رواية اسيرة حنانه الفصل الثاني 2 كامل | بقلم اسماعيل موسي
تم تحديث الفصل بتاريخ 5 أبريل 2026
مقدمة رواية اسيرة حنانه
لكل عاشقي الروايات رواية اسيرة حنانه لا تفوت أدب الشباب، حيث تأخذنا الأحداث تجعل القارئ يعيش المشهد وتدخله في عالم الرواية فورًا وتؤثر في القارئ بطريقة عميقة.
تفاصيل رواية اسيرة حنانه
وتتناول قصة اسيرة حنانه تركز على صراعات نفسية تدخل في صراعات داخلية وخارجية، تتصاعد الأحداث بشكل مثير تتضح الأسرار تدريجيًا ويجعل تجربة القراءة مشوقة للغاية ويعيش كل لحظة من أحداثها كما لو كان جزءًا منها.
مميزات رواية اسيرة حنانه
تقدم رواية اسيرة حنانه تجربة قراءة رائعة بسرد مشوق تأسر القارئ من أول فصل، بالإضافة إلى ذلك تصف تجارب إنسانية متنوعة وتشد اهتمام القارئ بشكل مستمر وتجعل تجربة القراءة أكثر متعة وإثارة.
ابدأ قراءة اسيرة حنانه الآن
لا تفوت الفرصة وابدأ قراءة رواية اسيرة حنانه للكاتب اسماعيل موسي بجودة عالية مع الاستمتاع بكل فصل ولتغوص في أحداث شيقة ومشوقة.
كيف تصل الينا
ابحث الآن في جوجل للحصول على الرواية: "رواية اسيرة حنانه حكايتنا حكاية"
المره دى عدت على خير لكن انا مش هسمح تشك فيها ولا تعاملنى بالطريقه دى
كنت مضايق جدا، لكن موقفى ضعيف، قلتلها انا عايزك!
قالت بعد إلى عملته ده؟
كل إلى همك ترضى رجولتك من غير اى أهتمام بمشاعرى ؟
المفروض تعتذرلى!
؟
حسيت ان الارتباك والخوف إلى كان فى نبرة نور تغير ١٨٠ درجه، بتتكلم بثقه وثبات
نور؟
انتى مقلتيش ليه ان والدتك تعبانه؟
نور باستغراب ماما تعبانه؟
انا كلمتها امبارح وقالت إنها كانت تعبانه
نور سكتت شويه وقالت، اه، نسيت
قلت فى بالى نسيتى؟
البنت دى مش سالكه طول فترة الخطوبه وانا حاسس بكده، بنت جميله وصغيره ايه الى يجبرها تتجوز صالونات؟
قربت منها احضنها هربت من بين ايديا دخلت اوضتها وهى بتقول من فضلك ما تحاولش تقرب منى لحد مت انسي الموقف الزفت إلى عملته معايا
من زعلى عملت كوباية شاى ودخنت سيجاره فى البلكونه
خلصتها ودخلت
وانا فى الصاله سمعتها بتتكلم فى الفون بصوت واطى برضه
وبتضحك كتير
قربت من باب الاوضه من غير ما تحس
سمعتها بتقول اه عارفه
انا بحاول اهو
يومين طيب مش هينفع دلوقتى
بعد كده سمعت هههههههه، متقلقش دا بقف كبير
غصب عنى صوتى طلع بتكلمى مين يانور؟
كنت واقف ورا الباب من بره
ردت بزعيق بكلم اخويا مدحت تحب تشوف وتسمع، تفضل اسمع المكالمه؟
قلتلها ان بستفسر، بطمن عليكي مش اكتر!
