رواية عايز حضن الفصل السابع 7 كامل | بقلم هشام
تم تحديث الفصل بتاريخ 13 أبريل 2026
مقدمة رواية عايز حضن
لكل محبي الأدب رواية عايز حضن تعتبر من أهم الأعمال الأدبية العالمية، لتأخذنا القصة تغوص بالقارئ في تفاصيل القصة وتدخله في عالم الرواية فورًا وتؤثر في القارئ بطريقة عميقة.
تفاصيل رواية عايز حضن
وتتناول قصة عايز حضن حول علاقات متشابكة تمر بتحولات مفاجئة، مع كل فصل تتكشف أسرار جديدة ويتعقد الحبكة ويشد انتباه القارئ من البداية للنهاية ويعيش كل لحظة من أحداثها كما لو كان جزءًا منها.
مميزات رواية عايز حضن
تتميز رواية عايز حضن بأسلوب يدمج الواقعية والخيال تشد القارئ من أول صفحة، إلى جانب ذلك تعرض مشاعر إنسانية عميقة تلامس القارئ بشكل كبير وتضيف طابعًا مميزًا على الرواية.
ابدأ قراءة عايز حضن الآن
استمتع الآن بـ قراءة رواية عايز حضن للكاتبة هشام بدون تحميل واستكشاف كل تفاصيل القصة ولتغوص في أحداث شيقة ومشوقة.
كيف تصل الينا
ابحث مباشرة على جوجل: "رواية عايز حضن حكايتنا حكاية"
يخربيت جمال امك يا حضن
دا انت طلعت حضن بجد
وملمسك ناعم كمان
حضن اية وملمس مين يا ناس؟
انتي مش قولتي ان حضن عفريت ومينفعش يظهر ادام الناس اصلا؟
فا ايه اللخبطة دي بقي؟
منتوا لو كنتوا صبرتو عليا هبابة
كنتوا هتفهموا كل حاجة
ودلوقتي هنرجع بالاحداث من لحظة ما وقفنا
عشان نفهم ايه الي بيحصل بالظبط
الجزء السابع
سلاسل ام غراب.
بعدما روحت مع دندوشة
عشان.
استلم شغلانة الجليسة
في الفيلا
اتفاجئت
بمقابلة زي الزفت
من (عمة) كريم بية
الي تقريبا كانت بتطردنا
لكن.
قبل ما عمتة تطردنا
وجهت سؤال لدندوشة.
وقالتلها.
مين الي طلب منك تجيبي جليسة؟
وفي اللحظة دي
سمعنا صوت
رجالي.
بيجاوب عليها
وبيقولها.
انا الي طلبت الجليسة يا عمتي
فا بصيت باتجاه الصوت
واتفاجئت ساعتها ادامي
بمفاجئة
يلهوي.
معقول؟
مين الي انا شايفاه ده؟
ده (حضن)؟
ومبقتش مصدقة عنيا
لان دي كانت اول مرة
اشوف حضن وسط الناس عادي كده
فا جريت عليه
وبدون ما اخد بالي.
من العيون
الي
كانت مركزة معايا
ومرقباني
قربت منه بسرعة
وانا بنطق اسمة
وقلت.
حضن؟
فا بصلي الشخص الي شبة حضن.
وهو مستغرب من تصرفي الغريب ده
لكنبدون ما يرد عليا
وكنت لسة هسالة
واقولة.
ايه الي جابك هنا يا حضن؟
وازاي ظاهر كده ادام الناس؟
لكن
قبل ما اتكلم اي كلمة
سمعت سيل من الشتايم
من( عمتة )
الي اتعصبت من كلمة (حضن)
الي انا نطقتها
اصلها.
افتكرتني
بت شمال
و بطلب منه حضن من اياه
ولقيتها بتسب وتلعن فيا.
وفي اهلي.
وهي متعصبة
وبتقولي.
