فضلت تبصلهم شويه بحقد وبعدها مشيت.

محمد دخل اول واحد وجمبه المأزون وسلم علي والد سهر واللي رحب بيه جامد وبعدها وقف جمبه واحمد وصافي دخلوا واحمد سلم علي والد سهر وقال احمد الجارحي في مقام والد محمد الله يرحمه ودي صافي مراتي.

حسنه بصت لصافي واستغربت شكلها الحلو وطريقة لبسها اللي بتشبه الاغنياء اللي بيجوا ف يالمسلسلات.

والد سهر بابتسامه اهلا وسهلا تشرفت جدا بيك يا احمد باشا اتفضل.

احمد هز راسه ودخل هو وصافي وبعدها هادي سلم علي والد سهر وقال   هادي الجارحي في مقام اخو محمد الكبير وانا برضوا ابق جوز قمر صاحبة العروسه!

حسنه قلبها وقف من الصدمة لما شافت هادي وقالت في سرها معقول قمر تتجوز الواد دا!

هادي بصلها وسلم عليها وهيا سلمت عليه وهيا لسا مصدومه

سعيد قرب من والد سهر وقال   سعيد وائل في مقام اخو العريس برضوا.

والد سهر ابتسم ورحب بيه وسعيد سلم علي مراته بابتسامه وهيا سلمت عليه بغير نفس فاستغربها اوي وسابها ودخل وبعدها عبدالله سلم علي والد سهر وقال علدالله جاركوا وفي مقام اخو العريس.

حسنه بصت لعبدالله بصدمه وقالت بسخريه وهو ايه اللي جاب القلعه جمب البحر

عبدالله سابها ودخل ومردش عليها فهيا كانت واقفه وهيا مش طايقه هدومها!

محمد دخل مع والد سهر وكلهم قعدوا ووقتها ابو سهر  قال ادخلي يا ام ريم اندهي العروسه.

قمر بصتلها وهزت راسها وقالت اطلعي انتي واحنا هنيجي وراكي!

حسنه هزت راسها ومشيت وبعدها قمر قالت وهيا بتقرب من سهر كل اللي برا انتي عارفاهم يعني مفيش حاجه توترك ممكن تتكسفي عادي انما توتر لأ متخافيش اتفقنا.

سهر ابتسمت وهزت راسها وبعدها قمر قالت يلا قومي!

سهر وقفت وقمر كانت جمبها وقالت يلا يبت اتحركي.

سهر ضحكت ومشيت وكانت وراها قمر.

محمد كان عينه علي الباب وأول مشاف سهر قلبه فضل يدق جامد وهيا اول معينيها حت في عنيه قلبها فضل يدق بسرعه وكأن قلوبهم بتتسابق مين يدق اسرع!

هادي كانت عيونه علي الباب برضوا واول مشاف قمر خارجه وقف وراح يستقبلها وهو بيقول مين الجميل.

قمر ابتسمت بخجل وقالت لو سمحت ابعد عني مبتكلمش مع رجاله!

هادي ابتسم وقال انا كدا اطمنت عليكي!

قمر ضحكت وهوا مسك ايديها قبلها وقال ايه الجمال دا كلو يا ختي قمر!

قمر ابتسمت علي كلامه ليها وزقته وهيا بتقول عندنا كتب كتاب ممكن نركز معاهم!

هادي بصلها وقال بهمس انا ممكن الغيه واخدك ونمشي عادي.

قمر ضحكت وسابته ودخلت وهوا دخل وراها.

احمد بص لوالد سهر وقال احنا جايين نطلب ايد سهر ونكتب الكتاب إنشاء الله وكنت حابب اسمع لو حضرتك عندك اي حاجه عايز تقولها.

والد سهر ابتسم وقال كل اللي عايز أقوله  ان محمد يشيلها في عينه لان دي بنتي الوحيده والحاجة الوحيده اللي فضلالي من ريحة امها الغاليه.

محمد بص لوالد سهر وقال وانا اوعدك يا عمي اني سهر مش هتبق في عيني بس دي في قلبي وفي روحي وفي حياتي كلها وانا بس اتمني ان حضرتك تبق واثق فيا وفي حمايتي ليها!

