رواية رجل بلا اسم الفصل الثاني 2 كامل بدون حذف | بقلم ريم محمد
_نزولك هسيبب مشكلة دا اول ما تشوفك هيجيلها سكتة قلبية بتعاملك دا، انت عملي اوي وحياتك كلها شغل
_لو معجبتنيش هشوف وحدة اجنبية
*ركبت الحصان وانا فرحانة جدًا، حسيت بحريتي خالتو قاعده مع بناتها والولاد ساكنين الفتره دي برا
وكل دا وانا مركزة مع الحصان وبركبه بمهارة عالية، لاقيت يامن ابن خالتي واقف هناك وبيراقبني!
اتخضيت ونزلت ودخلت جوا*
*اتجمعنا كلنا على الاكل ولاقيته بيحاول يفتح معايا حوار*
_أنتِ خلصتِ كلية؟
_اه هحضر حفلة التخرج بس
_كويس جدًا، نورتي أستراليا ان شاء الله هفسحكم فيها القارة الصغيره جدًا هتعجبكم جدًا
_ان شاء الله، يلا دلوقتي افسحكم
*لبسنا وخرجنا كلنا ولفينا بالعربية*
_هوديكم ان شاء الله حديقة بورت كامبل المرة الجاية
^^^^^^^^^^^^^^^^^^^^^^^^^^^^
*روحت البيت ولاقيت اتصال من جدو، رنيت عليه وكلمته وقال*
_وصل مصر، هيجي ياخدك من استراليا
_أنت بتتكلم جد يا جدو؟
_امال بهزر، يوسف هيجي ياخدك أنتِ وعائشة
_ياخدني؛ دا اللى هو ازاي وليه وبصفته مين بقاله ست شهور برا مفكرش يسأل فيا ولا حتى صوته سمعته،معرفش اتخطبت له ليه اصلا
انا مش راجعة معاه
_ماشي يا نور مترجعيش وعلميه الادب
_دا اللى هيحصل ان شاء الله
^^^^^^^^^^^^^^^^^^^^^^^^^
*قررت هكمل رحلتي فى استراليا واروح حديقة بورت كامبل
بس حسيت يامن مركز معايا بطريقة غريبة، معرفش ليه وبيدقق فى ملامحي جامد بتحرج اقف قدامه
وبحاول اتجنب التعامل معاه*
*معرفش ليه اغلب الرجالة عندهم حول المفروض أني مخطوبة، بس لا الحول فى خطيبي دا مفكرش يلبسني دبلة حتى!
اتعرف اني مخطوبة*
*طلعنا الحديقة وكانت تحفة فنية احتضنتها الطبيعة، والشمس ساطعة بألوان دهبية منظر بديع عايز يترسم بجد بس للاسف مبعرفش ارسم نهائي*
*قعدت انا وعائشة ويامن جبلنا ايس كريم، وخالتو وبناتها الاتنين قعدوا انما عمار ابنها التاني دا لسه مشفنهوش لحد دلوقتي، وفرشنا وقعدنا فى الحديقة دي*
*واندمجنا وكنت فرحانة اوي بالاجواء المُنعشة دي وحسيت بحاجة جميلة بعيدًا عن الضغط واخيرًا اتخرجت من الكلية حسيت اني بقيت فاضية مواريش اى حاجة *
*لاقيت يامن بيستأذن يقعد معانا! *
_ممكن اقعد معاكوا؟
*عائشة اتكلمت وهي واقعة من الدور العاشر فى حبه، بتحبه من زمان كانوا نزلوا مصر مرتين*
_اه اقعد هتشرفنا
_انتي خلصتِ كلية يا آنسه عائشة
_اه ما انا زميلة نور
_تحبوا تروحوا السينما؟، بتحبّي الخيال العلمي يا نور
*اتخضيت لما لاقيته عارف أنّي بحب النوع دا من الافلام عرف ازاي؟ *
_اه بحبّه، بس عرفت ازاي
_عملت بحث عنك قبل ما تيجي
*حسيت عائشة اضايقت لانه مطنش وجودها كأنها هوا!، حاولت اشاركها فى الحوار عشان متحسش وكأنها متهضدة! *
_عائشة برضو بتحب الخيال العلمي
_بس بحب الرومانسي اكتر
_خلاص نسمع مرة فيلم كدا ومرة فيلم كدا؛نبدأ بالخيال العلمي
_تمام معنديش مشكله، بس مش دلوقتي عايزه اروح
*روحنا البيت وانا تعبانة من كتر الإرهاق واللف، كنت عايزة بس اشوف السرير، نمت محستش بنفسي غير على رسالة من رقم غريب*
_مساء الخير
_مساء النور، مين معايا؟
_انا خطيبك يا هانم ياللي بتلفي فى استراليا من غير أذني
_هه، لسه فاكر ان ليك حد، بس مش بينا اى حاجة متفكرش نفسك بالنسبالي حاجة انت ولا حاجة
_ولا حاجة! انا هعرفك يا نور
_تعرف مين مفكر نفسك مين يعني ملكش اى حق عليّ خالص ولا فى اى حاجة تربطنا سوا
*قفلت الشات، ونمت وانا مضايقة من طريقة كلامه واسلوبه الوقح دا*
^^^^^^^^^^^^^^^^^^^^^^^^^^^
_يعني ايه يا جدو تسافر من غير ما تقولي
_انت بقالك سبعة وعشرين سنة برا وست شهور خاطبها مسألتش فيها وانا سايبك براحتك
_يا جدو أنت عارف اللى فيها احنا متفقين على اتفاق بلاش نخلف بيه
_ربنا يهديك يا يوسف، بس متنساش نور عربية مش أجنبية
_انا اجنبي ومتربي برا
*طول عمرك عنيد زي والدك، تربية برا للاسف*
*صحيت الصبح واتفاجأت بيامن فى المطبخ!، فضل انهاردا فى البيت!
استغربت انه فضل صراحة مكنتش متوقعة كدا نهائي، الكل صحي واتجمعنا ولاقيته حط قدامي بيض اومليت على شكل قلب!
كنت محرجة اوي مكسوفة مرضتش اكله الا لما خالتو أصرت عليّ*
قراءة رواية رجل بلا اسم الفصل الثالث 3 كامل بدون حذف | بقلم ريم محمد
لا تفوت تكملة رواية رجل بلا اسم الفصل الثاني 2 كامل بدون حذف – الفصل التالي بانتظارك.
رواية رجل بلا اسم كاملة بجميع تفاصيلها
رواية رجل بلا اسم كاملة بجميع الفصول، تجربة قراءة سلسة ومريحة عبر جميع الأجهزة.
