ولاكن حتي هوا مش مديها الفرصه دي وعاوز يعمل كل حاجه بنفسه فكانت مبسوطه باهتمامه ليها وحنيته عليها.

)

هادي وقف يبصلها وهوا مبتسم لانها كانت سرحانه ومش مركزه معاه لحدما فجأها ببوسه  سريعه علي شفايفها.

فمر بخضه وهوا قال بابتسامه متجاهل صدمتها انا همشي دلوقت وطبعا متنسيش تكلميني كل شويه علشان انا بحب اسمع صوتك

هزت راسها بخجل وهو قال متترديش خالص  يا روح قلبي واتصلي بيا علي طول وانا لو ملقتش خلال كل ساعه اتصال منك لما ارجع   هعاقبك انتي حره.

بصتله بخجل وهوا قرب منها وفتح ايديه وهيا قامت بسرعه حضنته بابتسامه وكانت فرحانه اوي بوجودها معاه وفي حمايته.

هادي بعد خصله كانت نازله علي شعرها وقبلها بحب وقال انا همشي وانتي خلي بالك علي نفسك لحد بس ما ارجع وبعدها ابق سيبي نفسك عادي انا هحميها!

هزت راسها  بالموافقه  وابتسمت علي كلامه ليها وهوا قال ممكن بق تعدليلي البدله كدا زي المتجوزين عايز اجرب الحركة دي من زمان.

قمر ضحكت وهزت راسها وقالت حاضر.

ابتسم علي طريقتها الي بقت لطيفه معاه وقرب رقبته منها وهيا بدات تعدله لياقه القميص وتظبتله الكرافيت وبتقول وهيا بتقفل زرار البدله يبق كدا خلاص البدله واللي لابسها حلوه اوي.

هادي ابتسم علي مغازلتها ليه ومسك وشها  بايديه وقال متترمشيش لحظه كدا يا قمر.

قمر بصتله باستغراب وقالت ليه يعني.

هادي قال بهمس ششش استني بس كدا.

بص في عينيها شويه و قال انا طالع في عينك زي القمر مشاء الله انا خايف لأتعاكس  والله.

هادي هز راسه بلا وقال الشباب بتتعاكس عادي برضوا علي فكره.

أص لما يبق شاب حلو زي كدا هيتعاكس طبعا.

قمر بصتله بغضب وهوا ابتسم وقال  ولاكن  انا طبعا مش هسيبهم يعاكسوني مدا واسكت واكيد يعني هعمل؟

قمر هزت راسها بانتباه  علي كلامه وهوا قال هرفع الدبله دي في وشهم وهقول انا متجوز ست البنات  ومحدش يعاكسني علشان هيا الوحيده الي تغازلني.

قمر ابتسمت بفرحه  علي كبامه وهوا ضمها ليه بحب وبعدها سابها وخرج.

نزل علي السلالم ولقي الخدامه بتجهز الفطار قال بجديه عاوز فطار يطلع لقمر هانم في  أوضتها.

الخدامه هزت راسها بإحترام وهوا بعدها هو خرج من القصر وركب عربيته وراح الشركه…

وفي الشركه وصل هادي الجارحي وهوا ماسك موبايله وبيبعت لقمر رساله بيقول فيها الفطار وصل؟

قمر ردت عليه برساله وكانت كاتبه.

ايوا بس انا هاكل كل دا لوحدي ازاي.

هادي  ابتسم  وكتبلها كلي اللي تقدري عليه ومتضغطيش علي نفسك بس اهم حاجه اشربي اللبن.

قمر بعتتله 👍 وهوا ابتسم وبعدها قفل تلفونه وهوا واقف قدام الاسانسير واول ما اتفتح كانت ساره الي  موجوده فيه.

واول مشافت هادي اتوترت جدا و فضل قلبها يدق بسرعه  لدرجه انها بقت مسموعه.

هادي  ابتسملها وقال صباح الخير يا ساره!

ساره فضلت ساكته وهوا استغربها جدا وقال انتي كويسه يا ساره.

ساره انتبهت ليه وهزت راسها وقالت انا.

كويسه الحمدلله بس حضرتك ازاي جاي الشركه والمفروض ان النهارده صباحيتك.