ايه السفالة دي؟
حضن ايه
الي انتي عايزاه؟
يا سف.
لة يا زب.
الة
يا تربية الشوارع يا.
انتي فاكرة نفسك فين؟
في ملهي ليلي؟
وبرغم صوتها العالي وشتيمتها ليا
الا اني مركزتش معاها.
ورجعت اتحقق من حضن تاني
ومديت ايدي ولمست ايده
عشان اتأكد انه انسان حقيقي
مش حضن اياه
ولما لقيتني بلمس جسمة فعلا
بصيتلة اوي
وقلتلة
انت موجود بجد يا حضن؟
وانا حاساك فعلا؟
فا لقيتة بيبصلي باستغراب
وسالني
وقالي.
مالك يا شاطرة؟
انتي تعبانة في عقلك ولا ايه؟
فا سالتة للمرة التانية
وقلت.
يعني انت بجد مش حضن؟
تكونش انت واحد شبهة؟
بسمعقولة يكون في شبة متطابق للدرجة دي؟
فا ظغرتلي عمتة
وقالتلي.
بت انتي؟
انتي هتسوقي في الاستعباط ده كتير؟
ردت دندوشة بسرعة بدالي
عشان تصلح الهباب
الي انا نيلتة
وقالت.
معلش يا جماعة
اعذروها
اصلنا لسة جايين من دفنة اخت جوزها.
والمرحومة كانت
اكتر من اختها
وعشان كده
تلاقوا عفاف متاثرة وبتهرتل
ب.
اي كلام
بعدما عمة كريم بية
سمعت التبرير الي قالتة دندوشة
بصتلنا بقرف تاني
وقالتلنا.
طب يلا علي بره
احنا هنا بيت محترم
ومش بنشغل عندنا بنات من الشوارع
في اللحظة دي
فا صعبت عليا نفسي
في سري
ايه الي انا وصلتلة ده؟
و ليه الست دي بتزلني وتهين كرامتي كده؟
هو انا عملتلها ايه؟
ايه الذنب الي اارتكبتة لما اتقدمت للشغل عندها؟
دنا كنت عايزة اكل لقمة عيش بالحلال؟
لقيت كرامتي نئحت عليا
وقلت لنفسي
طالما في كل الاحوال مش هشتغل عندهم
فا لازم اردلها الاهانة
قبل ما امشي
وفعلا.
بصيت للعمة المتعجرفة
من فوق لتحت
وكأني ببادلها الشعور بالاحتقار
ورديت عليها بجراءة
وقلتلها.
علي فكرة
اهلي الي انتي شتمتيهم دول
احسن منك ومن اهلك
وبمجرد ما سمعتني
(عمتة)
اصيبت بحالة من الهياج والصراخ
انتي ازاي تتجرائ وتكلميني كده يا حثالة انتي
اقسم بالله منتي خارجة من هنا غير مع رجال البوليس
فا اتعصبت اكتر
انا مش مجرمة عشان تطلبيلي البوليس
و انتي ملكيش انك تطرديني
لاني مش جاية اشتغل عندك
انا جاية اشتغل عند الست ثريا (صاحبة البيت ده)
وانا اسمع
ان الست ثريا
ست كريمةو بنت اصول
ومش بتطرد حد من بيتها
انتي هنا ضيفة
وعلي ما اسمع برضوا
انك رامية جتنك انتي وبناتك العوانس
علي اصحاب البيت ده
يعني انا احسن منك يا.
وكنت هكمل باقي وصلة الردح
لولا اني لقيت عمتة.
خرجت موبيلها من شنطتها بحركة عصبية
وعملت مكالمة تليفون للبواب
وقالت له
اطلب البوليس حالا.
وبلغهم ان في اتنين ستات حرامية
ظبطناهم وهما بيسرقوا الفيلا
فا زغدتني دندوشة في جنبي
عجبك كده يلي تتشكي؟
وبصراحة دندوشة كان عندها حق تخاف
لان عمتة واصلة
والف مين هيخدمها
ويرمينا في السجون.
