في لو ان الحب قرار على حكايتنا حكاية لا تثق في أي شيء… حتى السرد نفسه!
رواية لو ان الحب قرار الفصل الخامس والعشرون 25 بقلم حنين احمد
0
رواية لو ان الحب قرار الفصل الخامس والعشرين 25 بقلم حنين احمد
رواية لو ان الحب قرار الفصل الخامس والعشرين 25 بقلم حنين احمد
لفصل الخامس والعشرون
يارا حبيبتي خلّي بالك من نفسك انا
عايزك قويه زي ماكنتي دايما.
يارا خلّي
بالك من مها هي هتحتاجلك الفترة ال جايه
والولاد ماتسيبهمش يا يارا
حرّكت رأسها بعنف وهي تصرخ:
ابيه مروان لا لا ااااااا
استيقظت يارا شاهقة بعنف وهي تهتف:
يحيى!
نظرت بجانبها تلتمس وجوده علّه يدفئ برد قلبها الذي تشعر به فلم تجده فأغمضت عينيها
بألم وهي تهمس:
ربنا يسامحك يا يحيى كان لازم توصّلنا
للموقف ال احنا فيه ده؟
لا أنا قادره اسامحك
وارجع زي الاول معاك ولا قادره اشيلك من
حياتي خالص عشان الولاد
هتف صوت بداخلها:
ولأجلكِ أنتِ أيضا يارا
لا تنكري أنكِ تفتقدي وجوده بجوارك
خاصة مع التغيّر الذي طرأ عليه مؤخرا
أو ربما كما أخبركِ أنه عاد لنفسه ولم يعد
يضع كلام الناس نصب عينيه كما فعل
قبلا
تنهيدة طويلة فلتت منها قبل أن تتذكر الحلم
المزعج الذي أيقظها من نومها.
لم تسأل عن شقيقها في خضم انشغالها بعملها
والترتيب لمدارس الأولاد ومحاولة نسيان ما
فعله بها يحيى والتأقلم مع شخصيته الحالية
التي تعجبها بقوة.
أزاحت يحيى من عقلها وهي تركز على شقيقها
الذي يتعلل بالعمل منذ فترة تاركا زوجته
وأولاده بشقته بمنزل والده وهو بمفرده بعيدا.
قلبها يحدّثها أنه ليس بخير منذ فترة ولم تعد
تعرف ماذا تفعل حتى تعلم منه الحقيقة التي
أبى أن يخبرها وسامر بها.
نظرت بالهاتف لترى الوقت وجدته يقترب من
الثامنة صباحا.
يا الله لقد نامت عن صلاة
الفجر.
كيف ذلك وهي تضبط المنبّه دوما؟
تذكرت أن جاسر كان يمسك بهاتفها باليوم
السابق.
إذا هو من لَعِبَ في إعدادات المنبّه
وجعلها تنام عن صلاة الفجر.
نهضت ثم اغتسلت وأدّت صلاة الضحى ثم قررت
الاتصال بشقيقها مروان.
أجل اتصال عادي لتطمئن عليه فقط فهو بهذا
الوقت يستعد للذهاب للعمل
بادرته ما إن سمعت صوته:
ازيك يا ابيه؟
وحشتني اوي
أجابها مبتسما بهدوئه المعتاد:
انتي كمان
واحشاني اوي يا بنّوتّي, طمنيني عليكي
عامله ايه يا حبيبتي وأخبار الشغل ايه؟
والولاد
وحشوني جدا
الحمد لله كلنا بخير يا ابيه, حضرتك
عامل ايه وصحتك؟
بقالي كتير اوي
ماشوفتكش
الحمد لله بخير يا يارا, ربنا يسهل وأجي
اشوفكم قريب وحشتوني كلكم
شعرت أن صوته به غصة وصلت لقلبها مباشرة
لتقول بقلق:
ابيه انت كويس بجد؟
أجابها بارتباك:
ايوه حبيبتي الحمد لله
التحاليل والاشعة ال كنت عاملها طلعت ايه
يا ابيه؟
ليه بتتهرب من الاجابه كل ما ابيه
سامر سألك؟
التحاليل فيها حاجه صح؟
طال الصمت وبدأت دموع يارا تتساقط وهي
تشهق بعنف ليقول مروان بحزن:
يارا ياقلبي بتعيّطي ليه دلوقتي؟
لأنك تعبان وكلنا انشغلنا عنك بمشاكلنا
مع انك على طول معانا في اي حاجه.
دايما سند لينا حتى لو بينا بلاد
همّ بالحديث لتصدمه بقولها:
أبيه انت عندك كانسر صح؟
صمت للحظات قبل أن يومئ وكأنها تراه
وهو يقول متحاشيا الرد المباشر:
يارا بنّوتّي الحلوه.
