رواية لو ان الحب قرار على حكايتنا حكاية مش مجرد قصة… دي لعبة كشف أسرار!
رواية لو ان الحب قرار الفصل الثاني عشر 12 بقلم حنين احمد
0
رواية لو ان الحب قرار الفصل الثاني عشر 12 بقلم حنين احمد
رواية لو ان الحب قرار الفصل الثاني عشر 12 بقلم حنين احمد
لفصل الثاني عشر
عاد يحيى إلى عمله تاركا يارا بمفردها وقد
اقترب موعد الولادة وقد وعدها بالحضور
بالوقت الذي حددته الطبيبة للولادة.
كان الوقت في بعده يمر ببطء شديد عليها
إن حياتها كلها تتمحور حول يحيى وحياتها
1
معه وهذا جعله مركز اهتمامها وبالمقابل
كانت هي شيء من بين أشياء كثيرة بحياته.
الولادة من أصعب التجارب التي تمر بها النساء
الألم بجوار توترها وحساسيتها جعل يارا تريد
قتل الطبيبة وربما يحيى أيضا, شعرت بالألم
من الصباح الباكر ولكنها لم تعلم أنها الولادة
فقد ظنّت أنه الألم الذي يأتيها بين فينة
وأخرى حتى صار الأمر زائدا عن الحد فصرخت
بقوة أفزعت النائم بالغرفة ليخرج مسرعا
سائلا إياها ما بها لتجيبه بحدة:
بصرخ من فرحتي يا يحيى, هكون بصرخ ليه
يعني بولد يا يحيى بولد اتصل بالدكتورة
هاتف الطبيبة ثم ارتدى ملابسه بسرعة
قياسية وساعدها بارتداء ملابسها وذهبا
للمشفى كان الفجر قد اقترب عندما خرجا
الطفلين للحياة أخيرا بعدما أنهكا والدتهما
وأثارا خوف والدهما.
****
عندما أفاقت وجدت أسرتها حولها لتبتسم
بوهن وهي تبحث عن طفليها.
جاسر وجهاد.
اختارت أسمائهما مع يحيى وقد
كان من بين الأشياء القليلة التي تشاركاها
معا.
لم تصدّق أن هذين الكائنين الصغيرين هما
من تسببا لها بكل ذلك الألم الذي تناسته
حالما رأتهما نائمين بجوارها.
ابتسمت لهما وهي تحاول الاعتدال لتساعدها
والدتها قبل أن تحمل الطفلين لها لتراهما.
همست لهما بحب:
جعلكما الله قرة أعين لي
وعوّضني بكما عن أي ألم مررت به
اهتم يحيى معها بالطفلين ولكنه لم يهتم بها
هي!
لم يقترب منها سوى مرات معدودة طوال فترة
الحمل وهذا أثار دهشتها وحزنها بآنٍ واحد
فهل شكلها لم يعد يعجبه؟
أم أنه زهد بها
أم أنه لم يعد يبالي وقد حقق هدفه بحملها!
لم تفهم ولم تجرؤ على سؤاله فكيف لفتاة
بمجتمع كمجتمعنا ظان تسأل زوجها عن شيء
كهذا.
تربيتها تمنعها عن ذلك كما تمنعها
من حقوق أخرى كثيرة لها.
أجل اهتم بمواعيد الطبيبة طوال فترة الحمل
اهتم بها عندما مرضت وهذه أشياء تحسب له
ولكن هل هذا دليل على حبه لها؟
هي لم تعد تفهم هل يحبها أم أنها محض زوجة
تزوج بها لأنها مناسبة فقط!
أحيانا تشعر أن هناك سر بحياته.
حب أول
أو ربما جرح من الحب الأول لذا أغلق قلبه
تماما أمام أي محاولة لاختراق قلبه.
تريد سؤال وتخشى سخريته اللازعة التي لا
يتورع عن استخدامها معها وجرحها.
عزمت على الاهتمام بطفليها ومحاولة التركيز
عليهما فقط دون والدهما الذي أرهق قلبها
وعقلها على السواء.
تُرَى هل تستطيع فعل ذلك؟
********
بعد مغادرة أسرتهما
يعني ينفع اللي عملتيه النهاردة ده؟
قالها يحيى بتجهّم لتتساءل يارا:
عملت ايه؟
فضحتينا يا هانم.
هتف بحدة لتبتلع غصة بقلبها وهي تقول
بخفوت:
غصب عني يا يحيى انت مش عارف
الوجع كان عامل ازاى.
ضحك عاليا وهو يهتف:
يا حبيبتي انا مش
بقول على الصريخ اللي ملأ المستشفى ولا على
الشتايم اللي شتمتيها للدكتورة.
