عندما تعود الغيرة أقوى من العقل، ويظهر شخص جديد في حياة ريم، يجد رحيم نفسه أمام اختبار صعب بين حبه وكبريائه… فهل ينتصر القلب أم الكرامة؟
رواية عهد رحيم بقلم ديدا الشهاوي
رحيم نزل بسرعه لعربيته عشان يشوف موضوع المكالمه لاقي ريم بتخبط علي ازاز العربيه فتحلها الباب وركبت والاتنين مش بيبصوا لبعض
رحيم.. مكنش في داعي تجي وتتعبي نفسك
ريم.. لا في داعي عشان اطمن علي ماما ااقصد. طنط كريمه🤭
رحيم.. بنظره حاده ماشي ياطنط واتحرك فجاءه بالعربيه
وريم ..في غضب براحه شوي سوقتك بقت زفت ليه
رحيم ..وهو بيتحرك معلش مكنتش اعرف الكونتيسه هتركب كنت خدت كورسات سواقه😏
ريم.. رحيم هنزل والله....بطل اسلوبك دا خلينا نطمن.. مين اللي كلمك وعاوز اي
رحيم.. واحد كلمني سواق تاكسي بيقول في ست ركبت معاه ووصلها مشوارين ولما جات تحاسبه مكنتش مركزه وكأنها تعبانه
وحسبته وهو لما بيشوف الفلوس لاقي بطاقتها وورقه فيها عنواني ورقم موبيلي
ريم...ورحيم بيحكلها علي،المكالمه،افتكرت
.....فلاش باك
والده ريم....ريم .ريم اصحي يابنتي في ضيفه عوزاكي
ريم......ايوه ياماما سيبني نايمه
والده ريم....يابنتي عيب ام رحيم بره وعاوزه تشوفك ضروري وشكلها مش طبيعي
ريم..قامت اتنفضت مين .. عاوزه اي دي ..خلاص هقوم اشوفها
ريم قامت جهزت وطلعت تستقبل والده رحيم
ريم.... اهلا ياطنط..ازيك اتفضلي ارتاحي
كريمه.....عامله اي ياريم
ريم.... الحمد لله..بخير وبقيت احسن.. احسن كتير..نست ريم نفسها لثواني وسالت علي رحيم بلهفه
ريم....رحيم اخباره اي
كريمه.. وهي ندمانه انها حرمتهم من بعض رغم حبهم الواضح واللي ريم بتخبيه...بس لهفتها عليه بتفضحها
كريمه.... بخير يابنتي...... ريم انا عارفه انك مستغربه زيارتي ليكي بعد موضوع الطلاق ..بس انا جاي اخلص زمتي ادام ربنا وادمك واعترف لكي بكل حاجه وايه اللي عملته في حقك وحق رحيم
ريم.....بدأت تسمع في ذهول وانهيار وبكي من اللي سمعته واد ايه الظلم اللي شافته منهم وكأنه بيتعاد تاني ادامه وقامت فجأه......وبعدين
كريمه...قامت وواجهت ريم وجات تحط ايدها الاتنين علي اكتاف ريم. .. بحركه لا أراديه أقشعرت ريم ونزلت ايد كريمه عنها.. ولفت وادتها ظهرها
كريمه...ريم انا جايه عشان تسامحيني عارفه اني اللي عملته ميشفعش.ليا عندكم بس ادوني فرصه وانا أصلح كل دا
ريم...تصلحي اي بالضبط..ابنك اللي مهنش عليه يعتزر ويقولي حقك عليا...ولا تصلحي نفسك ..ولا اي فهميني___
انا عملت فيكوا ايه عشان تهينوا فيا كده انا بنت ناس مش من الشارع ياطنط ولا نسيتي موضوع اغسليلي رجلي .
.عمري ماهسامحكم. ... فاهمه عمري ماهسامحكم انتي وابنك قضيتوا عليا انتي بتسلطك وابنك بضعفه وظلمه علي طول ليا .. ابنك جاحد وقاسي ازيك
كريمه.. عشان خاطري ياريم
ريم ..المقابله انتهت مدام كريمه
خرجت كريمه منهاره من البكاء وركبت التاكسي
.....بااااك
انتبهت ريم لرحيم وهو بيندهه عليها ..
رحيم...ريم ...رريم ..ررريم
ريم..ايوه ايوه سمعت
رحيم..بتزعقي ليه انا مش ناقص قرف
ريم... وهي بتفكر في المقابله واد اي كانت معاملتها وحشه لست كريمه وخافت تكون هي السبب .
