رواية اسيرة حنانه الفصل الحادي عشر 11 كامل | بقلم اسماعيل موسي
تم تحديث الفصل بتاريخ 5 أبريل 2026
مقدمة رواية اسيرة حنانه
هذه فرصة رائعة لـ رواية اسيرة حنانه واحدة من أبرز أدب الراشدين، والتي تدور أحداثها تعيش معها كل لحظة من أحداثها وتشد الانتباه منذ البداية وتؤثر في القارئ بطريقة عميقة.
تفاصيل رواية اسيرة حنانه
تسرد رواية اسيرة حنانه عن مواقف إنسانية تمر بتحولات مفاجئة، ويتقاطع مصير الشخصيات تظهر العديد من المفاجآت مما يجعل القارئ في حالة ترقب مستمر ويستشعر التوتر والإثارة.
مميزات رواية اسيرة حنانه
تتميز رواية اسيرة حنانه بأسلوب سردي جذاب تشد القارئ من أول صفحة، إلى جانب ذلك تخلق عالمًا يشعر فيه القارئ وكأنه حي وتشد اهتمام القارئ بشكل مستمر وتجعل تجربة القراءة أكثر متعة وإثارة.
ابدأ قراءة اسيرة حنانه الآن
لا تفوت الفرصة وابدأ قراءة رواية اسيرة حنانه للكاتبة اسماعيل موسي على الإنترنت وتجربة الرواية كاملة ولتجعل القراءة تجربة ممتعة لا تُنسى.
كيف تصل الينا
ابحث الآن في جوجل للحصول على الرواية: "رواية اسيرة حنانه حكايتنا حكاية"
القصه ملك اسماعيل موسى
زكريا ____انا دورت على أدهم كتير جدا مش عارف الواد دا اختفى فين
سانتى بغضب ___ بابا؟
مش كفايه إلى حصلنا من ورا سي أدهم ده؟
مش كفايه باع نصيبه فى المصنع لناس أوساخ من غير اى احترام ليك
شايفه الناس دول عملو ايه فى المصنع؟
المصنع فى النازل احنا قربنا نعلن افلاسنا
زكريا ___انتى متعرفيش أدهم زى، أدهم ابن ناس وعمره ما غلط فيه ولا حتى حاول مره يحاسبنى
سانتى مردفه بغضب لا متناهى، بابا، انت ليه مش سامح ليه اشتغل فى المصنع
انا متأكده من ساعة الناس دول ما وصلو وفيه مصاريف كتيره بتطلع ملهاش بنود
زكريا، اه لو الاقى أدهم
سانتى، بابا، أدهم خلاص، باع نصيبه فى المصنع، باعك انت، دا حتى معرضش عليك تشترى نصيبه
انا عارفه ناسب الناس دول ازاى؟
الزفته دى إلى بتقول مراته، يا ربى عايزه اقتلها
زكريا هند فعلا انسانه مش نضيفه واخوها مدحت كمان، مش عارف أدهم اتلم عليهم فين
سانتى وهتعمل ايه يا بابا؟
زكريا، لازم نلاقى أدهم حاسس ان لو أدهم ظهر حاجات كتير هتتغير
سانتى، احنا يا بابا دورنا عليه فى كل مكان، باع الشقق بتاعته لمراته نصيبه فى المصنع
وبيته فى اسكندريه عن امين قال معرفش عنه حاجه
خلاص انساه يا بابا ممكن يكون سافر بره مصر
سانتى بنتى، انا عارف انك بتكرهى ادهم من وقت ما كنتم مرتبطين
بس دا مش سبب يدفعنى اتخلى عنه
سانتى براحتك يابابا براحتك
_اسماعيل موسى _______________
شاهنده وهى بتولع سيجاره، هشغلك ايه يعنى طيار؟
أدهم شعر بالسخريه فى كلامها وشعر ان شاهنده الى يعرفها والى لسانها عايز يتقطع هتظهر دلوقتى
أدهم ادينى ١٠٠٠٠ آلاف جنيه فى الشهر وانا موافق اشتغل عندك يا شاهنده
شاهنده برقت عينيها
أدهم ______وياريت المقدم دلوقتى لانى على الحديده
غاره وسط الأدغال الناعمه
تعتبر كل إمرأه مملكه بحالها، ما يفلح مع واحده ليس هناك ضمانه ان ينجح مع غيرها، الا شيء واحد ينجح مع _________جميع النساء
أدهم _____هتشغلينى ايه يا شاهنده؟
شاهنده بلعت ريقها، بصت ناحية أدهم، هشغلك اى حاجه انا عايزاها
أدهم ضحك، ولع سيجاره واتكى بضهره على المقعد، رمق شاهنده بنظره عميقه، خبيثه، نظره تخليك تحس ان إلى قدامك كاشفك
واصل لخبايك، معريك
شاهنده حست برعشه عبرت جسمها، أدهم _____انتى عارفه شاهنده ان دا مش ممكن يحصل
ادهم عبد الباري مفيش واحده تحركه
شاهنده بعناد سيدة أعمال، انت حطيت مبلغ معين ومن حقى اختارلك الوظيفه إلى تعجبنى
أدهم، انتى بتتكلمى بجد شاهنده
↚
شاهنده وهى ماسكه اعصابها، ايوه بجد، انت هتشتغل عندى وهديك المبلغ إلى طلبته
أدهم وقف فى مكانه، ارتشف اخر قهوته، سلام يا شاهنده
ستركض خلفك كل إمرأه ترفضها، كل إمرأه تدير لها ظهرك، ستحلم بك وتتمنى قربك، فأنت مجرد سراب لا يمكن القبض عليه أو حبسه
سار أدهم نحو ملكيته، شاهنده واقفه وراه بتفكر، انت محتاج فلوس؟
انا ممكن اسلفك، متتكسفش احنا جيران؟
أدهم قال متشكر
سانتى ماشيه فى الشارع مع صاحبتها، بابا هيجننى يا بيلا، سايب كل حاجه، المصنع إلى بينهار، مصالحنا إلى واقفه وكل إلى همه يدور على أدهم!
