رواية إغتصبني زوجي جابر ونور الجزء الثاني الفصل الرابع عشر 14 كامل | بقلم يحيى مينا
تم تحديث الفصل بتاريخ 24 أبريل 2026
.
خليتها ورحت لبست وسلمت على روح وخرجت بلا منشوف عمي ولا خالتي علابالي يبداااااوني مشيت شوي برك على الدار حتى فاتت عليا لوطو رايحة جيهة الدار حتى عرفتهم 😳 ايه باينة هادو هوما هاد اللوطو رايحة لدارنا ياربي علاه مالقيتوش قاع وينتا هاد إكزاما غير ليوم بقيت نشوف فيهم حبسو عند الباب قبل ماينزلوا خرج عمي غير شفته وندور رحت نجري.
غير وصلوا عند الباب كلاكصونا عليهم حتى خرج باباها يرحب بيهم نزل باباه سلم عليه ونزل ريان سلم عليه وبدا يحطلهم في صوالح دخلوا استقبلتهم مرت باباها وجداتها وريحوا مع بعض متعارفين ويسقسوا على بعض و الرجال في الصالة يهدرو وضيفوهم وكبروا بيهم شوي وناضت جداتها انا نروح نجيبلكم ملاك وناضت راحتلها لقاتها في الكوزينة ويدها ترجف.
أترزني يا طفلة واشبيك ترجفي ماشي عرسك ليوم مراحش ياكلوك.
زيديني نتي تاني جدة راهي وحدة يدي ترجف اصبري شعري مسڨم جدة خليني نزيد نقارع شوي نور تكون كملت اكزاما تاعها قاتلي نكمله نخرج بالخف.
باغية تبهدلينا ارواحي دخلي على الناس ملي وصلوا عينيهم فالباب يقارعولك وكي تجي نور تدخل.
صحا كما تحبي هيا.
غير دخلت عليهم وقفوا للزوج سلموا عليها وريحت بيناتهم وغفران حرنت تريح غير في حجرها وتلعبلها بشعرها وهوما يسقسوا فيها وهيا حشمانة تجاوب ب الكلمة حتى نطلقت مرت باباها قلتولنا عندو غير ختوا هادي ومتزوجة ملاك وين راهي الطفلة لي قلتيلنا تقرا معاك وهيا لي خطبتك ليه.
بقات تشوف فيها ووجها حمر من الخوف ومزيرة على يديها كلمة مقالتهاش حتى نطقت نوال.
ايه صح ريان عندو غير أنا بصح الطفلة لي تقرا معاها هاديك اخت راجلي وانا لي قلتلها رانا نحوسو لخويا على عروسة وهيا لي حكاتلنا على ملاك عجبتها تربية و اخلاق وزين ما شاء الله قلتلها روحي هدري معاها في بلاصتي فهمتيني خااالتي وشافت في ملاك وغمزتلها تبسمت وهودت راسها.
امممم فهمت ما عليه اسيدي بصح مقلتولناش هادا ولدكم الصغير ياخي.
ايه الصغير.
أيا وكفاش خاوتوا لخرين ماشي متزوجين.
سكتت شوي وجاوبتها خويا لكبير مطلق عندوا طفل راه عندنا في الدار مربياتوا يما والزاوج ماشي متزوج.
ايه ربي يجيبلوا أن شاء الله.
أمين حتى سمعوا روح تبكي.
ناضت جداها نروح نجيبها هادي بنت محمد خو ملاك قلنالكم عليه هادي بنتوا الوحيدة.
ريحي جدة انا نجيبها وناضت ملاك راحت لعندها هزتها وتسلم عليها سلكتيني نفسي تقطعت داخل سقمتلها شعرها ورجعوا غير دخلت عليهم هازتها بقاو في زوج يشوفوا فيها وغايسين وشافو في بعضاهم.
ملاك تعطيهالي نسلم عليها بنتي.
حطتهالها في حجرها تسلم عليها وتشوف في نوال لي نظرتها مكانتش مختلفة على يماها.
الله يبارك عليها ربي يحفظها شابة بزاااااف كما يماها بلاك.
