رواية على فراش غامض الفصل الثاني 2 كامل | بقلم اسما
تم تحديث الفصل بتاريخ 6 أبريل 2026
مقدمة رواية على فراش غامض
نستعرض بين أيديكم رواية على فراش غامض
واحدة من أبرز
الأعمال الأدبية،
حيث تأخذنا الأحداث
تعيش معها كل لحظة من أحداثها
وتجعله متشوقًا لمعرفة ما سيحدث لاحقًا
وتحفر ذكريات لا تُنسى.
تفاصيل رواية على فراش غامض
تحكي الرواية على فراش غامض
تتعلق بـ
قصص متعددة الشخصيات
تمر بتحولات مفاجئة،
مع كل فصل تتكشف أسرار جديدة
تتوالى الأحداث المشوقة
مما يجعل القارئ في حالة ترقب مستمر
ويستمتع بكل فصل كما لو كان مغامرة جديدة.
مميزات رواية على فراش غامض
تتميز رواية على فراش غامض
بتفاصيل دقيقة
تأسر القارئ من أول فصل،
بالإضافة إلى ذلك
تجسد الصراعات الداخلية للشخصيات
وتجعل القارئ يتفاعل مع الأحداث
وتحول القراءة إلى رحلة مشوقة.
ابدأ قراءة على فراش غامض الآن
ابدأ الآن قراءة رواية على فراش غامض
للكاتب اسما
بدون تحميل
لتعيش كل لحظة من أحداثها
ولتغوص في أحداث شيقة ومشوقة.
كيف تصل الينا
للعثور على الرواية بسرعة على جوجل:
"رواية على فراش غامض حكايتنا حكاية"
انت في الصفحة 2 من 2 صفحات
ورفضه إني أقرب من السرير
في سر كبير مستخبي تحت المكان اللي كنت بنام عليه كل يوم
قعدت على الأرض مش قادرة أتحرك وبصيت على حاجة صغيرة وقعت من الكيس
كانت بطاقة شخصية مسكتها بإيدي المرتعشة وببطء قلبتها
واللي شوفته جمد الډم في عروقي
الاسم مش غريب عليا أنا شفته قبل كده
كانت واحدة اسمها سمر
فاكرة إن محمود قال إنها زميلة شغل قديمة وسافرت
بس ليه هدومها هنا وليه مخبيها جوه المرتبة
حسيت بدوخة والدنيا بتلف بيا بس لسه في حاجة ناقصة
رفعت عيني للمرتبة وبدأت أفتش أكتر
كل ما أفتح جزء الريحة تزيد لحد ما وصلت لحتة حسيت فيها بحاجة صلبة
وقفت لحظة وبعدين بدأت أزيح الإسفنج بإيدي
ولما كشفت المكان ده صړخت
كان في صندوق خشب صغير
مقفول وعليه آثار حاجة ناشفة
فتحته بإيدي المرتعشة
وكان جواه تليفون قديم مكسور من الجنب
شغلته بالعافية لكنه اشتغل
دخلت على الرسائل وأول رسالة ظهرت كانت كفاية تكسرني
محمود أنا مش هقدر أستحمل كده لازم تحل الموضوع ده
رسائل كتير ورا بعض خناقات وتهديدات واستغاثة
وآخر رسالة كانت لو حصل لي حاجة أنت السبب
في اللحظة دي فهمت إني مش في مشكلة عادية
أنا جوا چريمة
رجعت لورا وأنا بنهج وعقلي پيصرخ اهربي حالا
بس في صوت تاني جوايا بيقول ولو رجع
بصيت للباب وتخيلته واقف قدامي بهدوءه الغريب
وفجأة افتكرت كل تصرفاته في الفترة الأخيرة وسكوته الغريب
وقتها قررت أتصرف بسرعة
جمعت التليفون والبطاقة وكل حاجة لقيتها
لبست وخرجت من البيت بسرعة
بس وأنا على الباب حسيت إحساس غريب إنه ممكن يكون بيراقبني
