رواية قلوب خالدة الفصل الثاني 2 كامل | بقلم سهيلة ياسر
دخل وساب الباب مفتوح وقعد على الكنبة قصادي : إيه ياكتكوتة عاملة ايه في المذاكرة
نور ممكن بلاش كتكوتة دي أنا كبرت..
علي ضحك : الحقيقة عندك حق المرة دي..
انشكحت وسيبت الكتاب من ايدي وقعدت جنبه أول مرة يعترف إني كبرت!
مكنتش مصدقة وبضحكله بكل حب على عكس الطريقة اللي كنت بعامله بيها الأسبوعين اللي فاتوا!!
نور : بجد
علي : بجد بس هتفضلي طول عمرك بردو كتكوتي!
اتكسفت ومعرفتش أتكلم في الوقت اللي صدمني لما كمل كلامه!!
علي : حتى لو جالك 100 عريس..
نور : إيه ! عريس إيه !
علي : ياسر طلب إيديكي مني.. أنتي إيه رأيك
نور بصدمه : ياسر!!
علي : أيوة أنا شايف أن في بينكم كاريزما حلوة.
نور بحزن : يعني أنت موافق!!
علي : الرأي ليكي بس أنا بجد مش هلاقي أحسن من ياسر وآمن عليكي معاه..
غمضت عيني پألم بحبس الدموع جوايا قومت من جنبه وقعدت على المكتب تاني..
نور : أنا إمتحاناتي قربت ومش فاضية للكلام دا..
علي : إحنا هنقرأ فاتحة بس.. ونعمل الخطوبة بعد تخلصي..
نو بصيتله : يعني أنت شايف كدا
علي : لو مكسوفة خدي راحتك في الرد هو مش مستعجل على فكرة.
ببلع ريقي وأنا بنطق بالعافية : لأ .. أنا موافقة.
قام وقف وقرب عليا وباس رأسي : خلاص ياحبيبتي أنا هحدد معاه معاد علشان يتقدم رسمي ألف مبروك ياحبيبتي..
أنا إزاي كنت غبية كدا! مغفلة! كنت بحبه أكتر في الوقت اللي كان بيعاملني فيه كأني أخته
من أمه وأبوه.. كنت*******يتبع
كنت بقع في حبه أكتر في معاملة هو مش شايف أصلا أنها بتدوب قلبي!
مش شايف حبي ولهفتي لي!
مش شايف إني بعشقه مش شايف!
شايف بس أن في كيميا بنا أنا وصاحبه...
صاحبه!! أنتي بتغلطي يا نور انتي عارفة عواقب أنك توافقي ع صحبه ايه!! هتعيشي معاه وأنتي بتحبي صاحبه!!
أنا في ورطة ورطة كبيرة..
اسماء ؛ انتي متأكدة من الكلام دا
نور : أه يا خالتو أنا كنت بحب علي علشان مش شايفة غيره قدامي لكن دلوقتي عرفت إني مش بحبه الحب اللي يخليني أتجوزه أنا معجبة ب ياسر وان شاء الله لما نقرب من بعض نحب بعض اكتر..
كنت بكذب على خالتو وبقنعها بعكس اللي في قلبي لأن هي الوحيدة اللي عارفة إني مبحبتش ولا هحب غير علي!!
لكن هيفيد بإيه بعد كدا!! فقدت الأمل تماما أنه يشوفني حاجة تانية غير أخته.. فقدت الأمل تماما أنه يحبني الحب اللي حبتهوله.........
جيه يوم الرقيه الشرعيه وقاعده هي وياسر
ياسر بحب : من أول ما لفيتلي وأنا واقع في حبك الكلمتين اللي كنت مرتبهم طاروا ولقيتني بقولك الحقيقة.
كنت حاسس اني متضايق وانتي بټعيطي عايز أمسحلك دموعك بإيدي..
مصدقتش نفسي أول ما وافقتي كنت حسيت للحظة إنك بتحبي علي بس اكتشفت أنكم أخوات قوي بحكم تربيتكم مع بعض .. أنا أول مرة أحس بالحب بالطريقة دي.. وأنتي ايه مبسوطة!!