قالت نور بسخريه ،ممكن اكمل المكالمه يعنى؟
قلتلها ماشي
القصه للكاتب اسماعيل موسى
الكلمه إلى سمعتها بعد كده رنت فى ودانى
سمعتها بتقول، شفت بقا بكلمك بصفه رسميه
وضحكت ضحكه مايعه
بتكلم اخوها ازاي كده؟
وانا همنعها ليه؟
رنيت على مدحت اخوها لقيته انتظار وقتها لومت نفسي وسكت قعدت ادخن سيجار لحد صدرى ما اتحرق
خبطت على الباب كانت الساعه ١١ بالليل قلتلها انا نازل
الفون كان فى ايدها،
سألتنى هتتأخر؟
قلتها اه اصلى مخنوق شويه، فتحت الباب نطت من على السرير وباستنى فى خدي
استغربت طبعا
خرجت من الشقه ودماغى بتضرب حريقه، سبت الباب بتاع الشقه مفتوح
وتمنيت انها تنسي باب غرفتها مفتوح كان عندي خطه ونفسي تكمل
↚
علشان اقضى على الشك الى جوايا
بعد ساعه تليفونها كان فيها انتظار كنت برن عليها من رقم غريب
وتأكدت ان مدحت اخوها مش بيكلمها
رجعت على الشقه وانا بمشى زى الحرامى ناحية الباب
اتصدمت لما لقيت باب الشقه مقفول كده هضطر افتح بالمفتاح ونور هتحس انى وصلت.
.
.
.
.
فتحت الباب وان شاعر بالخيبه ان خطتى فشلت، الظاهر ان نور حويطه وذكيه اكتر مما اتوقع
رميت جسمى على الكنبه، كان نور أوضة نور مفتوح، بحركه عشوائيه قمت تانى وضغطت على اوكرة باب الاوضه وانا بقول ان وصلت يا نور
الباب كان مقفول من جوه زى ما توقعت، قالت حمد الله على السلامه
قلتلها افتحى عايز اتكلم معاكى شويه؟
سمعت دربكه جوه الاوضه وهى بتقول لحظه واحده
استنيت دقيقه لحد ما فتحت الباب، ببص ناحيتها
قالت اسفه كنت بغير هدومي، وشها كان ميك اب كامل
وكان فيه قميص نوم مرمي على السرير
ممكن تليفونك لحظه يا نور؟
قالت اه طبعا، لحظه واحده بس
قفلت النت واديتنى التليفون، ببص فيه مكنش فيه مكالمات صادره ولا وارده غير مامتها واخوها
صور ليها بفستان الفرح
بيجامة النوم
قمصان نوم مختلفه
انتى صورتى الصور دى امتى؟
وليه
اتوترت شويه، عروسه بقا يا ادهم متحرجنيش
عروسه؟
احنا لسه مدخلناش اصلا
اه، قول بقا ان دا كل إلى همك وكل شويه تعايرنى بيه
ما احنا مش هنفضل كده اخوات كتير يا نور؟
كدا فات تلت اربع تيام اعتقد دا وقت كافى جدا، مش كفايه مامتك جابت شيخ وفكرانى.
.
.
.
مربوط
انا مقدره كل ده والله يا أدهم بس اصبر شويه لحد ما اتأقلم على الوضع
احنا قدامنا العمر كله
بس انتى قلتى لوالدتك معرفش وكدبتى؟
كانت غلطه يا أدهم اوعدك متحصلش تانى مش هقول لماما على أسرارنا ابدا
بس احنا لازم نحاول يا نور انا مش هاكلك
نور بفزعه لا مش هقدر، مش هستحمل تلمسنى سيبنى شويه ارجوك
قلت فى سرى فيه حاجه غلط انا متأكد، نور وشها اتغير تانى
↚
مبقتش افهم تحولاتها
طيبه ولا خبيثه؟
متمرده ولا هاديه؟
أدهم انا هنام!
قعدت على السرير ،وانا هفضل انام بره كتير كده؟
انا كمان عايز انام هنا
نور بزعل نام انت هنا وانا هنام فى الصاله
ببرود قلتلها ماشي، اصلا عضمى اتكسر من نومة الكنبه
ماشي يا أدهم، نور خرجت لبره وقعدت فى الصاله
ابقى فرجيني هتكلمى اخوكى او الشخص ده ازاي بقا؟
قفلت باب الشقه وباب الاوضه مش بالساهل، نور حويطه ومخبيه حاجه
فضلت مستنى اسمع صوتها فى الفون محصلش، وقبل ما قلبى يطمن
بصيت من خرم الباب لقيتها شغاله رسايل على الفون
يابنت اللذينه!
؟
استنيت شويه بعدها خرجت فجأه ومشيت ناحيتها قبل ما تقفل الفون كنت عندها
سألتنى فيه ايه؟
هقعد معاكى شويه مش جيلى نوم
ورينى الفون بتاعك كده؟
انت هتفتش فيه يا أدهم تانى لسه شاكك فيه، انا قلتلك مش هقبل الوضع ده
هاتى التليفون يا نور!
