هادي بصلها بإستغراب  من سؤالها وبعدها ابتسم وهوا بيهز راسه وبيقول أجل لدي حبيبه في مصر!

روزي ابتسمت وبعدها رجعت نامت علي الارض وهيا بتحاول تستحمل الآلم الناتج عن الكدمات الي في جسمها!

هادي وقف وهوا بيدور علي اي مكان يحاول الخروج منه  وبعد وقت  سمع صوت دوشه جايه  من برا وصوت رجل بتقرب عليهم رجع تاني  قعد مكانه   لحدما الباب اتفتح ودخل منه  جون ورجالته  بصلهم هادي بإستغراب و لقي جون جاي  عليه وهوا بيقول بابتسامه لم اتوقع بأنك صادق  في الحقيقه كنت اريد التخلص منك'

هادي وقف وهوا بيبصله بعدم ارتياح  من كلامه وجون قال لقد علمت بان مارك إبن ألكسندر توفي منذ شهرين ولاكن  الغريب في الأمر هو انت  هادي  اخبرني كيف قمت بخداع ألكسندر بهذه الطريقه المزهله   وجعلته يصدق بأنك ابنه الحقيقي!

هادي مردش عليه وجون اتعصب من سكوته وبص   لروزي  الي نايمه علي الارض بتعب  قرب منها بغضب  وكان هيركلها برجله الا ان هادي  اتحرك بسرعه ووقفه وقال اتركها جون لا تفعل بها اي شئ اخر!

جون بصلها بغضب ورجع بصله بسخريه وقال لماذا تقوم بحمايتها هذه خائنه وتستحق القتل

هادي وقف قدامها ومنع انه اي حد يقربلها وقال سأفعل لك اي شئ تريده مني مقابل ان تتركها وشأنها!

جون بص لهادي بإستغراب من كلامه ولاكن عجبه قوة شخصيته.

بص لرون دراعه اليمين وقال هل تعتقد بانه يناسب العمليه القادمه

رون دراعه اليمين بص لهادي  بتفحص وقال نعم زعيم  ولاكنه يحتاج لبعض الميكب اب لكي نخفي ملامحه المتشابه بين مارك

جون الزعيم ابتسم وبص لهادي وقال موافق علي طلبك ولاكن هل انت مستعد لتنفيذ ما أريد!

هادي بص لروزي  وطمنها ان كل حاجه هتكون بخير بس هيا   هزت راسها بلأ وقالت بصوت ضعيف  يسيبها ويمشي!

هادي بصلها برفض ورجه بص لجون و هز راسه بالموافقه وقال سأفعل اي شئ تطلبه مقابل ان تترك روزي تخرج من هنا و تعمل معي!

جون اتعصب من طلبه ولاكن هادي كان مصر علي طلبه وجون وافق وقاله انه يحرص منها لأنها خائنه!

هادي هز راسه  بالموافقه وبعدها اخدوه هوا ورزي وخرجوهم من المخزن

هادي راح لاوضه كبيره كان فيها رجالة جون الي قاعدين وبيشربوا مخدراات ومكنوش ف وعيهم تماما وكأنهم مش حاسين بأي حاحه بتحصل حواليهم

واحد منهم قرب من هادي وهوا بيديله حقنه وبيطلب منه ياخدها في دراعه

هادي  اتوتر من كلامه ورفض ياخدها وقاله انه مش بياخد حاجات من دي وانه كدا كويس

الشاب هز راسه  وقال انت حقا غبي لم تعرف قيمه هذا الشئ الثمين

بقيت الرجاله ضحكوا  بسخريه  والشاب دا  رجع قعد جمبهم وضرب هوا الحقنه واطلق صرخة عاليه  اتفاجئ  هادي من قوة صوته وكان مصدوم من الي بيحصله وحاول يبعد عنهم بقدر الامكان.

وعند  روزي اخدها رون مساعد الزعيم لغرفه الطبيب وطلب منه يعالج كل جروحها في أسرع وقت  وعرفه انهم  محتاجينها ولازم يخفي اي كدمات وميسبش اي اثارليخا!

الطبيب هز راسه ورون خرج وفضلت روزي تقاوم الحقن الي كان بيديهالها الدكتور وبيطلب منها تستحمل الآلم وهيا فضلت تقاوم لحدما صرخت بوجع وكانت صرختها  عاليا جدا وصلت لمسمع هادي والي قلق ليكون جون غير اتفاقهم واذاها!

