رواية اسيرة حنانه الفصل العاشر 10 كامل | بقلم اسماعيل موسي
تم تحديث الفصل بتاريخ 5 أبريل 2026
مقدمة رواية اسيرة حنانه
لكل محبي الأدب رواية اسيرة حنانه تتميز بكونها الأعمال الأدبية العالمية، وتسرد القصة داخل عالم مليء بالإثارة والتشويق وتشد الانتباه منذ البداية تترك أثرًا خالدًا.
تفاصيل رواية اسيرة حنانه
تسرد رواية اسيرة حنانه تتعلق بـ تحديات الحياة تعيش مواقف إنسانية عميقة، تتصاعد الأحداث بشكل مثير ويتعقد الحبكة مما يجعل القارئ في حالة ترقب مستمر ويشارك الشخصيات مشاعرها.
مميزات رواية اسيرة حنانه
تتميز رواية اسيرة حنانه بحبكة قوية ومترابطة يجعل القارئ مندمجًا منذ البداية، وتمتاز أيضًا تجسد الصراعات الداخلية للشخصيات وتجعل القارئ يتفاعل مع الأحداث وتجعل القصة لا تُنسى.
ابدأ قراءة اسيرة حنانه الآن
استمتع الآن بـ قراءة رواية اسيرة حنانه للكاتب اسماعيل موسي أونلاين مع الاستمتاع بكل فصل لتستمتع بتجربة قراءة لا تُنسى وتغوص في تفاصيل القصة.
كيف تصل الينا
للعثور على الرواية بسرعة على جوجل: "رواية اسيرة حنانه حكايتنا حكاية"
أدهم ______انا لسه مجوزتش يا كارمه، او اتجوزت ومش عارف
كارمه _____ بصت ناحية باتى، انت جميله اوى يا عمتو
باتى بضحك الله يكرمك يا ست كارمه
كارمه سمعت زعيق والدتها جوه البيت، انسحبت يلا سلام بقا
ماما مش لازم تشوفنى هنا، لو شافتنى هتعذبنى
الغريب والمدهش ان كيان تراقب كل ذلك من شرفتها باستمتاع لذيذ ومريح
فليشتعل العالم وتبتلع محرقته كل الحاقدين
_____________
باتى قالت لادهم، انت لازم تدور على شغل، مش هينفع تقعد كده، الفلوس هتخلص
أدهم بتفكير، عارف، بس لسه مش مستعد اخرج للحياه مره أخرى
باتى بحزن ليه بس؟
ادهم، باتى انتى مش شايفه إلى حصلى، انا قعدت فى المستشفى شهر
محدش سأل عنى
ولا شخص واحد
بعدين الظاهر انى كنت شرير جدا ووحش خالص
باتى _____ متقلش كده يا أدهم
انت شخص كويس انا حاسه بكده
شاهنده خرجت من فيلتها متزوقه ومتشيكه ورايحه تركب عربيتها
شافت ادهم لسه قاعد مع باتى، تلكعت ثانيه تبص عليه
أدهم بغباء وقف فى مكانه وزعق، انتى بتبصى ليه، عايزه ايه منى
شاهنده وانت مالك، انا واقفه فى املاكى
أدهم، انا عايز اضرب الست اقسم بالله
باتى، اهدى يا أدهم، عيب كده
شاهنده ركبت عربيتها ومشيت
اسماعيل موسي ______________
مضت ايام، أدهم خلص الفلوس تقريبا مش فاضل معاه غير حاجه بسيطه، ولسه مش عارف يعمل ايه!