ريم....رحيم من فضلك بص ادامك ومتتكلمش معايا نص كلمه لغايه مانعرف طريق طنط كريمه والا هصوت والم عليك الدنيا واقول انك خطفني 😳
رحيم.. بصلها بغضب ورجع بص ادامه..وساعتها فونه رن كان ادهم..الو رحيم مش لاقي امك والله ماهرحمك لو جرا ليها حاجه
رحيم.. انت فين يا زفت
ادهم ... علي دماغك كلمني عدل__ بجح وانت السبب في اللي احنا فيه وليك عين تتكلم
رحيم.....اقف استناني هجيلك
رحيم وصل لمكان ادهم وادهم وهو بيبص لعربيه رحيم ..العربيه وقفت وادهم ركب ورا عشان ريم راكبه جنب رحيم وهو مكنش طايق رحيم اصلا ولو حكمت كان ولع فيه
ادهم.....انت رايح تسأل علي امك ولا رايح تتدلع وتتفسح
رحيم....ادهم انا ساكتلك عشان الظروف اللي احنا فيها .
ادهم كان هيتخانق مع رحيم في الكلام. ريم ..فجاءه
ريم..وبعدين منك ليه هو احنا هنتخانق ونسيب الأهم .ماما كريمه
رحيم.... انتبه هو في اي ولا في اي و انبسط من جواه انها رجعت تقول ماما والتفت لسواقته وحكي لادهم موضوع المكالمه وادهم متحمس يوصل لسواق التاكسي عشان امه
وهو سايق وريم جنبه ..اتنين جنبهم بعربيه بس مزز معدين جنب ريم بيعكسوها..
شاب الاول ...ياقمر ولااااا ااا. شوفت القمر يطلع الصبح
شاب التاني .. ياقمر تعالي ياقمر احنا احسن من غيرنا
خجلت ريم من معكستهم ...ووبصت ادمها ...فجأه لاقيت ازاز العربيه اتقفل والعربيه سرعت
ريم. رحيم افتح ازاز العربيه بتخنق
رحيم.... بتتخنقي ولا مبسوطه من المعاكسه
ادهم..... مش طاقيهم الصراحه وعوج بوزه 😏وبص ناحيه ازاز العربيه ..(ولا انا ... واكيد انتم كمان عشان مش وقته بس الحب ياساده )
ريم.. وهي بصه لرحيم بغضب كلمه زياده هنزل من العربيه
وهبقي اطمن من ادهم علي ماما كريمه
ادهم.. وبعدين بقي اخلصوا في يومكم دا
رحيم سكت والتفت للسواقه لغايه ماوصل لمكان السواق ونزلوا التلاته من العربيه .
.بصراحه ريم فعلا كانت زي القمر اول مانزلت من العربيه في منطقه الشعبيه مكان السواق التاكسي ..لفتت انظار الكل وطبعا عمنا رحيم بيغلي من جوه وادهم الود وده يموتهم الاتنين...
رن رحيم علي رقم السواق اللي كلمه منه وفعلا قابله ...
رحيم... انت السواق اللي كلمتني
سواق التاكسي.. ايوه ياباشا. انا كنت بوصل ست كبيره واتفقت معايا اوصلها لمشوارين..ولما جيت احسابها مكنتش سماعني خالص وكانت هتمشي من غير حسابي ولما ندهت عليها طلعت كل حاجتها وعلي ماجيت اعد الايراد اخر النهار لاقيت البطاقه الشخصيه دي وورقه معاهم فيها عنوان والرقم اللي كلمتك منه
رحيم.خد البطاقه.. فعلا امه والسواق مكدبش وشاف الورقه لاقي عنوانه ورقم موبيله
رحيم ..متعرفش راحت فين بعد كده .. او قالتلك في اتفاقها انها هتروح في حته تانيه غير العنوانين دول
سواق التاكسي.... الامانه لا ياباشا ..لما راحت العنوان ونزلت من عنوان البيت دا نزلت بتعيط وعينها كلها دموع مكنش حالها زي ماطلعت كأنها اتبدلت..وركبت ولا هي سمعاني ولا شيفاني كأنها في ملكوت تاني
رحيم.. طب هي نزلت فين بالضبط .. لأننا احنا اولادها وهي مرجعتش من امبارح.. وبندور عليها ..
