رواية اسيرة حنانه الفصل الثالث 3 كامل | بقلم اسماعيل موسي
تم تحديث الفصل بتاريخ 5 أبريل 2026
مقدمة رواية اسيرة حنانه
نستعرض بين أيديكم رواية اسيرة حنانه واحدة من أبرز قصص الحب والمغامرة، حيث تأخذنا الأحداث وسط أجواء من الغموض والإثارة تأسر القلوب منذ اللحظة الأولى تترك أثرًا خالدًا.
تفاصيل رواية اسيرة حنانه
تسرد رواية اسيرة حنانه حول قصص متعددة الشخصيات تتعرض لمفاجآت غير متوقعة، تتصاعد الأحداث بشكل مثير تظهر العديد من المفاجآت ويجعل القارئ يعيش كل لحظة ويشارك الشخصيات مشاعرها.
مميزات رواية اسيرة حنانه
تقدم رواية اسيرة حنانه تجربة قراءة رائعة بأسلوب سردي جذاب تأسر القارئ من أول فصل، وتمتاز أيضًا تصف تجارب إنسانية متنوعة تلامس القارئ بشكل كبير وتجعل القصة لا تُنسى.
ابدأ قراءة اسيرة حنانه الآن
استمتع الآن بـ قراءة رواية اسيرة حنانه بقلم اسماعيل موسي أونلاين وتجربة الرواية كاملة لتستمتع بتجربة قراءة لا تُنسى وتغوص في تفاصيل القصة.
كيف تصل الينا
للعثور على الرواية بسرعة على جوجل: "رواية اسيرة حنانه حكايتنا حكاية"
بسرعه نزلت برنامج يجيب الرسايل المحذوفه من الواتس ملقتش حاجه
مدحت، ها لقيت حاجه؟
حسيت ان الدنيا بتلف بيا، انى صغير جدآ ونفسي اختفى، أخيرآ قلت مفيش حاجه!
مدحت بص ناحية نور وابتسم، بعدها بص ناحيتى، بنتنا مؤدبه واحنا واثقين فيها
شغل الشوارع والضرب ده تعمله على واحده تانيه
نور وبص ناحيتها، لمى هدومك انتى مكليش قعاد فى البيت ده
ولعت سيجاره ونور بتلم هدومها، بغلى من جوايا ومش عارف اعمل ايه؟
نور طلعت من الاوضه بتجر شنطتها قالت بسعاده انا جاهزه
سحبت سحبه من السيجاره، على فكره يا مدحت، اختك لسه بنت بنوت، من يوم الدخله رافضه انى المسها
مدحت بغضب، كفايك كذب بقا، متقول الحقيقه؟
ليه مش عايز تعترف انك ضعيف جنسيآ وان نور سترت عليك عشان متفضحكش قدامنا
اتحملت لأنها بنت أصول ودا كان جزائها
انا اسف انى أختى تسمع الكلام القذر ده بس لازم تعرف انى فى ضهرها وعارف كل حاجه
الكلام دا مش صحيح يا مدحت، اختك منعانى المسها
أدهم، كلمه واحده تانيه ومش هيحصل خير، هدخل فيك السجن
ضربتها، بهدلتها، شككت فيها كأنها واحده من الشارع
لكن انا هعرف اجيب حقها كويس
خد الشنطه من نور وجرها ناحية السلم وهى مشيت وراه، مشيت وراهم بحاول اعتذر لانى كنت غلطان، على اخر درجة سلم سمعت مدحت بيعاتب نور بصوت واطى كان واضح كده لكن مش سامع كويس، كلمه واحده سمعتها، احنا مش قولنا كفايه كده، لعب العيال ده تنسيه!