والد سهر ابتسم علي حب محمد لسهر وقال وانا بديك الثقه دي يا ابني يلا يا مولانا اكتب الكتاب!

المأزون ابتسم وقال نقرأ الفاتحه الاول ويعدها نكتب الكتاب انشاء الله!

الكل ابتسم وهزو راسهم وفعلا بدأو يقرو الفاتحه!

سهر كانت مبسوطه ان محمد بيحها كل الحب دا وازاي وعد ابوها انه هيحميها.

المأزون قال  بابتسامة: نقرأ الفاتحه الاول وبعدها نكتب الكتاب انشاء الله!

سهر كانت مبسوطه اوي ان محمد طلع  بيحها كل الحب دا وطريقته في  وعد ابوها انه هيحميها  ويخلي باله منها  خلتها تحبه اكتر.

كانت بتبصله وهيا بتقرأ الفاتحه ومبتسمه وهوا كان بيبصلها وفرحان انها دقايق وهتبق مراته رسمي!

بعد قرأت الفاتحه بدأ المأزون يجهز لكتب الكتاب ووقتها الجرس رن ووالد سهر بص لحسنه وقال افتحي الباب يا ام ريم.

حسنه هزت راسها ولاكن قمر وقفت وقالت خليكي انتي وانا هفتح…

كله بص لقمر وحسنه هزت راسها وقعدت تاني وقمرقامت وراحت تفتح الباب؟

واول ما شافت اللشخص اللي واقف قدامها  اتصدمت وزقته لبرا وراحت وراه وقالت.

انت ايه اللي جابك هنا يا عمر؟

عمر بضيق.

انتي زقتيني برا ليه انا عايز سهر.

سهر طلعت بتحبني انا.

قمر بصتله بغضبوقالت.

بتحبك اي وهبل ايه سهر بتكاب كتابها جوا علي حب عمرها مين قالك الكلام الغريب دا.

عمر بصلها بصدمه وقال.

حب عمرها مين دي قايله لـ ريم انها مش عايزه العريس وعيزاني انا؟

قمر هزت راسها وقالت بتفهم.

رييم قول بق يعني ريم اتصلت بيك وقالتلك كدا.

عمر هز راسه وقال.

ايوا وهيا اللي قالتلي اجي الحق سهر.

قمر بضيق من ريم وحركاته السخيفه اللي عايزه تعملها في سهر وتبوظلهع الجوازه.

قمر بصت لعمر وقالت بص يا عمر انا مش عايزه اجرحلك قلبك تاني واقولك ان سهر نستك بعد خيانتك ليها بس هيا حقيقي مبتحبكش وانا ممكن اثبتلك دا بس واخليك تشوف نظراتها لعريسها وتتاكد ان ريم كانت بتضحك عليك.

عمر بغضب ايه اللي بتقوليه دا ويعني ايه ضحكت عليا.

قمر مسكته من دراعه وشدته للشباك وقالت بص بنفسك اهو شايف نضراتهم لبعض عملي ازاي بق دا شكل  واحده مش عايزه العريس.

عمر بص لسهر وشافها وهيا بتبص للشاب اللي قاعد جمبها بكل حب ومبتسمه فقال بغضب.

يا بنت الكللب يا ريم والله مهسيبها هيا فكراني ايه علشان تضحك عليا.

قمر بصتله بجديه وقالتك وجودك هنا ملوش لازمه علشان العريسان هيطلعوا دلوقت يروحو بيتهم.

عمر بصلها بضيق وركب عربيته ومشي.

وقمر اتنهدت  وبعدها دخلت وهيا بتتوعد لريم  بعلقه محترمه تعرف ان الله حق …

كان المأزون بيكتب الكتاب وكان والد سهر ومحمد ماسكين في ايد بعض والمأزون بيمليهم الكلام الي هيقوله وسهر عماله تبص لمحمد ومبتسمه لانه كان بيبص لوالدها بكل صدق وفرحان انه بيكتب الكتاب.

هادي كان قلقان لان قمر اتاخرت وقام علشان يشوفها بس لاقاها جايه عليهم.

حسنه بصتلها وقالت مين اللي كان بيرن الجرس.

قمر بصتلها بضيق وقالت عيل صغير رن الجرس وجري.

