حتى صونا تلفونه ريبوندا تمتم.

وي.

تهدر وتبكي جااااااااااابر.

وقف ديراكت كي عرفهااااا من صوتها وخرج من عندهم طلع الفوق يسرى؟

مالا نيشان اسمك جابر ، ايه ايه انا يسرى.

واشبيك واش كاين معليش تسكتي وتهدري شاكاين وكفاش عرفتي اسمي.

منقدرش نحكيلك في التلفون لازم نشوفك راني خايفة والله.

علابالكي نتي وين راكي وأنا وين راني واش كاين اهدري متخافيش.

راهم يحوسوا عليك ووصلولي انا عرفوا بلي أنا طبيبتك راهم باغيين يعرفوا مني بلاصتك واسمك الكامل وكلش عليك ماشي هدرة تاع تلفون مهم لا انت ولا انا رانا في أمان عيطتلك باش تحرز روحك مليح ودير في بالك بلي القصة لي كملت في السبيطار الناس لي وراها مزالو يحوسوا عليك.

رباااااني كنت عارفها كنت عارفها يوصلولك اسمعي مليح ضوك نرسلك نيميرو واحد من جماعتي تماك تهدري معاه يأمنلك كلش ويخرجك من تما فهمني ترجعي هنا لداركم عند والديك وترجعي لخدمتك هنا كما كنتي هنا أصلا مايقدروش يوصلولك حتى ووصلولك انا نكون هنا نعرف شندير.

كفاه راه منيتك علاش انا رحت لتماك ودخلت هاد الخدمة في هاديك البلاصة باش نهرب اليوم ونرجع لتماك لدارنا.

اسمعي راسي راه مڨلب متزيدينيش هم مخصنيش واحد يموت بسبتي تزيدي تماك نهار واحد يقتلوك ني جبتهالك من تالي باش تفهمي وين راكي مارانيش نشاور فيك انا ضوك نهدر معاهم يريقلولك كلش ليوم في الليل يخرجوك من تماك الصباح تكوني هنا كي تجي نحكيلك اسمعي تلفونك تعيطي النيميرو لي نرسلهلك ضروك يفهموك كلش وتڨلعي بيس ترميها تماك في سبيطار وطفي تلفون حتى توصلي هنا راني نهدر معاك فهمتي.

إيييييه رااااني خايفة.

ميصرا والو بروحي راني موصي عليك تماك مكاش لي يضرك بحاجة ديري واش قتلك الصباح كي تلحقي لهنا تركبي بيس جديدة تعيطلي ونتلاقو تحكيلي واش صرا مفهوم.

اييييييه ايييييه خلاص فهمتك.

أيا تهلاي وكوبا عليها رسلها نيميرو وعيط لصاحبه ديراكت فهمه كلش ونبهه ملازم يصرالها والو.

وخرج مريح في البالكو واش هاد الموصيبة لي درتها بروحي تاني كون تصرا حاجة لبنت الناس تبقا في رقبتي طول حياتي أنا هارب من النسا وربي يزرع فيهم في طريقي كون منقتلش وحدة قاع منتهناش زعما انا ناقص هموم نلها لمرض ولدي ولا ليماه لي غابرة ولا ليك لي غادي تموتي بسبتي اااااااه ياربي واش مزالي تاني.

حتى سمعهم يعيطوله من التحت ناض هود عندهم لقاهم ملبسين يزن وغفران ويصوروا فيهم راح عندهم وهزهم الله يبارك على الزين لي عطاهالنا ربي رياااااان مالا ولدي في خطبتك غادي يديلك المدام.

ايه جابر كون شفت غفران محبتش تنوض من حجر لعروسة عجبتها وقيل كما خااالها لي راه قابل.

وقف ريان وشاد شوميز تاعه اييييه في ميزكم نعرف نخير يادرا انا راني قابل تحبوا تجيبوهالي غدوى منقولش لا تعرفوني منحبش نغبنكم.

تبسم وريح ويسقسي فيهم يما يادرا عجبوكم الناس واش درتوا فيها.

باينة رانا قابلين مصدقنا قبل هاد الدابة يتزوج كون عجبته قطة نخطبهاله ههههه وين هاد الناس ما شاء الله الطفلة يماها متوفية مسكينة مربيتها مرت باباها وجداتها ناس ملاح طيبين استقبلونا وكبروا بينا فلحق مشفناش منهم العيب حتى باباك قالي عجبني باباها راجل بكلمتوا وهيبتوا والطفلة ما شاء الله عليها ورزينة وتعرف تهدر وتهبل بالزين.

