رواية لسان لا يهزم الفصل الثامن والعشرون 28 كامل | بقلم شيماء صبحي
تم تحديث الفصل بتاريخ 21 أبريل 2026
المحامي بص لادهم بحزن وهز راسه بمعني ان كلامه صح وان مفيش قدامهم حل غير انهم يستني لما حالة الظابط تستقر…
محمود بلغ ادهم والمحامي ان عزيز هيفضل في الحبس لحدما ما يتحول علي النيابه ودا طبعا بعدما يعرفوا حالة الظابط اللي عزيز خبطه ماشيه ازاي بس في الحالتين عزيز هيتعاقب علشان اتعدي علي كمين في حالة سُكِر.
'
ادهم هز راسه بحزن ومسك ايد سوسن مراته واللي كانت رافضه ولاكنه كلمها بغضب وقالها.
انهم لازم يمشوا.
وفي المستشفي وبالتحديد في اوضة العمليات.
الاطباء كانوا بيحاولوا يوقفوا النزيف الي في دماغ الظابط وطبعا بعد محاولات قدروا يسيطروا علي الوضع وكان الطبيب المسؤل عن الحاله كان مستغرب ان ازاي خبطه قويه زي دي تادي لنزيف فقط ولاكنه حمد ربنا ان الظابط حالتة استقرت نوعا ما.
بعدوا الأطباء عن المريض وهما بياخدوا نفسهم بصعوبه واستنوا دقايق علشان هيبدأوا يعالجوا الاصابات الي اخدها الظابط في بطنه ورجلة وفعلا بدأ الاطباء المتدربين هما الي يعالجوا الاصبات والدكتور المسؤل خرج لانه خلص عمليته واول ما خرج كان في استقابله صحافيين واعلاميين وغير الظباط الي موجودين واللواء حمدي كان موجود واول مشاف الدكتور قال بقلق خير يا دكتور حضرت الظابط عامل ايه.
الدكتور طمنه ان كان حصله نزيف في المخ وقدروا يوقفوه بصعوبه وقدروا يشيلوا الخطر من عليه وقبل ما الدكتور يكمل كلامه كان في طبيب من المتدربين خرج وهو بيقول لو سمحت يا دكتور.
الدكتور انتبه ليه ودخل ولقي ان الظابط نبضه وقف.
الدكتور اتصدم وبدأ يعمله اسعافات في القلب وقدر ان هوا يخلي القلب ينبض من جديد وكان في دكتوره بتعالج اصابات الرجل فاكتشفت ان في رجل حصلها كسر فبلغت الدكتور وهوا قالها انهم يبدأو يجبسو رجله في اسرع وقت وبعدما يخلصوا ينقلوا المريض علي العنايه المركزه لان قلبه غير مستقر علشان لو حصل اي حاجه تاني.
اللواء هز راسه والصحافيين والاعلاميين كانو بيصوروا كل كلام الدكتور وكان الخبر سمع في كل محافظات مصر وحتي في الدول المجاوره عرفت باللي حصل من عن طريق الفيس بوك وبقيت مواقع التواصل الاجتماعي…
وكان كل المستسمرين الي في شركة ادهم النجار قرروا انهم ينهوا التعاقد معاه لان عملائهم رافضين الشغل معاه بسبب اللي حصل واللي ابنه عمله.
وفي القصر وصل عبدالله الاول وبعده محمد وسعيد ومحمد اول مشاف سهر ابتسم وقرب منها قبلها بفرحه وهو بيقول حبيبتي وحشتيني.
سهر ابتسمت وقالت وانت كمان وحشتني يا حبيبي.
سعيد كان واقف وسامع كلامهم وبيبصلهم بسخريه ولاكن عبدالله كان مبسوط لان نفسه اوي لما يرجع كدا يلاقي ملاكه واقفه تستقبله.
محمد همس لسهر وقال مش يلا نروح بيتنا بق يا جميل.
سهر هزت راسها وقالت تمام يلا بينا.
محمد سلم علي احمد وصافي وساندي وبعدها استأذن منهم انه هياخد سهر ويرجعوا شقتهم.
صافي هزت راسها بابتسامه وقالت لسهر تيجي بكره علشان هيروحوا مع قمر يعرفوا جنس المولود.
سهر ابتسمت وقالت حاضر يا حبيبتي انشاء الله هجيلكم بدري.
صافي هزت راسها.
وسهر قربت علي ساندي وهمست في ودنها وقالت اشوفك بكرا يا جمر.
