تُعد روايه ولقيتك حبيبي كاملة من الفصل الثاني بقلم ملك إبراهيم واحدة من الروايات الرومانسية التي لاقت إعجاب عدد كبير من القراء، لما تحمله من أحداث مشوقة وتفاصيل عاطفية تجذب القارئ من أول لحظة.
تستكمل رواية ولقيتك حبيبي أحداثها بداية من الفصل الثاني، حيث تتطور العلاقة بين الأبطال بشكل ملحوظ، وتبدأ المشاعر الحقيقية في الظهور وسط صراعات وتحديات تزيد من إثارة القصة وتشويقها.
وقد ازداد البحث مؤخرًا عن روايه ولقيتك حبيبي كاملة وولقيتك حبيبي الفصل الثاني لما تحتويه من تطورات درامية تجعل القارئ متشوقًا لمعرفة ما سيحدث في الفصول التالية.
إذا كنت تبحث عن روايه ولقيتك حبيبي من الفصل الثاني كامل أو ترغب في متابعة جميع الأحداث بالتفصيل، فستجد هنا في موقع حكايتنا حكايه عرضًا منظمًا للفصول مع سرد ممتع يضمن لك تجربة قراءة مميزة.
روايه ولقيتك حبيبي كاملة من الفصل الثاني كامل | بقلم ملك إبراهيم
روايه ولقيتك حبيبي
رواية ولقيتك حبيبي كاملة
الفصل الثاني من رواية ولقيتك حبيبي
أحداث الرواية
#الحلقة_الثانية
دخل ظابط زي القمر وقال ل امين الشرطة: مالهم دول يا امين؟
رد امين الشرطة: دول جاين في خناقه والأستاذ عايز يعمل محضر للاستاذة يا باشا.
الظابط قال: طب هاتهم على مكتبي.
ودخل وإحنا دخلنا وراه..
كان قاعد على مكتبه وهيبته ماليه المكان.
سامر اتكلم الاول وقاله: ياباشا دي ضربتني وهي بتقرئلي كوباية العصير.
الظابط استغرب وقال: يعني ايه بتقرئلك كوباية العصير؟
بصيت انا للظابط وقولتله: يا باشا انا بعترض علي كل اللي هيقوله ومش هتكلم غير في وجود المحامي بتاعي.
الظابط استغرب اكتر وقال: هو انتوا شاربين حاجة ؟
رد سامر وهو هيعيط: لا والله يا باشا انا مشربتش حاجة..
هي اللي شربت العصير ومش عايزة تحاسب عليه؟
الظابط هز راسه وقال: اااه..
يعني انت صاحب كافيه والانسه مش عايزة تحاسب؟
انا ضحكت وقولتله: صاحب كافيه ايه يا باشا!!
دا مش لاقي ياكل؟
سامر اتعصب وقال: ماما فعلا كان عندها حق لما قالتلي اسيبك..
تعرفي..
ناهد بنت خالتي برقبتك..
على الاقل رقيقه ولطيفه ومش شريرة زيك.
رديت عليه بملل: بس يا بتاع ماما.
الظابط ضحك وقال: واضح ان الموضوع عائلي..
انتوا مخطوبين؟
رديت عليه: كنا!..
ربنا يسامحها عمتي هي إللي عملت فيا كدا.
الظابط هز راسه وقال ل سامر : الموضوع اللي بينكم دا عائلي ومش مستاهل محضر..
محضر يعني نيابه ومحامي ومصاريف.
سامر اول لما سمع كلمة مصاريف خاف وقال: لا مصاريف إيه..
انا مش قد مصاريف محامي..
هي تحاسب الكافيه اللي كنا فيه وانا متنازل عن الضربه اللي ادتهالي بالكوباية.
الظابط هز راسه بصدمة وهو مش قادر يستوعب شخصية سامر..
وقاله: ماشي..
هدفعلكم انا فلوس الكافيه اللي انت عامل مشكله عليها..
كدا مشكلتكم هتتحل؟
سامر هز راسه وقال: اه يا باشا وانا متنازل عن حقي.
