هل تقدر تكمل لو ان الحب قرار للنهاية؟ اكتشف الإجابة على حكايتنا حكاية
رواية لو ان الحب قرار الفصل السادس والعشرون 26 بقلم حنين احمد
0
رواية لو ان الحب قرار الفصل السادس والعشرين 26 بقلم حنين احمد
رواية لو ان الحب قرار الفصل السادس والعشرين 26 بقلم حنين احمد
الفصل السادس والعشرون
هو مروان ماتصلش بيكي النهارده يا مها؟
قالتها والدة يارا بقلق لتجيبها مها:
انا كلّمته الصبح وهو رايح الشغل يا ماما.
بس ماكلمنيش من وقتها وحتى ضربت عليه
من فترة لقيت موبايله مقفول قولت يمكن ف
اجتماع وال حاجه
فيه ايه يا مديحه بتسألي على مروان ليه؟
مش لسه مكلمنا امبارح بالليل؟
قالها والد يارا بدهشة لتجيبه زوجته بقلق:
مش عارفه بس حاسه بحاجه غريبه وكمان
بقينا بالليل ولا مروان ولا سامر اتكلموا
1
النهارده ولا موبايل منهم مفتوح كله غير
متاح.
قلبي واكلني على العيال يا حلمي
كان يشعر بالقلق هو أيضا خاصة بعد الحلم
المزعج الذي راوده الليلة الماضية ولكنه لم
يظهر لها شيئا وحاول الاتصال بهما مرة تلو
الأخرى ونفس الإجابة.
الهاتف الذي طلبته غير متاح حاليا!
ماتقلقيش يا ماما ان شاء الله خير تلاقيهم بس
ف مكان مافيهوش شبكه وال حاجه
قالت سما تحاول تخفف من القلق الظاهر على
الجميع وبداخلها تشعر أن سامر يخفي شيئا
عنها خاصة الرسالة التي وصلتها منذ فترة
ألا تقلق عليه لأن المكان الذي به ليس به
شبكة اتصالات جيدة.
جيب العواقب سليمه يارب
هتفت داخلها وهي تحاول أن تلهيهم عن القلق
الذي احتلا ملامحهم خاصة جميعا.
******
آه
تأوه خفيف صدر منها لتسمع صوته مشوشا
يارا.
حبيبتي فوقي ما تقلقنيش عليكي الله
يخليكي
فتحت عينيها ببطء ليطالعها وجه يحيى
وبجانبه سامر لتندفع الذكرى لعقلها مباشرة
شحوب وجه سامر مع يد يحى التي أسندته
لتصرخ بقوة:
ابيه مروان.
انا عايزه اشوفه
حصله ايه؟
مروان كويس والله الحمد لله العمليه كانت
ناجحه واتنقل اوضه كمان بس لسه مافاقش
حرّكت رأسها رافضة وهي تقول:
لا انت بتكذب عليا انا شوفت الدكتور وهو
بيكلم ابيه سامر وكان
قاطعها سامر بحنو:
صدقيني يا حبيبتي مروان
بقى كويس الحمد لله وشويه هيفوق ونروحله
كلنا
امّال وشك اتغيّر ليه بعد ماكلمت
الدكتور؟
سألته ليجيبها متهربا:
مفيش يا حبيبتي ده من
الخوف بس وكمان الدكتور قالي ان مروان
لازم يفضل كام يوم في المستشفى عشان
يتابعوا اي تطورات.
وكمان لازم يعمل كشف
دوري عشان المرض مايرجعش تاني
الحمد لله يا يارا انهم اكتشفوا الموضوع ف
الاول ومروان ان شاء الله هيبقى زي الفل
مرت ساعتين ثم ذهبوا جميعا لحجرة مروان.
لم تصدق عينيها عندما رأته.
أهذا مروان؟
أهذا شقيقها الأكبر؟
لقد فقد الكثير من
الوزن مع شحوب وجهه.
شعرت أن به شيئا
مختلفا.
كأن المرض أثّر على روحه كما أثّر
على جسده.
تماسكت يارا حتى لا تبكي أمامه.