هادي هز راسه بابتسامه وقال غصب عني والله يا ساره لازم اقابل العملاء دول بنفسي  بس المهم الشباب وصلوا.

ساره هزت راسها وقالت بإحترام أيوا يا فندم  وصلوا من بدري وهما حاليا في مكاتبهم.

'

هادي هز راسه وركب الاسانسير وبعدها طلع وهيا كانت واقفه مكانها وحاطه ايديها علي قلبها بحزن وبتقول وانت بتدقله ليه دلوقت دا واحد متجوز  دلوقت وبيحب مراته ومينفعش خالص تفكر فيه بالطريقة دي؟

قالت كلامها بغضب وهيا بتشاور علي قلبها  وهيا متضايقه من مشاعرها  الغلط الي مش راضيه تختفي وتريحها من العذاب اللي هيا عايشه فيه.

كانت ماشيه وهيا باصه في الاوض وبتهمس بكلام كتير ورا بعض  ولاكنها فجأه صرخت لما  لقت انها خبطت في  شخص لدرجه انه كان هيقع علي الارض.

ساره بدموع انا أسفه مش قصدي  والله اخبط فيك.

سميح رفع وشه ليها باستغراب وقال طيب بتعيطي ليه دلوقت  محصلش حاجة.

مسحت دموعها وقالت وهيا لسا باصه في الارض انا اسفه مره تانيه مش قصدي اخبطك باللشكل دا!

سميح مسك دراعها وهوا بيقول باستغراب انتي كويسه طيب؟

ساره رفعت عينها وهيا بصاله وبتهز راسها وبتقول سميح بيه!

سميح هز راسه  وهوا باصصلها بانتباه وهيا قالت حضرتك عاوز مسترهادي!

هوا فوق في مكتبه.

سميح هز راسه وهيا بعدت ايديها  بهدوء وبتقول بعد اذن حضرتك علشان ورايا شغل.

سميح هز راسه وهيا مشيت ولاكنه لف بجسمه وهوا  بيبص عليها و مستغرب عياطها المفاجئ رغم ان الخبطه مكنتش قويه  لدرجه انها تعيط انها خبطته.

فضل واقف لحدما هيا اختفت من قدامه.

فلف بجسمه تاني وفتح موبايله وعمل اتصال مع العملاء اللي هيقعدوا مع هادي النهارده وعرفهم انه وصل الشركه ومستنيهم وهما عرفوه انهم في الطريق و علي وصول.

قفل سميح المكالمه وقعد في الاستراحه يستناهم ومعداش وقت كتير وكانو وصلوا…

سميح استقبلهم واخدهم وراحوا عند مكتب هادي

وعند هادي دخل مكتبه وهوا مبتسم وفتح اللاب توب بحماس وبدا يظبط العقود من عليه وبعد وقت دخلت ساره وهيا ماسكه دموعها وبتقول  الاستاذ سميح  المغربي والعملاء وصلوا يا فندم ومستنين حضرتك في  مكتب الاجتماعات؟

هادي هز راسه وقال تمام اتفضلي انتي يا ساره كملي  شغلك وانا رايح عندهم  حالا.

ساره قالت بتساول.

هو انا مش هكون مع حضرتك في الاجتماع.

هادي هز راسه بلا وهيا خرجت وهيا بتحمد ربنا انها مش هتبقى معاه في الاجتماع دا لانها لسا مهدتش من الحاله اللي كانت وصلتلها.

هاي  وقف وهوا بيبتعت رساله لقمر بيقولها فيها  انها وحشته جدا.

وطبعا قمر كانت بتقرا الرساله وهيا حاطه ايديها علي قلبها بفرحه لان  الكلام الي كان بيكتبهولها كان كلام حلو جدا اول مره تسمعه فكانت فرحانه انه مهتم بيها ومش ناسيها؟

هادي قفل تلفونه بابتسامه  لما قرأ رسالتها الي بتقوله فيها انها كمان بتحبه.

خرج من مكتبه و دخل مكتب الاجتماعات وسلم علي سميح والعملاء وبدأو يتفقوا علي كل حاجه هتعملها الشركه وقرر العملاء ان هادي هوا اللي هيرسم التصاميم بنفسه وطلبو تصميم  جديد ويكون مختلف.

