تنفس جلال بعمق قبل ان يقول ما صدم ريماس ومالك :
- عاوزك تتجوز ريماس يا مالك .
تصلب جسد كلا من ريماس ومالك ، وبدأت ريماس بـ البكاء واقتربت من والدها وامسكت يده وقالت بضعف :
- بابا بلاش تعمل كده ، انت عارف ان دي اكتر حاجه هتوجعني لو حصلت .
تنفس والدها بعمق ثم قال وهو ينظر لـ مالك المتصنم :
- ايه رأيك في كلامي يا مالك .؟
ابتلع مالك ريقه بتوتر ونظر الي ريماس التي تنظر له بحقد خفي ولكنه لم يخفي عليه :
- موافق طبعا .
اندفعت ريماس قائله وقد تبدل ضعفها الي شراسه :
- علي جثتي الجوازه دي تتم انت فاهم .
رفع مالك حاجبه بضيق من نبرتها العاليه وقال بتحذير :
- صوتك يا ريماس ميعلاش عليه انت فاهمه .
اقتربت ريماس منه ولم يعد يفصل بينهم الا القليل وقالت بحده وهي ترفع اصبعها في وجهه :
- ولو عيلي هتعمل ايه ؟
تنفس مالك بعمق يحاول التحكم في اعصابه وهو يمسح علي شعره ثم التفت ينظر الي جلال الذي بدي عليه التعب اكثر من الاول ،فقال مالك بخوف :
- انت كويس يا جلال بيه ؟
ركضت ريماس الي والدها بخوف وهي وشك البكاء :
- بابا حبيبي انا اسفه ، انا مش عارفه ازاي نسيت انك تـ...
قاطعها جلال قائلا بصرامه رغم تعبه ومتجاهلا اعتذارها :
- هتتجوزي مالك يا ريماس ودلوقتي حالا ولو رفضتي ولا هتبقي بنتي ولا اعرفك هغضب عليكي ليوم الدين .
انصدمت ريماس من حديث والدها وقالت بصدمه :
- انت ازاي كده ..
نزلت دموعها كالشلالات واكملت بكسره :
- انت اكتر واحد عارف اد ايه انا اتجرحت منه وان هو اللي سابني من خمس سنين .
اغمض جلال عينيه بألم وهمس بنبره علي وشك البكاء :
- سامحيني يا ريماس بس صدقيني دا لمصلحتك واكيد هييجي يوم وتعرفي انا عملت كده ليه بس لما ييجي اليوم دا بتمني انك تسامحيني ..
ابتسمت ريماس برغم الدموع التي تذرفها واقتربت منه تقبل جبينه وهمست بحزن :
- كل اللي انت عاوزه انا هعمله بس بلاش تغضب عليه انا مقدرش علي كده .
ربت جلال فوق كفها الموضوع بجانبه وقال بألم :
- عمري ما اقدر اغضب عليكي دا انتي بنتي حته من قلبي ..
ارتمت ريماس تحتضنه وهي تجهش في البكاء فضمها والدها اليه وهو ينظر الي مالك بأسف لما سببه من وجع والم للطرفين .
ابتعد جلال عن ريماس وقال لمالك :
- ابعت حد يجيب المأذون يا مالك وياريت بسرعه عشان مفيش وقت .
اومأ له مالك بصمت ثم خرج الي الخارج واخرج هاتفه من جيب بنطاله وضغط علي عدة ازرار ثم انتظر الرد .
💫💫💫💫💫💫💫💫💫💫💫💫💫💫💫💫💫
في نفس الوقت كان يجلس عدي النجدي في ملهي ليلي وحوله الكثير من الفتيات منهم التي تجلس بجانبه واخري علي قدمه واخري بجانبه من الناحيه الاخري ..
قالت احد الفتيات بمياعه والتي كانت علي قدمه :
- وحشتني اووي يا عدي بقالك اكتر من اسبوع مش بتيجي ..
رد عليها عدي بضيق :
- اعمل ايه في' مالك ' كان معاقبني .
انهي جملته و وجد هاتفه يرن بأسم اخيه والذي كان يسجله علي الهاتف بـ الوحش .
