رواية فتنة الغرام الفصل السابع 7 كامل | بقلم منال عباس
تم تحديث الفصل بتاريخ 22 مارس 2026
رعد : عيون رعد
سما : بتحبنى وانا بظروفى دى ؟؟؟ مش هتزهق منى ؟
رعد : عمرى ما ازهق منك …انتى يا سما نفس ظروفى الصعبه
سما باستغراب : انت ظروفك صعبه !!
رعد هحكيلك …
فلاش باااااااك
رعد : الف سلامه عليكى يا ماما
حنان : اسمعنى يا رعد ..خلى بالك من نفسك يا ابنى ..وما تزعلش من والدك ..هو حر فى اللى عمله …
رعد : مستحيل اسامحه على اللى عمله ..
حنان : دا حقه …
رعد : حقه !! يروح يتزوج عليكى ..ومش بس كدا
يتزوج بنت اد ابنه …
وهو عارف ان البنت دى كنت هتقدم ليها ….
حنان : يا ابنى انا مسمحاه .. والبنت دى عرفت تلف بيه ..علشان ثروته
رعد : مش هسامحه ابدا
حنان بالم : اوعدنى يا رعد ترجع تكلمه
خلينى ..اموت وانا مطمنه يا ابنى …
عودة من الفلاش
رعد :وماتت امى وسابتنى ..وغصب عنى كلمت والدى تانى علشان وصيتها
لكن عمرى ما نسيت غدرهم ليا ولوالدتى
اللى ماتت بحسرتها ..
انا وانتى يا سما اتظلمنا فى الدنيا مع أن مفيش حد مننا كان ذنبه حاجه
خلونى أفقد ثقتى فى كل البنات وخصوصا أن كان كل البنات حواليا بيقربوا علشان اخد مزاجى منها مقابل شويه فلوس
وزى ما شوفتى كدا سوزى ..تبقي بنت صديق والدى ..
وأصرت أن يكون فى علاقه بينا …كتير بعدت عنها ورفضت ..لكن هى استغلت ضعفى يوم وكنت شارب كتير ..وسلمت نفسها ليا
والمفاجئة أنها ما كنتش بنت
ووعدتنى وهى بتبكى ومنهارة …أنها حد ضحك عليها …وطلبت منى استر عليها …
وموافقه تعيش العمر كله معايا مقابل انى ما افضحهاش..
وبعدها على طول .توفى والدها ..وأصبحت ملهاش حد …
من جوايا كنت حاسس ان فى حاجه غلط في البنت دى …وقررت اراقبها
وبالفعل اتاكدت أن كل كلامها كدب
وانا اكتر حاجه فى حياتى اكرهها هى الكدب
شعرت سما بالخوف فالبرغم من حبها له وتعلقها به
فهى تكذب عليه هى الأخرى
اكمل رعد حديثه
رعد : وفجأة جات قالت انها حامل منى
وطبعا انا واثق أن دا من ضمن كذبها
وحاليا انا مراقب كل تصرفاتها من غير ما تحس
سما : يااااه يا رعد …كل دا استحملته
رعد : وانتى كمان استحملتى كتير يا سما
وربنا بعتك ليا فى الوقت المناسب ..علشان افوق
لان تصرفاتى كانت غلط
وربنا قادر يكتب هدايتى على ايديكى …
احتضنته سما بحب
سما : ربنا ما يحرمني يا رعد
قبلها رعد من جبينها
رعد : هقوم اجهز علشان الشغل
وهنزل ابعت ليكى ندى ..وخلى ندى ديما تكون عينيكى..انا عارف أن سوزى عايزة تتخلص منك
بس اوعدك ..فى أقرب وقت هخرجها من حياتنا
سما : ما تقلقش عليا
قام رعد واستبدل ملابسه وخرج للعمل
صعدت ندى إلى سما
ندى : تعالى يا سما بسرعه واقفلى الباب
سما : مالك يا ندى فى ايه قلقتينى
ندى : امبارح خرجت علشان اشرب لقيت سوزى بتخرج الجنينه ..مشيت وراها ولقيت دا شوفى
اخرجت ندى هاتفها …فقومت مصوراها وهى مع الشاب دا …
سما باستغراب شديد : معقول !!