حتى هدرت هدرتها تنقط سم.
يماها توفات في زيدتها ،مرت محمد لي قلنالكم راهي تقرا هاديك مرت باباها.
ايه مرت باباها بصح دايرتلها خير ما دير أم لبنتها وزيد كون تشوفوها تقولو يماها تشبهلها نفس زينها.
الله يبارك ربي يخليهالكم أن شاء الله هزتها نوال تسلم عليها بقات عندهم وتضحك معاهم ومدت يديها ليماه باش ترجع عندها وهوما يضحكوا عليها كفاش لاصقة فيها.
علابالكم روح مش موالفة تقعد عند واحد تشوفه اول مرة نتوما حبتكم.
القلوب عند بعضاها الحاجة وبقاو مريحين حتى سمعو باباها يعيط عليها ملاك ملاااااااااااك ناضت خرجت عنده.
أنعم بابا.
ديري حاجة على راسك وأرواحي للصالة لازم تشوفيه وانا وباباه رانا خارجين عند اللوطو برا وقولي ليما تدخل معاك متقعديش وحدك.
دخلت ديراكت حشمت منه عيطت لجداتها وراحت دارت خمار على شعرها غير شافوهم خرجوا راحت هيا وجداتها وقفو عند الباب.
اسمعي يا طفلة اقلعي هاد الخمار علينا من فوق راك.
لالا بابا قالي ديري.
هاتي هنا علينا زعما هو مراهش شايفك برا بالخمار سيد جاي للدار بيشوف شعرك جيبيه شكون شافك ضوك كي تخرجي رجعي ديريه هاداك باباك راه عاقل على عرسي انا وجدك وقلعتتهلي وسڨمتلي شعري.
أيا روحي راني نقارعلك هنا.
متدخليش معايا.
واش ندخل ندير بيناتكم نقرالكم الفاتحة روحي عليا زعما مش في قلبك تدخلي وحدك وتهدوا تمشي امشي انا هاد الصوالح قاريتهم دا شحال.
ههههه صحا ربي يخليك ليا ياااااقلبي غير دخلت بلعت الباب ورايا كان مريح وعينيه فالباب وقف.
سلااااااام.
غولة صافا.
حمد لله وانت.
حمد لله.
ليوم راكي ملاك تاع الصح الله يبارك راكي شابة بزاف ماشي تقول نخطفك ضروك.
رياااااااااان جدة عند الباب ضوك تسمعك.
ايه زعما ندير روحي منعرفكش اوكي.
مالا كشما عندك شروط ولا حاجة تحبي تقوليهالي عمري راني هنا غير على جالك حمبوك ريحي فتنتيني.
ههههه ريان احشم صاي راك شافني علاش بتزيد تشوفني خلاص نروح منبعد نهدرو في تلفون.
سما فيها من بعد راكي قابلة ااااااي ربي صااااااي مالا ضوك ناكل حبة قاطو بوك مساع مقابلي دايرلي لونكات ملسقلي اللقمة في الحلق يا الرب وهز حبة عضها كلا نصها ومدهالها يوكل فيها قبل ماتاكلها حتى حلت الباب ودخلت.
واه يا سيدي يوكلوا في بعضاهم وقاع وقيل حسبتونا فيكسينا لادات وتحمستوا شدي ديري خمارك بوك راه دخل.
تبسموا للزوج ليها وحشمانين ناض ريان سلملها على راسها.
واشبيك تسلملي على راسي راني نبالك كبيرة قاع هاك.
ضحك بالصوت لالا انا راني حاسبك ختها برك بروحك شابة عليها.
ضحك ودارت لملاك انا صاي هادا نسيبي راني قابلة انا ويضحكوا حتى دخل عليهم غير شافته خرجت ملاك ولحقتها جداتها.
شوي وناضوا رايحين ودعوهم وقالولهم رانا نقارعوا لجوابكم وخرجوا ركبوا وراحوا.
