هادي فكهاله شويه وبعدها قال يلا يا حبيبي روح كمل في اوضتك

محمد بص لقمر وضحك وقال حاضر المهم انجزو بس علشان قمر هتروح لسهر قبلنا.

قمر هزت راسها بكسوف وهادي ضربه بالرجل وقال اطلع من هنا يا حيوان.

محمد خرج وهوا بيضحك وقمر جريت من قدامه بخجل وهيا بتظبط هدومها وبتقول انا ازاي نسيت اني هروح لسهر بدري.

هادي قرب منها وقال وفيها ايه اما تتأخري شويه!

قمر هزت راسها بلأ وقالت احنا هنتاخر علي ما نجهز وبعدين دي عروسه!

هادي هز راسه وقال طيب منتي عروسه برضوا

قمر زقته وقالت في فرق برضوا انا عروسه بس في بيت جوزي انما هيا لسا في بيت ابوها!

هادي هز راسه بابتسامه وهيا قالت هيا العربيه وصلت ولا لسا.

هادي هز راسه بمعني انها وصلت وقال طيب مش ناويه ترجعي في كلامك خمس دقايق.

خمس دقايق بس؟

قمر ضحكت وهزت راسها بلأ وبعدها خرجو من الاوضه وهوا وقف يبصلها ويضحك.

وهيا نزلت علي السلم بسرعه وخرجت من القصر وركبت العربيه الي هتوديها منطقة سهر.

وفي الشركه خرج عبدالله وسعيد وهما بيقولوا يدوبك نلحق نلبس علشان نروح مع محمد!

سعيد قال بابتسامه وهوا بيبص لعبدالله هادي ومحمد اتجوزوا يبق  فاضل انا وانت بس يا فقري.

عبدالله بصله وقال عندك حق احنا لازم ندور علي عروسه ونتجوز احنا كمان  اشمعنا هما يعني!

سعيد ضحك وقال اي رأيك في ساره سكرتيره هادي!

عبدالله برفض.

لا يا عم انا عاوز بنت تقليديه زي قمر كدا مليش انا في الهاي كلاس دا

سعيد ضحك وهوا بيقفل الباب بتاع العربيه وبيقول يبني دا اسمه تغيير تغيير!

عبدالله هز راسه وقال لا ياعم انا بحب البلدي انما النوع دا ملييش فيه.

سعيد ضحك وشغل العربيه واتحركوا وبعد وقت وصلوا القصر.

دخلو بسرعه وهما متحمسين يشوفوا محمد بالبدله!

محمد كان في اوضته وبيسرح شعره ولاكن فجاه الباب اتفتح ودخل عبدالله وسعيد وهما بيقولوا بفرحه الف مبروك يا عريس.

محمد ابتسم وقال الله يبارك  فيكوا يا رجاله عقبالكوا.

سعيد قرب منه ومسك الفرشه من ايديه وبدأ هو يسرحه وقال انشاء الله يصاحبي  اول ما الاقي بنت الحلال اوعدك اني هاتجوزها علي طول.

محمد خبط علي ضهره بابتسامه  وقال انشاء الله هتلاقيها يا صاحبي واشوفك احلي عريس في الدنيا.

عبدالله قرب منه وبدأ يعدله جاكت البدله وقال تعوف يا محمد اني كنت معجب بسهر!

محمد بصله بصدمه وعبدالله ضحك وقال وانا صغير يا محمد متقلقش اصلها كانت دايما بتدافع عني لما كانت قمر بتضربني!

محمد ضحك علي كلامها وقال طول عمرك مهزق كدا يبني'

عبدالله ضحك وقال والله يبني محد كان بيقدر علي قمر المفتريه دي  بس بأمانة ربنا الواد هادي دا أسد.

هو الوحيد اللي قدر عليها!

محمد وسعيد ضحكوا علي كلامه ولاكنه فجاه لقي ايد علي رقبته  قال بصدمه مين حرامي؟

كله ضحك عليه وهادي قال بتجيب في سرتي ليه يا واد!

