رواية مش حب عادي الفصل الثامن 8 كامل | بقلم ملك إبراهيم
تم تحديث الفصل بتاريخ 12 أبريل 2026
مقدمة رواية مش حب عادي
للأصدقاء المهتمين بالقراءة رواية مش حب عادي لا تفوت الروايات الرومانسية، وتمتد أحداثها تعيش معها كل لحظة من أحداثها تأسر القلوب منذ اللحظة الأولى وتبقى في ذاكرة القارئ لفترة طويلة.
تفاصيل رواية مش حب عادي
تحكي الرواية مش حب عادي عن تحديات الحياة تواجه تحديات كبيرة، حيث تتشابك الأحداث تتوالى الأحداث المشوقة ويحس وكأنه جزء من الأحداث ويغوص في تفاصيل القصة.
مميزات رواية مش حب عادي
تقدم رواية مش حب عادي تجربة قراءة رائعة بأسلوب سردي جذاب تجعل القراءة ممتعة ومثيرة، بالإضافة إلى ذلك تخلق عالمًا يشعر فيه القارئ وكأنه حي وتشد اهتمام القارئ بشكل مستمر وتجعل القصة لا تُنسى.
ابدأ قراءة مش حب عادي الآن
يمكنك الآن قراءة رواية مش حب عادي للكاتب ملك إبراهيم أونلاين لتعيش كل لحظة من أحداثها لتستمتع بتجربة قراءة لا تُنسى وتغوص في تفاصيل القصة.
كيف تصل الينا
ابحث الآن في جوجل للحصول على الرواية: "رواية مش حب عادي حكايتنا حكاية"
انا اللي هبقي عروسته مش هي.
جدي قاله هتتجوز رباب غصب عنك.
ومفيش حد هيخلف عيالك غير بنت عمك.
أنس بص لها بانتباه وسألها بحماس: امتى الكلام دا؟
مين اللي قالك؟
ردت عليه رباب بثقة: انا سمعت جدي وهو بيقول لـ رحيم امبارح.
ورحيم هيتجوزني قريب وهتشوف.
رباب مشيت وهي مضايقه من أنس لانه دايما بيحب يضايقها.
انما أنس وقف يبتسم بـ شر وقال: حلو الكلام دا.
ياترى عروستنا الحلوة لما تعرف ان رحيم هيتجوز عليها رباب هتعمل إيه؟
عند رحيم وحبيبة في الاسطبل.
حبيبة اتكلمت بهدوء وهي واقفه قدام رحيم: انا عايزة اروح لـ خالتي اطمنها عليا.
هي اكيد قلقانه عليا من إمبارح.
رحيم بص لها بعمق وسألها: ووالدك؟
حبيبة وشها اتغير وقالت بحزن: ماله بابا؟
رحيم وهو بيبص لها ومركز مع نظرات عنيها ولمعة الحزن اللي ظهرت فجأة في عيونها اول لما اتكلم عن والدها: اكيد هيكون عايز يطمن عليكي لو خالتك حكت له اللي حصل.
ردت حبيبة بحزن وضحكة حزينه موصلتش لعيونها: لا.
بابا مبيشغلش باله.
هو مشغول في حياته ومراته.
وبصت في عنيه والدموع المحبوسه في عيونها كانت بتزيد وقالت: وخالتي مستحيل تكلمه وتحكي له حاجة.
حتى لو كلمته مش هيرد.
رحيم حس بوجع في قلبه وهو شايف عيونها بتلمع بدموع كسرة قلب وخذلان.
حس ان جواها وجع كبير ومخبياه في قلبها.
تليفون رحيم رن وقطع كلامهم.
رد رحيم وعيونه كانت على حبيبة وهي بتبعد وشها الناحية التانيه عشان تمسح دموعها قبل ما يشوفها.
خلص المكالمة بسرعه وقالها: انا خارج دلوقتي عندي مشوار مهم لازم اروحه.
ممكن اخدك معايا اوصلك بيت خالتك ولما ارجع اجي اخدك.
حبيبة هزت راسها بالموافقه.
في غرفة مكتب الجد مرسي الجبالي.
عبد الرازق كان قاعد قدام ابوه وهو هيتجنن من اللي بيحصل.
أتكلم عبد الرازق بعصبيه: وانا مش موافق يا ابويا.
بنتي مش هتتجوز علي ضره.
وتبقى مراته التانيه!
رباب بنت عبد الرازق الجبالي الف مين يتمناها.
رد الجد مرسي الجبالي: هاتلي واحد من الالف دول يكون زي رحيم ابن عمها.
محدش هيتجوز بنتك غير اللي يطمع فينا وفي فلوسنا وارضنا.