سواق التاكسي عرف المكان اللي نزلت فيه كريمه ورحيم شكره ولو افتكر حاجه يبلغه بيها
رحيم.. شكرا يااسطي ولو افتكرت حاجه عرفني
السواق .. من عنيا يابيه .. يارب تعتطروا فيها الله يجازي اللي كان السبب في شقلبه حال الست كدا
السواق كان بيدعي وهما بيركبوا العربيه وهو السواق بيدعي
ادهم.. يارب ... ربنا علي الظالم والمفتري
كمل رحيم طريقه .وهو من جواه خجلان وقلقان من اللي عمله في امه ومش هيسامح نفسه لو حصلها حاجه
وريم.. نفس حال رحيم ..خجلانه وقلقانه لو حصل حاجه هتكون هي السبب
رحيم وقف.. فجاءه..
رحيم.. طب المشوار الاول كان اي ياادهم
ادهم.. معرفش هي سألت علي عنوانك وانا ادتهولها
ليكون رجعت للمكان اللي رحتله الاول
ريم.. علي اساس عرفت المشوار التاني ..
رحيم.. ايوه كانت عندي
ادهم.. امي كانت عند البيه واكيد زعلها عشان كده كان حالها والله يارحيم ماهسيبك
رحيم.. حسابك بعدين المهم نعرف كانت فين قبلي
ريم ... بصوت خجل وحزن ...كااااانت عندي
رحيم وادهم في صوت واحد....اي
ريم.. جاتلي حكتلي علي كل حاجه حصلت منها وانا عملتها وحش ...انا مش هسامح نفسي لو انا السبب
رحيم.. مش انتي لوحدك لزعلتيها انا كمان كنت قاسي معاها
وهنا
ادهم وقف دا المكان اللي السواق قال عليه
نزلوا التلاته من العربيه وبداو يدوروا عليها ورحيم يسأل المحلات والكافيهات...ويوريهم صورتها في البطاقه لكن مافيش امل وبدأو ييأسوا انهم يلاقيها وخوفهم كبر ان يكون حصلها حاجه ومش عارفين يوصلولها
ركبوا العربيه.. ورحيم قبل مايركب دخل سوبر ماركت يشتري مايه وورا البطاقه لبائع فيه هنا ركز
.. البائع.. ايوه انا شوفتها امبارح كانت تعبانه وعاوزه ترتاح علي الكرسي شويه دخلت اجبلها حاجه من المحل تكلها لانها كانت شكلها يصعب علي الواحد
هنا رحيم قلبه وجعه اوي وركب عربيته وهو منهار
ريم..مالك رحيم كنت بتتكلم كتير مع الولد في السوبر ماركت ليه
رحيم..شاف ماما بس ميعرفش راحت فين
ادهم وهو راكب العربيه وبيتفقد الشوارع والعربيه ماشيه فجاءه
ادهم.... رحيم .. ووقف.. انا عرفت ماما فين
يتبع
الحمد لله الست كريمه لاقوها بكره هنعرف كانت فين واي اللي حصلها
16
ادهم... رحيم وقف هنا من فضلك ..انا عرفت ماما فين
رحيم ...لماسمع كلام ادهم فرمل العربيه فجاءه والتفت هو ريم وفي نفس واحد.. فين انطق بسرعه
نزلوا التلاته من العربيه ....
ادهم.. المنطقه وشوارعها انا جيت هنا مع ماما قبل كده انا افتكرت حالا ..
ريم.. ليكوا قرايب هنا ولا اي
ادهم..لا هنا مدافن عيلتنا
رحيم.. لا مدافن والدنا مش هنا ...
ادهم..لا مدافن جدك والد امنا هنا .. رحيم افتكر
رحيم.. واي اللي هيجبها هنا وانت اش عرفك انها هتروح هنا ومرحتش عند مدافن بابا ليه
ادهم.. عشان جدي الله يرحمه هو الوحيد اللي بتضعف امنا ادامه وكانت ماما تاخدني معاها وتقعد ادام قبره وبشوفها وحده تانيه خالص احسن من اللي موجوده في البيت ماما ادام قبر ابوها بتبقي الام اللي بنتمناها .
رحيم.. تقصد .......
