رواية قيد من سلاسل ذهب الفصل الرابع 4 كامل | بقلم اماني سيد
رواية قيد من سلاسل ذهب الفصل الرابع 4 هى رواية من كتابة اماني سيد رواية
قيد من سلاسل ذهب الفصل الرابع 4 صدر لاول مرة على موقع و تطبيق حكايتنا حكاية رواية قيد من سلاسل ذهب الفصل الرابع 4 حقق
تفاعل كبير على ال لذلك سنعرض لكم
رواية
قيد من سلاسل ذهب الفصل الرابع 4
قيد من سلاسل ذهب الفصل
الرابع
جلس زياد مع ميرنا وقت طويل وتبادلوا أرقام الهواتف وبعدها ذهب زياد للمنزل، ولم يجد ولاده ذهب للبحث عنهم عند وسيلة لكن لم يجدهم ووجد وسيلة تباشر أعمال المنزل تحدث زياد إليها مستفهما.
-وسيله الولاد فين، أجابته وسيلة دون النظر اليه
- غادة أخدت ولادها وطلعت، غادر زياد بمجرد سماعه وصول غادة وصعد مباشره إلى منزلها وطرق على الباب وفتحت غادة له الباب وكانت مازالت ترتدي ملابس العمل.
- ممكن أفهم إيه إللى أنتِ عملتيه ده.
غادة باستغراب:
- عملت ايه يعنى وبعدين أنت مالك فى اللى أعمله أصلاً.
زياد:
- استأذنتى من مين وقولتي إنك تنزلى تشتغلى.
غادة:
- من نفسى مش من حد فكرت وقررت ونفذت أنت أيه مشكلتك.
زياد بعصبية:
- مش أنا سبق وقلتلك أنا متكفل بيكم، ردت عليه غادة بتهكم وقالت.
- بصفتك أيه إن شاء الله أنت حيالله طليقى ولادك ملزمين منك، إنما أنا لأ وياريت يا زياد ملكش دعوة بتصرفاتى وولادك هيكونوا قاعدين معاك تحت لحد ماجى أنت كده كده أجازة.
زياد بدهشة:
- وأمك موافقة على إللى بتعمليه ده.
غادة بهدوء:
- جداً دى هى إللى بتشجعنى عليه اطلع انت منها بس، خرج زياد من عند غادة وهو مستشيط غضباً وظل يحدث نفسه
- " هى حرة تعمل اللى هى عايزاه واحدة بارده زى دى أصلاً مين هيبصلها، أنا غلطان لأنى فكرت أريحها أصلاً هى ماتستهلش يلا خليها تعمل إللى هى عايزاه .
مر اليوم والجميع يباشر مسئولياته إلى أن أتى المساء واجتمع الجميع في منزل الحاج جلال منتظرين قدوم ماجد الذى ابلغهم بضرورة أنتظاره
كان الجميع يتهامسون عن المفاجأة التي وعدهم بها إلى أن أتى ماجد، ولم يكن بمفرده كان معه فتاة ترتدى فستان سهرة من اللون الابيض مطرز بالكامل وتضع الكثير من مستحضرات التجميل وتركت شعرها الطويل خلف ظهرها، نظر لها الجميع بتعجب من تلك التى أتى بها ماجد سأله الحاج جلال بتعجب وتوجس.
- مين دى يا ماجد وفين المفاجأة، نظر إلى أبيه وقال.
- دى المفاجأة يا بابا انا اتجوزت!
شهق الجميع وكانت الصدمه مرسومه على وجوههم وخاصة من تلك الفتاة التى ظلمتها الايام، اقتربت منه وسيلة وكانت تنظر ليده المحيطه بخصر الفتاة والدموع متحجره بعينيها.
- قول إنك بتهزر يا ماجد صح أنت بتهزر، نظر لها ماجد بملل وقال.
- ها ابتدى بقى فقرة النكد بقولك أيه أنا عريس ومش طالبه معايا نكد أنا عايز افرح.
وسيلة:
- لالالا أكيد أنت مش بجح للدرجادى وبتتجوز عليا وداخل بيها عليا وأنت فرحان وبتفاجئنا من غير حتى متراعى شعورى طيب أنا مفكرتش لحظة واحدة فيا.
تحدث ماجد باستهزاء:
- أه طبعا فكرت فيكى يا وسيلة وهتفضلى قاعدة عند أمى خدامة ليها ولخواتى وأنا هقعد بعروستى فى الشقة فوق، صدمت وسيلة من حديثه كيف لإنسان أن يكون بتلك البشاعة.
- أنت إنسان حقير وبشع قالتها وسيلة بقهر
اقترب منها ماجد وقام بصفعها مرتين، وبعدها تقدم حمدى وزياد حاولوا منعه من الهجوم عليها مرة أخرى.
أتت غادة ورأت ما يحدث ووجدت وسيلة ملقاه على الأرض، أقتربت منها وقامت بضمها وسألت غادة عن السبب سردت لها نورا ما حدث بشكل مختصر، ضمت غادة وسيلة لصدرها وظلت تمسد عليها، احست وسيلة بالأطمئنان من وجود غادة.
اقتربت منها الحاجة فاطمة وتحدثت بنبره صارمة
- خلاص يا وسيلة كفايه دراما روحى اوضة ماجد القديمة ووضبيها ونامى فيها.
وبعدها ونظرت لماجد وقالت:
مين دى يا ماجد ومقولتلناش ليه يابنى، نظرت وسيلة باستغراب، هل حقاً هم إناس لا يشعرون أم هى من أتت من عالم آخر، نظرت نورا أيضاً باندهاش من حديث حماتها هى تعلم جيداً قسوتها وتعلم كيف تتعامل معها، لكن لم تتوقع أن تصل القسوة لذلك الحد نظرت لهم باشمئزاز والتزمت الصمت فوسيلة هى من رضيت بذلك الأمر من البداية عليها أن تتحمل عواقبه.