عبدالله بصله وضحك وقال كنت بحكيلهم عن مراتك يا عم واللي كانت بتعمله فيا وانا صغير.

هادي ضحك وقال احسن حاجه انها طول عمرها بتعلم علي اللي حواليها ومحدش علم عليها!

عبدالله ابتسم وقال البركه فيك يا أسد!

هادي ضحك علي كلامه وقال انت شايفني  بمسيها بعلقه واصبحها بعلقه ولا ايه '

عبدالله هز راسه بلأ وقال لا مش قصدي انا قصدي انك الوحيد اللي قدرت عليها وعقلتها!

هادي ابتسم علي كلامه وقال دي قمر دي حته من قلبي انت مش عارف هيا عملت فيا  ايه يا بني!

عبدالله حط ايده علي خده وقال عملت ايه قولي!

هادي بص لاصاحبه وضحك علي شكل عبدالله وبعدها زقه وقال غيرتني يا ابو نيه غير سليمه!

عبدالله ضحك  علي كلامه وقال ربنا يخليكوا لبعض!

هادي وبقيت الشباب بصوا علي محمد وقربوا منه وهوا خاف منهم وجري وهما فضلوا يجرو وراه  لحدما  ما مسكوه وقالوا اهدي يا بني احنا عايزين نشيلك بس يا عريس.

محمد هز راسه وقال اذا كان كدا ماشي انما اي حاجه تانيه لأ.

في منطقة سهر كانت وصلت قمر وبقيت البنات اللي معاها قدام بيت سهر.

نزلت قمر  من العربيه وقربت من البوابه ولقت ان ريم وامها واقفين

قمر قالت بهدوء ازيك ام ريم.

ازيك يا ريم.

ريم وامها بصولها وقالو باستغراب اي دا مين.

قمر اي النظافه دي والله معرفتكيش.

قمر رفعت حاجبها وقالت طول عمري يا حبيبتي وانا نظيفه الدور والباقي علي اللي مهما يستحموا ريحتهم بتبق فايحه.

ام ريم رفعت حاجبها وقالت انتي ايه اللي جايبك عندنا  يا قمر ومين الي معاكي دول.

قمر شاورت للبنات يدخلوا وقالت جايين للعروسه  طبعا سهر صحبتي ووسعي كدا يختي منك ليها.

ريم بصتلها بصدمه واستغربت انها زقتهم  ودخلوت.

ريم قالت بغضب انتي هتسيبيهم يدخلوا كدا وهتسكتي يا ماما.

امها قالت بضيق وهنعملها ايه يا ريم انتي مش عارفه هيا مين وممكن تعمل فينا ايه دي واحده مفتريه.

ريم سكتت وامها قالت عمك محمود راح فين.

ريم بسخريه عند الحلاق بيحلق شعره قال ايه علشان كتب كتاب بنته!

امها بصتلها وقالت وماله يختي اهو ينظف لمره واحده في حياته

ريم بصت لمامتها بضيق علي سكوتها ومشيت من قدامها ودخلت أوضتها!

عند قمر دخلت هيا والبنات عند سهر اللي كانت قاعده قاعده قدام المرايه بتاعها وهيا حزينه.

قمر باستغراب من شكلها عروستنا القمر مالك يا حبيبتي!

سهر ابتسمت لما شافتها وقالت قمر اتاخرتي ليه انا فكرت انك مش جايه!

قمر هزت راسها وقربت منها وحضنتها وقالت وانا اقدر برضوا مجيش دنتي  أكتر من أختي يا بت!

سهر بصت للبنات الي واقفين وقالت مين دول يا قمر.

قمر بصتلهم وقالتك دول الي هيجهزوكي يا روح قلبي وانا برضوا قررت اجهز هنا معاكي.

سهر ابتسمت وقالت محمد اللي باعتهم مش كدا!

قمر هزت راسها وقالت بإبتسامه وباعتلك بق حتت فستان ايه جميل اوي.

سهر اتحمست اكتر وقالت للبنت ممكن توريني الفستان

البنت هزت راسها وطلعته وكان فستان ابيض سيمبل مفيهوش شغل كتير بس كان شكله شيك اوي.

