كل شخصية في لو ان الحب قرار على حكايتنا حكاية عندها وجهين على الأقل!
رواية لو ان الحب قرار الفصل الرابع عشر 14 بقلم حنين احمد
0
رواية لو ان الحب قرار الفصل الرابع عشر 14 بقلم حنين احمد
رواية لو ان الحب قرار الفصل الرابع عشر 14 بقلم حنين احمد
الفصل الرابع عشر
ليلا أخبر عائلته بما أخبرها من قبل فتوالت
الدعوات له أن يوفّقه الله وانتهى الأمر بالنسبة
لهم أما هي فظلّت صامتة, حزينة لا تعلّق على
شيء ولا تتحدث إلا إذا وُجِّه لها حديث وعلى
الرغم أن الكل لاحظ صمتها إلا أنهم لم
يعلّقوا بشيء.
ظل الوضع كما هو عليه لفترة وهي تحاول
تشتيت تفكيرها عن السفر وعن حالها بعدها
ساعد وجود العائلة حولها على نسيانها المؤقت
للسفر حتى عاد الحديث عن سفر يحيى
واستعداده له والإجراءات التي يتابعها منذ فترة
كانت بالخارج تشتري بعض احتياجات المنزل
فلاحظت نظرات فتاة تبدو مألوفة لها ولكنها
لم تتذكر أين رأتها قبلا!
يارا مش كده؟
رمقتها يارا بهدوء قائلة:
نعم.
مين حضرتك؟
انا سميرة حبيبت جوزك.
وانتظرت قليلا حتى ترى تأثير كلامها على
يارا ثم أضافت:
القديمه
رمقتها يارا ببرود وقالت وهي تتخيل طرق
عديدة لقتلها:
وبعدين؟
رمقتها الفتاة بصدمة من برودها لتتابع حديثها:
كنت عايزه اسألك عليه هو كويّس؟
اصلي
بقالي فتره برّه البلد ولسّه راجعه وهو وحشني
اوي وكنت عايزه اطمن عليه انه نسيني
وقادر يعيش حياته أصلي جرحته اوي
اه الحمد لله كويّس هبقى ابلّغه انك سألتي
عنه حاجه تاني؟
قالتها يارا ببرود وهي تهدّئ نفسها فهي على
الرغم من شخصية يحيى تعلم جيدا أنه لن
ينظر لتلك ال سميرة أبدا.
تعرفي اني انا ويحيى كنا مخطوبين؟
سألتها وهي تتنهد فتصاعد حنق يارا حتى
شعرت أنها ستصرعها بين لحظة وأخرى
بجد؟
غريبه امّال اول مره اسمع عنك ليه؟
يمكن عشان انا الحب الاول ويمكن الوحيد
لجوزك.
بس بصراحه ماستحملتش غيرته
عليا ففسخت الخطوبه, وندمت اوي اني
جرحته بس هعمل ايه خنقني بغيرته من واحنا
في الكليه بلاش تقفي مع ده وتكلمي ده
فماستحملتش وسيبته
اممم طب وانتي عايزه ايه برضه مني مش
فاهمه!
ضحكت ضحكة أقل ما يقال عنها أنها
خليعة:
مفيش ابقي سلميلي عليه وقوليله انه
وحشني اوي واني.
مستنياه زي ما وعدته في
آخر مره كلمني فيها من فتره بسيطه
أومأت يارا ببساطة وهي تقول:
اوك هبقى اقوله سلام
حدّقت سميرة بإثرها بحنق وهي تكاد تجذب
خصلاتها المصطنعة.
لم تتخيل عندما رأتها
أنها تكون بهذه القوة والبأس!
تخيلت أنها ستهتز بل ربما تسبها وتكذب ما
تقوله ولكنها كانت هادئة بل باردة وكأنها
واثقة أن زوجها يعشقها.
******
سارت وعقلها يدور.
هل حقا تلك كانت
حبيبته؟
هي لم تكن خطيبته فلم تسمع عنها قبلا
ولكن هل أحبها؟
لا لا هي ليست نوعه
يحيى لا يفعل ذلك يحيى ملتزم لن يعيش
قصة دون رابط شرعي.
لتسخر من نفسها ومن نوعه المفضل أنتِ؟
ها هو الرابط الشرعي بينكما فهل عاش معكِ
قصة حب؟
إنه حتى لا يهتم لمشاعرك.
لا يهتم بأي شيء يخصك من الأساس!
نار تستعر داخلها ولا تعلم كيف يمكنها أن
تطفئها.
