رواية لسان لا يهزم الفصل الرابع 4 كامل | بقلم شيماء صبحي
تم تحديث الفصل بتاريخ 21 أبريل 2026
قمر ابتسمت وقالت حصل خير يا حجه كل سنه وانتي طيبه
قمر وقفت الميكروباص علي المكان الي هينزلوا فيها وبصت لهادي علشان ينزل وراها وهوا فكرها بتبصله عادي فلف وشه بغيظ منها ومرداش يبصلها وهيا نزلت
واستنته ينزل ولاكن هوا مكنش مركز معاها السواق اتحرك وهيا وهيا ندهت بصوت عالي لحدما وقف قربت من العربيه وندهت عليه ولما انتبه ليها نزل
قمر انا عماله اشاورلك من ساعتها علشان اعرفك اننا هننزل
هادي مخدتش بالي اصلي اهبل!
قمر فهمت انه سمع الست لما قالت عليه كدا
ف قالت متزعلش مني اصلا دي ست كبيره واحنا واجبنا اننا ساعدها علشان لما نكبر نلاقي الي يساعدنا!
هادي سكت ولاكن انتبه ان في عربيه جايه بسرعه عاليه فشدها بسرعه وهيا صرخت بخوف ولما انتبهت انه هوا عمل كدا لحمايتها بصتله بدهشه وهوا قال انتي كويسه!
هزت راسها وبعدها مشيوا لحدما وصلوا للمحل الي هيجيبوا منه الطلبات وبعد وقت خرجوا وكانت شايله كل الاكياس لوحدها وهوا ماشي جمبها لحد ما عدت ست وقالت اخص علي الرجاله بق سايبها شايله كل الاكياس وماشي فاضي رجاله معندهاش دم!
هادي بص للست دي باستغراب لانها كانت بتقول كدا وهيا بصاله بقرف
فبص جمبه لاقي ان قمر شايله الاكياس ومن الواضح انها تقيله عليها قرب منها وقال هاتي اشيل معاكي
ادتلوا الأكياس وهيا مستغربه انه طلب يساعدها!
ركبوا الميكروباص علشان يروحو وفي الطريق واحده ست كانت شايله بيبي وكانت قعده جمب هادي وكانت ناسيه انها تدفع الاجره وانتبهت علي صوت السواق وهوا بيقولها انها مدفعتش
قالت بأسف اسفه نسيت والله؟
السواق بصلها بنظرات مش حلوه وكان هادي واخد باله من نظراته ليها فبصلها وهيا مكنتش عارفه تطلع فلوس من ابنها الي كان علي رجليها ف طلبت منه ياخد ابنها علي رجله ثواني بس لحدما ما تطلع الفلوس
وافق هادي واخد الطفل وفضل يلاعبه وكانت قمر بتبص عليه ومبهوره بتغيرة لحدما الست كانت دفعت الاجره واخدت الطفل من هادي تاني وشكرته وهوا ابتسم ورجع بص لقمر لقاها بصاله ومركزه معاه
انتبهت قمر لنفسها ولفت وشها بحرج وهوا ابتسم لانه حس انه عمل حاجه كويسه فانه ساعد الست دي وفهم ان الشكر دا حاجه لطيفه لانه فرح لما الست شكرته رغم انه معملش حاجه كبيرة!
فهم وقتها كلام قمر واقتنع ان دي حاجه ملهاش علاقه بانه كدا بيقلل من نفسه زي مكان فاكر وان دي حاجه مطلوبه!
وصلوا للمنطقة وهادي وقتها شال كل الأكياس وقربوا من الورشه ولقي ان الشباب لسا شغاله فقمر لاحظت تعبهم فعرضت عليهم انها تساعدهم ف رش البوابه ولاكن هما رفضوا وطلبوا منها تقعد وهما هيعملو كل حاجه بنفسهم فابتسمت وقررت انها تطلع وتعملهم اكل بنفسهاا وطلبت من عبدالله انه يجي وراها علشان عايزه تديلو حاجه وعبدالله وافق وطلع وراها الشقه
وفي الورشة
هادي كان ملاحظ نظرات خالد ليه فقال باستغراب مالك بتبصلي كدا ليه
خالد بضيق مببصلكش
هادي فهم ان في حاجه فقال لا فيه نظراتك ليا مش حلوه في ايه انطق!