هادي وافق  علي كلامهم وعجبه انه هوا الي هيصمم المشروع لانه لما سافر إيطاليا وروسيا عجبه جدا شكل المباني الي كانت هناك.

وقرر انه هيعمل تصاميم تمون متشابه ولاكن هيضيف ليها شويه تفاصيل من تفكيره هوا وكان واثق انه هيطلع نتيجه حلوه وهتبهر كل الناس.

سميح ابتسم وطلب من هادي يجهز العقود علشان يمضوها.

هادي ادالهم العقود وهما مضوا عليها ودفعوله نصف المبلغ وهوا طلب منهم يحولوها علي حساب بنكي  وهو كان مبسوط جدا لان دا هيكون اول مشروع هتمسكه الشركه من بعد رجوعها.

وقف هادي وهوا مبتسم وسلم علي العملاء وسميح وقف جمبه وودعهم معاه وقرر سميح  انه هيوصل العملاء بنفسه وهادي خرج من مكتبه وراح مكتب محمد وهوا بيقول محمد انا عاوزك تعلن عن المشروع  الجديد دا للموظفين علشان انا لازم ارجع القصر بسرعه.

محمد بصله باستغراب وقال هو انت جيت امتي اصلا وكمان سايب قمر لوحدها يوم صباحيتكم.

هادي هز راسه وقال غصب عني طبعا يا محمد  بس المهم انا واثق فيك وعارف انك هتعلنه بالطريقه الي انا  عايزها.

محمد هز راسه وقال.

مشروع اي دا.

هادي  شرحله كل التفاصيل بتاع المشروع وعرفه  الطريقه اللي هيشرح بيها قدام الموظفين علشا يوصلهم فكرته   …

وبعد وقت خرج هادي من الشركه وهوا فرحان انه اخيرا هيرجع لقمر ويقضي معاها وقت اكتر وفي نفس الوقت يفكرو هيسموا اولادهم الي جايين في السكه ايه🙈''

محمد بعد ما هادي خرج من عنده وقف وراح لساره وطلب منها تعرف كل الموظفين يروحوا مكتب الاجتماعات وهوا هيحصلهم علشان هيشرحلهم عن المشروع الجديد بدال هادي!

ساره سألته بإستغراب هو مستر هادي مشي من الشركه.

محمد ابتسم وقال ايوا راح لقمر اكيد وحشته طبعاا.

ساره هزت راسها بحزن  ومشيت وهوا مسك الملفات وراجعها وبعدها لفت نظره الفكرة الي هادي حاطتها لبناء المشروع قال بابتسامه دي فكره هايله جدا.

فعلا انت اتغيرت اوي يا هادي  لدرجة اني متوقعتش منك التفكير العميق  داا!

سعيد وعبدالله وصلو عند محمد وهوا اخدهم وراحو مكتب الاجتماعات وبدأ محمد يشرحلهم عن فكرة المشروع الجديد وعرف كل واحد هيعمل بناءً  عن تعليمات هادي الي قاله عليها.

بعد وقت خرج كل الموظفين  من المكتب وهما فرحانين انهم اخيرا هيشتلغوا علي مشروع جديد!

الشباب قالو بحماس.

د ا خبر كويس جدا وطبعا احنا محتاجين نبذل مجهود احنا كمان علشان دي مش بس شركة صاحبنا دا اخونا ولازم نقف جمبه.

عبدالله بص لسعيد ومحمد وقال انتو عارفين اني كنت فاكر اني جاهل ومش هعرف حاجه في الشركه هنا بس بعدما هادي عرفني كل حاجه انا  حاسس اني اقدر اهكر اي جهاز حاليا.

محمد وسعيد بصوا لبعض باستغراب وقال تهكر!

عبدالله بصلهم وقال باستغراب ايوا وبعدين هو الهكر دا حاجه خطر.

