💥 كل فصل من هتحدي الظروف على حكايتنا حكاية بيكسر قاعدة كنت فاكرها ثابتة!
رواية هتحدي الظروف - زين وروح الفصل التاسع عشر 19 بقلم فاطمة عيد
ليه جمع خيوط وهميه ف دmاغه وربط الصور ببعض وطلعها بالبشاعه دى.
يفتكر جملتها
يعنى لما تكتشف الحقيقه وتعرف انك فعلا ظلمتنى متجيش وتطلب رجوعى ليك.
لانه بقي مستحيل
طب هو فعلا اكتشف الحقيقه واتأكد انه ظلمها.
ازاى ممكن يرجعها تانى!
افتكر كلامه ليها واهانته.
افتكر طردها بره البيت ووقوعها قدام الباب.
افتكر كامل وهو بيحاول يخليه يكلم او يدخلها حتى الا انه رفض تماما.
وافتكر ضحكتها وبرائتها وكلامها.
افتكر اليوم اللى طلبت منه يبطل كل الحاجات الغلط اللى بيعملها.
تفاصيل اليوم اتعادت عليه كأنها امبـ.
ـارح.
فلاش باك.
( روح وزين نايمين ع السرير.
روح نايمه ع صدره وهو ضاممها ليه )
زين بابتسامه : مش هنام بقي؟
فى شغل الصبح
روح : تو تو مفيش نوم
زين : يلا بقي تعبت ومحتاج انام.
كلها كام ساعه واصحى.
هنام ف الشغل كده
روح بزعل مصطنع : اوكى نام
( لسه هتقوم من ع صدره يشـ.
ـدها ليه تانى ويضحك )
زين بابتسامه : وبعدين معاكى.
هو ياما تسهرينى وتخلينى انام ف الشغل.
لاما تزعلى.
مانا لازم انام يا حبيبتى عشان اقدر اتوازن واشتغل
روح : ما انت مش بتقعد معايا خالص وكله شغل شغل وبعدين بقي
زين : بقالك ساعتين ف حـ.
ـضـ.
ـنى وبتقولى مش بقعد معاكى خالص.
تحبى استقيل واقعد جنبك ع طول
روح بضحك : مثلا
زين : نامى يا روحى ربنا يهديكى
( تضحك روح وتطفى النور.
يدوب يغمض عيونه تفضل تتقلب ف السرير وتحرك ف المرتبه لدرجه انه قلق ومش عارف ينام منها.
يفتح عينه ويبصلها ويرفع حواجبه )
زين : مش هنام صح!
روح : بص عاوزاك تنام بس عاوزه اقولك ع حاجه الاول
زين : قولى
روح : انت شربت خمره صح؟
زين باستغراب : ليه بتسألى!
روح : عشان انا حسيت بطعمها ف بوقك
زين : وانتى عرفتى طعمها منين؟
روح : طعمها وحش اوى واظن انك مش بتاكل او تشرب حاجه مره اوى كده غيرها
زين : امممم.
عموما دا كان كاس واحد بس
روح : طب ما تشربش تانى
زين : افنـ.
ـد.
م!
( روح تقرب منه وتحط وشها قصاد وشه بالظبط )
روح بابتسامه : مش قصدى انى أأمرك بس مفهاش مانع اما الفت نظرك.
الشرب دا شىء بشع ومن المحرمـ.
ـا.
ت كمان.
ايه فايده انك تشرب حاجه مره وطعمها وحش اوى وريحتها تقرف لمجرد انك تدوخ شويه او تهرب من العالم؟
ع فكره دى مضره جدا.
اكتر حاجه ممكن تدmر خلايا المخ والاعصاب دا غير ان ذنبها كبير اوى عند ربنا.
ليه ترتكب جريمه ف حق نفسك هتدmرك دنيا واخره!
عشان كده عاوزاك متشربهاش تانى
( زين يبصلها وع اد ما كلامها ضايقه الا ان ابتسامتها هدته.
يبـ.
ـو.
سها برقه ويبتسم )
زين بابتسامه : حاضر مش هشربها تانى
روح : والصلاه
زين باستغراب : مالها!
روح : انا ملاحظه انك بتقطع ف الصلاه ودا مش مستحب دينيا دا غير ان عقـ.
ـا.
به كبير ف الدنيا والاخره.
وبعدين انت بتقابل ربنا.
حد يطول يقابل ربنا ويتهرب ويقطع ف الصلاه.