ولاكن واحد من الي موجودين قاله انها اكيد بتتعالج من الجروح الي في جسمها   سأله هادي الشاب دا بإستغراب وقاله!

هيا ليه بتصرخ بالشكل دا!

الشاب قال بخمول تاخذ حقن معالجه للجروح وفي الحقيقه الموضوع مؤلم حقا!

هادي استغرب وقلق علي روزي من الي بيحصل معاها وفضل يبص للي بيحصل حواليه وهوا بيقرر انه لازم يخرج من هنا في أسرع وقت لان لو قعد معاهم أكترمن كدا  ممكن يبقي زيهم ولو هوا دخل في الدوامة دي مستحيل هيخرج منها!

فبعد عنهم وهوا بيخطط ازاي هيقدر يهرب من جون ويرجع مصر!

وفي مصر وبالتحديد في مبني المخابرات المصرية!

كان الجوكر قاعد علي كرسي وموجود شال اسود  علي  راسه  مانعه من الرؤيه!

اللواء حمدي كان قاعد قدامه وهوا بيكلمه بالمصري وبيقول انت كنت فاكر ان الحكومه مش هتعرف توصلك

الجوكر ضحك بسخريه وقال بس حلوه الحركه الي عملتها دي يا سيادة اللواء

اللواء حمدي فضل ساكت والجوكر  كمل كلامه وقال

الجوكر جايبين واحد زي مارك بالظبط وقدرتوا تقنعوا ألكسندر انه فعلا ابنه

ضحك بهستريا وقال الي انتو متعرفهوش ان أنا الي قتات مارك إبن ألكسندر بنفسي!

اللواء اتصدم من كلامه وقال وعملت كدا ايه مش دا الراجل الي حماك ووقف جمبك

الجوكر ضحك بسخريه وقال دا يستاهل اني أقتله إبنه ومش بس كدا يستاهل اني أقتله هوا شخصيا!

اللواء انا كنت عايز اتعاطف معاك بس للاسف انت تستحق مش بس حبل المشنقة انت تستاهل ان اجيب ال 120 مليون كل واحد فيهم يدربك سكينه تخليك من الألم تحس باللي عملته في كل شاب من الشباب الي ضاعت وضاع مستقبلها بسبب القرف الي بتاجرو فيه!

الجوكر اتعصب من كلام اللواء  وقال لفظ خلي اللواء ريتعصب ويأمر الرجالة الي واقفين جمب الجوكر يضربوه وياخدوه لغرفة التعذيب لحدما الحكم يتنفذ عليه!

••••••••••

خرج اللواء حمدي وراح للمكتب بتاعه وكان هناك حسن وشادي والي مستنينه علي نار

شادي انا لازم ارجع روسيا ياسيادة اللواء انا لازم ارجع هادي لمصر دا ملوش ذنب في اي حاجة

اللواء بهدوء اهدي بس ياسيادة المقدم انت بتقول ان الي اخدوه دول رجالة جون

ودا أخطر من ألكسندر بأضعاف  ومينفعش ناخد اي قرار من غير ما يتدرس كويس دي روح انسان ولازم اي قرار يتاخد نكون متأكدين انه في صالح هادي لان ذنبه في رقابنا كلنا وبعدين الي انا عايزهك تعمله  هو انك تاخد اجازه  كام يوم وترتاح  وتريح اعصابك  فيهم وانا هبعت حسن تاني لروسيا ومهمته انه ميرجعش من غير هادي!

شادي هز راسه  بالموافقه بانه كان فعلا تعبان واستأذن  منهم وخرج وبعدها اللواء بدأ يتكلم مع حسن عن الي هيعملوا في روسيا والحجات الي لازم ياخد باله منها كويس  ويحرص منها علشان ميقعش في نفس الورطه الي وقعها شادي وفريقه؟

في قصر الجارحي

كانت ساندي قاعده في اوضتها وبتتكلم مع شاب في الموبايل وبتقول عادي يا عزيز انت تيجي في اي وقت 'دا  انكل أحمد هيرحب بيك  جداا!

عزيز انا خايف يرفضني تاني يا ساندي انتي مش عارفه انا ايه الي حصلي المره الي فاتت لما قالي اني طايش ومش قد المسؤليه!

