هادي بص لوالدته وقال بسخريه ببساطه علشان انا رجعت كل املاكنا وكمان الشركه رجعت وهوا بق لما عرف ان كل حاجت رجعتلنا تاني  فبتالي قال انكم ملكوش لازمه.

ساندي بصت لمامتها وقالت هنعمل ايه يا مامي هنروح فين.

هادي قال بصوت مسموع.

هترجعوا تاني اوضكوا يا ساندي ودي اخر مره تغلطي فيها متجريش ورا اي كلمه حد يقولهالك.

ساندي هزت راسها وبعدها بصت لمامتها الي كانت باصه في الأرض وقالت يلا يا مامي هادي قال اننا هنطلع اوضنا تاني.

شاهي هزت راسها وهيا بتبص لصافي الي كانت بصالهم بحزن وطلعت.

هادي اتنهد وهوا بيقول بضيق.

منهم لله ضيعوا لحظة مبتجيش  غير مره في العمر

صافي ضحكت عليه وقالت أطلع لعروستك يا هادي والف مبروك يا حبيبي.

هادي ابتسم ومسك ايديها باسها وقال ربنا يخليكي ليا يا ماما.

صافي ابتسمت وهوا سابها ومسك الجلبيه رفعها وبين رجلوا  وهو بيجري علي السلم  بفرحه لانه اخيرا هيروح لقمر ويقضي اجمل ليله هيعيشوها

صافي فضلت تضحك وهيا مش مستوعبه ان هادي فرحان بالطريقه دي فضلت تبص علي مكانه وبتقول إتغيرت أوي يا هادي بس ربنا يصلح حالك؟

هادي فتح باب الأوضه وهوا بيخبط وبيغني اكتر حاجة بحبها فيكي هيا دي.

قمر سحبت اللحاف علي جسمها وقالت هيا ايه يا هادي.

هادي قرب منها بضحك وقال كلك علي بعضك كدا بحبك.

قمر بصتله برفع حاجب وهوا كان لسا رافع الحلبيه قمر باستغراب هما كانو عايزينك تحت ليه!

هادي هز راسه وقال مش مهم سيبك منهم ومن مشاكلهم المهم دلوقت هوا احنا هنبدأ منين؟

اكلك منين يا بطه.

قمر ضحكت علي طريقته في الكللم وقالت هنبدأ برومانسيه يا حبيبي.

صالت جملتها  وشالت اللحاف  من علي جسمها وهوا اول مشافها لابسه القميص الي هوا كلن اختاره قرب من النور وطفاه وقال توكلنا علي الله!

في المنطقة اللي ساكنه فيها سهر.

وصلت العربيه الي فيها محمد وسهر وقبل ما يدخل شارعهم قالت بقلق

نزلني هنا يا محمد.

محمد بصلها وابتسم وقال متخافيش يا سهر انتي في حمايتي.

سهر ابتسمت وقالت بس حاليا لأ يا محمد المهم انا هنزل علشان انا اتاخرت اوي ويارب أبويا ميزعقليش وتحصل مشكله.

محمد إبتسم وقال انشاء الله مش هتحصل مشكلة ولا حاجة.

سهر ابتسمت ونزلت وهيا بتبصله بابتسامه لحد لما فجأه خبطت في ريم بنت مرات أبوها.

ريم بصت علي العربيه الي كانت خارجه منها سهر  ولاقت فيها شاب وسيم وباين عليه انه ابن ناس.

بصتلها بطريقه وحشه وقالت الله الله الناس الي راجعه في نص الليل مع  راجل غريب وفي عربيته.

يكونش عامل فيكي حاجه يا بت  واحنا منعرفش.

سهربصتلها بصدمه وقالت وطي صوتك يا ريم ايه الكلام اللي انتي  بتقوليه دا.

محمد كان واقف بيبص عليهم بإستغراب لحدما لما لقي البنت الي واقفه مع سهر بتزقها انتبه ليهم  وهوا بيبص لريم بغضب.