↚
نزلت السلم وأنا قلبي بيدق پعنف وطلعت على أقرب قسم شرطة
حكيت كل حاجة وأنا مش قادرة أوقف عياط
الضابط كان ساكت بيسمع وبعدين بصلي وقال إنتي متأكدة من اللي بتقوليه
هزيت راسي وأنا ببكي
في نفس الليلة راحوا معايا البيت
دخلوا وشافوا المرتبة والريحة
وابتدوا يفتحوا أكتر
وفي الجزء اللي أنا ماقدرتش أوصله
ظهرت الحقيقة الكاملة
كان في بقايا
وقعت على الأرض مش قادرة أستحمل اللي بشوفه
بعد أيام اتقبض على محمود
واعترف بكل حاجة
سمر ما سافرتش سمر اختفت
وآخر مكان كانت فيه هو بيتي
بيتي اللي كنت فاكرة إنه أمان طلع مخبي كابوس
محمود قال إن الخناقات بينهم زادت وإنه فقد السيطرة
وبعدها قرر يخبي كل حاجة في أقرب مكان ليه
السرير
المكان اللي بنام عليه كل يوم
ومن ساعتها وأنا مبقتش أعرف أنام
أي سرير أي أوضة بيرجعلي نفس الإحساس
والريحة لسه في دماغي
والسؤال اللي مش بيسيبني
كنت نايمة فوق الحقيقة دي قد إيه
بعد اللي حصل الدنيا ما رجعتش زي الأول
حتى لما رجعت بيت أهلي كنت حاسة إني مش في أمان
كنت بنام وبصحى مڤزوعة كأن في حد واقف فوق دماغي
كل صوت بسيط كان بيخليني أنتفض كأني لسه في نفس الأوضة
الليل بقى تقيل جدًا
ساكت زيادة عن اللزوم
كأنه مستني حاجة تحصل
كنت كل ما أغمض عيني أشوف المرتبة قدامي
وأشوف الكيس
وأشم نفس الريحة
↚
ريحة مش بتروح
حتى بعد ما غسلت إيدي عشرات المرات
كانت لازقة
في جلدي
ماما كانت بتحاول تطمني
تقولي إن كل حاجة خلصت وإنه خلاص بعيد عني
بس أنا كنت عارفة إن في حاجة جوايا اتكسرت ومش هتتصلح
مش مجرد خوف
ده إحساس إن الأمان نفسه كان كڈبة
بقيت ببص لأي سرير وأفكر
إيه اللي ممكن يكون مستخبي جواه
إيه اللي الناس مش شايفاه
حتى لما حاولت أنام على الكنبة
كنت بحس إن الأرض نفسها بتخبي حاجة
وفي ليلة
صحيت على إحساس غريب
كأن في ريحة خفيفة رجعت
ضعيفة بس موجودة
قعدت في مكاني وأنا سامعة صوت نفسي
وبصيت حواليا في الضلمة
مفيش حاجة
بس الإحساس كان حقيقي
إن في حاجة قريبة
قومت ببطء ومشيت في الشقة
كل خطوة كانت تقيلة كأن رجلي مربوطة
فتحت باب الأوضة
والهواء كان تقيل
وقفت قدام السرير
وبصيت له
هو سرير عادي جدًا
نضيف ومفيهوش حاجة
بس عقلي رفض يصدق
قربت بإيدي ولمسته
وبرودة غريبة سرت في جسمي
وفجأة
↚
سمعت صوت جوا دماغي
صوت واطي جدًا
كأنه طالع من بعيد
بيقول
أنا هنا
رجعت لورا بسرعة وأنا مړعوپة
وبصيت حوالي مفيش حد
بس الصوت كان واضح
كأنه مش جاي من بره
كأنه جاي من جوايا
ومن اليوم ده
أنا مبقتش واثقة في نفسي
ولا في اللي بسمعه
ولا في اللي بشوفه
بقيت أسأل نفسي كل يوم
أنا نجيت فعلًا
ولا أنا لسه هناك
لسه نايمة على نفس السرير
مستنية أصحى
ومش هاصحى
أبدًا
14٬115