مريح عند البحر ويشوف فيه يلعب قدامه بالبالو ويضحك مرة يطيح مرة ينوض ويتسبمله حتى يسمع في صوتها تعيط على باباها دار عندها طفلة صغيرة في عمر يزن تلعب بالرملة وتعيط بااااااباااااااتي حتى جا عندها باباها هزها في سما ويدور بيها واش خاصها أميرتي جعتي ندي بنتي تاكل ويسلم عليها صوت ضحكتها يتسمع هود راسه ويتفكر فيها كون راكي هنا يا بنتي كون راكي كيفها كون راكي تلعبي مع خوك قدامي وغمض عينيه يتفكر فيها نهار ماتت ودفنها يديه والدمعة في عينيه عمري منسيتك يا قلبي عمري منسيت أميرتي وجبد تلفونه يشوف في تصويرتها كون غير قعدتي يا سجى كون غير مخليتيش بوك ارواحي سلكيني كما موالف ديري.
حتى سمع صوته بااااباااا راح عنده واش ولدي باغي يلعبلي ماتش أدي انت مش قادر حتى ترفد روحك بتهز بالو ارواح هنا وطلع سرواله من تحت وقلع فاست حطها وهزه وبدا يلعب بالبالو ويزن فرحان شحال وبعدها حبسوا ولبس وهزوا صوالحهم وراجعين للوطو والله غير نهار واحد معاك نسيتني الدنيا نوعد ولدي غير نريقلي أموري نتلها غير لولدي ومنبعدش عليك حطه حذاه وشي حتى بدات نفسوا تتقطع ويلهث كأنو مش يتنفس ووجهه يزراق يزن جابه في حجره يشوف فيه مخلوع معرفش واش يدير.
يزن مالك حبيبي ييييزن حل عينيك واشبيه وقلع بلخف يسوق طاير للسبيطار وشاده في حجره يشوف فيه مخنوق ومش فاهم واشبيه غير وصل نزل هازه يجري دخل بيه ديراكت حمبوكم شوفوا ولدي واشبيه.
جات تجري عنده هزوه دخلوه ودخل معاه حمبوك واشبيه كان مليح وحدوا صرالو هاك واشبيه ولدي محبلش عينيه.
دارت عنده ميسيو ولدك عنده كاش مرض يشرب كاش دوا ولا يدير بخاخ موالف يصرالو هاك.
لالا معنده حتى مرض وميشرب حتى دوا مدير والو واشبيه كفاه مرض فهمني.
معليش تفضل برا ضوك نجي نقولك خرجاته برا وقعدوا معاه شوي وخرجت وحدة تجري جابت طبيب وخدوخر وهو غير واقف عند الباب وقلبه باغي يخرج من بين ضلوعه لا لا ياربي لا ولدي لا سجى وصبرت يماهم وصبرت ياربي هادا معندي متحرمنيش منه بسبته راني عايش ياربي ابتليني في صحتي وماشي فيه بقاااااا هاك حتى حس بالسطر في راسه في بلاصة الضربة قوي بزاف ومقدرش يشوف لقا مزير على يديه باش تفوت كما موالف لكن دلمرا زادت وبدا حس في راسه خلاه يفقد تركيز حتى نحس بوالواااا طاح ديراكت في لرض.
غير شافوه جاو يجروا عنده هزوه دخلوه شمبرة وخدوخرة غير شافه الطبيب شاف الضربة لي في راسه عطاه لبرا برك يتكالما شوي وبدا يفيق غير حل عينيه شافهم دايرين بيه عيط عليه ولدي ولدييي وين راه كفاش راه وناض ديراكت كما دارو باش يقعد متكسل محبش ناض ديراكت وين راه ولدي.
ولدك راه مليح تقدر تشوفه ضروك بصح.
بصح شاوالا اهدري.
هادي ماشي اول مرة تصراله هاك الطفل كانت عندوا استجابة كبيرة وسريعة الدوا كون جات اول مرة كون طول راني متأكدة بلي راه يشرب دوا عليها وصراتله من قبل وحالته لازملها متابعة طبية ملازمش تكبر معاه هاد الحالة كل ميكبر غادي تزيد والطبيبة لي شافه وعاينه راه شاك في حاجة درناله ليزاناليز كي يخرجوا نقدروا نحكموا عليه.
