رواية مرات ياسين الزين تمارا ويس الفصل السادس 6 كامل | بقلم نسمة مالك
بس غصب عنى قلبى بيوجعنى على بعدهم عننا..
وخصوصا بنت الغالين تمارا..
من بعد موت ابنى ومراته الله يرحمهم وهى منوره حياتنا..
سماسم :وهيفضلو منورين حياتنا يا اخويا..
بس دى سنه الحياه خلينا نطمن عليهم مع رجاله تصنهم.. طوله العمر ليك يااخويا احنا مش هنعشلهم العمر كله..
صمتت قليلا واكملت بعتاب..
وبعدين قولتلك ميت مره عبد الرحمن مامتش..
ابنى شهيد..
والشهيد بيكون عايش فى الجنه عند ربنا..
ابنى بطل يا ابراهيم..
لمعت عيونها بالدموع واكملت..
فى الجنه ونعمها يا قلب امك..
شردت قليلا متذكره يوم وفاه ابنها..
فلاش بااااااااااك
عبد الرحمن:امه يااااااامه اصحى ياست الكل..
لميتى حضرت الغدا وانا مستنيكى اكل معاكى وانزل اصلى العصر فاضلو نص ساعه..
سماسم:تعالى ياقلب امك انا صاحيه..
وبعدين انت عايز تفهمنى انك سبت مراتك تحضر الاكل..
انا قولت هنتغدا العشا على ما تبطلو جرى ورا بعض..
نظرت له واكملت بتعقل..
يابنى قولتلك ليكو اوضه اخفو فيها اعملو ما بدلكو..
عينى برده عليكو يا ضنايا..
ربنا يسعدكو بحق جاه النبى محمد..
عبد الرحمن:يارب ياامه ربنا يباركلنا فى عمرك ياست الكل.. وتجوزى تمارا وتشوفى ولاد ولادها كمان..
وبعدين يا امه انا بجرى ورا لميتى علشانك انت..
سماسم:بستغراب..عشانى!!
عبظ الرحمن:بعبث.. مش انتى عايزه اخ لتماره..
حركت راسها بنعم..
اكمل هو بشقاوه..
يبقى سبينى بقى اجرى براحتى..
اثناء حديثهم دخلت خبطت زوجته ودخلت..
وتحدثت برقتها المعهوده..
لميا:امه الاكل جاهز اجيبو عندك..
نظرت لزوجها..
الاكل جهز يا عبودى..
سماسم:بلويه فم.. ونبى ممحونه..
يابت بطلى سهوكه فرحانه وانا بقفشكو كل شويه وهو زنقك وهريكى بوس..
يله قدامى انتى وهو خلينا ناكل لقمه علشان تلحق تصلى جماعه فى الجامع يا عبودها..
جلسو سويا وتناولو الغداء..
انهت سماسم طعامها واتجهت للحمام..
عبد الرحمن :الحمد لله تسلم ايدك يا قلب عبودك..
انهى حديثه وجذبها داخل حضنه يقبلها بنهم..حاولت هى الفرار من بين يديه بخجل..
تحدث هو بعبث..
استنى بس انا ببوس شكر وتقدير يا لميتى..
لميا:بخجل..بس بقى ياعبودى امك هتخرج من الحمام وتقفشنا..
سماسم:خلصو بوس ولمى الاكل يا ممحنونه..
وانت قوم فز اتوضى وعلى الجامع..
وسبها تخلص اللى ورها وتريحلها شويه..
علشان تبقى فيقالك لما ترجعلها ان شاء الله بليل..
انا عايزه اخ للبت ياواد انت وهى..
ولا اخرك بوس بس يا واد..
عبد الرحمن:فشر ابنك راجل من ضهر راجل ياامه..
حتى اسألى لميتى..
انا هنزل اتوضى فى الجامع يادوب الحق..
خلى بالكو من نفسكو..
لميا:بقلق..انت اللى خلى بالك من نفسك يا عبد الرحمن.. قلبى مبقوض ياعبدو ماتصلى هنا وتأمنا انا وامك..
سماسم:سبيه يابت يصلى فى الجامع..
خليه يأذن..
يله يا واد اتكل على الله قلبى بيفرح لما بسمع صوتك فى الاذان..
