رواية شارع في حارة الفصل السادس والعشرون 26 بقلم زهرة عصام

تم تحديث الفصل بتاريخ 29 مايو 2026



حسين كان مشحون من أمه جامد و ارسخت في عقله خلاص فكره إن سها تخرج من الحبس و هيعمل اي حاجه حتي لو هيعادي دلال و أهلها المهم أخته تخرج و بس

خبط على الباب خبطتين و دخل من غير حتي ما حد يرد عليه صالح أول ما شافه وقف و قال:-

هي زريبه داخل من غير ما حد يرد عليك ، افرض الحريم كاشفه رأسها؟

حسين بص ليه و مفهمش هو مين لكن افتكر إن إبراهيم قال إن أبو دلال رجع فاتوقع إن يكون هو

بص ليه و قال بهدوء :-

معلش يا عمي أنا بس عاوز دلال في كلمتين و ماشي علطول

صالح بص ليه من فوق لتحت و قالت:-

وإنت مين بقي؟

و عاوز بنتي في اية؟

حسين اتنهد و بص لدلال اللي كانت بتبص ليه باستغراب و قال:-

إنت لازم تتنازلي عن محضر سها يا دلال

هنا ملامح وش دلال اتغيرت و بص ليه بحده و هو كمل كلامه و قال:-

سهي غلطت اه بس متستاهلش العقاب دا كله ، هي خلاص اتعاقبت بما فيه الكفاية اتنازلي عن المحضر و ارحمينا و ارحمي نفسك من طاقة جهنم اللي بتنفتح علينا

دلال نطقت كلمه واحده و قالت:-

اطلع بره يا حسين ، أنا مش عاوزة أشوف حد من العيلة بنت ***** دي تاني

حسين نبره صوته عليت و قال:-

لا مش همسي غير لما نوصل لحل للمشكله دي ، أو بمعني أصح مش همشي غير ما تتنازلي عن محضر سها

دلال ضحكت بصوت عالي و هي بتقول:-

عاجبني فيكم ثقتكم في نفسكم أوي ، أخدت نفس و قال:-

بص يا حسين عشان ننفض من الوال الأزرق دا ، تنازل مش هتنازل إلا على جثتي اقتلوني الأول ومش هتنازل برضوا

صالح كان لسه هيدخل لكن اتفاجئ باللي بيقتحم الاوضة و بيقول بهمجية:-

أظن إحنا سبناكي بما فيه الكفاية لحد ما تفوقي و تركزي في اللي عاوزين نقوله

شوية الهرتله اللي كنت بتقوليها من شوية دي مش هامشي معان و اللي عاوزينه هتعمليه زوق عافية هتعمليه يا دلال

دلال رفعت حاجبها و قالت:-

وأنا عاوزة أشوف العافية بتاعتكم يا مصطفى و يلا من غير مطرود إنت و الجلنف أخوك دا إحنا مش فاضيين ليكم

رفعت صابعها السبابة في وشهم و قالت:-

و عالله أشوف حد فيكم هنا تاني هخليكم تشرفوا جنب أختكم في الحبس يا غوالي

دا أنا هطلعكم ترند مصر اليومين الجايين أصل نسيت أقولكم إني هطلع في التلفزيون احطي عن اللي أمك واختك عملوه فيا يعني فضيحه تالته ليكم في الوطن العربي كله أهو

حسين كان هيقرب منها و هو مستعد أنه يمد ايده عليها لكن لقي صالح واقف ليه و بيقول:-

لو مش خايف على كرامتك إنت و أخوك أعمل اللي عاوزه دا ، مد إيدك عليها وأنا همحيك من على وش الدنيا كلها ، وقتها مش هستني الحكومه تاخد حق بنتي ، وقتها هتبقي راجل لراجل و الحكومه برانا يا قلب أبوك

صالح أخد نفس و نعمات كانت بتبص ليه بفخر و كمل كلامه:-

يلا يا واكل ناسك إنت و هو من اهنه يلا بره

نعمات صقفت باديها و قالت:-

والله احب أنا العرق الصعيدي لما يطلع

مصطفى و حسين بصوا لبعض و حسين قال ببجاحه:-

الأيام بينا يا دلال و زوق عافية هتعملي اللي قولنا عليه

لفوا ظهرهم ليهم قبل ما يسمعوا صوت دلال اللي بيقول:-

وأنا قولت أنا عاوزة أشوف العافية ، أصل دلال بتاع زمان خلاص بح مفيش منها تاني ، دلوقتي أنا ممكن اقف في وشكم انتوا الاتنين مع بعض عادي

مصطفى لف وش ليها و قال بابتسامة شر:-

هنشوف يا دلال و بينا الأيام تحكم

شاورت باديها باي باي و هي بتقول:-

تكير يا درش متقطعش الجوبات أو أقولك اقطعها عادي وأنا هولع فيها.

حسين و مصطفى راحوا اخدوا أم إبراهيم و حكوا ليها على اللي حصل بعد ما دخلوا بيتهم فقالت بخبث :-

أنا عندي الحل اللي هيقهر دلال و يجبها راكه تحت رجلينا

مصطفى و حسين في صوت واحد:-

هو اية

يتبع

مساء الخير

حرفياً بقالي ١٠ أيام بلف عند الدكاترة ، أنا حبيت اطمنكم على الكتكوت الصغنن هو بخير دلوقتي الحمد لله

ربنا رزقنا بحاجة و الحمد لله راضين بيها و راضيين بقضاءه و يا رب بحق الأيام المفترجه يشفيلي ابني و يشفي كل مريض يارب دمتم بخير

لو لقيت التفاعل حلو اعتبروا فصل بكره في جيبكم

همسات ليله

حكايات آخر الليل

شارع في حارة

بقلمي زهرة عصام

قراءة رواية سيطره ناعمه - ماهر ولونا الفصل الأول 1 بقلم سوما العربى

🚨 قرار واحد فقط في رواية شارع في حارة قد يقلب كل الموازين!

قراءة رواية شارع في حارة كاملة

كل ما تبحث عنه من فصول رواية شارع في حارة متوفر هنا بشكل منظم.

أجمل روايات زهرة عصام

تصفح أفضل روايات زهرة عصام الكاملة بجميع الفصول.