شاف فيها شحال وتنهت ايييييه يا يما ميغركش الزين واش فايدة الزين كي يكون بلا قلب.

كامل سكتوا وشافوا فيه فهموا على واش يهدر حتى ناض مدلهم يزن وغفران وخرج ديراكت راح.

غير خرج راحت نوال لريان تجري رياااااااااان علابالك ملاك عندها بنت خوها صغيرة بلاك في سن غفران ولا يزن تعرف شفت الخالق الناطق تاع نور لون شعرها عينيها بيوضيتها والله العظيم تقول هيا نسخة مصغرة عليها كي شفناها تخلعنا تأمن حتى تشبه ليزن سقسي يما.

ايه يا ولدي تأمن تقول نور ربي عاطيها وحد الزين وحدوا كما كانت نور.

مكملوش حتى تخطف ناض ويعيط واش دلهدرا واش جاي سيرتها ضوك هاديك ل وسكت مكملش علاش راكم تفسدولي في هاد النهار متزيدوش تذكروا اسمها مش حاب اي حاجة تربطنا بيها واشبيكم هبلتوا وراح لشمبرته وضرب الباب.

غير تعشينا ريحت انا وجدة وملاك وخالتي هدرتهم كامل على لعريس لي جا لملاك واهلوا عمي قال بلي عجبوه حتى جدة وملاك قابلين كامل يقارعوا لمحمد يجي ادا.

قبل يردولهم خبر مقدرتش نزيد نريح معاهم حاسة ضيق في صدري مخنوقة وزادوني هوما كل ما يجتامعوا نتفكر اهلي نضت هزيت روح قتلهم نعسانة ودخلت شمبرتي مش حابة نبكي قدامهم رحت ديراكت شمبرتي حطيت روح تلعب وريحت في لرض تفكرت واش خليت ورايا زوج عائلات خليتهم ورايا معلاباليش ادا انا لي سمحت فيهم ولا هوما لي سمحوا فيا دارنا من نهار تزوجت بمحمد محوسوش عليا ولا سقساو عليا ومانع عليا بابا حتى نعيطلهم ولا نحكي مع يما ومزاله زعفان مني بلاك كي مخيرتش الطريق لي هو كان حابها ليا كي كان يقولي نجيبوا يزن ويتربى عندي مقدرش يتقبل فكرة اني تخليت على يزن وشحال من مرة يحب يروح يجيبوا ولا يروح يشوفوا وانا نمنعوا عمري متخيلت بابا يكون يحب يزن هاك بصح مكاش لي كان حاب يفهم بلي مهما حبيتوه وتعزوه وتحبوا صلاحوا مكاش لي راح يحبو كيفي هاداك ولدي قطعة مني من روحي أول فرحة في حياتي من الإنسان اللي.

ااااااه ياربي واش راني نقول يااااااربي توحشته بزاااف مقدرتش نزيد كتر مقدرتش ياربي عطيني الصبر منك نتحمل بعد ولدي عليا كنت نبكي بالصوت كان قلبي مزير جيهة يزن على غير العادة وكل منشوف في روح نزيد نتوحشه كتر مارانيش مأمنة بلي عام كامل تحملت بلا بيه بصح ليوم حاسة بحاجة خلاف كتر من متوحشاتو ولا متمنية نشوفه ياربي تحفظلي ولدي وين ماكان يكون نضت توضيت وصليت شحال وانا ندعيله حتى جات عندي روح تكسلت في حجري تبسمتلها واش بنتي جاية ندي حقها من الدعاء ياربي تحفظلي بنتي وتخليهالي وتبعد علينا كل شر يارب كون تعرفي روحك واش تسواااي نتي عند بوك يااااروحي وكل العائلة هزيتها ضميتها شحال تكبر بنتي وتعرف لحكاية ونضنا رقدتها بصح مقدرتش نرقد كما عييت ما ندير نضت رحت الكوزينة نشرب ,لقيت ملاك تاكل تما.

واش مزال مرقدتيش واش راكي تقارعي.

جعت جيت ناكل.

ونتي علاه مرقدتيش وقيل متحمسة كي راه محمد جاي طارلك النعاس.

ايه قتلها في قلبي من هاداك الهم راني نخمم تعرفي ملاك حاسة روحي مخنوقة وقلبي مزيرني جيت نشرب برك.

باينة توحشتي محمد.

ايه بلاك حتى صونا تلفونها غير شفتها تتبسم عرفته الطفل لي خطبهااممممم رانا نعشقوا هنا وقيل بصح متهدريش هنا ملاك حبيبتي ملازمش يشوفوك بلي تعرفيه راكي عارفة روحي لشمبرتك كون يفوت عمي ولا خالتي.