؟
بيلا _____سانتى انتى متحامله على أدهم على فكره، مش معنى انكم كنتم مرتبطين وفشكلتو انك تكونى شايله منه كل ده
سانتى وهى بتبص قدامها، انا لو أطول اقطعه حتت كنت قطعته انت مشفتيش كان بيعاملنى ازاى؟
متحكم، متسلط، معندوش اى تفاهم
بيلا لكن بصراحه يا سانتى كنتم ثنائى رهيب، اول ما كنتم تدخلو اى مكان كنتم بتوقفو الناس على رجل
سانتى، اسكتى بقا بيلا متفكرنيش
بيلا ______ الله هو انتى لسه ______________بتحبيه؟
سانتى مش بحبه لكن مش قادره انساه، كلامه، تحكماته، حركاته لسه عايشه معايا
بيلا ______سانتى شايفه الشاب إلى هناك ده؟
سانتى ماله؟
بيلا، بيبص علينا من اول ما تحركنا
شوفى اهو جاي ناحيتنا اهو يا ترى عايز ايه؟
اقترب الشاب الانيق من بيلا وسانتى ثم قال، انسه سانتى ممكن كلمه على انفراد؟
مدحت كان قاعد على المكتب وهند قريبه منه، كده كل حاجه ماشيه تمام يا هنود
صفقتين تانى والمصنع يفلس على الورق وصاحبك هيضطر يبيع بالمبلغ إلى احنا هنحدده
هند _____كله بفضل تفكيرك يا حبيبى، انت الى خططت واخترت أدهم انت كمان إلى جوزته نور واقنعت العالم كله انها اختك
مدحت، ها ها ها ها ها، الفلوس تخليك تعمل اي حاجه، الناس بتعبد الجنيه
هند _______لكن انت مطمن ان أدهم ده مش هيظهر تانى؟
مدحت، متخفيش انا مرتب لكل حاجه
هند طيب هو فين دلوقتى!
؟
مدحت، فى اسكندريه، فى بيته إلى بنت الكلب نور مرضتش تقول عليها وقت كتبلنا التنازل
هند بتريقه، نور حصلها إلى تستاهله
مدحت ____كانت تستحق اكتر من كده، ضيعت علينا اكتر من نص مليون جنيه
هند ____ انا مش مرتاحه للبت سانتى دى، شكلها مش سهله وممكن لو حطت مناخيرها تبوظ كل حاجه
مدحت _____متقلقيش مرتبلها حاجه حلوه وبص فى ساعته وضحك
تقريبا دلوقتى الحاجه دى ظهرت قدامها ______
طيب وبالنسبه لزكريا؟
هنعمل ايه معاه
مدحت _______الناس إلى زى زكريا دى بتاعة ربنا، يعنى اى صدمه غير اخلاقيه هتضيع دماغه
هند وهى مبتسمه قصدك بنته سانتى؟
مدحت ايوه ____
زكريا قاعد فى مكتبه بيدعى ربنا انه يلاقى أدهم، حاسس انه محتاجه جدا، أدهم كان بعد فتره طويله عن المصنع وساب كل حاجه ليه
وهو موجود زكريا كان مطمن على بنته وعلى المصنع، كان عارف ان اى حاجه تحصله أدهم موجود وهيسد مكانه
لكن دلوقتى فيه شياطين محوطاه هو عارف وحاسس بكده
↚
وبيطلب من ربنا الستر
فى اسكندريه
بعد شويه شاهنده طلبت من الخدامه تعمل اكل وحدته بنفسها توصله لادهم
أدهم فتح الباب بتناكه وسد الباب بايده
عايزه ايه؟
شاهنده وسع كده ان جيبالك اكل
أدهم، كان جعان فعلا شال ايده، دخلت شاهنده
حطت الاكل على الترابيزه وادهم قعد ياكل
اعمليلي شاي؟
شاهنده انت بتكلمنى انا؟
أدهم ايوه امال بكلم مين يعنى؟
شاهنده انت اجننت خالص على فكره، مش معنى انى جيت عندك هنا انك خلاص ملكتنى
أدهم، اعملى شاي بقلك؟
شاهنده مش هعمل وبطل طريقتك المقرفه دى، تصدق انا غلطانه اصلا انى جيت عندك
بغضب شاهنده رزعت الباب ومشيت