ادهم... ماما من زمان لما كانت تزعل مننا او من بابا كانت بتجي هنا تعيط وتشتكي والدها لغايه ماترتاح وتروح وترجع اقوي من الاول
ريم..مستغربه وفي نفسها ياجبروت الست دي
رحيم ..بتقولي حاجه
ريم لا يلا لسه هنتكلم
..وفعلا مشيوا علي رجليهم وبقوا يسألوا علي (مدافن الشهاوي ) وفعلا لقوا المدافن واول مادخلوا قلب رحيم اتقبض وخاف علي امه المدافن مهجوره ومافيش حارس ليها ازي امه تكون هنا من امبارح .. بدوا يدورا وريم خايفه وطول ما هي ماشيه بتقرا الفاتحه للأموات..لغايه ماشردت عنهم وفضلت تدور لغايه مالاقت عند مدفن بعيد فوقه شجره عاليه اوي و ادامه حاجه كأنه ست لابسه اسود
وفجاه
#_فلاش_باك وافتكرت ان كريمه كانت لابسه اسود ...#باااك.جرت بسرعه ناحيه المدفن دا وفعلا اتفاجئت بست مرميه لابسه اسود ادام مدفن ..نزلت ناحيه الست علي ركبها وبترفع وشها ..لاقيتها الست كريمه والمدافن ( محمد الشهاوي )
ريم..ماما ماما فوقي ..ماما ..وصرخت بعزم مافيها الحقوني رحيبيم.. اددددهم ماما هنا....
ادهم ورحيم كانوا ماشين مع بعض واول ماسمعوا صريخ ريم اتخضوا وجريوا بسرعه. وبيدعوا من قلبهم امهم تكون كويسه
وصل رحيم وادهم واتفزعوا من منظر امهم وهي مرميه علي الارض كلها في حاله لايرثي لها ومغمي عليها
رحيم..ماما ..ماما ...سامحيني ياأمي ابوس ايدك فوقي
ادهم .. نزل علي ركبته ووطي وشه عليها وصرخ ..اطلب الاسعاف بسرعه النفس بطيء
اتصل رحيم بالاسعاف واللي جه بسرعه ونقل الست كريمه الي المستشفي ورفض رحيم انه يسبها وركب معاها عربيه الاسعاف وريم تمسكت انه تكون معاهم في الاسعاف
ادهم اخد العربيه وحصلهم علي المستشفي وبلغ اخواته اللي قالبين الدنيا
عربيه الاسعاف وصلت والست كريمه نقلوها علي العنايه .. والكل قلقان وحاله توتر ورحيم في بكاء مستمر وادهم طول الوقت بيآنب رحيم اخوه علي قسوته علي امه اللي خلها كده
رحيم... مش هسامح نفسي لو امي حصلها حاجه
ريم ..وهي حزينه علي حال ومنظر كريمه في المدافن بتواسي رحيم ان شاء الله مامته هتكون بخير... الكل متوتر وفي حاله ترقب خروج الدكتور ليطمنهم عليها...
وفي لحظات الترقب كان خروج الدكتور والكل تجمع حوليه
رحيم.. طمنا عليها يادكتور فيها اي.
الدكتور..متقلقوش الحمد لله الست والدتك هتكون بخير والحمد لله انكم لحقتها من كريزه السكر
الكل.. في نفس واحد سكر 🙄
رحيم ...ماما معندهاش سكر
الدكتور ... السكر في بدايته وهي اظاهر مكنش عندها علم بيه يمكن مع الزعل والحاله النفسيه السيئه ارتفع وعملها غيبوبه سكر والحمد لله انكم لحقتوها
ادهم.. بغضب ونسي نفسه وانه في المستشفي وانقض علي رحيم ومسكه من هدومه انت السبب ...رحيم نزل ايد ادهم وهو مش عارف يرد عليه
الدكتور .. اهدوا ياجماعه الأمر بسيط بالعلاج والاهتمام بصحتها وانكم تهيئوا ليها جو كويس ومتزعلوهاش الأمر هيكون طبيعي
ريم....نقدر نشوفها امتي
الدكتور ..حالا بس مطولوش وياريت مش كلكم في وقت واحد عشان حاله المريضه
ريم شكرت الدكتور__وهدت رحيم واتصلت بوالدها تبلغه وتطمنه عليها وانها ساعه وهتروح لما تطمن علي الست كريمه...
