رواية عايز حضن الفصل الثامن 8 كامل | بقلم هشام
تم تحديث الفصل بتاريخ 13 أبريل 2026
مقدمة رواية عايز حضن
نستعرض اليوم رواية عايز حضن تحظى بشعبية كبيرة بين الروايات العربية، وتمتد أحداثها وسط أجواء من الغموض والإثارة وتدخله في عالم الرواية فورًا وتترك أثرًا طويل الأمد في ذهن القارئ.
تفاصيل رواية عايز حضن
تسرد رواية عايز حضن عن قصص حب وصراعات تدخل في صراعات داخلية وخارجية، وتتشابك التفاصيل تزداد حدة الصراعات مما يجعل القارئ في حالة ترقب مستمر ويشارك الشخصيات مشاعرها.
مميزات رواية عايز حضن
تجذب رواية عايز حضن اهتمام القراء بأسلوب يدمج الواقعية والخيال تأسر القارئ من أول فصل، كما أنها تقدم شخصيات واقعية وتنقل مشاعر الشخصيات بصدق وتجعل تجربة القراءة أكثر متعة وإثارة.
ابدأ قراءة عايز حضن الآن
استمتع الآن بـ قراءة رواية عايز حضن بقلم هشام أونلاين مع الاستمتاع بكل فصل لتعيش مغامرة القصة بكل تفاصيلها.
كيف تصل الينا
ابحث مباشرة على جوجل: "رواية عايز حضن حكايتنا حكاية"
ايه البت المفكوكة دي؟
بتفركي لية يا بت؟
ولية كل ما تشوفيني تطلبي مني حضن؟
ما تتلمي يا بت وتنتبهي لاكل عيشك
للاسف دي الصورة الي اخدها عني كريم بيه
وهتعرفوا ايه الي خلاه ياخد الفكرة الزب&الة دي عني
بس الاول لازم نرجع بالاحداث لحظة ما وقفنا.
الجزء الثامن
سلاسل ام غراب.
بعدما وصلت عند الكرسي المتحرك
الخاص بالست ثريا
لفيت الكرسي با اتجاهي
وفي اللحظة دي
شوفت وجه الست ثريا
اقصد.
الي كنت فاكراها الست ثريا
لاني اتفاجئت
ان الي قاعد علي الكرسي
هو (كريم بية)
فا استغربت واتلخبطت
وقالتلة.
ايه ده؟
هو في ايه؟
فا ابتسم
وسالني
وقالي.
مالك يا قلبي
اتخضيتي كده لية؟
فا استغربت من كلمة قلبي
وقلت لنفسي
ايه قلبي دي؟
وقبل ما افوق من دهشتي
لقيتة بيسالني
وبيقولي.
ايه؟
مفيش وحشتني؟
فا اتوترت
وحاولت اغير الكلام
وقلت
هو انا مش كنت سايبة حضرتك بره من دقايق؟
في اللحظة دي
ابتسملي بحنية
وقالي
متركزيش في التفاصيل دي
المهم دلوقتي اني معاكي
فا بصتلة بتعجب
ولقيتني مش فاهمة حاجة
فا فضلت افكر بيني وبين نفسي
وقلت.
مش هو ده كريم بية
الي كان
جادو نكد.
وعامل رعب للجميع
من خمس دقايق بس؟
امال اية الي جرالة
ومالة بقي نحنوح ورومانسي فجاءة كده؟
واستغربت اكتر
لما شوفت كريم بية
قاعد في الكرسي المتحرك
بتاع امة؟
فسالتة.
وقلت.
هي فين الست ثريا؟
قال انا خفيتها عشان نبقي لوحدنا
قلت يعني ايه خفيتها؟
قال.
يعني
استعملت قدراتي وخلتها تختفي
عشان نبقي لوحدنا
فضلت ابحلق في الشخص الي ادامي شوية
و في الاخر
سالتة.
وقلتلةانت حضن؟
فا ضحك اوي وهز دماغة
وقالي.
معقول؟
قلبك حس بيا بسرعة كده؟
ايوه فعلاانا حضن
بعدما سمعت اعترافة
حاولت اهدي واركز
عشان اجمع الاحداث
الي حصلت ببعض
وبعدما فكرت شوية
قلتاااااه
انا دلوقتي فهمت
يبقي كريم هو نفسة.
العفريت حضن
وعمل التمثيلية الي فاتت دي كلها
عشان يستدرجني للفيلا هنا ويحكم سيطرتة عليا
واكيد طبعا مجهزلي مصيبة
جديدة
ولا قتيل جديد
عشانيجبرني اني انزل معاه تحت الارض
وفي اللخظة دي
جن جنوني واتعصبت عليه
وقلتلة.
