حلو

قمر دا رأيك

ساندي هزت راسها فقمر قالت أنا مطلبتوش دا كان شرطي والي مش هينفذو يتفضل من غير مطرود!

وقفوا وقالو خلاص موافقين!

قمر نزلت وقالت تلبسوا العبيات وتحصلوني تحت وانت يا بشمهنس!

احمد شاورعلي نفسه وقال  تقصديني انا!

قمر هزت راسها بضيق منزلتش مع الشباب ليه!

احمد باستغراب  وانا هنزل اعمل ايه معاهم!

قمر تنزل تشتغل و يلا من غير كلام كتير كل واحد يشتغل بحق لقمته

احمد هز راسه وقمر بعدها سابتهم ونزلت

وصلت عند الورشه وهيا بتبص علي الشباب وبتقول انا لو رجع بيا الزمن لحظة كنت ضربت راسي باوسخ جزمة اني وافقت ادخلكوا بيتي!

ساندي كانت نزلت من البيت وجمبها صافي وشاهي امها وكانو لابسين العبيان قربوا من الورشه وساندي شافت هادي شغال قربت منه وحضنته وقالت هادي وحشتني!

هادي بادلها الحضن وقال وانتي كمان بس ايه الي انت لبساه دا

ساندي بصت لقمر وقالت دي البنت دي غريبه انت شايف ملبسانا ايه

هادي بص لقمر ولاحظ انها متضايقه من وجود عيلته فرجع قال هيا مش غريبه يا ساندي هي بس  محترمه!

ساندي بصتله باستغرابوهوا قال روحي عند ماما وخالتو دلوقت علشان عندي شغل

ياندي هزت راسها باستغراب من تغيره ومشيت

اما هوا بعد شويه عن الورشه  وطلع تليفونه واتصل  بشخص وقال انا هعملك الي انت عايزه بس بمقابل ترجعلي القصر بتاعنا!

قفل هادي المكالمه الي كانت مع الشخص دا واتفق معاه انهم هيتقابلو النهارده بالليل والشخص دا قاله انه هيبعتله عربيه خاصة تاخدة من مكانه

وقف يبق هادي علي اصحابه شافهم شغالين ولاكن خالد كان واقف في ركن لوحده  وباين عليه الحزن

هادي قرب منه ومسكه من دماغه وقال انت بق شايل مني!

خالد سكت ومردش عليه فهادي قال انا طول عمري بعاملك زي اخويا وعمري ماعتبرتك خادم زي ما بتقول لان انا لو تنك زي مبتقول عليا كدا اكيد  مكنتش هصاحبكوا وأعتبركوا أكتر من أخواتي!

خالد بص في الارض بخجل وهادي قال ارفع راسك كدا وبصلي علشان انا متضايق منك

الشباب انتبهو علي كلام هادي وشاورو لخالد يصالحو وخالد بص لهادي وقال انا مش قصدي ازعلك بس انا كنت مخنوق شويه

هادي بإستغراب ومخنوق بق من ايه!

خالد بص لقمر الي قاعده ومركزه في الدفتر الي في ايدها ورجع بص لهادي وقال مفيش يا صاحبي انا اسف اني قولتك الكلام دا وعارف اني غلطان!

هادي ضحك وقال وانا بق مسامحك علشان انت عيل واطي!

خالد بصله بغيظ وهادي ضحك وقال ايوا واطي علشان فكرت اني ممكن ازعل منك!

خالد بصله بصدمة وقال يعني انت مش زعلان مني!

هادي انا مبزعلش من عيال صغيره ويلا بق روح كمل شغلك ولما تكون متضايق ابق فضفضلي!

خالد ابتسم وهز راسه ورجع يشتغل وهوا بيضحك

والشباب فرحوا انهم اتصالحوا وقالو لخالد عرفت ان هادي جدع  ومش زي مكنت فاكر   والله دا احسن واحد في عيلة الجارحي كلها!

خالد ضحك وهز راسه وهو بيقول انا اكيد مش قصدي اقول كدا عليه بس هوا عادي بيحصل دايما مع اي اصحاب!

محمد وسعيد قصدك اخوات  خالد ابتسم وقال احنا  فعلا  احنا اخوات

قمر بصت عليهم وقالت بتتكلم بجد!

عبدالله ايوا والله بس تعرفي هادي دا طلع جدع جدا مش زي مكنا متوقعين!

قمر بتساؤل جدع  ازاي يعني!