أدهم بعد ما تناول طعامه حس انه زودها شويه مع شاهنده وقرر ان يعتذرلها
لكن تليفونه رن من فتره طويله جدا اول مره يسمع رنته
عندما أفتح ساقى للريح لا يمكنك اللحاق بى
سانتى قالت لبيلا استنينى لحظه اشوف الشاب الأمور ده عايز ايه
بيلا بضحك حاضر
الشاب بص لسانتى، بصى من غير مقدمات فيه لعبه كبيره بتتلعب على باباكى فى الشركه
انا عارف ان الكلام إلى هقوله دلوقتى ممكن يفقدنى وظيفتى ويمكن حياتى
سانتى هو فيه ايه بالضبط؟
الشاب، انا محاسب فى المصنع ولقيت مخالفات كتير فى الحسابات تودى فى داهيه
سرقه علنيه
سانتى فين الحاجات دى؟
الشاب ان سرقت الكشوف ومحتفظ بيها فى شقتى مرضتش أبلغ الشرطه غير لما اخد رايك
سانتى مجبتهاش معاك ليه
الشاب، مينفعش دى كشوف خطيره
الشاب ممكن حضرتك تيجى معايا الشقه تخدى المستندات وتمشي
سانتى انا مش مكمن اروح معاك اى مكان مينفعش
الشاب انتى خايفه منى؟
خلى صاحبتك تيجى معانا انتى مش هتطلعى الشقه استنى تحت البيت
سانتى خدت رأى بيلا، يببلا وافقت على طول، ركبو عربية بيلا وانطلقو ناحية شقه الشاب ده
فضلت بيلا سايقه، السياره دخلت فى حارات وازقه، شوراع ضيقه
اخيرا وصلو البيت
الشاب نزل من الغربيه كانت عماره جديده مفيش مبانى جنبها
طلب منهم ينتظرو لحد ما يرجع
الشاب اختفى جوه العماره، سانتى وبيلا انتظرو فى الشارع جنب العربيه
↚
من وراهم طلع رجلين وقبل ما ياخدو بالهم كل واحد منهم حط كمامه مخدره على بقهم
فقدو الوعى فى لحظات، وتم نقلهم لسياره قريبه
العربيه انطلقت بيهم، مشيت كتير لحد ما وصلت بعد ساعتين
حاره جديده على أطراف اسكندريه فيها مطعم وبيوت من دور واحد
نزلو من العربيه وشالو سانتى وبيلا عشان يدخلوهم جوه بيت جديد مهجور
أدهم فتح التليفون، شاهنده بنبره فيها امر، غير هدومك احنا طالعين مشوار
لازم تكون معايا
أدهم لا مش طالع
شاهنده انا محتاجاك معايا، اعتبره عمل انسانى؟
أدهم غير هدومه وركب مع شاهنده العربيه
شاهنده فيه حتت ارض بعيده معروضه للبيع، هشوفها واشتريها
انت لازم تكون معايا لان كلهم رجاله
أدهم وانتى فيه راجل يخوفك؟
شاهنده أدهم بلاش تجريح
انطلقت السياره حتى وصلت منطقه جديده عبرو من أمام مطعم
ومجموعة منازل من طابق واحد
الناس كانو فى انتظارهم، شاهنده شافت الأرض عجبتها وقعدت تكمل الصفقه
أدهم سابهم وطلع يتمشي شويه ويولع سيجاره
وقف على اخر الشارع
شاف عربيه جايه من بعيد، العربيه وقفت وخرج منها اتنين رجاله
بصو حواليهم بعد
كده كل واحد شال بنت ودخل بيها
أدهم حس بالخطر، عرف ان فيه مصيبه
سحب حتت حديده مرميه ومشي ناحية البيت، البيت كان بعيد عنه شويه
قراءة رواية اسيرة حنانه الفصل الثاني عشر 12 كامل | بقلم اسماعيل موسي
اكتشف الأحداث الجديدة في رواية اسيرة حنانه الفصل الحادي عشر 11 كامل الآن بالفصل التالي.
رواية اسيرة حنانه كاملة بدون حذف
تابع قصة اسيرة حنانه كاملة من أول فصل حتى النهاية.
مكتبة أعمال اسماعيل موسي
استمتع بمكتبة قصص اسماعيل موسي الكاملة للقراءة.