رجعت الشقه هولع من الغيظ، كسرت كرسى وطاوله، قذفت الأوانى وركلة فنجان قهوه
معقوله كل ده مجرد شك؟
نور بريئه وانا عندي وسواس؟
قعدت يومين أحرق سجاير لحد ما صدري ولع، حجزت جلسه عند دكتور نفسي عمل معايا اختبار وكانت النتيجه انى سليم مش مضطرب نفسيآ ولا عندى تخيلات
كلمة والد نور وقلتله انى هكون عندهم بعد الضهر وانى غلطان وبعتذر عن كل حاجه، والدها رفض لكن بعد اصرار وافق
خدت معايا ورد وهديه ورحت عندهم، كانو كلهم موجودين، سمعت كلام يسمم البدن، استحلمت صبرت، كلام مهين يتعلق برجولتى
بست راس نور، استجديتها ترضى ترجع معايا، حماتى رفضت نهائى
مكنش على بقها غير كلمة طلقها
بعد محاولات وفقت بعد ما وقعت على وصل امانه ب ٢٥٠٠٠٠ الف جنيه وبشروط نور
مفتحش تليفونها، متجسس عليها، مقربش منها غير لما نفسيتها ترتاح وتهدى، مضغطش عليها، ما امدش ايدي عليها مره تانيه ابدا ولو حصلت حاجه اكلم والدها
اني اسمح لها بالخروج زى اى ست عاديه من غير ما اراقبها
سمعت كل ده ووافقت عليه، كنت غلطان ومعترف بغلطى وكان عليه انى اتحمل نتيجة تسرعى وشكى وفى النهايه انى اتأكد أن نور مش زى ما هما فاكرين وان وراها سر حقير
رجعنا على شقتى كلنا، العيله كامله، وحضرو العشا معانا والسهره مشيو تقريبا الساعه ١١ بالليل
من غير كلام بعدها نور دخلت اوضتها وقفلت الباب وراها، قلت فى سري ماشي يا نور
اسماعيل موسى كاتب القصه
استنيت يوم عدا وبصنعة لطافه قلت نور انا اسف وانتى لازم تخرجى تغيري جو
كنت ناوى احط كاميرا سريه فى غرفة النوم
نور بصت فى عنيه شويه وقالت مش دلوقتى، لما احب اخرج هخرج يا أدهم
مر يومين وانا بسمع وشوشتها فى الفون، كلامها بصوت واطى، ضحكاتها، كنت هجنن
بطلت اراقبها ولا اتعقب حركاتها، كنت بسمعها تتكلم فى الفون مبصش عليها، لحد ما جه اليوم إلى لقيت فيه.
.
.
↚
.
.
.
.
.
.
لقيت نور بتتكلم فى التليفون فى الصاله على راحتها جدآ كنت لسه راجع من الشغل وكان فات اسبوع على الحوار بتاعنا، دخلت وقعدت وولعت سيجاره سمعتها بتقول، لا مش هتأخر، مسافة الطريق
سيبك منه ميقدرش يعمل حاجه
نور خلصت المكالمه وقالت انا خارجه
يسألها رايحه فين؟
قالت هقابل هند صاحبتى
مسكت نفسى بالعافيه،هند دى اكتر واحده بكرهها من صاحبتها وكنت حذرتها انها تقطع علاقتها بيها فترة الخطوبه، بنت مش كويسه،بتاعت خروجات ورقص، تحسها كده العوبانه ومش سالكه
نور كانت قطعت علاقتها بيها فعلآ، ليه دلوقتى قررت ترجع كل حاجه تانى؟
بتحاول تضايقنى ولا مجرد عند؟
نور بعد ما قالت هقابل هند وقفت لحظه مستنيه ردة فعلى، انا مفتحتش بقى
سألتنى بسخريه، عايز حاجه؟
لا، ترجعى بالسلامه، الفون رن تانى، نور دخلت اوضتها والفون على ودنها
لا يابنتى قلتلك خلاص معدش فيه منه ده، براحتى، ميقدرش يعمل حاجه