اثار حديث الحاجة فاطمة غضب وسيلة وقررت عدم الصمت مرة أخرى.
- أنا عايزة أفهم أنتوا جنس ملتكم أيه أنتوا من غير ملة أصلاً، قوضة مين إللى اقعد فيها اوضة أبنك القديمه وشقتى إللى فيها عفشى وحاجتى تيجى واحدة تانيه تاخدهم على الجاهز أنتى حتى ماطمرش فيكى خدمتى ليكى طول الفترة إللى فاتت أنا إللى غلطانه من الاول إنى رضيت أكمل مع أشباه الرجالة ده.
نظرت وسيلة لماجد وتحدثت بقوة شديدة لأول
مرة:
- طلقنى يا ماجد لو أنت راجل طلقنى حاول ماجد الهجوم عليها مرة أخرى، لكن كان زياد متحكم به بشكل كبير فزياد يفوق ماجد جسديا تحدث الحاج جلال محاولا تهدئه الأمر.
- أهدى يا وسيلة يا بنتى أنا ميرضنيش إللى بيحصل ده وانت يا ماجد طلق إللى منعرفش أنت جبتهلنا منين دى ورجعها لاهلها ده لو ليها أهل أصلاً وراضى مراتك.
ماجد:
- أنا أسف يا يابابا مش هعمل كده ودى تبقى شوشو أخت واحد صحبى وأنا بحبها ومش هسيبها
تحدثت وسيلة بتريقة.
- طيب يا حبيب طلقنى بقى وخليك راجل عشان أنا بقيت قرفانه منك، وصدقنى دى فعلاً إللى تليق بيك
تحدث ماجد محاولا إغاظة وسيلة لعدم معرفة النيل منها.
- طيب أنتِ طالق يا وسيلة وهتطلعى من هنا بالجلبيه إللى عليكى دى، وروحى بقى خلى الشارع يلمك لم تستطع غاده تمالك نفسها.
- تصدق إنك واطى وعرة الرجالة، وغلط إللى سماك راجل فى البطاقة، تحدث جلال محاولاً منع ماجد مما يفعله.
- أهدى يا ماجد أيه إللى بتقوله ده عايز ترمى مراتك فى الشارع بهدومها، تحدثت وسيلة بتريقة.
- معلش أصل النخوة والمرجلة بتجرى في دمه حاضر يا عرة الرجاله هخرج بجلبيتى من بيتك عشان أخلى الحارة كلها تشهد على رجولتك قالتها باستهزاء حاول حمدى التدخل ومنعها هو وزياد ولكنها صممت على رأيها.
لم تستطع الحاجة فاطمة فعل شئ فـ الصدمة الجمت لسانها خرجت وسيلة بملابس البيت وخرجت ورائها مسرعة تحدثت وسيلة بزعل.
- غادة لو سمحتي سبينى.
غادة بأنسانية:
- يابنتى اهدى الشارع كله سمع اللى حصل وبكرا فضيحته هتبقى على كل لسان، أنا جايه أديكى عنوان ماما ورقم تليفونها روحيلها وأنا بكره هجيلك هناك الصبح.
وسيلة بزعل:
- معلش يا غادة مش عايزه اتقل على حد.
- بس يا عبيطة دى ماما هتفرح بيكى قوى هى قاعدة مع أختى وبيتها مش بعيد بعدينا بشارعين يلا عشان الوقت أتاخر، تكلمت وسيلة بأستحياء وقالت.
- طيب كلميها عرفيها
- حاضر
قامت غادة بالاتصال بوالدتها و قصت لها ماحدث باختصار ورحبت بيها والدة غادة، ذهبت وسيلة لمنزل الحاجه مهره، واستقبلتها الحاجه مهره بترحاب شديد وقامت بتحضير العشاء ووضعه أمامها رفضت وسيلة تناول الطعام.
شعرت الحاجة مهرة بالأسف تجاه وسيلة وحاولت التحدث معها واشغالها عن ما تشعر به.
-طيب قلة الأكل دى مش هتنفعك بحاجة غير إنك بتيجى على نفسك.
وسيلة بحزن:
- صدقيني يا حاجه مهرة ماليش نفس أنا عارفة أنى تقلت عليكى بس يعنى كام يوم كده لحد ما اظبط امورى وأشوف أى شغلانه.
- عيب عليكى يا وسيلة لما تقولى كده هو أنا شيلاكى على رأسى أنا عايزاكى تشوفى مستقبلك إنتى لسه صغيرة وبطولك والعمر قدامك طويل
كلى معايا لقمة عشان يبقى عيش وملح وأدخلى نامى وهجبلك لبس من عند تغريد أنتوا تقريباً نفس المقاس وبكره نتكلم ونشوف إنتى ناويه على ايه وأنا معاكى..
(
قراءة رواية قيد من سلاسل ذهب الفصل الخامس 5 كامل | بقلم اماني سيد
لا تضيع الأحداث القادمة من رواية قيد من سلاسل ذهب الفصل الرابع 4 كامل – اقرأ الفصل التالي.
قراءة رواية قيد من سلاسل ذهب كاملة
كل ما تبحث عنه من فصول رواية قيد من سلاسل ذهب متوفر هنا بشكل منظم.
روايات اماني سيد كاملة أون لاين
اقرأ أجمل روايات اماني سيد الكاملة بسهولة.