تأفف عدي بضيق وقال في سره :-
- ونبي لو كنت ذكرت ربع جنيه ما كنت لقيته .
فتح الهاتف ثم وضعه علي اذنه وقال ببتسامه سمجه وكأن مالك يراه :
- يا نعم .
- نعم الله عليك يا روح امك .
تأفف عدي وهمس بتذمر :
- يوه بقا يا "مالك" مالك بس ومال امي .
هتف مالك بحده :
- اسمعني كويس عاوزك تجيب مأذون وتيجي علي مستشفي (********) بس بسرعه يا عدي عشان لو اتأخرت هتشوف وش الوحش مش وش مالك اخوك انت فاهم .
عدي بحسره علي نفسه :
- فاهم .
اغلق عدي الهاتف ونظر الي الفتاه التي تجلس علي قدمه وتتابعه بجهل ثم قال بحسره :
- الليله ضربت يا نوجه .
طوقت نوجه عنقه بيديها وقالت بدلع :
- ليه بتقول كده يا حبيبي .
رد عليه بضيق :
- اصل مالك اخويه عـ......
قاطعته نوجه بتوتر وهي تنهض من علي قدمه :
- الوحش كان عاوزك صح .
اومأ لها فقالت بحده :
- طب مستني ايه قوم روحله بسرعه لحسن المره اللي فاتت لما رن عليك وعرف انك معايا جالي لغايه هنا وأداني حتت كف وقالي ابعد عنك ..
انهت كلامها وهي تتحسس خدها بغل .
نظر لها عدي بضيق وقال بجديه :
- بتخافي منه اووي كده يا نوجه .
- طبعا بخاف منه دا مالك النجدي يعني مش اي حد .
ابتسم عدي بستخفاف من خوفها وقال :
- سلام يا نوجه لحسن ييجي يديكي كف تاني و وشك الجميل دا مينفعشي لشغلتك دي تاني .
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
بعد ساعه وصل عدي بالمأذون الي المستشفي فـقابله مالك يقف امام غرفة العنايه المركزه فقال عدي بتساؤل :
- هو في ايه يا مالك انا مش فاهم حاجه وعاوز المأذون ليه؟
اجابه مالك ببرود :
- عشان هتجوز .
نظر عدي حوله ثم نظر الي مالك وقال بضحكه رنانه :
- اه يا خلبوص عاوز تتجوز واحده بينها وبين الموت شعره عشان تاخد اللي انت عاوزه وتفلسع بعد كده و...
قاطع حديثه نظرات مالك الناريه فقال بتوتر :
- هي فين العروسه طيب عشان الشيخ عنده شغل .
اشار مالك الي غرفة العناية المركزة وقال بجديه :
- اتفضل يا سيدنا الشيخ .
دلف كلا من مالك وعدي والمأذون الي الداخل فوجد عدي كثير من الاشخاص موجودين وكان من بينهم خالد وحمزه وانس والذي يعرفهم تمام المعرفه ولكن الباقي لا يعرفهم .
اقترب عدي من مالك وهمس له في اذنه بمكر وهو ينظر للبنات بنظرات وقحه :
- قولي انهي موزه منهم مراتك .
حدجه مالك بنظرات غاضبه فتنحنح عدي وقال بجديه مصتنعه ....
- ابدأ يا سيدنا الشيخ .
جلس المأذون علي احد المقاعد وقال بعمليه :
- اين وكيل العروس .
رد جلال بتعب :
- انا وكيل العروسه .
بعد فتره انتهت مراسم الزواج واصبحت ريماس زوجة مالك النجدي رسميا عندما القي المأذون جملته الشهيره .
- بارك الله لكما وبارك عليكما وجمع بينكما في خير .
خرج المأذون ومعه عدي الي الخارج وبقي الباقي في الغرفه
اقتربت ريماس من والدها وقالت ببتسامه مصطنعه :
- كده انت راضي عني يا بابا .
رد جلال ببتسامه و وجع :
- انا راضي عنك في كل وقت يا روح بابا , بس انا كان لازم اجبرك تعملي كده لمصلحتك .
طبعت ريماس قبله علي يده وقالت بحب :
- ربنا يخليك لينا يا بابا .