لجل عيون فلوسها.
ومعارفها
واحنا غلابة
وملناش ظهر.
ولا لينا اي حد
فا فكرت اني اخد دندوشة
ونهرب
قبل ما يطلبوا البوليس
الي وقفني مكاني
هو.
صوت كريم بيه
الي اتدخل اخيرا
وبعدها
قال.
خلاص يا عمتي
حصل خير
البنت كان عندها حالة وفاة ومتوترة
يعني مكنتش تقصد
فا بصتلة عمتة بذهول
وقالت
بقي الاسلوب الوقح الي اتكلمت معايا بيه؟
وجرائتها.
والردح ده كلة
وتقولي.
مكنتش تقصد؟
فا بصلها كريم بية (بزهق)
وقالها.
انتي الي طردتيها في الاول
وكمان وجهتي لها اهانة
واحنا مينفعش نهين الناس في بيتنا يا عمتي
فا اتعصبت عمتة
وبصتلي بقرف
وهي بتشاور عليا
لا يمكن.
لازم احبسها
فا تجاهل اصرارها
واتصل كريم بيه بالبواب
وكلمة بصيغة الامر
وقالة
لا متبلغش طبعا يا بني ادم
ومتنفذش تعليمات حد
وحذار تاخد اي اوامر
من حد غيري بعد كده
انت فاهم؟
وبعدما كريم بية قصف جبهة عمتة
واصدر اوامرة للبواب.
بانة يتجاهل كلامها واوامرها
قفل السكة في وش البواب
اخدت دندوشة علي جنب وقلتلها.
تمام كده
الراجل ده ربنا يكرمة
اخدلنا حقنا
وانا كده مرضية بصراحة
يلا بينا بقي نمشي
وكنا فعلا هنتحرك عشان نخرج من الفيلا
لكن.
سمعت كريم بيه
وهو بيوقفني
وبيقولي.
استني يا شاطرة
قلت.
نعم؟
انتي مش كنتي جاية هنا
عشان تشتغلي؟
قلت ايوه
قال.
خلاص ادخلي لزكية
(مديرة المنزل )
واستلمي منها الشغل
وهي هتعرفك ايه الي هتعملية هنا بالظبط
فا بصينا لبعض انا ودندوشة
واحنا مش مصدقين.
اني هشتغل في الفيلا.
برضوا
بعد كل الي حصل
وكنت هتحرك فعلا وادخل الفيلا
وقفتني عمتة ومنعتني بايديها
وهي بتتحداه.
و بتقولة.
علي جثتي يا كريم
استحالة البنت دي تشتغل هنا
بعد الي حصل منها
فا بصلها كريم.
وقالها بهدوء
لا يا عمتي.
هتشتغل
وعموما
فات وقت الاعتراض
لان البنت استلمت الشغل فعلا
وبقت جليسة لامي
بدل زكية بتاعتك الي بتهمل فيها
فا اتعصبت عليه عمتة اكتر
طيب ايه رايك بقي
يا انا يا البنت دي في الفيلا؟
فا هز كتفة
براحتك يا عمتي
لو عايزة ترجعي بيتك
فا انا اكيد مش همانع
فا سابت ايدي
وردت بخبث
وقالت.
لا طبعا
انا لايمكن
اسيب مراة اخويا المريضة لوحدها وامشي
حذرها كريم بيه
خلاص.
طالما نويتي تقعدي يا عمتي
يبقي حذار من افتعال المشاكل
ومش عايزكم تطفشوا البنت الي جاية تريح امي.
زي ما طفشتوا الي قبلها
وخلي بالك
انا عديتها كتير قبل كده
من هنا.
ورايح
مش هعديها تاني
وانتي عارفة.
