أميرة :يا خلاثي على القمر يا ناس هكلك أنا يلا عالعموم عشان المدرسة

فريد قاعد زعلان راحتله أميرة :مالك يا حبيبي قاعد كده ليه

فريد :أنا زعلان عشان ماما شكلها تعبان أوى وإحنا طول الوقت معاكي

أميرة :ادعليها ربنا يشفيها وبعدين يا سي فريد زعلان أنك معايا طب أنا مخصماك وما فيش برجر الصبح.ها

فريد:خلاص أنا آسف إلا البرجر.. وقام باس راسها وحــ,,ـــــضنها

فارس :يلا بقى احكنا الحدوته عشان ننام يا ميرو

___________________________________

فالمستشفى خرج الدكتور :الحمدلله العملية نجحت بس الحالة لسه مش مستقرة لازم نفسيتها تكون كويسة الايام الجاية عشان نعدي على خير

أحمد :كده حضرتك استئصالت الورم في اى ورم تاني

الدكتور: للأسف في أورام في أماكن حساسة جدا واستئصالها حاليا مش في صالح الحالة هنمشى على جلسات كيماوي وربنا ييسر هي هتفضل يومين هنا تحت الملاحظة وبعدين تقدر تاخدها البيت وهبعت لحضرتك ممرضة تاخذ بالها منها

أحمد :ما فيش مشكلة اللي في الصالح أعمله يادكتور المهم ترجع لينا

الدكتور :أن شاء الله اهم شيء النفسية.. عن اذنك

رنت أميرة على ليلى تطمن على دينا

ليلى:الحمد لله يا بنتي العملية نجحت

أميره :الحمد لله والشكر لله

ليلى :الولاد ناموا

أميرة :اه يا طنط من بدري.. هو مين اللي هيبات معاها

ليلى :أحمد يا بنتى مش راضي يجي هو يريح وأنا أفضل جنبها

أميرة :الولاد ناموا ومش هيصحوا إلا على معاد المدرسة حضرتك تعالى انتي والبشمهندس وأنا هبات معاها اليومين دول

ليلى :ربنا يبارك فيكي ويحفظك يابنتي ثوانى أقول لأحمد وارجع اكلمك.. أحمد يا بنى أميرة بتقول….

كوثر بأندفاع :وهي إيه اللي وداها الشقه وما فيش حد

ليلى:أنا اللي قولتلها عشان الولاد ميتأثروش بتعب مامتهم وقلقنا عليها

كوثر :ست البيت مش موجودة هي اللي يوديها

أحمد :أميرة بقت مراتي وليها فالبيت

كوثر ضــ,,ـــــربت على صدرها :اتجوزت على بنتي وهي فالحالة دي وكمان مرات اخوها منك لله أنت والعقربة

أحمد :بنت حضرتك اللي طلبت كده لما تفوق اسأليها بنفسك يلا ماما عشان أوصلك واجيب أميرة

كوثر بشر بعد ما مشيوا :أنا هوريكي يا ست أميرة يا خطافة الرجالة

ياترى كوثر هتعمل ايه مع أميرة؟ ؟؟

يتبع…….

##الحلقة_الرابعة

في غرفة أحمد ودينا تبحث أميرة عن شيء ما يدخل أحمد فجأة وبتتخض أميرة

أحمد بعصبية: أنتي بتعملي ايه هنا لتكوني صدقتي نفسك أنك مراتي بجد دي مجرد ورقة عشان بس دينا ترتاح وتوافق تدخل العملية

ليلى جت عالصوت وأميرة واقفة حابسة د.موعها :خير يا بني بتزعق ليه كده الولاد هيصحوا على صوتك

أحمد :الهانم مفكرة نفسها بقت ست البيت مش عارف دخلت اوضتنا تعمل ايه

أميرة :والله يا طنط أنا روقت الاوضة وكنت بدور على شنطة عشان احط الغيارات اللي حضرتك طلبيتها لدينا عشان اخدها معايا

ليلى :حصل خير يا حبيبتي انا فعلآ طلبت منها غيارات لدينا يا بني

أميرة :عن اذن حضرتك.. وخرجت بره الغرفة

ليلى:ليه يا بنى كده تكــ,,ـــــسر بخاطرها البنت مش مخلية عن جهدها جهد معاكوا وهي يعني كانت طلبت تتجوزها ولا اجبرتك أنت بتقول بنفسك إنك مكنتش بتشوفها هنا روح يا بني أعتذر لها وطيب خاطرها

