رواية لسان لا يهزم الفصل الثالث 3 كامل | بقلم شيماء صبحي
تم تحديث الفصل بتاريخ 21 أبريل 2026
هادي بابتسامه خبيثه قصدي رئيسه انتي برضوا تصدقي ان انا أقول عليكي كدا!
البنت ضحكت ضحكة مغريه وهوا قال بصوت هامس مش بقولك رخي.
صة!
الشياب كانو طالعين علي السلم وكل واحد ماسك خمسين جنيه بفرحه وبيقولوا ياسلام انا بقالي كتير اوي ممسكتش فلوس!
محمدمن يوم ما هادي ابن الحارحي فلس!
الكل ضحك ودخلوا علي هادي الشقه وهوا كان قفل مع البنت الي بيكلمها ووقف وقال اسمعوا بق شغل مش هشتغل!
خالد طلع الخمسين جنيه من جيبه وقال معاك زيها علشان تقول كدا!
هادي بلهفة اي دا انت جبت الفلوس دي منين
محمد وسعيد طلعوا فلوسهم هما كمان وهوا بصلهم وانتو كمان!
خالد دي الفلوس الي اخدناها يوميه النهارده تعرف ان عبدالله قالنا اننا كل ما نشتغل أكتر هناخد اكتر
هادي قال بفرحه بقولكوا ايه هو انتوا ممكن تسلفوني الميه وخمسين دول!
الشباب برفض لا مش هنسلفك دي حق تعبنا وشقانا طول اليوم انزل اشتغل معانا وانت تسكب زيهم!
هادي بموافقه ماشي هنزل معاكم ومن بكره
الشباب بصدمةبتتكلم بجد!
هادي وجد الجد كمان!
يلا بق هاتو الفلوس!
الشباب سابوه ودخلوا علشان يرتاحوا وهوا قال بغضب اه يا ولاد ال.
مطمرش فيكوا اي حاجة
الشباب من جوا احنا برضوا يا كداب!
ضحك عليهم وراح يفتح البلكونه علشان يشم هوا نضيف فضل يبص علي شكل البلكونه بتقزز وبعدها وقف وقال هيا جت عليها يعني ما الشقه كلها كدا!
وقف يبص علي النجوم شويه وبعدها بص علي شكل المنطقة لمح قمر وهيا قاعده علي الكرسي الي موجود جمب الورشه كانت قاعده ورافعع دماغها وبتبص علي السما وعماله تعد النجوم
استغربها جدا وفضل يبص عليها شويه وهوا بيسأل نفسه هي ايه حكايتها البنت دي ولي مختلفه عن اي بنت هوا شافها قبل كدا!
قمر لاحظ ان هادي واقف في البلكونه وبيبص عليها قامت وراحت للسوبر ماركت تجيب شوية طلبات ورجعت تاني لشقتها
وبالليل صحيت قمر من النوم علي صوت بطنها قالت بجوع انا مأكلتش حاجه من صباحية ربنا
قامت وقررت تحضر لنفسها عشي خفيف وفعلا بدأت تعمل مكرونه وبيض ( هتسألوني وتقولولي دا شكل عشي خفيف هقولكم قمر بتقول كدا يبق نسمع كلامها ونمشيها عشي خفيف😂)
سمعت صوت خبط علي الباب بيخبط وقفت باستغراب وهيا بتقول مين دا الي بيخبط في وقت زي دا!
مسكت سكينه وقربت من الباب وهيا بتقول مين!
مسمعتش رد فقالت تاني مين الي بيخبط!
محدش رد عليها فرجعت تاني للمطبخ ولاكنها سمعت الباب بيخبط تاني قربت بخوف وهيا بتسأل مين!
سمعت صوت بيقول انا!
أستغربت اوي وقالت دا صوت مين دا!
قالت بتسأول مين انت
متفتحي وخلاص بقولك انا!
اول ماسمعت الجمله دي عرفت انه هوا الواد الغلس قالت برفض وانت عايز ايه في وقت زي دا
هادي بصوت ضعيف أنا شامم ريحه أكل جاي من هنا وبصراحة أنا جعان!