مع السلامه يا ضنايا قلبى راضى عنك يا عبدو..
لميا:هشيل الاكل يا امه واصبن المواعين على ما عبدو يأذن واتوضى واصلى معاكى استنينى..
سماسم:بستغراب..بت يا لميا كنتى بتقوليلى يا ماما زى ليلى بقيتى تقولى يا امه ليه..
لميا:بحب..بقولك زى عبدو يا امه..
انا بحب اعمل زى عبدو واقول زيه اى حاجه..
يأمه ربنا يباركلى فيه واموت قبل ما اشوف فى اى شر يارب..
سماسم:طب يله يا ضنايا عبدو خلص اذان اهو اتوضى وتعالى..
اتجهت لميا وتوضئت سريعا..
ركضت للخارج حينمها سمعت سماسم تتحدث بفزع..
لميا بت يا لميا ايه الصوت اللى بره دا..
لميا:مش عارفه يا امه استر يارب..
استنى البس اسدال الصلاه واشوف من البلكونه انا اتوضيت الحمد لله..
أرتدت اسدالها سريعا وركضت للبلكونه لتنصدم مما رات وتتحدث بصراخ ورعب..
الحقى يأمه الناس بتجرى من الجامع بيقولو الميه بتكهرب وهما بيتوضو..
عبدو مخرجش معاهم يامه هنزل اشوفه..
ركضت بكل سرعتها حتى وقفت امام باب الجامع..
تصرخ بعلو صوتها على زوجها..
عبدو يا عبدو..
وجهت نظرها للواقفين وتحدثت بغضب وبكاء..
حد يدخل من الرجاله الواقفه دى يشوف الناس اللى جوه.. انتو بتتفرجو على ايه..
لكنهم ظلو واقفين..
وبلحظه كانت ركضت هى للداخل تبحث عن زوجها بقلب يحترق..
صرخت بعنف عندما وجدته ملقى على الارض ينازع الموت صعقا بالكهرباء..
يا عبدووووو..
عبد الرحمن..
عاااااااااااااا عبدو..
راجل كبير:اوعى تلمسيه يابنتى هتتكهربى معاه هو كان بيساعد اللى اتكهربو والكهربا مسكتو معاهم ابعدى يابنتى الميه اللى فى الارض بتكهرب..
لميا:ابعد عن طريقى انا مش هسيبه عبدالرحمااااااااان..
نهايه الفلاش باااااااااااك
سماسم:ببكاء..عرفت ان ابنى بطل..
وشهيد كمان..
كان بيساعد اللى اتكهربو..
قلب امه وهو على وضو ولميا ضى عينى كانت متوضيه هى كمان..
ومطلعتش تجرى زى الرجاله الورق اللى كانو واقفين..
فى الجنه يا ولاد قلبى..
ابراهيم:بغصه مريره..هونى على نفسك يا ام عبدو..
اراده ربك الحمد لله على كل حال..
بس تعالى هنا ايه اللى عملتيه فى ياسين دا ياوليه..
هو عيل صغير تشديه من ودنه هههههههههههه
وعماله تتوهى و مقولتيش برضو عمل ايه..
^^^^^^^^^^^^^^^^^^
تمارا:بفرحه عارمه.. يا احلى خبر فى عمرى..
انا وانتى هنتجوز مع بعض يا عمتو..
وقفت تتمايل بالرقص وتغنى بهيام..
ودونى على بيت حبيبى نعيش مع بعض ونبوس بعض فى..
ركضت على ليلى واحتضنتها واكملت..
شوفتى يا عمتو ياسو كان لابس ايه..
هييييييح بقى..
انا فصصته حته حته يا عمتو ..
حتى شوفت الفانله الرمادى اللى لابسها تحت القميص الابيض..
والشراب الاسود واااااو كلو يجنن يا عمتو..
ابتعدت عن ليلى وضعت اصابعها اسفل ذقنها وحدثت نفسها بعبوس..
بس مضيقه علشان مشوفتش لون البوكسر..
ياترى لونه ايه..
صمتت قليلا وتحدثت بزهول..
احييييه ايه اللى انا بقوله دا..
وجهت نظرها لعمتها..
عمتو.. عمتو ردى عليا..
