امانى سيد

بطاقه الائتمان ٢

كلارا قفلت الرسالة وصوت جدها لسه بيرن في ودنها.

الديابة.

الكلمة دي خلتها تبص وراها بترقب رغم إن الجناح كان أمان وفاضي.

دخلت الحمام فتحت المية السخنة ووقفت تحتها وهي بتحاول تغسل وجع الـ 3 أسابيع اللي فاتوا ومع كل نقطة مية كانت بتحس إن كلارا الضعيفة بتدوب وفي كلارا تانية بتتبني.

خرجت لقت ولادها ناموا من كتر التعب مغطياهم باللحاف الأبيض اللي زي التلج.

قعدت على الكرسي وبدأت تفكر في كلام جدها: تمن سر.

فتحت الشنطة الجلد اللي سابها الموظف وبدأت تفتش في الورق.

لقت ملف قديم متصور ميكروفيلم مكتوب عليه تاريخ سنة 1970.

الصور كانت باهتة بس كان فيها صورة لجدها إستيبان وهو شاب واقف وسط مجموعة مهندسين قدام موقع حفر ضخم لشركة آيرون كريست.

كان باين في الصورة إنهم بيطلعوا صناديق معدنية من تحت الأرض مش صناديق فلوس دي كانت صناديق شكلها غريب وعليها

نفس النقوش اللي على الكارت النحاسي بتاعها.

فجأة تليفون الجناح رن.

كلارا اتخضت بصت للساعة.

كانت 2 بالليل.

رفعت السماعة ببطء.

صوت راجل غريب هادي جداً وبارد زي التلج قالها:

مبروك يا مدام كلارا.

الورث رجع لأصحابه.

بس يا ريت تفتكري إن جدك (إستيبان) كان راجل ذكي وعارف إن الصناديق اللي ساعدنا نطلعها من 50 سنة لسه فيه منها نسخة مفقودة.

وإحنا متأكدين إن الكارت اللي في إيدك هو المفتاح لمكانها.

كلارا صوتها اتحبس: أنت مين؟

وعايز إيه؟

الراجل ضحك ضحكة خفيفة: أنا مجرد (صديق) قديم للعيلة.

استمتعي بالليلة دي يا كلارا لأن من بكرة فيه ناس كتير هيحاولوا يلعبوا معاكي (شطرنج).

وبصراحة إحنا محتاجين نعرف إنتي اتعلمتي من جدك كويس ولا هتخسري ملكك من أول دور؟

الخط قطع.

كلارا بصت للكارت النحاسي اللي كان منور تحت ضوء الأباجورة.

مكنش مجرد فيزا بتسحب فلوس ده كان

خريطة مدفونة في شكل كارت.

بصت لولادها ومسحت دموعها بقوة.

فتحت الموبايل وبدل ما تشتري لبس أو تطلب أكل دخلت على محرك البحث وكتبت جملة واحدة:

(مشروع التنقيب السري لشركة آيرون كريست 1970 - إستيبان فيلاسكيز).

كان لازم تعرف هي ورثت ثروة.

ولا ورثت لعنة هتطاردها هي وعيالها في كل مكان.

نتائج البحث اللي طلعت قدام كلارا كانت صادمة.

مفيش أي معلومة رسمية عن المشروع وكأن سنة 1970 دي اتمسحت من تاريخ الشركة.

بس في منتدى قديم جداً للمؤرخين لقت بوست مكتوب من سنين عن حوادث اختفاء لعمال في منجم قديم كان ملك لعيلة آيرون كريست والعمال دول كانوا بيتكلموا عن معدن غريب ملوش اسم مبيسيحش بالنار وقوته بتفوق أي حاجة عرفها البشر.

​كلارا قفلت الموبايل وإيدها بتترعش.

الكارت النحاسي اللي في إيدها لونه بدأ يتغير!

النقوش اللي عليه بدأت تتحرك ببطء كأنها تروس ساعة قديمة

بتظبط نفسها.

​فجأة الباب خبط.

بس المرة دي الخبطة كانت قوية وسريعة.

كلارا جريت على الباب وبصت من العين السحرية لقت المدير اللي شافته في البنك واقف بره بس مكنش لوحده كان معاه اتنين لابسين بدلات سودة ونضارات وشكلهم ملوش علاقة بموظفين البنك.

​المدير اتكلم بصوت واطي ومن ورا الباب:

مدام كلارا.

افتحي بسرعة.

إحنا عرفنا إن جالك مكالمة.

الفندق مابقاش أمان والناس اللي كلموكي دول مبيستنوش كتير.

لازم نتحرك حالاً!

​كلارا سألت بصوت مخنوق:

أروح فين؟

أنا مش واثقة في حد!

​المدير رد عليها بجملة واحدة خلت قلبها يقف:

إستيبان قالي قبل ما يموت.

لو سألتك قوليلها (الحصان الأبيض بياكل العسكري في الخطوة التالتة).

دي شفرتكم يا كلارا صح؟

​كلارا فتحت الباب وهي مذهولة.

دي الجملة اللي جدها كان دايماً بيقولها وهو بيعلمها إزاي تخرج من مأزق في الشطرنج.

المدير

دخل بسرعة وقفل الباب وراه وقالها:

شارك