انا فى الطريق اهو
خرجت وقفلت الباب وراها، كنت مجهز كل حاجه، كاميرا صغيره مش باينه حطتها فى مكان يكشف السرير، كان املى انها تلقط اى محادثه او حركه من نور، تأكدت ان الكاميرا متوصله كويس، وقبل نور ما ترجع خرجت عشان أبين انى مش مهتم ولا بفتش وراها
كلمتنى نور اول ما رجعت بتسألنى انت فين؟
قلتلها انا فى مشوار ومش هرجع غير بعد نص الليل
نور سكتت شويه، الوقت كان عصر، قالت بنبره فيها شك هتفضل بره كل ده؟
قلتلها اه خدى راحتك ومتقلقيش عليا
صمتت نور شويه تانى، اخد راحتى؟
قلت قصدى يعنى متقلقيش
نور بنبره غير معروفه ماشي يا أدهم
فضلت بره ملطوع على القهوه لحد نص الليل ورجعت على الشقه
فتحت الباب لقيت الشقه مقلوبه، حيطان مكسره، دبش وطوب على الأرض، تراب فى كل مكان، تحس ان فيه انفجار حصل فى الشقه
جريت على أوضة نور كانت مفتوحه، بسألها نور حصل حاجه فى غيابى؟
!
الشقه مدمره؟
وهى نايمه على السرير قالت لا مفيش غيرت الكهربه بتاعت الشقه كانت قديمه ومش عجبانى
دخلت جوه الاوضه، ببص بطرف عيني على الكاميرا ملقتهاش
نور بتسألنى مالك كده متسمر عنيك على السقف؟
قلتلها مفيش حاجه، اديتها ضهرى وهخرج من الاوضه قالت، أدهم
لقينا البتاعه دى متعلقه هنا، متعرفش بتاعت ايه؟
وحطت الكاميرا فى ايدي
قلتلها معرفش الصراحه، انا مشترى الشقه جديد يمكن المالك إلى كان قبلنا
بصت ناحيتى وضحكت، ماشي يا أدهم عادى
طلعت الصاله وانا حاطط ايدى على صدرى، ازاي اكتشفت الكاميرا؟
الصاله واوضة النوم الى تغيرت الكهربه بتاعتها، باقى الشقه لا
ازاي عرفت مكانها
وهل عرفت انى انا الى حطييت الكاميرا؟
مالك؟
كانت نور خرجت من الاوضه وقعدت جنبى
↚
انت مش على بعضك
اسلوب التلاعب النفسي بتمارسه عليه، عندى خبره كويسه فى المجال ده
نور متأكده انى انا الى حطيت الكاميرا
قلتلها شوية مشاكل فى الشغل
يا اخى الشغل ده كله مشاكل، مفيش ح.
مرتاح، حاجه زفت، ربنا يساعدك على مشاكل الشغل يا حبيبى
انا هخد شاور
تليفونها رن، سألتنى من الحمام مين
قلتلها هند صاحبتك
قالت رد عليها يا أدهم يمكن فيه حاجه، نور بتمارس ضغطها النفسي عليه، عايزانى انفجر
هديت نفسي ورديت، هند ازيك يا أدهم عامل ايه؟
كويس الحمد لله
طبعا الجواز طلع حلو يا بختك بنور
اه طبعا، انا محظوظ والله، نور دى حتة سكرة
مش زعلان انها كلمتني تاني؟
اصل نور قالت انك طلبت منها تقاطعنى؟
لا ابدا كل صحاب نور صحابى
يعنى انا صاحبتك؟
خدت التليفون وطلعت على الشرفه، اه طبعا يا هند ولازم تزورينا فى شقتنا انا عازمك على الغدا
انت بقيت لطيف جدا يا أدهم حصل ايه فى الدنيا؟
ان كنت اعرف شيء واحد عن هند فأنها لا ترفض علاقه جأتها بالمجان
هكذا النساء لا تتغير طبيعتهن ابدآ
على فكره يا هند صوتك حلو
الله انت بتعكاسنى يا أدهم ومن تليفون مراتك!