ساندي ابتسمت وقالت يلا باي يا حبيبتي.
سهر شاورتلهم ومشيت مع محمد بعدما شال كل الاكياس الي هيا جابتها.
محمد حط الاكياس في العربيه وركب سهر الاول وبعدها هوا ركب وهو مبتسم وبعدها اتحركوا بالعربيه.
وفي القصر ساندي استأذنت انها هتطلع اوضتها ترتاح واخدت الاكياس بتاعها وطلعت وعبدالله وسعيد قعدوا مع صافي واحمد وهما بيقولوا هو العشاء فين!
صافي واحمد بصوا لبعض وابتسموا وقالوا بصراحه احنا ملناش نفس وعلشان كدا مش هنتعشي النهارده فلوا حابين تاكلوا خلوا الخدم يجهزلوكوا السفره!
سعيد وعبدالله بصولهم باستغراب وهما قاموا وسابوهم قاعدين مصدومين وبيقولوا يعني احنا هناكل لوحدنا.
سعيد قام وهوا بيقول للبنت الي موجوده لو سمحتي جهزيلنا السفره.
البنت حركت راسها باحترام وسعيد رجع قعد جمب عبدالله وقال انا حاسس كده انهم متفقين علينا.
عبدالله باستغراب يعني ايه يعني!
سعيد بصله وقال يعني كل واحد واخد مراته ومشي ومفضلش غيري انا وانت يا حزين علشان يحسسونا اننا لوحدنا.
عبدالله ضحك وقال عايزينا نتجوز يعني.
سعيد هز راسه وقال ايوا شوفت بق التفكير هما مفكرين يعني انهم لما يعملوا كدا احنا هنحس بالوحده.
عبدالله بصله وقال طيب ماحنا حاسين بالوحده يا صحبي امال اللي احنا فيه دا ايه.
سعيد قال بغيظ.
بس مين قالك اني حاسس بالوحده انا كدا تمام اوي ومبسوط.
عبدالله سابه وقام وهو بيقول بس انا مش مبسوط انا رايح عند امي.
سعيد بصدمه ولا استني يلا انت بتقول ايه امال انا هاكل لوحدي.
عبدالله هز راسه وقال مش انت مبسوط لوحدك عيش بق يا حبيبي انا رايح لامي علشان وحشتني.
سعيد كان بيبصله ومش مصدق وعبدالله خرج وسابه وركب عربيته واتحرك للمنطقه…'
سعيد انتبه علي صوت البنت وهيا بتبلغه ان السفره جهزت.
سعيد هز راسه وقام ولقي انها محضره طبق واحد.
سعيد باستغراب هو اي دا فين بقيت الاكل.
البنت هزت راسها باحترام وقالت دي اوامر صافي هانم قالت اننا نحط لكل شخص هيقعد علي السفره اكل يكفيه هو وبس.
سعيد بصلها وقال بصدمه طيب ماشي.
البنت مشيت من قدامه وهوا قعد علي السفره لوحده وبدا ياكل وهوا بيقول والله احسن دي احلي حاجه اني اقعد لوحدي
ساندي كانت ماسكه تيلفونها وبتقلب فيه وبالصدفه شافت المقطع المسرب للشاب الي خبط الظابط اللي في الكمين واكتشفت ان الدنيا مقلوبه عليه كانت بتقرأ المقال المكتوب واتصدمت ان الشاب دا يبق عزيز.
فضلت مصدومه وهيا بتقرأ بقيت المقال ولقت انهم كاتبين ان الشاب المدعي عزيز ادهم النجار كان في حالة سُكِر وسايق بسرعه عاليه.
ساندي دموعها نزلت بحزن وهيا مش مستوعبه اللي بيحصله ولاكنها للحظة فاقت لنفسها وقالت ان دا اكيد عقاب الي عمله فيها هي و بقيت البنات اللي ظلمهم معاه.
قفلت ساندي تيلفونها وبعدها مسحت دموعها وقالت بثقه عزيز انتهي يا ساندي عزيز بقي ماضي … قالت كلامها بثقه وبعدها قامت تغير هدومها علشان تنام
وهيا بتغير هدومها كانت بتفتكر كل ذكرياتها معاه وقد اي عرف يخدعها بانه بيحبها وعايز يتقدملها ولحدما هيا صدقت فعلا كلامه وحبته واتعلقت بيه اتصدمت ان عمره محبها ولاكنه كان واخدها وسيله علشان يقدر ينفذ خططه القذره هو وابوه اللي يستحق كل اللي بيحصل معاه!
