رواية لسان لا يهزم الفصل الثاني 2 كامل | بقلم شيماء صبحي
تم تحديث الفصل بتاريخ 21 أبريل 2026
خالد سابه ومشي من قدامه بضيق وبعدها دخل لسعيد ومحمد وقال بقولكوا ايه يا رجاله قوموا يلا البسوا علشان قمر عايزانا تحت!
الشباب هزت راسها بالموافقه وبعدها هادي دخل عليهم وقال معرفش مالكوا يعني خايفين منها ولا ايه
سعيد اكيد مش خايفين منها بس هيا معملتش حاجه وحشه معانا دي واحده فتحتلنا بيتها وكمان هتشغلنا عندها
انت ناسي اننا مش لاقين شغل وكمان كذبنا عليها وقولنا اننا شغالين في شركه
هادي يعني هتشتغلوا عندها حدادين!
الشباب ايوا هنشتغل حدادين يا هادي!
هادي بضيق طيب انا هروح اجهز علشان الإنترفيو!
الشباب بصو عليه بصدمه وهوا دخل للاوضه بتاعته وهما قامو يلبسوا علشان ميتاخروش اكتر من كدا!
________
وعند قمر كان وصل عبدالله والي قال صباح الخير يا احلي قمر
قمر صباح النور يا عبده
عبدالله الجميل مالو علي الصبح!
قمر افتكرت الشاب السخيف هادي وقالت مفيش بقولك خليك معايا علشان الشباب نازله وانت الي هتساعدهم في الورشه
عبدالله عيوني ليكي يا قمر!
قمر تسلم يا عبدالله طول عمرك إبن أصول
عبدالله شاف الشباب خرجوا من العماره وبيقربوا عليه قال الشباب نزلت اهي!
قمر وقفت وهيا بتقول صباح الخير يارجاله
الشباب بابتسامه صباح النور!
قمر الورشه اهي عبدالله هيوريكوا كل حاجه وانا هروح مشوار علي السريع كدا تكونوا روقتوها!
الشباب هزت راسها وقبل ما قمر تمشي لقت هادي خارج من البيت وبيبص عليها بضيق وهيا بصت عليه بنفس النظرات وقالت صاحبكم دا رايح فين
خالد رايح الشركة الي هيشتغل فيها
قمر وانتو هتعملو ايه مش هتروحو معاه
محمد لا احنا قررنا نشتغل معاكي والقيراط بالنص زي ماتفقنا!
قمر ابتسمت لاول مره بفرحه وبعدها قالت طيب يلا يا عبده وريهم شغلهم وانا هرجع علي طول!
الشباب دخلت للورشه وبعدها قمر راحت للمخزن الي فيه العده بتاع الشغل الي هيا احتفظت بيهم وبعد ما نضفتهم رجعت ليهم تاني وقالت انا نظفت كل العده بتاع الشغل بس انتو الي هتروحوا تيجبوها!
الشباب مشيوا وعبدالله راح معاهم
وقفت قمر تبص عليهم بفرحه وبعدها بصت للسماء وقالت اشكرك يارب!
كانت كل المنطقه مستغربه من شكل الثلاث شباب وكانو بيسألو هما اي علاقتهم بقمر بنت الحاج عبدالتواب!
قربت بنت من الي في المنطقه لقمر وقالت بقولك ايه يا قمر هما مين الثلاث حلويات دول!
قمر بغضب احترمي نفسك يا عليا دول ملهمش في السكه بتاعتك دي!
عليا بغيظ وانا الي قولت البت قمر هتقر علي كل حاجه مش احنا صحاب ولا ايه!
قمر بسخريه انا مبصاحبش حد ياعليا وانتي عارفه كويس وبقولك اي دول قرايبي شيلهم من دماغك!
قمر بفرحه اتفضل يا ابو محسن تعالا يا عبدالله شوف طلبات الحج!
عبدالله بص علي الشباب وقال دا شكله زبون تعالو معايا!