عبدالله لاحظ انها بتتغير لما بتيجي سيره هادي فقال بضحك قصدي ان طلع صاحب صاحبه بجد وصالح خالد علشان عرف انه كان غلطان!

قمر ابتسمت وبصت لـ هادي بابتسامه لما لاقته بيهزر مع اصحابه وبيضحك  ولاكن الي خلاها بصت بضيق لما لقت ساندي بتقرب من هادي وبتمسكه من دراعه بدلع  فعبدالله   ابتسم لما شاف ساندي ورجع  بسرعه لشغله  وهوا عيونه عليها!

ساندي هادي انت هتخلص شغل امتي!

هادي بصلها وقال لسا بدري علي ما الشغل يخلص ولو سمحتي روحي عند ماما دلوقت علشان هدومك متتبهدلش!

ساندي بصت عليه بابتسامه وقالت ماشي وقربت من  خده باسته وهيا بتقول ماشي يابيبي هستناك!

اما قمر كانت ماشية وهيا متعصبه ولاكنها وقفت وهيا بتقول لنفسها بغيظ وانتي مالك ما تبوسه براحتها انتي مالك متضايقه ليه!

ولا تكوني فعلا حبتيه؟

لا كدا فوقي مفيش الكلام دا!

دا واحد بيشوف اشكال والوان وبعدين انتي ضامنه هو هيفضل هنا ولا هيمشي لا يا قمر فوقي كدا انتي عيشتي عمرك كله قويه ومفيش اي حاجة في الدنيا بتهز مشاعرك!

خلصت كلامها الي قالته ولاكن كانت لسا متضايقه وفضلت تلف شويه في المنطقة لحدما رجعت تاني للورشه ولاقت ان ساندي كل شويه تروح عند هادي وتتكلم معاه وتقعد تهزر معاه وهوا بيهزر معاها وكان الموضوع عادي!

قربت قمر من الورشه وهيا بتنادي علي عبدالله بضيق

انتبه هادي ليها وبصلها ولاكنها مبصتلوش وتجاهلته فاتضايق لانه كان مفكر ان علاقته بيها اتحسنت وانها بدات تعامله كويس ولاكن قمر كانت بتكلم عبدالله وبتطلب منه يهتم هوا بالورشه وهيا هتطلع علشان تعبانه!

خالد قرب منها  بقلق وقال مالك ياقمر تعبانه في ايه!

قمر بصت لهادي بصه سريعه ولاحظت انه مركز معاها فقالت لخالد مفيش بس مصدعه شويه هطلع ارتاح وعبدالله معاكوا لو احتاجتو اي حاجة

خالد طيب محتاجة علاج اجبهولك من اي صيدليه هنا!

قمر ابتسمت وبصت ليه بشكر شكرا يا خالد انا كويسه هرتاح شويه بس وبإذن الله هكون احسن

خالد هز راسه بابتسامه ورجع علي شغله وقمر اكدت علي عبدالله وبصت علي هادي ومشيت من غير ما تقول اي حاجه

قمر كانت قعده قدام التلفزيون  و كل شويه بتفكتر شكل ساندي وهيا بتبوس هادي من خده فبتقول بعصبيه دي بنت مش متربيه صحيح مهيا احنبيه يعني الكفر كله!

سمعت صوت خبط علي الباب قامت تفتح واتفجأت بيه واقف قدامها قالت بضيق انت ايه الي جابك هنا!

هادي استغرب طريقتها معاه فرفع حاجبه بصدمه  وقال نعم!

قمر بعدت عينيها عنه وقالت قصدي فيه حاجه حصلت ولا ايه!

هادي بص عليها لاقاها مش عايزه تبصله في وشه فقال بغيظ انتي كويسه اهو امال بتقولي تعبانه ليه!

قمر بغيظ وانت مالك بق تعبانه ولا مش تعبانه اتفضل انزل شوف شغلك

هادي قرب منها وهوا بيقول انتي بتزعقي لي دلوقت

قمر اتصدمت من جرأته فأنه يقرب منها كدا!

فقالت بتوتر'

قمر انت بتقرب كدا ليه بقولك اطلع بره!

هادي برفض لا مش هطلع ولو عايزه تصرخي  براحتك

قمر بلعت ريقها بتوتر من قربه ليها وهيا عماله ترجع لورا وهوا همس جمب خدها وقال انا قولت اعمل الي عليا  واطلع اطمن عليكي!

