وقف يابني العربيه خلينا نشوف ايه الدوشه دي!

نزل كل الي في التاكسي وهما مصدومين من الي عيونهم شيفاه كانت بنت ماسكه شابين وبتضر*بهم

البنت بعصبيه انا اخر مره كلمتك باحترام وقولتلك ان ورشه ابويا مش للبيع ولاكن انك تيجي تهددني وتقولي هاخدها فرده يبق لازم تتعلم الادب وانا بق الي هعلمك الادب!

الشاب التاني بخوف طيب يا قمر انتي مسكاني ليه هو انا ذنبي ايه طيب!

قمر بزعيقذنبك انك جاي معاه وانت عارف اني مبتهددش!

كانوا الجماعه الي خرجوا من التاكسي واقفين بزهول وهما مش مستوعبين ان في بنت قويه للدرجة دي وانها تقدر تمسك راجلين في النفس الوقت وتض*ربهم؟

كانت البنت ضربت الشابين وقبل ما تسيبهم قالت انا اخر مره بحذرك لو فكرت تيجي هنا تاني او بس أشوفك في المنطقه مش هخلي فيك حته سليمه!

الشاب بخوف أنا اسف ياقمر والله ما هكررها تاني!

قمر زقته وهوا قام جري واما الشاب التاني والي اسمه عبدالله قال بتعب حرام عليكي ياقمر تعملي فيا انا كدا!

دنا دراعك اليمين!

قمر بغضب لو دراعي اليمين فاشل ومايل ذيك كدا اقطعه ومش هزعل عليه!

عبدالله بحزن حقك عليا ياقمر انتي عارفه ان الولا سيد دا  من رجالة  المعلم فاروق  وطبعا انا مقدرش عليهم

بس طبعا انا كنت عارف انك هترفضي علشان كدا جيت معاه وانا واثق انه هيرجع لمعلمه متعلم عليه!

قمر بصت عليه بسخريه وقالت اخص علي الرجاله ولا بلاش اصل الحته دي بتزعلك!

عبدالله بحزن خلاص ياقمر سماح المره دي واوعدك اني مش هعمل اي حاجه تضايقك تاني!

قمر لفت جسمها وقالت خلاص روح اعملي شاي!

عبدالله ابتسم لانه عارف ان رغم قوتها الا انها طيبه وبتسامح!

وفي الوقت دا قمر بصت علي مجموعه الشباب  الي واقفه جمب التاكسي وباصين عليها!

قربت منهم واول ماشافوها الشباب رجعوا لورا بخوف!

قمر انتوا مين يا رجاله!

رد واحد منهم احنا قصدي ياعني انا اسمي سعيد ودا صحبي خالد ودا محمد وصاحبنا الرابع هادي وبيشاور عليه وبيكون هادي دا راكب في التاكسي ولابس نظارته الشمسيه وماسك موبايله وبيقلب فيه!

قمر بضيق من الشخص الي في التاكسي لانه باين عليه مغرور  '

قالت وانتو بق جاين منطقتنا ليه!

سعيد بابتسامه هو وأصدقاءه احنا جايين هنا نسكن في شقه لان شغلنا اتنقل هنا النهارده وبصراحه منطقتكوا اقرب مكان  للشركة!

قمر وانتو بق  اجرتوا  شقه ولا لسا هتسألو؟

سعيد!

لا احنا كنا لسا هنسأل!

قمر بصت عليهم بتفكير وقالت المنطقه هنا مبتسكنش حد غريب عليها ولاكن انا عندي حل ليكوا

سعيد بابتسامه اتفضلي يا انسه!

قمر بصت عليه وقالت انا عندي شقه هيا بتاعت اخويا بس هو مش موجود فيها تقدروا تعيشو فيها وببلاش كمان!

سعيد واصحابه بصو عليها بصدمه وقالو انتي بتتكلمي بجد يعني اي ببلاش!

قمر اي مالكو مش حابين طيب يلا طرقونا!

سعيد لا ابدا مش قصدي بس متوقعناش كدا!

قمر ابتسمت بسخريه مهو انا مش عايزه ايجارها فلوس!

الكل استغرب كلامها واستنوها تكمل!

قمر شايفين الورشه الي هنا دي!

الشباب بصت عليها وهيا قالت دي ورشه ابويا الله يرحمه وبصراحه كل الي هنا عينه فيها وانا بق مستحيل افرط فيها دي أخر حاجة من ريحة المرحوم برضوا!

