رواية إغتصبني زوجي جابر ونور الجزء الثاني الفصل الثالث عشر 13 كامل | بقلم يحيى مينا
تم تحديث الفصل بتاريخ 24 أبريل 2026
نضت الصباح بكري توضيت صليت ولبست خليت روح مازالها راقده وخرجت وجدت قهوه رحت عند جده لقيتها نايضه كيما العاده قدامي صباح النور جدة علاش نايضة بكري.
صباح النور حبيبتي صليت الفجر ومجانيش رقاد بعدها نتي تقراي ليوم.
ايه نقرا بصح مش حابة نروح لازم نوجدوا لضياف ملاك.
ايه ربي يخليكم لبعض كون جات يماه هنا كون راهي توجدلها.
علاش انا وين رحت زعما راح نقص عليها كاش حاجة جدة هادي ختي غادي نوجدلها كلش ونوقف معاها حتى ومغاديش نعوض بلاصة يماهل بصح منخليهش أحتاج حاجة.
ربي يخليك لينا نور ربي عوضنا بيك علابالك تفكريني في يماه والله قلبك الطيب ورزانتك صبرك حشمتك كلش حتى لضروك فهمت علاش محمد خيرك.
أمين حبيبتي ويخليكم ليا انا نروح نوض لعروسة تتقهوا معانا ونبداو نوجدوا ،خرجت رحت ديراكت عندها لقيتها نايضة ومتكسلة في بلاصتها.
صباح النور عروستنا ناضت بكري ليوم على غير العادة.
صباح النور علاش انا رقدت أصلا.
هههههههه وقيل بايتة تخممي في العرس.
خايفة نور والله خايفة نقبل ونندم ولا نرفض ونندم كتر وزاد خايفة كي كذبت على بابا قتلو ختو خطبتني بصح هو معندوش ختوا تقرا قاع.
ربي ميكتبلش حاجة لي تشقيك ملاك ولا تخليك تندمي صلي صلاة الإستخارة وادا كان مكتوبك غادي يهنيك وادا كان فيه شر ليك ربي يبعده عليه وعلى الكذبة هادي نورمال متخميش نقولو لعمي بنت عمو ولا بنت خالو وصاي مهم نوضي ضروك تقهواي دوشي روحي لشمبرتي بارح جبدتلك وحد لبغوب شابين خيري منهم حاجة تلبسيها انا ني لاهية ضروك.
صحا حبيبتي تعيشي راني جاية.
خرجت من عندها حتى تلاقيته داخل الكوزينة.
صباح الخير عمي.
صباح النور.
قهوتك واجدة راني جاية نحطلك.
صحا وجبد كرسي وريح حتى دخلت.
خلي عليك مزالني حية وبصحتي ونقوم براجلي بعدي عليا وفاتت حطتلوا القهوة وريحت تتقهوا معاه.
وانا هزيت بلا ورايحة عند جدة حتى حبسني.
سمعي متوجدوا والو نتوما ضوك نروح نجيبلكم قاطو واجد والفاكية وكلش خبروني برك شا نجيب حاجة متنقصوهاش كلش يكون من أحسنوا.
علاش تشقي روحك حمد راهي غير قاعدة هيا دير زعما نديروا مع بعض.
هدرت صاي.
صحا عمي كما تحب وخرجت رحت حطيت تقهويت انا وجدة وملاك حتى سمعت روح تبكي نضت رحتلها غسلتلها ولبستها ودرتلها حليب وجبتها خليتها عند جدة ونضت سيقت كلش وفرشت صالة الرجال وشومبرة جدة للنسا لقيت ملاك خرجت من الدوش وتنشف في شعرها.
خالتي خبرتي عمي، بكلش واش نحتاجو.
ايه خبرتوا فرحتي كي لقيتي كلش واجد وقيل حنا عندنا نديرو مدلوك باغية عمك يشريه وقيل.
صحا خالتي معليه ضوك نديرو وندير تحلية تاني.
ايوا واش راكي تقارعي ابداي وانا ندير عليك لفطور.
وجدت كلش جابلنا عمي كل خير ووجدت طابلة الرجال في الصالة فيها كلش خليت برك صوالح لي يتسرباو كي يجو ومحمد كل شوي يعيطلنا يسقسي ادا.
كشما حاجة تخصنا حسيتوا متمني يحضر غير كوبيت من عندوا حتى عيطتلي صحبتي تقرا معايا.
صابرين خبرتك البارح منجيش نقرا ليوم عندنا ضياف.
نور قرينا الصباح و قالنا البروف عشية نديرلكم إكزاما مكاش كفاش متحضريش.
قوليلي بلي راكي تزاعقي حمبوك ماشي ليوم.
والله العظيم على 2 عليها راني من صباح نعيطلك.
منقدرش نجي علابالكي.