الشباب مشيوا وراه وهوا قرب من الحج محسن وقال اهلا وسهلا يا حج محسن نورت اي هيا طلباتك
الحج محسن طلع صوره من التلفون بتاعه وقال انا عايز بوابه زي دي للبيت الحديد بتاعي وطلباتكوا!
فرح شاورت للشاب يقربوا وهيا قامت وبدا عبدالله يتكلم مع الحج محسن وعرفوا بالشباب وبعد وقت اخدو المقاسات من الحج محسن واتفقوا معاه انهم هيبدأو شغل علي طول!
الحج محسن دفع العربون لقمر وبعدها مشي وفضلت قمر تبصلهم وقالت انتوا اشتغلتوا حدادين قبل كدا!
الشباب بصوا لبعضهم وبعدها هزو راسهم بلأ وقالو احنا الحقيقه كدا فاشلين ومفيناش غير هادي لانه مهندس معمار واكيد بيفهم في الحجات الي زي دي!
يعني ايه فاشلين وازاي تكدبوا عليا!
خالد انا اسف يا انسه قمر بس هي دي الحقيقه!
قمر بضيق وانتو بق عايزني اجيب صاحبكوا الرخم دا واتحايل عليه يشتغل معاكوا!
سعيد احنرا ممكن نحاول معاه ونقنعه وعلي فكره هو برضوا مهندس بس مش اوي!
قمر بغيظ افندم يعني ايه الكلام دا وازاي بق مهندس ومش مهندس افهم بعد ازنكوا!
سعيد قصدي ان هادي صحيح مهندس بس دي اول مره يشتغل فيها اصله طول عمره عايش حياته وابوه الي بيصرف عليه!
عبدالله يعني اي يارجاله مفيش حد فيكوا نافع يعني!
خالد والله انا مستعد اتعلم والشباب برضوا اكيد هيشغلوا دماغهم!
قمر بضيق لا انا مبقتش قادره اتحمل الي بيحصل انا هروح الحديقه اخد نفسي وارجع!
الشباب بصوا عليها باستغراب وهيا مشيت وفضلوا هما باصين ل عبدالله الي قال بصوا انا صحيح مش معلم بس عندي خبره بسيطه خلينا نبدأ ونتوكل علي الله!
الشباب هزت راسها وفعلا بدأ يعملو او حاجه في البوابه وبدأ عبدالله يساعدهم و بدأو يفهمو وبعد وقت سمعوا صوت هادي والي بيقول ازيكوا يا شباب
الشباب كلها لفت بصدمه وقالوا اي دا هادي انت الي جابك دلوقت!
هادي شاف قمر بتقرب منهم قال هبق احكيلكو بعدين المهم انا هروح اي مكان لحدما تخلصوا شغلكم علشان مش عايز اختلط بيها!
عبدالله بصله بضيق وبعدها الشباب قالو طيب ما تساعدنا وحتي تدينا من خبراتك
هادي بصلهم بضيق ومشي ووقتها وصلت قمر والي قالت في اي يا رجاله مالو التنك والي رجعوا بدري كدا!
محمد شكله كدا والله اعلم متقبلش في الشركة!
قمر بسخريه وهيتقبل ازاي بإسلوبه دا
دا كويس اوي انهم طردوه!
خالد احنا هنحاول معاه ونخليه يساعدنا واهو يشتغل بدل مهوا قاعد!
سعيد مش تستنوا لما نعرف الي حصل الأول قبل ما نحكم عليه!
عبدالله انتو باين عليكوا مبتعرفوش تقرو البني ادم ومعانا هنا بق هتتعلموا كل حاجه
خالديعني ايه نقرأ البني ادم مش فاهم
قمر بصت عليه وقالت يعني تعرف اي الي حصل للواحد من غير ما يتكلم
خالد ااه قصدك يعني الحاسه السادسه!
قمر الحاسه ايه!
كملت بتسأول انت قولت اسمك ايه!