خالد قال وانتي بق يا أنسه قمر عايزانا نعمل ايه في الورشه!

قمر تشغلوها انتو باين عليكوا بتفهموا ولما ترجعوها زي الاول القيراط بتاعها يبق بالنص وعلي فكره الورشه دي بتكسب ايوا بتكسب  انت شايف البيت دا!

الشباب بصوا عليه لاقوه بيت بسيط ومدهون بدهان ابسط هزو راسهم وهيا قالت بسبب مكسب الورشه دي ابويا الله يرحمو بني بيت يحكوا ويتحامو عليه شوفوا وملو عينكوا!

الشباب بصوا عليها باستغراب من كلامها وقاطعتهم هيا ها  قولتو ايه موافقين!

كانوا الشباب هيردوا ولاكن قاطعهم هادي والي خرج من التاكسي وهوا منزعج من اسلوبها وصوتها العالي؟

أكيد لأ احنا جايين هنا نسكن مش نشتغل وبعدين انتي يلا اسمك قمر انتي بتقولي علي الدكان القديم دا ورشه وبعدين انتي بتتكلمي مع مهندسين قد الدنيا أكيد مش علي اخر الزمن هنشتغل حدادين!

هادي خلص كلامه وهو باصص في عيونها ولاكنها متهزتش من كلامه وقربت منه وقالت انت عارف يا بشمهندس اخر واحد علي صوته عليا عملت فيه ايه!

اصحاب هادي بصو عليه بخوف ورجعوا بصولها بخوف أكتر وهيا قالت اخر كلام عندي يإما تشغلو الورشه وترجعوها زي الأول يإما ترجعوا مكان مجيتوا

هادي بصلها بغيظ وبص لأصحابه وقال يلا بينا نخرج من المنطقه البيئة دي مش ناقص غير حتة القزمة دي والي هتكلمني بالإسلوب  البيئة دا!

الشباب بصوا علي قمر لاقو عيونها حمرا وبتبص علي هادي قالو بخوف!

هادي اجري بسرعه!

مكملوش كلامها وكامت قمر مسكاه وبتض*رب فيه!

يتبع!

(

فضلوا الشباب يبعدو قمر عن هادي لحد ما هادي زعق فيها وقال انتي متخلفه رسمي انتي مش عارفه انا مين يابت!

قمر حطت ايديها في وسطها وقالت انا مبتهددش وبعدين انت بق مش هتسكن معاهم وتتفضل تمشي برا!

الشباب بصوا  لهادي واخدوه بعيد وهما بيقولوا هادي دي فرصه متتعوضش وبعدين ياصاحبي انا اسف بس انت دلوقت مبقتش ابن صاحب الشركة انت بقيت شاب عادي يعني معلش في الكلمه بقيت فقير  و زيك زينا!

هادي بص عليهم بضيق وقال انا مستحيل اقعد في المكان المقرف دا وبعدين ملقتوش غير دي الي هتسكنو عندها!

سعيد قرب منه وحط ايده علي كتفه وقال اهي دي الي وافقت بق وبعدين بتقولك المنطقه دي مبتسكنش حد غريب!

هادي لأ يا سعيد يعني لأ انا مستحيل اشوف وش القزمة دي كل يوم مستحيل!

خالد ياعم وانت مالك بيها انت هتروح الشركة وبس واحنا الي هنشغلها الورشه  ملكش دعوه بحاجه!

هادي يعني مفيش غير المنطقة دي؟

محمد احنا لفينا وكانو مناطق غريبه وكلهم بلطجيه والحمدلله اننا لقينا منطقه نظيفه نوعا ما وبعدين ياعم متتبطرش انت ناسي اننا كلنا بقينا في الشارع ويعتبر دي الي نجدتنا!

هادي قال خلاص موافق بس مش عايز اشوف وشها ولا تتكلم معايا!

الشباب خلاص احنا هنقولها ملهاش دعوه بيك وانت بس ملكش علاقه بيها!

هز هادي راسوا و الشباب لفوا علشان يتكلموا مع قمر ولاكنهم ملقوهاش فضلو يبصوا حواليهم بصدمه لحد ما هادي الي شافها   عند الورشه وقعده علي كرسي وبتبصلو قال اهي هناك اهي!