؟
انا قصدي صوتك احلى عن آخر مره سمعته فيها
اه لو كان كده ماشي، بعدين متخفش انا مش نمامه
نور خرجت من الحمام بتنده عليه لما سمعت صوتى فى البلكونه
قلتلها انا هنا
انت لسه بتكلم هند؟
اه قلت ادردش معاها شويه لغاية ما تخرجي من الحمام
هند سألتنى فيه حاجه؟
قلت لا مفيش، انتى لسه بتروحي الجيم؟
ضحكت هند، ايوه طبعا، الواحده لازم تهتم بجسمها
بعد كده كملت بخباثه كل يوم الساعه عشره الصبح مش بغير ميعادى
عشره
نور وصلت عندي، هات التليفون يا أدهم كلمتنى بنبره عصبيه
اديتها التليفون، مجرد دقيقه وقفلت مع هند ورجعت عندي
بصت ناحيتى كنت بدخن سيجاره وبتفرج على التليفزيون
أدهم كل ده كلام مع هند، انت مكنتش بتطيق تسمع اسمها؟
قلت لا منا اتغيرت بقا صحابك لازم احترمهم واهتم بيهم
↚
سحبت البطانيه فوق جسمى، على فكره يا نور انا عزمت هند على الغدا
نور انصدمت، من غير ما تقولى؟
منا بقلك اهو
ركزت عنيها عليه وقالت ماشي يا أدهم، ماشي
ظلت نور واقفه على مقربه منى، شارده عند نقطه معينه لم تتعدى قدمى
كنتو بتتكلمو فى ايه كل ده؟
ببرودة أعصاب قلتلها كلام عادى
نور، اصل مش متخيله واحد مش بيطيق واحده وبيصفها بصايعه وركزت على الكلمه شويه، يفضل يهرى معاها ربع ساعه فى التليفون
نور، حبيبتى، انتى قلتى رد على الفون، مش ذنبى يعنى، بعدين انا لازم اتغير عشانك، أحب إلى تحبيه واكره إلى تكرهيه
الراجل لازم يتغير من أجل المرأه التى يحبها حتى لو ذهب للجحيم
نور بصت فى عنيه، صراع الثبات الأبدى بين عنصرى قوه، لما كل واحد يحب يكشف إلى جوه الشخص التانى مستخبى فى العمق
اديتها النظرة إلى تستحقها، نظره غير مريحه لا يمكن كشفها
ها هتغدينا ايه يا نور؟
نور بتركز فى كلامى جدآ، عشان كده كشفت خطتى الأولى، دلوقتى بتحاول تعرف نيتى، لازم اشتتها
هتغدينا ايه نور؟
متقلقش هبهرك يا أدهم
&&&&&&&&&&&&&&&&&&&&&&&&&&&&
نور، قعدت جنبى، كانت مش على بعضها، هند مصاحبه واحد وماشيه معاه فى الحرام
بجد يا نور؟
اه بجد، اعترفتلى مبارح
سكت مرديتش
نور، ايه معندكش تعليق؟
خايف اقول إلى جوايه تزعلى؟
لا متخفش قول.
.
.
.
كانت عايزه تعرف غيرت طباعى وثوابتى ولا لا، حركه حلوه وخفيفه
قراءة رواية اسيرة حنانه الفصل الرابع 4 كامل | بقلم اسماعيل موسي
استمر في أجواء رواية اسيرة حنانه الفصل الثالث 3 كامل عبر الفصل التالي.
كل فصول رواية اسيرة حنانه في مكان واحد
جميع أجزاء رواية اسيرة حنانه متاحة للقراءة بسهولة.
مكتبة روايات اسماعيل موسي
تابع قصص وروايات اسماعيل موسي الكاملة بجميع الفصول.