محمد قال بانتباه هو هادي شرحلك ايه بالظبط علشان افهم

عبدالله قال هوا بس عرفني شغلي علي  اللاب توب كمحاسب  بس انا بق لاقيت ملف هكر كان موجود علي تللاب وطبعا من قعدتي مع حسام الولا صاحب السنترالي في المنطقه انتو عارفينه

الشباب هزو راسهم وهوا قال الولا دا كان معلمني ازاي اهكر تلفون اي حد يضايقني واقدر اعرف عنه كل حاجه واتحكم  في  تلفونه كمان وطبعا ولما انا شوفت الملف دا علي اللاب توب قدرت اعكس الهكر وخليت ان انا الي اتحكم فيه وطبعا كنت فرحان باللي عملته بس في حاجه غريبه انا مش فاهمها.

محمد بتركيز  قال.

حاجة اي دي؟

عبدالله قال لا تعالو المكتب بتاعي وانا اوريهالكوا هناك.

الشباب وافقوا و راحو معاه لمكتبه  وهوا مسك اللاب توب اللي شغال عليه وفتحه ووراهم فيديو لادهم النجار وهوا مهدد اتنين من موظفين الشركه وبيقولهم انهم لو مساعدهوش في انه يعرف مين المستسمرين اللي في الشركه هيدمر حياتهم.

وطبعا الموظفين خافو ووعدوه انهم هيجبوله كل المعلومات  اللي هوا عايزها و لاكنه رفض وقال وهو بيديهم  شريحتين يحطو واحده  في اللاب توب بتاع المحاسب والتانيه في اللاب توب بتاع ساره مديرة مكتب احمد الجارحي وطبعا الموظفين قدرو يعملو كدا لان عادي انه يستخدم اللاب توب بتاع زميله بكل سهوله.

وقدر ادهم النجار يعرف كل المعلومات بتاع الشركه بسهوله  وقدر انه يعرف مين هما المستسمرين الكبار اللي الشركة معتمده عليهم وبشويه تصريحات من تأليفه قدر يوقع ما بين احمد والمستسمرين وبسهوله اخدهم شركته وقدر ياخد كل المشاريع من احمد وطبعا الشركه وقعت بسبب خسارتها الكبيره للمستسمرين والمشاريع الي كانو شغالين عليها.

وبعدها حصلت كل اللي المشاكل الي حصل لاحمد ولأملاكة ولعيلته اللي ذكرتها في الاحداث ه؟

محمد وسعيد سمعوا الفيديو بصدمه وهما بيبصوا لبعض  بعدم تصديق وسعيد قال الڤيديو دا لازم يروح لهادي بسرعه.

محمد قال برفض لا مش النهارده خلي هادي ميعرفش حاجه النهارده وبكره انشاء الله لما يجي الشركه نعرفه كل حاجه بنفسنا.

الشباب فهموا قصدو وهزو راسهم باقتناع وبعدها محمد طلب من عبدالله انه هيجببوا اللاب توب بتاع ساره وعايزه يعرف ايه الي عليه هوا كمان

عبدالله هز راسه وبعد وقت محمد كان جاب اللاب توب واداه لعبدالله وبعدها هوا وسعيد رجعوا لمكاتبهم يخلصوا شغل…

وعبدالله فتح اللاب وبدأ يدور علي الملف اللي فيه!

وفي القصر.

وصل هادي وهوا مبسوط وكان طالع علي السلم بفرحه  لحدما لما سمع صوت شاهي وساندي وهما بيتكلمو وصوتهم كان واضح جدا.

يتبع.

مش عيب يا صافي تقللي من قدرات ابنك!

صافي ضربته علي صدره وقربت من احمد وقالت ابنك قليل الادب يا حج!

احمد ضحك علي كلمتها وقال انا بقيت حج!

الشباب ضحكوا عليهم ولاكن اول مشافوا ساندي وشاهي نازلين كلو كشر واولهم هادي

شاهي بصت لصافي اختها وقالت بابتسامه بتضحكوا علي ايه ضحكونا معاكوا.

هادي لف وشه وبص لقمر وقال بهدوء تعالي نقعد يا حبيبتي علشان ناكل!

الشباب بصوا لهادي وقمر وقررو انهم يقعدو هما كمان وياكلو

وفضلت صافي واقفه وهيا باصه  لشاهي وهيا مش عارفه ترد عليها تقول ايه ولاكن ساندي قالت مش يلا بق يا مامي ناكل!