وهنا الممرضه جات وهما في حاله صدمه من كلام الدكتور
الممرضه... مين هنا اسمه رحيم ..المريضه عوزاه طلبته بالاسم
رحيم في خجل وقهر علي حال امه وانه السبب في مرضها وهو قايم يدخلها فجأه لاقي ادهم وقف في طريقه
ادهم...امي لو زعلتها تاني مش هسكت يارحيم
رحيم مهتمش بكلام ادهم لانه عارف اخوه ومدي تعلقه بامه وانه خايف عليها
في خجل خبط باب اوضه امه وفتح الباب ودخل وعينه في الأرض وقرب من كرسي جنب سرير امه وجلس عليه ومسك ايديها في حب وندم وحزن يقبلها
رحيم.. سامحيني ياماما معرفش انا اقولتلك الكلام دا ازي بس اللي اعرفه اني بحبك ومقدرش استغني عنك حبك غريزه جوايا وفراقك هو فراق الحياه عندي سامحيني ياأمي
كريمه بتعب... ارفع راسك و عينك ليا واتكلم براحتك مافيش ام تزعل من اولادها وكمان مزعلاهم يبقي ماليش حق ازعل منك
رحيم.. انسي اللي فات واعملي فيا اللي انت عوزاه المهم تكوني وسطنا مبسوطه وبخير
كريمه..هنبسط لما ترجع لحياتك ومراتك كده هسامح نفسي
وقف رحيم فجاءه وهرب من كلام امه ... ماما الحمد الله انك بخير ولولا سواق التاكسي كلمنا مكناش عرفنا نوصلك ..بس ازي روحتي ازي المدافن البعيده اوي وحالتك كانت وحشه زي مالسواق قال
كريمه... انا محستش بنفسي وفضلت ماشيه لغايه مارجلي وجعتني وحسيت بعطش لاقيت نفسي ادام سوبر ماركت وادامه كرسي قعدت عليه وطلبت من صاحبه ميه اشرب دخل يجبلي حاجه أكلها فجاءه كأني سمعت صوت بابا زمان وهو بيندهه عليا قمت كملت مشي لغايه ماوصلت ادم قبره وقعدت احكيله كل حاجه زعلتكم مني وبعدها محستش بحاجه.
رحيم.. خلاص ياامي هعوضك علي كل حاجه المهم تكوني بخير
كريمه.. هبقي بخير لو مضيعتش ريم من ايدك البنت بتحبك وانت كمان بتحبها
رحيم.. بعدين ياماما واتهرب رحيم من كلام امه ووقف رحيم
...في دخله ادهم وريم وإخواته ومرتاتهم
ادهم... وانا يا ست ماما مش عاوزني ادخلك ولا انا معاكي في المصايب بس
ضحكوا الجميع وشاورت لادهم وحضنها جامد وبقت تقوله
كريمه.. براحه عليا انا تعبانه وادهم باس ايدها وأخواته كلهم اطمنوا علي صحتها
وكمان اطمنت ريم علي صحه كريمه.... وجاي تستأذن طلبت كريمه من الكل يسيبوها مع ريم الكل طلع ورحيم طلع قلقان لحسن امه تفتح موضوع رجوعه لريم معاها وضيقها طلعوا من الاوضه ورحيم في توتر
ادهم... خليك كده قلقان ..احسن... ذنب امك وريم واللي عملته فيهم
رحيم مستحملش كلام اخوه حدفه بعلبه عصير كانت جنبه
ادهم...شكرا كنت عطشان جات في وقتها 😄
فضلت ريم مع كريمه وقت طويل ورحيم بره رايح جاي ..واخيرا طلعت وروحت مع والدها بعد مااطمن علي الست كريمه ...
عدي ..تلات ايام وخرجت الست كريمه من المستشفي وراحت علي بيتها واصرت علي رحيم يروح معاها ويقعد معاها في شقتها
وتمر الايام والاسابيع.. وحال كريمه اتغير للأحسن وبقيت احسن مع اولادها والكل مبسوط بيها لتغيرها وعدم دخلوها في شئون اولادها...