ابتسم جلال ثم نظر اتجاه مرام التي تبكي بصمت هي وملاك واشار لهما ان يجلسوا بجانبه علي الفراش .
اقتربت مرام منه تطبع قبله علي يده وقالت ببكاء :
- بابا حبيبي الف سلامه عليك يا حبيبي .
ربت جلال علي يديها وقال بوجع :
- خلوا بالكوا من نفسكوا وافضلوا ايد واحده دايما .
اومأ له كلا من مرام وملاك بالايجاب وهنا تدخل خالد وقال بمرح مصطنع .
- ايه يا جيمي انت هتضحك علينا بالكلمتان دول عشان تاكل عليه هديه الترقيه بتاعتي ولا ايه .
سعل جلال بقون فقترب منه الجميع بخوف وقال خالد بقلق :
- عمي انت كويس .
قال جلال من بين سعاله :
- كله يطلع بره وسبوني مع مالك ؟
ريماس ببكاء :
- بس يا بابا .
قاطعها والدها بغضب :
- بقول كله برااا .
ريماس بسرعه كي لا يتعب :
- حاضر يا بابا بس اهدي .
خرج الجميع ماعدا مالك .. اقترب مالك من جلال وجلس علي طرف الفراش وامسك يده وهو يقول بجديه :
- متخافشي يا جلال بيه ريماس في عنيه وهحافظ عليها حتي لو هفديها بروحي .
ابتسم جلال بتعب وقال :
- سامحني انا اللي فرقتكم من خمس سنين بس انا كنت خايف علي ريماس انت ليك اعداء كتير وانا بنتي ضعيفه يا مالك وكان لازم اعمل كده .
- انا فاهم وعارف انك عملت كده عشان خايف علي ريماس ولازم تعرف ان انا عمري ما هسمح لحد يأذيها حتي لو التمن حياتي .
ثم اكمل بترقب وتساؤل :
- مين عمل فيكم كده يا جلال بيه وليه ريماس بتقول انها السبب ؟
سعل جلال بقوه اكبر وهو يحاول ان يتكلم :.
- اللي ..عــ عمل ..كــ كده يبقي مــ.......
وهو هنا انقطعت انفاسه وصعدت روحه الي خالقها .
نهض مالك بسرعه وضغط علي زر الانذار وهنا دلف الاطباء بسرعه امام ريماس التي تصرخ بشده هي ومرام .
اخرج الاطباء مالك وكان معهم انس الذي كان يحاول ان ينعش قلب جلال ولكن دون فائده .
بعد دقائق خرج انس وعلي وجهه علامات الحزن فقتربت منه مرام وهي تسأله ببكاء :
- ابيه انس بابا كويس صح .
تنفس انس بعمق ثم همس بأسف :
- البقاء الله
صراخ وبكاء ملأ المشفي بسبب وفاة اللواء جلال عمران ..
ظلت ريماس تصرخ وتبكي وحاول مالك تهدأتها ولكنها كانت تبعده عنها بشراسه لا يعلم لها سبب او يعلم ولكنه يحاول النسيان .بينما علي الجهه الاخري وقعت مرام فاقده الوعي فحملها انس لأحد الغرف لكي يفحصها ويتبعه كلا من خالد وملاك التي كانت تبكي بصمت .
كان هناك من ينظر لهم من بعيد بنظرات تشفي وهو يضحك ويقول من بين ضحكاته :
- خلاص يا جلال موت ومبقاش ليك رجعه بس فاضل مالك وده مش عاوزه يموت عاوز اشوفه بيتوجع وبيتمني الموت وده مش هيحصل غير لو دخلت ريماس في لعبتي
وعلي الجهه الاخري كان حمزه يتابع القضيه بدلا من مالك وخالد لان حالتهم لا تسمح وفي ظل فحصه للفيلا وكاميرات المراقبه لم يجد اي اثر لمن فعل ذلك حيث ان كاميرات المراقبه كانت معطله ولا يوجد اثار بصمات وهذا ما جعل حمزه يغضب بشده لانه لم يجد علي الاقل طرف خيط يوصله للقاتل الحقيقي .
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في قسم الشرطه وخاصة في غرفة الاستجواب كان يجلس تامر وامامه حمزه يسأله بغضب :
- مين اللي امرك تقتل اللواء جلال ومدام مروه
اجابه تامر ببرود :
- ماحدش امرني انا كنت بنتقم لطاهر اخويا .
