رواية اسيرة حنانه الفصل الخامس 5 كامل | بقلم اسماعيل موسي
تم تحديث الفصل بتاريخ 5 أبريل 2026
مقدمة رواية اسيرة حنانه
نقدم لكم رواية اسيرة حنانه تتميز بكونها أدب الشباب، وتمتد أحداثها داخل عالم مليء بالإثارة والتشويق وتشد الانتباه منذ البداية وتجعل تجربة القراءة مميزة.
تفاصيل رواية اسيرة حنانه
وتدور أحداث رواية اسيرة حنانه عن شخصيات معقدة تخوض تجارب مؤثرة، ويتقاطع مصير الشخصيات تزداد حدة الصراعات مما يجعل القارئ في حالة ترقب مستمر ويستمتع بكل فصل كما لو كان مغامرة جديدة.
مميزات رواية اسيرة حنانه
تتميز رواية اسيرة حنانه بسرد مشوق تجعل القراءة ممتعة ومثيرة، وتمتاز أيضًا تعرض مشاعر إنسانية عميقة وتجعل القارئ يتفاعل مع الأحداث وتضيف طابعًا مميزًا على الرواية.
ابدأ قراءة اسيرة حنانه الآن
استمتع الآن بـ قراءة رواية اسيرة حنانه للكاتب اسماعيل موسي أونلاين لتعيش كل لحظة من أحداثها ولتغوص في أحداث شيقة ومشوقة.
كيف تصل الينا
ابحث مباشرة على جوجل: "رواية اسيرة حنانه حكايتنا حكاية"
هند قعدت وطلبت شيشه تفاح وانا ولعت سيجاره،
هند، أدهم انت مش عايز تسألنى على حاجه؟
انا بثبات، لا
قلتلها معرفش السبب والله
فكرت هند شويه وقالت، ماشي، انت قلت لنور حاجه من الى حصلت امبارح؟
قلت طبعا لا
انا قلت كده برضه، اصل نور كلمتنى دخلت عليه بحوار انى حطيت ايدى على كتفك وانك حاولت تتحرش بيا
انا مديتهاش عقاد نافع، كنت واثقه انك مقلتش حاجه، بس هى كانت متأكده جدآ
فيه حاجه غريبه، اعتقد نور بتراقبك
المفروض العكس، انا معملتش حاجه اصلا
يعنى انت يا أدهم مقلتش حاجه لنور متأكد
مقلتش والله يا هند
طيب اسمع نور اكيد مشغله كاميرات مراقبه فى الشقه
عايز اقلك حاجه نور مش بتعمل اي حاجه من غير سبب
بنت اللزينه وتقول غيرت الكهربه عشان مش عجبانى؟
كنت فاكر نفسي شاطر
انا هفرتك الشقه كلها وهدمرها لحد ملاقي الكاميرا
هند - إياك تعمل كده، خليك ناصح دا فى مصلحتك، استغل ده
هند انتى ليه بتساعدينى؟
وانت يا أدهم ليه مش بتقول الحقيقه، بصت هند فى عنيه وكشفت أسرارى
انا عارفه انك بتقرب منى عشان تعرف حاجه وفاكر انى صايعه وبتاعت رجاله ولازم تحور عليه، خليك دغرى يا أدهم تاخد عنيه
انتى صح يا هند، فيه مشاكل بينى وبين نور، لحد دلوقتى مدخلتش عليها، بتقول انها خايفه ومرعوبه لسه مش مستعده
هند ________ دا كلام غريب
نور طول عمرها قلبها جاحد - - - - -
نور لسه بنت بنوت يا هند - - - - - - - - -
ضحكت هند ضحكه غريبه طويله، نور طول عمرها شكاكه لكن بنت بنوت دى مش عارفه مش لايقه عليها
تقصدي ايه يا هند بالكلام ده ________؟
ولا حاجه يا أدهم _____ انت كده عرفت الحقيقه انا مخنتكش لكن مش هقدر اساعدك مع نور،
نور عمرها ما ادت سرها لأي شخص
&&&&&&&&&&&&&&&&
هند، نور تعرف رجاله غيرى؟
اسمع يا أدهم انا مش مصلحه اجتماعيه انا برأت زمتى وخلاص
لكن كان فيه شخص اتقدملها قبل كده واترفض اسمه اسامه
عسل شمال، والدها ووالدتها موفقوش عليه
سكتت هند، اموت واعرف مدحت بيراقبنى ليه؟
انا همشي دلوقتى، يمكن منشوفش بعض تانى، وياريت متاخدش انطباع سيء عن حد متعرفوش غير لما تتأكد
&&&&&&&&&&&&&&&&&
بعد ما هند ما مشيت فضلت قاعد شويه، الي بيحصل ده غريب عليه