أحمد بضيق:حاضر يا ماما.. خرج أحمد بس ملقاش أميرة دور في الشقة عليها ملهاش أثر

أحمد :مشيت يا ماما ممكن ترنى عليها

ليلى:هات التليفون.. ايوة يا أميرة أنتي فين يابنتي

أميرة :أنا فالتاكس يا طنط رايحة المستشفى

ليلى:ليه يا بنتى ما استنتيش أحمد يوصلك

أميرة :معلش يا طنط خليه يرتاح هو جاى تعبان

ليلى:متزعليش منه يا أميرة انتي عارفه

أميرة :الله يكون في عونه اللى هو فيه مش سهل أنا مش زعلانه ولا حاجه

ليلى :ربنا يصلح حالك يا بنتى خلى بالك من نفسك

اميرة:حاضر..

كل الكلام أحمد سامعوا لأن ليلى فاتحه الاسبيكر

ليلى:أدخل أرتاح يا بنى وأنا هدخل أرتاح أنا كمان تصبح على خير

أحمد :وانتي بخير يا ماما

دخل أحمد ياخد شاور عشان ينام

فالمستشفى وصلت أميره ودخلت لقت كوثر عند دينا

كوثر :جيتى يا عروسه جيتى يا خطافه الرجاله يا عقربه دونآ عن رجاله الدنيا ملقتيش غير جوز بنتى

دينا بتعب:ماما ممكن تسمعينى الأول أنا اللي طلبت كده مش هأمن على ولادى غير معاها هى اللى وقفت جنبى فالوقت اللى كنتي انتي واخواتى مش فاضيين تسألوا عليا حتى بتليفون ممكن بقي ما تجرحيهاش بالكلام اللي مالوش لازمه ده

كوثر :بقى كده يا بنت بطنى أنا ماشيه واشبعى بقى بخطافه الرجاله دى ومتجيش بكره تعيطى لما تاكل عقل جوزك زى ما

كلت عقلك انت وولادك

خرجت كوثر تاركه أميرة مع دينا

دينا:ما تزعليش من كلام ماما حقك عليا أنا عارفه اني قرارى كان في انانيه بس صدقيني غصب عنى

أميرة :ارتاحى يا حبيبتي ما تتعبيش نفسك وانتي مش أنانيه ولا حاجه انتى أم ولازم تفكري فى ولادك واللى يريحهم وان شاء الله تقومي بالسلامة ليهم

دينا :أنا بحبك أوى يا أميرة أنتى أحن بنى اد.مه قابلتها فى حياتى استحملتى كتير أوى وكل ده من طبيه قلبك

أميرة :ربنا يخليكي ليا يارب انتي كمان قلبك طيب ونعم الأخت.

.

نامت دينا أثر العلاج وأكملت أميرة كلامها :انتي عارفه يا دينا أن الكل فاكرينى ضعيفه مش قادره اخد حقي بس انا مش بحب اكون لوحدي يعنى منال ونهى فاكرين انهم بيضحكوا عليا وياخدوا وجبات مني بنص التمن بس فالحقيقه أنا حابه كده انا ممكن اقولهم لأ بس عشان خاطر الولاد وسهيله مرات اخويا لما غضــ .

ــبت أول مره اتخنقت مع وليد اخويا عشان مش عايزانى لأنى مصرة عالطلاق واخويا رافض فكرة انى اعيش لوحدي عشان كلام الناس فضلت انى ارجع لمصطفى منعآ للمشاكل وخراب البيت.

.

كاان هناك من يسترق السمع ود.

موعه نازله وفجأه….

.

ياترى مين اللي واقف وإيه اللي حصل وايه حكايه أميرة؟؟؟

يتبع…..