صحا حبيبتي ربي يخليك ليا وسلمت عليا وراحت تجري فرحانة بزاف للعشق والحب والزواج معلابالهاش بلي العشق يعذب مولاه وبلي طريقوا مافيهاش رجعة وماشي ساهلة بصح أن شاء الله ميكونش زهرك كما زهري وتتهناي يا حبيبتي ومتعيشيش واش عشت وواش راني نعيش رجعت عنقت روح حتى رقدت.

متكسل في شمبرته ومرقده فوق صدره ويسلم عليه ياربي قلع من صحتي وزيد في ولدي هادا معندي متخافش حبيبي منخليش حاجة تصرالك الريح ميقيسكش مادام بوك حي حتى ونموت نظمم لولدي ميخصه والو لوكان يكون دواك في آخر العالم نديك، نبيع كلش نكسبه.

مهم تريح ونشوفك مليح وغمض عينيه يتفكر فيها كفاش كانت تخاف عليه تموت كي يمرض ولا تطلعلوا حمى برك ولا كي يكثر لبكا ومتعرفش واشبيه تبكي معاه الله يعطيني قلبك والله كفاش راكي هانية ويجيك النوم ومخلية وراك ولدك مين جبتي كامل هاد القسوة كفاش رجع قلبك هاداك لبيض الزين الحنين لهاد الحجرة لي خلاك تسمحي فينا وتروحي بلا متشوفي وراك والله كون سمحتي فيا انا وحدي معليش نعذرك على واش درت فيك ونقول انا ماشي مليح ومنستاهلش وكلش فيا بصح في ولدنا وتفكر كي قلتله مش حابة ندي معايا اي حاجة تفكرني ولا تربطني فيك ضرب يده على طابل دونوي حذاه حتى ناض يزن يبكي بالصوت مخلوع هزه يسكت فيه كي محبش يسكت راح طبطب على يماه وعطاهلها وطلع ديراكت لفوق غير تكسل وغمض عينيه حتى عيطله صاحبه وخبره بلي صاي قدروا يخرجوها من تماك ومع الصباح يوصلوا اطمن شوي ورقد ديراكت.

الصباح فطنت مع الآذان صليت مقدرتش نرجع نرقد رحت ديراكت وجدت قهوة لقيت جدة نايضة حطيت استقهويت معاها وعقلي كامل مش عندها.

واشبيك نور وجهك أصفر ليوم تقول مريضة.

لالا غير مرقدتش مليح.

يالطفلة ادا.

مريضة ندوك سبيطار لونك مخطوف.

والله معلابالي جدة حاسة جبل على قلبي ومزير وطرطقت بالبكا قدامها وعنقتها مقدرتش نشد روحي قلبي محروق يا جدة قلبي محروق على ولدي متوحشاته موت والله مقدرتش والله عييت نخبي نصبر بصح مقدرتش زعما يكون كارهني جدة يكون يعرفني راه يتوحشني.

بقاااات معنقتني تبكي معايا وتمسح على راسي.

جدة.

شفتي روح غير كراني نروح نقرا كي نرجع تعنقني وتظل تعيط عليا وتبع فيا ماما ماما عندي معاها غير 4 اشهر تعلمت معايا الهدرة زعما هو ميكونش يعيط عليا وميلقانيش يبكي عليا ومنروحلوش يا جدة ولدي بلاك يجوع وميعرفولوش ولا يمرض ويحتاجني جدة مقدرتش والله وحشه قتلني قلبي راه محروق على كبدتي كفاش خليت ولدي لي كنت نحس بيه وهو في كرشي لي وصلت الموت عليه لي رضعته ورقدته على يدي لي والفت ريحته وميرقدش بلا بيا كفاش ندير لقلبي قوليلي واش يصبرني على كبدتي.

نور استغفري حبيبتي مغاديش نزيد عليك ونسقسيه ولا نقولك حكيلي علابالي متحبيش بصح نحبك تعرفي حاجة أبدا الولد ميكرهش يماه لوكان منعرف واش ديرلوا عمروا ميكرها وتاني نعرفك مليح وعشت معاك ونعرف قلبك واش يسوا وواش فيه علابالي مليح بلي كنتي مجبورة تخليه وكانت الظروف كبر منك وكون مجيتيش علابالك بلي راكي مخلياته في بلاصة تطمني عليه فيها ويعوضوه عليك متخليهش لوكان بلموت صح كلامي؟

زدت عنقتها ايه اييييه والله.