سهران حيران قدام البحر وبيحرق سجاير، الساعه كانت اتنين الفجر
سمع صراخ فى بيت شاهنده
مرضيش يتحرك ولا حتى يبص، الصراخ زاد عن حده
وقف فل مكانه وبداء يتحرك، شاهنده طلعت فى البلكونه وقعدت تصرخ الحقونا حرامى
أدهم بص ناحيتها ورجع قعد مكانه
شاهنده شايفاه بس مش راضيه تنده عليه، الحقونا
أدهم قعد فى مكانه
شاهنده انت مش سامعنى معندكش نخوه ولا رجوله بقلك فيه حرامى فى البيت
أدهم استغفر الله العظيم يارب، مشي ناحيت البيت، الباب كان مفتوح دخل منه
هنا باغتته صدمه لم يهيء نفسه لها
↚
شخص ملثم ماسك كارمه وحاطط سكينه على رقبتها وبيطلب منهم يدوله كل الفلوس بتاعتهم
للحظه شاهد شاهنده محطمه، اختفت تلك المرأه المتسلطه وحلت مكانها ام لطفله تبكى بالدموع
أدهم، شيل السكينه دي احنا هنديلك كل إلى انت عايزه
الشخص ألملثم بصوت خسيس، الفلوس حالا
أدهم صرخ فى شاهنده، أجرى يابت بسرعه هاتى الفلوس كلها
شاهنده وقفت فى مكانها متحركتش، اول مره تسمع شخص بيقلها بت
أدهم بزعيق واقفه ليه غوري هاتى الفلوس وضربها على وشها
شاهنده بصت فى عيون أدهم لقيته هيضربها تانى، طلعت السلم جابت الفلوس ورجعت
أدهم حط الفلوس على الترابيزه
سيب الطفله، خد الفلوس وامشى
الشخص ألملثم لا انا هاخد البنت معايا لحد ما اطلع من الفيلا
أدهم، سيب الطفله
الحرامى صرخ قلت لا
خد الفلوس وسحب كارمه معاه
أدهم بهمس لشاهنده، جيبتى المسدس +؟
شاهنده لا
بلغنى الشرطه؟
وزعق جيبتى الدهب ليه مش كفايه الفلوس انتى معانا ولامعاهم
عمل نفسه بيضرب شاهنده
الشخص الملثم بحركه لا اردايه فتح الكيس يبص فيه
اللحظه دى أدهم رمى نفسه عليه
الحرامى ساب كارمه وكيس الدهب وتلقى أدهم على نصل السكين إلى اصاب كتفه
الحرامى اول ماشاف الدم هرب وادهم وقع على الأرض
كيان وكارمه جريو ناحيت أدهم، يشوفو الاصابه أدهم وقف فى مكانه
طمنهم قال انا بخير الحمد لله
كل ده وشاهنده واقفه فى مكانها، حاطه ايدها على خدها، لما شافت أدهم وقف جريت عليه
انت بتضربنى يا مجرم يا حيوان؟
انا شاهنده ابو المجد انضرب على ايد حتت عسل زيك؟
أدهم تقريبا كان فهم عقلية شاهنده المختله، عشان كده مردش عليها
اطمن على كارمه واستعد انه يمشى
شاهنده جريت عليه وراحت تضربه بالقلم
أدهم وقف ايدها فى الهوا، بص فى عنين شاهنده، انتى عايزه تنضربى تانى؟
صاحب القصه اسماعيل موسى
شاهنده بصراخ، سيب ايدى يا متوحش انت وجعتنى
خرج أدهم من الفيلا بيضحك، كان عارف انه مش بريء وانه زودها فعلا وكان متعمد ضرب شاهنده وكسر عينها
خارج الفيلا وهو ماشي كان بيكلم نفسه، يالهوى دا انا هريتها ضرب
شاهنده كانت خرجت وراه وسامعاه، مش هسيبك، والله وما أملك مش هسيبك
أدهم بزعر بص لورا شاف شاهنده، سابها بتتكلم وراح على بيته
↚
مكنش عارف ان إلى عمله ده مع شاهنده بداية.
.
.
.
.
.
.
.
.
