لو ان الحب قرار تبدأ عادية… لكن على حكايتنا حكاية النهاية مستحيلة التوقع!
رواية لو ان الحب قرار الفصل الثالث عشر 13 بقلم حنين احمد
0
رواية لو ان الحب قرار الفصل الثالث عشر 13 بقلم حنين احمد
رواية لو ان الحب قرار الفصل الثالث عشر 13 بقلم حنين احمد
أهلها وأهله وطفليها حتى هو
يأخذ الاهتمام الأكبر ولكن من يهتم بها؟
من يشعر بتغيرها؟
لا أحد!
رنين الهاتف أيقظها من نومها لتتململ بنزق قبل
أن تلتقطه مجيبة إياه لتنتفض على صرخة
مريم:
يارا أنا حامل
حسبي الله فيكي يا مريم حد يعمل كده؟
هتفت يارا بحدة قبل أن يصلها صوت مريم
المرح:
شكلك كنتي نايمه؟
ياللا معلش
تعيشي وتاخدي غيرها بس قولت انتي لازم
تكوني اول واحدة تعرفي
ضكت يارا وهي تهز رأسها أن لا فائدة قبل
أن تبارك لها بحب:
مبروك يا مريومتي الف
مبروك ياقلبي ربنا يتمملك بخير وربنا يستر
والنونو مايطلعش مجنون زيك
ضحكت مريم عاليا قبل أن تقول:
لا انا عايزاها بنوتة وتكون رقيقة ورومانسية
زيك كده وهسميها يارا على اسمك كمان
أظلمت ملامح يارا ولكنها حاولت ألا تظهر
لصديقتها ما يعتمل داخلها فقالت:
طب ياللا امشي بقى عشان اروح اكمل نوم
لاحسن شويه وهلاقي العيال فوق دماغي
أغلقت الخط مع مريم لتبتسم بحنو وهي
تتذكر يوم هاتفتها المجنونة لتخبرها أن
والدها أخيرا حدّثها عن الشاب وأنها وافقت
دون تردد لتدعو لها يومها بالتوفيق وأن تجد
ما تمنته دوما به لتحدث بعدها أسرع زيجة
قابلتها يوما.
فبخلال ثلاثة أشهر كان كل
شيء قد انتهى وتزوجت مريم بحفل بسيط
مرح يشبهها وكانت معها خطوة بخطوة و
وحدها!
فقط جاسر وجهاد وعبير ومازن زوجها كانوا
معها وكما اعتادت غاب يحيى عن الصورة.
زفرت بضيق تحاول الاعتياد على نمط الحياة
الغريب الذي تعيشه منذ ابتعد عنها يحيى
أحيانا تشعر أنه يشتاق لها ويظهر هذا بعلاقتهما
بشكل واضح وأحيانا أخرى تشعر أنه نسيها
تماما وأنها لا تمثل له شيئا.
وكلما حاولت خلق بيئة رومانسية لهما كان
الرد انضجي فقد أصبحتِ أما!
وهل الأمومة تلغي الأنوثة؟
زفرت بقوة قبل أن تقرر النهوض لتستعد فغالبا
يحيى بالطريق وقد أخبرها أن هناك أمر هام
سيحدثها به لدى عودته.
ترى ما هذا الأمر
الذي جعله يبدأ الحديث معها بنادرة من نوادره؟
ماذا أفعل لك يحيى حتى أحصل على يحيى
الذي أحببته بخيالي؟
حتى أحصل على الحب
الذي تمنيته وانتظرته في الحلال؟
هل كنت ساذجة لأني تخيّلته سيحبني
كأبطال الروايات التي أقرأها؟
هل تخيّلت أنني عندما أناديه يحيى سيجيبني
قلب يحيى وروحه وعقله؟
1
سخرت من نفسها بقوة كلها أوهام يا يارا وكل
هذا فقط بالروايات.
لا يوجد بالعالم الواقعي
العالم الواقعي يمثّل يحيى بجموده وبروده
وابتعاده عنكِ.