كككفاه هادي يشرب دوا نوالف تصراله انا ني نقولك ولدي مراهش مريض مالكي ماتفهميش وفي واش شاكر انا ولدي لباس عليه ملي زاد ممرضش حاجة لي نشكوا فيها في واش شاك زعما.
شوف يااا أخي منقدرش نقولك ضروك بلا منتأكدوا غدوى يخرجوا ليزاناليز تاعه ونعرفوا كلش وبخصوص الدوا راني متأكدة عيط ليماه خويا سقسيها بلاك انت معلابالكش اعطيني نهدر مع يماه ولا عيطلها تجي أصلا الطفل راه يعيط على يماه.
يزن راه يعيط على يماه وهود راسه شحال حاس بحرقة في صدره وتنهت وشاف فيها راه يعيط على يما هو يمااااااااه كان حاب يقولها ماتت ومقدرش يخرجها من فمه ،يماه ماشي معانا راه يعيط على يما برك نقدر ونخرجوا ضروك.
وي تقدر تديه وتتأكدلي من حكاية الدوا باش غدوى كي تخرج ليزاناليز تاعه نعرفوا شنمدوله.
صحا ختي صحيتي الله يحفظك.
وبالنسبة ليك حبيت نسقسيك على.
أنا ميهمش وعلابالي واش حابة نسقسي ونعرف علاش صرالي هاك وراني متبع عند طبيب.
أيوا هاك مليح تقدر تخرجو ضروك بالشفا عليكم وراحت.
ناض راح عنده ديراكت هزه ويسلم عليه وكلام الطبيبة كما الرصاص فات قلبه ,ركبه وراح ديراكت للدار وتخمامه غير في ليزاناليز تاع غدوى غير وصل لقا لوطو ريان عند الباب حمد لله لي رجعوا يزن ارواح ندي حبيبي عندي ميمة مزال وهازه في يديه وهو حاط راسه على كتفه ويطبطب فتح عليه ريااااااان أهلا وين كنتوا هاملين اعطيني البوقوص توحشته.
غير خليه ريان راه مريض روح نزل الصوالح من اللوطو.
واشبيه ياك خليناه مليح.
دخل الصوالح وارواح خليني ندخل ريان ني عيان وفات دخل لقا يماه ونوال مريحين في الصالة.
سلام عليكم.
أهلا مرحبا بولدي توحشته.
راح ديراكت عند يماه حطهلها في حجرها وريح حذا بوه وحاط يديه على راسه.
واشبيه وجهه صفر هاك وين كنتوا جابر واشبيه يزن شوف فيا ميمة واشبيه حبيبي.
هادا وين جينا من السبيطار يما يزن تقطع نفسه تأمني حسبته مات مارانيش قادر نوقف الفشلة حاكمتني خلعني مافهمتش واشبيه كان مليح حتى وحده صراله هاك والطبيبة قاتلي موالف.
حتى تخطفت يااااااحوجي متقوليش رجعتله تاني وسكتت كي شافت فيها نوال وباباها وريان.
كيفاااش هادي رجعتله يما حبسي حبسي علاه صراتله من قبل.
شوف جاااابر صراتله وحد 3 مرات ولا.
نااااااض ديراكت ضرب الكرسي فالباب كفااااااااه صراتله وانا معلاباليش هبلتوا متخبرونيش ولدي مريض وانا لا خبر.
ناضت نوال تجري هزت يزن وغفران خرجتهم.
يااااااولدي مبغيناش نقلقوك عليه وانت بعيد برك هادي تصرا الذراري.