يحمد الله على سلامتك يا ابيه
همس مروان:
الله يسلمك حبيبتي.
انتي
جيتي ازاي؟
يقال يحيى بهدوء:
انا ال جيبتها يا مروان.
حمدالله على سلامتك
همس بتعب:
الله يسلمك
جثا سامر إلى جانب الفراش وهو يمسك بيده
والدموع تملأ مقلتيه:
حمدالله على سلامتك
يا مروان.
سامحني يا اخويا, انا مكنتش
معاك وما اخدتش بالي من ال بيحصلك
همس بحنو:
انا الكبير على فكره
أمسك يده بقوة وهو يحاول كبح دموعه
ليظلوا معه للحظات قبل أن يتركوه ليرتاح:
يحيى استنى ثواني
رمقه يحيى بصمت قبل أن يهمس ليارا أن
↚
تنتظره بالخارج مع سامر.
****
سامر
ناداه صديقه المقرّب علي ليقترب منه وهو
يرمق يحيى بغيظ يتحدث مع يارا بهدوء
وهي تستمتع له تومئ برأسها وكأنها لم تطلب
منه الطلاق منذ عدة أشهر!
ايه يا بني فيه ايه شويه وهتروح تقتله اهدا
كده يا سامر ده جوزها يابني
عارف انه زفت بس مش طايقه
ياللا يا يارا عشان نروح يا حبيبتي ونبقى نيجي
نطمن عليه لما يخرج مم المستشفى عشان
محدش يلاحظ حاجه
نظر له سامر بغيظ خاصة عندما وجد يارا
تمسك بيده الممدودة وتسير معه بعدما
صافحته موصية إياه أن يهاتف والدته حتى
لا يساورها القلق عليهما.
يابني مش كده نظراتك قاتله الصراحة
قالها علي ضاحكا ليزجره سامر بغيظ:
انت شايف ماشيه معاه بهدوء ازاي؟
جوزها يا اخي وال انت هتبقى مبسوط لو
اتطلقت؟
زفر سامر بضيق قائلا:
لا طبعا مش هبقى
مبسوط بس انت ماشوفتش حالتها ياعلي.
انا ال شيلت اختي الصغيره وهي سايحه في
دمها.
وانا ال كنت بموت وانا مستني يقولوا ان
الدم ال اخدوه مني انقذها.
ده غير الرساله ال
كانت سايباهالي وخلتني كنت هقتله.
عارف
يعنى ايه اختك الصغيره ال انت مربيها
على ايدك تشوفها بتموت قدام عنيك؟
يارا دى مش بس اختي دي بنتي.
انا فاكر كل
تفاصيل طفولتها اكتر منا فاكر طفولة
ولادي.
يارا دي كنت بشيلها على ايدي وامشي
بيها عشان تنام.
كنت بغيرلها الكافوله
وده ماعملتوش حتى مع عيالي.
يجي هو بكل
بساطه يهينها ويبهدلها ويقوم معتذر وكل ده
يعدّي عادي؟
انا عارف وفاهم كل ال انت بتقوله ده يا سامر
انا داخل بيتكم من زمان اوي كانت يارا لسه
في تالتة ابتدائي.
انا كمان اعتبرتها بنتي
واختي الصغيره وغلاوتها من غلاوة ولادي بس
لازم نكون عاقلين عشان ماندمرش حياتها.
يارا بتموت في يحيى ومهما عمل هتفضل تحبه.
يبقى لازم نساعدها ونقف جنبها عشان ترجع
تاني قويه وتقدر تاخد القرار الصح.
يحيى
مش وحش ياسامر وانت اكتر واحد عارف ده
يحيى ماتعودش يبين مشاعره لحد ومقدرش
يعمل ده حتى لما حب يارا واتجوزها, ومش بس
كده انت شايف بيتقال ايه عن والده انت
نفسك كنت قلقان من الموضوع ده لحد
ما قرّبت منهم عرفت ان الناس بتتكلم
عمّال على بطّال ولا حد فاهم حاجه كل
واحد بيفسر ال بيشوفه بمزاجه.
اكيد يحيى
كمان بيسمع ويشوف وده مأثّر عليه.