قمر باستغراب من كلامه قالت وهو في حد بيعمل اكل في وقت زي دا!
هادي انا شامم ريحه مكرونه وانا جعان انا مكلتش حاجة من الصبح
قمر قالت بحزن بيقول مكلش حاجه من الصبح!
هادي ايه مش هتاكليني!
قمر بغيظ لأ واتفضل اطلع علي شقتكم مفيش اكل!
مسمعتش رده وبعدها دخلت للمطبخ وقالت هيا ناقصاك انت كمان قال جعان ومأكلتش المفروض اننا اصدقك وادخلك هنا دنتا نتحرش
حطت الأكل علي السفرة وبدأت تاكل ولاكنها سمعت صوت جاي من عند الباب زفرت بضيق وقامت فتحت الباب كان هادي قاعد علي الارض وماسك بطنه
قمر بغيظ منه أنا مش قولتلك اطلع فوق!
هادي انتي كدابه علي فكرة انتي عاملة أكل!
قمر أيوا عامله أكل واقولك علي الكبيرة عاملة مكرونه وبيض
هادي بجوع الله تعرفي اني بحبك الأكل دا أوي!
قمر رفعت حاجبها وقالت بس انا عاملة أكل علي قدي وانت باين عليك كدا بتاكل كتير
هادي وقف ونفض هدومه أبدا انا بس هاكل شويه صغيرين والله.
قمر قالت طيب تعالي ادخل بس من غير اي صوت انت فاهم
هادي هز راسه ودخل وهيا سابت الباب مفتوح وبعدها دخلت للمطبخ علشان تجيبلة أكل وطلعت لاقته خلص كل اكلها قالت بغضب اي دا أنت كلت أكلي!
هادي بصلها وقال انا كنت جعان اوي وبصراحه انا اول مره اكل من ايد حد انا معرفوش واول مره في حياتي اطلب طلب من حد!
قمر بضيق وانا مالي بق بالكلام دا انا جعانه انا كمان ودلوقت مفيش غير شوية المكرونه الصغيرين دول ومش هيشبعوني!
هادي بصلها بصدمه وقال انا اسف بس مقصدش اخلص الأكل!
قمر ادتلوا الطبق وقالت خده واطلع كل فوق ومشوفش وشك تاني وعلي فكره عقابك انك هتنزل تشتغل في الورشه
هادي اخد الطبق وقال موافق بس متزعليش بق لما ابوظلك الدنيا!
قمر بعيظ امشي من هنا حالا
هادي مشي وهيا قفلت الباب وراه وقعدت بحزن وهيا بتقول مفجوع ياربي خلص الاكل كلو.
بس ثواني هوا قالي أنا اسف يعني بيعتذر عادي اهو امال ليه شايف نفسه كدا وبيتنك علي صحابه
خلصت كلامها وقامت وهيا بترحع الاطباق مكانها وبعدها دخلت اوضتها علشان تنام
_______
تاني يوم الصبح
صحيوا الشباب بنشاط وبدأو يجهزوا علشان ينزلوا الورشه وخرجوا من اوضتهم واتفاجؤ بهادي لابس وقاعد مستنيهم
خالد اي دا انت نازل بجد ولا ايه
هادي أيوا نازل اشمعنا يعني انتو تكسبوا فلوس وانا لأ!
سعيد لاحظ الطبق الي موجود علي السفره قال باستغراب وهوا بيمسكه دا طبق اي دا!
محمد باستغراب اي دا دا ريحته طبيخ!
هادي برفض لأ دي ريحتو مكرونه انتو مبتعرفوش تشموا!
خالد قرب من هادي وقال وانت بق الي كنت بتاكل فيه
هادي هز راسه وقال أيوا وكان طعمها جميل!
الشباب اتجمعوا عليه وقالو وانت بق جبت المكرونه دي منين!
هادي طبختها الشباب بصوا عليه بشك وقالو وانت بتعرف تطبخ من امتي!
محمد بشك سيبك من انه بيعرف يطبخ ولا لأ هو أصلا جاب المكرونه والطماطم دي منين
هادي وقف وبصلهم وضحك وقال من باب الله يا خفيف!
