خالد كان واقف وهوا قلبه بيتقطع لما شاف قمر جريت علي حضن هادي رغم انه كان  واقف ومستعد يضحي بنفسه علشانها ولاكنه مقدرش ينطق باي كلمه وبعد عينه عنهم

هادي فضل حاضن قمر لحدما هديت  خالص واخدها ودخلوا اوضتها وقالها ترتاح وسهر جريت علي اوضة قمر علشان تفضل معاها وهادي قفل عليهم  الباب وخرج وهوا بيبص للشباب وبيقول ايه الي بيحصل هنا بق فهموني

عم قمر بص لهادي وقال بغضب انت مين وازاي تدخل كدا هيا وكالة من غير بواب

هادي قرب منه وقال السؤال دا ليك مش ليا انت الي مين وبتعمل ايه في شقة قمر

عم قمر قال  الله الله وانت بق تبع الرجاله الي هيا بتهتن بيهن

هادي بصله بغضب وعمها كمل كلامه وقال انا ابق عم قمر ودي مرات عمها ودول ولاد عمها انت بق مين

هادي هز راسه وبعدين بص للشباب وقال هو ايه الي كان بيحصل وليه يا عبدالله كنت عايز تضرب عم قمر

عبدالله قال بغضب علشان هوا ومراته وعياله اتهجموا عليها وضربوها هيا وسهر صحبتها

هادي بص لعبدالله بصدمه من كلامه ورجع تاني بص لعم قمر وقال انت مديت ايدك عليها فعلا!

عم قمر قال بعصبيه ايوا واديها بالجزمه انا حر دي بنت مش متربيه وانا بق بربيها

هادي قرب منه  وبصله بغضب من كلامه ولاكنه سكت وبعدها بص لمراته وقال وانتي  كملن ضريتيها

مراته قالت بقلق ايوا

هادي هز راسه وبص للشابين الي واقفين وبيبصوله بخوف وهوا قال وانت بق مسكتها من دراعها!

الشباب خافت ومردتش وهوا قال بصوت عالي اتفاجئ منه كل الي موجودين حتي قمر وسهر اتفزعوا من صوته  وهنا قاعدين حوا!

هادي قال وهوا بيبصلهم بابتسامه حلو الكلام يعني كلكوا اتهجمتوا عليها وضربتوها

هزوا راسهم بخوف وهوا بص  لاصحابه  وقال انا عايزكوا بس تاخدوا الست دي جمبكوا علشان تتفرج علي الي هيحصل في جوزها وعيالها!

الست عيطت وقالت سامحنا يابني  منقصدش حاجه متعملش حاجه فيهم

هاي بص لعبدالله وقال لو سبتها هتضرب معاهم

عبدالله هز راسه ومسك الست من دراع ومحمد مسكها من الدراع التاني!

هادي قرب من الشابين ومسك واحد وقال انهي واحده في ايدك الي مسكتها بيها

الشباب بصتله يإستغراب وهادي قال هترد ولا اطريلك صف سنانك الي فرحان بيه دا

الشاب هز راسه وشاور علي ايده الي مسك قمر منها وهادي مسك دراعه وعمل حركه سريعه ادت لكسر ايده

خالد وسعيد ومحمد وعبدالله مستغربين من الي هادي بيعمله وازاي اتعلم كل الحجات دي

هادي ساب الشاب لما وقع وهوا بيصرخ من الالم

بص للست وقال دورك جاي متقلقيش

الست فضلت تعيط وهيا بتترجاه يسيبهم يمشوا وبتقول والله مهتشوف وشنا تاني  هنا حرام عليك سيبهم

هادي مردش عليها وقرب من الشاب التاني وقال حافظ ولا نبدأ من الأول الشاب خاف من هادي ورفع ايده الي ضرب بيها قمر وهادي بحركه سريعه كان كسرله دراعه والشاب فضل من الوجع يصرخ زي الستات!