انتهت ساندي من تغير ملابسها ونامت وهيا بتحاول تشيله من افكارها لانه ميستحقش انها تفكر فيه حتي او تتعاطف معاه.
'
وفي بدايه يوم جديد
صحي سعيد علي صوت المنبه وهوا بيقول بضيق.
يووه بق كل يوم شغل شغل مفيش ابدا يوم راحه.
فاق بعدما المنبه فضل يرن اكتر من مره وبعدها دخل ياخد دش سريع علشان يفوق.
وبعدما خلص لبس هدومه وظبط الكرافته وبعدها خرج.
كان في استقباله هادي وعبدالله الي كان لسا جاي من برا.
سعيد صباح الخير.
هادي وعبدالله صباح النور اي مش عايز تقوم.
سعيد هز راسه وقال بنوم ممكن تديني اجازه شهرين تلاته يا هادي.
هادي شده من هدومه وهو بيقول بجديه اجازه اي هو احنا فاضيين يلا بينا نروح الشغل اتاخرنا.
سعيد مشي وهادي كان ماسكه وعبدالله كان واقف وبيضحك عليهم لحدما هادي لفله وقال باستغراب انت واقف عندك بتعمل ايه.
عبدالله انتبه ليه وهو بيقول بابتسامه انا جاي وراكوا متقلقوش.
هادي رجع مسكه من هدومه وقال يلااا هو انا ماشي مع ولاد خالتي منك ليه.
عبدالله بصله بغيظ وسعيد وقف عدل هدومه وسبقهم وخرج.
عبدالله وهادي خرجوا ورااه وركب كل واحد عربيته واتحرك علي الشركه!
وفي الشركه كانت رحمه وندي وصلوا وكل واحده راحت مكتبها علشان تكون في استقبال المدير بتاعها.
عبدالله وصل الاول ودخل وهو حاسس بنشاط لانه هيشوف ندي لانه اتعود انه يشوفها كل يوم فحماسه بيكبر كل يوم عن التاني …
واما سعيد كان متضايق لانه هيشوف رحمه لانه شايفها مش زي البنات الدلوعه الي بتقرب منه وبتحاول انها تجذبه ناحيتها او تعمل اي حركه مثيره قدامه زي مكان متعود…
كان شايفها جديه ومش من النوع السهل فعلشان كدا كان بيبق متضايق لما بيجي يتعامل معاها لان الموضوع بيكون فيه رسميه كبيره وهو مش متعود علي كدا.
رحمه شافت سعيد وهو داخل وحاطت ايده في جيبه بغرور وقفت وعلي وشها ابتسامه متصنعه وهي بتقول صباح الخير يا فندم!
سعيد هز راسه وقال بجديه صباح النور يا انسه رحمه.
رحمه هزت راسها وهوا دخل لمكتبه وقفل الباب وبعد دقايق اتصل بيها وقال هاتيلي قهوه.
رحمه هزت راسها وقالت حاضر يا فندم ط.
قفل المكالمه وهيا اتعصبت لانه علي طول بيعمل معاها الحركه دي وبيقفل في وشها قبل ما تخلص كلامها.
ولاكن سعيد كان بيضحك لانه عارف ان الحركه دي بتعصبها وهو بيكون قاصد يعملها علشان يشوف ضمه حاجبها وهيا داخله بالقهوه.
وعند عبدالله اول ما وصل للمكتب لقي ندي مشغوله في الاوراق الي قدامها فقال بابتسامه صباح الخير.
ندي انتبهت ليه ووقفت وهيا بترد عليه بابتسامه صبح النور يا مستر عبدالله تحب اعمل لحضرتك القهوه.
عبدالله هز راسه وابتسم وهيا هزت راسها واستنت لما دخل مكتبه وقامت علشات تجهز القهوه …
هادي كان داخل الشركه وهو بيبص لكل ركن فيها وهو بيفكر في حاجه كانو كل الموظفين بيقولوا صباح الخير يا مستر هادي وهو كان بيرد علي كل واحد لحدما وصل لمكتبه كانت ساره قاعده ومستنياه واول مشافته قربت منه وعلي وشها ابتسامه وقالت صباح الخير يا مستر هادي نورت الشركه!
هادي ابتسم ليها وهز راسه وقال دي الشركه منوره بالناس اللي فيها عامله ايه يا ساره.
ساره ابتسمت وردت عليه برقه وقالت انا كويسه الحمدلله يا فندم تحب اجيب لحضرتك القهوه.