انت لو مضايق وصليت بترتاح.
لو مبسوط وصليت برضو بترتاح.
لو محتاج حاجه وصليت ودعيت بيها بتتحقق.
ازاى بتقطع بقي ف فرض ع الاقل بياخد 5 دقايق.
مش حـ.
ـر.
ام عليك تعمل كل الحاجات دى ف حياتك وتيجى ع مقابله اللى خالقك وتهرب
يتنهد زين : حاضر مش هقطع ف الصلاه تانى.
ممكن ننام بقي
روح : والسجاير.
يقاطعها زين : لا انا هخرج انام ع الكنبه احسن
روح بضحك : اخر حاجه والله خلاص
زين : للاسف دى الحاجه الوحيده اللى مهما قولتى فيها صعب ابطلها.
دى انا عارف اضرارها وخسارتها ومع ذلك مش قادر ابطلها.
فخليها لوقتها بقي
روح : طب ع الاقل قللها.
بتدmر صحتك كده
زين : عيونى هقللها.
ننام بقي
روح بابتسامه : اها
( يبـ.
ـو.
س دmاغها ويضمها لحـ.
ـضـ.
ـنه ويناموا )
↚
( يفوق من افكاره ع شتيمته ليها واتهامها ف شرفها.
يخبط ايده ع راسه بعنف ويحاول يطرد الافكار من دmاغه ويفكر ف حل حقيقي لاسترجاع حقها وارضاءها.
يخرج من الاسانسير ويركب عربيته.
يمشي بالعربيه ويفضل يلف ف الشارع مش عارف يروح فين.
كان عاوز يروح بس مش هيمشي دلوقتى.
مستنى الليل يجى ع الاقل يردلها جزء بسيط من حقها.
كان حابب يخرج ويعرف احمد ودسوقى مقامهم ويدوقهم ربع الو.
جـ.
ـع اللى سببهولهم بس فضل ان حقها يرجع قدام عينها.
يفضل يلف وبعدين يقف قدام عماره.
يركن العربيه ويطلع.
يخبط ع الباب.
يفتحله معاذ )
معاذ باستغراب : لحظه انت زين بجد!
يعنى ممتش زى ما كنت متخيل؟
( يبتسم زين بالعافيه ويضحك معاذ ويحـ.
ـضـ.
ـنه.
يدخلوا الشقه.
زين يقعد ف الصاله ويولع سجاير )
معاذ : عاش من شافك يا راجـ.
ـل.
شهر بحاله منسمعش صوتك حتى.
هو الجواز خدك مننا خالص كده
زين بضيق : كنت مشغول شويه
معاذ : مالك؟
شكلك مخـ.
ـنـ.
ـوق
زين : متسألش.
سيبنى قاعد ساعتين وماشى
معاذ باستغراب : ف ايه يعنى؟
عاوز افهم بس
زين بنرفزه : معاذ مش فايقلك.
سيبنى افكر وبعدين اقولك
معاذ : طيب خد راحتك.
البيت بيتك
( يفضل زين قاعد مع معاذ.
معاذ سابه وقعد يشتغل ع اللاب توب.
زين عمال يفكر ازاى ممكن يصالحها او يخليها تسامحه.
خصوصا بعد حملها.
لازم يصالحها.
يعدى الوقت.
المغرب تأذن.
يقوم زين يقف )
معاذ : وقفت ليه؟
زين : هروح بقي.
معلش يا معاذ تعبتك معايا
معاذ : ايه اللى انت بتقوله دا.
انت تنورنى ف اى وقت
زين : تسلم
( يخرج زين وهو نازل ع السلم.
معاذ يناديله )
معاذ : زييييين
زين : ايوه!
معاذ : طمنى عنك
( يسيبه زين وينزل.
يركب عربيته ويروح مشوار وبعدها يروح ع البيت.
عند روح قاعده ع السرير بتاكل.
يخبط الباب.
تقوم روح تفتح الباب كانت فاكراها مايسه جايه تاخد الاكل.
تلاقيه زين.
ترد الباب ف وشه.
يستغرب زين )
روح : ثوانى بس
( تدخل تلبس طرحه وبعدها تخرجله.
يبتسم نص ابتسامه ويدخل.
تسيب الباب مفتوح )
زين : اقفلى الباب وتعالى
روح : ميصحش
زين : ليه!
