رواية جواد وزهرة الفصل الأول 1 كامل | بقلم ملك إبراهيم
تم تحديث الفصل بتاريخ 14 أبريل 2026
مقدمة رواية جواد وزهرة
لعشاق القراءة رواية جواد وزهرة واحدة من أبرز الروايات الرومانسية، لتأخذنا القصة تعيش معها كل لحظة من أحداثها وتجعله متشوقًا لمعرفة ما سيحدث لاحقًا تجعل الرواية تجربة لا تُنسى.
تفاصيل رواية جواد وزهرة
تحكي الرواية جواد وزهرة حول أحداث مشوقة تمر بتحولات مفاجئة، وتتشابك التفاصيل تتضح الأسرار تدريجيًا ويشد انتباه القارئ من البداية للنهاية ويعيش كل لحظة من أحداثها كما لو كان جزءًا منها.
مميزات رواية جواد وزهرة
تتميز رواية جواد وزهرة بأسلوب يدمج الواقعية والخيال تحافظ على عنصر التشويق، كما أنها تصف تجارب إنسانية متنوعة وتجعله يعيش تفاصيل القصة وتجعل القصة لا تُنسى.
ابدأ قراءة جواد وزهرة الآن
يمكنك الآن قراءة رواية جواد وزهرة بقلم ملك إبراهيم من أي مكان واكتشاف أحداثها الكاملة لتستمتع بتجربة قراءة لا تُنسى وتغوص في تفاصيل القصة.
كيف تصل الينا
للعثور على الرواية بسرعة على جوجل: "رواية جواد وزهرة حكايتنا حكاية"
في عالم كله فلوس وسلطة كان في راجل شايف إن كل حاجة ليها تمن حتى القلوب.
جواد الهلالي اسم لوحده كفاية يفتح أي باب مقفول.
من أهم رجال الأعمال في البلد غني، وسيم، ومغرور لدرجة تخوف.
كان عنده مبدأ غريب
أي بنت تعجبه يتجوزها
وبعدها طلاق.
وكل واحدة كانت بتطلع من حياته ومعاها مؤخر كبير كفاية تعيش بيه العمر كله.
ولا واحدة فيهم قدرت تقربله
ولا واحدة هزته
لحد ما ظهرت زهرة.
زهرة
بنت بسيطة ملامحها هادية وفي عينيها حزن قديم.
يتيمة الأب والأم وعايشة مع جدتها العيانة بقالها سنين.
كانت شغالة خدامة في شركة جواد
بتمشي في هدوء تتجنب الكلام وكأنها عايشة في عالم لوحدها.
الكل كان فاكر إنها خرساء
مش بتتكلم ولا حتى بتحاول.
في يوم
جواد كان واقف من بعيد، عينه وقعت عليها وهي بتنضف المكتب.
وقف يتأملها شوية
بعدين قال بصوت هادي بس فيه أمر
البنت دي تبقى عندي الليلة.
السكرتيرة اتفاجئت
تقصد نتجوزها؟
رد ببرود
زي كل مرة.
الخبر وصل لزهرة
وقفت قدامهم، ساكتة بس عنيها بتتكلم.
السكرتيرة حاولت تفهمها
جواز يوم واحد وبعدها تاخدي مؤخر كبير مبلغ عمرك ما تحلمي بيه.
زهرة بصت للأرض إيديها بتترعش.
صورة جدتها وهي على السرير مبتفارقش خيالها
الديون العلاج الخوف من بكرة.
رفعت عينيها وهزت راسها بالموافقة.
الليلة دي كانت مختلفة.
مش بس بالنسبة لزهرة
لكن لجواد كمان.
دخل عليها الأوضة لقاها واقفة في هدوء، لابسة فستان أبيض بسيط.
قرب منها
بص في عينيها وسأل بنبرة
غريبة عليه
إنتِ مش خايفة؟
زهرة ما ردتش بس عنيها لمعت بحاجة ما اتفسرتش.