#الحلقة_الخامسة

في منزل كوثر يجلس محمد وزوجته نهى ومجدي وزوجته منال وسالى أيضا

كوثر :يعني إيه دينا تقولي محدش يجرحها بالكلام اتمسكنت لبنتى لحد ما لهفت جوزها

منال:لازم يا ماما نشوف حل ونطلقها الناس هتاكل وشنا من اللي عملته ده

نهى:ايوة فعلآ بس يا ترى هترضى تطلق وترجع هنا

سالى :دى طلعت مش سهله

محمد :بس منك ليها انتوا مضايقين بس عشان الخدامه اللي بلاش مشيت وهتضطروا تشتغلوا لولادك وتطبخوا من تاني

منال:والبيه محموق أوى ليه كده يكونش كنت ناوى تتجوزها

مجدي :اتلهى منك ليها عالاقل لو واحد فينا اتجوزها كانت هتفضل تحت طوع الكل ونترحم من العك اللي بتعملوا

نهى:قصدك ايه يعنى احنا مش زى السنيورة ولا ايه كويس انها غارت

كوثر:جتكم واكسه توكسكم ايوة فعلآ انتم عكاكين وبعدين أنا فى وانتم فى ايه غوروا كل واحد على شقته وسيبونى فى اللى أنا فيه

الكل طلع شقته وقعدت سالى معاها

كوثر :وانتي قاعدة ليه ما تقومى تروحى شقتك

سالى :اصل انا عندي حل لمشكلتك دى يا ماما

كوثر :قولى واشجينى ما انتي نفسك ترجع الخدامه اللى بلاش

سالى ضحكت بشر وقالت :بصى يا ستى………..

فالمستشفى وقفه ممرضة على باب الاوضة وسامعه أميرة بتتكلم مع دينا وهى نايمة صعبت عليها ود.معت على حالها فالوقت ده جه أحمد لاقها واقفة

أحمد :واقفة ليه كده وبتعيطى في ايه

الممرضة :ابدا بس اخت المدام شكلها موجوع أوى لدرجة أنها بتحكى للمدام وهي نايمة عشان مش لاقية اللي يسمعها

أحمد :وانتب بقى وقفتي تتصنتي عليها

الممرضة :ابدا والله انا حبيت بس اسيبها تطلع اللي جواها عشان ترتاح ومحبتش اقاطعها كنت جايبة العلاج عن اذنك أديها العلاج

أحمد وقف مكانه وقال :شكل حكايتك حكاية يا ست أميرة ده صورتك وانتي حابسو د.موعك ما فرقتش خيالي ومعرفتش أنام

الممرضة أدت دينا العلاج وخارجة أحمد طلب منها تنادى لاميرة عشان يعتذر لها

الممرضة :مدام اميرة أستاذ أحمد بره عايز حضرتك

أميرة :حاضر انا جاية معاكي.. وخرجت لأحمد بره

أحمد :ممكن ننزل الكافيه تحت نشرب حاجه

أميره :مافيش داعى.. حضرتك ما نمتش ليه ما تقلقش أنا هاخد بالى منها كويس

أحمد اتنهض:أنا جاى اعتذر على قله زوقى مش عشان قلقان وعارف أنك واخده بالك كويس منها

اميرة:أنا مش زعلانه حصل خير الله يكون بالعون

أحمد :طب عشان أصدق إنك مش زعلانه ننزل نشرب حاجه فالكافيه قولتى ايه

اميرة بتفكير :اوكي يلا..

نزلوا الكافيه وأحمد سألها تشربى إيه

أميرة :قهوة ساده

أحمد :يا ساتر ليه كده

اميرة:القهوة بتزعل لو حطينا ليها سكر

أحمد :شكلك بتحبى القهوة

أميرة :جدا…. طلبوا القهوة وشربوها فى صمت قاطعه أحمد :أنا حابب اعتذر مرة تانيه كنت قليل الذوق أوى أنا عارف

أميرة :ابتسمت خلاص والله ما فيش حاجه يلا عشان دينا زمانها صحيت

طلعوا الاوضه واميره طلبت من أحمد يروح ورفض اميرة قعدت عالكرسى اللى جمب سرير دينا وغفت وهى قاعده اما أحمد قاعد على كنبه قصادهم وفضل يتأمل ملامح أميرة وهى نايمه اول مرة يبصلها لنفسه:قد ايه جميله وملامحك بريئه أوى دينا اتململت فى السرير فاق من شروده وقرب عليها حاسه بحاجه انده الدكتور

دينا :لا يا حبيبي أنا كويسه أميرة نايمه ليه هنا