ريم زقت سهر وقالت بغضب  هو انتي فاكره ان ملكيش أهل يسألو عليكي مش خايفه علي شرفك وشرف عيلتك.

سهر قالت بغضب انتي بتقولي ايه شرف ايه الي بتتكلمي عنه دا صاحب  جوز قمر صاحبتي وكان بيوصلني علشان الوقت أتاخر.

ريم بصت لمحمد وعجبها شكله اوي  وللكنها بصت لسهر وقالت بسخريه بق دا صاجب جوز قمر.

وبعدين انتي فكراني هصدق الكلام دا …

سهر زقتها وقالت بغضب.

لا بق دا كدا كتير هوا مش تحقيق وبعدين انا معرفة بابا كل حاجه.

ريم بغضب وياتري بق ابوكي عارف انك بتركبي مع راجل غني في عربيته في نص الليل كدا ومش هامك حد وجيبات لحد بيتك عيني عينك كدا؟

مرات ابوها طلعت علي صوتهم وقالت في ايه صوتكم عالي ليه.

ريم بتشاور علي العربيه اللي فيها محمد وبتقول تعالي يماما شوفي الفضايح وشوفي الست سهر راجعه في عربية مين في الوقت داا.

محمد انتبه علي الي بيحصل وعرف ان سهر حصلها مشكله بسببه.

مرات ابوها بغضب الكلام دا صح يا بت انتي

سهر لفت وشها بغضب وقالت انتو عايزين تلبسوني مصيبه وخلاص منا قولتلك انه صاحب جوز قمر وجه يوصلني بطلب من قمر ايه المشكله بق.

مرات أبوها بعصبيه المشكله انك بت متربتيش وكمان بتقولي راكبة في عربيته من غير اي خشي كدا دنتي صحيح ناقصه ربايه

سهر اتصدمت من كلامها وقالت انا اللي ناقصه ربايه ولا بنتك اللي مدوراها من وراكي وعامله فيها العفيفه الشريفه.

ريم بصتلها وقالت بصدمه انتي بت مش متربيه بتقارني نفسك بيا يا جاهلة  انتي.

سهر قالت بعصبيه  الجاهلة الحقيقيه هيا انتي مش انا وبعدين متخلنيش اتكلم واقول علي الشباب الي انتي واصحابك الصيح مدورانها معاهم وياتري بق لسا بنت ولا عملو فيكي حاجة.

ريم أول ما سمعت كلامها اتعصبت جامد ومسكتها من شعرها وقالت مدام انتي مش لاقيه حد يربيكي انا هربيكي.

سهر بصراخ سيبي شعري يا بنت ال***

مرات ابوها اول ما سمعت الشتيمه مسكتها هيا كمان وفضلوا يضربوا فيها.

محمد اول مشافهم بيضربوها نزل من العربيه بسرعه وقرب منهم وهوا بيقول سيبوهااا.

فضل يبعدهم عنها وهيا اول ما شفاته جريت وقفت وراه.

مرات ابوها بسخريه ومين دا انشاء الله الي جاي يحميكي مننا دا.

ريم  بصت لمحمد وقالت بنضرات كلها اعجاب واضح اكيد واحد من اللي هيا مدوراها معاهم.

محمد بغضب ايه الكلام اللي انتي بتقوليه يا ست انتي.

مدوراها مع مين سهر بنت محترمه مفيش في اخلاقها وبعدين هو فين باباها.

ريم بصتله بصدمه لانت بيدافع عنها رفعت حاجبها وهيا بتبص لأمها وقالت  بغضب ابوها قاعد جوا يا اخويا.

محمد بص لسهر لقاها خايفه وماسكه فيه قوي بصلهم بضيق و قال يعني باباها جوا وسايبكو تعملوا فيها كدا!

مرات ابوها هزت راسها بسخريه وقالت ايوا سايبنا نعمل فيها كدا وبعدين دي بنت مش متربيه وتستاهل اكتر من كدا.

محمد بصلها بضيق وقال لو سمحتي نديلي باباها ومتغلطيش فيها انا بحظرك.