خلّي بالك من نفسك
يا حبيبتي.
انا عارف اني مكنتش قريّب
منّك دايما زي سامر لكن ربنا اللي عالم اني
بشوفك دايما اول بنوته ليا مش بس اختي,
يارا خلّي بالك من مها, خليكي جنبها الفتره
ال جايه.
والولاد كلّميهم عني ماتخليهمش
ينسوني لما
صمت غير قادر على المتابعة وانهيار يارا لا
يساعده على التماسك أبدا.
ابيه احنا لازم نكون معاك ماينفعش تبقى
↚
لوحدك في وقت زي ده وابله مها كمان لازم
تبقى معاك ماتبعدهاش عنك كده.
وبابا وماما.
قاطعها مروان بحدة:
لا يا يارا محدش هيعرف
حاجه ابدا.
انا مش عايزهم يتعذبوا.
هم
ماعادوش بيستحملوا حاجه في السن ده.
ومها مش هتستحمل.
يارا اوعديني انك
ماتقوليلهمش حاجه
أومأت وكأنه يراها وهي تقول:
حاضر يا ابيه
مش هقولهم بس اوعدني انك هتقاوم.
اوعدني انك هتعمل اي حاجه عشان ترجعلنا
بالسلامه
قال بحب:
اكيد حبيبتي ادعيلي يا يارا.
ادعيلي وماتعيطيش
أومأت وهي تنهي المكالمة وتشعر كم أن
كل المشاكل بالعالم صغيرة أمام مرض
كهذا.
مرض يخطف الفرد من عائلته ويدمي
قلوبهم بالفراق.
ظلّت جالسة على الفراش لفترة قبل أن تمسح
دموعها بعنف وهي تفكر.
لا لن أبكي, لن أضعف.
لابد أن أكون
بجواره, أن أكون له السند مثلما كان لي دوما
خطرت ببالها فكرة ووضعتها قيد التنفيذ
بالفعل.
هاتفت سامر وأخبرته أن يمر عليها قبل ذهابه
للعمل وألا يخبر أحدا بمجيئه إليها.
حضر سامر بعد فترة وهو يشعر بالقلق مما
يحدث.
ألقت له المفتاح من الشرفة ليصعد
إليها وما إن رآها حتى بادرها:
يارا حبيبتي مالك في حاجه حصلت وال
ايه؟
مفيش حاجه يا ابيه بس تعال.
فطرت؟
أوما بمرح:
اه ياحبيبتي الحمد لله.
سما حنّت
عليا ولقيتها سايبالي ساندوتشين جبنه وخيار
احمدك يارب
قالت مبتسمة:
احمد ربنا غيرك مش
بيلاقيهم
رفع يده باستسلام:
وانا قولت حاجه الحمد لله
رمقته للحظات قبل أن تقول بجدية:
انا عايزه اكلمك في موضوع بس محدش
يعرف عنه حاجه
سألها بقلق:
خير؟
قالت ببطء:
الموضوع بخصوص ابيه مروان
هتف بدهشة:
مروان؟
ماله؟
ابيه مروان عنده.
كانسر
ارتسمت الصدمة على وجه سامر وهو يحاول
استيعاب الأمر ويارا تكمل حديثها وهي تحاول
التماسك دون أن تنهار مرة أخرى:
هو مش قايل لحد حتى ابله مها وهيعمل
العمليه كمان يومين.
وطلب مني وعد اني
ماقولش لحد ابدا حتى بابا وماما.
بس طبعا
كان لازم اقولك عشان ماينفعش نسيبه
لوحده وبقول لو تعرف.
قاطعها سامر وقد أفاق من صدمته:
ايوة طبعا هروحله, كفايه اني نسيت موضوع
التحاليل ال عملها من فتره دي خالص.
هروح
اقعد معاه لحد مايقوم بالسلامه
أومأت بحب وهي تقول:
ماشي يا حبيبي ربنا
يكرمك انا كنت قلقانه اوي انك ماتعرفش
تروحله عشان الشغل وكده.
يولع الشغل انا لازم اكون معاه.
ماتقلقيش
هاخد اجازة من الشغل وهروحله وهطمنك
عليه المهم انتي حاولي تبقي طبيعيه عشان
محدش يشك في حاجه
حاضر هحاول وربنا يعيني
حاولت يارا أن تبدو طبيعية قدر الإمكان
بالرغم من القلق والخوف اللذين يعتملا
بداخلها.
وجدت نفسها تمسك بالهاتف وتتصل به.
لم يصدق عينيه عندما رأى رقمها على هاتفه.