ومر شهرين والحال احسن وخصوصا علاقه رحيم وادهم بقوا قريبين من بعض .ورحيم من الوقت لتاني بيحن لريم بس غروره يمنعه انه يكلمها
وفي نهار جديد... وعلي الفطار اللي جامع الست كريمه وادهم ورحيم والضحك مالي البيت
ادهم...بما ان النهارده اجازه يارحيم ماتيجي نروح النادي من الصبح ونروح الجيم اللي هناك
رحيم...فكره حلوه هقوم البس وانت كمان يلا ... وادهم وهو قايم غمز لامه الست كريمه ولاحظ رحيم ومهتمش ودارت كريمه ضحكها علي ابنها رحيم
الاتنين نزلوا وراحوا النادي .... وقابلوا اصحابهم... وادهم ورحيم بيتمشوا في النادي فجاءه اتصدم لما لاقي منظر ...اووووووبس
.. جري عليه..... يااالهوووووي
رحيم..ريم مين اللي معاكي دا _وصفته اي يمسك ايدك انطقي
ريم... براحه في اي وانت مالك جاي هج*م علينا كده اقول صباح الخير الاول
وادهم... بيهدي رحيم براحه مش كده__ رحيم بيبعد ادهم عنه عشان يشوف الأخ اللي مع ريم
رحيم... مين حضرتك ومعاها بتعمل اي
الشخص اللي معاها... هاااي انا___ ولاء__ ابن خالتها__ انت مين ومالك متعصب ليه كده
رحيم..مين ياخويا ولاء ابن خالتها وانا معرفش ودا اسم
ولاء ....اي ياأخ مسمعتش ولا اي انا ولاء انت اطر*ش ولا اي
رحيم..نعم يااااار*وح امك اطر*ش واداله بو*كس شلفط وش ولاء وقع علي الارض والنادي اتلم عليهم
ريم... انت مجنون هتفضل عمرك هم*جي .... ولاء دا خطيبي
رحيم سمع كده اداله بو*كس تاني خلاه ضحكه في النادي
رحيم...مييييين خطيب مين يااااختي
ولاء .. مسمعتش يامتو*حش انا خطبها ولاء
رحيم..لا انت مصمم تمو*ت بقي
ادهم.. اهدي يارحيم مش كده .. رحيم د*فع ادهم وق*عه جنب ولاء
والناس في النادي مسكت رحيم ...
رحيم...هفر*جك ياقطه
يتبع...
لا رحيم شكله مش هيجبها البر نكمل بكره بقي
التفاعل امبارح كان وحش عاوزه انهارده ضرب نار عشان اكمل
17
ادهم خد رحيم وطلعوا من النادي ورحيم في حاله هياج وعصبيه وادهم قلق علي رحيم
ادهم.. اتفضل يااستاذ مش هتبطل طريقتك دي
رحيم.. مشفتش اللي شوفته
ادهم.. طريقتك بتخسرك ناس كتير مش معقوله يارحيم ايدك سبقه لسانك..هات مفتاح العربيه انا اللي هسوق
رحيم..لا يلا اركب وبطل كلام
بعد مااستاذ لولو...اقصد ولاء انضرب ريم انحرجت وسابته وطلعت من النادي وهو بسرعه وراها بعد ما الناس ساعدته في علاج البوكسات اللي دملشت وشه بالكدمات وخلته شوارع
ركبت عربيتها ولاقته جاي وراها
ولاء...ريري ..ريري ...سيباني ليه وماشيه
ريم..امال افضل والناس تتفرج اكتر علينا ..ولا انت مش واخد بالك الناس كانت بتضحك علينا
ولاء ..اعمل اي ياعني الشخص الغريب خدني علي خوانه
ريم.. خوانه برضوا ..
ولاء.. امال فاكره اي
ريم.دا كله ضرب مافيش رد فعل منك اصلا
ولاء .. الكائن العجيب دا لو اداني فرصه كنت فرمته زي البرجر والله
ريم ..نفخت واضح واضح.. حتي عينك مش باينه شوف كده ومسكت مرايه العربيه اللي في التابلوه
ولاء ..اول مابص ...اااه. ( oh my gad)..الحقي ياااماماي ابنك لولو حصله اي
ريم.. بصت ناحيه شباك العربيه ..وهمست الله يرحمك ياخالتي اترحمتي وبليتينا احنا
ولاء ...ريري...مين الشخص دا وليه بيتكلم كده وزعلان ليه اني معاكي
ريم..وهي بتنفخ..ونفسها تديله بوكس هي كمان مافيش هو طليقي بس وغيران منك. شوفت بسيطه
ولاء... اااه عشان كده ...بس شكله بيحبك جدا جدا جدا بس متو*حش وحط ايده علي عينه وفضل يتوجع. اااه
ريم.. اتحركت ..وهي سايقه بتفتكر خناقه رحيم في النادي وكان اد غيران عليها
ولاء.. ريري ريري انتم طلقتوا ليه
ريم..متفهمناش
ولاء . واوووو اكيد متفهمتوش واحد بيتكلم بايده وانتي قطه جميله متنفعش مع متو*حش زي دا
ريم افتكرت اسلوب رحيم من كلام ولاء ...وكملت طريقها وندمت انها للحظه فكرت في رحيم
وصل ادهم ورحيم البيت وشكلهم متبهدل خلا كريمه تقلق وتسأل
كريمه.. انتم لحقتم مش اقولتم هتقضوا طول اليوم
ادهم.. عمايل ابنك بقي
رحيم..وهو بيخبط ادهم في جنبه .. مافيش حاجه ياماما زهقت بس والنادي ميشجعش ....