خالد باستغراب خالد'
قمر بص يا خالد لو عايز تاكل عيش هنا بجد متسألش كتير!
خالد اتحرج منها وبص للأصحابه وهما هزو دماغهم بمعني يسمع كلامها وخلاص!
عبدالله بعد عنهم وقرب من قمر وقال بقولك اي يا قمر علي فكره العيال دي دماغها حلوه انتي متخيلة انهم فهموني من اول مره شرحتلهم بس
قمر بسخريه طيب كويس انك لقيت حد يفهمك وتحل عني بق!
عبدالله زقها بغيظ وقال لسانك دا مبرد والله!
قمر مشيت من قدامهم وراحت تجيبلهم اكل لانها عارفه انهم معهمش فلوس!
وبعد وقت رجعت وهيا شايله اكياس الأكل وقالت انا جبتلكوا اكل يارجاله يلا سيبو الي في ايديكو'
الشباب بصوا لبعضهم بفرحة وقالو بجد والله!
قمر اي هتفضلوا باصين لبعض كتير يلا تعالو كلو؟
الكل جري عليها واخدو منها الاكياس وفضلوا ياكلو وهيا قربت من عبدالله وقالت الواد الرخم صاحبهم دا راح فين
عبدالله هو قالهم انه هيلف شويه في المنطقه لحدما يخلصوا شغل.
وكمل بضحك شكلوا خايف يطلع الشقه لوحده!
قمر بصت عليه بتفكير وقالت رغم ان قليل الادب بس تحسه غلبان!
عبدالله بص عليها بصدمه وقال قمر انتي كويسه
قمر انتبهت لنفسها وقالت اكيد اومال يعني شايفني بشد في شعري
عبدالله ياساتر منك مبتعرفيش تقولي كلام حلو خالص نفسي مره تجبري خاطري حسي بيا!
قمر ضربته في دراعه وقالت امشي يا عبدالله روح كل معاهم قبل ما يخلصوا الأكل!
عبدالله هز راسه ومشي وهيا فضلت قاعده علي الكرسي وهيا سرحانه لحدما لقت خالد واقف قدامها وفي ايده أكل وبيقول انتي مأكلتيش خدي دا كُلي
قمر برفض لأ لأ انا مليش نفس كل انت بالف هنا
خالد مشي وقبل ما يقعد وصل هادي وهو بيقول بقولكوا ايه ياشباب
خالد والشباب بصوا عليه باستغراب وهوا قال بخوف في ناس بتجري ورايا!
الشباب وقفت ومعاهم قمر وسألوه بصدمة بتقول ايه مين دول!
هادي انا معرفهمش بس كنت بتكلم مع سوزي في الموبايل وبقولها كلام من الي انتوعارفينه لقيت واحده وقفت وقالتلي انت بتعاكسني والجو دا وانا قولتها انتي مش شكل واحده الواحد يبصلها أصلا!
فلقيت راجل ضخم ومعاه شويه رجاله بفنلات بيجروا ورايا!
عبدالله بصدمه الي عاكستها دي سودا كدا ومكلبزه!
هادي بغضب بقولك معكستهاش دي اصلا مش نوعي المفضل!
محمد احنا في ايه ولا في ايه هيا ولا مش هيا
هادي هز راسه وبعدها عبدالله بص لقمر وقال دي بسمه بنت المعلم فاروق!
قمر بصت عليه بصدمه وقالت يخربيتك يا يا اخي ملقتش غير دي وتعاكسها
هادي بصوت عالي قولت معاكستهاش دي اصلا مش شكل واحده تتعاكس دي متتحسبش انثي اصلا!
الشباب وقفوا بصدمه وعبدالله وقف ورا قمر بخوف وهادي بصلهم بإستغراب وقال في ايه مالكوا بتبصولي كدا ليه!