رد عبد الرازق بغضب: واشمعنا خديجة بنت سليمان لقت اللي ميطمعش فينا؟
ولا انت دايما عايز تقلل مني ومن عيالي!
اتكلم الجد مرسي: خديجة كملت تعليمها واتجوزت دكتور من عيلة كبيرة واللي عند عيلته مش اقل من اللي عندنا.
انما بنتك وابنك خايبين.
منفعوش في المدارس ومكملوش تعليم.
هتجيب لـ بنتك عريس منين زي رحيم ولا زي جوز خديجة!
رد عبد الرازق بعصبيه: التعليم ملوش لازمة عندنا.
احنا عندنا اللي يكفينا ويكفي عيال عيالنا!
اتكلم الجد مرسي: اهو انا عشان كدا اخترت رحيم يكون هو كبير العيلة من بعدي.
انت لما بتدخل في اي حاجة بتغرقها بدماغك المضلمة دي.
الدنيا اتغيرت يا عبد الرازق.
والناس اللي كانوا بيخافوا منك زمان.
بكره يتجرؤا عليك.
عبد الرزاق بغضب: اللي يفتح بؤقه بكلمه ندفنه هو وأهله.
الجد مرسي: الكلام معاك مفيش منه فايده.
قولي ايه الموضوع المهم اللي كنت عايزه تكلمني فيه؟
رد عبد الرازق: انا عايز اجوز أنس.
قولت لـ امه تختار له عروسه من عيلة كبيرة.
وقالت لي ان عيلة بدران اللي في البلد اللي جنبنا عندهم بنت في سن الجواز.
الجد مرسي بص لـ ابنه وقال بنبره غامضه: وانت ضامن ابنك؟
ضامن يتجوز ويشيل مسؤولية وتناسب عيلة كبيرة؟
اتكلمت عبد الرازق بضيق: هو دا الحل الوحيد عشان حاله يتصلح.
الجد مرسي بعدم اقتناع: وانا موافق.
بس انا مش هروح اتفق علي جوازه.
عشان انا مضمنش ابنك وعارف انه هيصغرنا مع اي عيلة نروح لهم ونطلب بنتهم.
اتكلم عبد الرازق بأصرار: انا هعزم عيلة بدران هنا الليلة ونفتح الموضوع معاهم.
ولو اتفقنا.
نروح نخطب بنتهم وهجوزه علي طول.
شهر بالكتير وتكون عروسته في القصر.
الجد هز راسه وهو فاهم وعارف ابنه بيفكر في إيه.
رواية مش حب عادي بقلمي ملك إبراهيم.
قدام بيت خالة حبيبة.
وقف رحيم بعربيته وكان بيجيله مكالمات كتير طول الطريق وواضح انه هيكون مشغول طول اليوم.
حبيبة بصت له وقالت بهدوء: شكلك مشغول النهاردة.
رد رحيم: عندي شغل كتير متعطل في المكتب من وقت الحادثة ودخولي المستشفى.
حبيبة اتكلمت بهدوء: ربنا معاك.
انا هقضي اليوم مع خالتي لحد ما تخلص شغلك وترجع.
رحيم ابتسم لها: لو احتاجتي اي حاجة كلميني.
حبيبة هزت راسها بأبتسامة ونزلت من العربية.
رحيم وقف لحد ما اطمن انها دخلت واتحرك بالعربية.
دخلت حبيبة بيت خالتها ولقت خالتها قاعده حزينه وقلقانه عليها.
قعدت حبيبة معاها وطمنتها انها بخير
ميادة بنت خالة حبيبة كانت مبهورة بـ الحكايات اللي كانت بتسمعها من وهي صغيرة عن قصر الجبالي.
قعدت جنب حبيبة بحماس وهي بتسألها عن الليلة اللي قضتها في قصر الجبالي.
ميادة: اوصفيلي القصر من جوه يا حبيبة عامل ازاي؟
بيقولوا ان القصر من جوه حلو اوي.
ردت حبيبة: القصر من جوه عامل زي بيت الرعب كدا.
ميادة شهقت بصدمة.
ابتسمت حبيبة وهي بتكمل كلامها بشرود: لكن فيه مكان مختلفه.
الاسطبل والجنينه الصغيرة.
مكان كدا تحسي انك في عالم تاني.
مكان دافي وهادي وحنين.
تحسي ان المكان بيحضنك وبيطمنك.
ميادة ضحكت وقالت بهزار: المكان اللي بيحضنك وبيطمنك برضه؟
حبيبة بصت لـ ميادة بخجل ووشها احمر وقالت لـ خالتها: سامعه بتقول ايه يا خالتي؟
ردت خالتها وهي بتضحك: سيبك منها.