الشباب بصوا عليه بشك اكتر وقالو هنعرف بس في وقتها
هادي قال مش هتنزلوا ولا ايه
سعيد لا طبعا نازلين يلا يا رجاله
الشباب نزلوا وقفلوا باب الشقه كويس وبعدها خرجوا من البيت وراحوا عند.
الورشه ولاقوا عبدالله جاي من وراهم وبيقول صباح الفل يارجاله اي النشاط دا
الشباب بضحك صباح الخير يا اسطي عبده عندنا ليك مفجأه
عبدالله بص عليهم باستغراب مفجأة ايه دي!
خالد شاور علي هادي الي واقف بعيد عنهم وقال جبنالك الاسطي هادي هيشتغل معانا
عبدالله بصله بضحكه وهوا بصله بغيظ وقال انا البشمهندس هادي الجارحي والي هيقول يسطا دي مش هيشوف خير
عبدالله بص علي الشباب الي هزو راسهم وقالو طبعا يا هندسه دانت فخرنا برضوا
عبدالله فتح الباب بتاع الورشه ودخلوا كلهم وبدأو شغل وطبعا عرضوا الشغل علي هادي والي اقترح عليهم كام حاجه يعملوها وقتها عبدالله طلب منه يعملها بنفسه وهوا وافق ولاكن هدومه مكنتش مساعداه فخلع التيشرت وبق بالفنله بس وعضلات جسمه كانت برزة وبدأ يشتغل وكان الكل مبهور بشغله وقال عبدالله انت اشتغلت حداد قبل مدا!
هادي بسخريه لا أشتغلت مهندس!
كانت عليا معديه من عليهم وشافت هادي والي كان بيشتغل وكل ما يبذل مجهود اكتل عضلاته بتبان أكتر الشباب كلهم قلعوا التيشرتات وبقوا بالفنله وبدأ يشتغلوا بحماس وكل ما واحده من الي في المنطقة تعدي عليهم تقف تنبهر بجمالهم لحدما مابقوا كل ستات المنطقه واقفين عند الورشة!
خرجت قمر من البيت وهيا بتبص علي الورشه بنشاط ولاكنها اتصدمت من اللمة الي موجوده حواليها جريت بخوف ليكون حد جراله حاجه ولاكنها وقفت بصدمه اول ما شافت شكلهم!
خرجت قمر من البيت وهيا بتبص علي الورشه بنشاط ولاكنها اتصدمت من اللمة الي موجوده حواليها جريت بخوف ليكون حد جراله حاجه ولاكنها وقفت بصدمه اول ما شافت شكلهم وقفت في مكانها تسمع كلام البنات والي بتقول
شايفة يابت الواد ابو العضلات الي شبه الاجانب دول
صاحبتها اه ولا صاحبه التاني ابو شعر ناعم دا!
واحده ثالثه معقول كل الحلاوه دي شغاله عند قمر '
واحده تانيه بضحك حظوظ ياختي هنقول ايه بق!
عليا قربت منهم وقالت انا هخلي اخويا يجي يعمل البوابه بتاعنا الجديده شكلهم كدا شاطرين
واحده تانيه هما من نحية شاطرين فهوا واضح وكملت بغيرة يابختك يا قمر يابنت الفقرية!
قمر كانت واقفه سامعه كلامهم ووقفت تبص علي الشباب وبالذات هادي لانه هوا الي كان الكلام عليه اكتر
واحدة منهم شافت قمر راحت شدتها وقالت بقولك ايه ياقمر هو الواد الاجنبي دا مش عايز عروسه!
قمر اتغاظت أكتر وعلت صوتها وقالت ايه المسخره دي وانتي وهيا واقفين كدا ليه مش مكسوفين علي دمك وانتو اصلا متجوزين!
كل الستات الي واقفه بصولها بغيظ وقالو وانتي مالك هو احنا بنبصلك انتي
قمر زقت البنت بغيظ وقربت من الورشه وهيا بتبص لعبدالله لقته هوا كمان بالفنله قالت بصوت عالي علشان الكل يسمعها ايه الي بيحصل هنا دا وايه اشكالكم دي!
الكل انتبه ليها وعبدالله قرب منها وهيا قالت بغضب روح البس القميص وكلو يلبس هدومه!
