رواية لسان لا يهزم الفصل السادس والعشرون 26 كامل | بقلم شيماء صبحي
تم تحديث الفصل بتاريخ 21 أبريل 2026
ريم مسكت في هدوم حسين وقالت بخوف حسين خرجني من هنا بسرعه.
حسين زق علي وقال لو فكرت بس تبصلها مجرد بصه هتكون مشرفني في الحبس.
علي بصدمه انت ظابط.
حسين هز راسه وقال الرائد حسين علام وطبعا مش محتاج اعرفك انا بعمل ايه في المجرمين عندي في السجن.
علي بلع ريقه وقال بخوف انا اسف يباشا انا كنت باخد حقي منها بس والله مهعملها تاني.
حسين ضحك بسخريه وقال معلشي يا حبيبي اصل انا مش امك علشان اسامحك.
نده حسين علي صديقه وقال حضرت الظابط محمود.
ثلاث اشخاص طلعو وواحد منهم بص لحسين وقال خير يا حسين باشا.
حسين بص لعلي والشباب اللي معاه وقال قضية تعدي علي انسه اتفضل يباشا شوف شغلك.
علي بص لحسين بصدمه والظابط محمود شاور لرجالته يمسكوا علي والشباب ودخل هو يفتش الشقه وطلع بعد دقايق وهو ماسك بودره وحشيش وقال بابتسامه حلاوتكوا دنتوا نهار ابوكوا اسود.
حسين مسك ريم من اديها وقال وهوا بيبص لمحمود انا هروح ريم لبيتها وهحصلكوا علي القسم عايزكوا تضبطوا الشباب وتوصوا عليهم رجالتنا في الحبس.
علي بص لريم وقال ريم الحقيني انتي هتسيبيهم يخدوني.
ريم لفت وشها بخوف وهيا بتبص لحسين الي قال يلا يا ريم تعالي كويس اني لحقتك قبل ما الحيوان دا يعمل فيكي حاجه.
ريم هزت راسها وقالت هو انت عرفت مكاني ازاي يا حسين.
حسين بهدوء منال صحبتك اتصلت بيا وعرفتني ان في شاب اخدك من وسطهم وخرج وكان باين عليكي انك خايفه وطبعا انا كنت قريب منكوا فشوفتكم وانتو راكبين العربيه ومشيت وراكوا واتصلت بمحمود ورجالتو يحصلوني.
ريم هزت راسها وقالت بعياط كان هيضيعني يا حسين كل دا علشان كدبت عليه!
حسين ضمها ليه وقال متخافيش يا ريم انا معاكي بس انتي ايه اللي خلاكي تعملي فيه كدا.
ريم قالت بعياط انا كنت متضايقه من سهر بنت جوز ماما ولاكن معرفش ان الحيوان دا هيعمل فيا حاجه زي كدا.
حسين مسك ايديها وقال طيب تعالي علشان اروحك.
ريم هزت راسها وهوا اخدها ونزلوا وركبها العربيه وركب جمبها وبعد وقت كانو وصلوا عند عماره كبيره.
ريم بصتله وقالت بابتسامه انا هنزل انا وشكرا اوي يا حسين علي وقفتك جمبي لولاك كنت ضيعت؟
حسين ابتسم وريم نزلت ودخلت العماره وهوا اما شافها طلعت علي السلم اتحرك بعربيته ومشي.
فضلت ريم قعده علي السلم شويه لحدما اتاكدت انه خلاص مشي من المكان خرجت وهيا بتبص حواليها علشان تتاكد وبعدها مشيت.
فضلت ماشيه لحدما وصلت عند بيت جدها خبطت علي الباب ودقايق وفتحت امها.
ريم بابتسامه مساء الخير يا ماما عامله ايه النهارده.
حسنه بحزن هعمل ايه منتي شايفه حالنا هنصرف منين انا معدش معايا فلوس.
ريم دخلت وقفلت الباب وهيا بتقول بتنهيدع خلاص يا ماما انا هنزل من بكرا اشوف شغل.
حسنه بصدمه.