علي فكرة
انا كنت حاسة
من اول ما شوفتك هنا في الفيلا
انك انت حضن
لان الكدب والخداع والحوارات
مش جديدة عليك
لكن نفسي افهم
انت هتستفيد ايه لما تصعب عليا عيشتي كده؟
قولي هتستفيد ايه؟
فا قرب مني حضن
واقسملي
وقالي.
وحياتك عندي انا مظلوم
وعمري ما حاولت ادايقك ولا اصعب حياتك عليكي
بالعكس
دا وجودي جنبك كان حماية ليكي
وانتي بنفسك شوفتي اني كنت بحميكي وبنقذك ازاي
قلتامال مين الي كان السبب في وجودي هنا؟
قال.
كريم
قلت.
كريم مين؟
قال.
كريم صاحب الفيلا
قلت.
انت هتجنني؟
مهو انت وصاحب الفيلا شخص واحد؟
فا رد حضن
وقالي.
لا
احنا اتنين
قلت.
رجعنا للحوارت تاني؟
فا حاول حضن يوضحلي
وقالي
اقعدي بس وانا هفهمك
قلت.
اتفضل اسرح بيا تاني
وحياة عفاف ما هكدب في اي كلمة
هقولها دلوقتي
فا قلتلة.
طيب اتفضل وضحلي
فشرح لي فعلا
وقال.
انا.
لما اتجسدت في صورة انسان
اخترت اتجسد في صورة الشاب كريم
لانة
وسيم.
وغني.
وشيك
وكل الستات بيحبوا الاستيل بتاع كريم
وانا طبعا كنت عايز اعجبك
عشان تحبيني
ولغاية وقت قريب
انا كنت بستعير صورة كريم فقط
لكن.
لما لقيت ان في خطر عليكي.
وانتي في بيت ام غراب
فكرت اني ابعدك من هناك
وااخدك لائمن مكان
وساعتها
قررت اني اجيبك هنا.
وخصوصا.
لما عرفت ان كريم محتاج جليسة لامة
واديكي جيتي
وبقيتي في امان
بسهي دي كل الحكاية
فا قلت.
يا سسسسلام
والمفروض بقي اني اصدق
انكم اتنين؟
مش واحد؟
انت فا كرني هبلة ولا
وقبل ما اكمل في تكذيبي لحضن
توقفت عن الكلام.
لما بصيت من الشباك
ولمحت كريم فعلا
في الجنينة
اتاكدت فعلا
انهم اتنين نسخة من بعض
واحد بني ادم
والتاني عفريت
فا سندت علي الكرسي
وانا بقول.
يلهووووي
ده بجد؟
فا رد عليا حضن
وقالي.
صدقتيني بقي؟
قلت.
طيب سؤال بقي معلش
قال.
اسالي
قلت.
ممكن اعرف انت عايز مني ايه دلوقتي؟
رد حضن
انا بحبك وهفضل وراكي
لغاية
ما تقتلي القتيل الثالث بالمية الي انا اديتهالك
وساعتها.
هقدر اتجوزك.
واخدك معايا تحت الارض
قلت.
وانا قولتلك.
الي انت بتقولة ده مستحيل يحصل
لا هينفع اقتل حد تاني
ولا هينفع اتجوزك اصلا
ولا هروح معاك في اي حتة مهما حصل
وارجوك بقي فارقني وحل عني
انا حياتي متعقدة لوحدها
فا بصلي حضن بحزن
برضوا مش هياس
وهفضل منتظر
اليوم الي هتقتلي فية القتيل الثالث
واثناء ما كان حضن بيكلمتي
فجاءة
سمعت خبط علي باب الغرفة
فا اختفي حضن من ادامي
وبسرعة روحت فتحت الباب
وكان الطباخ هو الي بيخبط
فا اخدت منه صينية الاكل
وسالتة
وقلتلة
هي الست ثريا فين؟
فا بصلي الطباخ بتعجب
وقالي.
سلامة نظرك
ما الست قاعدة علي الكرسي المتحرك ادامك اهية
فا بصيت علي الكرسي
ولقبتها فعلا
قاعدة ع الكرسي
فا اتكسفت من الطباخ
اه تمام.
يظهر اني منيمتش كويس
عشان كده تلاقيني مش مركزة.
شكرا
فا قالي العفو ومشي
المهم.
بعدما اخدت منه الصنية
دخلتها
وتركت الباب مفتوح
لغاية ما احط صينية الاكل علي التربيزة
وبعدها ابقي اقفل الباب
لكن
في اثناء ما كنت بخط الصينية
لفت نظري.
برواز فية صورة لكريم بية
كان محطوط علي قطعة الديكور الي في الاوضة
فا مديت ايدي
وقلتلنفسي
هو ده كريم بية( الاصلي)
مش حضن التقليد
ومسكت البرواز وفضلت متنحة لصورة كريم بية
وقلت.