قصت ندى لها كل ما حدث بالأمس
وأنها تريد تنويمها كى يقوموا باختطفها
سما : بس الشاب دا انا شوفته قبل كدا ……
ندى : شوفتيه قبل كدا ازاى وفين
سما وهى تحاول أن تتذكر
سما : شوفته عند …….
للان
بعد مغادرة رعد إلى عمله ..صعدت ندى بسرعه إلى سما وأخبرته عما حدث بالأمس وقامت بتصويره
سما بذهول بعدما رأت صور ذلك الشخص
سما : بس الشاب دا انا شوفته قبل كدا …
ندى : شوفتيه قبل كدا ازاى !!!وفين !!!
سما : شوفته عند حمديه ..
كنت راجعه من المدرسه بسرعه علشان اخد المناديل ..وانتى عارفه لما بنتاخر بتعمل فينا ايه
جريت على الاوضه اللى فيها المناديل وغيرت هدومى بسرعه ..وانتى كنتى واقفه منتظرانى فى الشارع
فلاش باااك
الشاب : بقولك ايه انا عايز بنت من البنات اللى عندك فى خدمه
حمديه : خدمه زى ايه ..وكله بتمنه …
الشاب : عايزها توقع واحد صاحبي ..
حمديه : للاسف البنتين اللى هنا خيبه بعيد عنك
والباقي صغيرين ..
بس هقولك على واحد يدلك على بنت تنفع للشغل دا
الشاب : طب قولى
حمديه : لا …لما تدفع الاول
الشاب : خدى اللى انتى عايزاه
كنت واقفه اسمع وخايفه تخلى حد مننا يروح معاه
ندى : تفتكرى الشاب دا كان بيتفق على رعد
سما : مش عارفه الحقيقه
ندى : المهم خلينا نفكر هنتصرف ازاى .مع موضوع المنوم ..كمان لازم ..نكشف سوزى دى على حقيقتها
سما : من كلام رعد حسيت أنه بيشك فيها
ندى : حلو اووووى ..اقولك تعملى ايه ………….
….. . ……………………. …………
نزلت الفتيات للاسفل
وجلسوا على مائده الطعام لتناول الإفطار
حضرت سوزى وطلبت من الخادمه تجهيز لها طبق من البيض هى الآخرى
كانت ندى وسما يراقبون تصرفاتها
جلسوا الثلاثه
قامت سوزى بطلب الماء من ندى
ندى : وانا مالى ما عندك الخدامه
سما : خلاص يا ندى ..علشان خاطرى هاتى ليها المياه ..وكله لوجه الله ..علشان حملها
ذهبت ندى لإحضار الماء
بينما وضعت سوزى بعض من البودر الموجود فى الكيس واستبدلت الاطباق بينها وبين سما
حضرت ندى ومعها الماء ولكنها أوقعته بقصد على سوزى
سوزى بعصبيه : مش تفتحى
ندى : خيرا تعمل شرا تلقي
استغلت سما انشغال سوزى بملابسها واستبدلت الاطباق مرة أخرى
جلس الثلاثه لتناول الإفطار
وبعد عده دقائق
نامت سوزى على الفور
ابتسمت ندى وسما
وذهبوا إلى حجرة المكتب لمراقبه ما سيحدث
وجدوا أحد الأشخاص يدخل من باب الفيلا
حيث تركته سوزى مفتوح عن قصد ..
قام بحمل سوزى وخرج بسرعه ..
