور، الزواق اللي كان على الوش قشر، والتمثيلية اللي هدى رسمتها بدأت تنهار حتة حتة. يامن اللي كان فاكر إنه لقى ست الستات، لقى نفسه عايش في كابوس ريحته كمكمة وطعمه دليفري بايتدخل يامن شقة هدى اللي بقت شقته وهو مهدود من الشغل، كان متوقع يشم ريحة طبيخ، أو على الأقل يشوف الشقة مترتبة زي ما كانت سمية بتعمل. لكن أول ما فتح الباب، خبطت في وشه ريحة سجائر مخلوطة بمواعين مركونة بقالها يومين.يامن وهو بيكتم نفسه بقرف يا هدى! يا هدىأنتي فين؟ إيه الريحة دي؟ والمواعين واصلة للسقف ليه؟خرجت هدى من جوه وهي لابسة عباية مبقعة وشعرها منكوش، وماسكة الموبايل في إيدها ببرودهدى جرى إيه يا يامن؟ ما أنت عارف ليلى كانت تعبانة طول الليل ومنمتش.. وبعدين المواعين مش هتطير، هغسلها لما أروق.يامن وهي بيبص على السفرة والغدا؟ أنا ميت من الجوع.. عامله إيه النهاردة؟هدى بمنتهى البساطة والله مالحقتش أقف في المطبخ خالص.. بس كلمت مطعم المشويات اللي أنت بتحبه، زمانه على وصول.. اجهز بس وطلع الفلوس.يامن حس بنغزة في بطنه أول ما سمع سيرة المطعم، بقاله أسبوع عايش على أكل الشارع، وبطنه بدأت تصرخ من الزيوت والبهارات. قعد على الكرسي وهو بيفتكر سمية اللي كانت بتعمل له لقمة نضيفة وتخلي الشقة زي الفل وهي شايلة عيالها وما بتشتكيش.يامن بألموهو ماسكبطنه أنا تعبت يا هدى.. بطني مورتنيش النوم امبارح من أكل الشارع.. مش أنتي كنتي بتقولي نفسي وطبيخي؟ فين النفس ده؟ ده أنا مشفتكيش مسكتي معلقة من يوم ما اتجوزنا!
هدى بضحكة صفراء جرى إيه يا يامن؟ مش أنت اللي كنت بتقول تسلم إيدك وأنت عارف إنه جاهز؟ دلوقتي بقيت بتدقق؟ ما أنت اللي عودتني إن الفلوس موجودة والمطاعم قريبة.. وبعدين النضافة دي مجهود، وأنا صحتي على قدي.
وفجأة، يامن مقدرش يستحمل، وجري على الحمام وهو بيستفرغ كل اللي في بطنه، وحاسس بمرارة في حلقه مش بس من الأكل، لكن من المرارة اللي شربها بإيده لما ضيع سمية.
خرج من الحمام وشه أصفر زي الليمونة، لقى هدى قاعدة بتاكل من شنطة المطعم اللي وصلت، ولا كأن جوزها بيموت من الوجع. بص لها يامن بقرف وقال بصوت واطي
يامن سمية كان عندها حق.. أنتي فعلًا ست مهملة، ومعفنة في بيتك وفي نفسك.. أنا اللي كنت أعمى لما صدقت إن اللي بتبوس إيدها دي ست بيت، طلعتي
مقاولة دليفري وريحة شقتك تسد النفس.هدى وهي بتمسح بوقها ببرود والله يا حبيبي اللي مش عاجبه الباب يفوت جمل.. أنت اللي جيت ورجفت ورايا، وأنت اللي رخصت بمراتك عشاني.. فاشرب بقى الكاس اللي صبيته لنفسك، وقوم اغسل المواعين دي بالمرة لو الريحة مضايقاك!يامن رزع الباب وخرج للبلكونة وهو بيبص للسما، وحاسس إنه خسر كل حاجة أبوه، وكرامته، وسمية.. عشان وهم اسمه هدى.خرج يامن من شقة هدى وهو حاسس بخنقة في صدره، ريحة المواعين المركونة والهمال كانت لسه في مناخيره. وبدون تفكير، لقى رجله بتجره لحيّ هادي ونضيف، قدام بيت سمية الجديد اللي استقلت فيه بعد الخلع.أول ما وصل تحت البيت، استقبلته ريحة بخور عود ملكي نفاذة وجميلة، واصلة لحد الشارع، ريحة كانت دايماً بتميز سمية وبتحسسه بالراحة. بص لفوق، لقى بلكونتها مترتبة، والزرع فيها بيلمع، والستاير بيضاء زي القشطة بترفرف مع الهوا.طلع يامن السلم وهو قلبه بيدق بسرعة،خبط على الباب وهو بيبلع ريقه بصعوبة. فتحت سمية الباب، وكانت لابسة طقم شيك ومرتب، ووشها منور بابتسامة هادية اختفت أول ما شافته.يامن بصوت مهزوز وعين مكسورة سمية.. أزيك يا أم عيالي؟سمية ببرود وهي واقفة على الباب عايز إيه يا يامن؟ إيه اللي جابك هنا؟يامن وهو بيبص جوه الشقة وحشتني ريحة بيتك يا سمية.. وحشني النظام والنضافة والهدوء اللي كنت عايش فيه. أنا غلطت.. هدى طلعت ست مهملة ومعفنة، والشقة عندها بقت زي الزريبة، وبطني وجعتني من أكل الشارع اللي بتجيبهولي كل يوم.. أنا عرفت قيمتك يا أصيلة، ومستعد أعمل أي حاجة عشان ترجعيلي.سمية ضحكت ضحكة قصيرة مريرة جاي تقولي قيمتي لما بطنك وجعتك؟ لما شميت ريحة الوحش عرفت قيمة الحلو؟ أنت مجتش عشان بتحبني يا يامن، أنت جيت عشان عايز خدامة نضيفة تريحك من قرف هدى.يامن حاول يمسك إيدها، لكنها سحبتها بسرعة وبصت له بقرفسمية الريحة اللي أنت شاممها دي ريحة نضافتيأنا، وراحة بالي بعيد عنك وعن أهلك وعن هدى. البيت ده ملوش مكان ليك فيه.. وأزيدك من الشعر بيت عشان توفر على نفسك الكلام..طلعت سمية إيدها الشمال، وكان فيها خاتم خطوبة رقيق بيلمع تحت إضاءة الصالةسمية أنا اتخطبت يا يامن.. لراجل بجد، عرف قيمتي وأنا في عز وجعي، مش لما بطنه وجعته من أكل الدليفري. راجل بيحترم الست اللي معاه، ومبيسمحش لحد يقلل منها.. اتفضل بقى من غيرمطرود، عشان خطيبي زمانه على وصول، ومش حابة نكد وجودك يفسد ريحة البخور اللي في البيت.يامن بصدمة وذهول خطوبتك؟ بالسرعة دي؟سمية دي مش سرعة، ده ربنا لما بيعوض، بيعوض صح.. والباب يفوت جمل يا يامن، روح لست الكل بتاعتك تغسلك المواعين، مبروك عليك هدى، ومبروك عليا حياتي الجديدة.رزعت سمية الباب في وشه بكل قوة، وسابته واقف على السلم، شامم ريحة البخور اللي بتفكرة بخيبته، وسامع صوت ضحكتها من جوه وهي بتستقبل حياتها الجديدة، وهو ملوش فيها مكان.تمت بقلم امانى سيد
