رواية كأس الغرام أنا الفلاحه الفصل الثالث 3 كامل | بقلم منال عباس

تم تحديث الفصل بتاريخ 22 مارس 2026

يقف اسد مذهولا من جمالها الاخاذ أما غرام فقد وقفت مصدومه عند رؤيته

ارتبكت غرام ظنا منها أنه قد تعرف عليها وكادت أن تنطق ولكن لؤى سبقها بالحديث

مد اسد يده بابتسامه جذابه ل غرام

استغربت غرام هدوءه ظنت منه أنه قد تعرف عليها ولكنه كان يتعامل معها عكس ما توقعت

تذكرت ذلك النقاب الذى أحضره إليها وابتسمت فى نفسها ..

غرام كدا يبقي هو ما يعرفش شكلى

رب ضارة نافعه …الحمد لله

اسد واضح أن حضرتك مش معانا

غرام باحراج هه حضرتك كنت بتقول ايه ..

غرام حصل ليا ظروف هتمنعنى من التواصل معاكم ..وبالتالى فأنا بعتذر

انحنى اسد بوجهه أمامها مما جعلها ترتبك من اقترابه الشديد

اسد وهو ينظر لعيونها بانبهار

اسد هو حضرتك مصريه

غرام باستغراب لسؤاله المفاجئ ايوا ليه بتسأل

اسد اصل أول مرة اقابل العيون الجميلة دى ..

غرام باحراج شديد حيث احمرت وجنتيها لو سمحت انا جايه هنا علشان نتكلم فى الشغل

…هو فين استاذ لؤى ..

اسد آسف لتجاوز حدودى …عموما أنا مكان لؤى ..واحنا على استعداد تام لتنفيذ كل شروطك فى مقابل انك تتجددى التعاقد …

اسد ارجوكى وافقى ..استغرب اسد نفسه ف لأول مرة فى حياته أن يتحايل على انثى ..ولا يدرى ما السبب

أخذت غرام نفس عميق واكملت طب محتاجه فرصه افكر وارد عليكم …

اسد وانا فى انتظار ردك ..اقصد احنا فى انتظارك …

غرام طب استأذن انا ..

اسد ما يصحش انتى ما شربتيش حاجه لسه

غرام فرصه تانيه

اسد طب تحبي اوصلك فى اى مكان

غرام لا اشكرك وغادرت بسرعه

عند لؤى

لؤى ايوا يا سلمى هما الاتنين مع بعض دلوقتى

سلمى تفتكر هيقدر يقنعها

لؤى اعتقد ايوا اصل اسد خبير فى فن التعامل مع النساء ..

سلمى اها قولتيلى …وانت بقي اتعلمت منه ايه يا سي لؤى

لؤى بضحك ايه يا لومى انتى ناويه تقلبي عليا ولا ايه

سلمى ربنا يستر ..مش عايزة اخسر صاحبتى

لؤى طب اقفلى علشان اسد جاى عليا

سلمى طيب سلام وأغلقت الهاتف

لؤى مالك يا اسد متنح ليه

اسد دى مستحيل تكون من البشر

لؤى هى مين

لؤى يا ابنى حرام عليك ..هو انت لسه اتعاملت معاها

لؤى ربنا يهديك يا صاحبي ..

اسد بقولك ابعت رقمى ليها وعرفها انى منتظر قرارها النهائي ..

لؤي ما اكيد انا هبلغك اول ما هى تبلغنى ..

اسد بمكر انت مش بتقول انها صديقه سلمى

لؤى ايوا ..ليه

اسد طب ما تخلى سلمى تقابلها واحنا نروح ليهم كأنها صدفه ..

لؤى ايه شغل المراهقين دا …ثم معقول انت اسد المنشاوى ..حضرة الظابط اللى ليه شنه ورنه ..

اسد شكلى طبيت يا صاحبي ..عيونها سحرتنى …

عند غرام

تأخذ تاكسى للعودة إلى الفيلا ..وما أن اقتربت من البوابه أخرجت النقاب من حقيبتها وارتدته بسرعه خوفا. ان يكون اسد قد عاد وسبقها

دخلت غرام الفيلا لتستقبلها مديحة

مديحة ازيك يا غرام

غرام الحمد لله

مديحة انتى هتنفذى كلام اسد وتلبسي النقاب دا ديما ولا ايه

غرام وانا بايديا ايه

بس انا مارضاش ليكى الاهانه فى الرايحة والجايه كدا

شكرتها غرام واستأذنتها للصعود إلى حجرتها

مديحة يا حبيبتي…

اتت هايدى بسرعه إلى مديحة ..

هايدى عملتى ايه

مديحة بضحكة خبيثه ..بدأت اقلقها من اسد ..

هايدى زى ما انا عملت

مديحة دلوقتى تطلع وهتلاقى المفاجئه فوق

هايدى نفسي اشوف منظرها اول ما تلاقى دا …..

تدخل الغرفه بحرص وتبحث بعينيها على اسد لتجد الغرفه خاليه تاخذ نفس عميق وتفتح حقيبتها لأخذ ملابسها لكى تستبدلها قبل عودة اسد خوفا أن يتعرف عليها من تلك الملابس ..

ولكنها تتفاجئ بأن جميع ملابسها غير موجوده ..وجميع الملابس الموجوده بالحقيبه عبارة عن العديد من الجلباب النسائي التى ترتديها نساء القريه ..

غرام ايه الهدوم دى ..انا عمرى ما لبست كدا …وفين هدومى !!!