الشباب انتبهو لصوت هادي الي كان عالي نوعا ما فقربوا وهما بيسألو في ايه
خالد بضيق مش عارف الأستاذ هادي ماله بيقولي بتبصلي ومش بتبصلي!
سعيد في ايه يا رجاله متهدو كدا!
هادي بغيظ لا منا عايز افهم بتبصلي كدا ليه وكانك مش طايقني؟
خالد بضيق ايوا مش طايقك وحل عني بق؟
هادي اتعصب من اسلوبه وقرب منه وقال اتكلم معايا حلو ومتنساش نفسك
خالد بغضب انت الي متنساش نفسك انت زيك زي يعني انت الي تتكلم معايا حلو وبلاش التناكه الي انت فيها دي!
هادي اتصدم من كلامه وقال دانت شايل ومعبي بق!
خالد زفر بضيق ومحمد قرب من هادي وقال اهدي يصحبي بلاش تخلوا الشيطان يدخل بينكوا احنا طول عمرنا صحاب!
هادي انت مش شايف كلامه معايا ابن الطباخ دا!
خالد اتضايق من كلام هادي وقرب منه وقال انت محتاج تتعلم الادب علشان كدا كتير!
هادي اتعصب لما خالد مسكه من هدومه فضربه بدماغه خلي خالد ينزف من مناخيره وخالد مسك حدييده وقرب منه ولاكنهم وقفوا علي صوت قمر والي قالت انتو هتعملوا ايه اهدو
خالد رمي الحديده وقال هو الي غلط الاول
قمر بصت لهادي وقالتهو فيه ايه اي الي بيحصل دنتو اصحاب!
هادي ساب الي كان مسكه ومشي بغضب وهيا وقفت مصدومة من الي بيحصل وقالت في ايه يا محمد في ايه يا سعيد حد يفهمني!
محمد مفيش بس هما علي طول كدا مش اول مره!
خالد بضيق هو احنا خلصنا شغل ولا لسا!
قمر لسا بس لو عايزين توقفوا لحد كدا النهارده فاطلعو؟
خالد هز راسه ومشي من الورشه وطلع للشقه ووراه محمد وسعيد ولاكن هادي كان خرج من المنطقة كلها ودا الي قلق قمر وخلاها تخاف لانه في كل مره بيخرج فيها بيجيب مشكلة وراه!
يتبع ❤️
في شقة الشباب كان خالد قاعد وبيقول بغضب انا مش هسيبه غير لما أخد حقي!
محمد في اي ياعم متهدي هو ايه الي حصل لكل دا!
خالد زفر بضيق انا مبقتش طايقه ولا طايق حركاته دي هو خلاص معدش هادي باشا الي كان مشغلنا عنده خدامين دا بق زيو زينا ليه بق جو التناكه دا؟
سعيد ايه الكلام دا يا خالد هادي طول عمره صاحبنا ولا عمره في مره قال لواحد فينا اننا خدامين وبعدين مش علشان هوا مبقاش هادي باشا زي مبتقول يبق منستحملوش دا ياما وقف جمبنا وكان بيصرف عالينا ولا نسيتوا
خالد بضيق بس برضوا هوا كدا علم عليا وانا مش ههدي غير لما اخد حقي
محمد قرب من خالد وقال انت كدا ندل علي فكره احنا الي بينا مش كام يوم دي عشرة وبعدين منت ياما عملت أكتر من كدا وهوا مكنش بيعمل معاك حاجة
خالد بصلهم وسكت وهما قالو متخليش الأفكار الي في دماغك دي تصورلك حاجه محصلتش يا خالد هادي دا اخونا قبل ما يبق صاحبنا وعلي فكره هوا مش بيتنك علينا هي دي شخصيته وطول عمره بيتعامل معانا كدا وكان الموضوع عادي اشمعنا بق لما فلس بق مش حلو!
خالد هدي وقال خلاص ماشي انو شايفين اننا غلطان!
محمد وسعيد ايوا غلطان ولازم تراضيه احنا منعرفش هوا راح فين وبعدين احنا سيبنا الشغل ولسا الدنيا نور وزمان قمر زعلانه منك علشان الي حصل!