دعت ألا يكون بالمنزل حتى لا
تقتله واستجاب الله لدعائها ووجدته لم يعد
بعد.
وجدت طفليها قد ناما بشقة جدتهما مع
طفلة عبير فصعدت إلى شقتها حتى تبدّل
ملابسها وتذهب لمساعدة عبير بتحضير الطعام
صدح جرس الباب فذهبت لفتحه فوجدت عبير
تعالي يا عبير ادخلي
قالتها يارا بلطف لترمقها عبير بتساؤل:
في ايه يا يار شكلك مش عاجبني من ساعة
مارجعتي من بره ايه اللي حصل حد ضايقك؟
أغمضت يارا عينيها وهي تأخذ نفسا طويلا ثم
أخذت تقص عليها كل شيء.
ضحكت عبير بشدة حتى شعرت بشيء أُلقِيَ
بوجهها فنظرت لتجد يارا قد ألقت الوسادة
↚
بوجهها
نفسي افهم انتي بتضحكي على ايه؟
قولت
نكته انا؟
ايوه نكته بصراحه.
يا بنتي سميره دي
واحده صايعه وعمر ما يحيى يبص لواحده زي
دي.
وبعدين هي كدابه اصلا هي مكنتش
في الكليه مع يحيى.
وانتي هبله تصدقي
حاجه زي دي يعنى لو كان خطبها فعلا على
الأقل كنتي هتسمعي اسمها قبل كده,
اعقلي يابنتي وماتخليش البتاعه دي تزود
همك
زفرت يارا بضيق قبل أن تقول:
انا ماصدقتهاش
يا عبير بس.
صمتت لا تعلم ماذا تخبرها لتجيبها عبير:
عارفه حاسه بنار جواكي وعايزه تروحي
تجيبيها من شعرها, انا حاسي بيكي اصل انا
حصلي حاجه زي كده وانا مخطوبه وكنت
حاسه وقتها اني بموت
بعد الشر عنك.
ايه اللي حصل؟
انا بحب مازن من وانا صغيره وكنت بحلم
باليوم ال هيتقدملي فيه لكن طلع ان عمره
ما فكّر فيا ولا شافني اصلا وفي يوم وانا
قاعده في الأوهام بتاعتي عرفت انه راح
يتقدم لواحده تانيه كانت زميلته ف الكليه
كنت حاسه اني هموت ومش عارفه اعمل ايه
ولا اقول لمين وبعدها عرفت انه ماحصلش
نصيب ومرّت الايام واتقدملي ومع اني كنت
عايزه ارفضه عشان كرامتي لقيتني بوافق
وقلبي بيغلب عقلي.
ولما جه اول مره وقعدنا
لوحدنا حسّيته جاي غصب عنه ومش عايزني او
رضا بيا بس عشان واحده يعرفها وكويسه
وخلاص.
واتخطبنا وبعد ماتخطبنا بشهرين
قابلتني واحده في الكليه وقالتلي انها حبيبته
اللي كان متقدملها.
كنت حاسه اني عايزه
اقتلها واسكتها وقالتلي انه خطبني بس عشان
يغيظها وانه بيحبها ولو شاورتله بس هيرجعلها
ماردّتش عليها بس كنت حاسه بناار جوايا
روّحت البيت ومكنتش قادره قفلت عليا اوضتي
وفضلت اعيّط لحد ماحسّيت ان هيغمى عليا
وقتها جت ماما وشافتني كده وفضلت ورايا
لغاية ماحكيتلها كل حاجه وقتها قالتلي ان
البت دي عايزه تفرّق بينا واني لازم مسمحلهاش
بكده واني اشوف تصرفاته معايا لو هو فعلا
مش بيحبني وشايفه انه مشغول بغيري اقولها
وهي اللي هتتصرف
كانت يارا ترمقها بهدوء وداخلها يحترق.
ولكنها لا تعلم يحيى يحبها أم لا.
لا تفهم
تصرفاته ولا ترى منه لمحة مشاعر إلا وهي بين
الحياة والموت فهل هذا حب؟
بس اللي اعرفه ان مازن بيحبك اوي وانه
كان عايزك من زمان بس كان خايف
يتقدملك ويترفض لانه كان سامع ان ابن
عمك قارئ فاتحتك واول ما اتأكد ان مفيش
حاجه من دي راح اتقدملك على طول.