الشباب بصوا علي مكان مهوا بيبص لاقوها فعلا قربوا عليها وعلي وشهم ابتسامه وقال  خالد انسه قمر احنا اسفين علي الي حصل دا بس أصل صاحبنا دا كان ابن ناس اغنيه وهما حاليا خسروا كل فلوسهم واول مره يجي منطقه زي دي!

محمد هو صحيح مغرور شويه بس طيب والله وبعدين انتي الكبيره سامحيه علشان خاطرنا!

قمر وقفت وقالت انا خلاص معنديش شقق اسكنها واتفضلوا بق في مناطق كتير احسن وارقي من هنا!

الشباب بصوا عليها بصدمه وكانو هيتكلموا وصل عبدالله والي قال خير ياقمر مين الشباب!

قمر مفيش يا عبده دول كانو بيسألو علي حاجه وخلاص ماشين!

عبدالله وكانو بيسألو علي ايه انشاء الله اصل باين عليهم كدا مش وش بهدله!

سعيد متشكرين يا انسه قمر احنا هنمشي بعد ازنك!

قمر ازنكم معاكوا ياغالين نورتو المنطقة!

الشباب رجعوا لهادي والي قال ايه رجعتوا ليه!

محمد افرح بق ياعم اهي طردتنا وقالتنا معنديش شقق اجرها يلا خلينا نلف علي اي منطقه تانيه علي قد فلوسنا!

هادي بصله بغيظ وقال لأ بقولوكو ايه متحسسونيش اننا السبب!

سعيد قرب منه وقال انت ملاك مبتعملش اي حاجه!

خالد منك لله ياعم بعدما لقينا حد يعبرنا اديك بوظت كل حاجة!

هادي انا معملتش حاجه دي هيا الي عيله مجنونه؟

سعيد انا عندي حل وياريت تقبله!

هادي بصله باستغراب وقال حل ايه دا انشاء الله!

سعيد تروح تعتذر منها وتخليها توافق!

هادي بصوت عالي هز اركان المكاننعم اعتذر من دي!

قالها وهو بيشاور عليها وهيا لاحظت صوته العالي ووقفت ولاكن عبدالله قال متفهميني ايه الحكايه!

قمر بضيق الولا الي هناك دا غلط فيا وانا طبعا وريتو مقامه بس شكله بيغلط تاني وانا مستحيل اسكتله!

عبدالله مسكها اهدي ياقمر وبعدين هما كانو عايزين ايه!

قمر وهيا بتبص علي هادي واصحابه بيدورو علي شقه يقعدوا فيها وانا قولتلهم علي شقه جمال اخويا ولاكن الولا الي شايف نفس دا قل آدبه!

عبدالله وفيها ايه ياقمر ماتخليهم يأجروها انتي ناسيه انك محتاجه فلوس!

قمر بضيق انا اتجرحت في كرامتي ياعبده وبالزات ان اول مره واحد يغلط فيا!

عبدالله استني انتي وانا هروح اتفاهم معاهم

قمر استني بس انا كنت اتفقت معاهم هيسكنوا في الشقه ببلاش مقابل انهم يشغلوا ورشه ابويا!

عبدالله دا عال اوي طيب استني انتي وانا هروح احل الموضوع؟

عند هادي

خالد وطي صوتك ياهادي احنا مش ناقصين!

هادي بص عليه بغيظ انتو السبب   خليتوني  اجي هنا ليه!

سعيد ايه يا هادي انت عارف الي حصل محنا اطردنا كلنا من الفيلا والبنك حجز علي كل املاك ابوك!

عبدالله مساء الخير ياشباب!

بصوا عليه وقالو مساء النور!

عبدالله انا عرفت انكم اتفقتوا مع قمر علشان تسكنو في الشقه مقابل تشغلولها الورشه

الشباب  بموافقه ايوا!

عبدالله بصوا بق دا كلام بيني وبينكم بصراحه قمر من بعد وفاه ابوها وهيا بتدور علي حد يشغل الورشه وكل الي جم يشغلوها طمعوا فيها وانتو بق باين عليكوا ولاد حلال ولو انتو موافقين ترجعوا في قراركم انا مستعد اتوسطلكم عند قمر!

الشباب بصوا عليه بفرحه وكان هادي هيتكلم محمد حط ايده علي بوقه وقال موافقين طبعا!