هادي شمر القميص بتاعه وبص لعم قمر وقال انت تبق عم الغاليه ولازم اوجب معاك

عم قمر بصله بخوف وهادي ضربه بقوه في المنطقه الحساسه خلته يقعد علي ركبته وهوا بيصرخ من الآلاام

هادي قرب من الست وقال لما جيت هنا المنطقه  من كام شهر قمر علمتني ان الرجوله مش ان واحد يمد ايده علي واحده ست

الست بصتله وهزت راسها وقالت صح كلامها صح

هادي بصلها وهز راسه بلأ وقال غلط قمر كانت غلطانه عارفه ليه لان الراجل لما يضرب ست قليلة الادب زيك يبق مش غلط

الست بعدت بخوف وهوا قال بس انا بق هسمع كلام قمر ومش همد ايدي عليكي وهسيبك علشان تروحي تكشفي عليهم وتجبسيهم  حرام يعني كلكوا تكونوا عايزين رعايه لازم حد ياخد باله من الباقي

الست هزت راسها بخوف من نظراته وهوا قال اخر  حاجه هقولهالكم انا بس بمكالمه تيلفون  لواحد حبيبي كدا في القسم هيجي ياخد   عيالك الحلوين دول ويلبسهم مؤبد محترم  وتعيشي انتي والحح باقي عمركم بتحسبوا الايام الي هيخرجوا فيها دا لو عيشتو اصلا

مرات عم قمر جريت علي جوزها بخوف  وقومته وهوا قام بتعب وبعدها قربت من عيالها وهيا بتسندهم وهما ماشين هادي طلع فلوس وادهالها وقال حق الكشف!

يبق احنا مدا حالصين

الست اخدت الفلوس منه واخدت عيالها وخرجوا من الشقه بسرعه وهما مرعوبين من الي حصل

الشباب كانوا واقفين فاتحين بوقهم من الصدمه وخالد قال هو انت اتعلمت كل دا فين

هادي ابتسم وقال اتعلمت كل دا علي تحت ايد الواء حمدي بذات نفسه

الشباب بصوله بصدمه وهوا ضحك وقال انا هشرحلكوا كل حاجه بعيدن بس انا محتاجوا معايا جدا في الشركه اطلعوا لموا شنطكوا واستنوني في العربيه

الشباب كانو باصين عليه ولسا متأثرين باللي شافوه فخالد قال هنمشي ازاي وقمر هنسيبها لوحدها

هادي هز راسه بلأ وقال قمر هتيجي معانا متقلقوش

الشباب  هزت راسها وطلعت وعبدالله فضل واقف مكانه  وهوا باصص في الارض

هادي بصله بإستغراب وقال انت واقف ليه يا عبدالله

عبدالله هو انا المفروض اروح فين

هادي روح جهز شنطتك يلا علشان معندناش وقت

عبدالله بإستغراب اجهز شنطتي ليه هت احنا.

اسحسن فين!

هادي قرب منه وحضنه وقال وحشتني اوي ياعبدالله والله

عبداللهابتسم وقال وانت امتر والله علي فكره انا وفيت بوعدي وكنت بحميها

هادي ضحك وقال منا شوفت بعيني ياعبدالله ومصدقك

عبدالله ضحك

وهادي قال روح جهز شنظتك  علشان هتيجي معانا الشركه هتشتغل هناك

عبدالله قال هشتغل ازاي في الشركه وانا مش مكمل تعليمي!

هادي قال بضحك تعرف يا عبدالله ان انا عندي ليك عروسه حلوه اوي وهتعجبك

عبدالله رفع حاجبه باستغراب وقال عروسه ليا انا

هادي هز راسه بضحك وقال روح جهز شنطتك وانا هبق اعرفك عليها بنفسي!

عبدالله ضحك  ومشي وهادي اخد نفس طويل وبعدها خبط علي الباب بتاع قمر!