بعدها دخل رحيم اوضته وادهم كمان وفي دخله ادهم اوضته كريمه كانت وراه
ادهم... دخله تقرريني حصل اي صح ياكركر
كريمه..شطوره احكي بقي ماله رحيم مضايق ليه
ادهم.. شوفنا ريم مع واحد (نايتي ) ياماما بتقول عليه ابن خالتها
كريمه ..ضحتك.اوي( نايتي ) الله يخيبك
ادهم.. هههاضحك اكتر علي اسمه.. اسمه ولاء
كريمه.. ضحكت اوي دا بقي ابن خالتها ولا بنت خالتها .....ههههههه طب رحيم زعلان ليه
ادهم.. ماما انتي مش عارفه ابنك ..اول ماشاف كده وسمع اسمه شغال ضرب بوكسينج..والواد مش واخد نفس كل مايقوم ياخد بوكس لغايه مالناس بقت تحوش عنه
كريمه.. ابن خالتها .. ااه استني كانت والدتها بتحكي ان ليها اخت مسافره أمريكا هي وجوزها
ادهم.. اعتقد دا ابنها....(.كركر ) الايام الجايه مطمنش ورحيم ابنك ممكن يودي نفسه في داهيه انا بلغتك اهو
كريمه قلقت .. وظهور ابن خالتها هيبوظ كل تخطيطها عشان رحيم يرجع لريم
رحيم اول مادخل اوضته .. رمي نفسه علي سريره وبدا في البكاء وبدأ يحس ان فعلا ريم ضاعت منه وهو السبب
باب اوضته بيخبط
كريمه..رحيم ممكن ادخل
رحيم..اتفضلي ياماما ...
كريمه .. مالك ياحبيبي عيونك عامله كده ليه .ليه بتعذب نفسك روح اقولها انك بتحبها وانك ندمان علي كل حاجه حصلت منك. لازم تواجهها..انت ظلمتها زمان ومتظلمهاش دلوقتي
رحيم اترمي في حضن امه ..واحساسه بأنه رجع زي الطفل بيشتكي همه
رحيم.. مش قادر اواجها واقولها ان اختيارك كان غلط مش قادر اقولها اني ظلمتك .. مش قادر ارفع عيني فيها واقولها اني طعنتك في شرفك مش قادر ياأمي.. مش قادر
كريمه.. طلعت رحيم من حضنها ومسكت بايدها وش رحيم ..الرواية لقناة عشاق الروايات2ميرا. رحيم انت شبهي الغرور والعصبيه والتسلط كان لغتي ..بس عرفت اني كنت غلطانه وبدأت اصلح من نفسي وطلبت من الكل اللي اذتهم السماح
..وعشان انتم بتحبوني سمحتوني ..وانت لو طلبت السماح من ريم هتسامحك بس لازم تحاول .انت معملتش حاجه غير انك هربت من المواجهه وطلقتها وجاي تندم علي حياتك ..لازم تحاول وتحارب عشان حياتك عشان ريم يارحيم فهمني... انت ظلمتها وبتظلمها ومافيش محاولات منك
خرجت كريمه من اوضه رحيم ..وهي متوجعه فهي الأساس في حزن رحيم ووجعه هي سبب خراب بيته وتعاسته
دخلت كريمه اوضتها اتوضت وصلت ركعتين شكر لله علي هديتها ورجوعها لاولادها ودعت ان ربنا يساعدها علي اصلاح حياه ابنها
عند ريم دخلت بيتها هي ولاء وهما في منظر يضحك ريم مسنده ولاء وقعدته عشان مش شايف بعينه
والده ريم..في اي مالك ياولاء .. اي اللي عاملك فيك كده
ولاء .. خالتو الحقيني طليق ريري عمل فيا كده ياخالتو ازي جوزتهاله دا بني آدم مايتعشرش
ريم.. خلاص بقي ياولاء .. مكنش بوكسين دول وقامت دخلت اوضتها
وفتحت ألبوم صورها وبدأت تتفرج علي صور خطوبتها وفرحها اد ايه كانت فرحانه هي ورحيم...وساعتها.. افتكرت زيارتها في المستشفي وقت ما الست كريمه طلبت تكلمها لوحدها
فلاش بااااااك
كريمه..سامحيني ياريم سامحي رحيم _رحيم بيحبك