1
ولكني لم أطالبه أن يكون مثل أحد فقط
يحبني بطريقته لن أعترض.
يعبر عن مشاعره
بطريقته لن أضع آمالا أعلى.
فقط يغدق عليّ بحنانه الذي يغدقه على
الجميع لن أطلب أكثر.
أغمضت عينيها بألم.
ألهذا الحد وصلتِ يارا؟
تنتظرين منه الفتات!
فتات حبه واهتمامه وحنوه؟
وماذا بعد؟
هل ستظلين حياتك كلها هكذا يارا؟
تستجدين منه مشاعره التي هي حقك
بالأساس؟
صدح صوت هاتفها النقّال بالأغنية التي
خصصتها له حالما سمعتها من ابنة أخيها مروان
لقد شعرت وقتها أنها كتبتها في عالم موازي
أن الكلمات تنبع من روحها فيبكي قلبها دما
وتتحطم روحها لشظايا غير قابلة للإصلاح!
فيه حاجات تتحس وماتتقلش
وان جيت اطلبها انا مقدرش
ولو انت عملتها بعد مانا اطلبها
يبقى ماينفعش
فيه حاجات تتحس وماتتقلش
توجع فى القلب ومابتبانش
وافضل على طول تعبانة مابين
طب اقولك وال مااقولكش
مقدرش اقولك غير كل طريقة حبك ليا
او غير عليا وال فاجئنى فى مرة وهاتلى هدية
↚
الا عنيا بتعمل حاجة انا مش عارفاها
مقدرش اقولك حلى الدنيا فى عينى وغير فيا
لو مهما كنت قريب منى وكنت قريب ليا
مقدرش اقولك شكل حياتنا ال انا عايزاها
اعرف لوحدك شكل حياتنا ال انا عايزاها
اوقات بيبان انى سكت وهديت ورضيت واتعودت
مش معنى كده انك على طول تحسبنى
انى استسلمت
وسعات بتحس انى زهقت مع انى بخبى انى تعبت
ماتوصلنيش ياحبيبى اقول ده ياريتنى اتكلمت
عزمت على الحديث معه حالما يصل.
لابد أن
يكون هناك حلا لوضعهما معا.
فربما حالتهما كل بمكان مختلف هو ما
يجعله بعيدا عنها لا يشعر ولا يهتم بها
ولكنها لم تعلم أن بانتظارها مفاجأة ستقلب
كل الموازين بالنسبة إليها بالطبع!
*****
حلمت بكَ قطرة ماء
تتساقط فوق أرضي القاحلة
لتعيد الحياة إليها
حلمت بكَ نجما
تضيء الكون لي
فأهتدي في دروب أيامي الطويلة
حلمت بكَ يدا تمسك بيدي
تأخذني لعالم من السعادة
إليه ظننت أنني أنتمي
ولكن اكتشفت أنها كانت مجرد أحلام
فلن تتحول القطرة لمطر يروي
ولا النجمة لشمس مضيئة
ولا اليد ستكون حضنا يأويني
اكتشفت أنني بالوهم غرقت
وما عاد هناك مجال للإنقاذ
(إهداء من الجميلة فاتن منصور)
استعدت للقاء يحيى كعادتها أنيقة الملابس
ساحرة المظهر قلبها يرجف ترقبا فاليوم لابد
أن تنهي الأمر.
ربما لم تعتد المواجهة ولكن
لكل شيء مرة أولى.
ارتدت فستان أحمر قصير بالكاد يصل إلى
ركبتها بحمالة واحدة وتعطرت بعطرها
المفضل وانتظرت حضوره.
وكالعادة شردت بمعذبها.
ثلاث سنوات ونصف
قد مروا على زواجهما ولا شيء تغيّر.
ربما أحبته أكثر, تعلّقت به أكثر وجُرِحَت
منه أكثر.