اذا كان
مازن المرح قالك بنفسه انه كان هيدمر
جوازه ف مره بسبب اللي بيتقال ده ما بالك
يحيى بقى اللي محدش بيقدر ياخد منه كلمه
اصلا.
طب انت كنت ملاحظ انه بيفكر في
يارا قبل مايتقدم؟
لا خالص.
واستغربت كمان لما سما قالتلي
انه عايز يارا واتخيلت انه عايزها بس عشان
محترمه وعارفها.
وكنت متوقع ان يارا مش
هتوافق عليه لانه جامد مش رومانسي وانت
عارف يارا اد ايه رومانسيه لكن الاتنين
فاجأوني.
هو فاجأني انه طلبها وهي فاجأتني
انها وافقت عليه
قال سامر بحيرة ليقول علي:
انا كمان فكرت زيك لحد ماشوفته وهو
بيبصلها في مره وفاكلا ان محدش واخد باله.
عرفت وقتها انه بيحبها اكتر مما تتخيل.
بس
للاسف غبي خبّى مشاعره ومقدرش يوصّل
الاحساس ده ليارا وده اول سبب خلى علاقتهم
تنهار بالشكل ده
زفر سامر بقوة وهو يومئ قائلا:
عارف وكان نفسي افهمه بس مقدرتش
بصراحه, حسيت اني بتدخل في حياتهم
وكمان كان نفسي هو يفهمها من غير ما
اقوله حاجه.
لكن انا شايف انه ماتغيرش
خالص
رمقه علي بلوم وهو يقول:
يبقى محتاج تغيّر
النظارة يا سي سامر
↚
رمقه بغيظ ليضحك علي وهو يقول:
لو ما تغيرش مكنش نزل عشان يبقى جنبها
ف الوقت ده ويحققلها ال نفسها فيه انها
تبقى جنب مروان وهو بيعمل العمليه.
عقل
يحيى القديم كان هيقول اننا معاه هنا وهي
مالهاش لازمه وتطمن ف التليفون وخلاص.
ده غير ان يحيى عمره ما قال ليارا كلمة
حبيبتي قدامنا قبل كده صح؟
كان دايما
بيجمّد مشاعره لكن النهارده لما اغمى
عليها شالها وكل شويه يا حبيبتي ده خلاني
احب على نفسي وانا واقف يا عم
ضحك سامر وهو يحرّك رأسه بلا فائدة.
ليشاركه علي الضحك وهو يتابع:
كل ده معناه انه اتغير او على الاقل ف بداية
التغير
ماشي يا علي انا معاك ف كل ده بس برضه
يارا مش المفروض تسامحه بسهوله كده
وتنسى كل حاجه وتبقى عادي معاه
قال بغيظ ليرمقه علي بغموض وهو يقول:
ومين قالك انها سامحته؟
*****
عاد يحيى ويارا إلى منزلهما واستقبلهما جاسر
وجهاد سعداء بعودة يحيى المفاجئة.
ثم
أحضرا له كتبهما الدراسية وهما يعرضانها
عليه وكل منهما يريد أن يكون أفضل من
الآخر.
أخذ يحيى يضحك معها ويخبرهما أنه
يريدهما دائما متفوقين.
وأن يطيعا والدتهما
بكل شيء وألا يغضباها أبدا وأخذ منهما وعدا
بذلك.
كانت يارا قد صعدت إلى شقتها حتى تستريح
قليلا بعد اليوم المرهق الذي قضته.
استغرقت في النوم لفترة وفجأة استيقظت على
حركة في الغرفة.
فتحت عينيها لتجد يحيى
واقفا ينظر إليها بحيرة
ايه ال منيمك في اوضة الولاد يا يارا؟
سحبت نفسا عميقا قبل أن تقول بهدوء:
عشان انا هنام معاهم لحد ما تسافر
رمقها بدهشة وهو يسألها:
ليه؟
ايه اللي
يخليكي ماتناميش جنبي؟
وف حضني؟
انتي مراتي يا يارا.
قالت بهدوء:
بس احنا اتفقنا اننا ف فترة كتب
الكتاب حاليا.