ساندي باصرار المره دي مش هيقولك كدا لاني انا موافقه وهقنع مامي طبعا بس انت تعرفني هتيجي امتي!

عزيز بابتسامه انا هاجي بكره ولاكن المره دي لو اترفضت مش هاجي تاني!

ساندي بقلق انت بتقول اي يا عزيز اكيد مش هيرفضوك وبعدين لما  انكل احمد يسمع المهر الي هتدفعه اكيد هيوافق!

عزيز ابتسم  بفرحه وقال خلاص يبق تقومي تلبسي علشان هاجي اخدك ونخرج

ساندي قالت بسعاده بجد يا عزيز!

عزيز أكيد ويلا بق علشان   دقايق   وهتلاقيني قدام  القصر!

ساندي قامت بفرحه علشان تلبس وهيا بتتخيل عزيز لما يجي يطلب ايديها تاني وياخدها للقصر بتاعه وتقدر تخرج من القصر الي قرب يفضي من العش دا!

وتقدر ترجع لمستواها المادي تاني وتكمل حياتها ساندي هانم!

بعد وقت كانت جهزت ساندي  وخرجت   من اوضتها  بسعاده كانت باينه علي وشها نزلت تحت لقت مامتها وصافي وجوزها قاعدين وبيتفرجوا علي التلفزيون قالت بابتسامه انا خارجه يا مامي

انتبه احمد ليها وقال رايحه فين يا ساندي

ساندي بتوتر خارجة مع واحدة صاحبتي اصل بقالنا كتير مشوفتاش بعض!

احمد هز راسه وساندي بصت لمامتها لاقتها بتهز راسها بالموافقه وقالت ماشي يا حبيبتي بس متتاخريش علشان بقلق عليكي

ساندي هزت راسها بابتسامه  وخرجت وكان عزيز وصل بالعربيه الي كانت فخمه وهيا اول ماشافتها عينيها لمعت بفرحه وقالت ' عزيز هي دي عربيتك الجديده؟

عزيز هز راسه وقال ايوا ولما تبقي مراتي هيكون عندك زيها.

ساندي ابتسمت بفرحه وحست ان قلبها بيدق جامد  بصت لعزيز وقالت انا اكتشفت اني بحبك جداا!

عزيز بص علي جسمها وقال وانا كمان بموت فيكي!

في روسيا كان هادي واقف وجمبه روزي والي كانت خفت نوعا ما عن الاول وكان قاعد علي الكرسي  الي قدامهم  جون الزعيم

جون لديكم مهمتان الاولي هيا قتل ألكسندر والثانيه   سرقت كل ما يملكه ألكسندر؟

هادي بص لروزي بقلق ورجع تاني بص ل جون وقال وكيف يمكنني قتل ألكسندر هل تعتقد بانني لدي القدرة علي هذا؟

جون ابتسم وهز راسه وقال لديك القدرة علي اي شئ هادي الم تتذكر انك قمت بخداعه وقمت بتقليد مارك ابنه ونجحت في ذلك

هادي بتوتر من كلامه بس اكيد الجوكر  عرف  ألكسندر   بانه قتل ابنه!

جون هز راسه وقال  لم اعتقد ذلك لان الجوكر تم القبض عليه من قبل الظباط المصريين

هادي بصله بعدم ارتياح وقال ورزي مهمتها اي في الموضوع!

جون بصلها بخبث وقال اعتقد بانها تعلم ما هي مهمتها!

هادي بص لروزي وهيا بصتله بعدم فهم ولاكنه قال وفي اي وقت ستبدأ المهمه!

جون وقف وابتسم وقال ستبدأ الأن!

هادي حس برعب من جون وحس ان في خطر علي حياته وكمان نظراته لروزي مكنتش مريحه!

هز راسه بالموافقه وجون اخدهم يعرفهم ازاي هينفذو مهمتهم!

جون ألكسندر الان في إيطاليا وكل املاكة هناك أيضا وانت ستذهب اليه علي انك  مارك ابنه  وتقرب منه وهوا عندما يشعر بانك تحسنت وتريد معرفه كل شئ اعتقد بانه سيخبرك عن مكان ثروته!

هادي قال  لم اعتقد بان رجل مثل ألكسندر سيخبر اي احد بهذه الاشياء المهمه!