مرات ابوها  بصتله بصدمه وكانت هترد عليه ولاكن ريم مسكتها وقالت خلاص يا ماما روحي اندهي عمو وخلاص.

امها هزت راسها ودخلت البيت وهيا بتقول  ومالو يا اخويا انديلك باباها.

ريم فضلت واقفه تبصلها بحقد لانها شايفه انها متستحقش واحد زي الشاب دا حتي انه يدافع عنها ولانه باين عليه ابن ناس اغنيه وهيا الأحق انها تلاقي واحد زيه لانها شايفه انها اخلي من سهر ومتعلمه ولاكن سهر مش مكملة تعليمها!

بعد دقايق والد سهر خرج وهوا بيقول باستغراب انت مين يابني.

محمد قرب منه وقال انا اسمي محمد سيف الدين وانا اسف جدا  يا عمي علي وجودي في وقت زي دا بس انا كنت عايز  اطلب من   حضرتك  معاد علشان اطلب ايد الانسه  سهر بنت حضرتك.

والدها باصلها وهيا كانت بتمسح دموعها وقال ماشي يابني عايز معاد امتي.

مراته خبطتت في دراعه وبصتله بتحذير ولاكنه منتبهش ليها وبص لمحمد بانتباه!

محمد بص لسهر وقال بعد بكره ولو اتفقنا هنكتب الكتاب  علي طول وانا شقتي جاهزه وواقفه بس علي العروسه.

ابوها هز راسه وريم كانت واقفه بتبصلها بحقد وبتقول انت عارف يا انكل ان سهر بنتك راجعه مع الشاب دا في وقت زي دا لوحدهم.

محمد بصلها بغضب وقال انتي فاهمه غلط يا انسه انا كنت بوصل الانسه سهر مش اكتر انما هيا قمة في الزوق والاخلاق وانا يشرفني طبعا اني اطلب ايديها.

ابوها هز راسه وقال متاخذنيش يابني  علي الحال اللي انت شايفه وعموما انا موافق وانشاء الله معادنا بعد بكره.

محمد ابتسم وبص لسهر وقرب منها وقال متخافيش يا سهر كلها يومين وهاخدك من هنا وانا عايزك   متسمحيش انهم يقربوا منك تاني واللي يمد ايده عليكي رديله الضربه عشره وانا اوعدك اني هبعدك عن الناس دي في اسرع وقت.

سهر هزت راسها وهوا ابتسم وقال انا همشي علشان مينفعش افضل هنا اكتر من كدا وبالزات ان مرات ابوكي دي مش هتبطل هيا وبنتها  كلام فانا لازم امشي.

سهر هزت راسها وهوا قرب من والدها وقال مع السلامه يا عمي تشرفت بمعرفتك

والد سهر هز راسه وسلم عليه وبعدها محمد ركب عربيته ومشي.

وسهر دخلت مع والدها وجريت علي اوضتها بسرعه وقفلت الباب

وفي المنصوره وتحديدا في البلد الي عايش فيها خالد.

كان في ستات وبنات قاعدين قدام فرن بلدي وبيخبزوا العيش.

ام خالد بابتسامه اطلعي يا نيره يا بنتي صحي خالد ابن عمك قوليلو ينزل علشان ياكل لقمه لأحسن يا حبيب امه مأكلش حاجه من امبارح.

نيره هزت راسها بخجل وقالت حاضر يا مرات عمي.

قالت كلامها وقامت وهيا بتقول بهمس دي اول مره هشوفك يا ابن عمي بعد غياب 8سنين بحالهم وانت مسافر مصر.

خالد كان نايم علي السرير بتاعه ونيره دخلت اول مشافته قلبها دق بطريقه غريبه قربت منه وهيا بتبص لملامحه بابتسامه وبتقول بحمس احلويت اوي يا ابن عمي معقول كل الحلاوه دي.

خالد حس بوجود شخص حواليه قام بقلق وهوا بيمسك الشخص دا وبيقول انت مين.