لشهور لم يرَ رقمها يهاتفه أبدا وخشي هو أن
يفعل فتشعر انه يحاول أن يرغمها على تقبله من
جديد فاكتفى بالرسائل يحاول أن يفهمها
ما كان يحدث ويشرح لها أسبابه ويتقرب منها
كما تمنى دوما بعيدا عن القيود التي قيّدت
روحه.
↚
ما إن أفاق حتى كان الاتصال انتهى فسارع
بإعادة الاتصال ليصله صوتها الخافت:
سلام عليكم
وعليكم السلام ازيك يا يارا؟
ران الصمت للحظات حتى شعر أنه أخطأ
بالاتصال ربما لم
قاطع أفكاره المرتبكة صوتها الباكٍ
يحيى
هتف بفزع:
يارا.
حبيبتي, مالك؟
ايه ال
حصل؟
فيكي ايه؟
يارا يارا.
وصله صوتها الباكٍ:
محتاجالك جنبي
حبيبتي انا جنبك والله قوليلي بس ايه ال
حصل؟
قال بلهفة وهو يشعر بالقلق وعقله يحاول
تفسير حالتها الغريبة دون جدوى.
ابيه مروان طلع عنده كانسر وهيعمل عمليه
بكره وانا خايفه اوي.
بالله عليك يا يحيى
تدعيله عند الكعبة.
انا خايفه عليه اوي
ومش عارفه لو جراله حاجه لا قدر الله
هستحمل ازاي؟
بفكر في بابا وماما ومراته
وعياله؟
عياله صغيرين يا يحيى هقولهم ايه؟
وهفهمهم ازاي؟
اهدي يا قلب يحيى.
إن شاء الله هيقوم
بالسلامه.
خلي عندك يقين بالله
قال مهدّئا وصورة مروان الهادئ الرزين ترتسم
أمام عينيه ليسمعها تجيبه:
ونِعمَ بالله.
اكيد انا من ساعة ماعرفت وانا
مش ببطل دعاء له.
لكن مش بإيدي.
بفضل
افكر لو
تعالت شهقاتها ويحيى يكاد يجن أنه ليس معها
بهذه اللحظة يحتضنها ويخفف أحزانها.
حبيبتي, ان شاء الله هيقوم ويبقى زي الفل
يارا.
انتي لازم تكوني قويه حبيبتي عشان
تقفي جنبه
طيب هقف جنبه ازاي؟
محدش يعرف اللي
حصل غير ابيه سامر وهو معاه دلوقتي.
بس انا نفسي اكون معاه.
عايزه اشوفه يا
يحيى.
افرض حصله حاجه لا قدر الله ابقى
ماشوفتوش؟
انا مش عارفة افكر.
طيب اروحله ازاي من غير ما يعرفوا؟
قالت بضياع ليحاول تهدأتها قائلا:
اهدي بس يا حبيبتي ربنا يخليكي
ظلّ معها على الهاتف يهدئ من روعها حتى
تماسكت ليجدها تشكره بصوت واهن وهي
تعتذر أنها أطالت عليه المكالمة!
كاد يشد شعره وهو يسمعها تعتذر منه.
ألهذه الدرجة يارا أصبحت غريبا عنكِ؟
ولكنه بنفس الوقت فرح أنها اتصلت به ولجأت
له هو رغم الظرف الحزين ولكنه شعر أن
هناك أمل أن تعود لحياته قريبا.
****
رنين جرس الشقة اختلط مع صوت آذان الفجر
هل تحلم أم أن هناك من يطرق بابها بهدوء
على الرغم أنها شعرت أن الصوت انتزعها من
النوم انتزاعا!
سمعت المفتاح يدور ولكن الباب لم يُفتح.
تذكرت أنها وضعت السلسلة.
لا تعلم لِمَ
بالتحديد تضعهالاولكن غياب يحيى يشعرها
بعدم الأمان فتغلق الباب بالمفتاح والسلسلة
ذهبت باتجاه الباب وهي تهمس حتى لا توقظ
طفليها:
مين؟
أنا يحيى يا يارا
همس بهدوء في المقابل لتتسع عيناها بقوة
وعدم تصديق!
لقد كلّمته فقط منذ عدة ساعات كيف
يتواجد أمامها بهذه اللحظة؟
ظلّت واقفة تحدّق به بصدمة بعدما فتحت له
الباب وهو يقف أمامها مبتسما على الرغم من
الإرهاق البادي على ملامحه التي اشتاقتها
بجنون.
عيناه تلتهمانها بشوق نفذ لقلبها بقوة.
كان يحيى أول من تحدث:
هفضل واقف على الباب كتير؟
قال بمرح ليُصدَم برد فعلها حينما ألقت بنفسها
بين ذراعيه وهي تبكي بقوة.