الشباب هزت راسها بالموافقه وقمر لفت للستات الي واقفه وقالت بصوت غاضب انتو عارفين لو غمضت عيني وفتحتها لقيتكوا واقفين هعمل فيكوا ايه
كل الي واقفين مشيوا وهما بيقولوا كلام بصوت مش مفهوم ومن الواضح انهم متغاظين منها!
اما هيا رجعت تبصلهم ولقت ان كلو لبس هدومه وبيبصولها فبصت لهادي لقته لسا زي مهوا و شغال وكانه مش مهتم لكلامها!
قمر بضيق انا قولت البسوا هدومكوا حضرتك مش معاهم ولا ايه
هادي قرب منها وهيا بعدت ولاكنه شد التيشرت من وراها وقال سمعتك بس كنت بخلص الي في ايدي!
قمر رفعت حاجبها بضيق وبعدها قالت الي حصل دا ميتكررش تاني دا اسمه قلة احترام!
محمد بس احنا عملنا ايه يعني احنا اشتغلنا بالفنله علشان هدومنا متبوظش
قمر ومالها يعني لما تبوظ انتو في ورشه ودا لازم يحصل ولو خايفين اوي علي هدومكوا اعملو هدوم خاصه بالشغل!
سعيد بس علي فكره الرجاله هنا بيقفوا بالفنله عادي!
قمر بصت لعبدالله بغيظ وردت علي سعيد وهيا بتقول الي بتقول عليهم دول مش شغالين عندي ولو شغالين مستحيل اخليهم يقفوا كدا انا مبحبش قلة الآدب
خالد بصلها وقال احنا اسفين يا قمر اكيد منقصدش واحنا مكناش متوقعين ان حد هيبصلنا أصلا
قمر اديكوا عرفتو رفضي للموضوع دا وملو سمحتوا مش عايزاه يتكرر تاني ويلا كل واحد يشوف شغله!
هادي ضحك علي احراج خالد ولاكن قمر بصتله وقالت حضرتك مش في النادي بتاع بابي علشان تاخد حريتك في اللبس انت في منطقة شعبيه وعلي الاقل تحترم ان في بنت موجوده معاكوا!
هادي بصلها بغيظ وخالد ضحك عليه وهيا مشيت من غير ما تستني رده وهوا بص لخالد بغيظ ورجع يكمل شغلة!
اما قمر كانت هتروح تجبلهم فطار ولاكنها قالت خساره فيهم الي كنت هعملو معاهم منكوا لله حرقتو دمي علي الصبح!
قعدت علي الكرسي وهيا ماسكه دفتر بتكتب فيه كل مستلزمات الورشه وانتبهت علي صوت رجاله واقفين وبيقولو صباح الخير ياست قمر
قمر رفعت راسها بانتباه صباح النور يا معلمين!
الرجاله احنا كنا جايين في شغل
قمر هزت راسها بابتسامة وبعدها نادت علي عبدالله والي قعد مع الرجاله وهيا قامت علشان تجبلهم حاجة يشربوها ولاكن لما رجعت لقت انهم مشيوا ندهت علي عبدالله باستغراب وقالت هما المعلمين راحوا فين
عبدالله بفرحه مشيوا علشان اشغالهم ولاكن سابو الدوسيه دا
قمر مسكت الدوسيه بإستغراب وهيا بتسأل دا بتاع ايه دا!
عبدالله شوفي بنفسك!
قمر فتحته وابتسمت اول لما لقت انها تصميمات هيعملو زيها قالت دا لكام بيت دا
عبدالله خمس بيوت والمعلمين سابو العربون وقالولي اقولك انهم هيدفعوا الباقي عند الاستلام
قمر مسكت الفلوس والي كانت كتير وكانت يعتبر اول مبلغ كبير يجي للورشه
قالت بفرحة دا بجد يا عبدالله مش بيهزرو!