كان مسكها جامد وحطها علي السرير وهيا كنت مصدومه.

خالد بإستغراب إنتي مين وبتعملي ايه في أوضتي.

نيره بخوف أنا نيره بنت عمك وجيت علشان أصحيك علشان تاكل لقمة

خالد سابها وقال شكرا انا مش جعان تقدري تقولي لامي اني مليش نفس.

نيره قالت بصدمه ليه يا ابن عمي ملكش نفس هو انت مش عاجبك اكلنا ولا ايه؟

خالد بصلها وقال بضيق لا يا نيره اكلكم حلو طبعا بس انا بطني وجعاني ومليش نفس لاي حاجه.

نيره هزت راسها وقالت خلاص بسيطه نام انت علي ضهرك وانا هدعكلك بطنك وساعتها هتفوق علي طول.

خالد بصلها بإستغراب وقال شكرا يا نيره قولت  وبعدني عيب اللي بتقوليه دا انتي بنت اني يعني ايه تدعميلي بطني دي وبعدين انا مش عايز حاجه تقدري تتفضلي.

نيره وقفت بصدمه من طريقته وقالت حاضر انا هبلغ مرات عمي وانت حر العيش لسا خارج من الفرن.

خالد بصلها وقال بصدمه هيا مين دي ومالها بتتكلم معايا كدا ليه؟

نزلت نيره وقالت لمرات عمها مش راضي يا مرات عمي بيقولي مش جعان.

الستات بصو لبعض باستغراب ه  قالت لا الولد دا فيه حاجه اكيد مش طبيعي من ساعة اما  رجع من مصر وهوا حاله غريب لا بيتكلم ولا بياكل.

نيره قعدت جمب امها وهيا بتعمل معاها العيش ومرات عمها قالت انا هطلع اشوفه بنفسي ولازم اعرف مالو.

وقفت ام خالد وهيا بتنفض هدومها وبتقول مالك يا ضنايا مالك يا نن عيني.

طلعت علي فوق وهوا اول مشافها خالد قال اتفضلي يا امي.

امه قربت منه وطبطبت عليه وقالت.

خير يا ضنايا مالك يا حبيبي فيك ايه.

خالد بصلها وسكت بحزن وقال انا كويس ياما  بس مليش نفس للاكل.

امه قربت منه وقالت متخابيش عليا يا ابني وريح قلبي  وقولي فيك ايه متخبيش عليا.

خالد بصلها والحزن بان علي وشه وقال قلبي مكسور يا امي مش قادر انساها.

خالد قال بحزن واحده من مصر يا امي حبيتها ولاكنها مختارتنيش طلعت بتحب صاحبي واتجوزته هو.

امه طبطبت عليه وقالت يبق ملكش نصيب فيها يا ضنايا وبعدين انت ازاي تحب واحده كدا وانت خاطب.

خالد رفع راسه بإستغراب وقال انا خاطب.

امه هزت راسها وضحكت وقالت  ايوا خاطب ههه انت متعرفش انك خاطب نيره بنت عمك يا واد دي مكتبالك من ونتو صغيرين؟

خالد قال بصدمة ايه الكلام دا يا امي ازاي يعني خاطبها وايه الي مكتبالي دي افرضي مش عجباني هاخدها غصب عني ولا ايه؟

امه قالت بصوت هامس شششش وطي صوتك للبنت تسمعك دي بتحبك بقالها سنين يا ابني وتتمنالك الرضا ترضي بس انت بس حس علي دمك واضحك في وشها حتي.

خالد بصلها وقال برفضلا شكرا انا مش موافق وبعدين انا معلقتهاش  بحاجه اتفضلي بق قوليلها اني مش موافق عليها.

وفضي الجوازه دي علشان انا مش عايزها؟

امه سمعت كلامه وضحكت وقالت وهيا بتخبط علي رجله ابق قولها انت بنفسك يا ابن بطني انما انا مليش دخل.

امه وقفت وقالت انا هبعتلك الاكل  مع عروستك وانت بق حر يتاجل لوحدك يا ما هتاكلك في بؤقك ر.