شبك حمزه يديه امامه وهتفت ببرود هو الاخر :
- عايز تفهمني انك قتلت الحرس كلهم لوحدك وفصلت كاميرات المراقبه كمان في نفس الوقت .
- ايوه عملت كده و ده اخر كلام عندي
- لو قولت مين اللي امرك بكده هساعدك والحكم هيخف من عليك
قهقهه تامر بسخريه قائلا :
- قولتلك انا عملت كده لوحدي كنت بنتقم لطاهر لانه بسبب بنته ريماس طاهر انقتل
- طيب مقتلتش ريماس ليه الاول بما ان هي السبب
اجابه بتوتر :
- كنت هقتلها بس مالك هو اللي بوظ الدنيا مع الاسف
انهي حديثه بسخط ليلكمه حمزه في فكه ليضحك الاخر مستمتعا .
خرج حمزه من الغرفه الي غرفه المراقبه يقول للعقيد منصور :
- في حلقه مفقوده يا فندم هو عمره ما هيقدر يعمل كل ده لوحده ، ده غير ان واضح خالص ان المقصود جلال بيه ومراته والا كان قتل ريماس الاول
تنهد منصور بألم هامسا :
يا تري مين اللي عمل فيك كده يا جلال
&&&&&&&&&&&&&&&&&&&
مرت ايام العزاء بحزن علي الجميع ولكن كان هناك من يحتفل بالانتصار لان جلال عمران قد توفي هو وزوجته ..
واصبح الخبر علي جميع مواقع التواصل الاجتماعي وفي الجرايد حيث كتب في احد جريده اليوم عنوان بـ اغتيال اللواء جلال عمران وحرمه مروه علام والقاتل مجهول الي الان
في صباح يوم جديد وفي احد الفنادق الراقيه والتي يقيم فيها خالد ومرام وملاك وريماس لأن الفيلا ليست صالحه للعيش بعد ما حدث فيها وممنوع التواجد فيها بأمر من الشرطه .
طرق مالك باب غرفة خالد ففتح له خالد وهو بنفس ملابس امس فأزاحه مالك من الطريق ودلف الي الداخل وجلس علي احد المقاعد وقال بجديه :
- العقيد منصور بيسأل علي حضرتك .
تنهد خالد بألم وقال :
- مليش نفس اروح الشغل او اكلم حد انا موجوع اووي يا مالك حاسس اني اتكسرت للمره التانيه .
نهض مالك من مكانه واقترب من خالد واحاط كتفيه وهزه بغضب :
- اللي عمل كده نجح يا خالد عارف ليه لأن هو كان عاوز يوصل لخالد المكسور المجروح عشان عارف انك وانت مكسور كده مش هتعرف تدور علي حق جلال بيه فوق يا خالد احنا عاوزين ناخد حق جلال بيه ومدام مروه
اجهش خالد بالبكاء فضمه مالك بحنان وهمس بوعد :
- انا في ضهرك يا خالد واعتبرني مكان جلال بيه انت عندي زي عدي بالظبط .
ثم اكمل بمرح لكي يخفف عن خالد :
- بس مش زيه اوي اصل الواد عدي ده مقطع السمكه وديلها نفسي اوي الاقي واحده تعلمه الادب متعرفشي اجيبها منين يا خالد .
ابتعد خالد عنه وقال ببتسامه :
- مرام .
عقد مالك عاجبيه بتساؤل :
- افندم ...؟
اعاد خالد قوله وقال ببتسامه :
- بقولك مرام ، مرام بنت عمي جلال هتربيه وبذياده كمان
- تصدق فكره ، بس تساعدني بقا عشان نوقعهم في بعض تمام .
اومأ له خالد ببتسامه حزن ، فقال مالك بجديه :
- يلا يا بابا زي الشاطر كده تحلق دقنك الطويله دي وتاخد دوش وبعدين تلم هدومك عشان هتيجي معايا الفيلا..
- هاجي معاك الفيلا ليه ؟
تنهد مالك وقال بجديه :
- عشان هتقعد انت والبنات عندي في الفيلا بتاع العائله .
