رواية جواد وزهرة الفصل الثاني 2 كامل | بقلم ملك إبراهيم
تم تحديث الفصل بتاريخ 14 أبريل 2026
مقدمة رواية جواد وزهرة
هذه فرصة رائعة لـ رواية جواد وزهرة من أشهر أفضل الروايات الحديثة، وتمتد أحداثها تجعل القارئ يعيش المشهد وتدخله في عالم الرواية فورًا تترك أثرًا خالدًا.
تفاصيل رواية جواد وزهرة
تسرد رواية جواد وزهرة حول شخصيات معقدة تواجه تحديات كبيرة، حيث تتشابك الأحداث ويتعقد الحبكة ويجعل القارئ يعيش كل لحظة ويستمتع بكل فصل كما لو كان مغامرة جديدة.
مميزات رواية جواد وزهرة
تجذب رواية جواد وزهرة اهتمام القراء بحبكة قوية ومترابطة تشد القارئ من أول صفحة، كما أنها تخلق عالمًا يشعر فيه القارئ وكأنه حي تلامس القارئ بشكل كبير وتجعل القصة لا تُنسى.
ابدأ قراءة جواد وزهرة الآن
ابدأ الآن قراءة رواية جواد وزهرة للكاتب ملك إبراهيم من أي مكان وتجربة الرواية كاملة ولتجعل القراءة تجربة ممتعة لا تُنسى.
كيف تصل الينا
ابحث الآن في جوجل للحصول على الرواية: "رواية جواد وزهرة حكايتنا حكاية"
ترفضها أو تكسرها زي ما كسرت غيري.
جواد قلبه اتقبض
بص لليلى
اللي واقفة مش فاهمة حاجة بس حاسة إن في حاجة كبيرة بتحصل.
رجع بصره لزهرة
صوته بقى واطي جدًا
وسبتيها تعيش كده؟
في الفقر ده؟
زهرة ابتسمت ابتسامة وجع
كنت بحاول على قد ما أقدر.
صمت تقيل نزل على المكان
صوت المطر برا بس هو اللي مسموع.
جواد أخد نفس طويل
وبنبرة مفيهاش نقاش
هتيجي معايا.
زهرة بصت له بصدمة
لا؟
مش هرجع لحياتك تاني.
جواد عينه لمعت بغضب
دي مش حياتي لوحدي دي حياة بنتي كمان!
ليلى بصت بينهم بخوف
ماما إيه اللي بيحصل؟
جواد قرب منها بهدوء غريب
سكت لحظة وبعدين قالها بحنان عمره ما استخدمه قبل كده
أنا بابا.
الصمت انفجر.
ليلى عينيها وسعت
وبصت لزهرة
بجد؟
زهرة سكتت دموعها بتنزل
وجواد مستني الإجابة
قلبه لأول مرة متعلق بكلمة من حد غيره.
الفصل الثالث
اللحظة واقفة
والهواء نفسه تقيل.
ليلى باصة لزهرة مستنية كلمة واحدة
وزَهرة قلبها بيتقطع بين خوفها وبين الحقيقة.
جواد صوته خرج هادي بس فيه
أمر واضح
قولي لها.
زهرة غمضت عينيها
وبصت لبنتها ابتسمت ابتسامة باهتة
آه يا ليلى هو بابا.
الدنيا سكتت.
ليلى فضلت واقفة لحظة
وبعدين جريت عليه فجأة
بجد عندي بابا؟
جواد اتفاجئ بس لقا نفسه بيحضنها
حضن غريب عليه تقيل بس دافي.
إيده اترعشت وهو بيضمها
أول مرة يحس إنه مش لوحده.
همس لنفسه
معقول دي بنتي
ليلى ضحكت ببراءة
طب ليه ما كنتش معانا؟
السؤال نزل عليه كأنه طعنة.
بص لزهرة
نظرة مليانة عتاب
اسألي مامتك.
زهرة قلبها وجعها
بس ما ردتش.
جواد قام وهو شايل ليلى بين إيديه
وبص لزهرة بنظرة حاسمة
جهزي نفسك إنتي والبنت هنمشي.
زهرة انتفضت
قولتلك مش همشي!
جواد قرب منها خطوة
نبرته بقت أخطر
وإنتي فاكرة إن عندك اختيار؟
آه عندي!