وكمان البت دي كدابه لان صاحب مازن هو ال
قاله عليها ومكنش يعرف حتى انها معاه في
الكليه الا لما هي قالتله لما قعدوا مع بعض
وكمان هو اللي رفضها لانه حس انها مش
مزبوطه
ابتسمت عبير وقالت:
ماهو ده ال انا عرفته بعد
كده من ماما عرفت بطريقتها وقالتلي على
كل حاجه وكمان مازن كل تعامله بحب
صحيح كان فيه حاجه بتغيظني منه وهي ال
كانت مخلياني ابعد عنك واعاملك وحش
في الاول
قاطعتها يارا بدهشة:
حاجه بتغيظك منه هو
وتخلّيكي مش طايقاني انا؟
طب ازاي؟
كان دايما يقولي شوفي يارا لبسها عامل ازاي
انا عايزك تلبسي زيها فكنت بتغاظ منه اوي
وغيظي ده كان بيطلع فيكي انتي
قالت بخجل لتضحك يارا قائلو:
صحيح انا مش بحب الاسلوب ده لكن هو كان
قاصد يديكي مثال على الزي الاسلامي
الصحيح والحجاب مش اكتر
شاركتها عبير الضحك وهي تقول:
ماهو ده ال فهمته بعد كده وعرفت كمان اد
ايه انتي طيبه وهبله
رفعت يارا حاجبها بصدمة وهي تهتف:
وليه قلة الادب دي يعني؟
ماهو ال يخلي بت زي دي تلعب ف دماغه
كده تبقى عبيطه ومش عارفه قيمة نفسها
قالتها بحنق مصطنع لتبتسم لها يارا بهدوء
وهي تشرد مفكرة أنها لو عاشت الصمت القاتل
مقلها لما لامتها على أي تفكير وعلى الرغم من
ذلك هي لم تشك به بل ظنها أنه أحب قبلا
وجُرِحَ هو ما جعلها تشعر بالحزن أنه ربما هناك
فتاة حقا بماضي زوجها.
↚
******
انا حجزت بعد 10 ايام ان شاء الله
توقفت يارا عن تناول الطعام وقد شعرت بغصة
تملكتها وهي تكاد تنهار مما سمعت.
نظرت إليه علّه يكّذب ما قاله, علّه يخبرها
أنها مزحة ولكنه لم ينظر إليها حتى بل كان
يوجّه حديثه إلى والديه.
ما الذي يقوله؟
هل سيسافر ويتركها حقا؟
كانت تنتظر أن يأتي يوما ويخبرها أنه صرف
نظر عن هذا السفر وأنه لا يستطيع تركها ولا
ترك طفلها ولكن هذا اليوم لم يأتِ.
بل حدد موعد سفره وأخبرها به على الملأ
ألم يشعر بقلبها الذي تحطّم لأشلاء عقب
جملته؟
كيف ستحيا بعيدا عنه؟
لقد كانت تتعذب
وهو يأتي كل أسبوع أو اثنين فكيف ستحتمل
فراقه أشهر طويلة تصل لسنة وأكثر؟
فربما يقرر أنه لا يوجد داعٍ أن تسافر له.
ربما يخبرها أنه يكفي شهر بالسنة يكونا
معا به كما كل المسافرين.
ظلّت صامتة لا تنطق بشيء حتى لاحظت أن
عبير تحاول لفت نظرها أن تكمل طعامها.
فنهضت بهدوء وهي تقول بخفوت:
الحمد لله شبعت
ذهبت إلى المطبخ وهناك جلست على المقعد
صامتة شاخصة ببصرها حتى الدموع أبت أن
تسقط من عينيها.
نهض خلفها وذهب إليها فوجدها على تلك
الحالة
يارا, انتي ماكملتيش اكلك ليه؟
رفعت عيناها إليه ليرى حزن الدنيا بها وتلك
النظرة الضائعة بعينيها ولم تتحدث
طيب تعالي معايا
بالكاد تحركت معه وهو يقودها إلى شقتهما
وقد أشار لمازن أن يتابع الأطفال.
دخلت الشقة وهي لا تشعر بشيء كأنها تحولت
إلى تمثال من الشمع.
تتحرك بدون شعور لا
تنظر إليه ولا تسمع ما يقول.
يارا كلميني طيب قولي اي حاجه
قال يحيى بقلق لتجيبه بخفوت:
اقول ايه؟
انت
هتسافر بجد؟
هتسيبني و.
شهقت بعنف أفزعه وهي تشير بيديها
مش عارفه اتنفس.
مش ع.