مردوش عليه وبصوا وراه
وبعدها هو لف علشان يشوف في ايه ولاكنه بيتفاجئ بالمنظر المرعب الي واقف وراه وبتكون بسمه ووراها رجاله كتير ماسكين في ايديهم حجات اول مره يشوفها؟
يتبع
الشباب وقفوا بصدمه وعبدالله وقف ورا قمر بخوف وهادي بصلهم بإستغراب وقال في ايه مالكوا بتبصولي كدا ليه!
مردوش عليه وبصوا وراه!
وبعدها هو لف علشان يشوف في ايه ولاكنه بيتفاجئ بالمنظر المرعب الي واقف وراه وبتكون بسمه ووراها رجاله كتير ماسكين في ايديهم حجات اول مره يشوفها
عبدالله همس لقمر وهوا بيقول اتصرفي يا قمر دول شكلهم ناوين يخلصوا عليه!
قمر بصت لهادي الي لف وشه تاني وبص عليها وهيا قربت ومسكته وقفته وراها
قمر خير يامعلم فاروق الشاب دي شغال معايا انت ليه جايب رجالتك وبتجرو وراه!
فاروق بصوته الخشن المزعج وانتي من امتي وانتي بتشغلي عندك الاشكال دي ياقمر!
هادي اتعصب ولاكن عبدالله بصله يسكت مينطقش ويسبها تتصرف!
قمر بضيق انا أشغل الي علي مزاجي يا معلم فاروق وبعدين في ايه جاي وجايب رجالتك وماسكين السكاكين خير عايزين تموتوه ولا ايه!
الشباب بصوا لهادي بصدمه وهوا بلع ريقه ورجعت قمر كملت وانتي يا بسمه مين قالك ياختي انه عاكسك بص فوشك وقالهالك عيني عينك كدا!
بسمه رفعت حاجبها وقالت لا مقلهاش في وشي بس أنا سمعتها!
قمر بصت عليه بضيق ورجعت قالت وقالك ايه انشاء الله يا بسمه!
بسمه حطت ايديها علي دماغها بتفكير وقالت بيقول يخربيت جسمك السمبتيك دا انا لو مسكتك مش هرحمك!
قمر لفت لهادي وقالت انت قولت كدا!
هز راسه بأيوا وهيا لفت وشها بغيظ وقالت وانتي بق يا بسمه جسمك سمبتيك
الشباب ضحكت وهيا بصتلهم بغضب فسكتو بخوف وهيا قالت الاستاذ ياختي كان بيتكلم في التلفون وبعيد عنك كان بيكلم بت مش كويسه انما انتي يابسمه ست الحسن والجمال واكيد ميقصدكيش بالكلام دا!
بسمه علت صوتها وقالت بس دا رجع غلط فيها وبيقولي اني مش شكل واحده اتعاكس بق انا متعاكسش يا قمر بق انا متعاكسش يابا!
ابوها قرب من قمر وقال أنا بنتي تتعاكس بنتي مش وحشه يا قمر والولا دا لازم يتعلم عليه
عبدالله كان ماسك ايد هادي وضاغط عليها وقمر قالت بص بق يا معلم فاروق انا بحترمك لانك قد ابويا المعلم عبدالتواب الله يرحمة انما بق فكرة انك تعلم علي حد شغال عندي دا معناه انك بتغلط فيا وانا بق الي يغلط فيا بزعل وزعلي وحش!
فاروق رجع لورا بخوف منها وهيا قربت من بسمه وهمست في ودنها لمي الدور والا ورحمة أبويا وأخويا لأقول لابوكي علي الي بتعمليه من وراه يا ست الحسن والجمال!
بسمه كحت وضحكت خلاص يابا حصل خير قمر قالت انه ميقصدش وانا الي تلقيني سمعت غلط!
فاروق انتي متأكده يا بسمة
بسمه وهيا بتبص لقمر أيوا يابا دي قمر برضوا ومينفعش انك تزعل حد من الي شغالين معاها
أبوها هز راسه وقال خلاص يا ست قمر حصل خير بس خلي الي شغالين عندك يعرفوا انهم في منطقة محترمه ملهمش في السكه الشمال!