شاهي بصت لصافي وقالت يلا يا حبيبتي!

صافي بصت لاحمد وهزت راسها  بمعني انهم يقعدوا هما كمان واول ما شاهي وساندي قعدو بصوا لبعض بنظرات هما بس اللي فاهمينها '

قمر كانت بتاكل وبتبص علي الشباب  بهدوء  ولاكنها لاحظت نضراتهم لساندي واللي كانت كلها تقزز ومش مريحه!

رفعت عينها علي هادي وهيا بتحاول تفهم ليه بيبصو علي ساندي بالطريقه دي ف لاقته مش بياكل.

ابتسمت وهيا بتمد ايديها وهيا فيها اكل وبتقول مش بتاكل ليه يا هادي!

هادي بص لايديها وابتسم وقال هاكل اهو يا حبيبتي.

بس مش هكسف ايدك

قمر ابتسمت واكلته في بوقة وهيا محروجة جدا  ولاكنها اول ما بصت علي ساندي ولاحظت نظراته عليهم الي مكنش حلوه خالص.

بعدت ايدها وهيا مستغربه ليه كلو بيبص علي التاني وبنظرات مش حلوه'

هادي اخد قمر في حضنه وهو بيقول لشاهي صحيح يا شاهي انتي متعرفيش ان انا وقمر اتجوزنا.

شاهي بصت علي بنتها ساندي باستغراب ورفعت حاجبها دليل علي انها بتسألها لو كلامه صح!

ساندي بصت في الأكل اللي قدامها وهزت راسها ببطئ بمعني ان كلامه صح.

قمر ابتسمت ل شاهي وقالت الله يخليكي يا رب عقبال ساندي'

ساندي اول ماسمعت جملتها شرقت ومدت ايديها بسرعه اخدت مايه وشربتها!

قمر قالت بقلق انتي كويسه يا ساندي اجي اساعدك!

ساندي رفعت ايديها وقالت برفض لا شكرا انا كويسه!

قمر هزت راسها ورجعت تاني كملت اكل وشاهي همست لساندي بضيق وقالت كنتي عارفه!

ساندي هزت راسها وقالت لسا عارفه من شويه ملحقتش أقولك يا!

شاهي بصت لقمر بضيق ولاحظت اهتمام هادي وقربه منها جدا فقالت بابتسامه دي احلوت اوي!

خلص العشاء والكل قام من علي السفره وهادي ابتسمت وهوا بيقول لقمر يلا يا حبيبتي نطلع أوضتنا.

قمر ابتسمت ليه وهزت راسها بخجل وهوا مسك ايدهيا وقال وهو بيبص علي اهله احنا هنطلع احنا تصبحوا علي خير!

صافي واحمد ابتسموا وهما بيبصوا عليهم وبيهزو راسهم ولاكن ساندي كانت بتبصلهم بضيق هادي بص للشباب وقال انا اجازه بكره في الشركه عايز كل حاجه تجيلي علي هنا!

الشباب بصوا لبعض وهزو راسهم ووقتها محمد قرر يبعتله كل حاجه علي اللاب بتاعه وهوا هيتصرف!

صافي قالت طيب يا حبيبي واحنا كمان هنطلع تصبحو علي خير يا جماعه

كلو هز راسه وقال وانتو من اهل الخير.

قمر مسكت ايد هادي وطلعو علي السلالم ' والشباب كل واحد طلع اوضته وصافي واحمد طلعوا علي جناحهم وفضلت شاهي وساندي قاعدين مكانهم'

فضلوا ساكتين لحدما اتاكدو ان الاصوات كلها اختفت وان كلو دخل اوضته!

شاهي بصوت غاضب

ليه معرفتنيش انه اتجوزها بتخبي عليا ليه يا ساندي!

ساندي قالت بهمس اهدي يا مامي وبعدين بقولك لسا عارفه وانا طالعه وبعدين انا معرفتش دا وبس  في حاجة تانيه عرفتها صدمتني اكتر!

شاهي بصتلها وقالت باستغراب حاجة ايه دي اللي عرفتيها!

