قصة السوق الفصل الأول 1 كامل | بقلم امانى سيد
تم تحديث الفصل بتاريخ 22 أبريل 2026
كنت ماشيه فى الشارع جايه من السوق وانا شايله طلبات البيت فى عز الشمس بعد ما جوزى رفض يوصلنى بحجه انه بيشتغل وسابنى لواحدى بالشنط التقيله
كملت طريقي وأنا حاسة إن كتفي هيتخلع من تقُل الشنط والعرق غرق هدومي والشمس كانت بتلسع في نفوخي وكأنها بتعاقبني على مشوار السوق ده.
كنت ماشية بكلم نفسي وبقول معلش يا بت أهو شقيان وتعبان في الشغل عشان يجيب لنا لقمة العيش وكنت متمسكة بالأمل ده عشان أقدر أكمل الـ 100 متر اللي فاضلين لحد البيت.
وقفت مكاني والشنط وقعت من إيدي على الأرض وكأن الدنيا وقفت هي كمان.
العربية كانت مركونة على جنب الإزاز مقفول بالمللي عشان التكييف يفضل محبوس جوه وشايفاه.
جوزي الشقيان التعبان اللي مكنش عنده وقت يوصلني عشان شغله.
كان قاعد بكل برود وراسه ميلة ناحية واحدة راكبة جنبه ملامحها كانت مرتاحة ومترطبة بهوا التكييف.
إيده اللي كانت بتتحجج بالمرض والتعب من السواقة كانت بتلعب في شعرها بنعومة وهو بيبتسم لها ابتسامة الحنين اللي نسي يبتسمها في وشي من سنين.
وقدامهم على التابلوه كوبايتين كبار من كافيه مشهور المية المشبرة على الكوبايات من بره كانت باينة من ورا الإزاز وهما ماسكــ,,ـــــين الشاليموه وبيشربوا بمنتهى الروقان والضحك مالي وشهم.
في اللحظة دي حسيت إن الشمس اللي فوق راسي دي مقتولة قدام النــ,,ـــــار اللي ولعت في قلبي.
أنا هنا شايلة الهم وشايلة الطلبات وماشية في المرمطة عشان أوفر له في البيت وهو هناك قاعد في التكييف بيوزع حنانه ومشروباته الباردة على حساب كرامتي وتفاهتي في نظره.
وطيت ببطء لميت الشنط اللي اتفتحت في الأرض ودموعي نزلت اختلطت بالعرق
قعدو وداد على الرصيف
بصت وداد لمجدي تاني العربية اتحركت بهدوء ومجدي مابصش ورا ولا حتى حاول ينزل يشيل معاها الشنط اللي اترمت على الرصيف.
مشي وسابها في عز الظهيرة بتواجه مصيرها لوحدها وكأنها كانت مجرد خيال مر من جنبه وهو مبيعرفوش.
وداد حست إن الأرض بتلف بيها القوة اللي كانت شاحنة بيها نفسها قدامه انهدت زي بيت رمل.
قعدت على الرصيف حرفياً في قلب التراب ودفــ,,ـــــنت وشها بين إيدها وانفجرت في عياط مكتوم وهستيري.
صرخة صامتة طالعة من جدران قلبها اللي اتشرخ.
يا قهرتي.
يا قهرتي عليكي يا وداد.
العمر اللي راح في خدمة واحد محسش بيا وأنا بتشوي في الشمس وهو بيضحك جوه التكييف؟
يا رخصي عندك يا مجدي.
يا رخصي!
قراءة قصة السوق الفصل الثاني 2 كامل | بقلم امانى سيد
تابع كل التطورات في قصة السوق الفصل الأول 1 كامل عبر الفصل التالي.
أعمال امانى سيد الأدبية
استمتع بقراءة أعمال امانى سيد الأدبية الكاملة بدون حذف.