المهم طمنيني.
رحيم بيه عامل ايه معاكي؟
حبيبة بصت لـ خالتها وقالت: مش عارفه يا خالتي.
كل الناس بيقولوا انه غيرهم.
حتى انا شايفه بعيني انه مش زيهم!
رحيم مختلف.
اتكلمت ميادة بفضول: قصدك مختلف عن أنس ابن عمه في الشخصيه يعني؟
حبيبة بصت لـ ميادة بنظرة غيظ وقالت: متجبيش سيرة الزفت دا قدامي!
فرق كبير بينهم.
مينفعش اصلا اسم رحيم يتحط جنبه اسم أنس في جملة واحدة!
ميادة ضحكت وقالت: خلاص اهدي.
مش هجيب سيرة أنس خالص.
احكيلي بقى عن القصر.
رواية مش حب عادي بقلمي ملك إبراهيم.
في المساء.
قصر عيلة الجبالي كان بيتجهز لعزومة عيلة بدران.
ستات البيت كانوا كلهم في المطبخ بيشرفوا على تجهيز الاكل.
اتكلمت امال ام أنس مع الست هادية ام رحيم بخبث: اومال فين عروسة ابنك؟
من الصبح مش باينه في القصر؟
ردت رباب على امها بغيظ: رحيم خدها وخرجوا من الصبح ولسه مرجعوش.
اتكلمت امال بخبث مع الست هاديه: رحيم لازم يحضر قاعدة الرجاله الليلة وهما بيتفقوا علي جواز أنس ابني.
اصل إحنا هنناسب عيلة كبيرة زينا.
مش زي اللي ابنك راح اتجوزها واحنا منعرفلهاش اصل!
ردت الست هادية بهدوء: كل شئ قسمة ونصيب وكل واحد بياخد نصيبه.
اتكلمت رباب بعصبيه: بس هي خدت نصيبي يا مرات عمي.
كلكم عارفين ان رحيم كان هيتجوزني انا.
وهي اللي ضحكت عليه واتجوزته.
ردت الست هادية: عيب الكلام ده يا رباب.
رحيم مش عيل صغير عشان تقولي ان واحدة ضحكت عليه!
رحيم طول عمره راجل وعارف هو بيعمل ايه كويس.
وبعدين لو انتي كنتي من نصيبه، مفيش حد يقدر يغير النصيب والمكتوب!
اتكلمت رباب بتحدي: عندك حق يا مرات عمي.
عشان كده جدي قال لـ رحيم انت هتتجوز رباب ومش هتخلف غير منها هي وبس.
الست هادية بصت لـ رباب بصدمة.
امال زعقت لـ بنتها وقالت لها: وابوكي مش هيوافق علي الكلام ده!
لو عايز يتجوزك.
يبقى يطلق البت اللي هو متجوزها.
اه.
انا بنتي متدخلش على ضره.
الست هادية قامت وخرجت من المطبخ وسابتهم.
كانت هتطلع الدرج علي اوضتها وهي مصدومة بعد الكلام اللي قالته رباب.
لكن صوت الجد مرسي الجبالي وقفها: تعالي يا هادية عايزك.
وقفت الست هادية بتوتر وقربت منه.
اتكلم الجد وهو بيضرب بعكازه علي الارض: انا عايزك تتكلمي مع رحيم.
انا عارف انه بيحبك ويسمع كلامك.
أنس هيتجوز بعد شهر.
انا عايز اجوز رحيم ورباب مع أنس في نفس اليوم.
اقنعيه بالكلام ده عشان اللي انا عايزه هو اللي هيحصل.
الست هادية ردت بخوف: بس رحيم لسه عريس جديد.
هيتجوز على مراته بعد شهر؟
رد بنبرة صوت حاد وصارم: اسمعي اللي بقولك عليه وتعمليه وانتي ساكته.
مش من مصلحة رحيم انه يعصي كلامي.
وانتي عرفاني كويس.
هزت راسها بخوف واتحركت من قدامه وطلعت علي فوق.
عبد الرازق قرب من ابوه وقاله: الناس قدامهم ساعة ويجو.
والباشا حفيدك اللي هيبقى كبير العيلة لسه مجاش!
اتكلم مرسي الجبالي بسخرية: والباشا العريس ابنك فين؟
عبد الرزاق بص لـ ابوه وهو مش عارف أنس فين.
أتكلم مرسي الجبالي بسخرية: شوف ابنك فين وأنا كلمت رحيم وهو على وصول.
عبد الرازق اتحرك من قدام ابوه وهو بيزعق وينادي على أنس.
رواية مش حب عادي عادي بقلمي ملك إبراهيم.