جواد حس بحاجة غريبة جواه
مش شفقة
مش رغبة بس
حاجة أول مرة يحسها.
الليلة عدت
لكن مش زي أي ليلة قبل كده.
كانت أهدى أعمق
وفيها إحساس مش مفهوم.
مع أول خيط نور للفجر
جواد فتح عينه
مد إيده ملقهاش جنبه.
قام بسرعة بص حواليه.
زهرة؟
مفيش رد.
على الكومودينو
كان في شيك بالمؤخر ومفتاح الأوضة.
لكن زهرة اختفت.
حتى ما استنتش يسمع كلمة أنتِ طالق.
أول مرة واحدة تمشي من غير إذنه
وأول مرة يحس إن في حاجة اتسحبت من إيده.
نزل الشركة يدور عليها
فين البنت الجديدة؟
الرد جه ببرود
قدمت استقالتها ومشيت يا فندم.
راح البنك بنفسه
الشيك اتصرف؟
الموظف رد
لأ يا فندم لسه.
جواد سكت وعينه ضاقت.
يعني لا خدت الفلوس ولا سابت أثر.
ومن اليوم ده
جواد قرر حاجة عمره ما عملها.
زهرة لسه مراتي ومش هطلقها.
سبع سنين عدّوا
وجواد لسه بيدور.
اسمها اختفى عنوانها اختفى كأنها ما كانتش موجودة أصلاً.
لكن إحساسه ما اختفاش.
كان متأكد إن وراها سر.
في يوم ممطر
العربية واقفة في إشارة والزحمة خانقة الدنيا.
جواد قاعد ورا، باصص قدامه بشرود
تخبيط خفيف على الإزاز.
لف وشه
شاف بنت صغيرة عندها حوالي 6 سنين هدومها مقطعة وشعرها مبلول من المطر.
فتحت إيدها وفيها مناديل.
اشتري مني يا بيه عشان أجيب علاج لماما ربنا يخليلك مراتك وعيالك.
الكلمة خبطت جواه.
مراتك
حس بحاجة غريبة وجع خفيف وحنين مش مفهوم.
فتح الإزاز
اسمك إيه؟
البنت
ابتسمت رغم التعب
ليلى.
طلع فلوس كتير وادهالها.
البنت عينيها وسعت بفرحة
بجد ليا؟
هز راسه
بص للسواق
انزل هات لها العلاج اللي هي عايزاه.
وبعدين قال فجأة
لا إحنا هنروح معاها.
السواق استغرب بس نفذ.
وصلوا قدام عمارة قديمة حالتها صعبة.
المطر كان بيغرق الشارع.
ليلى جريت وفتحت الباب بسرعة
مامااا!
جبتلك العلاج!
جواد نزل وراها
وقف على الباب
واتجمد مكانه.
عينيه وسعت بصدمة
زهرة.
كانت نايمة على سرير متهالك وشها شاحب وجسمها مرهق
بس هي
نفسها.
همس بصوت مخنوق
زهرة؟
الفصل الثاني
جواد واقف مكانه
مش قادر يتحرك ولا حتى يرمش.
سبع سنين
سبع سنين بيدور عليها
ولما يلاقيها يلاقيها بالشكل ده؟
ليلى جريت ناحية السرير، صوتها كله لهفة
ماما ماما أنا جبت العلاج شوفي!
إيد صغيرة بتتهز قدام وش زهرة
اللي كانت عينيها مغمضة ونَفَسها تقيل.
جواد دخل خطوة واحدة لجوه
الأوضة ضيقة ريحتها رطوبة وكل حاجة فيها بتقول فقر وتعب.
لكن عينه ما شافتش غيرها.
قرب منها ببطء
قلبه بيدق بعنف غريب عليه.
صوته كان واطي كأنه خايف تصحى وتختفي تاني.
ليلى بصت له باستغراب
إنت تعرف ماما؟
جواد ما ردش
عينيه عليها وبس.