هادي هز راسه بالموافقه وبعدها دخل مكتبه وهيا قامت علشان تجهزله القهوه…
راحت الاستراحه علشان تجهز القهوه وهناك لقت رحمه وندي وهما بيجهزوا القهوه وبيتكلموا.
ساره قربت منهم وهيا مبتسمه وبتقول صباح الخير يبنات.
رحمه وندي انتبهوا لوجودها وقالوا بابتسامه صباح النور يا انسه ساره.
ساره ابتسمت وهيا بتقول بتحضروا القهوه لمديركم صح.
ندي هزت رأسها بابتسامه ورحمه هزت راسها بدون ريأكشن.
ندي كانت بتكلم رحمه وهيا بتقول اي رئيك يا رحمه نروح اي كافيه النهارده بعد الشغل حاسه اننا محتاجين نغير جو.
رحمه هزت راسها وقالت عندك حق انا حاسه ان جو المكاتب دا خانقني جداا.
ساره كانت بتسمع كلامهم وهيا مبتسمه لحدما ندي بصتلها وقالت اي رئيك يا انسه ساره تيجي معانا.
ساره استغربت كلامها وقالت بتوتر قصدك اني هاجي معاكوا يعني!
ندي ورحمه هزوا راسهم بمعني ايوا وساره ابتسمت وقالت موافقه.
البنات فرحوا جدا بموافقتها وقالوا خلاص يبق بعد الشغل علي طول اتفقنا.
ساره هزت راسها بابتسامه وبعدها كانت ندي جهزت القهوه وقالت انا هروح لمكتبي بق باي يا حلوين.
رحمه وساره ابتسموا وبعدها هيا مشيت.
رحمه وساره فضلوا يبصوا لبعض وينزلوا عينيهم لحدما ما كل واحده خلصت القهوه بتاعتها ومشيت.
وفي نص اليوم الساعه 12 قمر كانت بتجهز هدومها علشان هتروح عند الدكتور علشان تعرف نوع الجنين وكانت ساندي جمبها بتساعدها تلبس وعند صافي تحت كانت قاعده مع جوزها وبيتراهنوا علي البيبي احمد بيقول هتطلع بنت وصافي بتقول انه ولد وكانوا بيتضاربوا علشان كل واحد شايف ان وجهة نظره صح.
سهر كانت وصلت للقصر ورنت الجرس واللي فتحت ليها الخدامه.
'
سهر ابتسمت للبنت وهيا بتسالها عن صافي.
البنت ردت عليها بإبتسامه وقالت صافي هانم في الصالون.
سهر هزت راسها ودخلت وهيا علي وشها ابتسامه واول مشافت صافي قالت بابتسامه مساء الخير يا ماما.
صافي ابتسمت وهيا بتقول سهر حبيبتي تعالي.
سهر قربت منها وهيا مبتسمه وبتقول وحشتيني اوي يا ماما انتي وبابا.
صافي ابتسمت وبصت لاحمد وقالت مالها دي مش من عاداتها يعني.
سهر ضحكت علي كلامهم وقالت انتي عارفه اني بعتبرك زي ماما الله يرحمها وبعتبر عموا احمد زي بابا ولاكن انا عندي ليكوا خبر حلو اوي لسا عارفاه النهارده الصبح.
صافي بصتلها بفرحه وهزت راسها وقالت قولي بسرعه علشان انا جه في دماغي حاجه كدا…
سهر هزت راسها وقالت هوا اللي جه في دماغك يا ماما هوا.
صافي بفرحه سهر انتي حامل.
سهر هزت راسها وقالت بدموع ايوا والله لسا عارفه الصبح وحتي انا مش مصدقه وقولت واحنا عند الدكتور اتاكد.
صافي حضنتها بفرحه واحمد كان فرحان بخبر حملها فحضنها هو كمان وهوا فرحان ليها.
سهر بحماس فين ساندي وقمر انا عايزه اقولهم علشان انا فرحانه اوي.
صافي ضحكت علي حماسها وقالت هما فوق بس استني بس قوليلي محمد عارف.
سهر هزت راسها وقالت لا بس انا والله مش قادره استني او اخبي حاجه زي دي وقولت اعرفكم انتوا الاول ومحمد بق هبق اقوله لما الدكتور ياكد علي كلامي.
صافي ابتسمت وسهر وقفت وهيا بتقول انا هطلع للبنات بق.
صافي هزت راسها وسهر قامت بفرحه وهيا بتطلع علي السلم واول ما وصلت لاوضة قمر فتحت الباب وقالت بصوت عالي.