ريم..طنط كريمه متتعبيش نفسك موضوعي انا ورحيم انتهي مشكلتي معاه مش انتي مشكلتي معاه انه مش بيواجهني ظلمني وذلني وهو عارف اني بحبه واني عمري مافكرت في حد غيره ..وهو حب عمري لاا وكمان اتجوز عليا من غير اسباب بجوازه عليا رحيم دب*حني
كريمه ..قطعت كلام ريم ..رحيم اتجوز رحمه بنت اختي علي الورق بس وغصب عنه وبامر مني ..وهنه كانت صدمه لريم ...وبدأت كريمه تتعب وتاخد نفسها ببطيء
ريم.. ياعني رحيم مدخلش عليها
كريمه.. ايوه ومكنش موافق غير ماانا هددته اني هسيب البيت وانه لاهو ابني ولا اعرفه.. عارفه انك بستح*قيرني ومش عاوزه تشوفيني في حياتك بس انا غلط وبك*فر عن غلطتي زي مانتي شايفه اللي انا فيه دا ذنبك ياريم وبدأت تتعب
ريم.. قامت استريحي ياطنط انا خلاص سامحتك ربنا احن وغفور رحيم وانا عبده من عباده لازم اسامح ..بس رحيم مش هسامحه في حقي انه طلقني من غير مايفهمني ولا حتي يعتذرلي
كريمه ..فكري وسامحيه وانا متاكده انه هيجي لكي يطلب السماح منك المهم متخسريش حبك
ريم ..ان شاء الله عن اذنك تعبتك ...
كريمه ابدا ...انا ارتحت اني اتكلمت معاكي
باااااااك
وريم بتفتكر قطع تفكيرها رنه موبايلها رقم جديد مش متسجل عندها
ريم.. الو
رحيم.. بحبك ومقدرش استغني عنك
ريم..رحيم.. هنعمل بقي زي العيال الصغيره وأرقام جديده
رحيم.. انتي مراتي ومحدش هيقدر يخدك مني فاهمه
ريم.. بطل استفزاز بقي انا مش لعبه في ايدك وقت ماتعوزني تخدني ووقت ما تزهق ترميني
رحيم.. ريم انت بتاعتي فاهمه حتي لو صورت قت*يل
ريم.. قفلت السكه في وشه وهي مش عارفه مضيقه ولا مبسوطه ريم في حيره من نفسها بقت مش فاهمه حاجه_ الحاجه الوحيده اللي عرفها... كرمتها
رحيم اتعصب لما ريم قفلت في وشه السكه ورمي موبيله في الارض وفضل يبكي علي حبيبته ريم
كريمه ..وهي قاعده حزينه علي حال ابنها. ...وبتفكر ازي تساعده افتكرت كلمها مع ريم لما كانت في المستشفى
فلاش..باااك
كريمه..ريم حببتي ..والدتك ووالدك ياتري بيقولوا اي علي رحيم اكيد سقط من نظرهم
ريم.. مقدرتش اقولهم ياطنط انت عارفه بابا اد اي كان بيحب رحيم .. مقدرتش اقولهم واقولت اننا متفهمناش وهما احترموا سكوتي علي امل اننا نرجع مقدرتش احكي اللي حصلي كانت ماما راحت فيها
كريمه.. معلش حببتي كله هيتصلح بإذن الله
باااك
وهنا مسكت موبيلها ورنت علي والده ريم
كريمه. الو مساء الخير ياحجه اخبارك ايه عجبك العيال اللي بيعملوه دا .. لازم نتصرف
والده ريم...والله نفسي بنتي ريم تعبانه بعد رحيم وعاوزه اطمن عليها انا وابوها وهي مش عاوزه تحكلنا حاجه
كريمه.. ياعني معايا عشان نرجعهم لبعض ولا اي
والده ريم..اي حاجه تسعد بنتي انا معاكي فيها .. وعشان عارفه ان ريم روحها في رحيم
كريمه ...ورحيم بيموت في ريم والله 🤫🤫🤫 هنعرف بعدين هيعملوا اي.....
في كافيتريا راقيه .....كان ادهم ينتظر شخص مهم
الشخص .... هاااي ياااانت... انا شوفتك فين قبل كده
ادهم... هاااي ورحمه الله وبركاته 😏 محسبوك مشمش
الشخص(طبعا عرفتوه) افندم....مشمش...
ادهم ...اه مش انت قطه (زي مااخويا رحيم قالك كده)يبقي انا مشمش
اااه ... افتكرتك انت اللي كنت مع ....
يتبع...
رواية عهد رحيم – البارت 18 إلى 20 والأخيرة | نهاية العهد بين الألم والحب