خالد لما سمع اسم قمر بصله وقال وهيا هتزعل ليه هو اصلا انا معملتش حاجه هو الي بدأ!
محمد لسا برضوا مصمم علي الي في دماغك كبر دماغك انت الكبير!
خالد بصلهم وسكت وهما دخلوا علشان يغيروا هدومهم الي اتبهدلت وسابو خالد قاعد مكانه بيفكر في كلامهم!
وعند قمر
قمر واقفه جمب عبدالله وبتقول هو ايه الي حصل بالظبط وليه ضربو بعض!
عبدالله مش عارف الموضوع كبر علي ايه بس تقريبا خالد هو الي غلطان لان هادي لما رجعتوا كان بيهزر مع الشباب وتقريبا كدا سمع خالد بيقول حاجه انا مش عارف برضوا
قمر امال انت واقف معاهم بتعمل ايه وبعدين هو هادي راح فين هوا كمان هو ميعرفش حاجة هنا!
عبدالله متقلقيش هوا هيلفله شويه وهيرجع زي كل مره
قمر هزت راسها وطلعت وقالتله اقفل الورشه وروح وانا هطلع علشان ارتاح ولو حصل اي حاجه ابق اندهلي!
____________
في نص الليل كان هادي قاعد في شارع ضلمة لحدما فجاه سمع صوت همسات جايه من كل حته حواليه بدأ يدقق في اشكالهم فاتصدم انهم ناس مش كويسه وفي منهم الي بيشرب حجات سامه ومنهم الي بيفعل المحرمات وقف بصدمة وقرر انه يمشي من المكان المقزز دا وهوا بيفكر يروح فين هوا في الحقيقه مش يرجع المنطقة لانه مش عايز يقابل خالد لآنه مكنش متوقع منه انه يكون شايل منه كدا ولاكن بعد تفكير قرر يرجع تاني لانه مش لاقي اي مكان تاني يروحوا
🌸🌸🌸🌸🌸🌸🌸
وفي شقة قمر كانت نايمه علي سريرها وهيا بتفكر في هادي وانه لسا مرجعش لحد دلوقت فجااه سمعت صوت البوابه بتفتح قامت بسرعه علشان تشوفه وسمعت خطوات طالعة علي السلم بصت من العين السحريه ولاكنها اتفجات بوجود ناس كتير اتصدمت لانها اول مره تشوف كمية الناس دي جريت بسرعه علي شباك اوضتها وبسرعه كانت خرجت من البيت جريت بسرعه علي بيت عبدالله وهيا بتخبط وبتنادي عليه وهوا رد عليها بعد وقت اول ماشافها اتصدم وسألها باستغراب قمر انتي بتعملي ايه هنا في وقت زي دا
قمر شدته من هدومه وقالت تعالي بسرعه في ناس شكلها غريب طلعوا علي شقة الشباب!
عبدالله بصدمة بتقولي ناس شكلها غريب ازاي يعني!
قمر انا اعرف بق بس انا شوفتهم من العين السحريه لما سمعت صوت خطوات فكرته هادي!
عبدالله بتساؤل هو انتي من ساعتها منمتيش ومستنياه يرجع!
قمر بصتله وقالت اكيد لا بس هوا ميعرفش حاجه هنا واكيد كنت صاحيه لاني عارفه انه اكيد هيجيب مصيبه وهوا جاي!
عبدالله بصلها بشك ولاكن هيا قاطعته يلا يا بسرعه احنا لسا هنحكي!
عبدالله طيب استني يا قمر اغير هدومي
قمر شدته من هدومه وقالت مفيش وقت يلا لاحسن يكونو حراميه وهيعملوا حاجه في الشباب!
عبدالله هز راسه وقفل الباب ونزلوا وهما بيجروا وقبل ما يدخلوا البيت كان هادي وصل وبيسألهم بقلق بتجرو كدا ليه هو حد من الشباب جراله حاجة!