نور انا خبرتك نتي تعرفي وكوبات.
ريحت ونخمم ياربي كي ندير ضروك علاه لازم انا دايمن نتحط في موقف هاك ياربي علاش.
حتى جات عندي ملاك نور انا عجبتني هاد الغوب واش رايك.
ياعمري جيتي تهبلي حبيبتي ما شاء الله عليك.
واشبيك نور وجهك أصفر.
ملاك عندي اكزاما على 2 مكاش كفاش منروحش.
ألا متقوليهاش تعيشي كفاش علاه مكانش علابالك.
ليوم برك قالهم.
شفتي نور شفتي هادا قاع من زهري لمعوج بصح معليش حبيبتي قرايتك أهم نورمال حبيبتي روحي متخمميش والله أصلا كلش وجدتيهلي ربي يحفظك كاش حاجة تكملها خالتي راكي عارفة بابا راه فوق راسها سما مدير والو.
سمحيلي ملاك حبيبتي والله حبيت نكون معاك بصح راكي عارفة وزاد ني خايفة من عمي ميخلينيش.
نور انا ونتي نعرفوا الموتباس تاع عمك ارواحي تشو وهزت تلفوني وعيطت لمحمد.
محمد صافا حبيبي.
كشما يخصك ملاك.
لالا مخصني والو انا بصح نور عندها اكزاما ليوم ومش حابة تروح علاجالي وخايفة من بابا.
منيتك مخبرتنيش انا بلي عندها اكزاما.
داوين خبروها هيا تاني.
جوزيهالي ملاك.
صحا هاي ليك.
وعطاتني تلفون وي محمد.
كفاش هادي مش رايحة تفوتي اكزاما راكي تحرشي بيا نتي.
لالا بصح.
قتلك ألف مرة كي تكون الحرب تروحي لقرايتك فهمتي مكاش وقت نور مكاش فرصة غير هادي متخصريش كلش بنيناه صاي ضوك نهدر مع بابا كي نعيطلك الابال الجاية نلقاك رحتي مفهوم وكوبا.
وصلتيني سمعت الهدرة.
وله تستاهلي كفاش ضيعي مستقبلك وتعبك على جالي.
صحا ارواحي نفطروا باش نوجدك هاديك هيا يلحق الوقت.
///
فطن الصباح نايض روطار على حس في الدار لقا يزن مزاله راقد على ذراعه وحش بالسطر في كتفه من الجرح نفس الجيهة لي راقد فيها يزن سلم عليك وتبسم وقيل عجبك الرقاد هنا تبغي الحنانة كيفها بصح هادي بلاصتها هيا جيهة قلبي ارواح ندير ولدي في بلاصته وهزه وحطه في الحياة اليمنى هادي بلاصة ولدي نتايا ذراعي ليمن بيك راني واقف ونقابل ويشوف فيه ويتأمل فيه نفس بيوضية تاعها شعره طابح على عينيه وشاتان نفس لون شعرها يشبهلها في كلش سلم عليه ويشم في شعره حتى ريحتك كيفها كيفاش باغيين ننساها ووريحتها بين يديا حتى شافه حل عينيه تبسم حمد لله لي فيك حاجة كيفي اسيدي معليش عينيك برك صباح النور لأسدي نوض عليا راك ثقيل قتلتني نوض وهزه وبدا يلعب معاه وهو يضحك بالصوت حتى دخلت عليهم.
صباح النور جابر.
صباح النور نوال واش هاد الحس كاين ضياف في الدار.
مكان حتى واحد غير يما راك عارف متحمسة زيادة عن اللزوم شوي تقول ليوم عندنا عرس ماشي خطبة ناضت من الفجر راها دور في الدار تقول نوجد مفهمناش واش توجد ههههههههه.
معليش خلينا راهي فرحانة مسكينة مشافت منا غير التعب أن شاء الله ريان يعوضها ويفرحها.
جاااابر أن شاء الله كامل نفرخوا بيكم حبيبي كي يخرج غيث تاني نزوجوه وبعدها انت تاني تكمل حياتك حبيبي دنيا متحبس عند حتى واحد وربي خلق النسيان ولي خلقها خلق خير منها وانت تستاهل كل خير.
ناض عينيه حمرين ومدلها يزن نوال عندي انا دنيا حبست والنسيان معنديش وعندي مكاش لي خير منها ومنأمن لا فيها لا في غيرها انا حاجة اسمها مرأة وزواج محيتها من حياتي حمد لله ولد وراه عندي، بنت وعندي الله يرحمها كي راني نتوحشها نروح لقبرها هادي دنيتي ختي ومتعاودش هدرتي.
جابر ويزن واش ذنبه يتربى بلا أم على الأقل على جاله.