وجوه في الاوضه قمر  بصت لسهر بخوف وسهر قالت خلينا نفتح متخافيش!

قمر هزت راسها وقامت وفتحت الباب ولقت هادي واقف قدامها

قمر بصت حواليها وقالت هما راحوا فين هادي بصلها بشوق وقال دي قصه طويله هحكيلك عليها بعدين

قمر بصت في الارض بخجل وسهر بصتلهم وعرفت انها المفروض تمشي  دلوقت لان  وجودها هيعمل ازمه

سهر اتسحبت من جمب قمر وخرجت برا الشقه وقفلت عليهم  الباب!

قمر فضلت  باصه  لهادي وهوا باصص عليها لحد ما فجاه شدها لحضنه وهيا مكنتش لسا مستوعبه انه واقف قدامها ف ضغطت علي حضنه  جامد  وهوا كان بيمسح علي شعرها بحنيه  وهوا بيبصلها وهيا معمضه عنيها وساكته!

قمر سامعه  صوت نبظات قلبه السريعه  وهيا مبتسمه للنه كان وحشهه جدااااا

هادي بعد عنها وهوا بيقول قمر انتي مستعده تسيبي هنا وتيجي معايا!

قمر بصتله وسكتت وهوا سألها تانيمستعده تيجي معايا وتسيبي هنا يا قمر ردي عليا

قمر هزت راسها بالموافقه وهوا ضمها لحضنه تاني وبعدين بعدها وهوا بيبص لشفايفها بحب وطبع قبله طويله بتعبر عن قد ايه اشتياقه  ليها وحبها الي اتزرع جواه وهوا مكنش واخد باله

يتبع

هادي اخد قمر في حضنه وبعدها قال قمر انتي مستعده تيجي معايا وتسيبي هنا!

قمر كانت مغمضة عينيها وساكته لحدما انتبهت لصوته وهوا بيقول

هادي مستعده تيجي معايا ردي يا قمر

قمر هزت راسها بالموافقه وهادي قبلها قبله رقيقه وبعدها قال روحي جهزي حاجتك علشان هنمشي!

قمر بصتله بإنتباه وقالت هو احنا هنروح فين!

هادي ابتسم وقال هنروح القصر بتاع اهلي هنعيش كلنا هناك

قمر بصت حواليها بحزن وقالت انت قصدك اني هسيب المنطقة والورشه!

هادي هز راسه وقال ايوا يا قمر انا رجعت الشركه تاني ومحتاجك انتي والشباب جمبي!

قمر قالت بفرحه بجد الشركة رجعت؟

هادي هز راسه بابتسامه وقال ايوا وكل الاملاك رجعت تاني  '

قمر بصتله بإستغراب ازاي كل الاملاك رجعت هو انت اشتغلت في المخدرات ولا ايه!

هادي ضحك وقال حاجه زي كدا بس الحمدلله انا مش  مافيا  متقلقيش!

قمر بصتله بشك وقالت لو مشتغتاش في المخدرات هتكون جيت الفلوس دي كلها منين وازاي رجعت املاكوا!

هادي بصلها  وسكت وهيا بصتله بشك وبعدت عنه وقالت انت معقول اشتغلت في الحجات الحرام علشان ترجع املاك ابوك تاني!

هادي بصلها بصدمه وقال لا طبعا مشتغلتش خالص انا بس كنت في مهمه برا مصر ولما خلصتها كل حاجه رجعت لينا

قمر بشك مهمة ايه دي الي بتتكلم عنها دي وازاي مقولتلناش  عليها!

هادي قرب منها وقال مش وقته يا قمر علشان في حجات مهمه لازم اعملها واوعدك اني هحكيلك كل حاجه وبالتفاصيل بس ممكن تجهزي علشان نمشي!

قمر فضلت واقفه مكانها وهيا بتقول باستغراب انا مش  همشي  من هنا  ياهادي دي حياتي وانا اتعودت عليها وبعدين الورشه مين هيشغلها وازاي هسيب البيت بتاع ابوينا وليه!