ودراستك يا ريم لا متسيبهاش متضيعيش شقايا وتعبي علشان ادخلك فيها علي الفاضي.
ريم قعدت علي الكرسي وهيا بتخاول تسيطر علي اعصابها.
متقلقيش يا ماما في شركه ظاهره قدامي طالبه شباب جامعيه هيكونو متدربين وانا هروح اقدم هنتك وان شاء الله اتقبل.
حسنه هزت رايها وقالت.
طيب ادخلي بس صحبح انتي اتاخرتي كدا ليه.
ويم بقتلها بصدمه وبلعت ريفها وقالت بتوتر.
اصل منال صحبتي كانت تعبانه وكنت معاها.
حينه هزت رايها وقالت.
طيب يلا ادخلي ارتاحي علشان تقومي بدري للكليه.
ريم هزت راسها ومشيت من قدام امها ودخلت الاوضه الي قاعده فيها وقفلت عليها الباب وبعدها فضلت تعيط بهستريا وهيا مش مصدقه انها كانت هتبقي ضحيه اغتصاب مش مستوعبه انها في لحظه كان مستقبلها هيضيع.
غمضت عينيها وهيا لاول مره بتشكر ربنا انه انقذها وبعتلها حسين
رغم ان حسين دا هيا مكنتش بتحبه لانه جد جدا ولاكنه كبر في نظرها النهارده.
منال صاحبتها اتصلت بيها وهيا قلقانه وريم طمنتها وعرفتها كل اللي حصل وقالتلها انها خلاص معدتش هتروح النايت كِلب تاني وخلاص هتشتغل وتركز في دراستها.
منال ابتسمت وقالت.
دا احسن قرار اخدتيه وانا كمان معدتش هروح وهركز في دراستي لاننا كنا مقصرين فيها.
ريم هزت راسها وقالت بدموع فعلا كنا مهملين؟
منال قفلت معاها المكالمه وريم مسحت دموعها وغيرت هدومها وبعدها نامت وهيا بتحضن مخدتها بقوه علشان تقدر تخفف من توترها
بعد ثلاث شهور
وفي شقه محمد وسهر كانت سهر بتكلم قمر في التيلفون وبتقولها ان ابوها قرر يطلع عمره وحكتلها انه خلاص طلق حسنه رسمي وسمعت ان ريم بنتها اتخطبت وكملت كلامها و قالت بابتسامه.
احسن حاجه ان بابا اخد القرار الصح لانها فعلا كانت طماعه ومش بتحبه.
قمر كانت قاعده وهيا ماسكه ساندوتش وبتقول.
يلا ربنا يصلح حالهم وعاوزاكي تقولي لابوكي يجبلي سجاده وسبحه وهو جاي ويجيب لهادي جلبيه حلوه
سهر ضحكت وهزت راسها وقالت اكيد يا حبيبتي بس طمنيني الحمل عامل معاكي ايه.
قمر حطت ايديها علي بطنها المنفوخه وقالت الحمدلله اهو دلوقت مريحني انما لما اجي اتلم انا وجوزي مقولكيش
سهر ضحكت علي كلامها وقالت.
ربنا يقومك بالسلامه يا حبيبتي بقولك ايه يا قمر متيجي كدا يا ختي نروح نعمل شوبنج عاوزه اغير جو.
قمر هزت راسها وقالت ومالو يا ختي فكره برضوا قومي انتي البسي وانا هقوم اخلي ساندي تلبس ونروح كلنا.
سهر هزت راسها وقالت خلاص ماشي مسافة السكه
قمر قفلت المكالمه ووقفت وهيا بتقول بتعب.
ااه يا مسهل.
خرجت قمر من اوضتها وراحت لاوضه ساندي اللي كانت نايمه.
قمر قعدت جمبها علي السرير وقالت.
بت يا ساندي قومي تعالي معايا.
ساندي مردتش عليها ولفت جسمها بنوم ولاكن قمر هزتها وقالت بغيظ.
قومي يا بت متعمليش فيها نايمه
ساندي فتحت عين واحده وقالت بنوم.