ابتسمت وهزيت رأسي ب آه..
منكرش إن قلبي حس بحبه.. بس لقيتني بتخيل علي مكانه!!
نفضت الأفكار دي من دماغي خلاص علي كانت صفحة كتبتها لوحدي وقطعتها... لازم ادي لنفسي فرصة أحب شخص تاني.. قبل ما أشوفه هو داخل عليا ب واحدة تانية!
واحدة تانية!! معقول هقدر استحمل اشوفه مع واحدة تانية
الأيام عديت وجه يوم الخطوبة طول الفترة دي ياسر كان بيهتم بيا جدا وفي نفس الوقت علي !
علي اهتمامه اتغير بقى واخد باله من كل حاجة بعملها وكل حاجة بحبها ومركز معايا على عكس عادته.. بس أكيد علشان حاسس بالمسؤولية ناحيتي وإني أخلص الشهر دا بسلام! يمكن!
علي : خلاص يا ماما جهزت أدخل
اسماء : ادخل
وقفت وهو فتح الباب ووقف قدامي فضل واقف مبيتحركش..
كان أول مرة أحط ميك أب وألبس فستان سهرة ف كان شكلي جديد عليه..
خالتو حطيت ايديها قدام عينه_ إيه هنتأخر ع الناس تحت..
قرب عليا وحط إيده في أيدي ونزل بيا همس لي واحنا نازلين _كبرتي يا نور ..
ابتسمت بألم وسيبت ايديه لما وصلنا قدام ياسر وياسر أخد إيدي..
بعدها اختفى.. كنت بدور عليه بعيني وقت ما كنت بلبس الشبكة مش لاقياه.. مكنش موجود في اي مكان قدامي.
حاولت أركز مع ياسر لكني مش قادرة..
شوية وقومت من جنبه علشان أدور على علي ..
طلعت البلكونة لقيته بېدخن. وقفت جنبه لحد ما انتبه عليا
نور : شربت كام سېجارة لحد دلوقتي
علي : انتي إيه خلاكي تسيبي المعازيم وتطلعي!!
نور : كنت بدور عليك..
علي : طب يلا ادخلي انا هخلص السېجارة دي وجاي.
أخدت السېجارة من إيده وطفيتها _ هو علشان بقيت ظابط أنت عايز هتدخن بقا!!
علي : بقيت ظابط زي ما أنا عايز وأنتي بقى عايزة تبقي إيه
قلبي دق.. افتكرت حوارنا وأحنا صغيرين.. معقول يكون لسه فاكر وفي باله!!
عيني كانت متعلقة بعينه قوي وكلها شغف.. لحد ما سمعت صوت ياسر وهو بينادي.. نزلت عيني بخيبة أمل وأنا بفتكر أن خطوبتي النهاردة..
خطوبتي على صاحبه!
ياسر : أنتم الاتنين هنا وأنا بدور عليكم جوا.. بتعملوا إيه هنا وسايبين الناس جوا..
علي : أنا طلعت أشرب سېجارة بعيد عن الناس ادخلوا أنتم.
ياسر حط إيده في إيدي _ يلاا ياحبيبتي..
عيني كانت مركزة مع عين علي وهو باصص لإيدينا اللي اتشبكت في بعض ونظرته الأخيرة ليا!
لحد آخر اليوم مراحتش عن بالي!!
ايه اللي بيحصل!
انسي يا نور انسي أنتي أخته
أخته ومش شايفك غير كدا فوقي أنتي دلوقتي مخطوبة!
حطيت أيدي ع الدبلة وقلعتها.. مش مستحملاها حساها بتخنقي وبتعصر في قلبي!!!
كان ياسر بيجيلي كل يوم جمعة.. كان كل مرة يجي بشوف عصبية علي كنت بخاف من عصبيته دي بقى ېدخن كتير قوي!
بس مكنتش بتدخل فيه كنت بعيدة علشان أعرف أدي لنفسي فرصة مع ياسر..
..........................