قمر حست بانسحاب انفاسها من قربه ليها فقالت بصوت ضعيف اطلع برا!

هادي بص علي شكلها لاقي وشها احمر ومخطوف قال بضحك مكنتش متوقع انك كدا!

قمر بصدمه كدا ازاي!

هادي قرب منها تاني ولاكن المره دي قال قصدي بتتكسفي يعني!

قمر زفته بغضب وقالت انزل تحت ومتطلعش هنا تاني  ومتنساش نفسك

هادي ابتسم وهوا بيبص علي شفايفها الي بتعض فيها بتوتر '

وهيا لاحظت نظراته ليها فخرجته برا وقفلت الباب وهيا حاطه ايديها علي قلبها بصدمه وهيا مش مصدقه ان قلبها يدق بالطريقه دي واستغربت انها فعلا بتخجل عادي لانها فعلا  كانت فاكره انها معندهاش مشاعر من كتر مكانت بترفض اي حد يقرب منها بس اشمعنا هادي الي قرب منها كدا من غير متضربه او تدي اي رد فعل يعير عن غضبها!

كانت بتسأل نفسها وهيا مش مستوعبه لسا انه فعلا كان هنا وان الموقف دا حصل بجد!

خلص اليوم وكله روح علشان يرتاح ولاكن هادي قالهم انه هيروح مشوار وهيرجع واتحرك علشان يروح يقابل الشخص دا

واول ما خرج علي الطريق كانت العربيه مستنياه ركب فيها ولقي ان الشخص دا موجود وقال اهلا يا بشمهندس ازاي حالك!

هادي بصله وقال اهلا بيك  ياسيادة اللواء  انا بخير الحمدلله!

اللواء  يارب دايما بخير احنا هنأجل كلامنا دلوقت لحدما نوصل لمبني المخابرات علشان تعرف كل الي محتاجه منك!

هادي هز راسه وفعلا فضلوا ساكتين لحدما وصلوا لمبني المخابرات المصريه

دخل هادي جمب اللوا   لحدما وصلوا عند المكتب الخاص باللواء حمدي و

اول ما وصلوا المكتب قعد اللوا علي المكتب وطلب من هادي يقعد!

هادي  قعد ولاكنه كان قاعد ساكت لحدما اللواء فتح اللاب توب وشغل  فيديوا  لشخص نفس شكل هادي ولاكن كان بيتكلم اجنبي فقال هادي بصدمة مين دا يسيداة اللوا وليه شبهي كدا كأنه أنا

اللواء اهدي يا هادي خليني أشرحلك

اللواء انت طبعا مستغرب التشابه الكبير  الي بينك وبين  الشخص دا  فانا هشرحلك كل حاجه بس عايزك تسمعني للاخر بدون مقاطعه!

هادي هز راسه بالموافقه وبدأ اللوا حمدي يكمل كلامه دا يبق ابن رئيس المافيا الروسيه  واحنا من فتره كنا بنبحث عنه لانه  الشخص   الوحيد  الي هيحلنا مشكله كبيره بس للاسف الشاب دا سافر من فتره لجزيره يقضي فيها رحلة ترفيهيه ولحد دلوقت لسا مرجعش وابوه هيتجنن لأختفائه واحنا حاولنا بكذا طريقه نبحث عنه بطريقتنا ولاكن موصلناش لحاجه وبالصدفه لما شوفت صورك في الاخبار علشان المشكله الي حصلت لعيلتك بصراحه اتفجأت من الشبه الكبير الي بينه وبينك وطبعا كنا بذلنا مجهود علشان نوصلك وكويس انك وافقت لانك هتقدملنا خدمه مش هننسهالك

هادي بص للوا وقال انا وافقت علشان سبب واحد وانا شرحتوهلك في الموبايل!

اللواء وانا عند  وعدي ليك ومش بس القصر الي هيرجع لعيلتك    لأ انا هرجعلكم كل حاجه زي الاول ومستعد ان ادفع كل الديون الي متراكمه علي والدك!

هادي اتصدم من كلام اللواء وقال وانا اي هيا مهمتي!

اللواء ابتسم وقال وهوا بيعرض صوره لشخص وبيقول دا المقدم شادي  كان في مهمه في  روسيا   بيقبض علي رئيس مافيا مصري هرب علي روسيا    ولان عليه اكتر من حكم كان لازم يتنفذ فكنا متضرين نبعت حد يقبض عليه هناك ولان  المقدم شادي كان هوا المسؤل عن القضيه دي فسافر هو وفريقه لروسيا ولاكنه للاسف اتعمله كمين هناك'

وللاسف لحد دلوقت مفيش اي اخبار عنه  ولا عن بقيت الفريق!