هادي كان مصدوم من كلامها وقرب منها وهوا بيقول انا بس عايزك تيجي معايا وهنبدأ حياة جديده  كلنا انا وانتي وبقيت الشباب حتي عبدالله هيجي معانا!

قمر بس برضوا انا لازم افهم ليه عايزني اسيب مكاني الي اتربيت فيه!

هادي فضل باصصلها وساكت وهيا قربت منه وقالت انا عارفه انك ابن ناس اغنيه واتربيت علي العيشه في الأماكن الفخمه بس انا برضوا دي حياتي واتربيت واتعودت عليها!

هادي يعني انتي هتفضلي هنا مش هتسيبي المكان دا!

قمر بحزن ايوا مش هقدر اسيب هنا انا عارفه ان مليش حد هنا  بس انا كبرت واتعودت علي البيت دا  والورشه وصوت الدوشه وكل التفاصيل الي هنا انا حباها!

هادي قرب عليها وشدها عليه وقال وهوا باصص في عيونها انا مستحيل هسيبك هنا يا قمر ولا لحظة واحده انتي عارفه انك اتعرضي لإيه النهارده عارفه عمك دا ومراته وعياله كانو هيعملو فيكي ايه!

قمر بصتله بجمود وقالت انا مش ضعيفه علي فكرا يا هادي وكنت اقدر أقفلهم بس انا كنت لسا صاحيه وهما هجموا عليا مره واحده  ولاكن ورحمة ابويا الي كنت بحبه اكتر من نفسي كنت هردلهم الضربه بألف!

هادي بصلها بجمود وقال يعني انتي حابه تفضلي هنا علي طول!

قمر هزت راسها وقالت مستحيل اسيب بيت ابويا مهما حصل؟

وبعدين لو انت هتاخد الشباب خدهم انا هشوف ناس تانيه تشتغل وانا مش محتاجه لحد فيكوا

هادي كان واقف مصوم مكنش عارف يقول ايه ولا يعمل معاها ايه ازاي بتتحول من شخص ضعيف لشخص قوي نظراتها كلها قوه وجمود هو عارف انها قويه بس برضوا متقدرش علي اي حد لانها في الاخر انثي!

يعني كائن رقيق زي الورده ممكن تتدبل او زي الشجره ممكن اوراقها تقع

قمر كانت بصاله بحزن هو حقيقي اتغير وحست ان شخصيته بقت اقوي بس صعب اوي  عليها تمشي وتسيب بيت ابوها والمنطقه الي كبرت فيها وعاشت احلي سنين عمرها فيها

هادي  كان واقف يبصلها وهيا بصاله وكانوا ساكتين قاطعهم صوت تيلفون هادي  خرج تليفونه من جيبه وفتح الاتصال  وكانت المتصله ساره

هادي فتح عليها وهوا بيبص لقمر بنضرات غاضبه  وقال ايوا يا ساره عملتي ايه في الي قولتبك عليه!

قمر كانت مركزه معاه واول ما سمعت إسم بنت قلبها اتهز من مكانه بقلق!

ساره ايوا يا مستر هادي انا خلاص خلصت  كل حاجه ونظفت الشركة  ورجعتها احسن من الأول وكمان كلمت كل  الموظفين وكلهم وصلوا وناقص بس حضرتك تيجي علشان تشرحلهم كل التفاصيل بنفسك!

هادي هز راسه وقال حاضر انا جاي علي طول المهم انتي ظبتي الجو  كدا لحدما اوصل!

ساره كانت لسا هتتكلم بس لقته قفل  المكالمه فقالت بضحكه تمام يا مستر هادي تيجي بالف سلامه مع السلامه في رعاية الله

الموظفين كانوا واقفين وباصين عليها وهيا لفتلهم وقالت مستر هادي علي وصول يلا كل واحد يقعد علي مكتبه كدا اصل الشركه بإذن الله هترجع تشتغل تاني!