جون بصله بابتسامه وقال الم اقل بأنك ابنه وهوا يحبك بجنون وعندما يعلم بانك قمت بالمهمه التي تم تكليفك بها سيخبرك عن كل شئ!

هادي بصلها وقال وازاي هقتل ألكسندر!

جون بعد معرفه مكان املاكه ستفذ المهمه فورا وبالنسبه لكيف تقتله خرج حون مسدس وقال بهذا؟

هادي هز راسه وقال ليس لدي اي هويه ولا بسبور سفر كيف ينكمنني السفر لإيطاليا؟

جون شاور لواحد من رجالته والي خرج بطاقة مارك الاصليه وجواز سفره الاصلي واداهم لهادي!

هادي قال بقلق وكيف يمكنني معرفه مكان ألكسندر

جون هز راسه وقال ستخبره فقط بانك في ايطاليا ومعك صديقتك وهوا سيأتي اليك راكضاا!

هادي هز راسه وبص لروزي والي كانت معاها هويتها والبسبور الخاص بيها ورجع تاني بص لجون والي كان لسا باصص عليهم وقال

جون بصلهم وقال بتحذير في الواقع اريد ان اخبركم  بشئ مهم  انت  مراقبون  من قبل قناصين محترفين بمعني انه في اي لحظة  تحاولون  فيها الهرب سيتم التخلص منكم قبل التفكير في كيف ستذهبون

هادي هز راسه بخوف وبعدها اخدوه الرجالة واخدو روزي معاه  وركبوا العربيه وعرفوا انهم في طريقهم للمطار!

وفي مصر في منطقة قمر

عبدالله كان واقف جمبها ومقرب منها كالعاده  وبيتكلموا  في الشغل

خالد قرب منهم  بضيق من قرب عبدالله منها وقال وهوا بيبعد عبدالله عن قمر وبيخلي في مسافه كبيرة بينهم

خالد بغيرة!

بقولك اي يا قمر انا عاوز اتكلم معاكي في موضوع مهم

قمر هزت راسها بالموافقه وطلبت من عبدالله يرجع شغله  وقالته انهم هيتكلموا في الشغل لما ترجع

عبدالله هز راسه ومشي وكان مستغرب طريقة خالد الي يعتبر غريبه جداا!

خالد مسك قمر من ايديها  وشدها علشان يبعدوا عن الورشه  ويتكلموا.

قمر بعدت ايديها وقالت بغضب انا ملاحظة انك بتعمل تصرفات سخيفه الفتره دي  وانا مبحبش كدا!

خالد قال قمر انا بحبك وبعمل كدا علشان بغير عليكي!

ومش عايز اي حد يقرب منك غيري

قمر هزت راسها برفض وقالت و انا مش مستعده للارتباط دلوقت واتا قولتلك قبل كدا انا مبفكرشي في الجواز يا خالد  هو مش بالعافيه!

خالد بعصبيه طيب اديني فرصه اقرب منك حتي لو صداقه انتي بتقربي من كل الشباب عادي وبتيجي عندي انا وتحطي مسافه كبيره  ليه يا قمر

قمر بصتله بعصبيه وقالت اولا انا مبقربش من حد انتو كلكوا اغراب عني ومينفعش حد يقرب مني حتي والي بتقوله دا بيمس شرفي وسمعتي انا عمري مافكرت اقرب من واحد ولا اتلزق فيه

خالد بصلها وقال بندم علي كلامه قمر انا مش قصدي و

قمر قاطعته وقالت بضيق اسمع ياخالد انا في البدايه اعتبرتكوا زي اخواتي وانت بالزات كان ليك معززة خاصه  عندي ولاكن بتصرفاتك دي والي بتعمله دا بتقل كل يوم درجه عن التانيه.

لو سمحت احترم قراري  ومتعملش كدا تاني!

خالد بصلها بحزن وهيا سابته ومشيت وهيا بتهمس بضيق غبي ومش عايز يفهم  ان الحب مش بالعافيه!

خالد بصلها وهوا متاكد ان اكيد في حاجه في الموضوع و اكيد بتحب هادي وعلشان كدا بترفضو دايما قال انتي ليه بتفرقي بينا رغم اننا في نفس المستوي كمل كلامه بسخريه وقال فاكره انو هيفتكرك  اصلا  لما يرجع تاني ولا هيعبرك دا  واحد عايش حياته كل يوم ما واحده شكل  ونايم في حضنها اكيد مش هيفتكرك انتي بالزات!