قاطعته يارا ضاحكة:
انا مش شتمتها بقى مش
تكدب
مش شتمتها بقى مش تكدب!
قلّدها ساخرا قبل أن يتابع:
يا شيخة مش
شتمتيها ايه بس ده بيتهيألي الست مش هتولّد
حد تاني بسببك.
دي كل ماتيجي وتقولك
لسه شويه تقولي هي الست ما اخدتش حاجه
في كلية الطب غير الكلمتين دول.
لسه
شويه لسه شويه.
وتزعقي في الست وتقوليلها
ده انتي باردة فرّجتي المستشفى على الوليه
ضحكت يارا بشدة وقالت:
بس بقى يا يحيى
↚
مش قادرة اضحك الجرح بيوجعني
رمقها بمرح وهو يقول:
ده كوم وال عملتيه فيا
كوم تاني
ياسلام وانا عملت فيك ايه بقى؟
تساءلت يارا ليجيبها ضاحكا:
عملتي ايه؟
كل شويه يحيى بوسني.
يحيى تعال قرّب
واما اقرب تقوليلي بوسني.
خليتيهم كلهم
يقولولي انت حارمها من البوس وال ايه يابني
ضحكت بقوة وهي تتأوه قبل أن تقول:
1
انا مش فاكره ال انت بتقوله ده انت بتضحك
عليا على فكره
أقسم لها ضاحكا:
والله عملتي كده وانتي في
البنج كل شويه تناديلي وتقوليلي بوسني لا
ولازم بوسه قليلة الادب.
وتدّيني بُقك اوي
وهم قاعدين يضحكوا عليا واقولك خدي
العيال شوفيهم تقوليلي لا تعال انت
ظلّت تضحك حتى احمّر وجهها قبل أن تهدأ
ضحكاتها وهي تقول:
شوفت بقى انت اللي
حارمني فكل حاجه طلعت في البنج هو انا
هو انا هبص في وشّهم ازاي تاني؟
امّال انا اقول ايه؟
المهم ان ربنا قوّمك
بالسلامة انتي وجاسر وجهاد ربنا يخليكوا ليا
قالها بحب لتجيبه:
ويخليك ليا حبيبي
*****
أصرّ والدها ظان يأخذها لمنزله حتى تستعيد
صحتها وتراعيها والدتها ووافق يحيى خاصة
أنه لن يكون موجودا ويعلم جيدا أن يارا لن
تطلب شيئا من والدته لذا مكوثها بمنزل
والدها أفضل لها.
كان أكثر ما يحزنها هو فراق يحيى على
الرغم أنه تخيّل أنها اعتادت على الأمر ولكنها
أبدا لن تعتاد بُعده.
هو الهواء الذي تتنفسه
فكيف تعتاد الابتعاد عنه؟
تساقطت دموعها وهو يودّعها قبل ذهابه ليقبلها
مع الطفلين قائلا:
خلّي بالك من نفسك
وكلي كويس عشان تقدري عليهم انا
جيبتلك شوية حاجات عارف انك بتحبيها
عشان تفتح نفسك
لم تستطع الرد عليه فقط اندست بين ذراعيه
ودموعها تتساقط أكثر ليضمها له بحنو قائلا:
يارا حبيبتي بلاش تعيّطي بقى عشان خاطري
انا هجيلك كل اسبوع ان شاء الله اشوفك
بس بلاش تعيّطي يا قلبي
مسحت دموعها المنهمرة وهي تقول بخفوت:
حاضر.
خلّي بالك من نفسك وكلّمني
على طول
أومأ موافقا وهو يقول:
ماشي حبيبتي انتي لما
تصحي ادّيني رنّه عشان اكلمك
وأكمل بمرح:
ده لو نمتي اصلا
لوت شفتيها بحنق مصطنع قائلة:
ايوه مانت سايبني لعيالك يستفردوا بيا
مين ده قوليلي بس بيعملوا ايه وانا
اربيهوملك
ابتسمت بحب وهي تقول:
ربنا يخلّيك ليا
يا حبيبي ومايحرمنيش منك ابدا
ويخلّيكي ليا يا قلبي, سيبيني بقى بدل
ما عمو يجي يطردني ويقولي عايزين ننام
غادر ومعه قلبها وبدأت معاناتها اليومية مع
الطفلين وحاول الجميع مساعدتها ولكن العبء
الأكبر كان عليها بكل تأكيد.
كانت سعيدة بينهم ولكن كان ينقصها و
جود حبيبها معها.
اشتاقت إليه كثيرا,
اشتاقت إلى وجوده وتنشّق رائحته, اشتاقت إلى
وجودها بين ذراعيه.