الموظفين بصولها بفرحه وهيا قالت ها تحبوا تشربوا ايه بق

الكل بدأ يقول طلبه بحماس وهيا اخدت الطلبات كلها وراحت علشان تجيبلهم الي هما عاوزينه!

وعند هادي وقمر

هادي قفل المكالمه مع ساره وحط الموبايل في جيبه ورجع بص لقمر الي كانت نظراتها غريبه؟

ف قال بحزن طيب يا قمر انا مش هضغط عليكي براحتك بس انا هجيب ناس هنا  تحميكي علشان انا مش ضامن ايه الي ممكن يحصل

قمر بصتله وقالت برفض متجبش حد انا هعرف  احمي نفسي كويس انا مش صغيره وبعدين دي اول مره يحصلي حاجه زي دي بس انا اصلا محدش يقدر يكلمني؟

هادي  بصلها بغيظ وقال انا مش باخد رأيك يا قمر انا بعرفك ايه الي هيحصل!

بصلها تاني وقال  بعد ازنك انا لازم امشي علشان عندي شغل كتير وفي ناس مستنيانس!

قمر بصتله وسكتت وهوا خرج من شقتها وقفل الباب وراه واتنهد بتعب وهوا بيبص للباب بحزن (كان يتمني انها توافق وترجع معاه بس طلع الموضوع صعب وهيا مش مستعده تمشي وتسيب منطقتها  )

طلع هادي للشباب  شقتهم وقمر كانت واقفه ورا الباب وهيا بتقول مين ساره دي الي عايزها  تظبتله الجو وايه انا علي وصول اهو مين دي!

قالت كلامها بغيره  واضحه وكانت رايحه جايه في الصاله وهيا بتقول بغيظ يعني ايه هيمشي يعني وازاي الشباب هتسيبني وتسيب الشغل ووعدهم ليا  ويروحو معاه؟

هوا اكيد بيهزر يعني ايه هياخدهم.

انا لازم امنعهم  طبعا مينفعشي يمشوا ويسبوني لوحدي انا خلاص اتعودت عليهم؟

قالت كلامها وبعدها فتحت الباب وطلعت علي السلم وهيا بتهمس بكلام غير مفهوم!

وعند الشباب كانت شقتهم مفتوحه و كانو كلهم  واقفين ومجهزين  شنطهم و بيتكلموا مع هادي واول مشافوها بصولها وهيا قالت انت رايحين فين وليه واخدين شنطكم!

محمد بصلها وقال بابتسامه احنا رايحين مع هادي ورجع بصلها بإستغراب وقال هو  انتي مجهزتيش ليه!

قمر بصت لهادي بضيق ورجعت قالت لمحمد لأ انا مش هاجي معاكوا انا هفضل هنا لان دا بيتي ودي حياتي ولاكن انتو لو هتمشوا ف دي حياتكوا وانتو طبعا حرين فيها!

خالد بص لقمر وهيا بصتله وكان باين علي وشها الحزن  ومن ملامحها عرف انهارمش عايزاهم يمشوا فقال وهو عيونه عليها انا مش هينفع اسيبك هنا يا قمر لوحدك انا هفضل معاكي!

قمر بصتله وقالت  شكرا يا خالد انا مش محتاجه لحد يفضل معايا!

انا كنت عايشه لوحدي هنا قبل مانتو تيجو المنطقه والحمدلله اقدر اعيش برضوا لوحدي وبعدين مدام انتو شايفين مصلحتكوا مع هادي روحوا معاه  وانا مش هزعل

سعيد بصلها بحزن وقال طيب والورشه ياقمر هتعملي فيها ايه

قمر بصتله وقالت بابتسامه عادي يا سعيد هشغلها؟

هجيب ناس تانيه تشتغل وانشاء الله ربنا هيوفقني!