خالد بصدمه ايه الي بتقوليه دا يا امي لا متبعتيش حاجه وبعدني هتاكلني في بؤقي ليه هو انا طفل

امه ضحكت  علي كلامه وسابته ونزلت  وهيا بتقول طالع عنيد زي ابوك اللي ميتسمي!

وصلت ام خالد عند الستات وقالت بت يا نيره طلعي لخطيبك الأكل يا بت.

نيره  قامت بفرحه وقالت بحماس بجد يا مرات عمي هياكل

ام خالد هزت راسها وقالت طبعا واهم حاجه عايزاكي  تشدي عليه كدا وتعرفيه ان مفيش احسن من بنت بلده.

نيره فهمت قصدها وبدات تحضر الصنينه الي هتطلعها لخالد وبعد وقت وصلت وهيا بتقول انت هنا يا ابن عمي.

خالد اول ما سمع صوتها بص حواليها علشان يلاقي اي مكان يستخبي فيه.

نيره بصوت اوضح.

خالد  انت هنا يا ابن عمي.

رد عليا متقلقنيش؟

خالد قال بغضب ايوه هنا هكون روحت فين ياعني.

نيره دخلت وهيا شايلت الصينيه ومبتسمه وقالت انا جيتلك الاكل يا ابن عمي تعالي ناكل  سوا قبل ما العيش يبرد.

أصله لو برد طعمه مش هيبق حلو؟

خالد بصلها وقال برفض.

لا شكرا مش جعان كُلي لوحدك

نيره ابتسمت ومسكت العيش وقطعت حته صغيره وحطتها في العسل وقربت منه وهيا بتقول مينفعشي اكل لوحدي واسيبك لازم تاكل  ابن عمي لازم.

خالد بصلها بصدمه وهيا قربت الاكل من بقه وقالت كل يا خالد.

خالد فتح بوقه بصدمه  واكل وهوا مستغرب ازاي هيا بتأثر عليها بقربها منه بالشكل دا!

نيره ابتسمت وقالت تعالي هنا جمبي يا ابن عمي علشان تاكل معايا.

خالد قرب منها وهوا باصصلها وبيقول هو انا هقول الكلمه كام مرت قولتلكم  مش جعان.

نيره وقفت وقربت اللقه من بوقه تاني  وقالت مينفعش لازم تاكل.

خالد بزهق يووه هي  ايه العيشه  اللي تخنق دي.

نيره ابتسمت وبدات تاكل وتسيبه يتكلم ويقول اللي هوا عايزه

خالد بصلها بصدمه وقال بصوت غاضب هو انتي دمج يا بت انتي ولا ايه.

نيره  وقفت وقالت يعني ايا دمج يا ابن عمي.

مش فاهمه قصدك

خالد قال يتوتر من نظراتها ليه يعني مجنونه.

نيره هزت راسها وقالت بضحكه ايوا مجنونه اصل كل الي هنا بيقولولي كدا.

خالد بصلها وقال بصدمه من كلامه  نعممم.

يعني ايه مجنونه دي!

نيره ضحكت وبدات تاكل وهوا بطنه عملت صوت من الجوع فقرب منها وبدأ ياكل هو كمانوهيا قالت بألف هنا يا ابن عمي هسيبك انا.

خالد بتساؤل.

انتي رايحه فين.

نيره بابتسامه هنزل اكمل خبيز مع امي ومرات عمي وبقيت البنات.

خالد برفض.

لا خليكي قاعده معايا لحدما اخلص اكل.

↚

يتبع؟

صحيت قمر الصبح وهيا حسى بدفى وأمان فتحت عينيها بهدوء وهيا بتبعد أشعة الشمس من علي عينيها وبتحط ايديها علي وشها.

لقت هادي نايم وهوا حاطت راسه عند  صدرها.

فضلت تبص علي ملامح وشه بانبهار وبتقول معقول جوزي  حلو اوي كدا.