كفاه تصرا يما راكم منيتكم ولدي مريض وانا كي الحمار معلاباليش والطبيبة ليوم تأكد معايا بلي صراتله قبل وبلي راه يشرب دوا عليها وانا الحمار نكذب فيها حاسب روحي نعرف كلش وانا مجايب خبر على الدنيا راكم باغيين تهبلوني والله وتصرا فيه حاجة نقتل روحي وراه يما علابالكم درتوني تحريشة الطبيبة وتحلبتلي بلي ماجايب خبر قاتلي روح جيب يماه قاتلي روح سقسي يماه قاتلي روح جيب لولدك يماه علابالكي بلي يزن كان يعيط على يماه علابالكي واش حسيت كي قاتلي جيب يماه انا لي راني معاه وعايش عندي وكان معايا مالا كي مرض عيط عليها هيا لي مشافهاش في حياته ولا يعرفها كفاه متخبرونيش يما نهبل انا نجهل عليكم قلقوني قلقوووني على ولدي معليش نهبل ولا نموت قاع خبروني وريح وحاط راسه بين يديه انا منتهناش يما انا منفرحش نهار في حياتي علاااااااااااه.
ناضت ريحت حذاه وحاطة يدها على كتفه راك حاسبه رخيس علينا حنا اااجابر نعطوه عينينا انت من مشاكل لي راك فيها وبعيد مبغيناش نخبروك قلنا حتى تجي وكنا غادي نقولولك هو عنده إلتهاي في القصبات الهوائية تجيه هاد النوبات يتقطع نفسه وراه عندنا دواه نديروهله وادا زيراته ندوه يديروله أكسجين تحسبنا نفرطوا فيه انا ولا باباك وكل مايمرض يعيط يقول ماما انا يقولي ميمة هادي ماما تعلمها من غفران كي يشوفها تقول لنوال ماما.
كملت عليه هاد الكلمة والدمعة في عينيه ناض عند التاقة وشعل ڨارو سما راكي تقوليلي مغاديش ينساها مغاديش ينسا لمرا لي رباته وخلاته عنده 8 شهر خلاته ميعقلش وميعرفش وحنا لي رانا معاه في عام بعد عليها عام كامل بلا بيها نهار لي مرض يعيط عليها يا يما وضرب يده على التاقة.
ناض ريان راح عنده جابر الطبيبة قالتلنا بلي لازم يتبع يتعالج يدير جلسات بخاخ توسع الشعب الهوائية منها أن شاء الله يريح وتتقطع عليه هاد الحالة.
وعلاه مزال مدرتوهملهش.
يما كانت خايفة عليه قالت مزاله صغير يلحق غير عامين ونداووه.
بصح انا راهم قالولي بلي الطبيب شافه ودارله ليزاناليز شاك تكون عنده كاش حاجة غدوى يخرجوا ونعرفوا كلش ونداووه ضروك قاتلي متخلوهاش تكبر معاه.
كفاه شاك في حاجة على هادي ولا حاجة وخدوخرة والله معلابالي ريان معلاباليش حمبوكم خلوني وخرج راح طلع ديراكت لفوق.
غير كملت اكزاما كنت بنخرج نروح قلت نلحق عليهم عيطليي محمد قالي متتحركيش حتى تكملي شعندك قراية في هاديك لعشية قعدت حتى كملت وخرجت راجعة للدار بالزربة غير وصلت حلت عليا خالتي إستقبلتني كما العادة بالهدرة المسمومة وانا كنت مقلقة لأني مخدمتش في اكزاما ومحضرتش لاول مرة نجاوبها.
أهلا بالسلطانة لالة مولاتي كون زدتي بايتة برا علاش رجعني ضوك ولا كنتي دوري برا تقارعيلي نكمل نلايم ونخدم خدمتك وين كنتي هاملة.
رااااااجلي علاباله وين كنت وعمي علاباله وين كنت مالا وخدوخر معنده ممدخله فيا وادا راكبك الهم غير من شغل الدار هاداك غير وسخ يدين نديره مغمضة بروحي مانيش تاكلة عليك تقدري تروحي تحكمي شمبرتك كما عوايدك حتى نعيطلك تاكلي وتروحي وآخر مرة تتلاقايني هاك خير متشوفي نور متعرفيهاش ونولوا نتحاسبوا على كلش في تالي متنسايش بلي للزوج رانا هنا كناين في الدار الواجب لي عليا عليك والحق لي ليك ليا صاي ودخلت وخليتها حالة فمها مأمنتش واش سمعت حتى انا ومأمنتش واش قلت وعلابالي مغاديش تفوتهالي هاك رحت ديراكت عند جدة لقيت روحي تعاودلها في هدرتي لي قلتها لخالتي وفرحانين.