بقالى ساعه بكلمك سرحانه فى ايه..
وشكلك زعلان ليه..
ليلى:مش زعلانه حبيبتى انا فرحانه بيكى..
هشوفك احلى عروسه ان شاء الله..
بس مش متخيله انى اتجوز بعد قاسم الله يرحمه..
معقول حد يحبنى اد ما هو حبنى..
قاسم كان ونعمه الزوج خايفه من نفسى اقارن بين اللى هعيشه مع معتز لو حصل نصيب وبين اللى عشته مع قاسم اللى عمره ما زعلنى..
عارفه يعنى ايه راجل بيعمل المستحيل علشان يفرحنى..
صمتت فجأه وأكملت بعدم تصديق موجه حديثها لتمارا التى تستمع لها بتأثر..
تى تى انتى قولتى انتى مضيقه علشان مشوفتيش بوكسر يس ولا انا سمعت غلط؟؟؟!!!
تمارا:بجديه مصتنعه..ياعمتو انا كنت عايزه اطمن بس انو بيلبس بوكسر قطونيل..
خايفه يكون بيلبس سلب من الابيض دول تبقى وقعه كلوت اخىىىىى..
اتسعت عين ليلى بزهول مقارب للجنون..
وبلحظه..
كانت هبت فجاه تركض خلف تمارا التى فرت سريعا من امامها..
لتجلب ليلى الكثير من الأحذيه واستعدت للتنشين عليها..
لتتحدث تمارا بصراخ..
اهدى بقى هتفضلى تجرى ورايا كده كتير..
ليلى:وهى تلقى عليها الأحذيه واحد تلو الأخر..
وانتى اللى يتكلم معاكى يهدى برضو..
انتى يابت انتى بتجيبى الكلام دا منين..
اكملت بجنون..
سلب !!؟؟..
سلب يالهوى عليكى وعلى دماغك المخرومه دى..
ياسين الزين هيلبس سلب ابيض..
وبعدين انتى مالك يا قليله الادب انتى يلبس ولا ميلبسش حتى ها يابت..
نهت حديثها والقتها بأخر حذاء التى تتفاداهم تمارا بمهاره..
سماسم:بغيظ وتشجيع..نشنى عليها يابت يا ليلى..
مش قادره اقوم اجرى وراها بنت الكلب دى..
اكملت بسخريه..
مؤدبه اوى اصما لله عليكى وبتقولى سليب..
نظرت لها بتمعن واكملت بستفزاز..
لا بقى اسمه لابااااس..
رفعت يدها ودعت من صميم قلبها..
اللهى يا تمارا يا بنت لميا يسعد قلبك ياسين ابن همت ويهنيكى ويكون مبيلبش غير اللباس الابيض اللى مش عجبك دا ومبيرتحش غير فى لبسه ها بس..
تمارا:بفزع.. عاااااااااا حرام عليكى يا تيته..
كنتى كملتى الدعوه حلو..
انا كده هعملو كشف بوكسر..
وبعدين ياعمتو عيب تقولى يلبس ولا ميلبس..
اكملت ببلاهه..
تخيلى مبيلبس بوكسر تحت البنطلون والسوسته هوب تقوم طاقه فى مره هييييييح..
اتسعت عين ليلى وسماسم بزهول مقارب للجنون..
وتوردت وجنتيهم بشده..
سماسم:بغضب عارم..هاتى السكينه من المطبخ يا ليلى.. هموتك يابنت الكلب انهارده يا ام عيار فالت..
ليلى:بغيظ..موتيها ياماما على ما اروح الشركه اطمن على الشغل واجى ادفنها انا..
همت بالخروج من المنزل واكملت بستعجال..
قراءة رواية مرات ياسين الزين تمارا ويس الفصل السابع 7 كامل | بقلم نسمة مالك
تابع أحداث رواية مرات ياسين الزين تمارا ويس الفصل السادس 6 كامل لحظة بلحظة في الفصل التالي.
رواية مرات ياسين الزين كاملة بجميع تفاصيلها
اقرأ جميع فصول مرات ياسين الزين مرتبة بطريقة مريحة.
روايات نسمة مالك أون لاين
تابع جميع أعمال نسمة مالك من الروايات الكاملة.