انا حاااامل يانااااس.
ساندي كانت بتربط لقمر رباط الشوز واول مشافوا سهر داخله وبتقول كدا فضلوا ساكتين وهما مصدومين.
سهر ضحكت علي صدمتهم وقربت منهم وقالت بقول حامل حامل يا هو حامل يا بشر.
قمر بصت لساندي وبعدها وقفوا هما الاتنين بفرحه وهما بيقولوا بتهزرييي.
سهر حضنتهم بفرحه وهيا بتقول انا فرحانه اوي اوي.
قمر قالت بفرحه وانا كمان فرحانه اوي الف مبروك يا روح قلبي استني اما ابارك لمحمد.
سهر ابتسمت وبعدها قمر رنت علي محمد وهيا بتقول بفرحه الف مبروك يا ابو.
قمر بصت لسهر وقالت هتسميه او هتسميها ايه.
سهر ابتسمت وقالت هسميها قمر.
قمر هزت راسها وقالت مبروك يا ابو قمر مراتك حامل.
محمد بصدمه انتي بتقولي ايه يا قمر انتي اكيد بتهزري.
قمر بفرحه بهزر ايه بقولك مراتك حامل يا محمد الف مبروك بس بقولك ايه البت سهر قالت هتسمي البيبي قمر اوعي ترجع في كلامك.
محمد مكنش لسا مستوعب كلامها وكان مفكر انهم بيهزروا معاه او بيعملوا فيه مقلب لحدما سهر اخدت التيلفون وقالت محمد قمر كلامها حقيقي انا طلعت حامل بس مش متاكده اوي برضوا احنا رايحين دلوقت عند الدكتور بتاع قمر هتشوف نوع الجنين وهناك هبق اكشف انا كمان واعرف اذا كنت حامل او لأ.
ساندي كانت واقفه بتبصلهم وعلي وشها علامة إستفهام من اللي بيعملوه المجانين دول…
محمد رد بفرحه الف مبروك يا حبيبي المهم روحي اتاكدي الاول علشان اجهز فرحتي بدل ما افرح دلوقت علي الفاضي وانتي مش متاكده اذا كان في حمل او لا.
سهر ضحكت علي كلامه وهزت راسها وقالت حاضر يا حبيبي انا هبق اعرفك الخبر في بيتنا.
محمد هز راسه وبعدها قفل المكالمه وهوا بيقول لا حول ولا قوة الا بالله انا اول مره اشوف واحد يعرف خبر حمل مراته وهو في الحمام…!
محمد شد السيفون وقام وهوا بيعدل هدومه وبعدها خرج…
وعند البنات سهرقالت بصدمه اي دا يا قمر انتي قولتيله انا كنت عايزه اعملهاله مفجأه.
قمر بصتلها بصدمه وقالت هو انتي هبله يا بت مش انا قولتلك هكلمه هزيتي راسك وقولتي ماشي.
سهر بصت لساندي وقالت بصدمه انا عملت كدا.
ساندي حركت راسها وقالت عملتي يا حبيبتي ومنكوا لله عليتولي الضغط بق دا منظر تخضواا الراجل الخضه دي المفروض ان دي حاجه بتتقال علي رواقه او في سهره حلوه في بيتكوا انما تتصلي بيه وهو في شغله افردي الراجل من الفرحه حصله حاجه.
سهر بخضه لا محمد هاتي التلفون بسرعه اتصل بيت اطمن عليه.
ساندي اخدت من ايديها التيلفون وقالت ورحمه الي لسا مامتوش لو متحركتيش انتي وهيا وخرجتوا لهقلب عليكوا واوريكوا وش بنت البلد اللي انتو علمتوهالي…
سهر وقمر بصولها بخضه وهزوا راسهم وخرجوا.
ساندي قفلت تليفون سهر وخرجت وراهم وهيا بتعدل شعرها وبتاخد نفس علشان تهدي.
صافي اول مشافتهم نازلين وقفت وهيا بتقولبحناس يلا يابنات خلينا نمشي علشان انا متحمسه اوي.
البنات ابتسموا وبعدها خرجوا معاها وركبوا العربيه
وفي المستشفي وفي قسم الاطفال دخلت صافي وساندي وقمر وسهر لغرفه الدكتور واللي كان في استقبالهم.
↚
قمر بابتسامه ازي حضرتك يا دكتور.
الدكتور ابتسم وقال انا كويس الحمدلله اهم حاجه انتي طمنيني عليكي.