بصوت عالي
يخربيت كده
يلهوي علي وسامتة
وطعامتة يا ناس
(اصلي اصلي) يعني
وفي اثناء ما كنت بتأمل في الصورة
وبقول عليه.
اصلي مش تقليد
سمعت صوت رجالي
جاي من الخلف
وبيسالني
هو ايه ده الي اصلي يا مخبولة انتي؟
فا التفت للخلف بسرعة
عشان اتفاجئ بان
واحد من الاتنين
يا كريم.
يا.
حضن
حد فيهم هو الي بيكلمني
فا حبيت اعرف هو مين فيهم
وقلت.
حضن؟
فا رد وهو بيبصلي بتعجب
ايوه انا قولت انك مخبولة
في ايه يا بت؟
انتي كل ما تشوفي وشي
تطلبي مني حضن؟
ومن شوية
كنتي ماسكة صورتي
وعمالة تتغزلي فيا
انتي ايه حكايتك بالظبط؟
مالك يا مخبولة
بتفركي لية؟
ما تتظبطي كده وتنتبهي لاكل عيشك؟
في اللخظة دي
فهمت انا الي واقف ادامي يبقي (كريم بية)
ويظهر انه دخل عليا فجاءة
لما نسيت الباب مفتوح
وبسرعة حاولت اصلح الي انا نيلتة
فا قلت.
لا
انت فهمت اية؟
واايه تفركي دي؟
ووقفتة في الكلام
لحظة من فضلك
انت فهمتني غلط
انا لما كنت بقول حضن
فا انامكنتش بكلم حضرتك
انا كنت بردد كلمة في اغنية
↚
جت علي بالي
وبالنسبة بقي للصورة.
الي حضرتك فاكر اني كنت بتغزل فيها
فا انا كنت بقصد الايطار بتاع الصورة.
(البرواز)
اصل انا بيعحبني البروايز الاصلية اوي
فا بصلي كريم بيه
وبعدما فكر شوية
لقيتة غير الموضوع
وقاليما علينا
المهم
الطباخ جاب وجبة العشاء لامي؟
قلتايوه.
لسة جايبها حالا
فا نبة عليا وكأنة بيحذرني
خلي بالك
الصوت العالي والاسلوب الغريب
الي شوفتة من شوية لما كنتي بتتكلمي مع عمتي ده
ممنوع هنا
ولو اتكرر تاني.
هيبقي حسابك عسير
قلت.
حاضر.
وبعتذر عن الي حصل مني
فا سكت شوية
ورجع ياكد عليا تاني
طبعا انتي مش محتاجة اني الفت نظرك
ان رعاية امي هي مهمتك الاساسية هنا
يعني مش عايز اي تقصير
قلت.
حاضر
فا بص علي امة شوية
وبعدها.
انحني وباس ايديها.
و سابها وخرج من الاوضة
وبعدما بقيت انا والست ثريا لوحدنا
قربت منها
وحاولت اكلمها بللغة الاشارة
واعرفها بنفسي
وقلت.
انا الجليسة الجديدة
و مبسوطة اني هبقي في خدمة حضرتك
ممكن بقي حضرتك تستعدي عشان الاكل؟
وبعدما خلصت كلامي معاها
فضلت الست ثريا بصالي وبعدها
بصت علي صينية الاكل ورحعت بصتلي تاني
فا عرفت انها فهمت كلامي
وفعلا.
اكلتها.
ونيمتها
وبعدها.
روحت علي اوضتي
عشان اغير هدومي و انام
لكنملقتش حاجة البسها
فا قلعت الغيار الي عليا.
وغسلتة
عشان ينشف علي ما
انام واصحي
وكنت معتمدة اني هلبس العباية الكئيبة الي في الدولاب
بعدما غسلت الغيار الوحيد الي معايا
دورت علي العباية ملقتهاش
وعرفت ان ادارة اخدتها
فا فضلت زي منا
وبقيت محتاسة بفستاني المبلول
ومبقتش عارفة هنشرة فين وازاي؟
فا اتسللت و خرجت للبلكونة
وحاولت ارمي الفستان علي جزع الشجرة
لكنوانا بنشرة وقع مني
واستقر علي غصن في وسط الشجرة
فا مسكت في الاغصان وحاولت اتسلق الشجرة واجيبة
فشلت والغصن الي كنت ماسكة فيه
اخدني ووقع في ارض الجنينة
وللاسف لقيت نفسي واقعة في الارض
والفستان متعلق في نصف الشجرة
يعني مش هقدر اجيبة
والي زاد من المبلة طين
هو ان الجنايني سمع صوت الارتطام
وقام من مكانة وكان جاي يشوف في ايه؟
فا حاولت استخبي
لان كده البواب هيشوفني وانا عريانة
فا جريت بسرعة
ودخلت في اول اوضة
لقيتها مفتوحة ادامي في الدور الارضي
لكن.