نوال خرجي من هاد البيبان بتكلخيني زعما مرت بوه غادي تبغيه كتر منكم نتي ويما حمبوك خليني مع الصباح وخرج طلع ديراكت لفوق لبس وهود عندهم صباح الخير يما واش كاين واشبيك تعيطي.
الموصيبة تاع خوك مزال ماناض قالي مرقدتش بكري منعرف واش بايت يدير ادا.
مرقدش باش يروح يجيب بياس مونتي ويشري صوالح لي دايينهم مبقاش حال.
يما مزال الحال معليه خليه، اعطيني نستقهوا وانا نروح نشريلكم كلش واش نجيب خبريني برك وبابا وين راح ماشي مغاديش يخدموا ليوم.
عيشك ولدي ريح نحطلك تقهوا، باباك راح هنا برك يشوف في جارنا عمك سليمان راه مريض بزاف مسكين كل يوم يروحله باباك.
ألا نسيته قاع علابالكي مزيا فكرتيني من بعد نروحله تقهوا وخبروه واش يجيب وخرج ديراكت.
غير رجع للدار لقاهم يفطروا.
ريح ولدي تاكل معانا.
لالا يما مزال الحال منفطرش ضروك.
ايه ولدي حطينا بكري باش نروحو عندنا طريق راك عارف.
ايه يما علابالي ارواحوا شوفوا الصوالح ادا ناقصة كاش حاجة نجيبهالكم.
ناضت يماه ونوال شافوا كلش.
يعطيك الصحة ولدي مخصنا والو بالزيادة ماشي كما هاد الدابة ملي ناض من الرقاد دوش ولبس وقاعد واقف كي تمثال مدارش حاجة.
واش يما حابتني نغسلك الماعين ولا نسيق واشبيك متحمسة هاك تقول نتي جايينك الخطابة.
ضربته لكتفه أستعقل منعرف علاه باغيين نحصلو بنت الناس في بغل كيفك احشم.
وهو مريح يشوف فيهم ويتبسم حتى جابتله نوال يزن.
جابر راني غسلتله وكلته وهاهو حليبه ادا بكا عليك شربه كي يعيا يرقد وحده.
صحا متخميش راني خارج ضروك غادي نديه معايا ديريله صوالحه في صاكادو تاعه أيا طريق السلامة تهلاو كاش حاجة عيطولي.
جابر تهبدلا في ولدي وقلشه كي نجي راه يحكيلي كلش.
ههه خلاص يما كوني هانية وهزه وهز صاكادو تاعه وخرج ركب وحطه حذاه دارله سبتة وقلع.
بعده وجدوا الصوالح ولبست يماه ونوال ولبست بنتها وخرجوا وخرجوا قلعوا ريان تعرف دارهم وين.
ايه بابا نعرف نعرف وهز تلفونه ورسلها مساج غولة رانا قلعنا وجدي روحك شوي وريبونداتله مرحبا بيكم طريق السلامة رد بالك في الطريق.
تبسم ويكتب.
متخافيش منموتش قبل منتزوجك.
حتى عيطت عليه يماه من وراه اااااااه اااااااه يا السي محمد ريقل روحك باغي تقتلنا حط هاد التلفون أصلا معامن راك تهدر وتضحك درس العقل راهي تبان.
خلاص يما راني حطيته.
كامل ضحكوا عليه كي حشم.
وجدت كلش ولبست روح لقيت ملاك لبست غوب بيضاء سامبل فيها بروش عند الخصر ومن تحت لارج جاتها تهبل مع طاي تاعها كوافيتلها شعرها وطلقاته يوصل لنص ضهرها ودرتلها مكياج سامبل.
ياااعمري جيت تهبلي ملاك ما شاء الله عليك.
زعما صح راح نعجبهم.
تهبليهم منيتك كيما عجبتي ولدهم تعجببهم.
ههههه أيا صاي نوضي لبسي وروحي راكي روطار والله يقتلنا محمد.
خلاص راني رايحة روحي هدري كام مع خوك باغي يشوفك.
خليتها ورحت لبست وسلمت على روح وخرجت بلا منشوف عمي ولا خالتي علابالي يبداااااوني مشيت شوي برك على الدار حتى فاتت عليا لوطو رايحة جيهة الدار حتى عرفتهم
قراءة رواية إغتصبني زوجي جابر ونور الجزء الثاني الفصل الرابع عشر 14 كامل | بقلم يحيى مينا
تابع مشوار رواية إغتصبني زوجي جابر ونور الجزء الثاني الفصل الثالث عشر 13 كامل عبر الفصل التالي الآن.
رواية إغتصبني زوجي كاملة بدون اختصار
رواية إغتصبني زوجي كاملة بدون نقص أو حذف لأي فصل.
أقوى روايات يحيى مينا
تصفح روايات يحيى مينا الكاملة المرتبة حسب الفصول.