روح : احنا مطلقين حاليا
زين : اقفلى الباب الاول وبعدها نتكلم
روح : قولتلك مينفعش
زين : روحى اقفلى الباب
روح : ع فكره مش هقفله واسلوب الامر دا ميمشيش معايا
( يبصلها بنرفزه مكتومه ويروح يقفل الباب.
روح تقرب منه وتقف جنبه عند الباب وحطت ايدها ع الاوكره )
روح : انا مش بهزر ع فكره.
اخرج يلا
زين يبصلها بضيق : تعرفى تسكتى
( يسيبها ويدخل لجوه.
بس روح تفتح الباب تانى.
يتجنن منها ويخرج يشيلها من وسطها مره واحده ويرزع الباب )
روح : نزلنى نزلنى انا حامل
( زين يفتكر انها حامل يشيل ايده من وسطها وينيمها ع ايده الاتنين.
تبصله بضيق )
روح : لو سمحت كفايه كده.
وجودك معايا دلوقتى حـ.
ـر.
ام
زين : انا رديتك
روح باستغراب : مش فاهمه!
زين : يعنى دفعت كفاره حلفان وسألت ف الازهر وقال طالما لحظه عصبيه يبقي ادفع كفاره واطعم 50 محتاج.
وانا عملت كده فعلا.
واحنا مطلقناش رسمى عند مأذون فحاليا انتى مراتى
روح : بجد والله!
نزلنى الاول بس وبعدين نتكلم
( ينزلها زين براحه )
روح : حلو الكلام دا.
↚
طلق نطلق.
اردك وماله.
اهينك واذلك معلش.
اعوزك فارجعلك عادى خالص المفروض تتعايشى بقي.
( تبصله ف عينه مباشره ).
انت عاقل!
بجد والله اللى بتقوله دا؟
انت دmاغك متركبه ازاى بجد؟
مين قال انى هوافق وارجعلك اصلا!
زين : مش محتاجه توافقى لانك ريلى رجعتيلى
روح : لا مرجعتش وحتى لو فعلا رديتنى ورجعت مراتك فانا من جوايا مش راجعالك
زين : اسف ع اللى عملته.
ان.
تقاطعه روح : لا معلش متعتذرش لانه مش هيفيد ب حاجه ولا ليه اى لازمه عندى.
لو سمحت اخرج بره ومتكرهنيش فيك اكتر من كده
زين : ايه يراضيكى وانا اعمله؟
روح : تسيبنى ف حالى
زين : غيره
روح : مفيش غيره دا طلبى الوحيد
( يقرب منها ويدوب حط ايده ع وشها.
تزق روح ايده وتبصله بتحدى )
روح باصرار : المرادى لا.
المرادى مهما عملت مش راجعه.
كفايه يا زين كفايه
( يبصلها بهدوء ويسيبها ويقعد ع الكنبه.
تبصله بزهول وتقف قدامه وتحط ايدها ف وسطها )
روح : دا ايه دا بقي ان شاء الله؟
( يرفع وشه ويبصلها )
روح : بتعمل ايه هنا؟
( زين يحط رجل ع رجل ويولع سيجاره ويبصلها ببرود )
زين : قاعد
روح بنرفزه : انت بتستفزنى يعنى!
زين : ا
( يقاطعهم خبط الباب.
يقوم زين يقف ويبص لروح.
كانت لسه هتتكلم يحط ايه ع بقها يسكتها ويقرب من ودنها )
زين بهمس : افتحى الباب هتلاقيه بتاع دليفرى قوليله انا مطلبتش حاجه.
لو سألك انتى لوحدك ولا لا.
قوليله ف حاجه!
وحاولى تبينى انك لوحدك.
يلا
( روح تبصله باستغراب.
يشيل ايده من ع بقها )
زين : اوعى تغلطى فاهمه
روح : طب فهمنى
زين : مش وقته افتحى
( يدخل زين الاوضه ويرد الباب.
تتنهد روح وتفتح الباب تلاقيه بتاع دليفرى فعلا )
دسوقى : البيتزا يا مدام
قراءة رواية هتحدي الظروف - زين وروح الفصل العشرون 20 بقلم فاطمة عيد
⚡ هل ما يحدث في رواية هتحدي الظروف مجرد بداية أم النهاية؟
جميع فصول هتحدي الظروف بدون نقص
كل ما تبحث عنه من فصول رواية هتحدي الظروف متوفر هنا بشكل منظم.
روايات فاطمة عيد كاملة
تصفح أفضل روايات فاطمة عيد الكاملة بجميع الفصول.