سهر مسكته وقالت دا جميل اوي يا قمر.

قمر ابتسمت وقالت  جميل علشان انتي هتلبسيه!

سهر حضنت قمر بفرحه وقالت ربنا يخليكي ليا يا قمر ومتحرمش من وجودك ابدا

قمر ضغطت علي حضنها وقالت ويخليكي ليا يا حبيبتي.

قمر بعدت عنها وشاورت للبنات يبدأو يجهزوا سهر وشاورت للبنات التانيه بدأؤا يجهزوها.

وفي القصر كان كل الشباب جهزوا واتجمعوا مع بعض وكل واحد مبهور بشكل التاني لحدما ما احمد وصافي قربوا منهم وقال احمد بانبهار بسم الله مشاء الله انا مبهور بشكلكم يا رجاله!

هادي ابتسم وبقيت الشباب قالو ربنا يخليك لينا يبابا!

احمد بصلهم بصدمه ولاكنه ابتسم لانهم اول مره يقولوا كده.

هادي قرب منه وحضنه وقال ايه الجمال دا كله يا احمد بيه لا انت كدا احلي مني!

احمد ابتسم وقال طول عمري يا حبيبي وبعدين وسع كدا خليني اسلم علي العريس بتاعنا!

محمد ابتسم وقرب من احمد وسلم عليه بفرحه  واحمد قال احلي عريس في الدنيا ايه الحلاوه دي.

محمد ابتسم وقال محدش احلي منك يا بابا.

احمد فرح جدا من كلمة بابا الي الشباب بيقولها وقال مش يلا بق يا عريس نتحرك علشان المأزون مستعجل.

محمد  والشباب  هزو راسهم

وهادي قرب من صافي اللي كانت لسا حرينه وقال متزعليش نفسك يا ماما انا عارف انك مصدومه بس صدقيني انا مردتش اعملهم حاجه علشان خاطرك انتي …بس كويس انها مشيت وساندي متقلقيش  انا هخلي الحيوان دا يكتب عليها.

صافي هزت راسها وطبطت علي ضهره وقالت.

ودا اللي كنت مستنياه منك.

هادي ابتسم وقال خلاص فوكيها بق داحنا عندها فرح النهارده!

صافي ابتسمت وقربت من محمد حضنته وقالت مبروك يا محمد ربنا يهنيك يا حبيبي!

محمد ابتسم وقال ربنا ميحرمني من وجودك  ابدا يا ماما.

صافي ابتسمت وطبطب علي ضهره بحنيه وقالت ربنا يسعدك يا رب ويحفظك انت وعروستك

محمد ابتسم وقال يا رب!

هادي قال بصوت واضحك يلا خلينا نتحرك علشان الوقت اتاخر واحنا لسا  في القصر!

الكل هز راسه وكل اتنين ركبوا عربيه  واتحركوا في طريقهم لمنطقة سهر!

_____

وفي فيلا ادهم النجار

كان ادهم قاعد وجمبه مراته سوسن وقدامهم شاهي  وهما باصينلها باستغراب ادهم قال انتي مين يا مدام وعايزه ايه!

شاهي بصتلهم بجديه وقالت انا شاهي اخت صافي مرات احمد الجارحي وعايزه  أقابل عزيز  ابن حضرتك!

يبتع

في ڤيلا ادهم النجار

شاهي بصتلهم بجديه وقالت انا شاهي اخت صافي مرات احمد الجارحي وعايزه  أقابل عزيز  ابن حضرتك.

ادهم بص لمراته بصدمه ورجع بص لشاهي وقال وانتي ايه علاقتك ب عزيز ابني وعيزاه في ايه!

شاهي بصت لمراته وشافتها ازاي بتبصلها بنظرات احتقار فشاهي قالت بابتسامه خبيثه.

بينا شغل وكنت جايه علشان ننهي الاتفاق.

ادهم كان هيرد عليها ولاكن عزيز إبنه جه ولما شافها قال انتي ايه اللي جابك هنا يا شاهي مش انا قولتلك تستنيني بره.