عارفه ا ا اه
يارا اهدي بس بصيلي, حبيبتي انا مش
هسيبك, شويه بس وهاخدك على طول
صدقيني.
يارا عشان خاطري ماتعمليش كده
اهدي.
يارا
ضمها مرددا اسمها مهدئا إياها.
حتى شعر بها
سكنت تماما.
أبعدها لينظر إليها فوجدها قد
فقدت الوعي.
حملها ووضعها على الفراش وتحرّك
كالمجنون يمسك بزجاجة عطر ويحاول
إفاقتها.
تأوهت بخفوت ثم اقتربت منه تتمسح
به كما تفعل القطة بمالكها.
حمد الله على إفاقتها وضمّها إليه فسكنت
تماما ونامت بين ذراعيه وهي تهتف باسمه.
ظلّت نائمة طوال الليل لا تتحرك ولا تشعر
بشيء ويحيى يكاد يجن من القلق.
تركها ونزل ليأخذ أطفاله فسألته سعاد
والدته:
يارا عامله ايه يا يحيى؟
الحمد لله نايمه من ساعتها
يا عيني عليكي يا بنتي اتصدمت اول
ماتكلمت, مش عارفه هتستحمل ازاي سفرك
ده؟
هعمل ايه يا ماما ده شغل ومش بمزاجي
قالها بنزق لتقول:
ربنا يكرمك يابني
ويرزقك ويعينها على بعدك
أخذ أطفاله وصعد إلى الشقة ليجدها مازالت
نائمة.
وضع أطفاله في فراشهم وقبّلهم وذهب
إليها.
رمقها بحيرة هل هي نائمة بالفعل أم أنها
فقدت الوعي مجددا؟
راقب تنفسها وجده طبيعيا إذا هي نائمة.
دعا الله أن تهدأ أعصاب يارا وتمر الفترة
الباقية على خير وأن تصبح أكثر قوة مما هي
الآن.
أبدل ملابسه واستلقى بجانبها وذهب في
سبات عميق.
يحيى.
ماتمشيش, ماتسيبنيش.
يحيى انا
بحبك مش لازم تحبني بس ماتسيبنيش.
يحيى.
يحيى اااااااااا
↚
صرخة زلزلت أرجاء المنزل وأيقظته من نومه
بعنف ليجد يارا تصرخ باسمه وهي تبكي
كانت نائمة.
يبدو أنه مناما مزعجا.
حاول إيقاظها كثيرا حتى استجابت أخيرا
وقامت متشبثة به وهي تبكي وتضمه بقوة.
يحيى كان حلم وحش اوي, فجأة مش لقيتك
جنبي وقعدت ادوّر عليك وانادي ومش لقيتك
يحيى ماتسيبنيش.
ماتسيبنيش يا يحيى
يارا, اهدي حبيبتي انا جنبك اهو.
اهدي
ظلّ يربّت على شعرها وهو يضمها حتى تهدأ
وكاد يقفز عندما سمع هاتفه يعلن عن اتصال.
خمّن أن المتصل مازن وقد سمع صراخ يارا
أجابه بخفوت حتى لا يوقظ يارا من نومها الذي
جاهد لتستغرق به مرة أخرى.
طمأنه أنه لا
يوجد شيء فقط مناما مزعجا لا أكثر وأغلق
الخط.
استغرق في النوم مرة أخرى وهو يدعو
الله أن تمر هذه الليلة على خير وألا يحدث
شيء آخر.
******
استيقظ من نومه ولم يجدها بجواره.
انطلق
مسرعا يبحث عنها حتى وجدها بالمطبخ تعد
الإفطار تنهد براحة فهي تبدو أفضل من أمس.
انتبهت إليه فقالت:
حبيبي صباح الخير
كويس انك صحيت كنت لسه هاجي
اصحيك عشان تفطر ونقعد مع بعض شويه
خمس دقايق آخد دش واجيلك
قالها يحيى بعدما قبّلها بحب فأومأت بهدوء
وهي تكمل تجهيز الفطور ثم وضعته بالشرفة
المغطاة عن أعين الجيران وانتظرته ليشاركها
الطعام.
أنهى حمامه وأدّى صلاته واتجه إليها فوجدها
قد جهّزت الشرفة للجلوس.
تناولا الإفطار في
جو مرح وهو يتعجب بداخله عمّا ألمّ بها!
ماذا يحدث لها؟
هادئة كثيرا اليوم!
مرّ اليوم وما تليه من أيام ويارا هادئة لدرجة
كبيرة لم تبكِ ولم تتحدث حتى بأمر سفره.