شفتي نعرف بنتي الزينة قلبها حنين وأحن أم ونزيدك لوكان تروحي وين تروحي يجي نهار وتتلاقاي ولدك وتمحي هاد الحرقة ربي حنين كريم وربي راه مصبرك بروح تعوضك شوي على ولدك.

هدرتها ريحتني شوي سلمتلها على راسها ربي يخليك ليا ميمتي حتى دخلت علينا صباح الخير.

مسحت دمعتي وعدلت جلستي.

واش ڨروب الندابات لي كنتوا دايرينوا واش كاين كاش واحد مات.

حتى تخطفت جدة تندبي على راسك صباح الله الموت لي مداتكش نتي واش راح تدي عليها قالو زمان الموت تدي وردة تشمها ماتديش بصلة تغمها خليتهم متقابضين بالهدرة ورحت لقيت روح ناضت غير هزيتها نلقاها تغلي بالحمى.

مريحين كامل يستقهواو يماه و باباه وريان وهو شاد يزن في حجره يوكل فيه ومش كامل معاهم حتى فطن على صوت يماه.

واشبيك أولدي وين رحت بوك راه يهدر معاك.

سمحلي بابا والله مسمعتك واش قلتلي.

سقسيتك وقتاش تجيب ليزاناليز تاع يزن.

تنهت كأنو خايف ومتردد ايه بابا ضوك نروح نجيبهم.

ماتخممش جابر أن شاء الله ميكون والو حتى ويكون نعالجوه ونوقفوا معاه حمد الله رانا في وقت طب متطور ومكانش حاجة ماعندهاش علاج.

بركاو ما تفاولوا على ولدي ميكون والو ويريح وليدي ونشوفه يجري ويلعب قدامي.

وكون تكون يما ااااا كون تكون علابالي نعالجوه بصح بابا راه صغير هادا عندو طاقة للدوا وسبيطارات حمبوك مزال ماشاف والو من الدنيا علاه ولدي يا بابا علاش راه يجيني كل إبتلاء أكبر من اللي قبله يا بابا مقدرتش والله.

جابر استغفر ولدي واش هاد الهدرة انت انسان مؤمن ربي منشافش بالعين لكن بالعقل عرفناه ،والمرض والهم و الموت والحياة كله امتحان لقوة إيمانا وصبرنا إن الله إ ذراعي أحب عبدا إبتلاه متضيعش أجرك وصبرك وتعبك يروح بجهلك قول الحمد لله على كل شي ولي كاتبهالنا ربي مرحبا بيها وله الحمد.

ايه بابا عندك الحق حمد لله ياربي ان شاء الله ربي يحفظلي ولدي أصلا عندي سبع سببببببع ولدي ويقدلها وهزه سلم عليه وحطه عند يماه انا نروح هادا الوقت يكونوا خرجوا.

ايه هاكا ولدي أن شاء الله تسمعنا خبار الخير.

أن شاء الله يما وخرج راح.

طريق كاملة يخمم في هدرة باباه حسها دفعاتوا القدام وطمناتوا غير وصل راح ديراكت سقساهم على نفس الطبيبة وراح ديراكت لبيرو تاعها غير دخل عرفاتو.

تفضل ميسيو.

خرجوا ليزاناليز تاع ولدي.

ايه خرجوا.

أيا واش كاين طمنيني.

من الأحسن نخلي الطبيب لي دارهملوا يجي يفهمك.

كفاش يفهمني علاه شاكاين واش لقيتوا فهمني نتي منقارعش.

حتى دخل الطبيب هاهو جا هو يقولك.

واشبيه ولدي حمبوك قولي شاكاين.

ريح خويا ضوك نفهمك.

منريحش فهمني مانيش جاي نريح احكيلي واش بيه اهدروا ياااااااااالرب بتجهلوني.

متخافش خويا ولدك عنده مرض في الدم…

سكت شوي.

وشنو هو؟

".

نوع من **الثلاسيميا.

حس الدنيا دارت بيه

وش معناها واشبيك بالكلمة مانيش صاحبك هنا منفهمش منعرفش واش هاد المرض؟

".

يعني جسمه ما يصنعش الدم بطريقة مليحة وكما مطلوب ولهذا تصرالو نوبات كيما لي صرات.

أيا ماشي حاجة هادا يتعالج؟

أكيد كاين علاج بصح ماشي ساهل.

قرب خطوة عنده

قولّي.

الحل النهائي و الوحيد هو زرع نخاع العظم.

راح ريح ومصدوم يشوف فيهم الزوج أيا ومن وين نجيبو هادا واش لازم ندير قولي برك؟

لازم متبرع ننقلوا من عندوا ليه نخاع العظم.