كانت تبثّه أشواقها في مذكراتها التي ما
انقطعت عنها أبدا.
زارتها مريم كثيرا وكانت تقص عليها قصة
حبها من جانب واحد كما كانت متخيلة حتى
كان اليوم الذي تحدّث معها الشاب الذي تحبه
وطلب منها رقم والدها.
عارفه يا يارا وقفت متنّحه قدّامه كده تقريبا
زمانه ندم انه طلب مني اصلا
ضحكت يارا عاليا وقلبها ينبض بجنون فمازال
قلبها فتيا يعشق قصص الحب والعشاق.
يخرب عقلك وبعدين عمل ايه لما وقفتي
متنحه له وماتكلمتيش؟
سألتها يارا ضاحكة لتشاركها الضحك وهي
تقول:
ولا حاجه فاضل واقف بأدب مستني
الرقم لحد ما فوقت من هبلي واديتهوله
وجريت
ضحكت يارا بقوة قبل أن تسألها:
ها وبعدين؟
↚
رمقتها بعدم فهم:
وبعدين ايه؟
خلاص
هو ايه اللي خلاص يابت انتي؟
يعني اتقدم
لباباكي وال لا؟
سألتها يارا ضاحكة لتهتف بحيرة:
ولا أعرف والله بابا ماقلش حاجه لحد
دلوقتي وانا عامله نفسي هبله
لا انتي مش عامله نفسك يا حبيبتي انتي
هبله فعلا
قالتها يارا بثقة برمقتها مريم بازدراء مصطنع
قبل أن تقول:
هبله هبله بس اتجوزه بقى
لوت يارا شفتيها قائلة:
مش هرد لاني لو ردّيت
هقول كلام مش كويس فهسكت احسن
ضحكت مريم قائلة بمرح:
يعني قولتي كلام
كويس او مش كويس هيفرق ف ايه؟
انا
عايزة اتجوزه ولو ماتقدمليش هو هروح انا
اتقدمله
جحظت عينا يارا بقوة قبل أن تتعالى
ضحكاتها وهي تهتف:
مجنونه وتعمليها
******
باليوم التالي زارتها دينا ابنة خالتها وبدا على
وجهها الحزن الشديد.
مالك يا دينا فيه حاجه حصلت معاكي؟
سألتها يارا باهتمام وكأن دينا تنتظر هذا
السؤال فانفجرت بالبكاء لتفزع يارا وتنهض
مسرعة على الرغم من الجرح الذي مازال يؤلمها
مالك بس فيه ايه؟
كررت سؤالها وهي تضمها لها بحنو لتقول دينا
من بين بكائها:
حاتم يا يارا.
حاتم هيسافر
ويسيبني خلاص
رمقتها بعدم فهم قبل أن تسألها:
هيسافر يشتغل
يعني؟
طب وفيها ايه يا ابله افضل له بدام هو
مرتاح في الشغل اللي هنا وبيتعب على الفاضي
يا يارا ده كل حاجه فجأه ولا قالي ولا جاب
لي سيره لحد ما خلّص كل حاجه وحطّني
أدّام الأمر الواقع ولما سألته ليه عملت كده
ليه ماقولتليش من الاول قاللي عشان كل مره
بتفضلي تحبطي فيا وتحرقي دمي.
اهو انا
هسيبلك البلد كلها عشان اجيبلك اللي انتي
عايزاه واريحك من وجودي
شهقت يارا بقوة وهي تستمتع لكلمات ابنة
خالتها.
يبدو أنها جرحت زوجها حاتم بقوة
حتى وصل لمرحلة لا عودة بعدها ولا نقاش
انا هكلمك بصراحه يا دينا.
افضل شي
لأبيه حاتم حاليا انه يبعد عن الكل وأولهم
انتي
همّت بالحديث لتشير لها بهدوء وهي تكمل:
اولا انتي بنفسك اللي كنتي بتحكيلي
كل شويه تقوليله كلام باباكي لا اخوكي
لا صاحبتك, تقارني بينه وبين ازواج
اصحابك وقرايبك لحد ما خليتيه يكره
القعده معاكي وعنده حق اكيد واحد غيره
كان هج منك من اول سنه.
لكن حاتم
عشان طيب وبيحبك صبر عليكي كل
السنين دي لكن خلاص فاض بيه واتخنق
مش لاقي راحه في اي مكان.
باباكي لا مامتك حتى باباه ومامته خنقوه
ولكا يجيلك يعني المفروض يستريح معاكي
تكرري كلامهم وتحرقي دمه طيب ليه؟
ماهو كلامهم صح يا يارا, حاتم فعلا طيب
بزيادة والناس بيضحكوا عليه
قالتها بحنق اختلط بحزن لتزفر يارا بقوة:
عارفه يا دينا انا عارفه احساس ابيه حاتم
كويس اوي لاني تقريبا شبهه.