ساندي اخدت نفس وقالت كل الممتلكات والشركات والمصانع حتي القصر بقوا ملك هادي مش أحمد؟

شاهي فتخت عينيها بصدمه وقالت مش معقول الكلام اللي بتقوليه دا ازاي بقوا ملكو هوا   انتي متاكده ان الاكلام  دا صح!

ساندي ردت عنيها وقالت بكل ثقه ايوا صح انتي ناسيه لما جينا هنا وصافي قابلتنا ولما حكينالها علي الحصل قالت انها هتطلع تنادي لهادي علشان يشوف حل لموضوعنا.

ودا معناه انها لما هيا ندهتله وهو وافق اننا نقعد كان علشان هوا صاحب القصر وهو اللي المفروض يبق ليه الحق ف اننا مقعد او لأ

شاهي عينيها لمعت وقالت بس ازاي  صافي متقوليش حاجه زي كدا هيا خلاص نسيت اني ابق اختها الوحيده ولا ايه معقول علاقتنا بقت كدا!

ساندي بصت لمامتها وقالت بهدوء يامامي انتي ناسيه ان في اخر فتره كانت علاقتكم متوتره واكيد خالتو برضوا زعلانه مننا!

شاهي هزت راسها وقالتك انتي عندك حق يا حبيبتي هيا لسا زعلانه مني ولازم اصالحها

ساندي ابتسمت وقالتك هو دا الصح يا مامي مينفعش تفضلوا متخاصمين كتير خصوصا انكم ماكوش غير بعض!

شاهي هزت راسها وهيا مبتسمه وقالت طيب قومي خلينا نطلع نرتاح علشان بكرا هنقابل عزيز متنسيش!

ساندي هزت راسها بابتسامه وقامت وشاهي مسكت في دراعها وطلعوا مع بعض  لحدما دخلوا اوضتهم وكان واقف بعيد عنهم بمسافه صغيره محمد ونزل وهوا مصدوم باللي بيقولوه لبعض ومستغرب ليه كلامهم اتغير وكانهم بيخططو لحاجه.

واللي كان صدمه هوا انهم بيقولوا هيقابلو عزيز وازاي هيقابلوه وهوا المفروض ضاربهم ومبهدلهم!

↚

محمد اخد تليفونه اللي نساه علي السفره وطلع وهوا مصدوم  ولاكنه قرر يبعت لهادي كل حاجه بتحصل الصبح ويعرفه باللي سمعه من ساندي ومامتها؟

في جناح هادي!

كان واقف قدام قمر وهو بيقول بهدوء انا عندي شقه صغيرة كدا في عماره بعيدة شويه عن هنا كنت هاخدك ونروح نفعد هناك لحدما بيتنا الجديد يجهز؟

قمر بصتله باستغراب وهيا بتسأله.

ليه يا هادي هنمشي من هنا ليه هو في حاجه حصلت!

هادي هز راسه بابتسامه وقال لا مفيش حاجه حصلت بس انا هكون مرتاح اكتر واحنا هناك

قمر هزت راسها وقالت خلاص اللي انت تشوفه  لو حابب اننا نعيش في البيت عندي انا موافقه؟

هادي ضحك وقال متحرمش منك يا حبيبتي بس شقتي هاديه بكتير عن المنطقة وهتكوني مرتاحه هناك اكتر  وكمان علشان احنا لسا عرسان جداد ولازم نكون لوحدنا في المكان علشان انتي تاخدي راحتك في انك تخرجي من اوضتك وتمشي في الشقه وانا كمان نفسي اخد راحتي في كل حته!

قمر هزت راسها بالموافقه  وهوا ابتسم وقال بكرا انشاء الله هنروح ولاكن دلوقت بق مفيش اي حاجه تصبيره كدا!

قمر بصتله بتعب وقالت ممكن اديلك بوسه بسيطه انما اكتر من كدا لأ!

هادي هز راسه وقلع التيشرت وهو بيقول هو انتي عارفه ام ترتر يا قمر!

قمر هزت راسها بلأ  وقالت  اسمع عنها بس معرفهاش!

هادي هز راسه وقال وهو بيقوب منها خلاص يبق عندها بق!