ايه ابن معليش انا نتبرعلوا انا مهم يريح.

الصراحة التطابق النسيجي المطلوب يكون أخ أو أخت.

عندك ولاد غيرو؟

تجمد في بلاصتو أخ…؟

ايه لازم يكون متوافق معاه بنسبة كبيرة.

معندوش ،عندي غير هو عندوا اخت توأم بصح توفاة.

للأسف هنا صعيب علينا نلقاو متبرع متطابق لكن كاينة حاجة ايجابية أنوا مزال عندنا وقت نقدروا نعالجوه علاج مؤقت هو ميقدرش يصنع الهيموغلوبين وهيا المسؤولة على نقل الأكسجين نقدروا نبقاو على نقل دم بشكل مستمر وأدوية نتخلصو بيها من الحديد الزائد مدة زمنية معينة لحد ميكون عندوا أخ فهمتني كأقصى حد عامين وعلى حسب إستجابتوا لأنوا العملية هيا علاج.

نهائي.

خرج من عنده مكسور عقله مش عنده خوف كبير في قلبه أكيدبر مخاوف حياته جاو مع بعض راح ديراكت للدار غير دخل وجهه شاحب مخطوف.

يماه راحت تجري عنده فهمت من وجه لي ميبشرش بالخير بلي كاينة حاجة.

واش قالولك؟

"

ما قدرش يهدر ديراكت

سكت و يهدر بالكلمة يزن مريض بمرض كبير.

حطت يدها على فمها.

هدر ريان ديراكت بخوف.

واش هاد المرض وواش هو الحل واش نديروا أهدر جابر؟

".

رد بصوت مكسور ومبحوح

لازم يتبرعلوا بنخاع العظم وغير خوه ولا ختو لي يقدر يتبرعلوا وريح محود راسه في لرض كأنوا حلول الارض كلها كملت.

كامل بقاو ساكتين لا حول لهم ولا قوة حتى دخل يعيط عليها ميمة ميمة غير سمعته بدات تبكي وهزته يا قلب ميمة أحبيبي جيعان.

غير دار وشاف جابر عيط باااابا ومدله يديه باش يروح عنده هزه والدمعة في عينيه

سكات ثقيل طاح في الدار

رفع عينيه بشوي

والصوت خرج بصعوبة

كون كااااانت.

يماه بقات تشوف فيه فهمت واش راه يقصد.

سجى كون جاااااات بنتي كاينة كون سلكت خووووها وسلكتني و دمعت عينيه

لو كانت عايشة بنتي كون و

ضرب الحيط بيده

ياااااااااربي علاه؟

ياربي علاه بنتي بعدها مرتي وضوك ولدي ياربي علاه لي نبغيه ونتعلق بيه ونعيش على جاله يروح ويخليني وسكت كي شاف ردة فعلهم مصدومين منه لأول مرة يهدر عليها بعد.

ماراحت.

راحت عنده يماه ومعنقاته وتبكي كفاش نديروا ضروك جابر كفااااش مادام مكانش أخ ليه واش نديروا بلاك حنا نقدروا نتبرعلوا.

لالا يما لازم أخ ولا اخت مكاش حل غيرهم وعطاني مهلة عامين يقدروا يعالجوه حتى وسكت.

حتى لواش حتى تجيب أخ ليزن قصدك ياك.

ايه هاك قصد.

الطبيب.

مليح شفت حمد لله ياربي حمد لله هاهو الحل مالا تزوج جابر تزوج على جال ولدك.

يماااااااااا يماااااااااا كفاه نتزوج هادي منيتك منقدرش يما منقدرش يما ندخل مرا وخدوخرة داري وحياتي.

جاااااابر صاي زدت فيه بزاف علاه شكون هادي حتى متزيدش تتزوج بعدها متستاهلش.

رياااااااااان آخر مرة نسمع دلهدرا مدخلوش رواحكم في حياتي منقدرش ماتفهموش.

مالا نحوسوا على يماه بلاك راهي متزوجة وعندها ولد ولا بنت نحاولوها تتبرعلوا.

مكملش حتى جاه كف طيحه في لرض ويزن يبكي نقتلهاااااااااااااا نقتلها نحرقها حية ونحرق لرض لي تمشي عليها ونحرق كلش فهمت نقتلهاااااااااااااااااااااااااا قبل ما ديرها وراح خارج وفي راسه تتعاود كلمة تكون تزوجت غير حل الباب حتى لقاها جاية طبطب.

ليلة سعيدة غااااالياتي حبوباتي