في عربية رحيم.
كان راجع بالعربيه وحبيبة جنبه وشكلها مبسوطة ومرتاحه بعد ما شافت خالتها وقضت اليوم معاها.
رحيم جاله مكالمة من الست هادية قالتله يرجع بسرعه لان جده كل شويه يسأل عليه والناس علي وصول.
حبيبة سألت رحيم بدهشة: هو في حاجة في القصر؟
رد رحيم بهدوء وهو بيبص علي الطريق: في عيلة كبيرة معزومين في القصر النهاردة.
عمي عزمهم عشان عايز يخطب بنتهم لـ أنس.
حبيبة هزت راسها وقالت: الله يكون في عونها.
رحيم ضحك وكمل الطريق.
حبيبة بصت له بنظرة طويلة.
هادية ومليانة تركيز.
كأنها بتحاول تقرأ اللي ورا ملامحه.
ضحكته كانت بسيطة.
بس فيها دفا غريب شدّها ليه من غير ما تاخد بالها.
وهدوءه مش مجرد سكون.
ده كان راجل وراه ثقل وهيبة وكأن كل كلمة بيقولها محسوبة.
بصت قدامها وهي بتهمس لنفسها: فوقي يا حبيبة.
مينفعش.
وبصت عليه مرة تانيه واتمنت ان لو هو مش نصيبها.
تقابل شخص زيه.
بعد كام دقيقه وصلوا القصر في نفس الوقت اللي عيلة بدران وصلوا فيه.
رحيم نزل من العربية وفتح لـ حبيبة الباب ونزلت وهي بتبص حواليها بتوتر لما شافت رجالة كتير وعربيات.
رحيم شاور لها علي القصر وهمس لها: ادخلي انتي واطلعي على فوق على طول.
حبيبة هزت راسها بالايجاب ودخلت القصر.
قرب من كبير عيلة بدران وسلم عليهم واستقبلهم.
كان في واحد من شباب عيلة بدران شاف حبيبة وهي نازله من عربية رحيم وتوقع انها اخت رحيم لان خبر جواز رحيم لسه منتشرش.
دخلوا القصر وكان الجد مرسي وعبد الرازق وأنس في استقبالهم.
قعدوا كلهم واتكلموا في حاجات كتير وشغل ومصالح مشتركة بين العيلتين.
بعد الأكل قعدوا يشربوا الشاي ويتكلموا في الموضوع المهم اللي عبد الرازق عزمهم عشانه.
رحيم كان قاعد بثبات وثقه ومركز في كل كلمة بتتقال.
أنس كان مش مهتم بأي كلمة بتتقال وبالنسبه له ان الجوازة دي تنفيذ لـ امر ابوه عشان يريح دماغه.
اتكلم مرسي الجبالي مع كبير عيلة بدران وقاله انه عايز يقوي علاقتهم بـ النسب وطلب منه ايد حفيدته لـ أنس.
رد كبير عيلة بدران بـ الموافقه وقال: في بنت حلوة شوفناها في القصر واحنا داخلين كنا عايزين نخطبها لـ ابننا والفرحة تبقى فرحتين.
عبد الرازق رد بفخر وثقة: قصدكم رباب بنتي؟
أنس رد على ابوه: بيقولوا بنت حلوة يا أبويا.
هتكون رباب ازاي😂؟
اتكلم حفيد عيلة بدران الكبير وهو بيبص لـ رحيم: اللي كانت جايه مع رحيم في العربية.
شوفناها وإحنا داخلين.
رحيم ما اتحركش في الأول.
كان قاعد زي ما هو بس عينه ثبتت عليه.
إيده اللي ماسكة كوباية الشاي شدّت عليها أكتر من غير ما يحس لحد ما صوابعُه ابيضت من القوة.
تكة خفيفة وبعدها صوت شرخ.
الكوباية اتكسرت في إيده.
شاي سخن اتسرب بين صوابعه، وقطع الزجاج جرحت أيديه بس هو ولا كأنه حاسس بحاجة.
كل اللي قاعدين اتصدموا.
الصوت اختفى فجأة.
حتى النفس بقى تقيل.
ثواني ورحيم وشه اتبدل.
مش غضب صريح.
كان هدوء أخطر بكتير.
هدوء ما قبل العاصفة.
بقلمي ملك إبراهيم.
يتبع
استر يارب😱😂
رواية مش حب عادي كاملة جميع الفصول
اقرأ رواية مش حب عادي كاملة الآن، جميع الفصول متاحة بترتيب منظم وسهل الوصول.
جميع روايات ملك إبراهيم
جميع روايات ملك إبراهيم الكاملة متوفرة الآن بسهولة.