هو مش عايز
مشاكل ولا حروب, عايز سلام وهدوء, عايز
حب وتفهم.
عايزك تقفي جنبه وتدعميه
مش تيجي عليه وتخنقيه عشان كده هو
محتاج يبعد عن الكل.
محتاج يلاقي نفسه
ويكتشف قدراته تاني ومحتاج منك تفهميه
وتقدّري مشاعره ووقتها بس هيفتحلك قلبه
اللي انتي قفلتيه في وشّك من تاني
زفرت بقوة قبل أن تقول:
عندك حق يا يارا
انا فعلا مكنتش مقدّره قيمة انه معانا وفي
وسطنا, شايل عننا كتير لكن عمري
ماعترفت بده, ثقتي انه بيحبني مهما عملت
خلّتني اجرحه مره ورا التانيه لحد ما قرف مني
واكتفى واهو هيسيبلي البلد كلها
أنهت جملتها وبدأت بالبكاء مرة أخرى
لتضحك يارا قائلة:
الستات بتحب الغم فعلا
طب انتي بتعيّطي ليه دلوقتي يا ست انتي؟
↚
عشان هيسافر ويسيبني وانا بحبه وعايزاه
معايا
ضحكت عاليا قبل أن تقول بمرح:
وانا متأكده انه مش هيسيبك ولا حاجه
يمكن اول فترة بس على ما يزبط اموره لكن
مش هيقدر يبعد عنك ولا عن الولاد كتير
لانه بيحبكم حتى لو جرحتوه او
ماقدرتهوش.
******
منذ فترة لم أكتب.
ربما لأنني انشغلت
بأطفالي وحياتي الجديدة ولم يعد لدي وقت
كالسابق ولكني افتقد الكتابة لكم حقا.
أفتقد يحيى كثيرا خاصة بعدما أخلف وعده
لي ولم يأتِ كما وعدني دوما.
أتساءل أحيانا
ألا يشتاق لي؟
ألا ينبض قلبه باسمي مثلما
ينبض قلبي باسمه؟
هل أبالغ باشتياقي أم أنه شيء طبيعي بين
الزوج وزوجته خاصة لو كان الحب عنوانهما
لم أعد أفهم شيئا أشعر أنني أصبحت ضعيفة
وشعوري هذا يجعلني نزقة وعصبية على الدوام
أقارن بين حالتي قبله وبعده وأتساءل لِمَ
أصبحت سعادتي متعلقة بوجوده فقط؟
ولِمَ هو ليس مثلي؟
شهور مرّت بل سنوات والأطفال أصبحا بالعام
الثاني ولازال الحال كما هو عليه.
متى ستتغير حياتي؟
متى سأعود يارا التي تبهج
العالم من حولها ولا تطرق للحزن بابا؟
أصبح قلبي هو المتحكم الأول والأخير
بحياتي فأصبحت متخاذلة وحزينة على الدوام
حتى ضحكاتي أصبحت حزينة.
قلبي جعلني ضعيفة وعقلي يحاول استعادة
زمام الأمور وانا ضائعة بين قلبي وعقلي
ولا أعلم كيف أوازن حياتي؟
كيف أعود يارا قبل يحيى والضعف المهين
الذي أشعر به بسبب حبي له؟
قرأت ذات يوم أن الحب مرض مزمن سخرت يومها
من الأمر حتى جاء الوقت الذي أعترف به أن
+
حبي له مرضا لا شفاء منه ويبدو أنه سيكون
سبب موتي بيوم ما.
الثالث عشر من هنا
موقع حكايتنا حكاية هو منصة إلكترونية عربية متخصصة في نشر الروايات والقصص ويستهدف بشكل أساسي محبي الأدب الرومانسي والاجتماعي مع حضور قوي لاهتمامات القرّاء.
تابع رواية لو ان الحب قرار من تطبيق حكايتنا حكاية بدون إعلانات مزعجة
عشان متفوتش أي فصل جديد من لو ان الحب قرار، حمّل تطبيق حكايتنا حكاية وتابع كل التحديثات أول بأول.
قراءة رواية لو ان الحب قرار الفصل الثالث عشر 13 بقلم حنين احمد
هناك سر مخفي داخل رواية لو ان الحب قرار سيظهر قريبًا جدًا! 📖
جميع فصول لو ان الحب قرار مرتبة وسهلة الوصول 📖
اقرأ جميع فصول لو ان الحب قرار مرتبة بطريقة مريحة.
روايات الكاتب حنين احمد
اكتشف أجمل روايات حنين احمد الكاملة الآن.