عايزه ايه يا قمر سيبيني انام
قمر رفعت حاجبها بغيظ وقالت.
بقولك قومي تعالي معانا انا والبت سهر رايحين نعمل شوبينج.
ساندي قعدت وهيا بتمسح وشها وبتقول.
وهيا بق هبت في دماغكوا مره واحده ولا مرتبينلها من بدري.
قمر بصتلها وقال بابتسامه.
لا هبت فجأه ويلا قومي البسي مش هقول تاني.
قمر خلصت كلامها وقامت مشيت وساندي بصت عليها بغيظ وقامت علشان تلبس
وعند قمر رجعت اوضتها تاني وهيا مبتسمه علشان علاقتها اللي اتحسنت مع ساندي وبقوا اصحاب من وقت ما خرجت من المستشفي و قمر كانت بتهتم بيها علشان كانت تعبانه.
ساندي حبتها لانها كانت حنينه معاها ويوم ما هادي قالها انه هيجوزها عزيز علشان يصلح غلطته ساندي رفضت لانها اكتشفت انه شخص حيوان وميستحقش انها تبق مراته.
قمر شجعتها علي قرارها وقالتلها ان ربنا هيعوضها بشخص كويس ومرت الثلاث شهور وساندي وقمر يوم يتخانقوا وعشره متصالحين وعلاقتهم بقت اكتر من اخوات.
قمر بدات تجهز وهيا متحمسه لانها اخيرا هتغير جو لان هادي طول الثلاث شهور مانعها تتعرض لاي حركه علشان الحمل ولاكنها دلوقت بقت في الرابع يعني الحمل ثبت فـ من حقها انها تخرج وتغير جو مع اصحابها.
وبعد مرور نص ساعه جهزت قمر وكانت واقفه علي الشوز.
ساندي دخلت اوضتها وهيا بتقول.
ها خلصتي.
قمر وهيا بتحاول تلبس الشوز قالت بتعب.
مش عارفه البسه.
ساندي بصتلها وقالت بسخريه.
مش عارفه تلبسي ايه دنتي لسا في الرابع ومشاءالله هتنفجري قريب.
قمر حدفتها بالشوز وهيا بتقول.
طيب علشان قلة ادبك دي انتي اللي هتلبسيني الشوز.
ساندي ضحكت وقربت منها وهيا بتقول.
ومالو يا حبيبتي مهوا كلو علشان ابن خالتي برضوا.
قمر بصتلها بغيظ ووساندي بدات تلبسها الشوز وهيا بتضحك.
وبعدما خلصت قمر وقفت وهيا بتقول.
زمان سهر جهزت يا دوبك نروح نجيبها.
ساندي هزت راسها وخرجت مع قمر من الاوضه وبعدها نزلوا تحت.
صافي كانت قاعده في الصالون بتشرب القهوه وشافت البنات وهما نازلين وبيضحكوا وقفت وهيا بتقول بابتسامه.
رايحين فين يا حلوين.
قمر ابتسمت وقالت.
رايحين نعمل شوبينج انا وساندي وسهر.
صافي هزت راسها بابتسامه وقالت.
طيب يا حلوين تروحوا وتيجوا بالسلامه اهم حاجه خلوا بالكوا من نفسكوا.
قمر وساندي ابتسموا وبعدها خرجوا من القصر ووقفوا قدام عربية ساندي ساندي ركبت في كرسي السواق وقمر ركبت جمبها وبعدها اتحركوا لشقه سهر واللي كانت واقفه مستنياهم.
سهر بابتسامه وهيا بتقرب منهم.
ازيكوا يا بنات وحشتوني.
قمر وساندي سلموا عليها وهما مبتسمين وبيقولوا.
وانتي كمان يا سهر يلا اركبي.
سهر ركبت وهيا مبتسمه علشان بقالها كتير مشافتهمش.
ساندي شغلت اغنيه كلهم بيحبوها وفضلوا كلهم يغنوا معاها وبعدها اتحركت بالعربيه وحاليا في طريقهم للمول.