عبدالله ابتسم وقال طيب انا هروح اتكلم مع قمر ولما اشاورلكوا  تيجوا!

الشبابا بفرحه  اتفقنا!

عبدالله مشي وهما كانو واقفين يبصوا عليه وكان محمد لسا حاطت ايده علي بق هادي!

عبدالله شاورلهم يجوا وهما راحو وقالت قمر انا هسامحكم المره دي بس انا مش عايزه اختلط بصاحبكوا الرخم دا ولا يكون ليا كلام معاه حتي!

الشباب متقلقيش احنا مستحيل نخليه يقرب منك ولا يضايقك بس هاتي المفتاح بق لاننا هنموت وننام!

قمر طلعت المفتاح من جيبها وقالت هاتو شنطكم وتعالو ورايا!

الشباب مشيت عند التاكسي وبصوا لهادي علشان يحاسبه!

وهو استغرب نظارتهم وقال بتبصولي كدا ليه انا معيش فلوس!

الشباب بصدمه بتقول ايه ياعم!

هادي انتو من الصبح عمالين تعايروني ابوك فلس ابوك فلس وناسين اني مفلس انا كمان!

سواق التاكسي خلصوني بق ياشباب انا واقف بقالي كتير!

سعيد قرب من السواق وقال حسابك كام يسطا!

السواق300 جنيه!

الشباب بصوا لبعضهم وبدأ كل واحد يطلع من جيبه مبلغ لحدما جمعوا 250’

محمد فاضل خمسين جنيه!

هادي وانا هكدب عليكوا ليه اهو معيش حاجه

سعيد قرب من السواق وقال انا اسف ليك بس الي معانا كلهم250 السواق هز راسو وقال هات يابني خليني امشي دنتو ربنا يكون في عونكو

اخدو شنطهم والتاكسي مشي وكل واحد اخد شنطته البسيطه ومشي وفضل هادي يبص علي الاربع شنط بتوعه بضيق وقال انا مستحيل اشيلهم!

طلعوا الشباب ووصلوا لمكان الشقه وكانت شقه متهالكه ولاكن حلوه نوعا ما

قمر هي دي شقه اخويا جمال اهم حاجه تاخدو بالكوا منها دي اغلي حاجه اخويا سبها!

سعيد شكرا اوي يا انسه قمر!

قمر بابتسامه الشكر لله انا هسيبكوا ترتاحو وبكرا تنزلوا تروقوا الورشه؟

الشباب هزو راسهم بالموافقه ولاكنهم سمعوا صوت دوشه بيبصوا لاقو ثلاث رجاله طالعين وكل واحد شايل شنطه وبيقولو بتعب دي شنط الاستاذ هادي

خالد بقلق وهوا فين هادي

الرجاله طالع ورانا!

وصل هادي وقال متشكر ليكوا يا رجاله بص علي الشقه بتقزز وقال هي دي الشقه!

الشباب هزت راسها وهوا عدي من جمب قمر من غير مايبصلها وقعد علي كنبه ولاكن فضلت الرجاله واقفه وبصين عليه!

هادي بإستغراب انتو واقفين ليه!

الرجاله مستنين الحساب!

هادي باستغراب حساب ايه!

الرجاله حساب الشياله يا باشا '

قمر بصت عليه بسخريه ومشيت وفضلوا الشباب يبصو لشادي بصدمه ورجعوا بصوا للرجاله وقالو وانتو حسابكوا كام

الرجالههناخد 50جنيه ونقسمها علي بعض!

عبدالله كان واقف وسعيد قرب منه وقال انت باين عليك جدع ممكن تحاسبهم وانا والله هديهملك

عبدالله هز راسو وفعلا حاسب الرجاله وقبل مايمشي سمعوا صوت  عالي  جاي من المطبخ كان هادي الي كان جوا وبيقول ايه دا انتو منظفتوش من امتي!

عبدالله من ساعت وفاة المرحوم!

الشباب بصدمة مرحووووم مين المرحوم

عبدالله المعلم جمال اخو الست قمر اصل بعيد عنكوا مات في الشقه دي محروق!

يتبع!

وقفوا الشباب جمب بعض بخوف وعبدالله قال متخافوش هوا مامتش محروق هنا يعني هو اتحرق بس  ولاكن مات برا!

هادي ومات فين بق!

عبدالله في المستشفي روحو طلعت هناك!