قمر بصت ل بسمه وقالت طبعا وهوا هيجي الشمال منين بس يامعلم فاروق
بسمه شدت ايد ابوها وقالت يلا بق يا ابا خلينا نمشي ونسيب الرجاله تكمل شغلها!
أبوها هز راسه واخد رجالته ومشي!
عبدالله ساب ايد هادي والشباب قربوا من هادي وقالو عجبك كدا انت اي يابني مبتتهدش
هادي قال بغضب أنا كلمتها هي كمان العجله دي وبعدين انا مببصش للنوع دا انا مبصش لأقل من ملكة جمال!
قمر لفت وشها وقالت أسمع يا إسمك ايه انت المره دي خلصت بالساهل انما انت لازم تعرف ان انت هنا ضيف وتحترم نفسك انت مش شايف صحابك محترمين ازاي انت بق نافش ريشك كدا ليه!
هادي بصلها بغيظ وكان هيرد عليها بس سكت لما خالد شده وقال هوا خلاص عرف غلطه يا آنسة قمر بس هو برضوا مغلطش فيها هيا شكلها هيا الي بتجر شكله!
هادي ايوا صح شايفه واحد طويل وحلو وبعضلات نوع اول مره ينزل منطقتهم قالت اما اجر شكله فكراني يعني هبصلها!
قمر غمضت عينيها بتحاول تتحكم في أعصابها
فسعيد قال مش اوي كدا يابن الجارحي احنا عارفين الي فيها!
هادي بغيظ متخليك في حالك يسطا سعيد الا قولي اخبار الشغل ايه!
قمر بصت لعبدالله وهزت راسها يجي وراها وقالت انا ماسكه نفسي عليه المستفز دا انا عايزه اروح اضربه.
عبدالله اهدي بق يا قمر احنا اتفقنا ملوش علاقه بيكي بس مش عارف هوا مالو كدا شكله بتاع مشاكل!
قمر انا هاين عليا اطردهم بس هما ملهمش ذنب هو مفيهمش غير التنك دا مش عارفه شايف نفسه علي ايه وقال ايه بيقولك واد حلو وبعضلات لوت شفتها وعملت صوت مممم الله يرحمك يا جمال يا اخويا كنت سيد الرجاله بجد!
عند هادي وأصحابه محمد قال
انت صحيح ايه الي جابك بدري النهارده!
هادي متقبلتش في الشركه بيقولواي اني لازم علي الأقل ابق معايا شهاده خبره من اي شركة
خالد ازاي وانت اول مره تشتغل.
هادي انا متخرج من 6 سنين وموضوع اني مشتغلتش دا قالقهم عير انهم طلعوا عارفين بموضوع عيلتي فرفضوني!
خالد خلاص ياعم ولا تزعل بسيطه انت تنزل تشتغل معانا في الورشه وعلي فكره مش زي مانت فاكر خالص
هادي ورشه ايه بس اشتغلوا انتو وانا هشوفلي اي شغل في اي مكان محترم
محمد مش هتلاقي ياهادي انتو اصلا تريند الي حصل لعيلتك ترند وفكره ان حد يشغلك عنده هيستغلك واحنا عارفين ان دا مستحيل تقبلوا
هادي هز راسه باقتناع وقال بس انا برضوا مش علي اخر الزمن هيبق اسمي اسطي!
خالد ضحك وانت السبب الي مخليك رافض انك مش عايز فعلا ولا كلو علشان مستواك الاجتماعي ميسمحش!
هادي اكيد علشان مستوايا حتي لو معيش جنيه متنسوش ان ابق هادي الجارحي الي كل بنات الشرق والغرب بيتاخنقوا عليا!
سعيد بسخريه دا كان زمان ياصحبي انما انت دلوقت مش لاقي تاكل ولازم بق المره دي تسمع كلامنا!