هادي كان باصصلها وساكت مش عارف يعمل معاها ايه مكنش متوقع ردها الغريب دا بس اكتفي انه يشاور للشباب علشان يمشوا وسابوها واقفه مكانها بتبصلهم بحزن وباكنها نزلت وراهم بسرعه

نزل هادي والشباب وهادي شورلهم علي العربيه بتاعته وقال اركبوا يلا ياشباب علشان نتحرك

الشباب بصوا لقمر وقالو هنسلم علي قمر الأول

قمر بصتلهم بحزن واول واحد سلم عليها كان محمد مد ايده وهيا قالت مع السلامه يا محمد متبقاش تنساني بق وابق تعالي زورني كتير!

محمد بصلها بحزن وقال اكيد يا قمر هجيلك انتي بقيتي زي اختي واكتر وانا كنت اتمني انك ايجي معانا بس دي حياتك وانتي  اكيد شايفه راحتك فين وفي الاول وفي الاخر قرارك!

قمرهزت راسها  ابتسمت وقالت ربنا يوفقك يا محمد  واشوفك احسن الناس!

محمد ابتسم وبعدها سعيد قرب وسلم عليها وقال انا بصراحه مبحبش الوداع بس انا مش ناسي وقفتك معايا انا والشباب وربنا لوحده اعلم معذتك عندي قد ايه ربنا يوفقك وانا اوعدك اني هاجي ازورك انا ومحمد وخالد علي طول!

قمر ضحكت وقالت وانا هستناك ومتنساش تجيبلي حاجه حلوه وانت  جايلي زياره!

هادي كان بيسمع كلامها وضاغط علي ايده لدرجه ان عروق ايده كلها بانت وهوا عمال يبص علي الشباب والي بيغازلوها وهيا مبتسمه ومتقبله كلامهم!

وخالد قرب من قمر وهيا ابتسمت وقالت رغم انك رخم بس هتوحشني يا خالد!

خالد ابتسم وقال انا بصراحه مش عايز اسيبك وامشي لان اتعودت اني اشوفك كل يوم ومش عارف هل هقدر اتخطي كل ذكرياتي معاكي ولا لأ بس بجد هتوحشيني اوي يا قمر!

قمر بصتله وابتسمت وقالت انت والشباب هتوحشوني اوي لاني بجد اتعودت عليكوا ويعتبر كمتو عيلتي الي افتقدتهم بس متنساش تيجي معاهم وتزورني ها متنساش!

خالد ابتسم وقال دي حاجه اكيد انا مش هنساها واتمني يا قمر تفكري في الي قولتلك عليه صدقين هفرح جدا!

قمر هزت راسها وابتسمت وقالت رغم اني قولتك علي ردي بس ماشي هفكر وهرد عليك بنفس الإجابه!

خالد ابتسم بحزن وبعد عنها وهيا فضلت بصالهم وفي دمعه نزلت غصب عنها!

سهر كانت جايه من بعيد وشايفه الشباب والي كانو ماسكين شنط في ايديهم ومن الواضح انهم ماشيين ولاحظت محمد والي كان واقف سرحان  وكان في حاجه مزعلاه!

سهر قربت من قمر وهيا بتقول اي دا يا قمر هوا ايه الي بيحصل!

محمد انتبه ليها وبصلها بعيون لامعه وقمر قالت الشباب خلاص ماشيين يا سهر لازم يشوفوا حياتهم ويشتغلوا في شغل يليق بيهم وكمان لازم ينجحوا علشان يقدرو يفتحوا بيت

سهر بصتلهم وقالت وانتو هيهون عيكيوا تسبوها تعيش لوحدها وتمشوا!

محمد الي رد عليها وقال صحبتك دماغها ناشفه ومش عايزه تيجي معانا

↚

سهر بصدمه تيجي معاكوا؟

تيجي معاكوا فين مينفعش!