راني جيت غير شافتني روح ناضت تعيط ماما وجات عندي هزيتها عنقتها وريحت.
هاك تعجبيني كي تدي حقك ومتسكتيش حمد لله لي جاب ربي لي يفرجني فيها.
والله هيا وصلتني جدة كل يوم تتبلاني معليش احكيولب المفيد واش صرا ملول التالي لوطوهم هاديك النوار فاتت عليا كي كنت رايحة شابة احكولب احكولي.
ناضت ملاك توريني واش جابولها بوات معمرة شيكولة وبلا تمر وطارت كبيرة وبوكي ورد شباب وسلة معمرة فاكهة من كلش و فوقها علبة مخلطة فيها كل المكسرات.
امممم ياعمري باينة فيهم الهمة والشان مالا واش درتوا.
حكاولي كلش من لول للتالي وحنا تاكلو ونضحكوا بعدها ناضت جدة قسمت كلش ورسلت للجيران وملاك باين فيها عصافير الحب في عينيها يدوروا وحسيت حتى يماه وختوا عجبوها.
نضت بدلت وتوضيت صليت ورحت ديراكت ندير فلعشا وملاك عندي غير تحكيلي وتلعب مع روح حتى عيطلي محمد يسقسي واش صرا حكيتلوا كما حكاولي وقالنا غدوى راني جاي باش يسقسي عليهم ويشوفهم قبل مايرجعولهم خبر معلاباليش علاش خفت وتقلقت كي قالي نجي غدوى.
قعد مريح شحال لفوق وحده ويخمم بعدها دخل دوش وهود عندهم لقاهم في كوزينة نوال دير فلعشا ويماه حاطة ساشيات لي شراهم ليززن وتشوف فيهم وتجبد ليزن في الالعاب لي شراهمله دخل هزه وريح معاهم.
واش راكم ديروا واش راه يدير الحاج ابراهيم.
جابر علاش تشريله كامل هاد اللبسات راه عنده ريان كل ميخرج يشريله وهو راه يكبر بلخف ضوك كامل ميلبسهمش.
معليش يما انا معرفتش نشريله ديته لي حط عليها يده جبتها وصاي وزادت لي تخدم تما لي قاتلي تجي عليه قلتلها ديريها وناض جبد زوج ساشيات كانوا بجيهة مزال مشفتوش هادو نتوما.
دارو كامل عنده واش هادا.
حل الساشيات وجبد غوب برانساس صغيرة بيضاء تهبل معاها صباط صغير هادي للأميرة تاعي وجبدلها تاج من ساشي وخدوخرة ومدهم لنوال يشوفوا فيها وفرحانين
وجبد كوستيم كلاسيك صغير مع صباطه وهادا لولدي باش يجي شباب على عمه في الخطبة وتشوفه لعروسة تبطل عليه.
بداو يضحكوا كامل ومريحين فرحانين نوال ويماها يلبسو في غفران وريان يلبس في يزن حتى صونا تلفونه ريبوندا تمتم.
وي.
تهدر وتبكي جااااااااااابر.
يتبع ليلة سعيدة غااااالياتي حبوباتي
قراءة رواية إغتصبني زوجي جابر ونور الجزء الثاني الفصل الخامس عشر 15 كامل | بقلم يحيى مينا
استعد لمزيد من الأحداث في رواية إغتصبني زوجي جابر ونور الجزء الثاني الفصل الرابع عشر 14 كامل بالفصل التالي.
رواية إغتصبني زوجي كاملة أون لاين
كل ما تبحث عنه من فصول رواية إغتصبني زوجي متوفر هنا بشكل منظم.
كل ما كتبه يحيى مينا
اكتشف أفضل أعمال الكاتب يحيى مينا الأدبية كاملة.