↚
هادي بص لقمر وقال بق انا هادي الحارحي علي أخر الزمن أشتغل عند القزمة دي!
خالد بص علي قمر بإعجاب وقال أهي القزمة دي هيا الي انقذتك من ايد وحوش النهارده دا بدل ما تشكرها بتتريق عليها!
هادي أشكر مين انت كمان لا طبعا وبعدين هيا عملت الي عليها انا اصلا مغلطش في البت التانيه دي!
عبدالله قرب من الشباب وقال خلاص كدا لحد النهارده روحوا ارتاحو او لو عاوزين تخرجوا براحتكم المهم اننا هنبدأ شغل من بكرا الساعه سابعه الصبح!
هادي انا اصحي الساعه سبعه لأ طبعا
عبدالله علي العموم ياشباب دي اليوميه بتاعكوا وكل ما تتعلموا وتشتغلوا اكتر اليوميه بتزيد!
الشباب ابتسمو وقالو شكرا يا سطي عبده!
خالد ساب الشباب وقرب من قمر وقال انا اسف علي الموقف الي هادي عمله والمشكله الي حصلت بس دا طايش ومتعود انه يغلط وغيره يصلح بس متقلقيش احنا مش هنسيبه غير لما يتعدل كدا ويبق راجل بجد
قمر ابتسمت وقالت اتمني انه يتعدل بدل ماهوا نافش ريشة كدا
وكملت بسخري وانتو بق بتعدلوه متنسوش تقصوله لسانه علشان طويل اوي
خالد ضحك وهيا ضحكت علي ضحكته وكانوا الشباب ملاحظين الي بيحصل بينهم ولاكن هادي مشي ومهتمش ليهم وطلع علي الشقه الي قاعدين فيها علشان يعرف يكلم اصحابه البنات براحته!
خالد احنا هنطلع وبإذن الله احنا هنكبرلك الورشه دي ونعوضلك الخساره الي انتي خسرتيها السنين الي فاتت!
قمر استغربت كلامه وقالت انت جبت الكلام دا منين!
خالد قال بأسف انا مش قصدي ازعلك والله بس عبدالله حكالنا كل حاجه!
قمر لا محصلش حاجه انا بس كل الي عايزاه ان ورشة ابويا ترجع تشتغل زي الأول وانا عند وعدي ليكوا اول ما ترجع تشتغل زي الاول القيراط بتاعها هيبق بالنص!
خالد ابتسم وبص لاصحابه وشاورلهم علشان يطلعوا!
وأما قمر راحت لعبدالله وضربته في بطنه وقالت انت بتحكيلهم عني ليه يا ابن فوزيه!
عبدالله بآلم انا مقولتش حاجة
قمر بغيظ وايه الي هيعرفهم اني عانيت كتير ونفسي اكبر الورشه
عبدالله انا اسف ياقمر بس هما الي وقعوني بالكلام'
قمر والله مانت نافع امسك دول وروح انت كمان!
عبدالله بشكر شكرا ياست البنات!
قمر قفلت الورشه وفضلت قاعده علي الكرسي وهيا بتفكر في حالها وان من ساعة ما الشباب دي جت وهيا مطمنه رغم انها بتحميهم ولاكن مطمنه انهم موجودين!
في شقة الشباب كان هادي قاعد وحاطت رجل علي رجل وبيضحك بصوت عالي وهوا بيتكلم في التيليفون وبيقول وحشتيني اوي اوي يا رخي.
صة
البنت بصدمة ايه!
قراءة رواية لسان لا يهزم الفصل الثالث 3 كامل | بقلم شيماء صبحي
تابع مشوار رواية لسان لا يهزم الفصل الثاني 2 كامل عبر الفصل التالي الآن.
رواية لسان لا يهزم كاملة أون لاين
رواية لسان لا يهزم كاملة من الفصل الأول حتى الأخير بترتيب دقيق.
أحدث قصص شيماء صبحي
تابع كل روايات شيماء صبحي الكاملة بروابط مباشرة.