- هو مش انت قاعد في شقتك ؟
- ما انا من يوم الحادثه وانا نقلت كل حاجتي الفيلا عشان ابقا مع الاستاذ عدي اللي ماشي يتسرمح مع البنات وكمان عشان حضرتك انت و البنات هتيجوا تقعدوا معانا ايه رأيك .
خالد بنفي :
- مينفعشي يا مالك انت عارف ان عدي ..
صمت بتوتر لما كان سيقوله ولكن مالك فهم تفكيره فقال بجديه :
- لو عدي قرب لواحده من البنات هو عارف انا هعمل فيه ايه عشان كده اطمن عمره ما هيعملها ويلا بقاا بسرعه عشان ورانا شغل .
ضمه خالد وهو يتمتم بشكر :
- مش عارف من غيرك كان ممكن يحصلي ايه ربنا يخليك ليه .
- ويخليك ليه ، ويلا بسرعه بقاا وانا هسبقك اشوف ريماس..
- تمام بس براحه عليها ارجوك يا مالك انت عارف ان هي موجوعه .
رد مالك بشرود :
- عارف يا خالد ما هو دا الي وجعني اكتر منها ان هي موجوعه .
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في غرفة ريماس كانت تفتح الباب وستخرج ولكن وجدت بوجهها مالك وكان علي وشك ان يطرق الباب ، فقالت بضيق :
- خير .
ازاحها مالك ودلف الي الداخل واقترب من المقعد ليجلس عليه قائلا :
- طب مفيش صباح الخير ولا ايه يا زوجتي العزيزه .
دلفت خلفه ثم ربعت يديها علي صدرها وقالت ببرود مماثل :
- مفيش صباح الخير ومفيش مراتك يعني خلاص بح شطبنا كان فيه وخلص فهمت ولا عاوز تفهم اكتر .
نهض من مكانه واقترب منها وقال بحده :
- لأ مفهمتش فهميني .
همست بخبث :
- من عنيا الاتنين ودي تيجي لازم تفهم وتفهم صح كمان .
انهت حديثها وصفعته بقوه علي وجهه ثم ابتعدت الي الوراء تحت زهول الاخر .وقالت وهي ترفع كتفيها بلا مبالاه وتقول ببرود :
- فهمت ولا عاوز تفهم تاني .
احمرت عينيه بغضب وقبض علي يديه بقوه وجذ علي اسنانه وقال بغضب :
- انتي اللي جبيتيه لنفسك يا ريماس.
جلست علي احد المقاعد بأرياحيه وقالت ببتسامه مصطنعه رغم الخوف الذي يتأكلها من الداخل :
- هتعمل ايه يعني .
اقترب منها بخطواط سريعه وسحبها من يدها لتقف امامه وقال بغضب وهو يقبض علي زراعها بقوه :
- انا هعديلك انك ضربتيني عشان عارف انك مجروحه عشان موت باباكي لكن البرود اللي انتي فيه مش عاوزه انتي فاهمه .
نزعت زراعها من يده وردت عليه بصراخ وقد بدأت الدموع تنزل من عينيها :
- انا اه مجروحه بس مش بسبب بابا بس انا مجروحه بقالي خمس سنين يا مالك وانت عارف ليه ، انا بكرهك يا مالك ولو عملت ايه عمري ما هرجع احبك زي الاول انت فاهم ..
تنهد بألم وهو يقبض علي قبضته لدرجة ان مفاصل يده ابيضت :
- هو انتي ليه كده ! ليه مش بتسامحي زي الناس كلها ما بتسامح .
- يمكن عشان اللي بيحب اوي بينجرح اووي و انا حبيتك اوي يا مالك
ابتعدت عنه تمسح دموعها ثم تسائلت بجمود :
- المهم انت كنت جاي ليه .
هتف وهو يدلف الي الخارج :
- لمي هدومك عشان هنروح فيلتي .
كانت ستعترض ولكنه قد ذهب .
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
في قسم الشرطه .
دلف حمزه مسرعا الي غرفة العقيد منصور هاتفا بجديه :
- في حاجه حصلت يا فندم لازم تعرفها .