عبدالله ايوا مش بقولك الشباب دي وشهم حلو
قمر هزت راسها وبصت للشباب بابتسامه وقالت والله مش خساره فيهم الفطار الي كنت هجيبوا
عبدالله بفرحة ايوا بق هيا دي قمر الي اعرفها
قمر قامت وهيا بتقرب من الشباب وبتعرفهم علي الشغل الجديد الي جالهم وهما اتحمسوا جدا وهادي قال دا شغل عادي جدا انا ممكن اديلهم افكار احلي!
قمر بصتله باستغراب وهوا قال متشغليش بالك لما الرجاله تيجي انا هتكلم معاهم
رفعت حاجبها بصدمه ورجعت بصت للشباب وهما قربوا منها وقالو احنا صحيح مش بقالنا كتير هنا بس بصراحه احنا اتعلمنا كتير وبإذن الله هنشرفك
قمر ضحكت وقالت طيب اتمني وعلشان حمساكم دا انا عزماكوا علي الفطار النهارده!
الشباب بفرحة دا العشم برضوا!
قمر مشيت وهما فضلوا يتكلموا مع هادي وهو عرض عليهم أفكاره وعجبتهم جدا وقرروا انهم هيعرضوا علي اصحاب البيوت دي بنفسهم وعبدالله قال انتو عارفين ان حاجه زي دي هتكون مكسبها اكبر!
خالد اكيد بس دي حاجه كويسه هتعيش اكتر خصوصا ان الموديلات بتتغير بعد كل فتره
سعيد والله دي فكره هايله وانا شايف اننا نبدا من دلوقت!
محمد هيا البوابه الي في ايدينا دي خلاص واقفه علي اخر حاجه ممكن انا وعبدالله نقفلها وانتو ابدأو في الشغل الجديد
الكل وافق وبدأ يشتغلوا في حماس أكتر.
اما قمر كانت واقفه بتجيب الاكل وهيا بتفكر وبتقول بفرحة انا ابويا رغم شغله في الورشة السنين دي كلها ولاكن عمره مجاله شغل زي دا هما شكلهم فعلا عوض ليا بعد كل السنين دي!
رجعت وهيا ماسكه الاكياس وقابلوها الشباب واخدو الاكياس منها وهيا طلبت منهم يسيبوا الشغل لحدما يخلصوا أكل والشباب قعدت علي الارض ولاكن هادي كان لسا واقف
قرب منها وهوا بيقول انا عايز اتكلم معاكي في حاجه مهمه!
قمر هزت راسها وهوا قال بخصوص امبارح علي فكره انا مكنتش في وعيي!
قمر رفعت حاجبها وقالت والله!
هادي اكيد مكنتش في وعيي لاني عمري ماطلبت حاجه من حد ولا عمري اكلت من ايد حد معرفوش!
قمر علي فكره عادي لما تشكر اي حد قدملك خدمه مش عيب العيب انك تبرر لحاجة عاديه زي دي!
هادي باستغراب يعني دي حاجه عاديه!
قمر هزت راسها وقالت طبعا حاجه عاديه احنا لازم نساعد بعض يعني الي معاه يدي للي محتاج وانت امبارح كنت محتاج!
بصلها وسكت وهيا كملت كنت محتاج تاكل علشان جعان وانا قدمتلك اكل في انا استني منك كلمة شكرا لان دا المطلوب ولاكن تقولي مكنتش في وعيك والكلام دا ف أنا طبعا مش هصدقك!
هادي حط ايده علي شعره وقال شكرا!
↚
قمر ابتسمت وقالت الشكر لله وروح يلا علشان تفطر قبل ما يخلصوا الأكل!
هادي هز راسه ومشي وهيا فضلت تبص عليه وهيا مبسوطه انه اخيرا بدأ يتحسن عن الاول وبعدها رجعت تاني تكتب كل الحجات الي هتروح علشان تجيبها ولاكنها لقيت انهم حجات كتير وهتحتاج ان حد يجي معاها
فضلت قاعده تستناهم لما خلصوا اكل وقربت منهم وقالت لعبدالله تعالي ياعبده معايا علشان هروح اجيب الحجات الي ناقصه ف الورشة!
عبدالله انا عندي شغل دلوقت بقفل في البوابه مع محمد خدي اي حد من الشباب!