زهرة بدأت تفتح عينيها ببطء
نظرة تايهة مجهدة
وبمجرد ما شافته
اتجمدت.
لحظة صمت تقيلة
كأن الزمن وقف بينهم.
جواد اتكلم أخيرًا بصوت مليان صدمة وغضب مكبوت
إنتي عايشة هنا؟
زهرة ما ردتش
بس عنيها اتمليت خوف.
قام فجأة صوته علي شوية
سبع سنين!
سبع سنين بدور عليكي!
تختفي كده؟
ليلى اتخضت وجريت استخبت ورا السرير
ماما هو بيزعق ليه؟
زهرة حاولت تقوم جسمها مش مساعدها
بس رفعت إيدها بإشارة لليلى تهدى.
وبصت لجواد
نظرة فيها رجاء وخوف وكلام كتير من غير صوت.
جواد قرب أكتر
نبرته بقت أهدى بس أخطر
ليه مشيتي؟
ليه مختفيتي؟
سكت لحظة وبعدين قال بحدة
والشيك؟
حتى الفلوس ما خدتيهاش!
دمعة نزلت من عين زهرة
لكنها سكتت.
جواد فجأة بدأ يربط
عينه راحت لليلى
وبعدين رجع لزهرة
وبصوت بطيء تقيل
البنت دي
سكت وكأن قلبه خايف يسمع الإجابة.
بنتك؟
زهرة غمضت عينيها
دموعها نزلت أكتر.
جواد قلبه دق بعنف
قرب خطوة كمان صوته بقى أضعف
من مين؟
زهرة فتحت عينيها وبصت له مباشرة.
نظرة واحدة
كفاية تفهمه كل حاجة.
الصدمة ضربته.
رجع خطوة لورا
إيده على رأسه
مستحيل
بص على ليلى
ملامحها عيونها
نسخة منه.
همس لنفسه
دي بنتي
ليلى خرجت من ورا السرير بحذر
إنت مالك؟
جواد ركع قدامها فجأة
بيبصلها كأنه أول مرة يشوف الحياة.
إيده اتمدت ناحيتها وبترجع في نص الطريق.
اسمك ليلى صح؟
هزت راسها
ابتسم ابتسامة مهزوزة
وقف مش عارف يقول إيه.
من وراه صوت ضعيف خرج أخيرًا
صوت زهرة
أول مرة يتسمع.
جواد
اتجمد مكانه.
ببطء لف ناحيتها.
عينيه وسعت
إنتي بتتكلمي؟
زهرة بصت له دموعها بتنزل في صمت
مكنتش خرساء
سكتت لحظة وبعدين كملت بصوت مكسور
كنت مجبورة أسكت.
جواد قرب منها بسرعة
الغضب رجع أضعاف
يعني خدعتيني؟
زهرة هزت راسها بسرعة
لا كنت بهرب.
من إيه؟
بصت لليلى
وبعدين
رجعت له
منك.
الكلمة نزلت عليه زي الصاعقة.
مني أنا؟
زهرة صوتها بيرتعش
إنت راجل بيتجوز ستات ليلة واحدة ويرميهم كنت عايزني أستنى لما ترميني أنا كمان؟
جواد سكت
كنت حامل يا جواد
قالتها وهي بتبص له بوجع.
خفت خفت تاخدها مني أو
قراءة رواية جواد وزهرة الفصل الثاني 2 كامل | بقلم ملك إبراهيم
انتقل لمتابعة رواية جواد وزهرة الفصل الأول 1 كامل في الفصل التالي الآن.
رواية جواد وزهرة كاملة جميع الفصول
يمكنك قراءة رواية جواد وزهرة كاملة بدون حذف أو اختصار، جميع الفصول مرتبة وسهلة التصفح في صفحة واحدة.
أرشيف روايات ملك إبراهيم
تابع أحدث روايات ملك إبراهيم الكاملة بروابط مباشرة وسريعة.