حسنه  قالت بسخريه.

ولما هوا عيل صغير رن وحري كنتي بتعملي ايه كل دا.

قمر ردت عليها باسلوب اهدي وقالت.

متقلقيش مكنتش بسرقك…

حسنه لفت وشها بغيظ  من ردها وقمر قعدت جمب جوزها وهادي بصلها باستغراب وقال في ايه يا قمر مالك

قمر همست في ودنه وقالت بنت مرات ابوها بعته لخطيبها القديم يجي علشان يبوظ الجوازه.

هادي بصلها بصدمه وقال وانتي عملتي ايه.

قمر هزت راسها بتعب وقالت مشيته طبعا وعرفته ان ريم كدابه وخليته يشوف سهر ومحمد من الشباك ويتاكد ان سهر مبتحبوش اصلا.

هادي  شدها لحضنه وقال.

خلاص بق فكيها وبعدين انتي حليتي الموضوع اهو لازم متعرفيش سهر حاجه علشان النهارده دخلتهم يعني لازم يكون اليوم بتاعهم رايق.

قمر هزت راسها وقالت انا مكنتش هقول حاجه طبعا بس انا اتضايقت من حركه الحربايه دي.

هادي ضحك وقال ليها يوم ياقمر متخافيش.

قمر بصتله وقالت علي اللي هوا خطيب سهر القديم حالف لينتقم من ريم ويعرفها مقامها.

هادي ابتسم وقال هيا تستاهل طبعا وبعدين عقلها فين وهيا بتفكر تعمل حاجه زي دي مش المفروض ان سهر زي احتها.

قمر قالت بغيظ.

اللي زي دول بيبق اسمهم حرابيق مهما تعمل معاهم قلبهم اسود.

هادي بص لمحمد ولاحظ انهم خلاص كتبوا الكتاب همس في ودن قمر وقال الجماعه كتبو الكتاب مش يلا بق احنا كمان ولا ايه.

قمر بصتله لاقته بيغمزلها  بعينه وبيضغط علي شفايفه بطريقه جريئة!

قمر بعدت عنه ووقت وهوا كان هيشدها بس سابها لما لاقاها رايحه عن سهر

سهر ومحمد كانو حاضنين بعض علشان هما بقوا بقوا متجوزين رسمي.

قمر بعدتهم  عن بعض وقربت من سهر وقالت الف مبروك يا روح قلبي.

محمد بص لهادي بصدمه وهادي ضحك علي حركة قمر وشاورله وقال حقك عليا انا.

سهر بصت لقمر بغيظ وقالت انتي عارفه انتي عملتي ايه يا بت.

قمر بتجاهل.

بقولك الف مبروك يا روح قلبي لو مردتيش عليا مش هسيبك.

سهر ردت عليها باتسامه وقالت الله يبارك فيكي يا روحي يلا بق وسعي خليني احضن جوزي.

سهر بعدت قمرعنها  وكانت لسا هتقرب علي محمد لقت قمر وقفت قدامها وقالت استني يا سهر اسلم علي محمد مستعجله علي ايه.

سهر وشها احمر من كلام قمر ولاكن محمد قال قمر انتي متجوزه وجوزك قاعد هناك اهو روحي احضنيه براحتك بدل ما انتي عماله تقطعي اجمل لحظاتنا ممكن تقوليلي حجتك ايه.

قمر بصتله بغيظ وقالت تصدق اني غلطانه اني بسلم عليكم وببباركلكم انا هروح احضن عبدالله احسن.

هادي اول ماسمعها وهيا بتقول هتحضن عبدالله وقف وقرب منها بسرعه وشدها ليه وقال ماشيه تحضني في خلق الله وسايبه جوزك الغلبان مستني منك نظره.

قمر وشها بق احمر من كلامه وقالت بغيظ… انت مشبعتش؟

هادي ابتسم وقال لا مشبعتش وبعدين في حد يزهق من القمر!

عبدالله صفر علي كلام هادي وسعيد سقف وقمر كانت واقفه تتمني الارض تنشق وتبلعها

سهر بسرعه بعدت عن محمد وقربت من والدها وقالت بحزن وانت كمان يبابا هتوحشني اوي بس انت عارف كان علي عيني اقعد معاك اكتر من كدا بس اهو نصيب.

