رواية رجل بلا اسم الفصل الثالث 3 كامل بدون حذف | بقلم ريم محمد
تم تحديث الفصل بتاريخ 2 مارس 2026
*عائشة اضايقت بصتلها بطرف عيني بمعنى مليش ذنب، بحب دماغ عائشة واسعة ومتفهمة الامور وعارفة ان دي حاجه خارجه عن ارادتي*
*اكلت على استحياء وحبيت ادوقهم القهوة بتاعتي، اكيد هتعجبهم القهوة دي ومن ايدي كمان حاجة تانية *
*لاقيت يامن انبهر بيها، معرفش ليه مهتم بيا كدا! *
*عائشة طلعت مع البنات برا وفضلت وكمان يامن طلع فضلت انا مع خالتو*
_بقالك ساعة بتدور عليها، ما ترن تعرف هي فين يا يوسف
_لا لازم اعرف بنفسي هي فين، لو هلف استراليا كلها
_خليك هتفضل تلف كتير
_عرفت هي فين
*اندمجت فى الكلام معاها، الباب خبط قومت افتح، لاقيت راجل غريب! *
_مين حضرتك؟
_نور صح، أنتِ بقي خطيبتي اللى ملبستهاش دبلة؟
*لاقيت هيسلم عليّ، بعدت عنه اتصدمت دا المفروض خطيبي!
اول مرة فى حياتي اشوفه
مش مصدقة انه قدامي عمري ما شوفته نهائي، وقفت متنحة كدا ومصدومة ومش مستوعبة اصلا
فكرة انه جه، وكمان جه استراليا! *
_اتفضل يا بني، انت مين؟
_انا يوسف خطيب نور جي اخدها
*لاقيت خالتو زعلت ووشها اتغير مكنتش متوقعة انه هيجي*
*شكله يخوف، طويل وله عضلات وعيونه لونها ما بين البني والخضرا
خوفت من شكله وانا جمبه مجيش حاجة، دخلت الأوضة وسبته قاعد برا، مخضوضة منه*
_يعني يا نور سيباني برا ورايحة تقعدي فى الاوضة!
_اهدي يا بني كدا متتعصبش، استني لما اعملك حاجه تشربها
*قعدت في الاوضة مخضوضة ومش مستوعبة الفكرة، دا يوسف اللى بقالي ست شهور مخطباله مفكرش مرة يكلمني!، وبيتعامل عادي كدا كأنه يعرفني! *
*رنيت علي جدو، اكلمه*
_ايوا يا جدو، انا مش راجعة مع البني آدم دا انا خايفه منه
_عملك حاجه يا نور؟، في ايه خضتيني
_شكله يخض يا جدو انا مش واصلة
كتفه اصلا، واول مره في حياتي كلها اشوفه، ارجع معاه ازاي
انا اكرملي يامن يروحني أحسن
_اهدي يا نور أنتِ أقوى من كدا، أنتِ أدها يا حبيبة جدو
_يا جدو مش عيزاه
_هنشوف الموضوع دا بعدين
_نور، افتحي يا نور مبحبش اسلوب التجاهل دا
*فضل يخبط وانا مخضوضة مش قادرة اشوفه، بحاول استوعب الفكرة صعبة*
*قعدنا اكلنا ويوسف مشلش عيونه من على يامن نظراته غريبة له، عروق عيونه حمرا وعروق ايده هتطق وبيهز رجله، فجأة بصلي نزلت راسي تحت علطول*
_هتوصلهم انت؟!
_ويخصك فى ايه، خطيبتي وجي اخدها
_دي اول مرة تشوفها مفكر نفسك مين
_بلاش تحاول تعصبني؛ عشان متعصبش عليك
_لا جرب اتعصب كدا، شوف بقي هيحصل ايه
*اتكلمت بصوت عالي وقولت *
_كفاية خناق بقي، يلا يا عائشة عشان نمشي
*سلمت على خالتو وبناتها، ولغز يامن عرفته، لسه لغز اللى المفروض خطيبي دا، ركبنا معاه في العربية بس ركبت ورا مركبتش جمبه*
*بس لاقيته غير طريق البيت! *
_انت بتعمل ايه دا مش طريق المطار
_هتشوفي يوسف الحقيقي يا نور
_أنت اتجننت!
_متخلنيش اتعصب بحاول أكون هادي عشان جناني ميطلعش عليكوا
*عائشة اتكلمت بندفاع وقالت*
_بتتشطر على ستات!، ما توزن كدا الكلام
*لاقيته على السُرعة ومش حاسس بنفسه مجاش فى دماغي غير اني ارن علي يامن دا اتجنن بجد مبقاش عنده عقل ولا ايه! *
_أنت حصل لدماغك حاجه؟؟
_هنفضل فى استراليا يا نور
_استراليا مين اللي نفضل فيها!، وليه اصلا
_عشان تعرفيني كويس
_وان شاء الله هتقعد فين انت
_معاكوا
_مع مين يا عينا!، اللى هو ازاي دا مينفعش طبعًا انا هرجع مصر هفضل فى استراليا ليه
_هأجركلم بيت، وانا هفضل فى فندق لحد ما احب نرجع هنرجع
_انت اصلا مش خطيبي انا فشكلت الخطوبة، ومفيش شبكة اساسًا متفشكلة من الاساس
_ومين قالك اني موافق على الحوار دا!
_عنك ما وافقت مش بمزاجك أنت
قراءة رواية رجل بلا اسم الفصل الرابع 4 كامل بدون حذف | بقلم ريم محمد
استكمل الحكاية في رواية رجل بلا اسم الفصل الثالث 3 كامل بدون حذف عبر الفصل التالي.
رواية رجل بلا اسم كاملة قراءة مباشرة
رواية رجل بلا اسم كاملة بجميع الفصول، تجربة قراءة سلسة ومريحة عبر جميع الأجهزة.