منصور :
- في ايه يا حضرة الضابط
اجابه حمزه بغيظ :
- تامر يا فندم انتحر
رد منصور وكأنه كان متوقع ما سيحدث :
- انتحر ولا انقتل
- مع الاسف يا فندم مفيش اي حاجه تدل علي انه انقتل غير كده الحراسه كانت مشدده جدا عليه
اجابه منصور بعمليه :
- علي العموم الطب الشرعي هيوضح كل حاجه و ياريت لما نتيجة الطب الشرعي تطلع تبقي موجوده عندي علي المكتب
ادي حمزه التحيه قائلا :
- تمام يا فندم
&&&&&&&&&&&&&&&&&&&&&
في كلية الطب .
القي انس محاضرته وكان سيدلف الي الخارج ولكنه توقف عندما سمع صوت انوثي رقيق ينادي بإسمه :
- دكتور انس .
التفت انس الي الفتاه وقال ببتسامه :
- ايوه يا بسمه في حاجه مش فهماها في المنهج .
فركت يديها بسبب التوتر وقالت :
- بصراحه انا كنت عاوزه .
صمتت للحظات لا تعرف ماذا تقول فحثها انس لكي تتكلم :
- كنتي عاوزه ايه يا بسمه اتكلمي سكتي ليه .
- ما هو اصل .....
قاطعتها طيف بتوتر :
- كانت عاوزه تقول لحضرتك انك لو سمحت ممكن متكتبهاش غياب بكره لانها عندها ظروف ومش هتقدر تيجي .
انس ببتسامه :
- خلاص يا بسمه مش هكتبك غياب بكره بس المره دي بس .
تركهم انس وذهب فالتفت طيف الي بسمه توبخها بحده :
- مش انا قولتلك بلاش تعترفي له دلوقتي ايه اللي خلاكي تعملي كده .
بسمه ببكاء :
- انا عارفه انك مش عوزاني اعمل كده عشان مرضي وانه ممكن يجرحني وميقبلشي بيه صح .
ضمتها طيف بحنان وهي تمسح علي شعرها :
- يا حبيبتي انا مش عوزاكي تعترفيله بحبك غير لما نتأكد ان عنده مشاعر من نحيتك الاول
ابعدتها طيف عنها تمسح دموعها وهي تضيف :
- وبعدين مش قولنا ان المرض دا اختبار من ربنا ومينفعش نعترض .
اومأت لها بسمه فأكملت طيف بمرح :
- يبقا نمسح دموعنا ونروح الكافتريا ناكل همبرجر .
🥀🥀🥀🥀🥀إيمان شريف الحوفي (ميمو)🥀🥀🥀🥀
في الفندق اتصل خالد علي البنات و اخبرهم انهم سينتقلون الي فيلا مالك النجدي وافق الجميع الا ريماس التي احدثت مشكله كبيره وها هي تصرخ في وجه خالد :
- مش هيحصل يا خالد لا يمكن اروح فيلته .
مالك بسخريه :-
- ممكن اعرف اسباب حضرتك ايه يا هانم
اجابته بسخريه مماثله :
- شئ ميخصكش
اغمض عينيه وهو يتنفس بعمق يحاول السيطره علي غضبه بينما الاخرون كانوا يحاولون كتم ضحكاتهم .
نظر مالك لـ عدي الذي كان يضع يده علي ثغره يمنع خروج ضحكته وهتف بنزق :
- اضحك يا عم اضحك ماسك نفسك ليه .
انفجر عدي بالضحك وشاركه الجميع ولكن ضحكاتهم كانت تخرج مجبره ليس فيها مرح بينما الاخر احمر وجهه من الغضب وهتف بحده :
-بــــــــــس .
صمت الجميع ونظر مالك الي ريماس وقال بجديه :
- انتي مش عاوزه تيجي معانا صح .
نظرت له بطرف عينيها واردفت مؤكده علي كلامه :
- صح .
- يبقا انتي اللي جبتيه لنفسك .
اقترب منها بسرعه كـ سرعة الفهد وحملها علي كتفه والاخري تصرخ وهي تسبه :
- نزلني يا حيوان انا هوريك ازاي تعمل فيا كده .
صفعها مالك علي مؤخرتها هامسا بحده :-
- لو اتكلمتي تاني هضربك زي دلوقتي انتي فاهمه .