زعلي بيبقي صعب ازاي
فا اتعصبت عمتة من كلامة
وسابتنا كلنا في الجنينة
↚
ودخلت الفيلا
وهي هتنفجر من الغيظ
فضلنا متنحين.
انا ودندوشة
و مش مصدقين الي بيحصل
واثناء ما كنت واقفة
الي كانت كلها شر
اتفاجئت.
بان كريم بية
بيشخط فيا
وبيقولي.
مستنية ايه؟
ما تروحي علي شغلك
فا قلت لة حاضر
وفعلا
جريت من ادامة
ودخلت علي الفيلا
بعدما ودعت دندوشة
الي
سلمتني لاصحاب الشغل
وراحت لحال سبيلها
المهم
بعدما دخلت الفيلا
فضلت ادعي بيني وبين نفسي
واقول.
يارب استرها معايا
في الي جاي
وبالرغم من اني.
كنت عارفة
ان عمتة هتقرفني في عيشتي
كنت مبسوطة اني هشتغل في الفيلا دي
وعند الراجل ده بالذات
اصلي بصراحة
كنت مبهورة بشخصيتة قوي
المهم.
بعدما دخلت جوه.
شوفت دنيا تانية خالص
اصل الفيلا كانت فخمة اوي
حاجة كده.
زي الي بنشوفها في السينما
واثناء ما كنت بتفحص المكان الي هشتغل فبة
شوفت عمة كريم بية
واقفة تتكلم مع واحدة ست مسترجلة كده
وبتديها تعليمات
وفي الاخر شاورت عليا
وكأنها كانت بتوصيها.
وصية ما
وبعدها.
لقيت الست المسترجلة جاية ناحيتي
وبتقولي.
خدي هنا
فا روحت اشوفها عايزة ايه
فا عرفتني بنفسها
انا مديرة الفيلا دي
يعني انا رئيستك في العمل
ومش هتعملي هنا غير الي انا هامرك بيه بس
قلت
انتي زكية مديرة المنزل صح؟
ولاحظت انها غضبت
اول ما ذكرت اسمها
فا سالتها
طب ممكن اعرف
انا لو حبيت انادي عليكي
اناديلك باية؟
يعني اقولك يا مدام زكية؟
ولا يا انسة زكية؟
فا اتعصبت عليا
متنطقيش اسم زكية ده خالص
انا الكل هنا بيقولي يا ( ادارة)
لاني بدير كل كبيرة وصغيره هنا
وسالتني تاني
ها؟
عرفتي اسمي ايه؟
قلت.
ايوه
حضرتك اسمك ادارة
قالت.
تمام
عايزة تسالي عن حاجة تاني؟
قلت.
ايوه
كنت عايزة اعرف
انا هعمل ايه هنا بالظبط؟
فا بصتلي تاني ب اشمئزاز
تعالي معايا
واخدتني علي اوضة ملاصقة لاوضة الست ثريا
دي الاوضة الي هتنامي فيها
وراحت علي الدولاب
وخرجت منة لبس الجليسة الي كانت قبلي
فا قلتلها
ممكن افضل بلبسي ده؟
اصلي مش بعرف البس هدوم حد كان لابسها قبلي
فا بصتلي بغضب
مبدئيا كدة.
وقبل ما نتكلم في الشغل
هدومك دي مش مناسبة للشغل هنا خالص
ممنوع هنا
الضيق.
والمحزق.
والالوان المبهرجة نهائي
ومن هنا وجاي مش عايزة اشوفك غير
با العباية دي
وناولتني عباية رمادي شكلها كئيب كده
فا اخدتها منها
ولبستها
ولقيتها واسعة و مبهدلة عليا
وعاملاني زي الهبلة
فا قلعتها
وقلتلهالا
مش هلبس البتاعة دي
وقالتلي انا طلباتي اوامر
ولازم اوامري تتنفذ.