قمر رجعت للورشة تاني وهيا بتمسك الدفتر وبتكتب فيه كل الي محتاجينه للأسبوع دا؟

وتجاهلت خالد الي رجع تاني للشغل وعينه عليها!

•••••••••

في الغرفه الي كان قاعد فيها الجوكر والي في الحقيقه اسمه عادل!

كان اللواء  حمدي واقف قدامه وقال انا نفسي اعرف جايب القوه دي منين!

الجوكر بضحكه عايز اسمع خبر موت الظابط بتاعك قبل ما اموت

اللواء حمدي باستغراب وانت واثق كدا ليه انه هيموت

الجوكر  ضحك وقال الي انتو متعرفهوش ان في رساله هتوصل ل ألكسندر مكتوب فيها ان الظابط بتاعك جاسوس وانه مش ابنه وكمان في صوره ل ابنه وهوا سايح في دمه ووقتها ألكسندر بما يعرف الحقيقه  مش هيرحمه!

اللواء اتصدم من كلامه وقال ايه الي بتقوله دا وفين الرساله دي

الجوكر ضحك بهستريا  علي خوف اللواء ونظرت الرجاء الي بانت في عيونه وقال بشر اكيد رجالتي وصلوها ل ألكسندر ومتقلقش ألكسندر اول مهيعرف مش هيخلي في الظابط بتاعك حته سليمه تدفنوها في قبره!

اللواء بصله بصدمه اكبر وقرب منه مسكه من هدومه وقال  دا مش ظابط دا شاب عادي

الجوكر ضحك وقال يبق كدا الذنب هيبق أكبر ' قال كلامه وضحكه

اتعصب اللواء اكتر وضربه وهوا بيقولبقولك فين الرساله دي

الجوكر ضحك ومردش عليه ودا خلي اللوا  يسيبه وهوا هيتجنن

و خرج من الغرفه بسرعه وبعت للمسؤلين الكبار عن الكلام الي قاله الجوكر والكل اتصدم من كلامه وسأله واحد منهم انت متأكد من كلامه يا سيادة اللواء ما يمكن بيشتغلنا!

اللواء بتأكيد متاكد ونص دا شخص معندوش رحمه ويعمل اكتر من كداا!

الشخص طيب وانت هتعمل ايه في رجالتك

اللواء انا بعت فريق من الظباط يبحثوا عنه في روسيا!

الشخص انا عايزك تبعت لأهل الشاب دا كل الفلوس الي وعدته بيها وعلشان لو حصل اي حاجه تكون وفيت بوعدكك ليه؟

اللوا هز راسه بالموافقه وأمر واحد من المساعدين يخلص المهمه دي وهوا اتواصل مع حسن وعرف انهم لسا موصلوش لحاجة!

يتبع!

هادي وروزي وصلوا لايطاليا وكانو ماسكين في ايد بعض

هادي بص  لروزي وعلي ملامحه القلق وهيا قالت هادي هل تعلم اننا يجب ان نقبل بعض امام ألكسندر يجب ان يصدق اننا حبيبان بالفعل!

هادي بصلها بإستغراب وقال برفض اعتقد باننا يمكننا اقناعه  ولا يجب ان نفعل هذا؟

روزي نهت كلامه برفض وقالت الأمر صعب اعرف هذا فانت لديك حبيبيه وانا أيضا لدي حبيب ولاكن هذه مهمه ويجب ان ننفذها!

هادي هز راسه بالموافقه وبعدها مسكها من وسطها وفتح هاتفه وكلم  ألكسندر.

وفي خلال دقايق كان جاله الرد

هادي بفرحه ابي انا الان في إيطاليا!

ألكسندر قال بفرحه هل تمزح معي مارك هل انهيت مهمتك حقا!

هادي بتعب ماذا تقول ابي الم يخبرك رجالك بان المخزن قد انفجر ومات جميع الجواسيس والجوكر أيضا!

ألكسندر بص لمساعده بإستغراب وقال لا لم يخبرني أحد وكيف حدث ذلك

هادي بحزن الأمر كان مدبر له أبي لقد مات الجوكر معهم  بالخطأ

ألكسندر حزن علي موت الجوكر صديقه   وقال    اين انت الان مارك

هادي انا خارج من المطار  الان ومعي صديقتي!

