رواية السفاح العاشق الفصل الاول | بقلم مورى

سنة 1988

قاعدة بتبص لقالب الحلوي قدامها وبتسمع كلام والديها وهما بيخططو لمستقبلها المشرق كل آمالهم ع طفلتهم الوحيدة الى قدرو يوفرولها كل شي الحب العناية عشان تكون مصدر الفخر ليهم 

كان كل الضغط عليها عشان تقدر توصل لمستوى توقعاتهم ولا مجال للفشل أو التهاون.. 

أب يمتهن التدريس وأم ممرضة كل احلامهم ان بنتهم تحقق اكتر من الى هما وصلو ليه.. 

وكل مره يفتحو معاها موضوع احنا كنا ايه زمان ودلوقت ايه واحنا بنوفرلك كل الى اتحرمنا منه وظروفنا زمان مكنتش تسمح لكن انتى كل مستقبلنا وفرحتنا كانو حريصين انها تطمح لما هو ابعد ومع هذا الطموح جائت ضغوطات وتوتر وخوف من الفشل حست بايد امها تحطت ع دراعها فاقت من سهوتها وبصت بعيونها العسلية لامها 

الأم: مبروك عليكي النجاح ومبروك علينا احنا كمان رفعتي راسنا فوق وتعبنا مرحش هدر قطعي الكيك يابنتي 

الاب:  "مد ليها ورقة"  قمت بتسجيلك في المعهد الى حكيتلك عنه قبل كده.. وتستاهلي كل قرش صرفته عليكي وعلى تعليمك مبروك يابنتي 

 رباب: شكراً 

اكتفت بكلمة شكر ومسكت السكين وقطعت الكيك وخدت امها منها وكملت تقطيع وحطت لكل واحد في طبقه قطعة 

مسكت رباب الشوكة وداقت حته وبصت لامها

رباب: تعبانه شوية.. ممكن اطلع اوضتي 

الام: ماشي اطلعي ارتاحي.. اليوم كان كله دوشه واكيد حسيتي بارهاق وصداع

رباب: تصبحو ع خير 

توجهت للدرج وطلعت بالضلمه بدون ما تشعل الضو فتحت باب اوضتها ودخلت وقفلته تمشت ناحية السرير ورمت ضهرها وكانها رمت كل الثقل الى حاسه بيه فتاة في سن ال18  حابه تعيش حياة طبيعية مش كل حاجة الدراسة وضغوطات المستقبل مكرهتش تقف في وش اهلها وتعترض قراراتهم..