يعني مش هينفع انام جنبك
يا يحيى
انتي.
آ.
يارا.
انا كنت فاكرك خلاص و.
قال يحيى بحيرة قبل أن تقاطعه يارا:
يحيى انا مش عايزه افتح المواضيع القديمه
فلو سمحت ماتجيبش سيرتها لاني لسه مش
قادره انسى ال حصل فلو هتلتزم باتفاقنا
هفضل هنا.
اما لو مش هتقدر تلتزم بيه فأنا
هروح اقعد عند بابا لحد ماتسافر
يارا انتي ليه بتعملي كده؟
انا كنت
فاكرك سامحتيني خلاص؟
ليه مصرّه
تعذبيني؟
قال يحيى بألم لتجيبه يارا بنفس الهدوء:
بالعكس انا بعمل كده عشانا سوا.
عشان
حياتنا تتبنى على اساس صح المره دي.
عشان
مانرجعش نجرح في بعض او نخبي على بعض
مره تانيه.
المره دي لازم تكون بدايه صح
عشان نقدر نكمل صح عشان ولادنا على
الاقل
طيب نامي معايا ف الاوضه وانا هنام على
الارض
قال برجاء لتعترض:
لا طبعا ايه ال يخليك
تنام على الارض والسرير موجود؟
انت نام ف
الاوضه الكبيره وانا هنام مع الولاد
طيب هتقوليلهم ايه لما يشوفوكي نايمه
معاهم؟
ده انتي مابتعملهاش وانا مسافر؟
سألها لتقول بحيرة:
بصراحه مش عارفه اجيب
حجه خالص بس
قاطعها بلهفة:
خلاص اسمعي الكلام.
بلاش
تنامي معاهم وتعالي نامي في اوضتنا.
اعترضت:
لا طبعا مش هتنام على الارض.
تنهدت ثم قالت:
↚
خلاص هنام معاك بس
هنحط فاصل بينا
رمقها بصدمة وهو يقول:
للدرجه دي يا يارا؟
للدرجه دي مش طايقه
لمستي ليكي ولو واحنا نايمين؟
نظرت له بإحباط.
ماذا تخبره؟
هل تخبره أنها تخاف من نفسها لا منه؟
تخاف لأنها اشتاقت له كثيرا وتخشى أنها
من ستقترب منه وتطلب دفئه؟
هل تخبره أنها
من تريده بقوة حتى أن أحلامها كلها تدور
حوله قبل أن تتحول لكابوس بلون دمها الذي
أسالته بسببه!
رأى يحيى ترددها وحيرتها فاستسلم:
خلاص يا يارا اعملي ال يريحك المهم تبقي
معايا
ابتسمت بارتياح رغم الخوف الذي ظلّ بداخلها
أن يذهب كل ما قاومت لفعله أدراج الرياح
لو ضمّته بلحظة ضعف من شدة اشتياقها إليه!
ظلّت قلقة معظم الليل بسبب خوفها أن تضمه
دون وعي وما إن أشرقت الشمس حتى نهضت
خارجة للشرفة علّها تهدّئ من أفكارها التي
لا تتركها أبدا.
رنين هاتفها أيقظها من شرودها فابتسمت وقد
تذكرت أنها نسيت مكالمة مريم في خضم ما
عانته بالأمس.
وما إن أجابت حتى بادرتها مريم:
ناموسيتك كحلي ياختي لسه فاكره تردي
مريم اطلعي من نافوخي ابوس ايدك.
انا
هموت من الصداع.
اسكتي على ماخلص
القهوة اللي بعملها عشان افوقلك
قهوة على الصبح كده!
على روح مين إن شاء
الله؟
سخرت مريم لتهتف يارا بحنق:
على روحك ان شاء الله يامريم.
يابت اطلعي
من نافوخي على الصبح بدل ما ابطحك
بحاجه
ضحكت بقوة وهي تقول:
وعلى ايه الطيب
احسن
لتصمت للحظات وهي تقول:
مانمتيش مش كده؟
قالت يارا بخفوت:
مقدرتش, خفت اضعف
وأبيّنله أني محتاجه حضنه واضيّع كل حاجه
زفرت مريم بقوة قبل أن تقول:
ماتضغطيش على نفسك اوي كده يا يارا.