قالت جملتها وهيا مبتسمه وقربت ايديها علي وشه ولمست خده بلطف وقالت امتي وازاي وليه حصل كل دا.

وانا بقيت مراتك ازاي يا غريب انت؟

قالت جملتها وهيا عيونها علي شفايفه  الي بتلمع وهوا قرب عليها وشدها عليه بجرأة.

ابتسمت قمر بخجل لما لاقته بيقول بهمس.

صباح الخير علي احلي عروسه في الدنيا.

وشها كلو بق باللون الأحمر من الخجل  وهوا كان عيونه علي وشها بيشوف ردها ايه علي كلامه ولما لاقاها سكتت ودفنت وشها في صدره بخجل.

ابتسم وهوا بيقبلها علي راسها بحب وبيقول يلا يا روح قلبي خلينا نقوم ناخد دش سريع كدا قبل ما انزل الشغل.

قمر كانت هترد عليه وترفض ولاكنها اتكسفت جدا تقول كدا.

هادي وقف وبعدها شالها من علي السرير وهوا بيقول بهمس مش معقول تكوني لسا  مكسوفه مني  بعد اللي حصل بينا امبارح.

ضربته علي كتفه بخجل وهوا دخلها الحمام وقال لو عليا انا بصراحه مش عايز اروح الشركه بس للاسف انا متضر جدا  اروح النهارده  لان عندي اجتماع مهم اوي مع عملاء جديده للشركه.

قمر ابتسمت وهزت راسها وقالت طبعا لازم تروح وبعدين دا شغلك و دا الاهم.

هادي قال برفض وهوا بيبص علي عيونها    مفيش حاجه في الدنيا دي  اهم منك يا قمر انتي دلوقت اهم شخص في حياتي وانا لو فضلت ابص في عيونك كدا كتير ممكن انسي الشركه والي جابو الشركه كمان.

قمر بعدت عينيها عنه بسرعه وهيا مكسوفه منه وهوا بصلها وابتسم وبعدها  خرج من الحمام و رجع بعد ثواني وهوا ماسك في ايده روبين.

قمر بخجل  طيب انا هخرج انا وانت لما تخلص انا هدخل بعدك.

مشيت خطوتين ولاكنه شدها وقال لا يا قمر هناخد دش  مع بعض واي كلام غير كدا مرفوض.

بصتله بصدمه وهوا قفل الباب عليهم وقال ممكن تسمعي الكلام بق وتبطلي عناد.

بصتله برفع حاجب وهوا ابتسم وقرب منها قبلها علي خدها بحب وهو بيقول ضمت الحاجبين دول هما اللي وقعوني في حبك.

ابتسمت  علي كلامه ليها وهوا سحبها عليه وهيا كانت بتبعد ايزه بخجل وهوا كان مكمل في اللي بيعمله  وبعد وقت

قمر بضيقسيبه  يا هادي انا هعرف البسه.

هادي كان ماسك الدريس وكان مقربه منها وهيا  لسا بتقول برفض.

خلاص بق انا هعرف البسه ملوش لازمه تلبسهولي  انا مش صغيره؟

هادي هز راسه برفض وقال لو سمحتي خليني اعمل كل حاجه بنفسي انا مبسوط  وانا بعملها ويلا ارفعي ايديكي!

قمر اتنهدت ورفعت ايديها وهوا لبسها الدريس وهوا كان مبتسم وبيبص علي ملامح وشها الخجوله من نظراته ليها!

(في الحقيقه قمر كانت مستغربه تعامله معاها.

كانت اول مره تتعرض للحنيه والاهتمام والحب دا.

هيا فعلا كانت ناسيه تقريبا انها انثي دايما كانت بتلبس زي الشباب لان تعاملها كلو كان مع الرجاله فب مكنتش بتلبس اي حاجه تبين تفاصيلها قدامهم وكانت بتحتفظ باللبس الحلو كلو  في اوضتها فقط!

وعمرها ما اهتمت ان شكلها مهم لشخص اوي كدا وانها لازم تهتم بيه؟