واحنا معندناش حل غير اننا نبعتك علي اساس انك مارك ودا يبق اسم الشاب ابن رئيس المافيا الروسيه ودا برضوا نفس الشخص الي المجرم مستخبي عنده!

وانت املنا فاننا نقبض علي المجرم دا ويرجع مصر وينطبق الحكم  عليه وفي نفس الوقت نعرف مكان  المقدم شادي وفريقه  ونرجعهم مصر بأمان وطبعا اتفقنا هيتم وقت ما المهمه تخلص!

هادي انا محتاج وقت افكر كويس لان عيلتي دلوقت مش لاقيين مكان يقعدوا فيه ولازم علي الاقل قبل ما اسافر يكونوا عايشين في بيت ويكونوا  هنا في امان!

اللواء انا معنديش مانع ارجع القصر لعيلتك ولاكن لازم تنفذ كل طلباتنا وبطريقتك بق تعرفهم انك هتسافر علي الأقل شهرين!

هادي هز راسه بالموافقه وقال أنا موافقك علي طلبك يا سيادة اللواء!

اللوا ابتسم وقال روح بلغ عيلتك بالخبر الحلو دا وهاتهم وروحوا علي القصر!

هادي  خرج من مكتب اللواء وهوا بيفكر في كل الي حصل ولاكنه مكنش قدامه حل تاني غير انه يضحي  بنفسه علشان خاطر عيلته!

يتبع

وصل هادي للبيت وطلع علي شقة الشباب لقي ان والده قاعد مع والدته ومكنش عاجبهم انهم يفضلوا في البيت دا كتير

هادي مساء الخير!

احمد وقف وقال مساء النور يا هادي كنت فين كل دا!

هادي كنت برجع القصر علشان هتعيشوا هناك

والدته وقفت بإستغراب والشباب خرجوا علي صوته والكل اتفجأه من كلامه

صافي هانم بإستغراب ازاي يا هادي رجعت القصر دا البنك كان حاجز عليه!

هادي البنك باع الشركة والمصانع واخد فلوسة  كلها ولاكن القصر اتفضل لانهم مش بحاجته  وانتوا هترجعوا تعيشوا هناك

صافي بصت لاحمد جوزها بفرحه وحضننته ولاكن هادي كان واقف حزين لانه مش عارف هيجبلهم خبر سفره ازاي!

احمد دا خبر كويس جدا انزلي ياصافي بلغي ساندي ومامتها وانت يا هادي يلا اجهز خلينا نمشي!

صافي نزلت بسرعه ولاكن هادي قال برفض لا انا مش هاجي معاكوا!

الشباب كانوا باصين لهادي بإستغراب وقال ابوه بصدمة انت عايز تفضل هنا!

هادي أنا عاجبتني القعده هنا وبعدين حاليا القصر بس الي رجع يعني انا لو رجعت مش هعرف الاقي شغل يكفي مصاريفه ولاكن اعتقد ان انت وماما وطنت شاهي وساندي هتعرفوا تتصرفوا ولاكن انا حابب اعيش هنا لحدما احس اني جاهز ارجع  تاني للقصر!

والده هز راسه بعدم اهتمام وقال براحتك علي العموم كويس ان القصر رجع وشكرا لوقفتك معانا وابق اشكر البنت الي تحت دي نيابة عني!

هادي اتضايق جدا من كلام والده ولاكن هز راسه وبعدها والده جهز حاجته ونزل!

قرر هادي انه مش هيعرف اهله علي سفره لانهم للاسف مكنوش مهتمين لاي حاجه عير انهم هيرجعوا تاني لمستواهم

الشباب بصوا لهادي بإستغراب  لما لاقوه واقف سرحان وقالو ازاي البنك ساب القصر يعني دي حاجه مش منطقيه!

هادي جاتلي رساله من البنك وعرفت انهم اخدوا فلوسهم كلها لما باعوا الشركة  وبقيت المصانع وحجزهم علي القصر مكنش ليه داعي فبلغوني اجي استلمه وزي منتو شايفين كدا انا مرتاح هنا ولو انتو عايزين تعيشوا هناك روحوا معاهم

الشباب برفض لا طبعا متنساش اننا مديين وعد لقمر علشان شغلنا في الورشه  وبصراحه احنا مرتاحين هنا جدا عن عيشة القصر والسهرات والحجات الي ضيعتنا  العيشه هنا أحسن بكتير!