قمر ابتسمت وقالت انا كويسه والبيبي تمام الحمدلله بس انا متحمسه جدا وعايزه اعرف نوعه ايه.
الدكتور ضحك وهز راسه وشاور للممرضه المساعده بتاعته تاخد قمر.
قربت البنت و مسكت ايد قمر ونيمتها علي السرير بالراحه وبعدها الدكتور قرب منها وبدأ يعملها سونار.
صافي وساندي وسهر كانوا واقفين وهما مركزين مع شكل البيبي اللي ظهر في الشاشه.
قمر عيونها دمعت اول مشافتها والدكتور كان ملاحظ دموعها وكان بيبتسم وبعدها قال مدام قمر الجنين بنت …قمر ابتسمت وقالت بجد يا دكتور الحمدلله يارب كل ما هوا منك جميل.
صافي كانت باصلهم وهيا مصدومه لانها كانت متراهنه مع جوزها انه هيطلع ولد ولاكنها كانت مبسوطه برضوا قربت هيا والبنات من قمر وهما فرحانين وقمر طلبت من الدكتور انها تسمع نبضات قلب البيبي والدكتور ابتسم وفعلا بدا يشغل الجهاز اللي هيسمعهم نبضات البيبي واول ما قمر سمعت الصوت انهارت من العياط وقالت بفرحه الله يا دكتور حلو اوي معقول الصوت دا والبيبي دا في بطني.
الدكتور ابتسم وصافي مسحت دموع قمر وهيا بتبوسها من جبينها وبتقول تتربي في عزكوا يا حبيبتي الف مبروك.
قمر ابتسمت وهيا بتسمك ايد صافي وفرحانه انها جمبها سهر قربت من قمر وقالت بفرحه الف مبرك يا ام سهر تتربي عزك يا حبيبتي.
قمر ضحكت علي الاسم الي قالته سهر وقالت ان شاء الله يا حبيبتي عقبالك يا روحي.
سهر قالت بفرحه امين يا رب.
ساندي مسكت ايد قمر وقالت بابتسامه الف مبروك يا حبيبتي ان شاء الله انا اللي هختارلها الاسم لان انا شايفه ان عندكوا مشكله بسبب الاسماء.
قمر ضحكت وهزت راسها وقالت وهيا تطول انك تسميها ربنا يخليكي لينا يا ساندي.
ساندي ابتسمت وهيا بصالها بفرحه وبعدها صافي اتكلمت مع الدكتور وقالتله يكشف علي سهر لانها شاكه انها حامل.
الدكتورابتسم وطلب من سهر ترتاح علي السرير وبدأ يكشف عليها كلوهم كانوا واقفين وبيبصوا للدكتور مستنيين انه يعرفهم الهبر
الدكتور بص لسهر وقال بابتسامه الف مبروك يا مدام انتي حامل.
سهر ابتسمت بفرحه وقالت احلف يا دكتور يعني انا بجد حامل.
الدكتور ضحك وقال والله حامل.
سهر بصت لقمر وقالت انا فعلا حامل …قمر ضحكت وهيا بتهز راسها وبدأت سهر تسأل كل واحده وهيا فرحانه لحدما صافي قربت منها وقالت والله يا سهر انتي حامل ممكن بق تهدي فرجتي علينا الناس.
سهر هزت راسها وقامت وهيا بتقول طيب يا دكتور انا حامل في بنت ولا ولد.
الدكتور ضحك وقال لا انتي حامل بقالك شهر بس يعني لسا مظهرش نوع الجنين انشاء الله هتعرفي في الرابع او الخامس.
ساندي وقمر وصافي مسكوها وهما بيشكروا الدكتور واللي كان بيضحك علي تصرفات سهر لانه اول مره يشوف فرحه من القلب بالشكل دا.
سهر شكرت الدكتور وبعدها خرجت هيا وبقيت البنات وطلعوا من المستشفي كلها وركبوا العربيه ورجعوا تاني للقصر.
قراءة رواية لسان لا يهزم الفصل التاسع والعشرون 29 كامل | بقلم شيماء صبحي
تابع المغامرة في رواية لسان لا يهزم الفصل الثامن والعشرون 28 كامل من خلال الفصل التالي.
قراءة رواية لسان لا يهزم كاملة
رواية لسان لا يهزم كاملة من الفصل الأول حتى الأخير بترتيب دقيق.
أحدث روايات شيماء صبحي
جميع روايات شيماء صبحي متوفرة كاملة للقراءة المباشرة.