———————
وفي شركة الجارحي كان في اجتماع مع عملاء جداد وكان هادي بيعرض عليهم افكاره في بناءً الارض الي عايزين يعملوا عليها الكومباوند وهما كانو مبهورين بذكاءه وبفكرته اللي طلعت احسن من الي هما عايزينها …واحد من العملاء هز راسه وقال.
افكارك هايله جدا يا مستر هادي ورجع بص للاشخاص اللي معاه وقال.
انا شايف ان الفكره هايله اي رئيكوا.
العملاء هزو راسهم بابتسامه وبعدها قالو.
احنا مستعدين نمضي العقود دلوقت.
هادي ابتسم وبص لساره واللي خرجت العقود واداتها لهادي وهوا اخدها وادالهم كل واحد عقد يعلشان يقرأوه وبعدها يمضوا عليه.
وبعدما خلصوا ومضوا علي العقد وقفوا وهما بيسلموا علي هادي بفرحه وبيقولوا.
تشرفنا بالشغل معاك يا مستر هادي والحقيقه متحمسين جدا نشوف المشروع اللي انت شغال عليه.
هادي هز راسه وقال.
الشرف ليا طبعا واكيد طبعا المشروع هيعجبكوا وان شاء الله هيخلص في خلال 6شهور من دلوقت.
العملاء بصوله بانبهار وبعدها استأذنوا علشان هيمشوا وبعدها هوا بص لساره وابتسم علي نجاح الشركه واللي بدات ترجع زي الاول واحسن.
كمان.
هادي بص لساره وقال.
الا قوليلي يا ساره هو انتي بتحبي سميح؟
ساره بصتله بتوتر وقالت.
تقصد الاستاذ سميح المغربي.
هادي بصلها وابتسم وقال.
وهو احنا عندنا كام سميح يا ساره ايوا طبعا اقصده.
ساره بصتله بخجل وهزت راسها وقالت.
سميح يبق خطيبي يا مستر هادي واكيد طبعا بحبه.
هادي ابتسم وقال.
ربنا يصلح حالكوا يا ساره حددتو ميعاد الفرح ولا لسا.
ساره هزت راسها بلأ وقالت.
لسا يا فندم سميح قرر انه هيبق بعد انتهاء المشروع.
هادي ابتسم وقال.
سميح دا دماغه ناشفه صحيح.
ساره ابتسمت وهزت راسها وبعدها هادي قال.
احنا عندنا لسا اجتماعات النهارده.
ساره هزت راسها بلأ وقالت.
لا يا فندم كدا خلاص بس حضرتك كنت قايل انك هتروح الموقع علشان تشوف المشروع!
هادي هز راسه وقال فعلا انا كنت ناسي.
ساره ابتسمت وهزت راسها وهوا خرج وبعدها ساره لمت حاجتها و خرجت وراه.
وفي شركة النجار.
كان موجودين ثلاث مستسمرين قاعدين قدام ادهم وهما بيقولوا بغضب.
احنا متفقناش علي التأخير دا يا ادهم بيه فين المشروع بتاع العميل الخليجي.
ادهم وقف وقال بتوتر.
يجماعه اهدو مش كدا انا قولتلوا استنو شويه لسا التصميم مخلصش.
واحد من المستسمرين وقف وقال بغضب.
انت كداب يا ادهم انت كنت متفق معانا انك هتبدأ حفر من ثلاث شهور وحاليا بتقولي التصميم مخلصش ايه الاستهتار دا العميل الخليجي بيبعتلنا كل شويه واحنا مش عارفين نقوله ايه.
ادهم بصلهم وقال بتوتر:.
طيب استنو عليا شويه ممكن نبدأ حفر بعد شهر من دلوقت علي ما اخلص التصميم بنفسي.
المستسمر التاني قال برفض.