ضمها له بحب يريد أن يزرعها بداخله ثم أغلق
باب الشقة ومازال يضمها له حتى دخل غرفتهما
لترمقه بعدم تصديق وهي تهمس:
↚
انت هنا فعلا يا يحيى صح انا مش بحلم!
ابتسم بحنان وهو يقول:
اكيد حبيبتي.
مقدرتش مكونش جنبك
في وقت زي ده.
همست بتردد آلم قلبه:
بس شغلك.
قاطعها موضحا:
استأذنت صاحب الشغل في
النزول كان لازم ابقى جنبك في الوقت ده
لم تستطع النطق فقط ضمّت نفسها له تستشعر
شعورا طالما حلمت به.
يااه يا يحيى وأخيرا.
كمت محتجالك اوي
همست بها تظن أنه لن يسمعها ولكنه سمعها
ليهمس لها بدوره:
انا اللي محتاجلك يا يارا,
حياتي من غيرك مالهاش اي طعم.
انتي
الحاجه الحلوة اللي في حياتي.
وحشتيني اوي
ووحشني وجودك في حياتي وفي حضني
صمت للحظات يشعر بوجودها بين ذراعيه
وهو يبتسم قبل أن يقول بجدية:
انا كلمت بابا امبارح وشرحتله الظروف واني
حجزت عشان اجي ابقى جنبك واوديكي
لمروان.
انا عارف انك مش هتقدري تقعدي
هنا وهو هناك
ضمّت نفسها له بقوة وهي تقول بعفوية:
ربنا يخليك ليا حبيبي
رقص قلبه فرحا وهو يجيبها بحب:
ويخليكي ليا يا قلبي
بس.
هنقولهم ايه؟
ليه نزلت؟
وليه هنسافر
لمروان و.
سألته ليقاطعها قائلا:
انا هقولهم اني جيت في
شغل لمدة شهر واني هاخدك معايا النهارده
عشان محتاجك ف الشغل.
بصي ماتقلقيش انا
هتصرف وكمان محدش هيعرف اننا عند
مروان.
مش هنقول احنا رايحين فين, هنسيب
الولاد مع بابا وماما وانا مفهّم بابا ع كل
حاجه
طيب غيّر هدومك وخد حمام على ما اصلي
واحضرلنا حاجه ناكلها
******
طوال الطريق كانت تدعو وقلبها يكاد
يتوقف من القلق والخوف.
ويحيى يحاول أن
يشتت تفكيرها بالحديث حتى لا يتركها
لأفكارها السوداء التي تنعكس بوضوح على
وجهها الحزين.
وأخيرا وصلا إلى المشفى وقابلا سامر الذي
صُدِمَ من وجودهما خاصة يحيى فرمقه ببرود
قبل أن يولي اهتمامه كله بيارا التي انهارت
حالما عرفت أن مروان بالفعل بغرفة العمليات
مالحقتوش, مالحقتوش
ضمّها له يحيى بقوة وهو يحاول تهدأتها مخبرا
إياها أن تتفاءل خيرا وتدعو له أفضل من
انهيارها بهذا الشكل خاصة أن سامر أيضا
ظلّ صامتا يرمقها بألم بادٍ على وجهه.
خرج الطبيب من العمليات منهكا ليسارع له
سامر ويحيى بجواره سندا له أما يارا فقد
تجمدت مكانها لا تجرؤ على الاقتراب.
وما إن رأت وجه سامر يشحب حتى سقطت فاقدة
+
الوعي.
نهاية الفصل
السادس والعشرين من هنا
موقع حكايتنا حكاية هو منصة إلكترونية عربية متخصصة في نشر الروايات والقصص ويستهدف بشكل أساسي محبي الأدب الرومانسي والاجتماعي مع حضور قوي لاهتمامات القرّاء.
لا تفوت فصلًا من لو ان الحب قرار، تابعها حصريًا عبر حكايتنا حكاية
حمّل تطبيق حكايتنا حكاية الآن وتابع بقية فصول رواية لو ان الحب قرار بسهولة وبدون انقطاع، مع إشعارات فورية بكل فصل جديد.
قراءة رواية لو ان الحب قرار الفصل السادس والعشرون 26 بقلم حنين احمد
قرار واحد فقط في رواية لو ان الحب قرار قد يقلب كل الموازين!
جميع أجزاء رواية لو ان الحب قرار
رواية لو ان الحب قرار كاملة بروابط واضحة وسريعة الاستجابة.
قصص حنين احمد الكاملة
جميع روايات حنين احمد متوفرة كاملة للقراءة المباشرة.