شاهي بصتله بضيق وقالت وانا بقالي ساعتين مستياك بره  وانت مجتش قولت ادخل اشوفك هنا بنفسي.

ادهم  قال بتساؤل انت اي علاقتك بالست دي يا عزيز انت مش عارف دي تبق مين؟

عزيز هز راسه بتفهم وقال لا يابابا انا عارفها وعارفها كويس من وقت ماباعت ليا اسرار شركة جوز اختها وانا جبتهالك!

ادهم ومراته بصولها بصدمه وعزيز قال اظن انك اخدتي كل اللي اتفقنا عليه ولاكن بنتك بق انا مليش علاقه بيها بعد اللي عملته دا!

شاهي قالت بغيظ.

لأ يا عزيز احنا متفقناش علي كدا انا ليا عندك فيلا وعربيه ما اخدتهمش والاكن  حاليا انا  مليش اي  علاقه ببنتي!

ادهم بص لابنه بغضب وقال عزيز انت ازاي تدخلي الاشكال دي هنا انت ناسي  انها اخت مرات عدونا!

عزيز بصله وقال عندك حق يبابا انا ازاي ادخل الاشكال دي بيتي.

يلا يا شاهي اطلعي برا بالزوق بدل ما اخلي الجاردن يجيو يرموكي برا.

شاهي بغضب انت بتتردني برا بيتك يا عزيز لاا بقولك ايه انا مش همشي من هنا غير وانا واخده حقي كله.

عزيز اتعصب من كلامها وقرب منها وقال حق ايه يا ام حق انتي كنتي مصدقه  اني هديكي  ڤيلا  وعربيه بحالهم انتي اخرك عشر بواكي تاخديهم وتقطمي خالص!

شاهي زقته وقالت بغضب يا ابت الك'لب يا نصاب  بق بتضحك عليا انا وبنتي وضيعتاها شرفها!

ادهم اتصدم من كلامها ولاكن عزيز لحق الموضوع وقال شرف مين يا شرف هو انتي ولا بنتك تعرفو حاجه عن الشرف دنتو لمامه وانا مش عارف احمد رضي يدخلكم بيته ازاي بعد اللي عملتوه فيه.

ولا صحيح مهوا ميعرفش الحقيقه!

شاهي بعدت ايده اللي كان مساكها بيها وقالت بغضب والله لقتلك يا عزيز الك'لب وهاخد حقي منك ورجلك فوق رقبتك؟

عزيز بعت للحاردن يجيوا يطلعوها برا وفعلا وصلوا وشدوها وهيا كانت بتصرخ علشان يسبوها ولاكنهم كانو اقوي منها طلعوها برا ورموها علي الارض وهيا وقفت بتعب وفضلت تبص علي البيت بقهر لانها بعد اللي عملته دا ومتطلعتش  باي حاجه خالص!

قربت شاهي من الجاردن  تاني وهي بتترجاهم  يدخلوها علشان تاخد حقها ولاكنهم زقرها برا تاني  وقفلوا البوابه  في وشها وسابوها بتعيط قدام البوابه بقهر.

وعند عزيز ووالده

ادهم قال بغضب  انت ازاي تتفق مع الست دي من ورايا وانا اللي كنت فاكر ان المحاسب هو اللي ناقلي كل  المعلومات.

عزيز قال بهدوء يبابا انا كنت عارف ان المعلومات اللي جوا المكتب مكنش حد هيعرف يجيبها غير دي وبعدين انا لما قولتها علي ال١٠ مليون الي هدهوملها عينيها لمعت وواقفت علي طول ولما  ادتنا كل المعلومات حولتهملها!

ادهم بصوت عالي بق المعفنه دي تديلها عشره مليون جنيه ليه!