لا يا ادهم بيه للاسف مفيش وقت و احنا كنا جايين نسحب الشروع من شركتك واظن ان شركة الجارحي مستواها اعلي منكم وقدرت تفنذ نص المشروع اللي هوا اكبر من دا في اربع شهور بس علي العموم دا مش قرارنا دا قرار العميل الخليجي بعدما عرف انك مبدأتش في مشروعه اتعصب ووقتها وصلتلوا مستندات بتدل انك فاشل وانك سرقت شغل الجارحي وانك برضوا السبب في اخد عملائه ومستسمرينه منه وخلاص المشروع هيتسحب منك.
ادهم وقف بصدمه وقال يعني ايه هتسحبوا المشروع والشرط الجزائي.
المستسمر بغضب الشرط الجزائي دا انت اللي هتدفعوا مش احنا انت الي موفتش بوعدك لينا ومشيت علي حسب اتفاقنا انت مستهتر ودي غلطتنا اننا وثقنا فيك.
↚
ادهم بصلهم بخوف وقال طيب اقعدوا بس نتفاهم مش كدا دا الشرط الجزائي دا كبير وممكن يهد شركتي.
المستسمرين قالو برفض.
احنا ملناش يد في اي حاجه لان العميل رافض رفض تام اننا نسحب المشروع.
ادهم بصدمه.
يعني كداانا انتهت طيب متكلموه تاني.
وصل هادي للموقع الي بيتبني عليه المشروع الجديد.
قابل هناك رئيس المهندسين واللي مسؤل عن تنفيذ المشروع واعطاء الاوامر لبقية المهندسين الموجودين.
هادي ابتسم وهوا بيسلم عليه وبيقول ازي حالك يا هندسه.
المهندس علاء ابتسم لما شاف هادي وقال الحمدلله يا هادي بيه كله تمام اتفضل حضرتك.
هادي ابتسم وهوا بيبص علي كل التفاصيل اللي بتحصل قدامه وكان فخور جدا بالانجاز اللي وصله بص لعلاء وقال طمني يا هندسه اخبار المشروع ايه.
علاء كان بيصب لهادي الشاي وبيقول بابتسامه المشروع ماشي تمام وزي الفل وانشاء الله يكون من احلي المدن السكنيه الي اتعملت في مصر والشرق الاوسط.
هادي ابتسم علي كلامه وقال انشاء الله يا هندسه.
علاء كان فرحان وهوا قاعد مع هادي لانه فخور بالانجاز الي هادي وصله في الشركه وتغير شخصيته للافضل بعدما كان شاب الكل بيتكلم عليه علي انه شاب مستهتر وماشي بفلوس والده لشخصيه جاديه وقويه.
علاء مد ايديه بالشاي وهو بيقول لهادي اتفضل يا هادي بيه الشاي.
هادي بصله وابتسم واخد من ايديه الشاي واخد رشفه وهوا بيقول بابتسامه تسلم ايدك يا بشمهندس.
علاء ابتسم وهز راسه وهو بيقول الله يخليك يا فندم.
هادي مسك الكوبايه وقام وهوا بيبص لبقية العمال بفخر علي مجهودهم اللي بزلوه في تنفيذ المشروع واعطاءه افضل ما عندهم
علاء كان واقف جمب هادي وبيتكلمه علي اخر حاجات هيعملوها ويكون المباني كلها خلصت وواقفه بس علي التشطيب.
هادي هز راسه وقال بفرحه كويس جدا بس اهم حاجه تمشوا علي الالوان الي اختاروها العملاء مش عاوزين اي حاجه تبوظ!
علاء هز راسه بثقه وقال متقلقش يا فندم كل حاجه زي ما حضرتك طالب بالظبط.
هادي هز راسه بابتسامه وبعدها مشي وهوا بيسلم علي بقية المهندسين الي موجودين وهما كانو فرحانين جدا بوجوده في المكان وكانو بيسلموا عليه بكل حماس.
بعد مرور وقت مش كبير خرج هادي من الموقع وركب عربيته واتحرك بيها وفي طريقه للقصر.
وفي المول اللي فيه البنات
قمر كانت ماسكه كيس في ايديها وبتقول بتعب حرام عليكوا بق مشيلني حجات تقيله وانتو عارفين اني حامل ومش بشيل اي حاجه تكون تقيله عليا.