_ تعالي يا نور اقعدي جنبي هنا..
خالتو اتكلمت _ تعالي هنا يا نور جنب خطيبك.
كنت واقفه في********* يتبع
حيرة.. صعب عليا أختار!
أختار مين
خطيبي ولا يا علي !!
نور : أنا نسيت العصير في المطبخ هدخل أجيبه..
دخلت ع المطبخ وأنا بأخد نفسي لكن اټخضيت لما لقيته ورايا.
غمضت عيني وأخدت نفسي نور: خضتني..
علي قرب عليا أكتر : اتوترتي ليه!
نور رجعت لورا أكتر : متوترتش..
قرب أكتر : امال ليه ډخلتي جوا بسرعة بالشكل دا
بصيت حواليا علشان أخترع حجة : علشان.. علشان..
قاطع كلامي بشفايفه حاولت أبعد لكن كنت وصلت للحيطة.. حاولت أبعده بإيدي لكنه كان ماسكني پعنف!!
بعد عني وهو بيأخد نفسه بسرعة ورجع شعره لورا رجلي مكانتش قادرة تشيلني لكن طلعت أجري على أوضتي..
بغسل وشي والدموع مش بتسكت!!
كنت بعيط بۏجع عمري ما توقعت يحصل منه كدا أبدا..
كل ما أتخيل الموقف أعيط أكتر جسمي كان بيرتعش اتغطيت وحاولت أنسى..
مكنتش بطلع من الأوضة.. واتحججت لخالتو إني اتخانقت مع علي أما ياسر مكنتش برد عليه.
كنت حاسة بالخيانة و.. والقرف..
جاهزت حاجته علشان أكلمه وننهي كل شيء.. مش هقدر أكمل وأنا كل مرة هبص في وشه هفتكر إني خونته..
لأني عمري ما هنكر أن اللي عمله علي ع الرغم أنه حاجة مقززة إلا أنه آثر على قلبي وحركه ناحيتي من تاني للحظة..
الباب خبط وقالت : مش عايزة أكل يا خالتو.
دخلت ودخل وراها علي : نا جبته لحد عندك علشان تحلوا الخلاف اللي بينكم..
علي : خلينا لوحدنا ياماما.
جسمي ارتعش وقولت : لأ..
خالتي طبطبت على كتفي وقالت : اديله فرصة يصالحك أنتم متقدروش تعيشوا من غير بعض..
طلعت وقفلت الباب وراها ف قومت فتحته تاني ووقفت جمبه
نور : نعم!!
علي : تعالي هنا.
نور: لأ.
علي : مټخافيش..
دخلت لجوا وقعدت بعيد عنه وقال : أنا آسف.
بصيتله بلوم وسكت ف كمل : مش عارف لحد دلوقتي عملت كدا إزاي صدقيني خۏفك مني دا بيوجعني..
عيطت وقالت : أنت اللي طول حياتك بتوجعني وأنت ولا داري ولا حاسس بحاجة..
الحب اللي فضلت شايلاه في قلبي ليك طول عمري انتهي من بعد اليوم دا.. أنا مش قادرة ابص حتى في حياتي..
علي : كنت حاسس بحبك ليا من زمان بس في نفس الوقت عارف إنك متعلقة بيا .
.
ف كنت بقول لنفسي أول ما هتعرف ناس جديدة هتنسي الحب دا وإنه حب طفولة مش أكتر مكنتش مركز في الموضوع دا قد إني أوصل للي انا عايزه واحقق اللي بحلم بيه من زمان !
لكن في الوقت اللي سلمتك فيه بإيدي لصاحبي حسيت أني عايزك ليا لوحدي حسيت إنك بتتأخدي مني وحقي فيكي بيضيع من أيدي..
حسيت إني أنا اللي متعلق فيكي و.. وبحبك.
نو قامت وقفت : خلصت وأنا حب الطفولة دا نسيته..
مسافة ما طلع من الأوضة قفلت الباب واترميت ع السرير كنت بعيط بحړقة... كان فين الحب دا وقت ما اتمنيته
كان فين وأنا بتمنى نظرة حب واحدة منك.. الحب دا كله اتحول ل كره يا علي كره كبير قوي..........