لو نور بتعرف شخص تانى ليه مطلبتش الطلاق وخلاص
↚
ليه مصره تفضل معايا وتعذبنى فى نفس الوقت، ليه مستمره فى الخداع ده؟
يمكن عايزانى انا أطلقها عشان تاخد قيمة المبلغ بتاع وصل الامانه إلى مضيت عليه؟
ممكن للدرجه دى تكون سافله ودى خطتها من البدايه؟
انا تعبت من كل الحورات دى، بس المبلغ ده كبير، لو كانت فعلا دى خطتها انا مش هقدر ادفع الفلوس دى
لكن موقف أهلها كمان غريب، ممكن يكونو مشتركين فى اللعبه؟
دماغى عماله تودى وتجيب هتجنن، خلصت قعدتى وروحت علي الشقه، لقيت نور ومدحت قاعدين فى الصاله
رحبت بمدحت عادي، خدت شاور ورجعت قعدت معاهم، كانو بيتكلمو فى حاجات عائليه ويضحكو
الوقت ده انا فحصت الصاله بعنيه لحد ما لقيت الكاميرا كانت محطوطه ورا الباب فى مكان مخفى
كده تأكدت شكوكى، نور عايزه تخلص من لكن عن طريقى انا
عايزه السبب منى
وهو مدحت قاعد نور كانت بتعاملني باحترام، وتقول يا حبيبى ويا روحي وكل الكلام ده
خبيثه ولعينه، فكرت ان ده الوقت المناسب لأرتكاب حماقه
فجأه كده وقفت ونور راجعه من المطبخ وحضنتها، بوستها على خدها وشكرتها على وجودها فى حياتى
نور مرتعتتش ولا اترعبت زى ما بتقول، خدت الموقف عادى ولا كأن حاجه حصلت، طول قعدت مدحت وانا لازق فى نور وهى مش قادره تبعد عنى ولا تتكلم
مدحت لاحظ كده قال طيب انا هقوم اروح بقا انا مطرود
قلت والله ما انتى ماشي لسه بدري يا مدحت
نور قالت بنبره متأمره، مدحت، قوم روح الوقت اتأخر ماما عيانه ولازم تكون جنبها
مدحت سمع كلام اخته ومشي ودي كانت حاجه غريبه بالنسبالى
&&&&&&&&&&&&&$$$$$$$$$$$$$$
اول ما مدحت خرج، نور زعقت، انت ازاي تعمل كده؟
متكسفتش ان مدحت اخويه قاعد معانا؟
قعدت على الكنبه، قلت، واتكسف ليه؟
دا حقى الطبيعى، وبعدين المفروض تشكرينى انتى خلاص اتخلصتى من رعبك وخوفك
نور زعقت، تقصد ايه؟
قلت، اقصد هيحصل الليله انا استحملتك كتير، اعتقد الوقت مناسب دلوقتى
مش انت الى تحدد أمتى يا أدهم يا حبيبى؟
انا الى اقرر
بس ده ينور ياروحي مش اتفاقنا؟
لما قعدت مع اهلك كلامنا مكنش كده
لما كذبتى على والدتك وانا سامحتك كلامنا مكنش كده
بص يا أدهم من الاخر، انت مش هتلمسنى، غير لما اعصابى تهدى وتسمح بكده
قلت، هلمسك براحتى يا نور والليله كمان
################
قربت من نور إلى كانت واقفه ثابته فى مكانها، نور قالت لو لمستنى يا أدهم مش هيحصل خير
قلت، هتعملي ايه يعنى؟
؟
وحضنتها ________
سبنى يا أدهم، أقسم بالله هصرخ
لم يكن يعنينى ما سوف يحدث بعدها، كان بداخلى غضب مكبوت أردت أن افرغه عليها وداخلها، احباطاتى، هزائمى، عذاباتى على مدار ايام، تعنتها، غموضها الذى عكر صفو حياتى
سبنى يا ادهم عيب كده!
عيب ايه يا نور انتى مراتى
↚
نور ____ مش بالطريقه دى يا أدهم طيب، سبنى لو سمحت
أدركت ان تلك الفرصه لن تتكرر ولم أكن مستعد لخسارتها
حلمتها لداخل غرفة النوم
أدهم انا مرعوبه، جسمى بيرتعش، هفقد وعيي
أكتفيت من الاعيب نور ودى لعبه جديده كمان
قفلت باب الاوضه وقعدت جنب نور إلى كانت هديت شويه يدوبك ببوسها وفجأه ________
لقد كانت واضحه .
لكن
عقلك ____ ينظر خلفه
سمعت نقرات على باب الشقه، خبط متتالى، هو، ده وقته، مين هيجينا دلوقتى؟
نور المستكينه فى مكانها ____قالت معرفش.