انصدمت من جرأته وضيقت عينيها وذمت شفتيها بتوعد وهي تردد :
- اكيد فاهمه .
اردف مالك وهو يتحرك بها الي الخارج :
- الحقوني علي الفيلا .
عندما ذهب مالك انفجر الجميع بالضحك مرة اخري بينما قال عدي من بين ضحكاته وهو ينظر لملاك ومرام :
- انهي موزه فيكوا اللي هتركب جمبي .
كانت سترد مرام وتوبخه ولكن سبقه كف خالد الذي نزل علي مؤخره عنقه وهو يقول بتريث :
- انا الموزه اللي هتركب جمبك يا ظريف انفع ولا لأ .
رفع عدي يديه امامه كعلامة الاستسلام وقال بخوف مصطنع :
- تنفع طبعا يا باشا هو انا اقدر اقول غير كده .
ضحك الجميع وكان من بينهم عدي الذي تسارعت نبضات قلبه وهو ينظر الي ضحكة مرام التي خطفت قلبه قبل
عقله .... فهل ستبدأ قصة حب بين هذا الثنائي ام للقدر رأي اخر .
🌹🌹🌹🌹 🌹إيمان شريف الحوفي (ميمو)🌹🌹🌹🌹
. في سيارة مالك .
كانت تضم يديها الي صدرها بينما الاخر ينظر لها من حين لأخر ثم قطع الصمت بحديثه قائلا بجديه وهو يوقف السياره :
- ريماس انا عاوز ابدأ حياه جديده معاكي .
ضحكت ريماس بسخريه وقالت بدموع :
- متأخر اوي يا مالك ، عارف كان نفسي اسمع الكلام دا بس من خمس سنين ، عارف انا حاسه بأيه دلوقتي حاسة اني سلعه رخيصه بتبيع وبتشتري فيها بمزاجك وانا ابويا ربنا يرحمه باعني ليك بالرخيص .
تنهد مالك بألم لا يريد ان يخبرها بما حدث لانه يعلم انها لن تسامح والدها إذا علمت ما فعله .
اعاد مالك نظره الي الطريق وبدأ بالقياده مره اخري .
💝💝💝💝💝💝إيمان شريف (ميمو)💝💝💝💝💝
(في سيارة عُدي )
ظل ينظر لها في مرآة السيارة ويري تعبيرات وجهها المؤلمه وهي تحدث ملاك عن والدها لا يعلم لما يشعر بقبضه تعتصر قلبه وكأن هناك ما يخنقه .
- ايه يا عم ركز في السواقه احنا كده هنعمل حادثه .
انتبه عدي لخالد الذي هتف كلامه بخبث عندما التقطه ينظر لمرام في مرآة السيارة .
عدي بتوتر :
- معلش يا خالد اصل سرحت شويه .
خالد بسخريه :
- اه ما انا واخد بالي.
وصل الجميع الي الفيلا فنزل مالك وفتح الباب لريماس التي نزلت بكل غطرسه ودلفت خلف الجميع .
دخل مالك خلفهم ونادي بصوت عالي :
- سهير انتي يا سهير .
جاءت المدعوه سهير ترقض وهي تقول بطاعه :
- اؤمر يا مالك بيه .
- طلعي كل بنت لأوضتها زي ما فهمتك .
- امرك يا بيه .
صعدت الفتيات مع سهير التي اخذت ملاك ومرام الي غرفه واحده عندما اصرت مرام انها ستنام مع ملاك في نفس الغرفه فقالت ريماس بتذمر :
- اشمعنا هتنامي مع ملاك وانا لأ .
- مينفعش يا حبيبتي عشان انتي متجوزه دلوقتي .
تأففت ريماس وقالت بعصبيه :
- متقوليش متجوزه دي تاني ، وبعدين انا مش هنام معاه في نفس الاوضه .
جاء لها صوته من الخلف يقول بجديه وخبث :
- ليه ان شاء الله احنا متجوزين ومكانك بقا خلاص في حضني .
احمر وجه كلا من ملاك ومرام بينما صرخت ريماس بغضب :
- نعم يا عنيا مكاني فين ؟
يتبع ....