هادي بص لسهر بتركيز ولاكن خالد الي رد عليها وقال ومينفعش ليه يا انسه سهر ايه المبرر الي يخليها ترفض

سهر بصتلهم وهيا ماسكه في قمروقالت مينفعشي تسيب المكان الي اتربت فيه وقضت عمرها فيه من غير اي سبب مقنع يعني!

محمد بإستغراب وقال وايه هو دا السبب المقنع دا يا انسه سهر

سهر بصتله بخجل ولاكنها ردت عليه مينفعش الوحده تسيب بيت ابوها غير علي حاجتين!

هادي كان مركز معاها اوي وقال وايه هما الحاجتين يا انسه

قمر رفعت عينيها وبصت عليه وهوا كان مركز اوي في عينيها ورجع بص لسهر والي قالت

اول حاجه والي هيا بعيد الشر طبعا عنها انها تموت وتخرج يعني علي الكفن

هادي بص لسهر بغيظ وهيا قالت والحاجه التنيه هيا الجواز!

هادي بصلها بانتباه وقمر بصتلها  بصدمه من كلامخا  وسهر كملت وقالت تسيب بيت ابوها وهيا رايحه بيت جوزها  غير مدا متقدرش تسيب بيت ابوها

الشباب بصولها باقتناع وهادي ركز مع قمر وعيونه عليها وهوا بيفكر في كلام سهر وانها عندها حق في كلامها هو ازاي محسبهاش كدا وازاي مفكرش ان قمر يعتبر من بيئة محافظة يعني مش زي اي بنت هوا عرفها قبل كدا

عندها موضوع  انها بتسيب بيت ابوها وتسافر وتخرج وتقعد في فنادق  وفي بيوت  مع شباب عادي!

ولاكن هو ازاي نسي قمر وعاداتها وتقاليدها بصلها وسكت وهوا بيقول انتي عندك حق يا انسه هيا فعلا مينفعش تخرج من البيت دا بس انا عندي طلب بس واتمني انك تقبليه

قمر بصتله برفع حاجب وسهر بصتله باهتمام وقالت اتفضل؟

هادي انا عايزك تيجي تعيشي معاها لاني بصراحه مش واثق ايه الي ممكن يحصل تاني  لاني الفتره دي هكون انا والشباب مشغولين ومش هيكون عندنا وقت خالص اننا نكون جمبها  ولاكن بوجودك معاها هحس اني مطمن اكتر عليها وطبعا هسيبلك رقمي لو حصل اي حاجه تتواصلي معايا

سهر بصتله بصدمه وبصت لقمر الي كانت بتهز عيونها انها ترفض ولاكن هادي كان بصصلهم بتركيز وسهر قالت هو بصراحه الي بتطلبه دا صعب جدا لاني انا عايشه في بيت ابويا ومش هيوافق اني ابات برا البيت نهائي بس انا هحاول اكون معاها امتر وقت ممكن ومتقلقش عليها دي قمر وبعدين انت تقريبا متعرفش هيا بتعمل ايه في اي حد بيفكر بس  يقربلها

هادي فضل باصص لقمر والي كانت مش عاجبها الكلام وقال المشكله اني عارف قمر ولاكن برضوا لازم اقلق عليها!

خالد مكنش عاجبه الكلام الي هادي بيقوله وكان بيبص لقمر بغيظ لانها مكنتش بترد علي كلام هادي  زي مكانت بتعمل الاول وانها كانت بترد الكلمه بألف  عليه الاول؟

فضل باصصلها وهو مستغرب سكوتها المفاجئ واللي يعتبر مش طبيعي لانه من عشرته لقمر عارف انها بنت قويه ومش سهل ان حد يقربلها او يفكر بس يأذيها!

فضلوا واقفين يبصوا لبعض لحدما سمعوا صوت  عبدالله  جاي من وراهم والي بيتكلم بصوت تقيل  وبيقول حد يجي يساعدني يا  رجاله الله يستركو!