تُعد روايه ولقيتك حبيبي كاملة من الفصل الثالث بقلم ملك إبراهيم من الروايات التي حققت انتشارًا كبيرًا بين القراء، لما تحمله من أحداث رومانسية مشوقة وتفاصيل درامية تجذب الانتباه.
في الفصل الثالث من روايه ولقيتك حبيبي تبدأ الأحداث في التصاعد بشكل ملحوظ، حيث تتكشف العديد من الأسرار وتظهر ملامح العلاقة بين الأبطال، مما يجعل القارئ متشوقًا لمعرفة ما سيحدث في الفصول القادمة.
وقد ازداد البحث مؤخرًا عن روايه ولقيتك حبيبي كاملة وولقيتك حبيبي الفصل الثالث كامل، نظرًا لتطور الأحداث بشكل سريع ومثير يجعل هذا الفصل من أهم فصول الرواية.
إذا كنت تبحث عن روايه ولقيتك حبيبي كاملة من الفصل الثالث كامل أو ترغب في متابعة باقي الفصول بقلم ملك إبراهيم، فستجد هنا في موقع حكايتنا حكايه كل التفاصيل بطريقة منظمة وسهلة القراءة.
روايه ولقيتك حبيبي الفصل الثالث
ملخص الفصل الثالث
أحداث روايه ولقيتك حبيبي
خرجت عمتي من المطبخ وهي بتزعق لي: ايه اللي انتي عملتيه في خطيبك دا يا سلمي ؟
بقي تضربيه في دماغه وتبهدليه كدا؟
مامته كلمتنا وقالت لنا كل شيء قسمة ونصيب.
هزيت راسي وقولت: انا من الاول قولتلكم ان دا مش راجل اصلا!
انا وافقت عليه عشان خاطركم بس.
اتكلم جوز عمتي باستهزاء: وايه مواصفات الراجل إللي آنتي عايزاه يا ست هانم؟؟
لتكوني فاكره نفسك بنت رئيس الوزرا واحنا مش واخدين بالنا.
وقام وقف وقال لعمتي بعصبيه: شوفي بنت اخوكي وعرفيها تعيش عيشة اهلها..
والعريس دا كانت تمسك فيه ب ايديها وسنانها..
هنلاقي فين شاب دلوقتي زيه وعنده شقة.
دخل جوز عمتي اوضته وقفل الباب وانا قعدت وانا مضايقه لان مفيش حد قادر يفهمني.
عمتي قعدت جنبي وقالت: اسمعيني يا سلمى..
احنا ناس غلابه وعلى قد حالنا..
وعايزين لك راجل ابن حلال يحافظ عليكي في بيته..
احنا مش هنعيش لك العمر كله يا بنتي!
انتي عارفه ان رمزي ابني كل شويه يبعتلنا عشان نسافر له السعودية ونعيش معاه هناك..
بس احنا مش عايزين نروح اي مكان قبل ما نطمن عليكي في بيت جوزك..
انتي امانة أخويا يا سلمي عايزة اطمن عليكي قبل ما اموت.
رديت عليها بحزن: ربنا يخليكي ليا يا عمتي..
بس انتوا مش فاهميني..
انا مش عايزة اتجوز اي واحد والسلام..
انا عايزة راجل يكون هو الامان والسند..
يحبني بجد ويخاف عليا وكأني بنته مش مراته.
عمتي مش مقتنعه بكلامي انا عارفه..
هزت راسها بعدم رضا وقامت دخلت أوضتها وقفلت الباب.
قعدت لوحدي افكر في حياتي ومستقبلي..
قرار الجواز دا اصعب قرار في الحياة..
لازم اكون مطمنه وحاسه بالامان مع الراجل اللي هتجوزه.
.........
اليوم خلص وبعدها بأسبوع لقيت عمتي بتقولي اننا معزومين على فرح ولازم اروح معاها.
انا طبعا كنت فاهمه هدفها..
وعارفه هي ليه مصممه إني احضر الفرح.
لبست فستان رقيق وروحت معاها واللي توقعته لقيته..
جيبالي عريس ومتفقه مع مامته انه يجي يشوفني في الفرح.
كنت قاعدة مضايقه والعريس زنان بطريقه صعبه..
بيتكلم 50 كلمة في الثانية.
عمتي ومامته قعدوا علي ترابيزة تانيه وهما فرحانين وشايفين اننا لايقين على بعض.
بس الحقيقه اني كنت مش قادرة استحمل الرغي بتاعه اكتر من كدا وسألته وانا حاطه أيدي علي دماغي: معاك حاجة للصداع ؟
دماغي هتنفجر.
رد بسماجه: أكيد من صوت الاغاني العالي.
بصيت له بغيظ وبصيت علي باب القاعه وأنا بحسب الدقايق والثواني عشان ارجع البيت وارتاح من الرغي بتاعه.
فجأة شوفت الظابط بتاع القسم داخل القاعه وكان لابس بادلة شيك وشكله حلو اوي.
تقريبا جاي معزوم على الفرح.
اما العريس اللي تبع عمتي وكان بيتكلم جنبي مفصلش كلام رغم اني مش مركزه معاه ومبقتش سمعاه اصلا!
فجأة لقيته مسك ايدي وانا مش واخده بالي.
اتخضيت وسحبت ايدي بسرعه وانا ببص له بغضب وقولتله: انت بتعمل ايه؟
رد وهو بيبتسم بسماجه: بمسك ايدك..
اصل انتي بصراحة عجبتيني وحاسس انك مكسوفه مني وعايز اقرب المسافات بينا عشان متتكسفيش.
قومت من قدامه وانا متعصبه ومش عايزة أعمل مشاكل عشان إحنا في فرح.
كنت لسه هتحرك من قدامه عشان اروح لعمتي واخدها ونمشي.
لكنه مسكني من دراعي وقال بوقاحة: إستني انتي رايحه فين؟
احنا لسه مكملناش كلامنا!
حاولت اسحب دراعي من ايديه لكنه كان بيضغط جامد وانا مش عايزة الفت الانتباه عشان متحصلش مشكله في الفرح بسببي.
وفجأة لقيت اللي ظهر قدامه واتكلم معاه بصرامة ترعب اي حد: شيل ايدك عنها..
...
يتبع
طبعا عرفتوا مين اللي ظهر قدامها 😂🙈
تفاعل حلو بقى على الحلقة وصلوا البارت لأعلى تفاعل دلوقتي عشان انزلكم حلقة هدية كمان💞💞
ملك ابراهيم