والدها لاحظ انها بتبص علي حسنه مراته فبص لسهر وقال بابتسامه   تروحي بيت جوزك بالسلامه يا حبيبتي وانا هبق اجي اطمن عليكي!

سهر هزت راسها واحمد وصافي وقفوا وسلمو علي والد سهر ولاكن مقربوش من حسنه لان نظراتها ليهم مكنتش حلوه خالص ومشيوا!

محمد وسهر ركبوا في عربيه هادي وقمر واحمد وصافي ركبوا في عربيتهم وعبدالله وسعيد ركبوا في عربية هادي التانيه.

في بيت والد سهر.

حسنه بصوت عالي.

خلاص يا اخويا بنتك اتجوزت يبق ملكش حجج تانيه وتكتبلي نص البيت!

والد سهر بصلها بضيق وقال قولتلك قبل كدا البيت دا بتاع ام سهر ومش من حقي اكتبلك حاجه فيه.

حسنه بغضب هو صحيح بتاع ام الزفته بس هوا حاليا بإسمك يبق تكتبلي نصه رغم اني استاهل البيت كلو.

والد سهر بضيق بقولك ايه يا حسنه لو معدتيش الليله دي علي خير هتكوني طالق!

حسنه بسخريه ومالو يا خويا مطلقني مهوا دا اللي ناقص.

والد سهر مسك اعصابه ولاكنها فضلت تتكلم وتقول.

وياتري بق مين اللي  هتستحمل قرفك وكبر سنك وتعبك دنا المفروض اخش الجنه بحق عيتشي معاك.

والد سهر قرب منها وقال انتي بتعايريني بايه يا حسنه انتي ناسيه اني انا اللي لميتك من الشارع بعدما جوزك النطع رماكي انتي وبنتك في الشارع نسيتي كل دا ولا ايه.

حسنه بغيظ.

والله انا مقولتلكش تتجوزني انت اللي كنت هتموت عليا.

والد سهر بغضب ودلوقت مش هموت ولا حاجه  يا حسنه روحي وانتي طالق يا حسنه طالق بالتلاته.

حسنه بصدمه انت طلقتي يا عامر طلقتني بعد كل العشره دي.

والد سهر بضيق انا كان لازم اطلقك من زمان من وقت ما كنتي بتضربي بنتي وهيا تصرخ وتنادي عليا  وانا مبقدرش اقوملها علشان بتكوني وقتها مدياني العلاج الي بيقضي عليا.

حسنه بصتله بصدمه وهوا قالخلاص يا حسنه انكشفتي وعايزك دلوقت تاخدي هدومك انتي وبنتك وتروحي بيت ابوكي لحدما ورقتك توصلك.

حسنه كانت واقفه ومصدومه لحدما هوا شخط فيها وقال انجري يا وليه اسمعي الكلام والا ورحمة عزيزه الغاليه لادفنك هنا ومحدش هيعرف  مكان جثتك غير من ريحتها.

حسنه جريت تلم حاجتها وهوا قعد علي الكنبه براحه وطلع من جيبه صورة ليه مع مراته عزيزه وبنتهم  سهر وهيا طفله وقد ايه كانو عيلة سعيده بس  للاسف مراته مشيت بدري وسابته هوا وسهر ولانه كان شايف ان سهر تستحق ام تهتم بيها فاتجوز حسنه لما لقاها لسا مطلقه ومعاها طفله لسا مولوده قرر يتجوزها ويخليها تهتم ببنته وتربيها مع طفلتها  ولاكنه اكتشف بعد سنين انها مكنتش بتربي بنته دي كانت بتعذبها وغير غرور بنتها الدايم ومعايرتها لسهر علشان مكملتش تعليمها!

عدي وقت وكانت حسنه لمت هدومها هيا وبنتها وهوا كان قاعد مكانه.

بصتله بحزن وقالت اهون عليك يا عامر تسيبني امشي في الوقت دا.

والد سهر هز راسه بمعني ايوا وقال رني علي بنتك وعرفيها متجيش البيت علشان لو جت مش هرحمها بعد العمله اللي عملتها.