لبست قميصى وخرجت من الاوضه افتح باب الشقه، لقيت مدحت وهند واقفين قدام الباب
فيه ايه؟
؟
افتكرت فيه مصيبه، عقلى مقدرش يتصور حاجه غير كده
هند ومدحت مع بعض ___؟
مدحت، انت اتخضيت كده ليه يا أدهم؟
وانا نازل من هنا قابلت هند فى الشارع، كانت عايزه نور، قلت اطلع معاها
هند بوجه صامت، نور بعتتلى رساله انها عايزه تشوفنى عشان حاجه مهمه
شعرت بلخبطه، نور؟
هند؟
مدحت؟
سبت الباب مفتوح ودخلت، هند راحت على أوضة نور، مدحت قعد وطلع سيجاره وناولنى واحده
اتفضل يا ابو نسب!
خدت السيجاره منه وولعتها يمكن تطفى النار إلى جوايا
مدحت، انت مرتبك ليه كده يا أدهم، فيه حاجه؟
بصيت ناحيت مدحت، أصلها غريبه انكم تيجو عندنا فى نصاص الليالى يا مدحت
مدحت ____ انت كده بتطردنا بالزوق يا جوز أختى
انا مقصدش كده يا مدحت مستغرب الموقف بس
كنت بعد الدقايق لغاية ما يمشو، مش عايز الفرصه تهرب منى، هند اتأخرت جوه ومدحت لازق فيه مش عارف اتحرك
ساعه كامله وهما جوه الاوضه مقفوفه عليهم، خرجت هند بتضحك، شعرها منفوش ومش على بعضها
يلا بينا يا مدحت وصلنى فى طريقك
بصيت ناحيت هند، الكلام إلى قلته ليه، مراقبة مدحت ليها وازاى موقفها تغير، استنيت تدينى اي اشاره، لكن هند مبصتش ناحيتى
مدحت وقف ومشي معاها
&&&&&&&&&&&&&&&&&&&&&&&&&&&&&&&&&&.
القصه لاسماعيل موسى
حاولت مخرجش من مودى، دخلت بسرعه عند نور، كانت قاعده على السرير بتلعب فى الفون، قعدت جنبها قبل ما المسها بعدت عنى، شكلها كان غريب ونظراتها كمان
انت، انت بتعمل ايه يا أدهم؟
بعمل ايه يعنى، بحضن مراتى
أدهم ابعد عنى متحاولش تلمسنى انا مش طايقه نفسي
فيه ايه يا نور؟
انتى كونتى كويسه _____
تقصد ايه يا أدهم؟
↚
اقصد يا نور انى قربت منك، مترعبتيش ولا حاجه؟
نور بصت فى عنيه، انا كنت مرعوبه منك لكن انت مش شايف غير نفسك
عايز حقك الشرعى؟
عايز تــغـــتــصــبــنــى؟
اتفضل يا أدهم
حسيت ان كرامتى انجرحت، بعدت عنها، انا فى لخبطه كبيره مش عارف ايه الي بيحصل معايا
نور كانت مستجيبه ايه الى غير حالها؟
كنتى عايزه ايه من هند يا نور؟
مش شغلك يا أدهم، انا مش هقلك عن أسرارى مع صاحباتى
صاحباتك يانور، مش هند دى إلى كنتى بتتهمينى انها حطت ايدها عليه!
؟
انت عقلك صغير أوى يا أدهم، هند مش ممكن تخونى ابدا، مستحيل
امال عملتى كده ليه، ليه قلتى الكلام ده كله؟
كنت بختبرك يا أدهم عادى، دلوقتى لو، سمحت سبنى عايزه انام
نور عايز اقلك انى مش هفضل كده كتير، انا مليت، بكره اخر يوم بعدها مش هصبر تانى
انت بتهددنى يا أدهم؟
بتهدد مراتك؟
مش بهددك يا نور لكن اعتقد ان الوقت مناسب دلوقتى اننا نصبح زوجين حقيقين
بالقرف ده تقصد؟
سميه زى ما تسميه يانور، بكره لازم يحصل _____-
سبتها وخرجت، مش عارف افكر ولا اخطط، كلام هند لسه بيدور جوه دماغى
هند لا يمكن تكون ليه بنت بنوت، ليه قالت كده؟
وكل ده بيحصل ليه؟
القصه دى لازم تنتهى، مش هدور على أسرار تانى انا مش فاهم حاجه
هاخد حقى والى يحصل يحصل
&&&&&&&&&&&&&&&&&&&&
كان صوت نور واضح فى الفون، كانت بتقول المره دى حاسه ان تهديده حقيقى، الموضوع هيخرج من بين ايديه
قراءة رواية اسيرة حنانه الفصل السادس 6 كامل | بقلم اسماعيل موسي
انتقل لمتابعة رواية اسيرة حنانه الفصل الخامس 5 كامل في الفصل التالي الآن.
اقرأ رواية اسيرة حنانه من البداية للنهاية
رواية اسيرة حنانه كاملة بروابط واضحة وسريعة الاستجابة.
قصص الكاتب اسماعيل موسي
اقرأ قصص وروايات اسماعيل موسي الكاملة بدون اختصار.