ألكسندر هز راسه  وبص للمساعد بتاعه وبلغه انه ياخد الرجاله و يروحوا يجيبو ابنه وحبيبته علي هنا!

وقف مساعده وهز راسه بالموافقه واخد الرجاله واتحركوا!

وبعدما رجالة   ألكسندر مشيوا  وقف بحزن وهوا بيقول كيف تموت جوكر كيف حدث ذلك

رجالة ألكسندر نزلوا وفتحوا الباب لمارك وصديقته وبعدما ركب هادي ورزي الرجالة ركبت تاني في العربيه واتحركوا؟

روزي كانت بتبص لهادي علشان يقبلها زي ما اتفقوا وهوا كان بيرفض لحدما روزي قربت منه وانتبه ليهم رجالة ألكسندر ولاكنهم بعدوا عينيهم بسرعه علشان ميزعجوش ابن الرئيس  ويبصوا عليه؟

هادي استغرب حركتها ولاكنه تجاوب معها وبعدما خلص تقبيل بصلها بغضب وهيا نامت في حضنه بابتسامه وهوا كان حاسس بخنقه من الي بيحصل رغم انه متعود علي كدا بس المره دي كان رافض رفض تام انه يعمل كدا؟

وصلت العربيه قدام قصر كبير  جدا  وقربوا رجالة ألكسندر وفتحوا الابواب نزل هادي وروزي ورجع مسكها تاني واول ما خرجوا كان ألكسندر واقف  في أستقبالهم وعلي ملامحه الحزن!

هادي قرب منه بابتسامه وحضنه ورحب بيه ألسكندر بحب وهادي وقتها حس بحزن لانه مش متوقع اي هيا رده فعله لما يعرف الحقيقه و ان ابنه مات وان الي قدامه دا مجرد خدعه

ألكسندر بص لروزي وقال من هذة الجميله

هادي بص لروزي وقبلها قدامه بسرعه  وقال  اعرفك ابي  حبيبتي روزي!

↚

ألكسندر بصلها بابتسامه ورحب بيها ودخلوا

ولاكن ألكسندر كان حزين جدا علي الخبر الي سمعه وموت الجوكر ولاكنه حاول ميبينش دا قدام أبنه

هادي بص ليه وقال بإستغراب ما بك أبي!

ألكسندر قال بحزن حزين علي موت صديقي الجوكر لما اتوقع بان يحدث كل هذ ا ويموت بهذه البشاعه!

هادي بصله بصدمه وقال في نفسه ازاي انت حزين عليه وهوا عمل فيك كل دا.

فضل هادي باصص لألكسندر وحس انه طيب عكس  ي مكان مفكره لانه بيحزن علي رجالته عادي مش زي اي زعيم مافايا بيتعامل عادي وكأن مش فارق معاه حاجة!

ألكسندر اخد مارك ودخلوا المكتب يتكلموا وطلب من الخادمات ياخدو روزي ويودوها علي غرفة مارك المجهزه وبعدما دخل هادي وألكسندر فضل هادي يشرحلوا الي حصل وعرفة ان دا حصل بسبب تخطيط من شخص!

فضل ألكسندر يفكر في كلام أبنه وهوا بيحاول يعرف مين ممكن يعمل كدا!

هادي قال أبي انا اتذكر بانني سمعت أشخاص يقولون يجب ان ننهي المهمه سريعا لكي لا يغضب  الزعيم جون

ألكسندر بصله بصدمه وقال هل تقصد جون عدوي!

هادي بصله بتفكير وقال اعتقد بانه هوا لاني ذهبت الي الخارج لأقضي حاجتي وعندما انتهيت وفي طريقي للعوده انفجر المكان بأكملة  وقد لاحظت هروب هذة الأشخاص!

ألكسندر اتعصب من كلامه وهوا بيقول نهايتك علي يدي جون سأنتقم من أجل صديقي!

هادي بصله وقال أبي هل يمكنني ان اذهب لغرفتي لكي أرتاح فأنا متعب من السفر!

ألكسندر هز راسه بالموافقه وخرج هادي وسأل الخادمات عن مكان غرفته واخدوه ليها