حسنه باستغراب بنتي عملت ايه!

والد سهر بضيق بعته لخطيب سهر يجي يخرب الجوازه مش قادره تستحمل تشوف البت فرحانه السواد طافح علي صدرها كلو.

حسنه بصدمه انت بتقول ايه يا راجل انت انا بنتي معملتش حاجه.

والد سهر بغضب عملت وعارفه بق مين الي نهي الموضوع دا قمر.

قمر الي كنتي تقوليلي مش كويسه وسمعتها وحشه وهتبوظ سمعت سهر.

طلعتي انتي وبنتك الي السواد مالي قلبكم و اللي عايزين تخربوا فرحة بنتي بس خلاص انا فوقت.

فوقت قبل فوات الاوان

حسنه كانت بصاله وساكته لحدما هوا وقف وقرب منها وقال لسا واقفه عندك ليه بقولك برا برا يا ام قلب اسود برا.

حسنه شدت شنطهم بسرعه برا البيت وهو قفل الباب وطلع اوضته نام علي السرير براحه وقال مكنتيش تستاهلي مني كل دا يا سهر اتنهد وقال.

ياريت تسامحيني ياقلب ابوكي  انا عارف ان قلبك ابيض زي امك وهتسامحيني…

قدام العماره اللي فيها شقة محمد وقفت عربية هادي واللي كان فيها سهر ومحمد وقمر.

هادي بص لمحمد وقال يلا يا عريس انزل وشيل عروستك ومتقلقش كل حاجه جاهزه فوق.

محمد هز راسه بفرحه ونزل وسهر نزلت هيا كمان ولاكن رفضت محمد يشيلها.

قمر غمزتلها وسهر بصتلها وضحكت وبعدها هادي اتحرك بالعربيه وهوا بيهمس لقمر وبيقول الف مبروك يا عروسه عاوز بق نعيد اللي حصل زمان.

قمر خبت وشها من الكسوف وهوا ساق العربيه وكل شويه يبصلها ويقول كلمة وهيا تتكسف!

وعند محمد وسهر.

كانو خرجوا من الاسانسير ووقفوا قدام شقتهم.

سهر كانت ساكته ومحمد خرج  المفتاح من جيبه وفتح الباب وقال بابتسامه ادخلي برجلك اليمين يا عروسه.

سهر هزت راسها ولسا هتدخل لقت محمد شالها وقال هو مش انا لو دخلت برجلي اليمين وانا شايلك يبق كاننا دخلنا مع بعض.

سهر خبت وشها في حضنه وهزت راسها وهوا دخل وقف الباب عليهم وقال.

يبق توكلنا علي الله.

😉

وفي القصر وصل احمد وصافي الاول واحمد قال النهارده كان يوم جميل اوي علشان الشباب عقلوا وكل واحد لقي اللي تستاهله بجد.

صافي هزت راسها وابتسمت واحمد قال اي رئيك يا صافي نطلع اوضتنا احنا كمان ونفتكر شبابنا.

صافي بصتله باستغراب وقال شبابنا ايه يا احمد انت شارب ولا ايه!

احمد ضحك وقال مش قصدي كدا يا صافي قصدي هنجيب البوم الصور ونقلب فيه ونفتكر يوم فرحنا.

صافي هزت راسها وقالت ايوا والله انا عايزه اشوف صورنا واشوف ذكرياتنا كلها.

احمد ابتسم وهز راسها وقال طيب يلا بينا.

↚

صافي هزت راسها وهوا كان بيضحك علي سذاجتها لانها مش فاهمه قصده.

اول ما قفل الباب عليهم قال بابتسامه وهو احنا لازم نقلب في الصور علشان نفتكر طيب منا ممكن افكرك من غير صور.

صافي بصتله باستغراب وقالت هتحكيلي يعني!

احمد هز راسه وقال طبعا بس الاول انتي فاكره الفستان راح فين

صافي هزت راسها وقالت ايوا انا محتفطة بيه.

احمد هز راسه وقال طيب ممكن تجيبيه وتلبسيه.

صافي فهمت قصده وهزت راسها وقالت برفض.

لالا انا مش مستعده خالص وبعدين كفايه اللي احنا عمالين نشوفه كل يوم دا.