لحظي السيئ
اني اصطدمت بشخص
ولما اتحققت من الشخص ده
اتفاجئت انه( كريم بية)
ولقيتة بيبصلي
وهو مندهش من دخولي عليه بملابسي العريانة
ولما بصيت حواليا
لقيت نفسي في غرفة الجيم
الخاصة بية
ولما شوفتة بيبحلق فيا كده
قلت.
ينهار مش فايت
دا كده احلوت اوي
الراجل دا من شوية كان شاكك اني بت مش مظبوطة
وكان بيسألني
وبيقولي بتفركي لية؟
اهو دلوقتي هيتأكد من الي كان شاكك فيه
ودلوقتي باللبس العريان دا
مش بعيد يفتكر اني جاية اتحرش بيه او اغتصبة
ياريتة كان فضل فاهم اني بفرك وبس
المهم طبعا
فضلت اعتذر
واقسملة.
اني جيت هنا مضطرة.
و مكنتش
اعرف ان ده الجيم بتاعة
بس الغريبة
ان كريم بية
رد عليا بهدوء
وكلمني بدون ما يتعصب
وقالي.
اية الجمال ده؟
فا شكيت من السهوكة دي
لا يكون الي ادامي حضن
بس خوفت اسالة
و انطق اسم حضن
لان لو طلع انه كريم بية
فا هيقول اني بتلكك وبطلب حضن
فا وقفت مبلمة ومتكلمتش
ولما لقيتة بيسالني
ايه الي مخرجك من اوضتك كده
اخدتة من ايدة
وشاورتلة علي الشجرة
وسردتلة قصة الفستان
وقلتلة.
هو ده الي حصل
يعني لا كنت بفرك
ولا جاية اتحرش بيك والله
فا ضحك كريم بية لاول مرة
طيب تعالي قربي يا فقرية
وقربني مني وهو بيحط علي كتفي
حاجة زاى البشكير الكبير الي كان في غرفة الجيم
وبمجرد ما قربت منه
استنشقت ريحةالعطر بتاعة
روحت في دنيا تانية
وفضلت واقفة متسمرة وانا ببص لعنية العسلية
لغاية ما سمعتة
بيقولي.
انتي مسبهلة كده لية؟
يلا روحي علي اوضتك
وانا هخلي البواب يجيبلك الفستان
وكنت همشي
سمعتة بينادي عليا تاني
وبيقولي.
عفاف
قلت.
نعم
لما الفستان ينشف
ابقي روحي اشتريلك كام فستان
عشان الموقف ده ميتكررش تاني
ومتخافيش انا الي هحاسب
فا رديت
وقلت شكرا
روحي بسرعة علي اوضتك قبل ما تاخدي برد
وفعلا رجعت علي اوضتي.
وانا تقريبا برقص من الفرحة
فرحتي مطولتش كتير
لاني شوفت ادامي حضن
الي كان باين انه زعلان اوي
وقلت.
خير؟
فا رد بغضب
ايه الي انا شوفتة ده؟
قلت.
شوفت ايه؟
قال.
شوفت اعجاب متبادل بينك انتي وكريم
قلت.
وحتي لو ده حقيقي
فا انت مالك؟
انت ملكش حقوق عليا
طيب اسمعي بقي
بنتك معايا.
وتحت سيطرتي
وعشان ارجعهالك
لازم تقتلي القتيل الثالث
قلتلا مش هقتل
قاللا هتقتلي.
وهتقتلي الشخص
الي هحدده انا
وخرج حضن زجاجة
فيها المية اياها
المية دي لازم تحطيها للقتيل الثالث
والا مش هتشوفي بنتك تاني
فا اترعبت علي بنتي
وقلتلةلا ارجوك الا بنتي
قولي عايزني احط المية لمين وانا هحطها
فا رد حضن وصدمني
المية دي هتسقيها ل؟
عارفين حضن كان عايزني اقتل مين بالمياه؟
الفصل التاسع من هنا
لقراءه باقي الفصول من هنا
قراءة رواية عايز حضن الفصل التاسع 9 كامل | بقلم هشام
اكتشف التطورات القادمة في رواية عايز حضن الفصل الثامن 8 كامل بالفصل التالي.
اقرأ جميع فصول عايز حضن الآن
رواية عايز حضن كاملة بجميع الفصول، تجربة قراءة سلسة ومريحة عبر جميع الأجهزة.
روايات هشام كاملة
مجموعة مميزة من روايات هشام الكاملة للقراءة المباشرة.