قالتها بقوة رغم ضعفها.
أنا اللي ربيت بنتي وأنا اللي هقرر تعيش فين!
جواد ضحك بسخرية خفيفة
في المكان ده؟
بص حواليه باحتقار
ده مش عيشة بني آدمين.
زهرة بصتله بعناد
أشرف من عيشة الكذب والخداع اللي عندك.
السكوت ضرب المكان تاني
جواد عينه لمعت
المرة دي مش غضب بس
جرح.
قرب منها فجأة
بص في عينيها مباشرة
أنا عمري ما كدبت عليكي إنتي اللي اختفيتي.
زهرة همست
وأنت عمرك ما فهمت.
هو إنتوا بتتخانقوا؟
جواد بص لها فورًا وهدى صوته
لأ يا حبيبتي إحنا بنتكلم بس.
وبعدين بص لزهرة تاني
بس المرة دي بنبرة أهدى
اسمعي اللي حصل حصل بس أنا مش همشي وأسيب بنتي هنا.
زهرة
وأنا مش هسيبها تروح مع واحد معرفوش.
جواد ابتسم ابتسامة غامضة
يبقى الحل سهل
سكت لحظة وبعدين قال
تيجي إنتي كمان.
زهرة هزت راسها بعناد
مستحيل.
جواد اتنهد وبعدين طلع موبايله
تمام.
ضغط على رقم وقال بهدوء
خمس دقايق وتكون العربية جاهزة قدام العمارة.
زهرة اتوترت
إنت بتعمل إيه؟
قفل المكالمة وبص لها
بديكي فرصة تمشي برجلك بدل ما أضطر أخدك غصب.
زهرة قامت بالعافية من على السرير
مش هتقدر.
جواد قرب منها جدًا
لدرجة إن أنفاسهم بقت قريبة
جربي.
ليلى بدأت تعيط
ماما أنا خايفة
جواد قلبه وجعه
راح لها بسرعة وشالها
خلاص خلاص محدش هيزعلك.
صوته بقى أهدى بكتير
أنا مش عدوك يا زهرة أنا أبوها.
زهرة دموعها نزلت
بس عنادها لسه موجود
بس أنا أمها ومش هفرط فيها.
ثواني
والتوتر بيزيد
وفجأة
زهرة وقعت.
جواد اتخض وجري عليها
زهرة!
ليلى صرخت
مامااا!
جواد شالها بسرعة
حس بحرارتها جسمها سخن بشكل مخيف.
هي كده بقالها قد إيه؟
ليلى وهي بتعيط
من امبارح بس كانت بتقول هتبقى كويسة
جواد شد على سنانه
الغضب اتحول لخوف حقيقي
غبية
بس الكلمة طلعت بوجع مش إهانة.
شال زهرة بإيده
وبص للسواق اللي وصل تحت
افتح الباب بسرعة!
نزل بيها والمطر لسه نازل بغزارة
ليلى مسكة في هدومه ومش سايباه.
حط زهرة في العربية بحذر
وقعد جنبها ساند راسها على إيده.
همس بصوت واطي جدًا
مش هتموتي فاهمة؟
مش بعد ما لقيتك.
العربية اتحركت بسرعة
ليلى بصت له بخوف
ماما هتخف؟
جواد بص لها
وبص لزهرة
وقلبه لأول مرة مليان رعب حقيقي.
هتخف ان شاء الله.
وشد إيده على إيد زهرة
كأنه خايف تختفي منه تاني.
وبين صوت المطر
بدأت حكاية جديدة
مش فيها كبرياء
لكن فيها خوف وحب بيتولد غصب عن الكل.
الفصل الاخير
العربية وقفت قدام مستشفى خاصة فخمة
جواد نزل بسرعة، شايل زهرة بين إيديه كأنها روحه مش بس جسمها.
الدكتور فورًا!
قراءة رواية جواد وزهرة الفصل الثالث 3 كامل | بقلم ملك إبراهيم
استكمل الحكاية في رواية جواد وزهرة الفصل الثاني 2 كامل عبر الفصل التالي.
اقرأ جميع فصول جواد وزهرة الآن
جميع أجزاء رواية جواد وزهرة متاحة للقراءة بسهولة.
أجمل روايات ملك إبراهيم
استمتع بتصفح جميع روايات ملك إبراهيم الكاملة.