احمد ضم حاجبه وقال… اهون عليكي تكسري فرحتي.

صافي رفعت دماغها وقالت.

خلاص يا حبيبي مش  هزعلك

احمد  ابتسم  وقال.

كنت عارف اني مش ههون عليكي 😉!

عبدالله وسعيد وصلوا  وطلعوا اوضهم علشان يرتاحوا وهادي وقمر كانو وصلوا بعدهم  بشويه.

هادي كان ماسك ايد قمر وضاغط عليها وبيقول.

تفتكري كلهم نامو.

قمر حركت راسها بلأ وقالت اكيد صاحيين وبعدين احنا متاخرناش يعني تلاقيهم واصلين من خمس دقايق ولا حاجه.

هادي هز راسه وقال.

طيب خلينا نطلع احنا كمان.

قمر هزت راسها بلأ وقالت.

لا انا جعانه وعايزه اكل.

هادي ضم حاجبه بغضب وقال.

جعانه دلوقت يا قمر.

قمر هزت راسها وقالت.

ايوا جعانه اعملي اكل.

هادي هز راسه وقال.

تعالي هقليلك بيضتين؟

قمر بصتله بصدمه وقالت.

نعم بيضتين ايه انا عايزه فرخه او ديك رومي او جوزين حمام عايزه حاجه تسد جوعي ماكلتش حاجه من الصبح.

هادي باستغراب.

قمر حبيبتي احنا الساعه واحده بالليل.

قمر هزت راسها وقالت.

وفيها ايه يعني انا كنت بعمل في شقتي اكل في اي وقت.

هادي مكنش مستوعب انها فعلا هتطبخ الاكل دا في الوقت اللي هنا فيه حاليا  لحدما لاقاها بتقول.

طلعلي الفرخه اللي في الثلاجه دي علي ما اطلع اغير هدومي.

هادي كان واقف مكانه وهيا طلعت علشان تغير هدومها ولحدما انتبه للي هيا طلبته منه قرب من الثلاجه وخرح منها فرخه وحطها في الحوض وهيا نزلت وهيا لابسه بيچاما وقربت منه وقالت.

متجوزه شيف يا ناس.

يلا بق البس المريله دي  ولبسني بتاعتي.

هادي هز راسه بغيظ  منها ولبسها المريله وربطهالها جامد وهيا بصتله بغيظ وفكتها شويه وبعدها هوا لبس المريله بتاعته وقمر قالت.

اول حاجه غسيل الفرخه والمهمه  دي مهمتك.

هادي بصلها باستغراب وقال.

واشمعنا انا هغسلها متغسليها انتي وانا هسلقها

قمر ضحكت وقالت.

لا انا هجهز  البشاميل علي ما تخلص.

فضل واقف ساكت لحدما هيا قربت منه وقالت.

يلا يا هادي اسمع الكلام واغسل الفرخه…!

هادي هز راسه بضيق وبدا يغسلها.

وقمر بدأت تحضر البشاميل لحدما هادي كان غسل الفرخه زي مهيا طلبت منه.

قمر ابتسمت وقالت.

روح هات لمون وخل وانقع الفرخه فيهم شويه.

هادي هز راسه وراح نفذ اللي هيا بتقوله وقمر سلقت المكرونه وحطتها في البشاميل  وسابتها  ترتاح وبعدها قربت من هادي ومسكت الفرخه ونقعتها وبعدها قالت بفرحه كان نفسي اوي اشارك جوزي في عمل الاكل بس الظاهر كدا ان جوزي مش عاجبه الوضع.

هادي بصلها وقال بق في انسان طبيعي يعمل فراخ ومكرونه بشاميل في الوقت دا.

دا مش وقت اكل خالص بصراحه.

قمر ضحكت عليه وقالت خلاص بق يا عم الحج دنتا قفوش مش كفايه عليا الخبر اللي كنت هقولهولك.

هادي وهوا لسا ضامم حواجبه بغيظ خبر ايه.

قمر ابتسمت وقالت هو بص انا مش متاكده اوي بس هوا صح علي تقاليدنا يعني!

هادي  لفلها وقال.

ايوا هوا ايه بق.