سعيد خلاص بق ياشباب متخافوش طيب يا استاذ عبدالله انت متأكد ان الشقه هنا تمام يعني مفيهاش اي حاجه كدا ولا كدا!

عبدالله متخافوش انا متاكد ان مفيهاش حاجه لان قمر جابت شيوخ وأكدولها ان مفيش اي حاجه تخوف!

الشباب بلعت ريقها وبعدين عبدالله نزل وفضلوا يبصوا لبعض بخوف وبعدها وقف محمد وقال اي رئيكوا ننظف الشقه احسن!

الشباب هزو راسهم ولاكن هادي وقف وقال انا مستحيل انظف او اعمل اي حاجه؟

سعيد بص عليه بغيظ وقال هتنظف يا هادي وانت هنا زيك زينا انت فاهم

هادي لف وشه والشباب بدات نظف وهادي معاهم!

••••••••

↚

وفي شقة قمر كانت قاعده بتتفرج علي التلفزيون وبعدها الباب خبط قامت تفتح الباب  وكان   عبدالله '

قالت عملت اي معاهم

عبدالله زي ما اتفقنا قولتلهم ان الشقه دي مات فيها جمال محروق وهما صدقوا وانا طبعا علشان اهدي الموضوع عرفتهم ان مفيش اي عفاريت موجوده وهما صدقوني طبعا

قمر بخبث اتمني ان جمال اخويا يروق عليهم

عبدالله بضحك بس باين عليهم عيال غلابه ولاكن مفيهمش غير الواد التنك دا!

قمر اول ماسمعت كلامه قالت فعلا عيل رخم ومش عارفه انا مش طيقاه ليه!

عبدالله علي العموم انا هروح بق علشان ادي العلاج لأمي وانتي بق نامي واقفلي الباب كويس!

قمر متقلقش هو انا قليله!

عبدالله انا بس بأكد عليكي وانا هجيلك بكره بدري!

قمر هزت راسها وبعدها عبدالله خرج من الشقه وفضلت هيا تسمع اصوات دوشه جايه من الدور الي فوقها قالت بضحكه عاش يا جمال اديلهم وكملت بسخريه اتهنوا يا حلوين اما نشوف اخركوا ايه!

_________

تاني يوم صحيت قمر بنشاط كالعاده وقامت علشان تجهز فطارها وهيا بتدندن اغاني بصوت جميل وبعدها سمعت صوت جاي من فوق كان صوت دوشه مهتمتش اوي ليه وكملت فطارها وبعدها بدات تجهز علشان  تطلع  تشوف الشباب هيعملو ايه وبعد وقت كانت قمر واقفه قدام الباب بتاع الشقه خبطت وبعد وقت كان هادي الي فتح الباب وكان لابس بنطلون بس وكان عاري الصدر قالت بصدمه انت يا متخلف  انت اتداري بسرعه!

هادي بص عليها بصدمه ولاكن لما لاحظ انها لفت وشها قال بتسليه ايه عمرك مشوفتي جسم راجل

قمر بغيظ انت باين عليك قليل الادب وانا مش وقبل ماتكمل كلامها قاطعها خالد والي شد هادي ووقف قدامها وقال صباح الخير يا انسه قمر!

قمر بضيق وهو فين الخير هيجي منين بشكله دا!

خالد بأسف انا اسف علي الي حصل بس احنا كشباب بنقعد كدا عادي!

قمر لا انتو دلوقت مش في بيوتكوا انتو معاكو ست وممكن تخبط عليكوا في اي وقت يعني تحترموا نفسكوا

خالد حاضر الي تؤمري بيه احنا هنعمله!

قمر بصتله  بصدمه من طريقته اللطيفه هيا كانت متوقعه انه هيرفض مثلا بس انتبهت انها بصاله كتير قالت

قول لاصحابك ينزلوا علشان اعرفكوا هتعملو ايه في الورشه!

خالد حاضر انا هجيبهم وهنتزل وراكي  مش هنتأخر!

قمر مشيت وبعدها خالد قفل الباب وبص لشادي الي واقف يبصله بغيظ وبيقول في اي يا عم الحنين بتبصلي كدا ليه!

خالد بغيظ يا اخي خلي عندك دم ازاي تقف قدامها كدا دي بنت محترمه مش زي الاشكال الي انت تعرفها!

هادي لأ وبتدافع عنها كمان!