اضطرت لاستبدال ملابسها بسرعه بإحداهم وارتدت النقاب فوقها

ونزلت للاسفل لتسأل عمتها …

مديحة نعم يا غرام يا بنتى

غرام مش لاقيه هدومى …ومش عارفه مين حط الهدوم دى فى شنطتى

مديحة انتى

احنا ما نعرفش طريقه لبسك ..ثم اعتقد الفلاحين كلهم بيلبسوا كدا

غرام بس انا عمرى ما لبست…على دخول اسد

اسد بنظرات اشمئزاز ل غرام

تستكمل مديحة لتشعل النيران بينهم

مديحة حاولى يا غرام يا حبيبتي تغيرى من نفسك شويه ..ولو عايزة اخلى هايدى تجيبلك من هدومها …

ليرد اسد

اسد عمتو …اعتقد غرام مسئولة منى

شعرت غرام پطعنه فى قلبها .

هل هذه عائلتها ..تريد أن تتركهم وتغادر هذا المكان اللعېن ..ولكن كيف بعد أن أصبحت على ذمه ذلك المتغطرس …

غرام إذا صبرا جميلا …واعتبرت تلك الملابس فرصه لها حتى لا يتعرف عليها اسد إذا قابلته مرة أخرى حتى ولو بالصدفه …

اسد بصوت أفزع غرام ادخلى اعمليلى الغدا وهاتيه ليا فوق

واياكى اعرف ان الخدم ساعدك فى حاجه ..

غرام امرك

هايدى بغيظ ل مديحة ايه البت دى

هى ما بتعترضش ابدا …يا ساتر

دخلت غرام المطبخ لتقابلها الدادة ام ابراهيم

ام ابراهيم انتى مين يا بنتى ..انتى خدامه جديدة هنا ولا ايه

غرام بحزن على حالها اعتبرينى كدا ..

ام ابراهيم يعنى ايه

غرام ما تشغليش بالك المهم عرفينى اسد بيحب ياكل ايه

ام ابراهيم ازاى بتقولى اسد من غير سيدى يا بت انتى

غرام لانى غرام بنت عمه ومراته

خبطت ام ابراهيم على صدرها

ام ابراهيم ست غرام بنت الغالى والغاليه …ايه اللى انتى عملاه فى نفسك دا يا بنتى وايه اللبس دا

غرام وهى تكتم دموعها فى صوتها المخټنق ارجوكى يا داده عرفينى هياكل ايه

ام ابراهيم طب استريحى يا بنتى وانا اجهز كل حاجه

غرام لا ..لو سمحت عرفينى الاكلات اللى بيحبها

ام ابراهيم ما يصحش يا بنتى ..

غرام معلش اتفضلى …

خرجت ام ابراهيم وهى حزينه على تلك الفتاة

عند عادل

يأتيه اتصال من أحد الأشخاص

عادل ايوا ..طب كويس جدا …المهم تبلغنى بأى جديد …وشكره واغلق الهاتف

عند هايدى

اتصلت هايدى سامر ابن عمها

هايدى سامر ازيك وحشتنى

سامر ايه يا بكاشه وحشتك ازاى احنا كنا فى النادى سوا من شويه

هايدى بدلع كنت عايزاك تجيبلى كتاب لسه نازل بس للاسف بيخلص بسرعه ..كل ما اسأل عليه

فى اى مكتبه يكون خلص

سامر بقي معاكى دار نشر كامله ..وعايزانى انا اللى اجبلك ..

هايدى خلاص يبقي اشوف اسد ابن خالو يتصرف

سامر بغيرة فهو يحقد على اسد من انجذاب هايدى إليه

سامر لا يا حلوة ابن عمك هيتصرف ويجيبه ليكى باسرع وقت

هايدى دا عشمى …

عند اسد

يجلس اسد بحجرته ويفتح هاتفه كل عدة دقائق على أمل أن تتصل عليه تلك الجميله التى شغلت تفكيره

ولكنه لم يجد اى رسائل او اتصال منها

تضايق اسد أكثر …

بعد مضى بعض الوقت

صعدت غرام ومعها الخادمه تحمل صينيه بها الغداء وطرقت الباب

اسد ادخل

فتحت غرام الباب وأمرت الخادمه بوضع الغداء على المائده

اسد بنظرة اشمئزاز لها يلا غورى من امامى اقعدى فى اى مكان على ما اشوف عملتى ايه

كيف تجعله يشعر بنفس الالم الذى تسبب به لها لتبتسم فجأة وتمسك بهاتفها لتجد رساله من لؤى برقم اسد للاتصال به ..

غرام فى نفسها جات فى وقتك

وارسلت رساله لاسد …

لينتفض اسد من مكانه ويمسك بهاتفه بسرعه عند سماعه صوت رساله الواتس ليفتحها بسرعه ليجد …..

رواية كاس الغرام

) اسم الرواية

قراءة رواية كأس الغرام أنا الفلاحه الفصل الرابع 4 كامل | بقلم منال عباس

تابع اللحظات الحاسمة في رواية كأس الغرام أنا الفلاحه الفصل الثالث 3 كامل بالفصل التالي.

رواية كأس الغرام أنا الفلاحه كاملة بدون اختصار

جميع فصول رواية كأس الغرام أنا الفلاحه كاملة في مكان واحد لتسهيل الوصول والقراءة.

أعمال الكاتب منال عباس

اقرأ روايات منال عباس الكاملة بجميع الفصول المتاحة.