بعد شويه نور نزلت وقابلت ياسر في الكافيه
نور : أنا عارفة إني غلطانة غلطانة غلط كبير.. بس أنا لو كملت أكتر هكون بظلمك معايا..
ياسر : نور..
نورحطيت الحاجات قدامه : أنا آسفة يا ياسر احنا مش لبعض من البداية علشان نعرف نكون مع بعض.. القدر حطنا في طريق بعض لحكمة ربنا وحده عارفها.. أتمنى تكون متفهم أنا عايزة إيه..
ياسر : بتحبيه قوي كدا
نور قلبي اتخض : هو مين
ياسر : علي
اتنهدت وحسيت أن مفيش داعي إني أخبي وقالت : يوم ما قولت إني هدي لنفسي فرصة إني أنساه وأفتح صفحة جديدة على نفسي كنت بكدب على نفسي وروحي.
.
بحبه و رغم أني دلوقتي مبقتش فعلا طايقة أشوفه.
بس .
لسه بحبه.
.
ياسر : هو كمان بيحبك.. بيحبك ومش داري ع نفسه أنا لما حبيتك كان منه هو كان بيحكي عنك كأنك كنز وعنده هو لوحده ومش عند حد غيره بتمنالك الخير مع اللي قلبك اختاره..
دفع الحساب وساب الحاجات ومشي..
إنه الحب البهجة التي ټجرح
علمت تحت الجملة في كتاب كنت بقرأو وقفلت الكتاب لأن كنت سمعت صوت عربية علي وصلت كانت أطول مأمورية يروحها وراجع وهو مترقي كان عندي شغف إني أشوفه مش علشان بس أشوفه وأشوف النجوم على كتفه لكن علشان وحشني و وحش قلبي!
نزلت ووقفت جنب خالتو وهي بتسلم عليه لقيته بيمسك أيدي بدون سابق إنذار وبيقف قدامي..
ياسر بحب : لايق عليا الترقية
نور ابتسمت : لايق عليك تكون لواء كمان وكل اللي بتتمناه..
علي بعشق : بس أنا بتمنى دلوقتي أكون عريسك..
_نور بخضه وقلبها دق : إيه!
علي بحب ومسك ايديها : بحبك يا نوري تتجوزينى
نور بحب ودموع : أكيد موافقه
علي شالها ولف بيها واسماء زغرطت
علي : بعد اسبوع هعملك احسن فرح في الدنيا موافقه يحبيبي
نور: بس
اسماء قاطعتها وغمزت ليها: وافقي يحبيبتي اخيرا هفرح بيكو
نور بحب : موافقه
مر اسبوع وجيه اخيرا اليوم المنتظر فرح نور وعلي
في القاعه وعلي بيرقص سلو مع نور
علي بعشق : بعشقك ينوري
نور بحب : وانا بموت فيك يروح نورك
نور وهي باصه في عيونه : في كلّ الأيام، تحت كلّ طقس،
في كلّ الأماكن أحبّك ♥♥♥♥♥♥♥♥♥♥♥♥♥♥🌿.....
علي بحب : يا أحسَنَ النَّاسِ في عينِي، وأعذَبَهُمْ
قد كنتَ نهرًا جرىٰ بالحُبِّ يغمُرُني . ♥️
بعد سنه نور وعلي خلفو حور وعز
تمت بحمدلله
قراءة رواية صوتك قلبي كاملة من الفصل الأول للاخير | بقلم ياسمين سالم
تابع تطورات رواية قلوب خالدة الفصل الثاني 2 كامل المشوقة في الفصل التالي.
رواية قلوب خالدة كاملة جميع الفصول
يمكنك قراءة رواية قلوب خالدة كاملة بدون حذف أو اختصار، جميع الفصول مرتبة وسهلة التصفح في صفحة واحدة.
روايات سهيلة ياسر كاملة
تصفح أفضل روايات سهيلة ياسر الكاملة بجميع الفصول.