كانت. ندى تصور كل شئ
خرجت الفتيات من حجرة المكتب وصعدوا لحجرة سما
سما : انا خايفه اوووى يا ندى..تفتكروا هيعملوا فيها ايه
ندى : يعملوا اللى يعملوا ..من حفر حفرة لأخيه وقع فيها ..وهى اللى كانت ناويه تأذيكى ..والبادى اظلم …
سما : بس انا قلبي مش مطمن
ندى : يا بنتى ريحى نفسك ..فرصه تعيشي يومين مع زوجك وهى مش موجوده
سما : انا زعلانه من نفسي علشان بكذب على رعد
ندى : الحقيقه يا سما ..هو ما يستحقش منك كدا
حاولى بأى طريقه وفى أقرب وقت تعرفيه
سما : أن شاء الله هحاول …
عند رعد فى الشركه
يتصل عليه صديقه حسام
حسام : الو
رعد : ابن حلال كنت هتصل عليك
حسام بضحك : ماشي يا سيدى
رعد : هه فى جديد …
حسام : ايوا
رعد : طب قول بسرعه منتظر ايه
حسام : اللى عرفته أن سما وندى يبقوا اخوات بالفعل واتخطفوا فى نفس اليوم من نفس المكان
كانوا مع الداده بتاعتهم فى الجنينه كان كل بنت فى عربيه الاطفال بتاعتها
وانشغلت الداده فى الكلام مع زوجها
وجات العصابه سرقه البنات
واختفوا
وباعوهم فى نفس اليوم ل حمديه
كانوا لسه اطفال صغيرة
وحمديه طبعا عملت ليهم شهادات ميلاد مختلفه عن اسمائهم بس كانت كل بنت لابسه سلسله
عليها اسمها
فاسمائهم مظبوطه . لكن غيروا طبعا اسم الاب والعائله…
رعد : كان قلبي حاسس ان فى علاقه تربط البنتين ببعض ..لأنهم بيتعاملوا كالاخوات
وأكمل رعد : المهم …عرفت يبقى اهلهم مين ؟؟
حسام : لا ..بس حمديه دلتنا على الناس اللى خطفتوا البنات ..وجارى البحث عنهم ….
رعد : انا مش عارف اشكرك ازاي
حسام : ما تقولش كدا ..خيرك سابق
واغلق الهاتف معه
جلس رعد على الكرسي وأسند رأسه للخلف
رعد متحدثا لنفسه : ياااه. نفسي اشوف الفرحه فى عينيكى يا سما …نفسي اجيب الدنيا كلها ليكى وانتى تستحقيها….
يتصل عليها عمرو
عمرو : حبيبتى يا ندوش وحشانى
ندى : وانت كمان
عمرو : رتبي حالك هجيلك حالا اخدك ..علشان نختار شبكتك يا عروستى
ندى : بالسرعه كدا
عمرو : انا لو عليا عايزك تكونى مراتى وحبيبتى من دلوقتى
ندى : طب ادينى ساعه اجهز واعرف سما
عمرو : بعد ساعه هكون عندك ..سلام حبيبتي
ندى : سلام حبيبي
تذهب ندى لتخبر سما
سما : الف مبروك يا ندى..ما تشغليش نفسك بيا
وروحى اجهزى..
ندى : ربنا ما يحرمني منك..وانتى كمان روحى جهزى نفسك والبسي حاجه كويسه لجوزك
فرصه أن الكل مش موجود وغمزت لها
ابتسمت لها سما …..
قامت سما وأخذت شاور واسدلت شعرها الناعم خلف ظهرها ووضعت الميك اب ..وارتدت لانجيرى
احمر مثير .فقد قررت أن تعترف ل رعد بأن نظرها قد عاد ..فهى الان تعشقه ..وتريد أن تحيا حياتها بعيدا عن الكذب والخداع …
قراءة رواية فتنة الغرام الفصل الثامن 8 كامل | بقلم منال عباس
تابع كل جديد في رواية فتنة الغرام الفصل السابع 7 كامل عبر الفصل التالي.
رواية فتنة الغرام كاملة بدون اختصار
يمكنك قراءة رواية فتنة الغرام كاملة بدون حذف أو اختصار، جميع الفصول مرتبة وسهلة التصفح في صفحة واحدة.
روايات منال عباس كاملة الآن
تابع جميع أعمال منال عباس من الروايات الكاملة.