عزيز  قال متقلقش  يبابا انا اخدتهم منها تاني اصلها غبيه لانها حولتهم لبنتها وانا قدرت اخدهم من بنتها بسهوله لما عرفتها اني هشتريلها بيهم قصر ليها لوحدها وهزود عليهم بس طلعوا الاتنين اغبياء برضوا لاني بعد الي اخدته منهم وضحكت عليهم فيه كانو لسا مصدقني حتي اخر حاجه كنت مخليهم يجيبواي المشروع اللي هادي ابن احمد شغال عليه بس طلعوا فشلا وبوظوا كل حاجه بس مش مهم انا هعرف اجيبه بطريقتي!

ادهم كان هيتعصب عليه ولاكنه لما عرف انهم ما اخدوش اي فلوس منهم سكت وبعدها عزيز طلع لأوضته وهو متعصب علي اللي حصل والخطه الي شاهي وبنتها بوظوها!

وفي منطقة سهر.

كانت جهزت ولبست الفستان وكانت قمر جهزت وبتساعدها تلبس الفستان.

البنات كانو خلصو شغلهم واستاذنو قمر انهم هيمشوا وقمر وافقت وهما جم يخرحوا لقو الباب مقفول.

واحده من البنات قالت مدام قمر لو سمحتي تعالي افتحيلنا الباب لأنو مش بيفتح.

قمر بصت لسهر بإستغراب ولاكنها قربت من البنت وجت نفتح الباب لقتو مش بيفتح!

قمر بصت لسهر وقالت هو الباب معلق ولا ايه!

سهر قربت منهم وجت تفتح الباب عرفت انه مقفول عليهم من برا.

سهر قربت من قمر وهمست في ودنها وقتلت قافلين علينا الباب  من برا!

قمر بصتلها وقالت بصدمه قصدك مين الحربايه وبنتها!

سهر هزت راسها وبعدها قمر بصت للبنات وقالت

طيب معلش اقفوا هنا بس وانا هفتحلكم الباب دلوقت!

البنات رجعوا لورا وقمر خبطت خبطة جامده وقالت حسنه تعالي افتحي الباب بدل وربنا اكسره ووقتها مش هحلك انتي وبنتك

ريم وامها كانو واقفين وبيضحكوا عليهم لمحاولاتهم في فتح الباب لحدما سمعوا صوت قمر ووقتها حسنه قالت.

روحي يا ريم افتحي الباب!

ريم برفض لا ياماما مش هفتح هسيبهم كدا  يترجونا شويه!

حسنه خافت من ضرب قمر علي الباب وصوتها العالي في تحزيرهم  فقربت هيا من الباب علشان تفتحه ولاكن ريم مسكت إيديها تمنعها حسنه قالت بغضب ابعدي يا ريم وادخلي اوضتك واسمعي الكلام ريم رفضت وفضلت واقفه  مكانها واول ما حسنه فتحت الباب كانت قمر وشها احمر من الغضب قربت من حسنه ومسكتها من هدومها وقالت بتقفلي الباب علينا ليه يا حسنه ها!

حسنا قالت مقفلتوش دي تلاقيه عيل من العيال الصغيره اللي بيدخلوا البيت؟

قمر بغيظ عيال صغيره  وهيدخلو بيتك وهيعرفوا اننا جوه ازاي يا حسنه.

حسنه بصتلها وسكتت وقمر بصت لريم ولاحظت نظراتها ليها ففهمت انها الي قفلت الباب.

قمر علت صوتها وهيا بصالها وقالت بس عرفي العيل الصغير اللي قفل الباب دا ان المره دي سماح انما لو عمل اي حركه ضايقتني او ضايقت العروسه  وقتها بق هعرف اخد حقي منه ازاي!

حسنه هزت راسها وقمر سابتهم وشاورت للبنات وهيا مبتسمه علشان يمشو والبنات كانو مبهورين بشجاعتها لانهم  ببساطة قدرو يفهموا ان الست دي وبنتها حرابيق ومحدش بيقدر عليهم فقمر معلمه عليهم دايما فعلشان كدا بيخافوا منها.

↚

البنات خرجوا وقمر قربت من سهر وساعدتها في قفل الفستان وبعدها فضلت تبص عليها علشان لو في اي حاجه مش مظبوطه تعدلها.