بل تستمتع بوجوده بجانبها لأقصى حد وهو
سعيد بما يحدث.
حتى اقترب موعد السفر, لم يتبقَّ سوى يومين
وهي بنفس الهدوء والمرح.
خرج صباحا حتى
يؤكد الحجز وكانت هي نائمة.
هاتفها وما إن أجابت حتى بادرها:
يارا انا هجيب سندوتشات وانا جاي تفطري
معايا؟
ماشي حبيبي قدامك اد ايه؟
سألته فأجابها:
نص ساعه واكون عندك ان شاء الله
خلاص حبيبي هستناك
أغلقت الخط ونهضت بهدوء اغتسلت وأدّت
صلاتها وبدأت بتجهيز بعض الخضار حتى
يتناولاه بجانب الطعام.
مرّت ساعة ونصف منذ مكالمة يحيى وهي
تنتظره وتغالب النوم.
وأخيرا وجدته يفتح باب
الشقة ويدخل فبادرته بمرح:
اخيرا يا راجل ده انا قلت انت كنت بتاكل
السندوتشات مش بتجيبهم اتاخرت كده ليه؟
فوجئ يحيى بها في استقباله:
انتي صاحية؟
رمقته بدهشة قائلة:
مش انت اتصلت بيا
وقولتلي انا جاي وجايب سندوتشات نفطر سوا؟
أجابها بارتباك:
آاه مانا جبت السندوتشات
وفطرت تحت مع بابا وماما
صمتت يارا وهي تنظر إليه حتى يكذّب ما قاله
ويخبرها أنه يمزح معها حتى طال صمته فقالت
بهدوء:
طيب انا هدخل اكمّل نومي بقى تصبح
على خير
يارا ماتزعليش, انا مكنتش عارف انك
صاحي وكمان وانا داخل احط السندوتشات
بتاعتهم لقيتهم صاحيين وقالولي افطر معانا
فاتحرجت وقعدت معاهم
عادي مفيش حاجه انا هدخل انام بقى
قالت بهدوء غريب ليسألها:
مش هتاكلي؟
نفت بنفس الهدوء:
لا انا اصلا مش جعانه ياللا
سلام
دخل يحيى المطبخ حتى يضع الطعام في
الثلاجة فوجد الأطباق التي أعدّتها يارا
مرصوصة على صينية الطعام جاهزة حتى
يتناولاها معا!
لم يعرف كيف يتصرف!
لقد انتظرته ولكنه
خذلها.
رغما عنه ربما فقد أحرجته والدته
وطلبت منه الجلوس لتناول الفطور معهم فهو
سيسافر ولن تراه لفترة طويلة.
↚
لم يعرف
كيف يخبرها أن يارا تنتظره ولكنها لم
تتصل أيضا به فظنّ أنها نامت مرة أخرى وليتها
نامت وتركته ولم تنتظره لتحزن هكذا.
****
دخلت يارا الغرفة واستلقت على الفراش وبدأت
دموعها في النزول بصمت.
لِمَ يفعل معها
هكذا؟
لقد انتظرته وحُرِمَت النوم من أجله
حتى تسرق بضع لحظات معه قبل سفره.
ولكنه خذلها كعادته.
ظلّت تبكي وهي تفكر أنهم جميعا ظنّوا أن
صمتها علامة جيدة على تقبّلها الأمر, لم
يشعر بها أحد كالعادة ولم تخبر أحدا بما
يدور داخلها كعادتها.
الوحيدة التي شاركتها
شعورها دون أن تتحدث هي دينا وإن لم يكن
التواصل بينهما مستمرا طوال الوقت.
لم ترد أن تتحدث مع أحد حتى لا تجدد
أحزانها ويمل منها يحيى ففضلت أن تكتم
مشاعرها وحزنها بقلبها فلا جدوى من الحديث
لقد قرر وانتهى الأمر ومشاعرها لا تفرق معه
بشيء.
ولكن لم يتبق سوى يوما ونصف وبالطبع لن
تستطيع الانفراد كالعادة.
ولِمَ تهتم
بالمكوث معه وهو لا يهتم مثقال ذرة؟
عندما هاتفها شعرت بالسعادة أنه يفتقدها
ويريد المكوث معها قليلا بمفردهما ولكن
يبدو أنه كانت مخطئة فقط نسيها كعادته
عندما يكون هناك أحد آخر.
دلف يحيى خلفها بعد فترة.