شاهنده دخلت الفيلا ايدها على خدها، لسه فيه وجع فى خدها
ملمس اصابع يده ترك بصمته فى عقلها
واعى، غير مهتم ولا مبالى
لماذا يقودنا العشق دومآ نحو الممنوع، المخالف الذى يلوى إرادتنا
كانت تشعر بفراغ هائل وفجأه امتلاء كأسها
شاهنده قعدت فى الرواق، بتفكر مبتسمه، هجيبه وهزله
لكن داخلها فيه حاجه مش مصدقه الكلام ده
شيء خاص، عميق، يتمنى الا يلين أدهم وان يظل صلب، قاسي
قلب أسود لا يلين
يستحق جائزه
فى زوبعة الانجراف ننسى مبادئنا، نتذوق طعم المتعه الملوثه بالخسائر الروحيه
لقد نفذت نقوده، أدهم حط ايده فى جيبه فجأه ملقيش فلوس
مكنش ممكن ابدآ يطلب من باتى او والدتها
ومكنش يعرف اى شخص غيرهم، كلم عم امين وطلب منه يلاقيله شغل
عم امين احتار، كان عارف ان أدهم ابن ناس ومش وش بهدله فحاول يلاقيله شغل بسيط ومجزى ومكنش فيه غير قص الحدائق لان أدهم بيحب الحاجه دى
عشان كده لما كانت تجيله مهمة قص حديقه كان بيهاتف أدهم، مكنش اجر مغرى لكنه كان كافى انه ميمدش ايده
أدهم كان بيقص فى الحديقه المجاوره لحديقة شاهنده
شاهنده كانت بتدخن سيجاره فى البلكونه وشافته، عماله تسأل نفسها هو ولا مش هو؟
ركزت معاه شويه لحد ما عرفت ان أدهم هو الي بيقص الحديقه
استغربت شويه وحاولت تلاقى تفسير
معقوله يكون خلص فلوس؟
او مش شغال فى وظيفه؟
كأى انسان طبيعى شعرت بالحزن فى البدايه عليه
لكن بعد كده ضحكت، الوقت جه انها ترد كل الإهانات إلى تسبب فيها
أدهم ليها
طلبت من عم امين ان يجيب أدهم يقص حديقتها
عم امين كلم أدهم
أدهم قال لو هتدينى مليون جنيه لا يمكن احط رجلى عندها
الكلام وصل شاهنده من عم امين، ولأنها تقريبا فهمت دماغ أدهم عرفت انها مش هتقدر تلوى دراعه
فأستخدمت كارمه
كارمه قعدت تتحايل على أدهم يقص حديقتهم، أدهم رفض بلطف
لكن كارمه واصلت الحاحها لحد أدهم ما وافق
↚
كارمه، هقص حديقتكم لما تكون مامتك مش موجوده خالص فى البيت ودا سر بينى وبينك محدش هيعرف
لكن شاهنده عرفت كل حاجه من كارمه، الصبح عملت نفسها طالعه شغل
واول ما عرفت ان أدهم بداء قص الحديقه رجعت على البيت
أدهم شافها اتنطط فى عينه الف عفريت وكان خلاص هيمشي
شاهنده عدت عليه القت السلام ودخلت جوه الفيلا من غير ما تتكلم معاه
أدهم وهو واقف على سلم التشذيب غريبه دى هى بلعت لسانها ولا ايه؟
شاهنده غيرت هدومها حطت ميك اب، عملت فنجانين قهوه وخرجت ناحية الحديقه
تشرب قهوه؟
شاهنده، على فكره انا الى المفروض اكون زعلانه مش انت
أدهم مردش
شاهنده كملت كلام، دا انا خدودى اتهرت ضرب
أدهم بصوت رجولى تستاهلى
شاهند خبت فرحتها إن أدهم رد عليها
أدهم اسمها اتفضل اشرب القهوه
شاهنده فى سرها استغفر الله العظيم يارب
بصوت رفيع يليق بخادمه قالت، اتفضل اشرب القهوه
أدهم نزل من على السلم وقعد يشرب قهوته
انت هتاخد كام فى الشغلانه دى؟
أدهم بتريقه ١٥٠ جنيه
شاهنده بجد؟
أدهم، بجد
شاهنده اختفت الابتسامه من على وشها، انا كنت فاكره ٥٠٠
١٠٠٠
أدهم لا ١٥٠ جنيه بس
شاهنده استاذ أدهم
أدهم بص ناحيتها حاسس ان فيه مصيبه جايه فى الطريق
قال نعم
شاهنده قالت انا عايزه اعمل معاك عقد عمل
أدهم هتشغلينى ايه ان شاء الله
________________________
فى مكان آخر
قراءة رواية اسيرة حنانه الفصل الحادي عشر 11 كامل | بقلم اسماعيل موسي
استمر في قراءة رواية اسيرة حنانه الفصل العاشر 10 كامل عبر الفصل التالي كاملًا.
رواية اسيرة حنانه كاملة جميع الفصول
تابع أحداث رواية اسيرة حنانه كاملة فصلًا بعد فصل بدون حذف أو اختصار.
جميع روايات الكاتب اسماعيل موسي
اكتشف عالم القصص مع جميع روايات اسماعيل موسي الكاملة.