سهر بفرحه شكرا يا قمر علي اللي بتعمليه معايا وبصراحه انا فرحانه انك بتاخديلي حقي من الحرابيق دول.

قمر ابتسمت وقالت وهو انتي فاكره اني هسيبهم يعملولك حاجه او يبوظو فرحتك

سهر ابتسمت وقالت ربنا ما يحرمني منك ولا من وجودك جمبي ابدا!

قمر قربت منها بفرحه وحضنتها وقالت بسم الله مشاء الله طالعه زي القمر!

سهر ابتسمت بفرحه وقعدت هيا وقمر يتكلموا في تفاصيل علشان مفضلش غير دقايق والعريس يوصل.

عند ريم في اوضتها

كانت قاعده وهيا متغاظه من اللي قمر عملته ودفاعها عن سهر وهيا شايفه انها متستحقش تتجوز واحد زي محمد دا لانها عارفه انه غني من شكل عربيته ولبسه وحتي طريقة كلامه وكانت هتتجنن وتعرف هيا عرفته امتي وفين!

ريم مكنتش تعرف ان محمد وبقيت الشباب كانو شغالين مع قمر لان منطقتهم بعيده عن منطقة قمر وريم دايما وهيا مشغوله مع شلتها اللي فاكراهم اغنياء للاسف لانها بتحكم علي شكلهم ولبسهم وطريقتهم في وصف اي شئ…

مسكت ريم تيلفونها بتقلب فيه بضيق  وصادفها رقم هيا عارفاه كويس!

فضلت تبص للرقم وهيا بتفكر ازاي تنتقم من سهر وتبوظلهعا الجوازه.

ضغطت علي الرقم واتصلت بيه وكان صاحب الرقم دا خطيب سهر القديم الي سهر سابته علشان كان بيخونها كتير ولاكنه برضوا كان ابن ناس اغنيه فكانت ريم هيا السبب برضوا في خراب الجوازه لانها كانت شايفه ان عمر دا ميستهلش سهر لانها جاهله ومش متعلمه زيها وانها هيا الوحيده اللي تستاهل واحد في المستوي دا!

عمر رد علي التيلفون  بتاعه وهوا مستغرب اتصال ريم بنت مرات ابو سهر خطيبته ه.

ريم بابتسامه ازيك يا عمر عامل ايه!

عمر باستغراب انا كويس يا ريم الحمدلله انتي اللي عامله ايه!

ريم بابتسامه انا كويسه اوي والله بس مش عارفه بعد اللي هقولهولك دا انت هتبق كويس ولا لأ.

عمر استغرب كلامها ولاكنه خلاها تكمل كلامها وهيا قالت اصل بصراحه كدا سهر هتكتب كتابها النهارده وانا بسألها لو انتي اتخطيتي عمر وحبه يا سهر قالتلي لأ يا ريم مش قادره انساه ونفسي يجي ينقذني من الجوازه دي لاني مش عايزه العريس!

عمر بصدمه هيا سهر هتتجوز بجد!

ريم ايوا يا عمر دي قدامها حوالي نص ساعه والعريس هوا والمأزون يوصلوا.

عمر بصدمه وانتي متاكده يا ريم انها قالتلك لسا بتحبني!

ريم وانا لو  مش متاكده من كلامي هتصل  عليك ليه!

عمر بفرحه طيب اقفلي يا ريم انا جاي علي طول!

ريم قفلت  معاه وهيا مبتسمه وبتقول ابق وريني بق هتعملي ايه يا سهر الكلب وابق يخلي قمر تنفعك بق!

ريم اخدت شنطتها وطلعت لمامتها وقالت انا خارجه يا ماما ميار وياسمين مستنيني في الكافيه علشان نذاكر للامتحانات.

حسنه هزت راسها وقالت طيب يا ريم متتاخريش!

ريم هزت راسها وخرجت ووقتها لقت ان في عربيات وقفت قدام البيت نزلت ريم ووقفت في الشارع وهيا باصه علي محمد واهله وهما نازلين وكان شكلهم فعلا اغنياء جداا.