قمر بخوف اتمني بس انا شوفت ناس غريبه طالعين علي فوق فروحت انادي لعبدالله علشان يشوفهم
عبدالله بص لهادي بخوف وقال هادي اطلع معانا نشوف مين دول
هادي هز راسه وقال لقمر انا هطلع انا وعبدالله وانتي ادخلي شقتك علشان لو طلعوا فعلا حراميه تكوني في امان
قمر برفض لا انا هطلع معاكو دول في امانتي ولازم اطمن عليهم
هادي دخل ومردش عليها وعبدالله دخل وراه ومسك في هدومه بخوف وهيا قالت بسخرية يا حسره علي الرجاله
عبدالله بصلها بغيظ ولقي هادي وقف وبيقول انا سامع فعلا صوت دوشه جاية من فوق استنوا كدا انا هطلع انا الاول!
قمر بصت لعبدالله وهزت راسها وهادي طلع الاول وهوا بيخبط علي الباب ودقايق وكان خالد الي فاح الباب!
هادي اول مشافة قال بضيق وسع كدا
خالد بعد ان الباب وهادي دخل واتصدم من الي شافه!
قمر كانت واقفه جمب عبدالله وبصاله وبتقول وانا الي قولت اني هتحامي فيك!
عبدالله لف وشه وقال انا مش عارف بتجيبي الثقة دي منين كل مره علي كدا وانتي عارفه الي فيها!
قمر بغيظ المصيبه اني عارفه الي فيها يلا اطلع شوف ايه الي بيحصل فوق خلصني!
عبدالله برفض لا اطلعي انتي وانا هطلع وراكي!
قمر بصوت عالي بقولك اطلع متخلنيش اتعصب عليك!
عبدالله جري علي فوق اول ما سمع صوتها العالي وهيا كانت متبعاه لحدما لاقته واقف بيبص في الشقه وساكت قمر بغيظ هو في ايه هو ليه كل ما واحد يطلع يسكت ومينطقش!
عبدالله مردش عليها فهيا طلعت بغضب علشان تشوف ايه الي بيحصل واول ما دخلت الشقة لقت راجل وست وجمبهم بنت يعتبر مش لابسه اصلا وجمبها واحده نفس شكلها بس علي اكبر قالت بصدمة هو ايه الي بيحصل هنا!
هادي انتبه ليها ووقف وهيا دخلت وهيا بتبص للناس دي وبتقول انتو مين وايه الي دخلكم بيتي في وقت زي دا!
الناس دي بصولها بإستغراب وبصو لهادي وقالو مين البنت دي يا هادي!
هادي بصلهم بغضب وقال دي قمر صاحبة البيت والي احنا كلما شغالين عندها!
الست والراجل ابتسموا وقالو انسه قمر ازي حضرتك
قمر رفعت حاجبها باستغراب وقالت اهلا وسهلا بس برضوا انتو مين!
الست قالت انا صافي هانم والدت هادي ودا باباه احمد الجارحي!
قمر بصت علي البنت الي يعتبر لابسه قميص نوم وقالت وانتو مين
البنت بصوت ناعم انا ساندي ودي مامي شاهي هانم!
قمر بصوت هامس هانم اه وانا برضوا بقول هو جايب التناكه دي منين دي شكل العيله كلها كدا
قمر بتسأول ايوا مين برضوا
صافي والدت هادي دي شاهي اختي وساندي بنتها!
قمر بصت لعبدالله بتفكير ورجعت بصت لهادي وقالت تعالوا ورايا الشباب هزوا راسهم وخرجوا وراها
قمر بضيق واهلك جايين يعملو ايه هنا يا هادي!
هادي بضيقانتي عارفه ان عيلتنا افلست صح
قمر بيقولوا
هادي هما دول عيلتي الي افلست!
قمر ايوا برضوا ايه الي جابهم هنا!
هادي هما جايين علشان يقعدوا معانا!
قمر بصدمة يقعدوا فين دي الشقه قد كدا
محمد مهما حريم برضوا ومينفعش انهم يقعدوا مع رجالة
قمر بغضب لا طبعا وبعدين انا مش هقبل بكدا اتفضل مشيهم انا مش هقبل انهم يقعدوا هنا!
هادي وافق و سابهم وطلع لفوق وهوا بيقول انتو مش قولتوا انكم رايحين هولندا عند خالتو!