زفرت بضيق وهي تحاول تحاشي
التفكير بشيء يثير أعصابها فلا تريد أن
تكون غاضبة وهي تحدثه بل ستتحدث معه
بكل هدوء ربما تصل معه لحل.
هو يحبها وهي تعلم ذلك كيف لا تفهم
ولكنها تشعر بذلك وإلا لم يكن ليخشى
عليها أثناء مرضها أو يصر على البقاء معها
ويرفض عرض أي أحد بالتبديل معه.
كما أنه يغار عليها بقوة.
نظرات عينيه
تشعرها دوما بالحب حتى لو تصرفاته مختلفة
لا تفهم هل هي واهمة أم أنها حقيقة!
صوت فتح الباب قاطع أفكارها فعلمت أن محور
أفكارها بل حياتها كلها قد وصل فنهضت
لتستقبله كما اعتادت منذ زواجهما.
ضمته بقوة وهي تقول:
حمدالله على السلامة
يا حبيبي وحشتني اوي
ضمها له بحنو وهو يجيبها:
الله يسلمك
يا حبيبتي ها اخباركم ايه؟
الحمد لله انت عامل ايه؟
جعان؟
انا مجهزه
فطار خفيف عشان معاد الغدا قرّب
قالت يارا بهدوء ليومئ وهو يقول:
ماشي هدخل آخد دوش واجي ناكل عشان
عايزك في موضوع مهم
ظلّت مترقبة حتى فاتحها بالأمر وهو يأكل
وهي منتبهة لكل كلمة يقولها.
يارا انا جايلي عرض شغل كويس اوي وانا
قررت اقبله ان شاء الله
ابتسمت له بحب وهي تقول:
الحمد لله مبروك
يا حبيبي ربنا يجعله فاتحة خير عليك
رمقها بدهشة قائلا:
يعني ماسألتيش عرض ايه
وفين؟
ولا اي تفاصيل
ليه هو فيه اختلاف عن شغلك ده؟
مش زي
ترقية كده يعني؟
سألت يارا بتوجّس ليجيبها شارحا:
لا هو احسن من شغلي حاليا كمان انا بدل
ماكون مسؤل عن مزرعة واحدة هكون مسؤل
عن كذا مزرعة مع بعض طبعا الشغل هيكون
اكتر بس العائد كمان اكتر والخبرة
شعرت يارا أن الآتي لن يعجبها أبدا ولكنها
قالت:
كويس يا حبيبي ربنا يعينك
انا نازل اجازه كبيره المره دي عشان احضّر
الورق
تساءلت وغصة تقف بقلبها:
↚
ورق ايه؟
ورق السفر ما هو الشغل مش في مصر
سقط قلب يارا بين قدميها حرفيا وهي تسأله
امّال فين؟
في الكويت
أجابها لتهتف:
يعني هتسافر برضه وتسيبني؟
أجابها بحدة:
يعني انا رايح العب يا يارا؟
انا
رايح شغل وان شاء الله سنه كده اظبّط اموري
وابعتلك انتي والولاد
همست بصدمة:
ايه سنه؟
أجابها غير ملاحظ لحالتها:
ايوه يادوب على
ما اعرف النظام هناك واقدر اجيب شقه
وافرشها عشانكوا لان المزرعه هناك
مافيهاش سكن لينا كله سكن عزاب
مازالت في صدمتها ولم تنطق!
يارا انتي سكتّي ليه؟
انتي مش فرحانه؟
انتي
عارفه ان ده كويس اوي لشغلي ومعناه ان
صاحب الشغل واثق فيا عشان يسلمني منصب زي
ده في سني اللي يعتبر صغير برضه
قال يحيى شارحا وجهة نظره وهو يشعر
بالسعادة فهو على الطريق الصحيح بالنسبة
لعمله وهو ما اجتهد لأجله لسنوات منذ تخرجه
يعني انت هتمشي وتسيبني سنه انا والولاد
وكل اللي فارق معاك بس ان شغلك هيبقى
كويس وانك هتحقق طموحك ومش مهم انا
ولا ولادك؟
قالتها بصدمة وهي ترمقه بعدم تصديق:
يعني انا بعمل كل ده عشان مين؟
ما هو
عشانك انتي والولاد.