هو على يقين أنها
تبكي بصمت كعادتها مؤخرا فقد أصبحت
حياتها كلها صامتة.
يبدو أنه أطفأ الشعلة
التي أحبها منذ النظرة الأولى لها فما العمل؟
قلبه يتألم من أجلها ولكن مستقبله كله
يعتمد على ذاك السفر.
فرصة وسيكون
غبيا لو رفضها حتى يرضيها فقط.
وجدها كما توقّع على الفراش تبكي بصمت
ذهب إليها وضمّها بحنو
يارا حبيبتي صدقيني غصب عني ماما
احرجتني ومعرفتش اقولها ايه وانتي كمان
ماتصلتيش بيا فقولت انك نمتي, متزعليش
عشان خاطري
قالت من بين دموعها:
أنا مش زعلانه انك
اكلت معاهم.
انا زعلانه عشان كان نفسي
اقعد معاك شويه قبل مايجوا الناس ويشغلوك
عني.
زعلانه عشان على طول بتنساني أول
مايكون فيه حد تاني.
لما انت كده دلوقتي
امال لما تسافر وتبعد هتعمل ايه؟
يا يارا كبّري عقلك شويه انا نسيتك امتى
بس؟
كل الحكاية اني افتكرتك نمتي
لما ماتصلتيش بيا فمتكبريش الموضوع
رمقته بذهول قبل أن تشعر أن كل مشاعرها
قد هدأت فجأة.
معاك حق إذا كنت انت مش فارق معاك
انا هيفرق معايا ليه؟
عادي مش مهم
قالت بهدوء غريب قبل أن تنهض دون أن تمنحه
الفرصة لقول أي شيء ليتابعها ببصره قبل أن
يزفر بضيق وهو يقرر تجاهل الأمر بأكمله
فلا طاقة له بذلك الدلال.
1
******
وعلى الرغم من تظاهرها بالبرود أمامه وشعورها
أن جزء من مشاعرها قد مات إلا أنها لم تستطع
النوم ليلة سفره بل ظلّت جالسة تتأمله وقلبها
يبكي بدلا من عينيها تحاول أن تميته دون
جدوى.
وجاء النهار ومعه موعد مغادرة يحيى لأشهر
لا تعلم كيف ستمر عليها!
قلبها يئن بين ضلوعها وعينيها تأبى أن تفرج
عن الدموع التي تحرقها.
تتعامل بآلية مع
الموقف ووجه جامد حتى أن الجميع ظلَوا
يرمقونها بخشية منتظرين انهيارها ولكنها
خالفت كل التوقعات.
لم تنبس ببنت شفة حتى وقف أمامها يحيى
فلم تجعله قترب منها بل قالت بهدوء:
تروصل بالسلامة خلّي بالك من نفسك
وراقبته وهو يغادر مع شقيقه مازن وشقيقها سامر
قبل أن تستأذنهم وتصعد لشقتها:
معلش هروح انام لاني مانمتش بالليل خالص
أخذت طفليها اللذين يغالبان النعاس وصعدت
إلى شقتها دون انتظار ردهم حتى.
وضعتهما بالفراش وظلّت بجوارهما حتى ناما.
نهضت ببطء وهي تغالب سقوطها أرضا.
ذهبت إلى فراشها استلقت به وهي تضم ثيابه
+
التي نام بها.
ظلّت تهمس باسمه بضعف حتى
↚
ذهبت فى سبات عميق.
الخامس عشر من هنا
موقع حكايتنا حكاية هو منصة إلكترونية عربية متخصصة في نشر الروايات والقصص ويستهدف بشكل أساسي محبي الأدب الرومانسي والاجتماعي مع حضور قوي لاهتمامات القرّاء.
اقرأ لو ان الحب قرار بسرعة أكبر وبدون تقطيع من تطبيق حكايتنا حكاية
كل شخصيات لو ان الحب قرار وأسرارها في مكان واحد داخل تطبيق حكايتنا حكاية، جاهزة تكتشفها في أي وقت.
قراءة رواية لو ان الحب قرار الفصل الخامس عشر 15 بقلم حنين احمد
قرار واحد فقط في رواية لو ان الحب قرار قد يقلب كل الموازين! 📖
رواية لو ان الحب قرار كاملة بدون حذف
رواية لو ان الحب قرار كاملة من الفصل الأول حتى الأخير بترتيب دقيق.
قراءة قصص حنين احمد
استمتع بقراءة أعمال حنين احمد الأدبية الكاملة بدون حذف.