نور سبتت عنيها عليا وقالت لا
اتصدمت، بتقولى لا لا ليه؟
نور بتحدى دا مش من حقك
لا حقى وهشوف الرسايل كمان كلها
نور بسخريه انت عبيط؟
احترمى نفسك وهاتى الفون قبل ما اخده بالعافيه
نور بعصبيه لا انت اتجننت بقا
هاتى، وقفت فى مكانى وانا مصر اشوف التليفون
نور رفضت حطته ورا ضهرها
خدته منها بالعافيه قعدت تزعق
افتحى الفون، الرقم السرى
نور بغضب مش هفتح، مش من حقك تطلع على أسرارى
اسرارك اهلا؟
افتحى الفون يا هانم قبل ما اجرجرك من شعرك
نور بتحدي انا بنت ناس يا أدهم مش جايه من الشارع وليا حقوق عليك
افتحى قبل ما اكسر عضمك!
نور، والله لو لمستنى مش هيحصل خير.
حاولت افتح الفون معرفتش، مسكتها من شعرها وجرتها ناحيتى
افتحى الفون انتى بتكلمى حد غيرى صح
كل حاجه اتكشفت افتحى الفون
نور لا مش هفتح
بكل قوتى لطمتها على وشها مره اتنين تلاته لحد ما بقها جاب دم
↚
افتحى هموتك
انت مجنون، بتشك في؟
فى مراتك، انا هعرفك ازاى تمد ايدك عليه
انا هفتحلك الفون وبعد كده مش هتشوف وشى تانى
خدت الفون منى وعيني عليها، مفيش ثوانى وسمعت صريخ الحقينى ياماما هيموتنى
يا بنت الو.
.
.
.
.
ضربتها بالقلم الفون وقع على الأرض واتقفل
انا هموتك فعلا يا نور
بيت حماتى قريب مننا، مفيش عشر دقايق بالعربيه، قلت قبل ما توصل ههريها ضرب والى يحصل يحصل
لكن الى حصل ان اخوها مفيش دقايق وخبط على الباب، كان فى مشوار قريب من الشقه ووالدته كلمته
فتحت الباب لقيته فى وشى، نور اول ما شفته قعدت تصرخ وتلطم
عايز يموتنى يا مدحت خنقنى
مدحت راح يقرب منى، قلتلها مكانك لو قربت مش هيحصل خير
اختك بتخونى
بطلب منها تفتح الفون اشوف الرسايل بترفض، اختك بنت الأصول
مدحت بص ناحية نور وسألها دا حقيقى يانور؟
الفون كان فى ايد نور، فوجأت انها ماسكه
قالت نور الفون اهو ورمت التليفون ناحيتنا
مدحت بهدوء وهو بيمسك الفون، اتفضل ابحث براحتك، لو طلع فيه حاجه انا هقتلها دلوقتى قدامك!
إنصدمت من ثقته وبرودة اعصابه، لسه حالآ من دقيقه كان ماسك فى خناقى وكنا هنضرب بعض!
عيونه متحديه، اطرافه مرتاحه، ثبات انفعالى ناجم من ثقه تامه
مسكت الفون وقلت، مقفول برقم سرى؟
مدحت مسك الفون وفتحه، قبل ما اسأل قال بنبره كلها مكر،.
كلنا فى البيت بنعرف نفتح فون نور معندناش أسرار
قعدت على الكنبه، فتشت الفون حته حته مفيش حاجه، كلها رسايل عاديه لوالدتها ومدحت ووالدها
قراءة رواية اسيرة حنانه الفصل الثالث 3 كامل | بقلم اسماعيل موسي
اكتشف الأحداث الجديدة في رواية اسيرة حنانه الفصل الثاني 2 كامل الآن بالفصل التالي.
اقرأ رواية اسيرة حنانه من البداية للنهاية
استمتع بقراءة جميع فصول رواية اسيرة حنانه كاملة من البداية للنهاية بروابط مباشرة وسريعة.
أعمال اسماعيل موسي الكاملة
اكتشف عالم القصص مع جميع روايات اسماعيل موسي الكاملة.