قمر بصتلهم لقتهم كلهم شغالين قربت وهيا بتقول عايزه اي حد يجي معايا علشان نجيب الدهان الي هتدهنوا بيه البوابه
خالد وسعيد بصولها وخالد كان هيرد عليها ولاكن هادي قال انا ممكن اجي معاكي
قمر هزت راسها وقالت طيب جهز نفسك علشان هنمشي!
هادي لف لخالد ومحمد وقال خلصوا انتو الي في ايديكوا وانتو عارفين هتعملوا ايه
هزو راسهم وهوا مشي ولاكن خالد كان بيبص عليه بضيق ولما شافهم ماشين جمب بعض حس انه غيران!
اما هادي كان ماشي جمبها وطبعا كان في فرق في الطول قمر لبست الشنطة بتاعتها وحطتها علي جمب وقالت المكان بعيد شويه فهنركب موصلتين
هادي هز راسه وبعدها هيا وقفت ميكروباص وركبت وهوا كان واقف بس انتبه لصوتها وهيا بتقوله يركب!
ركب جمبها وهيا طلعت فلوس وطلبت منه يحاسب السواق فهوا أخد منها الفلوس وقبل ما يديها للسواق في واحد ورا نداله علشان يديلوه الاجره هوا كمان لف ليه وساله عايز ايه فالشاب طلع الفلوس وقاله اديله واحد
هادي قال باستغراب متديلو انت!
الشاب بصله باستغراب ولاكن قمر مسكت الفلوس من الشاب وبصت لهادي وقالت امسك ياهادي ادي كل الفلوس دي للسواق
هادي هز راسه بضيق وفعلا مد ايده للسواق وسكت ولاكن السواق ماخدش باله منه
فبصلها بغضب وقال مش راضي ياخد مني!
قمر همست في ودنه نادي عليه وقول اتفضل يا اسطا تلاته!
هادي بص للسواق وقال بصوت عالي أتفضل يسطا تلاته!
السواق اتخض من صوته وهيا ضحكت ولما شافها بتضحك اتغاظ اكتر والسواق اخد الفلوس وهوا بيقول بالراحه يابني انا مش اطرش للدرجادي!
هادي بصلها علشان يسالها يقوله ايه ولاكن هيا لفت وشها فهوا فضل ساكت لحدما السواق نساه اصلا
المكروباص وقف في المحطه بتاعته فنزلوا وفضلوا يمشوا شويه وبعدها ركبوا تاني والمره دي قمر هيا الي حاسبت السواق بنفسها وبصتله لاقتو ساكت لحدما المكروباص وقف وكانت ست كبيره هتركب ف مدت ايديها لهادي يساعدها علشان تركب ولاكن هوا قال الله يسهلك ياحجه
الست بصتله بصدمة وقالت انا مش بشحت يابني بقولك خد ايدي
هادي شكرا ياحجه مش عايز ايدك ممكن تديها لاي حد تاني
قمر كانت فطست علي نفسها من الضحك لحدما هديت وقالت قصدها ساعدها تطلع العربيه
هادي هز راسه وفعلا ساعد الست وبعدها هيا فضلت بصاله.
فقمر قربت منه وقالت قوم ارجع ورا وقعدها مكانك
هادي قال بإستغراب ليه يعني متركب هيا ورا
قمر باحراج من صوته الواضح الزوق انك تقوم علشان هيا تقعد
هادي قام بغيظ وقعد ورا والست قعدت جمب قمر وهيا بتقول انتي تعرفي الواد الاهبل دا!
قمر بصت عليه وضحكت ورجعت بصت للست تاني وقالت معلشي اصله مش مصري
الست بتفهم انا قولت كدا برضوا اكيد يعني مفيش حد يعمل الي هوا عمله دا
قراءة رواية لسان لا يهزم الفصل الرابع 4 كامل | بقلم شيماء صبحي
انطلق إلى الفصل التالي من رواية لسان لا يهزم الفصل الثالث 3 كامل واكتشف المزيد.
رواية لسان لا يهزم كاملة أون لاين
رواية لسان لا يهزم كاملة تجربة قراءة منظمة وسهلة.
جميع أعمال شيماء صبحي
استمتع بقراءة قصص شيماء صبحي الكاملة بسهولة.