انا خايفه عليكي اوي وحاسه انك
قاطعتها يارا بحدة:
لا يا مريم ماتحاوليش
تقنعيني اني انسى بسهوله اوي كده ال عمله
فيا.
انتي ماتعرفيش تفاصيل كتير وانا مش
هقول لكن اللي حصل كبير اوي ومخليني
مش قادره اسامحه على اد مانا بحاول افتكرله
كل حاجه حلوه واقول اني غلطت برضه
لكن كل ال عمله فيا والمعاناه ال عانيتها
بسببه بتفضل قدام عيني.
اه انا كمان
غلطت لاني انا اللي اديتله الفرصه يعمل فيا
كل ده.
انا اللي لغيت يارا بإيدي قبل ما هو
يعمل اي شي.
انا اللي اتنازلت عن حاجات
كتير عشانه فاكره ان ده الحب.
لكن ده
مايديهوش الحق انه يجرحني او يعمل اللي
عمله ده
قالت مريم مهادنة:
يا حبيبتي انا مش بقولك
سامحيه دلوقتي وانسي كل حاجه في ثواني
لكن ماتاخديش كل حاجه على اعصابك
اوي كده حاولي تسترخي وتفكري بهدوء
وتقوليله اللي انتي عايزاه
صمتت للحظات قبل أن تقول:
بصي يا يارا.
هو صحيح بيحبك لكن مش
لازم عشان بيحبك يفهمك لوحده.
بيحبك اه لكن مش فاهمك ولا عارف انتي
عايزه ايه؟
اتكلمي معاه.
فهميه ال جواكي
حاولي توصليله ال انتي عايزاه عشان يقدر
يرضيكي ويسعدك.
وترجعوا مع بعض تاني
مانا كنت بسيبله مذكراتي يقراها وهو كان
بيطنش.
مكنش بيهتم حتى انه يبص فيها
ويشوف انا عايزه ايه وال نفسي في ايه؟
عارضت يارا لتقول مريم:
المذكرات مش زي
ماتتكلمي معاه يا يارا.
ده جوزك مش
خطيبك يا حبيبتي, حاولي تحددي وقت كل
↚
يوم واقعدوا اتكلموا ف اي حاجه.
اي موضوع
مهما كان.
شوفوا اراءكم قريبه من بعض وال
بعيده؟
بكده هتقدروا تفهموا تفكير
بعض وتقربوا من بعض.
ربنا يصلحلك الحال
يا حبيبتي
أغلقت مع مريم وظلّت تفكر فيما دار بينهما.
هل حقا الحديث مباشرة أفضل؟
وهل سيستجيب يحيى للأمر أم سيخذلها مرة
أخرى؟
رفعت رأسها مفكرة.
هذه المرة إما تنقذ زواجها أو تنسى هذا الزواج
+
للأبد.
نهاية الفصل
السابع والعشرين من هنا
موقع حكايتنا حكاية هو منصة إلكترونية عربية متخصصة في نشر الروايات والقصص ويستهدف بشكل أساسي محبي الأدب الرومانسي والاجتماعي مع حضور قوي لاهتمامات القرّاء.
خلي لو ان الحب قرار في جيبك دايمًا مع تطبيق حكايتنا حكاية
استمتع بقراءة لو ان الحب قرار بشكل أريح وبدون إعلانات مزعجة من خلال تطبيق حكايتنا حكاية الرسمي.
قراءة رواية لو ان الحب قرار الفصل السابع والعشرون 27 بقلم حنين احمد
ما يحدث الآن في رواية لو ان الحب قرار يتجاوز كل التوقعات تمامًا…
اقرأ رواية لو ان الحب قرار من البداية للنهاية
رواية لو ان الحب قرار كاملة بجميع الفصول، تجربة قراءة سلسة ومريحة عبر جميع الأجهزة.
روايات حنين احمد بدون اختصار
تصفح جميع أعمال حنين احمد من الروايات والقصص الكاملة.