ساندي وسهر بصوا لبعض بصدمه لانهم كانو شايلين كل الاكياس علشان يريحوها ولاكنها متضايقه لانها شالت كيس واحد بس تساعدهم بيه
قمر بصتلهم بنص عين وهي بتقول مش عاجبكوا كلامي ولا ايه.
ساندي مدت ايديها وهي بتقول بغيظ.
لا وعلي ايه هاتي يا حبيبتي الكيس اللي مش قادره تشيليه دا.
ساندي مدت ايديها وهيا بتشيل الكيس بصعوبه وبتبص لقمر واللي كانت رافعه حاجبها ولحدما ما ساندي بعدت خطوه عنها اتحولت ملامح قمر للفرحه وبعدها خرجت وهيا بتمد في خطوتها وبتقول بابتسامه يلا تعالوا انتو واقفين ليه.
سهر بصت لساندي وقالت معلش يا حبيبتي نستحملها علشان لما نحمل احنا كمان نردلها كل اللي بتعمله فينا داا.
ساندي ضحكت ومشيت جمب سهر وهما عينيهم علي قمر اللي بتبصلهم وبتضحك لحدما وصلولها وقالو بضحك يلا يا حجه اخرجي واقفه ليه.
قمر خرجت وقربت فتحتلهم العربيه وبعدما حطوا الاكياس كلها وركبوا العربيه.
ساندي ساقت كالعاده وبعدها قمر تلفونها رن وكان هادي اللي بيتصل بيها وبيقول انا جايلك في الطريق بقولك ايه بق انا عايز تعويض علي الي عملتيه فيا اليومين اللي فاتو دول.
قمر ابتسمت وقالت ها تعويض ايه بس يا حبيبي انت فاهم غلط انا تعبانه جدا.
هادي بقلق مالك يا قمر
قمر قالت وهيا بتمثل التعب اصل انا كنت مع ساندي وسهر في المول بنشتري شويه حجات المهم بق العيال دول نسيوا اني حامل وخلوني اشيل كل الحجات لوحدي ومش عايزه اقولك اني مش قادره حتي احرك ايدي.
سهر وساندي بصولها بصدمه وهما مش مستوعبين الكلام اللي هيا بتقوله ويعني ايه شالت الاكياس امال اللي كانو شايلنها دي ايه.
ساندي كانت هتتكلم ولاكن قمر حطت ايديها علي بوقها وهيا بتحذرها بعينيها وبعدها قمر قالت وهيا بتكمل كلامها مع هادي خلاص يا حبيبي علي العموم احنا جايين في الطريق اهو ومتقلقش عليا انا بس تعبت شويه صغيرين واكيد هكون احسن.
هادي هز راسه وهو مستغرب كلامها ولاكنه قلق جدا عليها وقال ماشي يا حبيبتي توصلي بالسلامه
قمر قفلت معاه وهيا بتبص لساندي بغيظ وبتقول عارفه انكم اللي شيلتوا الاكياس بس حسوا باختكم انا قولت كدا علشان الحمل فعلا تعابني وهادي حبيبي متعذب معايا بس هعمل ايه مش ببق طايقاه والله مش عارفه الحمل قالب معايا بكره ليه.
سهر وساندي بصولها وضحكوا وبعدها قمر بصتلهم وقالت بس اوعي واحده منكم تقول لهادي حاجه.
سهر هزت راسها وساندي قالت ياستغراب خلاص متقلقيش بس ممكن تشرحيلي مش طايقاه ازاي.
قراءة رواية لسان لا يهزم الفصل السابع والعشرون 27 كامل | بقلم شيماء صبحي
واصل استكشاف رواية لسان لا يهزم الفصل السادس والعشرون 26 كامل في الفصل التالي.
جميع أجزاء رواية لسان لا يهزم
استمتع بقراءة جميع فصول رواية لسان لا يهزم كاملة من البداية للنهاية بروابط مباشرة وسريعة.
مكتبة قصص شيماء صبحي
استمتع بتصفح جميع روايات شيماء صبحي الكاملة.