خالت هادي هما فعلا يابني جم عندنا بس للاسف اكل چالك هرب وسابني انا وساندي من غير ولا مليم واتضرينا كلنا نرجع مصر وانت عارف اننا مفيش اي مكان نقعد فيه فاتواصلنا مع خالد وهوا قالنا علي العنوان دا وعرفنا انكم عايشين في شقة
هادي اتعصب لما سمع اسم خالد فقال طيب الحل ايه بق احنا اصلا كلنا كدا عايشين في الشقه دي واصلا مش مكفيانا والبنت الي تحت دي احنا شغالين عندها في الورشه وكمان هيا صاحبة البيت ولما خلتنا نسكن هنا كان بشرط اننا نشتغل عندها وهيا مش موافقه انكم تقعدوا هنا!
والدت هادي بحزن انت بتطردنا ياهادي!
هادي انا مش بطردكوا بس انا معنديش حل انتي ليكي اصحابك ياصافي هانم شوفي اي واحده اقعدوا عنددها'
صافي بحزن انت فكرك انهم لسا بيكلموني مخلاص يا حبيبي كلهم بعدوا عني!
هادي زفر بضيق وقال اتصرفوا انا معنديش اي حل تاني وانا مقدرش اطلب منها حاجه زي دي
عند قمر الشباب فضلوا يتكلموا معاها واقنعوها انها تخليهم في البيت وانها تاخد الحريم وهما هياخدوا والد هادي يعيش معاهم قمر بضيق بس كدا كتير عليا انا طول عمري عايشه في الشقة لوحدي ومش متخيله ان في يوم حد هيعيش معايا!
سعيد علشان خاطرنا ياقمر هما قعلا ملهمش مكان يروحوا فيه وبعدين هادي مقدموش اي حاجه يساعدهم بيها!
قمر بصتلهم وقالت خلاص موافقة بس لفتره مؤقته لحد ما يلاقو مكان
سعيد اكيد هما مش هيطولوا اصلا لان هما كدا كدا متربيين علي القصرر والفيلا وانا متاكد انهم مس هيستحملوا يومين هنا!
قمر اقتنعت وقالت خلاص موافقه بس عندي شرط
سعيد اي هوا
قمر انا هخليهم يقعدوا في اوضة ابويا وامي الله يرحمهم ومش عايزه اي اختلاط بيني وبينهم!
محمد متقلقيش احنا هنفهمهم وهنقلهم علي شروطك!
قمر هزت راسها ودخلت شقتها والشباب طلعوا لهادي وشرحوله علي كل حاجة وقتها اهل هادي فرحوا ولاكن اصحاب هادي قالوعلي الشرط الي قمر حطته وهما وافقوا!
عبدالله دخل شقة قمر وهوا بيسألها انتي مقتنعه باللي عملتيه!
قمر عملت ايه يعني يا عبده منت شايف دول برضوا ولايا ويصعبوا عليا انهم يباتو في الشارع انت مش شايف عاملين ازاي
عبدالله بس هما هيعيشوا في المنطقة ازاي بليسهم دا!
قمر بتفكير عندك حق هما مينفعش يخرجوا باللبس العريان دا بقولك اي يا عبده
عبدالله قولي يا ست الكل!
قمر مش انت كنت جايب كام عبايا للبت ساميه الله يهنيها بعيالها!
عبدالله بضيق ايوا
قمر هاتهم اهو نستر بيهم الرقصات قصدي اهل الاستاذ هادي!
عبدالله لا يا قمر معلش بس انا مش هفرط في الهدايا دي!
قمر مالك كدا يا حنين لتكون لسا بتفكر فيها دي خلاص ياحبيبي اتجوزت وخلفت
عبدالله بحزن عندك حق انا هروح اجبهم علي الاقل ناخد ثواب!
قمر هزت راسها وهوا مشي وبعد دقايق كانوا اهل هادي دول نزلوا وكانت كل واحده جايبه معاها شنط كتير!
قمر باستغراب ايه كل دا!
ساندي دي هدومنا!
قمر والهدوم دي زي الي انتو لبسينها كدا انشاءالله!
هزو راسهم وهيا قالت اسمعوا بق انا وافقت اخليكوا تقعدوا معايا في شقتي بشرط ان الهدوم الي انتوا لابسينها دي متتلبسش غير وقت النوم بس!