هادي ابتسم  وهز راسه وقال عندكوا حق فعلا هنا أحسن من العيشه في القصور والنادي والناس الي كلها نفاق!

قال كلامه ولاكن اصحابو كانو متفجائين بطريقته لانه مكنش طبيعي!

نزل هادي علشان يودع  اهله  والي كانو لموا حاجتهم وفرحانين انهم هيرجعوا للقصر  تاني ولاكنه كان حزين لانه كان مستني منهم  رد فعل تاني وانهم ييصروا عليه وانهم ياخدوه معاهم وعرف انه مش فارق معاهم ودي من اكتر الحجات الي قصرت فيه واول مره كان ياخد باله منها   ساعتها  عرف قد اي قيمه انك لما تقدم خدمة لحد ومتلاقيش تقدير عليها

ولاكنه خرج من تفكيره اول ما شاف قمر الي كانت خاجه من شقتها ومستغربه من الي بيحصل وبتسألهم هما رايحين فين ساندي بنبرة صوت متكبره رايحين للقصر هنعيش هناك!

قمر بصتلهم بإستغراب وقالت مش القصر دا كان محجوز عليه من البنك!

ساندي لا خلاص البنك اخد فلوسه ورجعلنا القصر تاني وبصراحه انا بشكرهم جدا لاني  هستحمل  اقعد هنا  اكتر من يوم وبالزات ان الجو حر جدا ومفيش تكييف!

قمر مكنتش فاهمه حاجه  من كلامها ولفت وشها وهيا بترفع حاجبها بعدم استيعاب ولاكنها شافت هادي واقف  فقالت بتساؤل انت فاهم حاجة

هادي ابتسم وقرب منها وقال زي مسمعتي كدا القصر رجع تاني ملكنا وهما فرحانين علشان  هيرجعوا تاين يعيشوا هناك

قمر ابتسمت وقالت دا خبر كويس اوي ولاكنها بصتله وقالت وانت هتروح معاهم

هادي هز راسه بلأ وقال انا حبيت الحياه هنا والشغل كمان!

ابتسمت قمر بفرحه وهوا قال انا هنزل اودعهم علشان اطلع  ارتاح لاني منمتش من امبارح

قمر هزت راسها ودخلت شقتها وهوا نزل ادي فلوس لوالده وطلب منهم يخلوا بالهم من نفسهم وبعدما اتاكد انهم ركبوا التاكسي رجع تاني للبيت علشان يرتاح لانه بكره هيمشي  من المنطقة!

__________

تاني يوم الصبح صحيت قمر بنشاط كالعاده وجهزت بسرعه علشان تنزل الورشه  بفرحة ولاكنها لما نزلت  اتفجأت بالورشة مقفوله رجعت تاني للبيت بصدمة وطلعت علي شقة الشباب ولقت ان كلهم موجودين وعبدالله كمان معاهم

قالت بقلق هو في ايه الي بيحصل هنا  وليه منزلتوش تفتحوا الورشه

الشباب بصوا عليها بحزن ورجعوا بصوا لهادي والي كان  واقف ولامم شنطته وساكت!

هيا اول مشافته قالت بإستغراب اي دا يا هادي هو انت ماسك الشنطة دي ليه!

سعيد بحزن هادي مسافر برا مصرياقمر!

قمر حست ان قلبها وجعها وقالت بصدمة يعني ايه الكلام دا مش انت قولتلي إمبارح ان انت مرتاح هنا وحابب الحياة والشغل هنا أكتر؟

هادي بصلها بحزن وقال أنا أسف ياقمر أنا بس مرضتش أقولك علي الخبر دا إمبارح بس صدقيني انا عملت كدا علشان مزعجكيش!

قمر بصت علي الشباب بدموع وقالت متقولو حاجه متفضلوش ساكتين انتو عاجبكوا الي هوا بيقولوا دا!

محمد إحنا اتكلمنا معاه ولاكن هوا مصمم علي قراره!

خالد بص لهادي وقال وانت هتسافر ليه يا هادي وهتعمل ايه هناك

هادي جالي شغل في شركة في روسا    براتب كويس وبصراحه دي فرصه متتعوضش خصوصا اني ممكن بالفلوس الي هاخدها هناك اقدر ارجع شركتنا والمصانع تاني

قمر بصت لهادي بحزن وقالت طيب والورشه مش انت ماسك شغل تحت مين الي هيخلصة

هادي انا معرف الشباب كل التفاصيل وهما قدها وهيخلصوا كل الشغل!