يا اما تتفضلي تمشي حالا
واعتبري نفسك مفصولة قبل ما تشتغلي
وقبل ما ارد عليها
لقيت الموبيل بتاعها بيرن
ولما ردت ادارة علي موبيلها
فضلت تقول.
حاضر.
حاضر امرك يا فندم
مش لازم خلاص
وف الاخر
قفلت مع الي بتكلمة
و قالتلي.
خلاص
مش لازم العباية دي
البسي الي انتي عايزاه
وشكيت ساعتها ان يكون كريم بيه هو الي كلمها.
في الموبيل
وهو الي طلب منها انها متغصبش عليا
اني البس العباية المقرفة دي
استغربت.
هو كريم بيه
عرف ازاي اني لبست العباية.
واعترضت عليها؟
ينهار اسوح.
لا يكونوا حاطين كاميرات؟
واثناء ما كنت بفكر في الموقف الغريب الي حصل ده
لقيتها بتنبهني
بقولك تعالي
اعرفك علي شغلك
روحت معاها
ودخلنا غرفة الست ثريا
ولاحظت ان الاوضة كانت
باردة.
وفيها ريحة غير مستحبة
اشارت ادارة بايدها
علي كرسي متحرك.
بجوار الشباك
وكانت قاعدة علي الكرسي امراة عجوز
مقدرتش اتحقق من ملامحها
لان وجهها كان متجه للشباك
المهم
شاورتلي ادارة عليها
وقالتلي.
ده شغلك
انتي هتبقي مسؤالة عن الست ثريا
مسؤالية كاملة
هي مش بتسمع ولا بتتكلم
عشان كده.
احنا مش بننتظر لما الست ثريا تقول جعانةولاعطشانة.
وللسبب ده
عملنا لها جدول بمواعيد كل حاجة
وانتي هتلتزمي بالجدول بتاعها
قلتحاضر
فا حذرتني تاني
خلي بالك
لو حصل لخبطة منك في المواعيد دي
او حد اشتكي منك
هتطردي من شغلك فورا
مفهوم؟
قلت.
مفهوم
فا ناولتني جدول المواعيد
وبعدها
قالتلي.
ودلوقتي جه ميعاد العشاء بتاع الست ثريا
اضربي الجرس ده
عشان
الطباخ يجيبلك العشاء بتاعها
وكل ما يجي ميعاد وجباتها هتضربيلة الجرس
وهو هيجيبلك الوجبة بتاعتها
قلت.
حاضر
ضربت الجرس علي الطباخ
وبعدما خلصت ادارة تعليماتها
سابتني وخرجت من الاوضة
وبعدما سابتني ومشيت
لقيت نفسي لوحدي مع الست ثريا
فا بصيت في الجدول الي في ايدي
عشان اراجعة بسرعة
اتجهت بنظري لكرسي الست ثريا
الي مكنتش شايفة غير ظهرة
لان الكرسي كلة كان متجه ناحية الشباك
دنا كمان مكنتش قادرة اشوف وجه
الست ثريا
لان وجهها كمان كان متجه للشباك
فا قررت في اللحظة دي
اني اروحلها لغاية عندها.
و اعرفها بنفسي
واطلب منها تستعد للعشاء
ولو حتي عن طريق الاشارة
وفعلا اقتربت من الكرسي
واول ما شوفت وجه الست ثريا
اتفاجئت بحاجة مش هتصدقوها؟
الفصل الثامن من هنا
لقراءه باقي الفصول من هنا
قراءة رواية عايز حضن الفصل الثامن 8 كامل | بقلم هشام
لا تنهِ القراءة هنا، تابع رواية عايز حضن الفصل السابع 7 كامل في الفصل التالي.
استمتع بقراءة رواية عايز حضن كاملة
تابع أحداث رواية عايز حضن كاملة فصلًا بعد فصل بدون حذف أو اختصار.
مكتبة أعمال هشام
اقرأ قصص وروايات هشام الكاملة بدون اختصار.