انما عايزين تخرجوا بيها هنا في المنطقه يبق انا مش مسؤله عن الي هيحصلكم
خافوا من كلامها وقالو وانتي عايزانا نلبس ايه!
عبدالله وصل واتفجأ انهم نزلوا ف
قال وهوا بيبص علي رجل ساندي الي باينه انا حبت الهدوم يا قمر
قمر اخدت الهدوم من ايديه وقالت يلا روح بيتكوا علشان عندك شغل بكرة
عبدالله متخليني يمكن تحتاجي حاجة
قمر لاحظت عينه الي بتبص علي رجل ساندي فقربت منه وشدته من هدومه وقالت بقولك روح بيتكم علشان عندك شغل ولو مش حابب تروح مشي عادي ممكن اخليك تروح زحف!
↚
عبدالله بخوف لا وعلي ايه اروح مشي طبعا!
قمر قفلت باب الشقه وراه ولفت ليهم وقالت من النهارده تنسوا كل الي فات لان انتو دلوقت تحت ايد قمر عبدالتواب ولازم تمشوا علي قوانيني!
هزوا راسهم بخوف منها وهيا حدفت لكل واحده عبايه وقالت هتلبسيها طول اليوم وتغسليها قبل متنامي علشان تلحق تنشف علي الصبح علشان تلبسيها تاني وكل يوم كدا لحدما اشوفلكوا شغلانه تكسبو منها وتشترو غيرها!
بصولها باستغراب وهيا قالت بصوت عالي فاهمين!
هزو راسهم وهيا كملت السرير دا بتاع ابويا وامي الله يرحمهم انتو التلاته هتنامو عليه ولو صغير واحده فيكو تتبرع وتنام علي الارض!
هزو راسهم ودخلو الاوضه وبعدها قالت بصوت واضح الي يخصكوا هنا الاوضة دي والحمام اما اي حاجه في الشقه محدش يقرب منها!
هزو راسهم ودخلوا وهيا دخلت اوضتها ونامت علي السرير وهيا بتقول انا ايه الي عملته في نفسي دا؟
______________
تاني يوم الصبح صحيت قمر وهيا حاسه بوجع في ضهرها دخلت الحمام ولاكنها اتصدمت من وحود حجات كتير شكلها غريب قالت بتسأول هو اي دا كلو
خرجت وهيا بتدور عليهم في اوضتهم ولاكن ملقتش ولا واحده فيهم موجوده استغربت وقالت راحو فين دول
لفت نظرها العبيات الي ادتهالهم امبارح مرميه علي الارض قالت بصدمة نهار ابوكو اسود انتو خرجتو بلبس الرقصات دا!
غسلت وشها ودخلت علشان تلبس وبعدها قررت تنزل الورشه ولاكنها سمعت اصوات ضحك عاليه جايه من فوق قالت كدا احلوت!
طلعت وخبطت علي بابا الشقه بغضب!
فتحتلها مامت هادي وكانت لابسه لبس مبين رجليها ومش مغطي الا حجات بسيطه!
قمر قالت انتو بتعملو ايه هنا واسه الي بتهببوه دا
صافي باستغراب قاعدين مع احمد جوزي!
قمر بضيق الشباب فين وازاي يسبوكوا كدا
صافي الشباب نزلوا للورشه والا مش عارفه اسمها اي دي!
قمر رفعت حاجبها ودخلت للشقه وهيا بتقول انتي وهيا انزلوا في اوضتكوا البسو اللبس الي ادتهولكو واسمعوا بق لو مش عاجبكوا كلامي اتفضلوا اطلعوا من بيتي!
بصوا لبعض بصدمه ووقفت ساندي وقالت بس لبسك دا وحش اوي مش
قراءة رواية لسان لا يهزم الفصل الخامس 5 كامل | بقلم شيماء صبحي
اكتشف التطورات القادمة في رواية لسان لا يهزم الفصل الرابع 4 كامل بالفصل التالي.
رواية لسان لا يهزم كاملة جميع الفصول
جميع فصول رواية لسان لا يهزم كاملة في مكان واحد لتسهيل الوصول والقراءة.
روايات شيماء صبحي الجديدة
استمتع بمكتبة روايات شيماء صبحي الكاملة أون لاين.