قمر اتعصبت أكتر وقالت بس الي يمسك شغل لازم يخلصه هي دي مسؤليتك انت ومينفعش تعتمد علي حد تاني!

هادي قرب منها وقال انا اسف بس غصب عني لازم اسافر انا لازم اعمل كدا علشان خاطر عيلتي واقدر ارجع كل حاجه زي الأول!

قمر بصتله بدموع وقالت وانت بق هتقعد قد ايه هناك

هادي هز راسه مش عارف ياقمر بس مش هتأخر واوعدكوا اني هرجعلكوا تاني!

قمر هزت راسها وقالت بحزن خلاص انت فعلا ادري بمصلحتك وانا هشجعك لو الي بتعمله دا فعلا علشان اهلك!

هادي ابتسم بحزن  وبص للشباب وسلم عليهم وهما ودعوه بعياط وقمرخرجت من الشقه و نزلت علي شقتها وهيا حاسه ان روحها بتخرج من جسمها لانها اول مره تتعرض للموقف دا وتفارق حد اتعلقت بيه خصوصا انها اتعودت جدا عليه وحست انهم كلهم بقوا عيلتها الي مفتقداهم من سنيت!

هادي قرب من عبدالله وحضنه وقال انا متشكر جدا علي وقفتك جمبي وانت اجدع راجل قابلته في حياتي!

عبدالله قال بدموع هتوحشني اوي ياهادي وهيوحشني مصايبك

↚

هادي ضحك وقال اهم حاجه خلي بالك من نفسك وهمس في ودنه وقال خلي بالك من قمر دي في حمايتك

عبدالله مبلاش أنا والله أنا مش عارف جايبين الثقه دي كلها  منين وهمس  في ودنه وقال بخجل دي هيا الي بتحميني والله!

هادي والشباب ضحكوا غصب عنهم من كلامه وهادي قال المهم انك  تحاول ومتنساش انها بنت برضوا وضعيفه وانت الراجل الي يحميها!

عبدالله ضحك وهز راسه وهادي مسك شنطته ونزل وهوا بيقولهم انه هينزل يودع قمر ومش عايز أي حد ينزل وراه

ضحكوا وهوا نزل علي شقتها وخبط علي الباب ولاكن ملقاش رد

فضل يخبط لحدما سمع صوتها بتقول مش هفتح شوف انت رايح فين!

هادي ابتسم وافتكر وقت لما كان بيخبط عليها وبيطلب منها أكل وعرف قد ايه هيا جدعه ولاكنها عنيده  عامله زي الطفله الصغيره رفم انها ميبانش عليها ابداا.

هادي قال بجديه انا عايز اسلم عليكي بس علشان محسش بالذنب اني مودعتكيش وبرضوا عايز اقولك كام حاجه ومش عايز حد يسمعنا

قمر فتحت الباب ومدت ايديها  وهزتها وهوا بصلها بإستغراب وقال اي دا؟

قمر من ورا الباب ايدي مس انت عايز تسلم عليا اتفضل!

هادي ابتسم وزق الباب بلطف وهوا بيقول بس في حاجه عايز اقولك عليها!

دخل لجوه وقفل الباب ولاقها حاطه ايديها علي وشها وبتعيط فشدها في حضنه وهيا فضلت تبكي زي الطفلة الصغيرة وهيا بتضغط علي حضنه وبتقول انت هتمشي ليه انا مش عايزاك تمشي!

هادي مش انتي نفسك اني ابق قد المسؤليه وأكون راجل مسؤل واعتمد علي نفسي!

هزت راسها وهوا قال خلاص دي حاجه لو عملتها هكون مسؤل وقد اي مسؤليه '

قمر فضلت تعيط وهيا لسا ماسكه في هدومه وانتبهت علي صوته الهادي وهوا بيقول انا لازم امشي يا قمر

قمر طيب انت عرفت اهلك انك هتسافر

هادي قال بصوت حزين لا انا معرفتهمش حاجه بس انا مش عايزك تعرفيهم علشان ميقلقوش

قمر بعدت وهيا بتبصله بستغراب وبتقول هو انت رايح فين بجد وليه مخبي علي اهلك سفرك