خلصوا المحضر وسامر مشي من القسم وانا كنت قاعده واول لما مشي قومت وقولت للظابط: أتفضل دي الفلوس بتاع الكافيه.
الظابط بص لي بدهشة وقال: خلاص انا هدفعها وبعدين دا مبلغ بسيط مكنش محتاج كل دا!
تقدري تمشي دلوقتي والمحضر خلاص اتقفل.
شكرته ولسه بفتح الباب عشان اخرج من مكتبه لقيت اصوات ضر-ب نا-ر كتير والعساكر بتقول في هجـ ـوم علي القسم.
دخلت وقفلت الباب بسرعه وانا ببص للظابط بفزع وبقوله: في هجـ ـوم على القسم؟.
لقيته قام بسرعه وجهز سلاحه في ايديه واتحرك اتجاه الباب وهو بيقولي: استخبي تحت المكتب بتاعي.
وفتح الباب وخرج يرد على الهجـ ـوم وانا خايـفه وبقول في سري: معقول سامر إللي جايب ناس وراجع يتخانق معايا !
؟
بعد شوية الأصوات وقفت ومفيش اي حركة.
انا خوفت اكتر ومش عارفه اعمل ايه.
قومت من تحت المكتب ويارتني ما قومت.
لقيت ناس كتير واقعين على الأرض وفجأة ظهر واحد من ورايا لف دراعه علي رقبتي وحط المسـ ـدس في دماغي وقالي: متتحركيش.
ورفع صوته وقال: انا عايز اخرج من هنا حي..
سيبوني اخرج وانا مش هقتـ ـلها.
الظابط جه قدامنا وشافوا وهو بيهددهم بيا انا.
لقيته بيزعق لي وبيقولي: مش انا قولتلك متخرجيش من مكتبي؟
هزيت راسي بخوف وقولتله: انا خرجت أشوف إيه اللي بيحصل.
رد بغيظ: وشوفتي ؟؟
اللي كان بيهددهم بيا اتكلم وهو بيصوب السلاح اكتر على دماغي: سيبني اخرج يا باشا وانا مش هأذيها.
رد الظابط: انت عايز تعمل هجـ ـوم على قسم الشرطه وتطلع منه عادي كدا!
اتكلم اللي بيهددهم بيا: لو حد قرب مني هقـ ـتلها.
انا شهقت بخـ ـوف والظابط رد ببرود: اقتـ ـلها.
بصيت للظابط بصدمة وانا بقول بحروف متقطعه: يـقتـ ـلها مين؟
وبصيت للي بيهددهم بيا وسألته: هو قصده عليا انا؟؟
رد اللي بيهددهم بهز راسه يأكدلي انه يقصدني انا.
وبدأ يسحبني على برا القسم وهو حاطت السـ ـلاح في دماغي والظابط واقف بيضحك
بيضحك على ايه مش فاهمه..
وكان الشخص اللي بيهددهم دا واخدني ولسه هيخرج من القسم لقيت الظابط فجأة اتكلم وقاله: بقولك..
وقبل ما الشخص دا يستوعب خرجت رصـ ـاصه من سـ ـلاح الظابط وجت في الشخص اللي بيهددهم بيا وسابني ووقع والعساكر مسكوه.
خدت نفسي وكأني رجعت من الموت.
↚
الظابط بص لي وقال: تقدري تمشي دلوقتي.
والتفت هو ومشي علي مكتبه والفوضى اللي حصلت في القسم بدأت تتفض وعرفت ان اللي هجمـ ـوا على القسم دول كانوا جاين يهربـ ـوا الكبير بتاعهم من الحجز.
خرجت من القسم وانا بشكر ربنا اني لسه عايشه.
ورجعت علي بيت عمتي.
انا عايشه مع عمتي بقالي 9 سنين..
من بعد ما اهلي ماتوا.
اول لما دخلت لقيت جوز عمتي قاعد في الصالة وبيقول بسخرية: اهلا بالهانم..
بقيتي رد سجون؟