عشان ما يحتاجوش
حاجه.
وبعدين هو انا قولت مش هبعتلك وال
هسيبك هنا على طول؟
انا بقولك هظبّط
اموري وابعتلك على طول
يحيى ماتسيبنيش ابوس ايدك انا مقدرش
اعيش من غيرك.
اعمل فيا ال انت عايزه.
بلاش تحبني, بلاش تقربلي بس ماتسيبنيش.
انا مش هقدر استحمل بعدك عني.
هموت
من غيرك, انا يادوب مستحمله اني اشوفك
كل اسبوع يوم او اتنين مش هقدر اقعد كل
الفترة دي وانت بعيد عني.
أرجوك يا يحيى
بلاش تسيبني بلاش
قالت من بين بكائها وهي تتمسك به تضمه
بقوة لا تريد إفلاته.
تشعر أنه سيختفي ما إن
تفلته.
ضمها يحيى إليه وهو يمسح على رأسها بحنو
ثم قال:
اهدي بس ياحبيبتي يعني انا عايز
اسيبكم؟
صدقيني كل ده عشانكوا انتوا
مش عايز عيالي يحتاجوا لحاجه ولا يبصوا
لحد.
عشان خاطري ساعديني وبلاش تعملي
كده في نفسك انا بتعذب لما اشوفك
كده هي فترة وهتعدي إن شاء الله وهتكوني
معايا على طول بعد كده
ظلّت تنتفض فترة حتى هدأت تماما
واستكانت بين ذراعيه وصمتت كما اعتادت
أن تفعل دوما.
من أجل أولادها ستفعل, فقد رأت كم عانت
دينا من ضيق ذات اليد وما احتملته من حديث
خرّب بينها وبين زوجها لذا لابد أن تكون
قوية, لابد ان تحتمل بعده عنها وعند هذه
النقطة عادت الدموع إلى عينيها مرة أخرى
حاضر يا يحيى هقف جنبك واعمل ال انت
عايزه
قالت بخفوت وهي تحاول كبح دموعها ليقول:
ربنا يخليكي ليا ومايحرمنيش منك ابدا
وصدقيني انا لو قدرت اجيبكم بسرعه
هجيبكم انا مقدرش اعيش من غيركم
ابتسمت له بحزن وهي تفكر.
دائما يجمعها
بالأطفال.
كأنها بمفردها لا تكفيه.
نعم
هو لا يستطيع الابتعاد عن أطفاله لذا
سيأخذها عندما يوفّر كل شيء.
هل كُتِبَ عليها أن تعيش طوال حياتها فى هذا
العذاب؟
عذاب الفراق وعذاب اللقاء.
+
عذاب يحيى!
الرابع عشر من هنا
موقع حكايتنا حكاية هو منصة إلكترونية عربية متخصصة في نشر الروايات والقصص ويستهدف بشكل أساسي محبي الأدب الرومانسي والاجتماعي مع حضور قوي لاهتمامات القرّاء.
حمّل تطبيق حكايتنا حكاية دلوقتي وكمّل قراءة لو ان الحب قرار
لو بتحب تتابع لو ان الحب قرار أول بأول، تنزيل تطبيق حكايتنا حكاية هيوفرلك ده بضغطة واحدة.
قراءة رواية لو ان الحب قرار الفصل الرابع عشر 14 بقلم حنين احمد
إذا كنت تظن أن القصة هادئة… رواية لو ان الحب قرار تخفي عاصفة قريبة! 📖
رواية لو ان الحب قرار كاملة بروابط مباشرة 📖
استمتع بقصة رواية لو ان الحب قرار كاملة بجميع تفاصيلها.
مكتبة روايات حنين احمد
استمتع بقراءة قصص حنين احمد الكاملة بسهولة.
